[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmandapurana](https://indike.org/pramana/in.purana.brahmanda) › 2.64 # Brahmandapurana 2.64 Brahmāṇḍapurāṇa 2.64 - **Language:** Sanskrit ## Contents - [2.64.24](https://indike.org/pramana/in.purana.brahmanda.2.64.24) — 1 part ### [2.64.1](https://indike.org/pramana/in.purana.brahmanda.2.64.1) sūta uvāca anujasya vikukṣestu nimervaṃśaṃ niboghata / yo 'sau niveśayāmāsa puraṃ devapuropamam // ### [2.64.2](https://indike.org/pramana/in.purana.brahmanda.2.64.2) jayantamiti vikhyātaṃ gautamasyāśramāntikam / yasyānvavāye jajñe vai janako nṛpasattamaḥ // ### [2.64.3](https://indike.org/pramana/in.purana.brahmanda.2.64.3) nimirnāma sudharmātmā sarvasattvanamaskṛtaḥ / āsītputro mahārāja caikṣvākorbhūritejasaḥ // ### [2.64.4](https://indike.org/pramana/in.purana.brahmanda.2.64.4) sa śāpena vasiṣṭhasyavidehaḥ samapadyata / tasya putro mithirnāma janitaḥ parvabhistribhiḥ // ### [2.64.5](https://indike.org/pramana/in.purana.brahmanda.2.64.5) araṇyāṃ mathyamānāyā prādurbhūto mahāyaśāḥ / nāmnā mithiriti khyāto jananājjanako 'bhavat // ### [2.64.6](https://indike.org/pramana/in.purana.brahmanda.2.64.6) mithirnāma mahāvīryo yenāsau mithilābhavat / rājāsau nāma janako janakāccā pyudāvasuḥ // ### [2.64.7](https://indike.org/pramana/in.purana.brahmanda.2.64.7) udāvasostu dharmātmā jāto 'sau nandivarddhanaḥ / nandivardhanataḥ śūraḥ suketurnāma dhārmikaḥ // ### [2.64.8](https://indike.org/pramana/in.purana.brahmanda.2.64.8) suketorapi dharmātmā devarāto mahābalaḥ / devarātasya dharmātmā bṛhaduktha iti śrutaḥ // ### [2.64.9](https://indike.org/pramana/in.purana.brahmanda.2.64.9) bṛhadukthasya tanayo mahāvīryaḥ pratāpavān / mahāvīryasya dhṛtimān sudhṛti stasya cātmajaḥ // ### [2.64.10](https://indike.org/pramana/in.purana.brahmanda.2.64.10) sudhṛterapi dharmātmā dhṛṣṭaketuḥ parantapaḥ / dhṛṣṭaketusutaścāpi haryaśvo nāma viśrutaḥ // ### [2.64.11](https://indike.org/pramana/in.purana.brahmanda.2.64.11) haryaśvasya maruḥ putro maroḥ putraḥ pratiṃbakaḥ / pratiṃbakasya dharmātmā rājā kīrttirathaḥ smṛtaḥ // ### [2.64.12](https://indike.org/pramana/in.purana.brahmanda.2.64.12) putraḥ kīrttirathasyāpi devamīḍha iti śrutaḥ / devamīḍhasya vibudho vibudhasya mahādhṛtiḥ // ### [2.64.13](https://indike.org/pramana/in.purana.brahmanda.2.64.13) mahādhṛtisuto rājā kīrttirātaḥ pratāpavān / kīrtirātātmajo vidvān mahārometi viśrutaḥ // ### [2.64.14](https://indike.org/pramana/in.purana.brahmanda.2.64.14) mahāromṇastu vikhyātaḥ svarṇaromā vyajāyata / svarṇaromātmajaścāpi hrasvaromābhavannṛpaḥ // ### [2.64.15](https://indike.org/pramana/in.purana.brahmanda.2.64.15) hrasvaromānmajo vidvān sariddhvaja iti śrutaḥ / udbhinnā karṣatā yena sītā rājñā yaśasvinī // ### [2.64.16](https://indike.org/pramana/in.purana.brahmanda.2.64.16) rāmasya mahidhī sādhvī suvratā niyatavratā / vaiśaṃpāyana uvāca kathaṃ sītā samutpanna kṛṣyamāṇa yaśasvinī // ### [2.64.17](https://indike.org/pramana/in.purana.brahmanda.2.64.17) kimarthaṃ vākṛṣadrājā kṣetraṃ yasmin babhūva ha / sūta uvāca agnikṣetre kṛṣyamāṇe aśvamedhe mahātmanaḥ // ### [2.64.18](https://indike.org/pramana/in.purana.brahmanda.2.64.18) vidhinā suprayatnena tasmātsā tu samutthitā / sīradhvajānujātastu bhānumānnāma maithilaḥ // ### [2.64.19](https://indike.org/pramana/in.purana.brahmanda.2.64.19) bhrātā kuśadhvajastasya sa kāśyadhipatirnṛpaḥ / tasya bhānumataḥ putraḥ pradyumnaśca patāpavān // ### [2.64.20](https://indike.org/pramana/in.purana.brahmanda.2.64.20) munistasya sutaścāpi tasmādūrjavahaḥ smṛtaḥ / ūrjavahātsanadvājaḥ śakunistasya cātmajaḥ // ### [2.64.21](https://indike.org/pramana/in.purana.brahmanda.2.64.21) svāgataḥ śakuneḥ putraḥ suvarcāstatsutaḥ smṛtaḥ / sutopastasya dāyādaḥ suśrutastasya cātmajaḥ // ### [2.64.22](https://indike.org/pramana/in.purana.brahmanda.2.64.22) suśrutasya jayaḥ putro jayasya vijayaḥ sutaḥ / vijayasya kratuḥ putra- kratośca sunayaḥ smataḥ // ### [2.64.23](https://indike.org/pramana/in.purana.brahmanda.2.64.23) sunayādvītahavyastu vītahavyātmajo dhṛtiḥ / dhṛtestu bahulāśvo 'bhūdbahulāśvasutaḥ kṛtiḥ // ### [2.64.24](https://indike.org/pramana/in.purana.brahmanda.2.64.24) tasminsaṃtiṣṭhate vaṃśo canakānāṃ mahātmanām / ityete maithilāḥ proktāḥ somasyāpi nibodhata // ### [2.64.24.p1](https://indike.org/pramana/in.purana.brahmanda.2.64.24.p1) eti śrībrahmāṇḍe mahāpurāṇe vāyuprokte madhyamabhāge tṛtīye upoddhātapāde nimivaṃśānukīrtanaṃ nāma catuḥṣaṣṭitamo 'dhyāyaḥ // 64// ## Linked texts (2) - [Vāyupurāṇa](https://indike.org/pramana/in.purana.vayu.2.27.2) — Vyāsa, Sanskrit - [Critical edition (Baroda)](https://indike.org/pramana/in.lit.ramayana.valmiki*crit.1.70.9) — Sanskrit --- Source: [https://indike.org/pramana/in.purana.brahmanda.2.64](https://indike.org/pramana/in.purana.brahmanda.2.64) · Pramāṇa