[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmandapurana](https://indike.org/pramana/in.purana.brahmanda) › 2.65 # Brahmandapurana 2.65 Brahmāṇḍapurāṇa 2.65 - **Language:** Sanskrit ## Contents - [2.65.50](https://indike.org/pramana/in.purana.brahmanda.2.65.50) — 1 part ### [2.65.1](https://indike.org/pramana/in.purana.brahmanda.2.65.1) sūta uvāca pitā somasya vai viprā jajñe 'trirbhagavānṛṣiḥ / tatrātriḥ sarvalokānāṃ tasthau svenaujasā vṛtaḥ // ### [2.65.2](https://indike.org/pramana/in.purana.brahmanda.2.65.2) karmaṇā manasā vācā śubhānyeva samācaran / kāṣṭhakuḍyaśilābhūta ūrddhvabāhurmahādyutiḥ // ### [2.65.3](https://indike.org/pramana/in.purana.brahmanda.2.65.3) suduścaraṃ nāma tapo yena taptaṃ mahātpurā / trīṇi varṣasahasrāṇi divyānīti hi naḥ śrutam // ### [2.65.4](https://indike.org/pramana/in.purana.brahmanda.2.65.4) tasyorddhvaretasastatra sthitasyānimiṣasya ha / somatvaṃ tanurāpede mahābuddhiḥ sa vai dvijaḥ // ### [2.65.5](https://indike.org/pramana/in.purana.brahmanda.2.65.5) ūrddhvamācakrame tasya somatvaṃ bhāvitātmanaḥ / netrābhyā masravatsomo daśadhā dyotayan diśaḥ // ### [2.65.6](https://indike.org/pramana/in.purana.brahmanda.2.65.6) taṃ garbhaṃ vidhinā hṛṣṭā daśa devyo dadhustadā / sametya dhārayāmāsurna ca tāḥ samaśaknuvan // ### [2.65.7](https://indike.org/pramana/in.purana.brahmanda.2.65.7) sa tābhyaḥ sahasaivātha digbhyo garbhaḥ prasādhitaḥ / papāta bhāsayaṃllokāñchītāṃśuḥ sarvabhāvanaḥ // ### [2.65.8](https://indike.org/pramana/in.purana.brahmanda.2.65.8) yadā na dhāraṇe śaktāstasya garbhasya tāḥ striyaḥ / tataḥ sahābhiḥ śītāṃśurnipapāta vasuṃdharām // ### [2.65.9](https://indike.org/pramana/in.purana.brahmanda.2.65.9) patantaṃ somamālokya brahmā lokapitāmahaḥ / rathamāropayāmāsa lokānāṃ hitakāmyayā // ### [2.65.10](https://indike.org/pramana/in.purana.brahmanda.2.65.10) sa hi vedamayo viprā dharmātmā satyasaṃgaraḥ / yukte vājisahasreṇa rathe 'dhyāsteti naḥśrutam // ### [2.65.11](https://indike.org/pramana/in.purana.brahmanda.2.65.11) tasminnipatite devāḥ putre 'treḥ paramātmanaḥ / tuṣṭuvurbrahmaṇaḥ putrā mānasāḥ sapta viśrutāḥ // ### [2.65.12](https://indike.org/pramana/in.purana.brahmanda.2.65.12) tatraivāṅgirasāstasya bhṛgoścaivātmajāstathā / ṛgbhiryajurbhirbahubhiratharvāṅgirasairapi // ### [2.65.13](https://indike.org/pramana/in.purana.brahmanda.2.65.13) tataḥ saṃstūyamānasya tejaḥ somasya bhāsvataḥ / āpyāyamānaṃ lokāṃstrīnbhāvayāmāsa sarvaśaḥ // ### [2.65.14](https://indike.org/pramana/in.purana.brahmanda.2.65.14) sa tena rathamukhyena sāgarāntāṃ vasuṃdharām / triḥsaptakṛtvo 'tiyaśāścakārābhipradakṣiṇam // ### [2.65.15](https://indike.org/pramana/in.purana.brahmanda.2.65.15) tasya yadvarddhitaṃ tejaḥ pṛthivīmanvapadyata / oṣadhyastāḥ samudbhūtāstejasā khaṃ jvalatyuta // ### [2.65.16](https://indike.org/pramana/in.purana.brahmanda.2.65.16) tābhiḥ puṇyātyayaṃ lokānprajāścāpi caturvidhāḥ / poṣṭā hi bhagavānsomo jagato hi dvijottamāḥ // ### [2.65.17](https://indike.org/pramana/in.purana.brahmanda.2.65.17) sa labdhatejāstapasā saṃstavaistaiḥ svakarmabhiḥ / tavastepe mahābhāgaḥ samānāṃ navatīrdaśa // ### [2.65.18](https://indike.org/pramana/in.purana.brahmanda.2.65.18) iraṇyavarṇā yā devyo dhārayantyātmanā jagat / vibhustāsāṃ mudā somaḥ prakhyātaḥsvena karmaṇā // ### [2.65.19](https://indike.org/pramana/in.purana.brahmanda.2.65.19) tatastasmai dadau rājyaṃ brahmā brahmavidāṃ varaḥ / bījauṣadhīnāṃ viprāṇāmapāṃ ca dvijasattamāḥ // ### [2.65.20](https://indike.org/pramana/in.purana.brahmanda.2.65.20) so 'bhiṣikto mahātejā mahārājyena rājarāṭ / lokānvai bhāvayāmāsa tejasvī tapatāṃ varaḥ // ### [2.65.21](https://indike.org/pramana/in.purana.brahmanda.2.65.21) saptaviṃśatirindostu dākṣāyaṇyo mahāvratāḥ / dadau prācetaso dakṣo nakṣatrāṇīti yā viduḥ // ### [2.65.22](https://indike.org/pramana/in.purana.brahmanda.2.65.22) sa tatprāpya mahādrājyaṃ somaḥ somavatāṃ prabhuḥ / samārebhe rājasūyaṃ sahasraśatadakṣiṇam // ### [2.65.23](https://indike.org/pramana/in.purana.brahmanda.2.65.23) hiraṇyagarbhaścodgātā brahmā brahmatvamīyivān / sadasyastatra bhagavānharirnārāyaṇaḥ prabhuḥ // ### [2.65.24](https://indike.org/pramana/in.purana.brahmanda.2.65.24) sanatkumārapramukhairādyairbrahmarṣibhirvṛtaḥ // ### [2.65.25](https://indike.org/pramana/in.purana.brahmanda.2.65.25) dakṣiṇāmadadātsomastrīṃllokāniti naḥ śrutam / tebhyo brahmarṣimukhyebhyaḥ sadasyebhyaśca vai dvijāḥ // ### [2.65.26](https://indike.org/pramana/in.purana.brahmanda.2.65.26) taṃ sinī ca kuhūścaiva vapuḥ puṣṭiḥ prabhā vasuḥ / kīrttirdhṛtiśca lakṣmīśca nava devyaḥ siṣevire // ### [2.65.27](https://indike.org/pramana/in.purana.brahmanda.2.65.27) prāpyāvabhṛthamavyagraḥ sarvadevarṣipūjitaḥ / atireje hi rājendro daśadhā bhāsayandiśaḥ // ### [2.65.28](https://indike.org/pramana/in.purana.brahmanda.2.65.28) tasya tatprāpya duṣprāpamaiśvaryamṛṣisaṃstutam / vibabhrāma matirviprā vinayādanayāvṛtā // ### [2.65.29](https://indike.org/pramana/in.purana.brahmanda.2.65.29) bṛhaspateḥ savai bhāryāṃ tārāṃ nāma yaśasvinīm / jahāra sahasā sarvānavamatyāṅgiraḥsutān // ### [2.65.30](https://indike.org/pramana/in.purana.brahmanda.2.65.30) sa yācyamāno devaiśca tathā devarṣibhiśca ha / naiva vyasarjayattārāṃ tasmā aṅgirase tadā // ### [2.65.31](https://indike.org/pramana/in.purana.brahmanda.2.65.31) uśanāstasya jagrāha pārṣṇimaṅgiraso bhavaḥ / sa hi śiṣyo mahātejāḥ pituḥ pūrvaṃ bṛhaspateḥ // ### [2.65.32](https://indike.org/pramana/in.purana.brahmanda.2.65.32) tena snehena bhagavānrudrastasya bṛhaspateḥ / pārṣmigrāho 'bhavaddevaḥ pragṛhyājagavaṃ dhanuḥ // ### [2.65.33](https://indike.org/pramana/in.purana.brahmanda.2.65.33) tena brahmaśiro nāma paramāstraṃ mahātmanā / uddiśya devānutsṛṣṭaṃ yenaiṣāṃ nāśitaṃ yaśaḥ // ### [2.65.34](https://indike.org/pramana/in.purana.brahmanda.2.65.34) tatra tadyuddhamabhavatprakhyātaṃ tārakāmayam / devānāṃ dānavānāṃ ca lokakṣayakaraṃ mahat // ### [2.65.35](https://indike.org/pramana/in.purana.brahmanda.2.65.35) tatra śiṣṭāstu ye devāstuṣitāścaiva te smṛtāḥ / brahmāṇaṃ śaraṇaṃ jagmurādidevaṃ pitāmaham // ### [2.65.36](https://indike.org/pramana/in.purana.brahmanda.2.65.36) tato nivāryośanasaṃ rudraṃ jyeṣṭhaṃ ca śaṅkaram / dadāvāṅgirase tārāṃ svayametya pitāmahaḥ // ### [2.65.37](https://indike.org/pramana/in.purana.brahmanda.2.65.37) antarvatnīṃ ca tāṃ dṛṣṭvā tārāṃ tārādhipānanām / garbhamutsṛja sadyastvaṃ vipraḥ prāha bṛhaspatiḥ // ### [2.65.38](https://indike.org/pramana/in.purana.brahmanda.2.65.38) madīyāyāṃ na te yonau garbho dhāryaḥ kathañcana / atho tārāsṛjadgarbhaṃ jvalantamiva pāvakam // ### [2.65.39](https://indike.org/pramana/in.purana.brahmanda.2.65.39) jātamātro 'tha bhagavāndevānāmākṣipadvapuḥ / tataḥ saṃśayamāpannastārāmakathayansurāḥ // ### [2.65.40](https://indike.org/pramana/in.purana.brahmanda.2.65.40) satyaṃ brūhi sutaḥ kasya somasyātha bṛhaspateḥ / hrīyamāṇā yadā devānnāha sā sādhvasādhu vā // ### [2.65.41](https://indike.org/pramana/in.purana.brahmanda.2.65.41) tadā tāṃ śaptumārabdhaḥ kumāro dasyuhantamaḥ / taṃ nivārya tadābrahmā tārāṃ papraccha saṃśayam // ### [2.65.42](https://indike.org/pramana/in.purana.brahmanda.2.65.42) yadatra tathyaṃ tadbrūhi tāre kasya sutastvayam / sā prāñjaliruvācedaṃ brahmāṇaṃ varadaṃ prabhum // ### [2.65.43](https://indike.org/pramana/in.purana.brahmanda.2.65.43) somasyati mahātmānaṃ kumāraṃ dasyuhantamam / tataḥ sutamupāghrāya somo rājā prajāpatiḥ // ### [2.65.44](https://indike.org/pramana/in.purana.brahmanda.2.65.44) budha ityakaronnāma tasya putrasya dhīmataḥ / pratighasraṃ ca gagane samabhyuttiṣṭhate budhaḥ // ### [2.65.45](https://indike.org/pramana/in.purana.brahmanda.2.65.45) utpādayāmāsa tadā putraṃ ve rājaputrikā / tasya putro mahātejā babhūvailaḥ purūravāḥ // ### [2.65.46](https://indike.org/pramana/in.purana.brahmanda.2.65.46) urvaśyāṃ jajñire tasya patrāḥ ṣaṭ sumahaujasaḥ / prasahya dharṣitastatra vivaśo rājayakṣmaṇā // ### [2.65.47](https://indike.org/pramana/in.purana.brahmanda.2.65.47) tato yakṣmābhibhūtastu somaḥ prakṣiṇamaṇḍalaḥ / jagāma śaraṇāyātha pitaraṃ so 'trimeva tu // ### [2.65.48](https://indike.org/pramana/in.purana.brahmanda.2.65.48) tasya tatpāpaśamanaṃ cakārātrirmahāyaśāḥ / sa rājayakṣmaṇā muktaḥ śrīyā jajavāla sarvaśaḥ // ### [2.65.49](https://indike.org/pramana/in.purana.brahmanda.2.65.49) etatsomasya vai janma kīrttitaṃ dvijasattamāḥ / vaṃśaṃ tasya dvijaśreṣṭhā kīrtyamānaṃ nibodhata // ### [2.65.50](https://indike.org/pramana/in.purana.brahmanda.2.65.50) dhanyamārogyamāyuṣyaṃ puṇyaṃ kalmaṣaśodhanam / saumyasya canma śrutvaivaṃ sarvapāpaiḥ pramucyate // ### [2.65.50.p1](https://indike.org/pramana/in.purana.brahmanda.2.65.50.p1) iti śrībrahmāṇḍe mahāpurāṇe vāyuprokte madhyamabhāge tṛtīya upoddhātapāde somasaumyayorjanmakathanaṃ nāma pañcaṣaṣṭitamo 'dhyāyaḥ // 65// ## Linked texts (6) - [Vāyupurāṇa](https://indike.org/pramana/in.purana.vayu.2.27.30) — Vyāsa, Sanskrit - [Vulgate](https://indike.org/pramana/in.lit.mahabharata.harivamsa*vulgate.1.25.3) — Sanskrit - [Brahmapurāṇa](https://indike.org/pramana/in.purana.brahma.9.2) — Vyāsa, Sanskrit - [Vallālacarita](https://indike.org/pramana/in.lit.historical.vallalacarita.2.11.6) — Ānandabhaṭṭa 1510, Sanskrit - [Agnipurāṇa (Nag Publishers edition, Delhi)](https://indike.org/pramana/in.purana.agni*nag.273.8) — Sanskrit - [Skandapurāṇa (early; "Ambikākhaṇḍa") (ed. Bakker)](https://indike.org/pramana/in.purana.skanda*early*bakker.17.21.12.p5) — Sanskrit --- Source: [https://indike.org/pramana/in.purana.brahmanda.2.65](https://indike.org/pramana/in.purana.brahmanda.2.65) · Pramāṇa