[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmandapurana](https://indike.org/pramana/in.purana.brahmanda) › 2.68 # Brahmandapurana 2.68 Brahmāṇḍapurāṇa 2.68 - **Language:** Sanskrit ## Contents - [2.68.107](https://indike.org/pramana/in.purana.brahmanda.2.68.107) — 1 part ### [2.68.1](https://indike.org/pramana/in.purana.brahmanda.2.68.1) ṛṣaya ūcuḥ marutena kathaṃ kanyā rājñe dattā mahātmanā / kiṃvīryāśca mahātmāno jātā marutakanyayā // ### [2.68.2](https://indike.org/pramana/in.purana.brahmanda.2.68.2) sūta uvāca āharatsa marutsomamannakāmaḥ prajeśvaraḥ / māsimāsi mahātejāḥ ṣaṣṭisaṃvatsarānnṛpa // ### [2.68.3](https://indike.org/pramana/in.purana.brahmanda.2.68.3) tena te marutastasya marutsomena toṣitāḥ / akṣayyānnaṃ daduḥ prītāḥ sarvakāmaparicchadam // ### [2.68.4](https://indike.org/pramana/in.purana.brahmanda.2.68.4) annaṃ tasya sakṛdbhuktamahorātraṃ na kṣīyate / koṭiśo dīya mānaṃ ca sūryasyodayanādapi // ### [2.68.5](https://indike.org/pramana/in.purana.brahmanda.2.68.5) mitrajyotestu kanyāyā maritasya ca dhīmataḥ / tasmājjātā mahāsattvā dharmajñā mokṣadarśinaḥ // ### [2.68.6](https://indike.org/pramana/in.purana.brahmanda.2.68.6) saṃnyasya gṛhadharmāṇi vairāgyaṃ samupasthitāḥ / yatidharmamavāpyeha brahmabhūyāya te gatāḥ // ### [2.68.7](https://indike.org/pramana/in.purana.brahmanda.2.68.7) anenasaḥ suto jātaḥ kṣatradharmaḥ pratāpavān / kṣatradharmasuto jātaḥ pratipakṣo mahātapāḥ // ### [2.68.8](https://indike.org/pramana/in.purana.brahmanda.2.68.8) pratipakṣasutaścāpi sṛṃjayo nāma viśrutaḥ / sṛṃjayasya jayaḥ putro vijayastasya jajñivān // ### [2.68.9](https://indike.org/pramana/in.purana.brahmanda.2.68.9) vijayasya jayaḥ putrastasya haryaśvakaḥ smṛtaḥ / iryaśvasya suto rājā sahadevaḥ pratāpavān // ### [2.68.10](https://indike.org/pramana/in.purana.brahmanda.2.68.10) sahadevasya dharmātmā ahīna iti viśrutaḥ / ahīnasya cayatsenastasya putro 'tha saṃkṛtiḥ // ### [2.68.11](https://indike.org/pramana/in.purana.brahmanda.2.68.11) saṃkṛterapi dharmātmā kṛtadharmā mahāyaśāḥ / ityete kṣatradharmāṇo nahuṣasya nibodhata // ### [2.68.12](https://indike.org/pramana/in.purana.brahmanda.2.68.12) nahuṣasya tu dāyādāḥ ṣaḍindropamatejasaḥ / yatiryayātiḥ saṃyātirāyatirviyatiḥ kṛtiḥ // ### [2.68.13](https://indike.org/pramana/in.purana.brahmanda.2.68.13) yatirjyeṣṭhastu teṣāṃ vai yayātistu tato 'varaḥ / kākutsthakanyāṃ gāṃ nāma lebhe patnīṃ yatistadā // ### [2.68.14](https://indike.org/pramana/in.purana.brahmanda.2.68.14) sa yatirmokṣamāsthāya brahmabhūto 'bhavanmuniḥ / teṣāṃ madhye tu pañcānāṃ yayātiḥ pṛthivīpatiḥ // ### [2.68.15](https://indike.org/pramana/in.purana.brahmanda.2.68.15) devayānīmuśanasaḥ sutāṃ bhāryāmavāpa ha / śarmiṣṭhāmāsurīṃ caiva tanayāṃ vṛṣaparvaṇaḥ // ### [2.68.16](https://indike.org/pramana/in.purana.brahmanda.2.68.16) yaduṃ ca turvasuṃ caiva devayāno vyajāyata / druhyuṃ cānuṃ ca pūruṃ ca śarmiṣṭhā vārṣaparvaṇī // ### [2.68.17](https://indike.org/pramana/in.purana.brahmanda.2.68.17) ajījananmahāvīryānsutāndevasutopamān / rathaṃ tasmai dadau śakraḥ prītaḥ paramabhāsvaram // ### [2.68.18](https://indike.org/pramana/in.purana.brahmanda.2.68.18) asaṃgaṃ kāñcanaṃ divyamakṣayau ca maheṣudhī / yuktaṃ manojavairaśvairyena kanyāṃ samudvahat // ### [2.68.19](https://indike.org/pramana/in.purana.brahmanda.2.68.19) sa tena rathamukhyena jigāya satataṃ mahīm / yayātiryudhi durddharṣo devadānavamānavaiḥ // ### [2.68.20](https://indike.org/pramana/in.purana.brahmanda.2.68.20) pauravāṇāṃ nṛpāṇāṃ ca sarveṣāṃ so 'bhavadrathī / yāvatsudeśaprabhavaḥ kauravo janamejayaḥ // ### [2.68.21](https://indike.org/pramana/in.purana.brahmanda.2.68.21) kuroḥ pautrasya rājñaratu rājñaḥ pārīkṣitasya ha / jagāma saratho nāśaṃ śāpādgārgyasya dhīmataḥ // ### [2.68.22](https://indike.org/pramana/in.purana.brahmanda.2.68.22) gārgyasya hi sutaṃ bālaṃ sa rājā janamejayaḥ / durbuddhirhiṃsayā māsa lohagandhī narādhipaḥ // ### [2.68.23](https://indike.org/pramana/in.purana.brahmanda.2.68.23) sa lohagandhī rājarṣiḥ paridhāvannitastataḥ / paurajānapadaistyakto na lebhe śarma karhicit // ### [2.68.24](https://indike.org/pramana/in.purana.brahmanda.2.68.24) tataḥ sa duḥkhasaṃtapto nālabhatsaṃvidaṃ kvacita / sa prāyācchaunakamṛṣiṃ śaraṇaṃ vyathitastadā // ### [2.68.25](https://indike.org/pramana/in.purana.brahmanda.2.68.25) indrotonāma vikhyāto yo 'sau muni rudāradhīḥ / yojayāmāsa caindrotaḥ śaunako janamejayam // ### [2.68.26](https://indike.org/pramana/in.purana.brahmanda.2.68.26) aśvamedhena rājānaṃ pāvanārthaṃ dvijottamāḥ / sa lohagandho vyanaśatta syāvabhṛthametya ha // ### [2.68.27](https://indike.org/pramana/in.purana.brahmanda.2.68.27) sa vai divyo rathastasmādvasoścedipatestathā / dattaḥ śakrena tuṣṭena lebhe tasmādbṛhadrathaḥ // ### [2.68.28](https://indike.org/pramana/in.purana.brahmanda.2.68.28) tato hatvā jarāsaṃdhaṃ bhīmastaṃ rathamuttamam / pradadau vāsudevāya prītyā kauravanandanaḥ // ### [2.68.29](https://indike.org/pramana/in.purana.brahmanda.2.68.29) sa jarāṃ prāpya rājarṣiryayātirnahuṣātmajaḥ / putraṃ śreṣṭaṃ variṣṭhaṃ ca yadumityabravīdvacaḥ // ### [2.68.30](https://indike.org/pramana/in.purana.brahmanda.2.68.30) jarāvalī ca māṃ tāta palitāni ca paryayuḥ / kāvyasyośanasaḥ śāpānna ca tṛpto 'smi yauvane // ### [2.68.31](https://indike.org/pramana/in.purana.brahmanda.2.68.31) tvaṃ yado pratipadyasva pāpmānaṃ jarayā saha / jarāṃ me pratigṛhṇīṣva taṃ yaduḥ pratyuvāca ha // ### [2.68.32](https://indike.org/pramana/in.purana.brahmanda.2.68.32) anirdiṣṭā hi me bhikṣā brāhmaṇasya pratiśrutā / sā tu vyāyāmasādhyā vai na grahīṣyāmi te jarām // ### [2.68.33](https://indike.org/pramana/in.purana.brahmanda.2.68.33) jarāyāṃ bahavo doṣāḥ pānabhojanakāritāḥ / tasmājjarāṃ na te rājangrahītumahamutsahe // ### [2.68.34](https://indike.org/pramana/in.purana.brahmanda.2.68.34) sitaśmaśrudharo dīno jarayā śithilīkṛtaḥ / valīsaṃtatagātraśca nirāśo durbalākṛtiḥ // ### [2.68.35](https://indike.org/pramana/in.purana.brahmanda.2.68.35) aśaktaḥ kāryakaraṇe paribūtastu yauvane / sahopavītibhiścaiva tāṃ jarāṃ nābhikāmaye // ### [2.68.36](https://indike.org/pramana/in.purana.brahmanda.2.68.36) saṃti te bahavaḥ putrā mattaḥ priyatarā nṛpa / pratigṛhṇantu dharmajña putramanyaṃ vṛṇīṣva vai // ### [2.68.37](https://indike.org/pramana/in.purana.brahmanda.2.68.37) sa evamukto yadunā dīvrakopasamanvitaḥ / uvāca vadatāṃ śreṣṭo jyeṣṭhaṃ taṃ garhayansutam // ### [2.68.38](https://indike.org/pramana/in.purana.brahmanda.2.68.38) āśramaḥ kastavānyo 'sti ko vā dharmavidhistava / māmanādṛtya durbuddhe yadahaṃ tava deśikaḥ // ### [2.68.39](https://indike.org/pramana/in.purana.brahmanda.2.68.39) evamuktvā yaduṃ rājā śaśāpainaṃ sa manyumān / yastvaṃ me tdṛdayājjāto vayaḥ svaṃ na prayacchasi // ### [2.68.40](https://indike.org/pramana/in.purana.brahmanda.2.68.40) tasmānna rājyabhāṅmūḍha prajā te vai bhaviṣyati / turvaso pratipadyasva pāpmānaṃ jarayā saha // ### [2.68.41](https://indike.org/pramana/in.purana.brahmanda.2.68.41) turvasuruvāca na kāmaye jarāṃ tāta kāmabhogapraṇāśinīm / jarāyāṃ bahavo doṣāḥ pānabhojana kāritāḥ // ### [2.68.42](https://indike.org/pramana/in.purana.brahmanda.2.68.42) tasmājjarāṃ na te rājangrahītumahamutsahe / yayātiruvāca yastvaṃ me tdṛdayājjāto vayaḥ svaṃ na prayacchasi // ### [2.68.43](https://indike.org/pramana/in.purana.brahmanda.2.68.43) tasmātprajānu vicchedaṃ turvaso tava yāsyati / saṃkīrṇeṣu ca dharmeṇa pratilomanareṣu ca // ### [2.68.44](https://indike.org/pramana/in.purana.brahmanda.2.68.44) piśitāśiṣu cānyeṣu mūḍha rājā bhaviṣyasi / gurudāraprasakteṣu tiryagyonigateṣu vā / vāsaste pāpa mleccheṣu bhaviṣyati na saṃśayaḥ // ### [2.68.45](https://indike.org/pramana/in.purana.brahmanda.2.68.45) sūta uvāca evaṃ tu turvasuṃśaptvā yayātiḥ sutamātmanaḥ // ### [2.68.46](https://indike.org/pramana/in.purana.brahmanda.2.68.46) śarmiṣṭhāyāḥ sutaṃ druhyumidaṃ vacanamabravīt / druhyo tvaṃ pratipadyasva varṇarūpavināśinīm // ### [2.68.47](https://indike.org/pramana/in.purana.brahmanda.2.68.47) jarā varṣasahasraṃvai yauvanaṃ svaṃ dadasva me / pūrṇe varṣasahasre te pratidāsyāmi yauvanam // ### [2.68.48](https://indike.org/pramana/in.purana.brahmanda.2.68.48) svaṃ cādāsyāmi bhūyo 'haṃ pāpmānaṃ jarayā saha / druhyuruvāca nāroheta rathaṃ nāśvaṃ jīrṇo bhuṅkte na ca striyam / na sukhaṃ cāsya bhavati na jarāṃ tena kāmaye // ### [2.68.49](https://indike.org/pramana/in.purana.brahmanda.2.68.49) yayātiruvāca yastvaṃ me hṛdayājjāto vayaḥ svaṃ na prayacchasi // ### [2.68.50](https://indike.org/pramana/in.purana.brahmanda.2.68.50) tasmāddruhyo priyaḥ kāmo na te saṃpatsyate kvacit / nauplavottarasaṃcārastava nityaṃ bhaviṣyati // ### [2.68.51](https://indike.org/pramana/in.purana.brahmanda.2.68.51) arājā rājavaṃśastvaṃ tatra nityaṃ vasiṣyasi / ano tvaṃ pratipādyasva pāpmānaṃ jarayā saha // ### [2.68.52](https://indike.org/pramana/in.purana.brahmanda.2.68.52) evaṃ varṣasahasraṃ tu careyaṃ yauvanena te / anuruvāca jīrṇaḥ śiśurivāśakto jarayā hyaśuciḥ sadā / na juhoti sa kāle 'gniṃ tāṃ jarāṃ nābhikāmaye // ### [2.68.53](https://indike.org/pramana/in.purana.brahmanda.2.68.53) yayātirūvāca / yastvaṃ me hṛdayājjāto vayaḥ svaṃ na prayacchasi // ### [2.68.54](https://indike.org/pramana/in.purana.brahmanda.2.68.54) jarādoṣa stvayokto 'yaṃ tasmāttvaṃ pratipatsyase / prajā ca yauvanaṃ prāptā vinaśiṣyatyano tava // ### [2.68.55](https://indike.org/pramana/in.purana.brahmanda.2.68.55) agnipraskandanaparāstvaṃ vāpyevaṃ bhaviṣyasi / pūro tvaṃ pratipadyasva pāpmānaṃ jarayā saha // ### [2.68.56](https://indike.org/pramana/in.purana.brahmanda.2.68.56) jarāvalī ca māṃ tāta palitāni ca paryayuḥ / kāvyasyośanasaḥ śāpānna ca tṛpto 'smiyauvane // ### [2.68.57](https://indike.org/pramana/in.purana.brahmanda.2.68.57) kañcitkālaṃ careyaṃ vai viṣayānvayasā tava / pūrṇe varṣasahasre te pratidāsyāmi yauvanam // ### [2.68.58](https://indike.org/pramana/in.purana.brahmanda.2.68.58) svaṃ caiva pratipatsye 'haṃ pāpmānaṃ jarayā saha / sūta uvāca evamuktaḥ pratyuvāca putraḥ pitaramañjasā // ### [2.68.59](https://indike.org/pramana/in.purana.brahmanda.2.68.59) yathā tu manyase tāta kariṣyāmi tathaiva ca / pratipatsye ca te rājanpāpmānaṃ jarayā saha // ### [2.68.60](https://indike.org/pramana/in.purana.brahmanda.2.68.60) gṛhāṇa yauvanaṃ mattaścara kāmānyathepsitān / jarayāhaṃ praticchanno vayorūpadharastava // ### [2.68.61](https://indike.org/pramana/in.purana.brahmanda.2.68.61) yauvanaṃ bhavate dattvā cariṣyāmi yathārthavat / yayātiruvāca pūro prīto 'smi bhadraṃ te prītaścedaṃ dadāmi te // ### [2.68.62](https://indike.org/pramana/in.purana.brahmanda.2.68.62) sarvakāmasamṛddhā te prajā rājye bhaviṣyati / sūta uvāca pūroranumato rājā yayātiḥ svajarāṃ tataḥ // ### [2.68.63](https://indike.org/pramana/in.purana.brahmanda.2.68.63) saṃkrāmayāmāsa tadā prāsādadbhārgavasya tu / gauraveṇātha vayasā yayātirnahuṣātmajaḥ // ### [2.68.64](https://indike.org/pramana/in.purana.brahmanda.2.68.64) prītiyukto naraśreṣṭhaścacāra viṣayānsvakān / yathākāmaṃ yathotsāhaṃ yathākālaṃ yathāsukham // ### [2.68.65](https://indike.org/pramana/in.purana.brahmanda.2.68.65) dharmāvirodhī rājendro yathāśakti sa eva hi / devānatarpayadyajñaiḥ pitṝñśrāddhaistathaiva ca // ### [2.68.66](https://indike.org/pramana/in.purana.brahmanda.2.68.66) dārānanugrahairiṣṭaiḥ kāmaiśca dvijasattamān / atithīnannapānaiśca vaiśyaṃśca paripālanaiḥ // ### [2.68.67](https://indike.org/pramana/in.purana.brahmanda.2.68.67) ānṛśaṃsyena śūdrāṃśca dasyūnsaṃnigraheṇa ca / dharmeṇa ca prajāḥ sarvā yathāvadanurañjayat // ### [2.68.68](https://indike.org/pramana/in.purana.brahmanda.2.68.68) yayātiḥ pālayāmāsa sākṣādindra ivāparaḥ / sa rājā siṃhavikrānto yuvā viṣayagocaraḥ // ### [2.68.69](https://indike.org/pramana/in.purana.brahmanda.2.68.69) avirodhena dharmasya cacāra sukhamuttamam / sa mārgamāṇaḥ kāmānāmataddoṣanidarśanāt // ### [2.68.70](https://indike.org/pramana/in.purana.brahmanda.2.68.70) viśvācyā sahito reme vaibrāje nandane vane / apaśyatsa yadā tānvai varddhamānānnṛpastadā // ### [2.68.71](https://indike.org/pramana/in.purana.brahmanda.2.68.71) gatvā pūroḥ sakāśaṃ vai svāṃ jarāṃ pratyapadyata / saṃprāpya sa tu tānkāmāṃstṛptaḥ khinnaśca pārthivaḥ // ### [2.68.72](https://indike.org/pramana/in.purana.brahmanda.2.68.72) kālaṃ varṣasahasraṃ vai sasmāra manujādhipaḥ / parisaṃkhyāya kāle ca kalāḥ kāṣṭhāstathaiva ca // ### [2.68.73](https://indike.org/pramana/in.purana.brahmanda.2.68.73) pūrṇaṃ matvā tataḥ kālaṃ pūruṃ putramuvāca ha / yathā sukhaṃ yathotsāhaṃ yathākālamarindama // ### [2.68.74](https://indike.org/pramana/in.purana.brahmanda.2.68.74) sevitā viṣayaḥ putra yauvanena mayā tava / pūro prīto 'smi bhadraṃ te gṛhāṇa tvaṃ svayauvanam // ### [2.68.75](https://indike.org/pramana/in.purana.brahmanda.2.68.75) rājyaṃ ca tvaṃ gṛhāṇedaṃ tvaṃ hi me priyakṛtsutaḥ / pratipede jarāṃ rājā yayātirnahuṣātmajaḥ // ### [2.68.76](https://indike.org/pramana/in.purana.brahmanda.2.68.76) yauvanaṃ pratipede ca pūruḥ svaṃ punarātmanaḥ / abhiṣektukāmaṃ ca nṛpaṃ pūruṃ putraṃ kanīyasam // ### [2.68.77](https://indike.org/pramana/in.purana.brahmanda.2.68.77) brāhmaṇapramukhā varṇā idaṃ vacanamabruvan / kathaṃ śukrasya naptāraṃ devayānyāḥ sutaṃ prabho // ### [2.68.78](https://indike.org/pramana/in.purana.brahmanda.2.68.78) jyeṣṭhaṃ yadumatikramya rājyaṃ dāsyasi pūrave / yadurjyeṣṭhastava suto jātastamanudaturvasuḥ // ### [2.68.79](https://indike.org/pramana/in.purana.brahmanda.2.68.79) śarmiṣṭhāyāḥ suto druhyustato 'nuḥ pūrureva ca / kathaṃ jyeṣṭhānatikramya kanīyānrājyamarhati / sutaḥ saṃbodhayāmastvāṃ dharmaṃ samanupālaya // ### [2.68.80](https://indike.org/pramana/in.purana.brahmanda.2.68.80) yayātiruvāca brāhmaṇapramukhā varṇāḥ sarve śṛṇvantu me vacaḥ // ### [2.68.81](https://indike.org/pramana/in.purana.brahmanda.2.68.81) jyeṣṭhaṃ prati yathā rājyaṃ na deyaṃ me kathañcana / mātāpitrorvacanakṛdvīraḥ putraḥ praśasyate // ### [2.68.82](https://indike.org/pramana/in.purana.brahmanda.2.68.82) mama jyeṣṭhena yadunā niyogo nānupālitaḥ / pratikūlaḥ pituryaśca na sa putraḥ satāṃmataḥ // ### [2.68.83](https://indike.org/pramana/in.purana.brahmanda.2.68.83) sa putraḥ putravadyaśca varttate pitṛmātṛṣu / yadunāhamavajñātastathā turvasunāpi ca // ### [2.68.84](https://indike.org/pramana/in.purana.brahmanda.2.68.84) druhyunā cānunā caiva mayyavajñā kṛtā bhṛśam / pūruṇā tu kṛtaṃ vākyaṃ mānitaśca viśeṣataḥ // ### [2.68.85](https://indike.org/pramana/in.purana.brahmanda.2.68.85) kanīyānmama dāyādo jarā yena dhṛtā mama / sarve kāmā mama kṛtāḥ pūruṇā puṇyakāriṇā // ### [2.68.86](https://indike.org/pramana/in.purana.brahmanda.2.68.86) śukreṇa ca varo dattaḥ kāvyenośanasā svayam / putro yastvānuvartteta sa rājā tu mahāmate // ### [2.68.87](https://indike.org/pramana/in.purana.brahmanda.2.68.87) prajā ūcuḥ bhavato 'numato 'pyevaṃ pūrū rājye 'bhiṣicyatām / yaḥ putro guṇasaṃpanno mātāpitrorhitaḥ sadā // ### [2.68.88](https://indike.org/pramana/in.purana.brahmanda.2.68.88) sarvamarhati kalyāṇaṃ kanīyānapi sa prabhuḥ / arhe 'sya pūrū rājyasya yaḥ priyaḥ priyakṛttava // ### [2.68.89](https://indike.org/pramana/in.purana.brahmanda.2.68.89) varadānena śukrasya na śakyaṃ vaktumuttaram / paurajāna padaistuṣṭairityukte nāhuṣastadā // ### [2.68.90](https://indike.org/pramana/in.purana.brahmanda.2.68.90) abhiṣicya tataḥ pūruṃ sa rājye sutamātmanaḥ / diśi dakṣiṇapūrvasyāṃ turvasuṃ tu nyaveśayat // ### [2.68.91](https://indike.org/pramana/in.purana.brahmanda.2.68.91) dakṣiṇāparato rājā yaduṃ jyeṣṭhaṃ nyaveśayat / pratīcyāmuttarasyāṃ ca druhyuṃ cānuṃ ca tāvubhau // ### [2.68.92](https://indike.org/pramana/in.purana.brahmanda.2.68.92) saptadvīpāṃ yayātistu jitvā pṛthvīṃ sasāgarām / vyabhajatpañcadhā rājā putrebhyo nāhuṣastadā // ### [2.68.93](https://indike.org/pramana/in.purana.brahmanda.2.68.93) tairiyaṃ pṛthivī sarvā saptadvīpā sapattanā / yathāpradeśaṃ dharmajñairdharmeṇa pratipānyate // ### [2.68.94](https://indike.org/pramana/in.purana.brahmanda.2.68.94) evaṃ vibhajya pṛthivīṃ putrebhyo nāhuṣastadā / putrasaṃkrāmitaśrīstu prītimā nabhavannṛpaḥ // ### [2.68.95](https://indike.org/pramana/in.purana.brahmanda.2.68.95) dhanurnyasya pṛṣatkāṃśca rājyaṃ caiva suteṣu tu / prītimānabhavadrājā bhāramāveśya bandhuṣu // ### [2.68.96](https://indike.org/pramana/in.purana.brahmanda.2.68.96) atra gāthā mahārājñā purā gītā yayātinā / yābhiḥ pratyāharetkāmātkūrmauṃ'gānīva sarvaśaḥ // ### [2.68.97](https://indike.org/pramana/in.purana.brahmanda.2.68.97) na jātu kāmaḥ kāmānamupabhogena śāmyati / haviṣā kṛṣṇavartmeva bhūya evābhivarddhate // ### [2.68.98](https://indike.org/pramana/in.purana.brahmanda.2.68.98) yatpṛthivyāṃ vrīhiyavaṃ hiraṇyaṃ paśavaḥ striyaḥ / nālamekasya tatsarvamiti paśyanna muhyati // ### [2.68.99](https://indike.org/pramana/in.purana.brahmanda.2.68.99) yadā na kurute bhāvaṃ sarvabhūteṣvamaṅgalam / karmaṇā manasā vācā brahma saṃpadyate tadā // ### [2.68.100](https://indike.org/pramana/in.purana.brahmanda.2.68.100) yadā parānna bibheti yadānyasmānna bibhyati / yadā necchati na dveṣṭi brahma saṃpadyate tadā // ### [2.68.101](https://indike.org/pramana/in.purana.brahmanda.2.68.101) yā dustyajā durmatibhiryā na jīryati jīryataḥ / yaiṣā prāṇāntiko rogastāṃ tṛṣṇāṃ tyajataḥ sukham // ### [2.68.102](https://indike.org/pramana/in.purana.brahmanda.2.68.102) jīryanti jīryataḥ keśā dantā jīryanti jīryataḥ / jīvitāśā dhanāśā ca jīryato 'pi na jīryati // ### [2.68.103](https://indike.org/pramana/in.purana.brahmanda.2.68.103) yacca kāmasukhaṃ loke yaccha divyaṃ mahatsukham / kṛṣṇākṣayasukhasyaitatkalāṃ narhanti ṣoḍaśīm // ### [2.68.104](https://indike.org/pramana/in.purana.brahmanda.2.68.104) evamuktvā sa rājarṣiḥ sadāraḥ prasthito vanam / bhṛgutuṅge tapastaptvā tatraiva ca mahāyaśāḥ // ### [2.68.105](https://indike.org/pramana/in.purana.brahmanda.2.68.105) pālayitvā vrataṃ cārṣaṃ tatraiva svarga māptavān / tasya vaṃśāstu pañcaite puṇyā devarṣisatkṛtāḥ // ### [2.68.106](https://indike.org/pramana/in.purana.brahmanda.2.68.106) yairvyāptā pṛthivī kṛtsnā sūryasyeva gabhastibhiḥ / dhanyaḥ prajāvā nāyuṣmānkīrttimāṃśca bhavennaraḥ // ### [2.68.107](https://indike.org/pramana/in.purana.brahmanda.2.68.107) yayāteścāritaṃ sarvaṃ paṭhañchṛṇvandvijottamāḥ // ### [2.68.107.p1](https://indike.org/pramana/in.purana.brahmanda.2.68.107.p1) iti śrībrahmāṇḍe mahāpurāṇe vāyuprokte madhyamabhāge tṛtīya upoddhātapāde aṣṭaṣaṣṭitamo 'dhyāyaḥ // 68// ## Linked texts (7) - [Vāyupurāṇa](https://indike.org/pramana/in.purana.vayu.2.31.2) — Vyāsa, Sanskrit - [Southern recension](https://indike.org/pramana/in.lit.mahabharata.vyasa*southern.1.78.2) — Sanskrit - [Liṅgapurāṇa](https://indike.org/pramana/in.purana.linga.1.66.64) — Vyāsa, Sanskrit - [Vulgate](https://indike.org/pramana/in.lit.mahabharata.harivamsa*vulgate.1.30.4) — Sanskrit - [Brahmapurāṇa](https://indike.org/pramana/in.purana.brahma.12.4) — Vyāsa, Sanskrit - [Vallālacarita](https://indike.org/pramana/in.lit.historical.vallalacarita.2.11.22) — Ānandabhaṭṭa 1510, Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.75.64) — Ativīrarāma Pāṇṭiyar 1500, Sanskrit --- Source: [https://indike.org/pramana/in.purana.brahmanda.2.68](https://indike.org/pramana/in.purana.brahmanda.2.68) · Pramāṇa