[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmandapurana](https://indike.org/pramana/in.purana.brahmanda) › 2.63 # Brahmandapurana 2.63 Brahmāṇḍapurāṇa 2.63 - **Language:** Sanskrit ## Contents - [2.63.216](https://indike.org/pramana/in.purana.brahmanda.2.63.216) — 1 part ### [2.63.1](https://indike.org/pramana/in.purana.brahmanda.2.63.1) sūta uvāca kukudminanastu taṃ lokaṃ raivatasya gatasya ha / tdṛtā puṇyajanaiḥ sarvā rākṣasaiḥ sākuśasthalī // ### [2.63.2](https://indike.org/pramana/in.purana.brahmanda.2.63.2) tadvai bhrātṛśataṃ tasya dhārmikasya mahātmanaḥ / nibadhyamānaṃ nārācairvidiśaḥ prādravadbhayāt // ### [2.63.3](https://indike.org/pramana/in.purana.brahmanda.2.63.3) teṣāṃ tu tadbhayakrāntakṣatriyāṇāṃ ca vidrutām / anvavāyastu sumahāṃstatra tatra dvijottamāḥ // ### [2.63.4](https://indike.org/pramana/in.purana.brahmanda.2.63.4) śāryātā iti vikhyātā dikṣu sarvāsu dharmikāḥ / dhṛṣṭasya dharṣṭikaṃ sarvaṃ raṇadhṛṣṭaṃ babhūva ha // ### [2.63.5](https://indike.org/pramana/in.purana.brahmanda.2.63.5) trisāhasraṃ tu sa gaṇaḥ kṣatriyāṇāṃ mahātmanām / nabhagasya ca dāyādo nābhādo nāma vīryavān // ### [2.63.6](https://indike.org/pramana/in.purana.brahmanda.2.63.6) aṃbarīṣastu nābhāgirvirūpastasya cātmajaḥ / pṛṣadaśvo virūpasya tasya putro rathītaraḥ // ### [2.63.7](https://indike.org/pramana/in.purana.brahmanda.2.63.7) ete kṣatraprasūtā vai punaścāṅgirasaḥ smṛtāḥ / rathītarāṇāṃ pravarāḥ kṣetropetā dvijātayaḥ // ### [2.63.8](https://indike.org/pramana/in.purana.brahmanda.2.63.8) kṣuvatastu manoḥ pūrvamikṣvākurabhiniḥsṛtaḥ / tasya putraśataṃ tvāsīdikṣvākorbhūridakṣimam // ### [2.63.9](https://indike.org/pramana/in.purana.brahmanda.2.63.9) teṣāṃ śreṣṭho vikukṣistu nimirdaṇḍaśca te trayaḥ / śakunipramukhāstasya putrāḥ pañcāśatastu te // ### [2.63.10](https://indike.org/pramana/in.purana.brahmanda.2.63.10) uttarāpathadeśasya rakṣitāro mahīkṣitaḥ / catvāriṃśattathāṣṭau ca dakṣiṇasyāṃ tu vai diśi // ### [2.63.11](https://indike.org/pramana/in.purana.brahmanda.2.63.11) virāṭapramukhāste ca dakṣiṇāpatharakṣiṇaḥ / ikṣvākustu vikukṣiṃ vai aṣṭakāyāmathā diśat // ### [2.63.12](https://indike.org/pramana/in.purana.brahmanda.2.63.12) rājovāca / māṃsamānaya śrāddhe tvaṃ mṛgānhatvā mahābala / śrāddhaṃ mama tu karttavyamaṣṭakānāṃ na saṃśayaḥ // ### [2.63.13](https://indike.org/pramana/in.purana.brahmanda.2.63.13) sa gato mṛgayāṃ caiva vacanāttasya dhīmataḥ / mṛgānsahasrakānhatvā pariśrāntaśca vīryavān // ### [2.63.14](https://indike.org/pramana/in.purana.brahmanda.2.63.14) bhakṣayacchaśakaṃ tatra vikukṣirmṛgayāṃ gataḥ / āgate hi vikukṣai tu samāṃse mahasainike // ### [2.63.15](https://indike.org/pramana/in.purana.brahmanda.2.63.15) vasiṣṭhaṃ codayāmāsa māṃsa prokṣayatāmiti / tatheti codito rājñā vidhivattadupasthitam // ### [2.63.16](https://indike.org/pramana/in.purana.brahmanda.2.63.16) sa dṛṣṭvopahataṃ māṃsaṃ kruddho rājānamabravīt / anenopahataṃ māṃsaṃ putreṇa tava pārthiva // ### [2.63.17](https://indike.org/pramana/in.purana.brahmanda.2.63.17) śaśabhakṣādaduṣṭaṃ vai naiva māṃsaṃ mahādyute / śaśo durātmanā pūrvamamanā bhakṣito 'nagha // ### [2.63.18](https://indike.org/pramana/in.purana.brahmanda.2.63.18) tena māṃsamidaṃ duṣṭaṃ pitṝṇāṃ nṛpasattama / ikṣvākustu tataḥ kruddho vikukṣimidamabravīt // ### [2.63.19](https://indike.org/pramana/in.purana.brahmanda.2.63.19) pitṛkarmaṇi nirdiṣṭo mayā ca mṛgayāṃ gataḥ / śaśaṃ bhakṣayase 'raṇye nirghṛṇaḥ pūrvamadya tu // ### [2.63.20](https://indike.org/pramana/in.purana.brahmanda.2.63.20) tasmātparityajāmi tvāṃ gaccha tvaṃ svena karmaṇā / evamikṣvākuṇā tyakto vasiṣṭhavacanātsutaḥ // ### [2.63.21](https://indike.org/pramana/in.purana.brahmanda.2.63.21) ikṣvākausaṃsthite tasmiñchaśādaḥ pṛthivīmimām / prāptaḥ paragadharmātmā sa cāyodhyādhipo 'bhavat // ### [2.63.22](https://indike.org/pramana/in.purana.brahmanda.2.63.22) tadākarotsa rājyaṃ vai vasiṣṭhaparinoditaḥ / tatastenainasā pūrṇo rājyāvastho mahīpatiḥ // ### [2.63.23](https://indike.org/pramana/in.purana.brahmanda.2.63.23) kālena gatavānso 'tha śakṛnmūtrataraṅgitam / jñātvaivametadākhyānaṃ nā vidhirbhakṣayedbudhaḥ // ### [2.63.24](https://indike.org/pramana/in.purana.brahmanda.2.63.24) māṃsabhakṣayitāmutra yasya māṃsamihādmyaham / etanmāṃsasya māṃsatvaṃ pravadanti manīṣiṇaḥ // ### [2.63.25](https://indike.org/pramana/in.purana.brahmanda.2.63.25) śaśādasya tu dāyādaḥ kakutstho nāma vīryavān / indrasya vṛṣabhūtasya kakutstho jayate purā // ### [2.63.26](https://indike.org/pramana/in.purana.brahmanda.2.63.26) pūrvamāḍībake yuddhe kakutsthastena saṃsmṛtaḥ / anenāstu kakutsthasya pṛthuścānena sa smṛtaḥ // ### [2.63.27](https://indike.org/pramana/in.purana.brahmanda.2.63.27) dṛṣadaśvaḥ pṛthoḥ putrastasmādandhrastu vīryavān / andhrāttu yuvanāśvastu śāvastastasya cātmajaḥ // ### [2.63.28](https://indike.org/pramana/in.purana.brahmanda.2.63.28) jajñe śrāvastako rājā śrāvastī yena nirmitā / śrāvastasya tu dāyādo bṛhadaśvo mahāyaśāḥ // ### [2.63.29](https://indike.org/pramana/in.purana.brahmanda.2.63.29) bṛhadaśvasutaścāpi kuvalāśva iti śrutaḥ / yastu dhundhuvadhādrājā dhundhumāratvamāgataḥ // ### [2.63.30](https://indike.org/pramana/in.purana.brahmanda.2.63.30) ṛṣaya ūcuḥ dhundhorvadhaṃ mahāprājña ghotumicchāma vistarāt / yadarthaṃ kuvalāśvasya dhundhumāratvamāgatam // ### [2.63.31](https://indike.org/pramana/in.purana.brahmanda.2.63.31) sūta uvāca kuvalāśvasya putrāṇāṃ sahasrāṇyekaviṃśatiḥ / sarve vidyāsu niṣṇātā balavanto durāsadāḥ // ### [2.63.32](https://indike.org/pramana/in.purana.brahmanda.2.63.32) babhūvurdhārmikāḥ sarve yajvāno bhūridakṣiṇāḥ / kuvalāśvaṃ mahāvīryaṃ śūramuttamadhārmikam // ### [2.63.33](https://indike.org/pramana/in.purana.brahmanda.2.63.33) bṛhadaśvo hyabhyaṣiñcattasminrājye narādhipaḥ / putrasaṃkrāmitaśrīstu vanaṃ rājā viveśa ha // ### [2.63.34](https://indike.org/pramana/in.purana.brahmanda.2.63.34) bṛhadaśvaṃ mahārājaṃ śūramuttamadhārmikam / prayāsyantamutaṅkastu brahmarṣiḥ pratyavārayat // ### [2.63.35](https://indike.org/pramana/in.purana.brahmanda.2.63.35) uttaṅka uvāca bhavatā rakṣaṇaṃ kāryaṃ tattāvatkarttumarhati / nirudvignastapaschartuṃ na hi śakro 'pi pārthiva // ### [2.63.36](https://indike.org/pramana/in.purana.brahmanda.2.63.36) mamāśramasamīpeṣu merorhi paritastu vai / samudro vālukāpūrṇastatra tiṣṭhati bhūpate // ### [2.63.37](https://indike.org/pramana/in.purana.brahmanda.2.63.37) devatānāmavadhyastu mahākāyo mahābalaḥ / antarbhūmigatastatra vālukāntarhito mahān // ### [2.63.38](https://indike.org/pramana/in.purana.brahmanda.2.63.38) rākṣasasya madhoḥ putro dhundhurnāma mahāsuraḥ / śete lokavināśāya tapa āsthāya dāruṇam // ### [2.63.39](https://indike.org/pramana/in.purana.brahmanda.2.63.39) saṃvatsarasya paryante sa niśvāsaṃ vimuñcati / yadā tadā mahī tatra calati sma sakānanā // ### [2.63.40](https://indike.org/pramana/in.purana.brahmanda.2.63.40) tasya niśvāsavātena raja uddhūyate mahat / ādityapathamāvṛtya saptāhaṃ bhūmikaṃpanam // ### [2.63.41](https://indike.org/pramana/in.purana.brahmanda.2.63.41) savisphuliṅgaṃ sajvāraṃ sadhūmamatidāruṇam / tena rājanna śaknomi tasminsthātuṃ sva āśrame // ### [2.63.42](https://indike.org/pramana/in.purana.brahmanda.2.63.42) taṃ vāraya mahābāho lokānāṃ hitakāmyayā / tejaste sumahadviṣmustejasāpyāyayiṣyati // ### [2.63.43](https://indike.org/pramana/in.purana.brahmanda.2.63.43) lokāḥ svasthā bhavantvadya tasminvinihate sure / tvaṃ hi tasya vadhārthāya samarthaḥ pṛthivīpate // ### [2.63.44](https://indike.org/pramana/in.purana.brahmanda.2.63.44) viṣṇunā ca varo datto mama pūrva yato 'nagha / na hi dhundhurmahāvīryastejasālpena śākyate // ### [2.63.45](https://indike.org/pramana/in.purana.brahmanda.2.63.45) nirdagdhuṃ pṛthivīpālairapi varṣaśatairapi / vīryaṃ hi sumahattasya devairapi durāsadam // ### [2.63.46](https://indike.org/pramana/in.purana.brahmanda.2.63.46) evamuktastu rājarṣiruttaṅkena mahātmanā / kuvalāśvaṃ tu taṃ prādāttasmin dhundhunivāraṇe // ### [2.63.47](https://indike.org/pramana/in.purana.brahmanda.2.63.47) bhagavannyastaśasbho 'hamayaṃ tu tanayo mama / bhaviṣyati dvijaśreṣṭha dhundhumāro na saṃśayaḥ // ### [2.63.48](https://indike.org/pramana/in.purana.brahmanda.2.63.48) sa tamādiśya tanayaṃ dhundhumāgṇamacyutam / jagāma sa vanāyaiva tapase śaṃsitavrataḥ // ### [2.63.49](https://indike.org/pramana/in.purana.brahmanda.2.63.49) kuvalāśvastu dharmātmā piturvacanamāśritaḥ / sahakrairekaviṃśatyā putrāṇāṃ saha pārthivaḥ // ### [2.63.50](https://indike.org/pramana/in.purana.brahmanda.2.63.50) prāyāduttaṅkasahito dhundhostasya nivāraṇe / tamāviśattato viṣṇurbhagavānsvena tejasā // ### [2.63.51](https://indike.org/pramana/in.purana.brahmanda.2.63.51) uttaṅkasya niyogāttu lokānāṃ hitakāmyayā / tasminprayāte durdharṣe divi śabdo mahānabhūt // ### [2.63.52](https://indike.org/pramana/in.purana.brahmanda.2.63.52) adya prabhṛtyeṣa nṛpo dhundhumāro bhaviṣyati / divyaiḥ puṣpaiśca taṃ devāḥ saṃmatātsamavākiran // ### [2.63.53](https://indike.org/pramana/in.purana.brahmanda.2.63.53) devadundubhayaścaiva praṇedurhi tadā bhṛśam / sa gatvā puruṣavyāghrastanayaiḥ saha vīryavān // ### [2.63.54](https://indike.org/pramana/in.purana.brahmanda.2.63.54) samudraṃ khānayāmāsa vālukāpūrṇamavyayam / tasya putraiḥ khanadbhiśca vālukāntarhitastadā // ### [2.63.55](https://indike.org/pramana/in.purana.brahmanda.2.63.55) dhundhurāsāditastatra diśamāśritya paścimām / mukhajenāgninā kruddho lokānudvartayanniva // ### [2.63.56](https://indike.org/pramana/in.purana.brahmanda.2.63.56) vāri susrāva cogena mahodadhirivodaye / somasya so 'suraśreṣṭho dhārormikalilo mahān // ### [2.63.57](https://indike.org/pramana/in.purana.brahmanda.2.63.57) tasya putrāstu nirdagdhāstraya urvaritā mṛdhe / tataḥ sa rājātibalo rākṣasaṃ taṃ mahābalam // ### [2.63.58](https://indike.org/pramana/in.purana.brahmanda.2.63.58) āsasāda mahātejā dhundhuṃ bandhunibarhaṇam / tasya vārimayaṃ vegamapi vatsa narādhipaḥ // ### [2.63.59](https://indike.org/pramana/in.purana.brahmanda.2.63.59) yogī yogena vahniṃ ca śamayāmāsa vāriṇā / nirasyantaṃ mahākāyaṃ balenodakarākṣasam // ### [2.63.60](https://indike.org/pramana/in.purana.brahmanda.2.63.60) uttaṅkaṃ darśayāmāsa kṛtakarmā narādhipaḥ / uttaṅkaśca varaṃ prādāttasmai rājñe mahātmane // ### [2.63.61](https://indike.org/pramana/in.purana.brahmanda.2.63.61) dadataścākṣayaṃ vittaṃ śatrubhiścāpya dhuṣyatām / dharme ratiṃ ca satataṃ svarge vāsaṃ tathākṣayam // ### [2.63.62](https://indike.org/pramana/in.purana.brahmanda.2.63.62) putrāṇāṃ cākṣayāṃllokānsvarge ye rakṣasā hatāḥ / tasya putrāstrayaḥ śiṣṭā dṛḍhāśvo jyeṣṭha ucyate // ### [2.63.63](https://indike.org/pramana/in.purana.brahmanda.2.63.63) bhadrāśvaḥ kapilāśvaśca kanīyāṃsau tu tau smṛtau / dhaindhumārirdṛḍhāśvaśca haryaśvastasya cātmajaḥ // ### [2.63.64](https://indike.org/pramana/in.purana.brahmanda.2.63.64) haryaśvasya nikuṃbho 'bhūtkṣātradharmarataḥ sadā / saṃhatāśvo nikuṃbhasya suto raṇaviśāradaḥ // ### [2.63.65](https://indike.org/pramana/in.purana.brahmanda.2.63.65) kṛśāśvaścākṛtāśvaśca saṃhatāśvasutāvubhau / tasya patnī haimavatī satī mātā dṛṣadvatī // ### [2.63.66](https://indike.org/pramana/in.purana.brahmanda.2.63.66) vikhyātā triṣu lokeṣu putraścāsya prasenajit / yuvanāśvasutastasya triṣu lokeṣu viśrutaḥ // ### [2.63.67](https://indike.org/pramana/in.purana.brahmanda.2.63.67) atyantadhārmikā gaurī tasya patnī pativratā / abhiśastā tu sā bhartrā nadī sā bāhudā kṛtā // ### [2.63.68](https://indike.org/pramana/in.purana.brahmanda.2.63.68) tasyāstu gaurikaḥ putraścakravartī babhūva ha / māndhātā yauvanāśvo vai trailokyavijayī nṛpaḥ // ### [2.63.69](https://indike.org/pramana/in.purana.brahmanda.2.63.69) atrāpyudāharantīmaṃ ślokaṃ paurāṇikā dvijāḥ / yāvatsūrya udayate yāvacca pratitiṣṭhati // ### [2.63.70](https://indike.org/pramana/in.purana.brahmanda.2.63.70) sarvaṃ tadyauvanāśvasya māndhātuḥ kṣetramucyate / tasya caitrarathī bhāryā śaśabindoḥ sutābhavat // ### [2.63.71](https://indike.org/pramana/in.purana.brahmanda.2.63.71) sādhvī bindumatī nāma rūpeṇāpratimā bhuvi / pativratā ca jyeṣṭhā ca bhātṝṇāmayutasya sā // ### [2.63.72](https://indike.org/pramana/in.purana.brahmanda.2.63.72) tasyāmutpādayāmāsa māndhātā trīnsutanprabhuḥ / purukutsamaṃbarīṣaṃ mucukundaṃ ca viśrutam // ### [2.63.73](https://indike.org/pramana/in.purana.brahmanda.2.63.73) aṃbarīṣasya dāyādo yuvanāśvo 'paraḥ smṛtaḥ / narmadāyāṃ samutpannaḥ saṃbhūtastasya cātmajaḥ // ### [2.63.74](https://indike.org/pramana/in.purana.brahmanda.2.63.74) saṃbhūtasyātmajaḥ putro ṅyanaraṇyaḥ pratāpavān / rāvaṇena hato yena trailokyaṃ vijitaṃ purā // ### [2.63.75](https://indike.org/pramana/in.purana.brahmanda.2.63.75) tena dṛśyonaraṇyasya haryaśvastasya cātmajaḥ / haryaśvāttu dṛṣadvatyāṃ jajñe ca sumatirnṛpaḥ // ### [2.63.76](https://indike.org/pramana/in.purana.brahmanda.2.63.76) tasya putro 'bhavadrājā tridhanvā nāma dhārmikaḥ / āsīttridhanvanaścāpi vidvāṃstrayyāruṇiḥ prabhuḥ // ### [2.63.77](https://indike.org/pramana/in.purana.brahmanda.2.63.77) tasya satyavrato nāma kumāro 'bhūnmahābalaḥ / tena bhāryā vidarbhasya tdṛtā hatvā divaukasaḥ // ### [2.63.78](https://indike.org/pramana/in.purana.brahmanda.2.63.78) pāṇigrahaṇamantreṣu niṣṭānaṃ prāpiteṣviha / kāmādbalācca mohācca saṃharṣeṇa balena ca // ### [2.63.79](https://indike.org/pramana/in.purana.brahmanda.2.63.79) bhāvinor'thasya ca balāttatkṛtaṃ tena dhīmatā / tamadharmeṇa saṃyuktaṃ pitā bhayyāruṇo 'tyajat // ### [2.63.80](https://indike.org/pramana/in.purana.brahmanda.2.63.80) apadhvaṃseti bahuśo vadankrodhasamanvitaḥ / pitaraṃ so 'bravīdekaḥ kva gacchāmīti vai muhuḥ // ### [2.63.81](https://indike.org/pramana/in.purana.brahmanda.2.63.81) pitā cainamathovāca śvapākaiḥ saha varttaya / nāhaṃ putreṇa putrārthī tvayādya kulapāṃsana // ### [2.63.82](https://indike.org/pramana/in.purana.brahmanda.2.63.82) ityuktaḥ sa nirākrāmannagarādvacanā dvibhoḥ / na cainaṃ vārayāmāsa vasiṣṭho bhagavānṛṣiḥ // ### [2.63.83](https://indike.org/pramana/in.purana.brahmanda.2.63.83) sa tu satyavrato dhīmāñśvapākāvasathāntike / pitrā tyakto 'vasaddhīraḥ pitā cāsya vanaṃ yayau // ### [2.63.84](https://indike.org/pramana/in.purana.brahmanda.2.63.84) tasmiṃstu viṣaye tasya nāvarṣatpākaśāsanaḥ / samā dvādaśa saṃpūrmāstenādharmeṇa vai tadā // ### [2.63.85](https://indike.org/pramana/in.purana.brahmanda.2.63.85) dārāṃstu tasya viṣaye viśvāmitro mahātapāḥ / saṃnyasya sāgarānūpe cacāra vipulaṃ tapaḥ // ### [2.63.86](https://indike.org/pramana/in.purana.brahmanda.2.63.86) tasya patnī gale baddhvā madhyamaṃputramaurasam / śiṣṭānāṃ bharaṇārthāya vyakrīṇādgośatena vai // ### [2.63.87](https://indike.org/pramana/in.purana.brahmanda.2.63.87) taṃ tu baddhaṃ gale dṛṣṭavā vikrayārthaṃ narottamaḥ / maharṣiputraṃ dharmātmā mokṣayāmāsa suvrataḥ // ### [2.63.88](https://indike.org/pramana/in.purana.brahmanda.2.63.88) satyavrato mahābuddhirbharaṇaṃ tasya cākarot / viśvāmitrasya tuṣṭyarthamanukaṃpārthameva ca // ### [2.63.89](https://indike.org/pramana/in.purana.brahmanda.2.63.89) so 'bhavadgālavo nāma gale baddho mahātapāḥ / maharṣiḥ kauśikastāta tena vīreṇa mokṣitaḥ // ### [2.63.90](https://indike.org/pramana/in.purana.brahmanda.2.63.90) tasya vratena bhaktyā ca kṛpayā ca pratijñayā / viśvāmitrakalatraṃ ca babhāra vinaye sthitaḥ // ### [2.63.91](https://indike.org/pramana/in.purana.brahmanda.2.63.91) hatvā mṛgānvarāhāṃśca mahiṣāṃśca jalecarān / viśvāmitrāśramābhyāse tanmāṃsamanayattataḥ // ### [2.63.92](https://indike.org/pramana/in.purana.brahmanda.2.63.92) upāṃśuvratamāsthāya dīkṣāṃ dvādaśavārṣikīm / piturniyogādabhajannṛpe tu vanamāsthite // ### [2.63.93](https://indike.org/pramana/in.purana.brahmanda.2.63.93) ayodhyāṃ caiva rāṣṭraṃ ca tathaivāntaḥ puraṃ puniḥ / yājyotthānyāyasaṃyogādvasiṣṭhaḥ paryarakṣata // ### [2.63.94](https://indike.org/pramana/in.purana.brahmanda.2.63.94) satyavrataḥ subālyāttu bhāvinor'thasya vai balāt / vasiṣṭhe 'bhyadhikaṃ manyuṃ dhārayāmāsa manyunā // ### [2.63.95](https://indike.org/pramana/in.purana.brahmanda.2.63.95) pitrā tu taṃ tadā rāṣṭrātparityaktaṃ svamātmajam / na vārayāmāsa munirvasiṣṭhaḥ kāraṇena vai // ### [2.63.96](https://indike.org/pramana/in.purana.brahmanda.2.63.96) pāṇigrahamamantrāṇāṃ niṣṭhā syātsaptame pade / evaṃ satyavratastāṃ vai hṛtavānsaptame pade // ### [2.63.97](https://indike.org/pramana/in.purana.brahmanda.2.63.97) jānandharmānvasiṣṭhastu navamantrānihecchati / iti satyavrato roṣaṃ vasiṣṭhe manasākarot // ### [2.63.98](https://indike.org/pramana/in.purana.brahmanda.2.63.98) guṇabuddhyā tu bhagavānvasiṣṭhaḥ kṛtavāṃstapaḥ / na tu satyavrato 'budhyadupāṃśuvratamasya vai // ### [2.63.99](https://indike.org/pramana/in.purana.brahmanda.2.63.99) tasmiṃstu paramo roṣaḥ piturāsīnmahātmanaḥ / tena dvādaśa varṣāṇi nāvarṣatpākaśāsanaḥ // ### [2.63.100](https://indike.org/pramana/in.purana.brahmanda.2.63.100) tena tvidānīṃ vahatā dīkṣāṃ tāṃ durvahāṃ bhuvi / kulasya niṣkṛtiḥ svasya sṛteyaṃ ca bhavediti // ### [2.63.101](https://indike.org/pramana/in.purana.brahmanda.2.63.101) tato vasiṣṭho bhagavānpitrā tyaktaṃ na vārayat / abhiṣekṣyāmyahaṃ naṣṭe paścādenamiti prabhuḥ // ### [2.63.102](https://indike.org/pramana/in.purana.brahmanda.2.63.102) sa tu dvādaśavarṣāṇi dīkṣāṃ tāmudvahanbalī / avidyamāne māṃse tu vasiṣṭhasya mahātmanaḥ // ### [2.63.103](https://indike.org/pramana/in.purana.brahmanda.2.63.103) sarvakāmadughāṃ dhenuṃ sa dadarśa nṛpātmajaḥ / tāṃ vai krodhācca mohācca śramaccaiva kṣudhānvitaḥ // ### [2.63.104](https://indike.org/pramana/in.purana.brahmanda.2.63.104) dasyudharmagato dṛṣṭvā jaghāna balināṃ varaḥ / satu māṃsaṃ svayaṃ caiva viśvāmitrasya cātmajān // ### [2.63.105](https://indike.org/pramana/in.purana.brahmanda.2.63.105) bhojayāmāsa tacchrutvā vasiṣṭhastaṃ tadātyajat / provāca caiva bhagavānvasiṣṭhastaṃ nṛpātmajam // ### [2.63.106](https://indike.org/pramana/in.purana.brahmanda.2.63.106) pātayeyamahaṃ krūra tava śaṅkuma pohya vai / yadi te trīṇi śaṅkūni na syurhi puruṣādhama // ### [2.63.107](https://indike.org/pramana/in.purana.brahmanda.2.63.107) pituścāpāritoṣeṇa gurordegadhrīvadhena ca / aprokṣitopayogācca trividhaste vyatikramaḥ // ### [2.63.108](https://indike.org/pramana/in.purana.brahmanda.2.63.108) evaṃ sa trīṇi śaṅkūni dṛṣṭvā tasya mahātapāḥ / triśaṅkuriti hovāca triśaṅkustena sa smṛtaḥ // ### [2.63.109](https://indike.org/pramana/in.purana.brahmanda.2.63.109) viśvāmitrastu dārāṇāmāgato bharaṇe kṛte / tatastasmai varaṃ prādāttadā prītastriśaṅkave // ### [2.63.110](https://indike.org/pramana/in.purana.brahmanda.2.63.110) chandyamāno vareṇātha guruṃ vavrenṛpātmajaḥ / saśarīro vraje svargamityevaṃ yācito varaḥ // ### [2.63.111](https://indike.org/pramana/in.purana.brahmanda.2.63.111) anāvṛṣṭibhaye tasmiñjāte dvādaśavārṣike / abhiṣicya rājye pitrye yojayāmāsa taṃ muniḥ // ### [2.63.112](https://indike.org/pramana/in.purana.brahmanda.2.63.112) miṣatāṃ devatānāṃ ca vasiṣṭhasya ca kauśikaḥ / saśarīraṃ tadā taṃ vai divamāropayatprabhuḥ // ### [2.63.113](https://indike.org/pramana/in.purana.brahmanda.2.63.113) miṣatastu vasiṣṭhasya tadadbhutamivābhavat / atrāpyudāharantīmaṃ ślokaṃ paurāṇikā janāḥ // ### [2.63.114](https://indike.org/pramana/in.purana.brahmanda.2.63.114) viśvāmitraprasādena triśaṅkurdivirājate / devaiḥ sārddhaṃ mahātejānugrahāttasya dhīmataḥ // ### [2.63.115](https://indike.org/pramana/in.purana.brahmanda.2.63.115) tasya satyaratā nāma bhāryā kaikayavaṃśajā / kumāraṃ janayāmāsa hariścandramakalmaṣam // ### [2.63.116](https://indike.org/pramana/in.purana.brahmanda.2.63.116) sa tu rājā hariścandrastraiśaṅkava iti śrutaḥ / ahartā rājasūyasya samraḍiti pariśrutaḥ // ### [2.63.117](https://indike.org/pramana/in.purana.brahmanda.2.63.117) hariścandrasya tu suto rohito nāma vīryavān / harito rohitasyātha cañcurharīta ucyate // ### [2.63.118](https://indike.org/pramana/in.purana.brahmanda.2.63.118) vinayaśca sudevaśca cañcuputrau babhūvatuḥ / caitā sarvasya kṣatrasya vijayastena sa smṛtaḥ // ### [2.63.119](https://indike.org/pramana/in.purana.brahmanda.2.63.119) rurukastanayastasya rājā dharmārthakovidaḥ / rurukāttu vṛkaḥ putrastasmādbāhurvijajñivān // ### [2.63.120](https://indike.org/pramana/in.purana.brahmanda.2.63.120) haihayaistālajaṅghaiśca nirasto vyasanī nṛpaḥ / śakairyavanakāṃbojaiḥ pāradaiḥ pahlavaistathā // ### [2.63.121](https://indike.org/pramana/in.purana.brahmanda.2.63.121) nātyarthaṃ dhārmiko 'bhūtsa dharmye sati yuge tathā / sagarastu suto bāhorjajñe saha gareṇa vai // ### [2.63.122](https://indike.org/pramana/in.purana.brahmanda.2.63.122) bhṛgorāśramamāsādya hyaurvaiṇa parirakṣitaḥ / agneyamastraṃ labdhvā tu bhārgavātsagaro nṛpaḥ // ### [2.63.123](https://indike.org/pramana/in.purana.brahmanda.2.63.123) jaghāna pṛthivīṃ gatvā tālajaṅghānsahaihayān / śakānāṃ pahlavānāṃ ca dharmaṃ nirasadacyutaḥ // ### [2.63.124](https://indike.org/pramana/in.purana.brahmanda.2.63.124) kṣatriyāṇāṃ tathā teṣāṃ pāradānāṃ ca dharmavit / ṛṣaya ūcuḥ kathaṃ sa sagaro rājā gareṇa saha jajñivān // ### [2.63.125](https://indike.org/pramana/in.purana.brahmanda.2.63.125) kimarthaṃ vā śakādīnāṃ kṣatriyāṇāṃ mahaujasām / dharmānkulocitānkruddho rājā nirasadacyutaḥ // ### [2.63.126](https://indike.org/pramana/in.purana.brahmanda.2.63.126) suta uvāca bāhorvyasaninastasya tdṛtaṃ rājyaṃ purā kila / haihayaistālajaṅghaiśca śakaiḥ sārddhaṃ samāgataiḥ // ### [2.63.127](https://indike.org/pramana/in.purana.brahmanda.2.63.127) yavanāḥ pāradāścaiva kāṃbojāḥ pahlavāstathā / haihayārthaṃ parākrāntā ete pañca gaṇāstadā // ### [2.63.128](https://indike.org/pramana/in.purana.brahmanda.2.63.128) tdṛtarājyastadābāhuḥ saṃnyasya sa tadā gṛham / vanaṃ praviśya dharmātmā saha patnyā tapo 'carat // ### [2.63.129](https://indike.org/pramana/in.purana.brahmanda.2.63.129) kadācidapyakalpaḥ sa toyārthaṃ prasthito nṛpaḥ / vṛddhatvāddurbalatvācca hyantarā sa mamāra ca // ### [2.63.130](https://indike.org/pramana/in.purana.brahmanda.2.63.130) patnī tu yādavī tasya sagarbhā pṛṣṭhato 'pyagāt / sapatnyā tu garastasyai datto garbhajighāṃsayā // ### [2.63.131](https://indike.org/pramana/in.purana.brahmanda.2.63.131) sā tu bhartuścitāṃ kṛtvā vahniṃ taṃ samārohayat / aurvastaṃ bhārgavo dṛṣṭvā kāruṇyāddhi nyavarttayat // ### [2.63.132](https://indike.org/pramana/in.purana.brahmanda.2.63.132) tasyāśrame tu garbhaṃ sā gareṇa ca tadā saha / vyajāyata mahābāhuṃ sagaraṃ nāma dharmikam // ### [2.63.133](https://indike.org/pramana/in.purana.brahmanda.2.63.133) aurvastu jātakarmādīnkṛtvā tasya mahātmanaḥ / adhyāpya vedāñchāstrāṇi tato 'straṃ pratyapādayat // ### [2.63.134](https://indike.org/pramana/in.purana.brahmanda.2.63.134) tataḥ śakānsa yavanānkāṃbojānpāradāṃstathā / pahlavāṃścaiva niḥśeṣānkartuṃ vyavasito nṛpaḥ // ### [2.63.135](https://indike.org/pramana/in.purana.brahmanda.2.63.135) te hanyamānā vīreṇa sagareṇa mahātmanā / vasiṣṭhaṃ śaraṇaṃ sarve saṃprāptāḥ śaraṇaiṣiṇaḥ // ### [2.63.136](https://indike.org/pramana/in.purana.brahmanda.2.63.136) vasiṣṭho vīkṣya tānyuktānvinayona mahāmuniḥ / sagaraṃ vārayāmāsa teṣāṃ dattvābhayaṃ tathā // ### [2.63.137](https://indike.org/pramana/in.purana.brahmanda.2.63.137) sagaraḥ svāṃ pratijñāṃ ca gurorvākyaṃ niśamya ca / jaghāna dharmaṃ vai teṣāṃ veṣānyatvaṃ cakāra ha // ### [2.63.138](https://indike.org/pramana/in.purana.brahmanda.2.63.138) arddhaṃ śākānāṃ śiraso muṇḍayitvā vyasarjayat / yavanānāṃ śiraḥ sarvaṃ kāṃbojānāṃ tathaiva ca // ### [2.63.139](https://indike.org/pramana/in.purana.brahmanda.2.63.139) pāradā muktakeśāśca pahlavāḥ śmaśrudhāriṇaḥ / niḥsvādhyāyavaṣaṭkārāḥ kṛtāstena mahātmanā // ### [2.63.140](https://indike.org/pramana/in.purana.brahmanda.2.63.140) śakā yavana kāṃbojāḥ pahlavāḥ pāradaiḥ saha / kalisparśā mahiṣikā dārvascholāḥ khaśāstathā // ### [2.63.141](https://indike.org/pramana/in.purana.brahmanda.2.63.141) sarve te kṣatriyagaṇā dharmasteṣāṃ nirākṛtaḥ / vasiṣṭhavacanātpūrvaṃ sagareṇa mahātmanā // ### [2.63.142](https://indike.org/pramana/in.purana.brahmanda.2.63.142) sa dharmavijayī rājā vijityemāṃ vasundharām / aśvaṃ vai cārayāmāsa vājimedhāya dīkṣitaḥ // ### [2.63.143](https://indike.org/pramana/in.purana.brahmanda.2.63.143) tasya cārayataḥ so 'śvaḥ samudre pūrvadakṣiṇe / velāsamīpe 'pahṛto bhūmiṃ caiva praveśitaḥ // ### [2.63.144](https://indike.org/pramana/in.purana.brahmanda.2.63.144) sa taṃ deśaṃ sutaiḥ sarvaiḥ khānayāmāsa pārthivaḥ / āseduśca tatastasminkhanantaste mahārmave // ### [2.63.145](https://indike.org/pramana/in.purana.brahmanda.2.63.145) tamādipuruṣaṃ devaṃ hariṃ kṛṣṇaṃ prajāpatim / viṣṇuṃ kapilarūpeṇa haṃsaṃ nārāyaṇaṃ prabhum // ### [2.63.146](https://indike.org/pramana/in.purana.brahmanda.2.63.146) tasya cakṣuḥ samāsādya tejastatpratipadyate / dagdhāḥ putrāstadā sarvecatvārastvavaśeṣitāḥ // ### [2.63.147](https://indike.org/pramana/in.purana.brahmanda.2.63.147) barhiketuḥ suketuśca tathā dharmarathaśca yaḥ / śūraḥ pañcajanaścaiva tasya vaṃśakarāḥ prabhoḥ // ### [2.63.148](https://indike.org/pramana/in.purana.brahmanda.2.63.148) prādācca tasya bhagavānharirnārāyaṇo varān / akṣayatvaṃ svavaṃśasya vājimedhaśataṃ tathā // ### [2.63.149](https://indike.org/pramana/in.purana.brahmanda.2.63.149) vibhuḥ putraṃ samudraṃ ca svarge vāsaṃ tathākṣayam / taṃ samudro 'śvamādāya vavande saritāṃpatiḥ // ### [2.63.150](https://indike.org/pramana/in.purana.brahmanda.2.63.150) sāgaratvaṃ ca lebhe sa karmaṇā tena tasya vai / taṃ cāśvamedhikaṃ so 'śvaṃ samudrātprāpya pārthivaḥ // ### [2.63.151](https://indike.org/pramana/in.purana.brahmanda.2.63.151) ājahārāśvamedhānāṃ śataṃ caiva punaḥ punaḥ / ṣaṣṭiṃ putrasahasrāṇi dagdhānyasya ruṣā vibho // ### [2.63.152](https://indike.org/pramana/in.purana.brahmanda.2.63.152) teṣāṃ nārāyaṇaṃ tejaḥ praviṣṭāni mahātmanām / putrāṇāṃ tu sahasrāṇi ṣaṣṭistu iti naḥ śrutam // ### [2.63.153](https://indike.org/pramana/in.purana.brahmanda.2.63.153) ṛṣaya ūcuḥ sagarasyātmajā nānā kathaṃ jātā mahābalāḥ / vikrāntāḥ ṣaṣṭisāhasrā vidhinā kena vā vada // ### [2.63.154](https://indike.org/pramana/in.purana.brahmanda.2.63.154) suta uvāca dvepatnyau sagarasyāstāṃ tapasā dagadhakilbiṣe / jyeṣṭhā vidarbhaduhitā keśinī nāma nāmataḥ // ### [2.63.155](https://indike.org/pramana/in.purana.brahmanda.2.63.155) kanīyasī tu yā tasyapatnī paramadharmiṇī / ariṣṭanemiduhitā rūpeṇāpratimā bhuvi // ### [2.63.156](https://indike.org/pramana/in.purana.brahmanda.2.63.156) aurvastābhyāṃ varaṃ prādāttapasārādhitaḥ prabhuḥ / ekā janiṣyate putraṃ vaṃśakarttāramīpsitam // ### [2.63.157](https://indike.org/pramana/in.purana.brahmanda.2.63.157) ṣaṣṭiṃ putrasahasrāṇi dvitīyā janayiṣyati / munestu vacanaṃ śrutvā keśinī putramekakam // ### [2.63.158](https://indike.org/pramana/in.purana.brahmanda.2.63.158) vaṃśasya kāraṇaṃ śreṣṭhaṃ jagrāha nṛpa saṃsadi / ṣaṣṭiṃ putrasahasrāṇi suparṇabhaginī tathā // ### [2.63.159](https://indike.org/pramana/in.purana.brahmanda.2.63.159) mahābhāgā pramuditā jagrāha sumatistathā / atha kāle gate jyeṣṭhā jyeṣṭhaṃ putraṃ vyajāyata // ### [2.63.160](https://indike.org/pramana/in.purana.brahmanda.2.63.160) asamañja iti khyātaṃ kākutsthaṃ sagarātmajam / sumatistvapi jajñe vai garbhatuṃbaṃ yaśasvinī // ### [2.63.161](https://indike.org/pramana/in.purana.brahmanda.2.63.161) ṣaṣṭiḥ putrasahasrāṇāṃ tuṃbamadhyādvinissṛtāḥ / ghṛtapūrṇeṣu kuṃbheṣu tāngarbhānyadadhāttataḥ // ### [2.63.162](https://indike.org/pramana/in.purana.brahmanda.2.63.162) dhātrīścaikaikaśaḥ prādāttāvatīḥ poṣaṇe nṛpaḥ / tato navasu māseṣu samuttasthuryathāsukham // ### [2.63.163](https://indike.org/pramana/in.purana.brahmanda.2.63.163) kumārāste mahābhāgāḥ sagaraprītivarddhanāḥ / kālena mahātā caiva yaivanaṃ samupāśritāḥ // ### [2.63.164](https://indike.org/pramana/in.purana.brahmanda.2.63.164) keśinyāstanayo yo 'nyaḥ sagarasyātmasaṃbhavaḥ / asamañja iti khyāto varhiketurmahābalaḥ // ### [2.63.165](https://indike.org/pramana/in.purana.brahmanda.2.63.165) paurāṇāmahite yuktaḥ pitrā nirvāsitaḥ purāt / tasya putroṃ'śumānnāma asamañjasya vīryavān // ### [2.63.166](https://indike.org/pramana/in.purana.brahmanda.2.63.166) tasya putrastu dharmātmā dilīpa iti viśrutaḥ / dilīpāttu mahātejā vīro jāto bhagīrathaḥ // ### [2.63.167](https://indike.org/pramana/in.purana.brahmanda.2.63.167) yena gaṅgā saricchreṣṭhā vimānairupaśobhitā / ihānītā sureśādvai duhitṛtve ca kalpitā // ### [2.63.168](https://indike.org/pramana/in.purana.brahmanda.2.63.168) atrāpyudāharantīmaṃ ślokaṃ paurāṇikā janāḥ / bhagīrathastu tāṃ gaṅgāmānayāmāsa karmabhiḥ // ### [2.63.169](https://indike.org/pramana/in.purana.brahmanda.2.63.169) tasmādbhāgīrathī gaṅgā kathyate vaṃśavittamaiḥ / bhagīrathasutaścāpi śruto nāma babhūvaha // ### [2.63.170](https://indike.org/pramana/in.purana.brahmanda.2.63.170) nābhāgastasya dāyādo nityaṃ dharmaparāyaṇaḥ / ambarīṣaḥ sutastasya siṃdhudvīpastato 'bhavat // ### [2.63.171](https://indike.org/pramana/in.purana.brahmanda.2.63.171) pūrve vaṃśapurāṇajñā gāyantīti pariśrutam / nābhāgeraṃbarīṣasya bhujābhyāṃ paripālitā // ### [2.63.172](https://indike.org/pramana/in.purana.brahmanda.2.63.172) babhūva vasudhātyarthaṃ tāpatrayavivarjitā / ayutāyuḥ sutastasya siṃdhudvīpasya vīryavān // ### [2.63.173](https://indike.org/pramana/in.purana.brahmanda.2.63.173) ayutāyostu dāyāda ṛtuparṇo mahāyaśāḥ / divyākṣahṛdayajño 'sau rājā nalasakho balī // ### [2.63.174](https://indike.org/pramana/in.purana.brahmanda.2.63.174) nalau dvāviti vikhyātau purāṇeṣu dṛḍhavratau / vīrasenātmajaścaiva yaścekṣvākukulodvahaḥ // ### [2.63.175](https://indike.org/pramana/in.purana.brahmanda.2.63.175) ṛtuparṇasya putro 'bhūtsarvakāmo janeśvaraḥ / sudāsastasya tanayo rājā indrasakho 'bhavat // ### [2.63.176](https://indike.org/pramana/in.purana.brahmanda.2.63.176) sudāsasya sutaḥ proktaḥ saudāso nāma pārthivaḥ / khyātaḥ kalmāṣapādo vai nāmnā sitrasahaśca saḥ // ### [2.63.177](https://indike.org/pramana/in.purana.brahmanda.2.63.177) vasiṣṭhastu mahātejāḥ kṣetre kalmāṣapādake / aśmakaṃ janayāmāsa tvikṣvākukulavṛddhaye // ### [2.63.178](https://indike.org/pramana/in.purana.brahmanda.2.63.178) aśmakasyauraso yastu mūlakastatsuto 'bhavat / atrāpyudāharantīmaṃ mūlakaṃ vai nṛpaṃ prati // ### [2.63.179](https://indike.org/pramana/in.purana.brahmanda.2.63.179) sa hi rāmabhayādrājā strībhiḥ parivṛto 'vasat / vivastrastrāṇamicchanvai nārīkavaca īśvaraḥ // ### [2.63.180](https://indike.org/pramana/in.purana.brahmanda.2.63.180) mūlakasyāpi dharmātmā rājā śatarathaḥ smṛtaḥ / tasmācchatarathājjajñe rājā tviḍaviḍo balī // ### [2.63.181](https://indike.org/pramana/in.purana.brahmanda.2.63.181) āsīttvaiḍaviḍaḥ śrīmānkṛśaśarmā pratāpavān / putro viśvasahasrasya putrīkasyāṃ vyajāyata // ### [2.63.182](https://indike.org/pramana/in.purana.brahmanda.2.63.182) dilīpastasya putro 'bhūtkhaṭvāṅga iti viśrutaḥ / yena svargādihāgatya muhūrttaṃ prāpya jīvitam // ### [2.63.183](https://indike.org/pramana/in.purana.brahmanda.2.63.183) trayo 'bhisaṃhitā lokā buddhyā satyena caiva hi / dīrghabāhuḥ sutastasya raghustasmādajāyata // ### [2.63.184](https://indike.org/pramana/in.purana.brahmanda.2.63.184) ajaḥ putro raghoścāpi tasmājjajñe sa vīryavān / rājā daśaratho nāma ikṣvākukulanandanaḥ // ### [2.63.185](https://indike.org/pramana/in.purana.brahmanda.2.63.185) rāmo dāśarathirvīro dharmajño lokaviśrutaḥ / bharato lakṣmaṇaścaiva śatrughnaśca mahābalaḥ // ### [2.63.186](https://indike.org/pramana/in.purana.brahmanda.2.63.186) mādhavaṃ lavaṇaṃ hatvā gatvā madhuvanaṃ ca tat / śatrughrena purī tatra mathurā viniveśitā // ### [2.63.187](https://indike.org/pramana/in.purana.brahmanda.2.63.187) subāhuḥ śūrase naśca śatrughnasya sutāvubhau / pālayāmāsatustau tu vaidehyau mathurāṃ purīm // ### [2.63.188](https://indike.org/pramana/in.purana.brahmanda.2.63.188) aṅgadaścandraketuśca lakṣmaṇasyātmajāvubhau / himavatparvatasyānte sphītau janapadau tayoḥ // ### [2.63.189](https://indike.org/pramana/in.purana.brahmanda.2.63.189) aṅgadasyāṅgadākhyātā deśe kārayate purī / candraketostu vikhyātā candracakrā purī śubhā // ### [2.63.190](https://indike.org/pramana/in.purana.brahmanda.2.63.190) bharatasyātmajau vīrau takṣaḥ puṣkara eva ca / gāndhāraviṣaye siddhe tayoḥ puryo mahātmanoḥ // ### [2.63.191](https://indike.org/pramana/in.purana.brahmanda.2.63.191) takṣasya dikṣu vikhyātā nāmnā takṣaśilā purī / puṣkarasyāpi vīrasya vikhyātā puṣkarāvatī // ### [2.63.192](https://indike.org/pramana/in.purana.brahmanda.2.63.192) gāthāṃ caivātra gāyanti ye purāṇa vido janāḥ / rāmeṇa baddhāṃ satyārthāṃ mahātmyāttasya dhīmataḥ // ### [2.63.193](https://indike.org/pramana/in.purana.brahmanda.2.63.193) śyāmo yuvā lohitākṣo dīptāsyo mītabhāṣitaḥ / ājānubāhuḥ sumukhaḥ siṃhaskandho mahābhujaḥ // ### [2.63.194](https://indike.org/pramana/in.purana.brahmanda.2.63.194) daśavarṣasahasrāṇi rāmo rājyamakārayat / ṛksāmayajuṣāṃ ghoṣo yo ghoṣaśca mahāsvanaḥ // ### [2.63.195](https://indike.org/pramana/in.purana.brahmanda.2.63.195) avyucchinno 'bhavadrājye dīyatāṃ bhujyatāmiti / janasthāne vasankāryaṃ tridaśānāṃ cakāra saḥ // ### [2.63.196](https://indike.org/pramana/in.purana.brahmanda.2.63.196) tamāgaskāriṇaṃ pūrvaṃ paulastyaṃ manujarṣabhaḥ / sītāyāḥ padamanvicchannijaghāna mahāyaśāḥ // ### [2.63.197](https://indike.org/pramana/in.purana.brahmanda.2.63.197) sattvavānguṇasaṃpanno dīpyamānaḥ svatejasā / atisūryaṃ ca vahniṃ ca rāmo dāśarathirbabhau // ### [2.63.198](https://indike.org/pramana/in.purana.brahmanda.2.63.198) evameṣa mahābāhostasya putrau babhūvatuḥ / kuśo lava iti khyāto tayordeśau nibodhata // ### [2.63.199](https://indike.org/pramana/in.purana.brahmanda.2.63.199) kuśasya kośalā rājyaṃ purī cāpi kuśasthalī / ramyā niveśitā tena vindhyaparvatasānuṣu // ### [2.63.200](https://indike.org/pramana/in.purana.brahmanda.2.63.200) uttarākośale rājya lavasya ca mahātmanaḥ / śrāvastirlokavikhyātā kuśavaṃśaṃ nibodhata // _First 200 of 218 passages. [Read on](https://indike.org/pramana/in.purana.brahmanda.2.63)_ ## Linked texts (11) - [Vāyupurāṇa](https://indike.org/pramana/in.purana.vayu.2.26.2) — Vyāsa, Sanskrit - [Vulgate](https://indike.org/pramana/in.lit.mahabharata.harivamsa*vulgate.1.11.4) — Sanskrit - [Brahmapurāṇa](https://indike.org/pramana/in.purana.brahma.7.40) — Vyāsa, Sanskrit - [Śivapurāṇa (complete text)](https://indike.org/pramana/in.purana.siva*complete-2.5.37.6) — Sanskrit - [Liṅgapurāṇa](https://indike.org/pramana/in.purana.linga.1.65.42) — Vyāsa, Sanskrit - [Vulgate (Nīlakaṇṭha's text)](https://indike.org/pramana/in.lit.mahabharata.vyasa*vulgate.3.202.1) — Sanskrit - [Devībhāgavatapurāṇa](https://indike.org/pramana/in.purana.upa.sakta.devibhagavata.9.23.5) — Sanskrit - [Bhāgavatapurāṇa](https://indike.org/pramana/in.purana.bhagavata.9.22.17) — Vyāsa, Sanskrit - [Saurapurāṇa](https://indike.org/pramana/in.purana.upa.saiva.saura.30.35) — Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.74.42) — Ativīrarāma Pāṇṭiyar 1500, Sanskrit - [Śūdrakamalākara](https://indike.org/pramana/in.niti.dharma.jati.sudrakamalakara.69.1-2) — Kamalākarabhaṭṭa, Sanskrit --- Source: [https://indike.org/pramana/in.purana.brahmanda.2.63](https://indike.org/pramana/in.purana.brahmanda.2.63) · Pramāṇa