[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmandapurana](https://indike.org/pramana/in.purana.brahmanda) › 2.69 # Brahmandapurana 2.69 Brahmāṇḍapurāṇa 2.69 - **Language:** Sanskrit ## Contents - [2.69.57](https://indike.org/pramana/in.purana.brahmanda.2.69.57) — 1 part ### [2.69.1](https://indike.org/pramana/in.purana.brahmanda.2.69.1) sūta uvāca yadorvaṃśaṃ pravakṣyāmi jyeṣṭhasyottamatejasaḥ / vistareṇānupūrvyā ca gadato me nibodhata // ### [2.69.2](https://indike.org/pramana/in.purana.brahmanda.2.69.2) yadoḥ putrā babhūvurhi pañca devasutopamāḥ / sahasrajidatha śreṣṭhaḥ kroṣṭurnīloñjiko laghuḥ // ### [2.69.3](https://indike.org/pramana/in.purana.brahmanda.2.69.3) sahasrajitsutaḥ śrīmāñchatajinnāma pārthivaḥ / śatajittanayāḥ khyātastrayaḥ paramadhārmikāḥ // ### [2.69.4](https://indike.org/pramana/in.purana.brahmanda.2.69.4) haihayaśca hayaschaiva rājā veṇu hayastathā / haihayasya tu dāyādo dharmanetra iti śrutaḥ // ### [2.69.5](https://indike.org/pramana/in.purana.brahmanda.2.69.5) dharmanetrasya kuntistu saṃkṣeyastasya cātmajaḥ / saṃjñeyasya tu dāyādo mahiṣmānnāma pārthivaḥ // ### [2.69.6](https://indike.org/pramana/in.purana.brahmanda.2.69.6) āsīnmahiṣmataḥ putro bhadramenaḥ pratāpavān / vārāṇasyadhipo rājā kathitaḥ pūrva eva hi // ### [2.69.7](https://indike.org/pramana/in.purana.brahmanda.2.69.7) bhadra senasya dāyādo durmado nāma pārthivaḥ / durmadasyasuto dhīmānkanako nāma viśrutaḥ // ### [2.69.8](https://indike.org/pramana/in.purana.brahmanda.2.69.8) kanakasya tu dāyādāścatvāro lokaviśrutāḥ / kṛtavīryaḥ kṛtāgniśca kṛtavarmā tathaiva ca // ### [2.69.9](https://indike.org/pramana/in.purana.brahmanda.2.69.9) kṛtaujāśca caturtho 'bhūtkṛtavīryātmajor'junaḥ / jajñe bāhusahasreṇa saptadvīpeśvaro nṛpaḥ // ### [2.69.10](https://indike.org/pramana/in.purana.brahmanda.2.69.10) sa hi varṣāyutaṃ taptvā tapaḥ paramaduścaram / dattamārādhayāmāsa kārttavīryo 'trisaṃbhavam // ### [2.69.11](https://indike.org/pramana/in.purana.brahmanda.2.69.11) tasmai datto varānprādācca turo bhūritejasaḥ / pūrvaṃ bāhusahasraṃ tu sa vavre prathamaṃ varam // ### [2.69.12](https://indike.org/pramana/in.purana.brahmanda.2.69.12) adharmaṃ dhyāyamānasya sahasāsmānnivāraṇam / dharmeṇa pṛthivīṃ jitvā dharmeṇaivānupālanam // ### [2.69.13](https://indike.org/pramana/in.purana.brahmanda.2.69.13) saṃgrāmāṃstu bahuñjitvā hatvā cārīnsahasraśaḥ / saṃgrāme yudhyamānasya vadhaḥ syātpradhane mama // ### [2.69.14](https://indike.org/pramana/in.purana.brahmanda.2.69.14) teneyaṃ pṛthivī kṛtsnā saptadvīpā sapattanā / saptodadhiparikṣiptā kṣatreṇa vidhinā jitā // ### [2.69.15](https://indike.org/pramana/in.purana.brahmanda.2.69.15) tasya bāhusahasraṃ tu yudhyataḥ kilayogataḥ / yogo yogeśvarasyeva prādurbhavati māyayā // ### [2.69.16](https://indike.org/pramana/in.purana.brahmanda.2.69.16) tena saptasu dvīpeṣu saptayajñaśatāni vai / kṛtāni vidhinā rājñā śrūyate munisattamāḥ // ### [2.69.17](https://indike.org/pramana/in.purana.brahmanda.2.69.17) sarve yajñā mahābāhostasyāmanbhūritejasaḥ / sarve kāñcanavedīkāḥ sarve yūpaiśca kāñcanaiḥ // ### [2.69.18](https://indike.org/pramana/in.purana.brahmanda.2.69.18) sarvairdevairmahābhāgai rvimānasthairalaṅkṛtāḥ / gandharvairapsarobhiśca nityamevopaśobhitāḥ // ### [2.69.19](https://indike.org/pramana/in.purana.brahmanda.2.69.19) tasya rājño jagau gāthāṃ gandharvo nāradastadā / caritaṃ tasya rājarṣermahimānaṃ nirīkṣya ca // ### [2.69.20](https://indike.org/pramana/in.purana.brahmanda.2.69.20) na nūnaṃ kārttavīryasya gatiṃ yāsyanti mānavāḥ / yajñairdānaistapobhiśca vikrameṇa śrutena ca // ### [2.69.21](https://indike.org/pramana/in.purana.brahmanda.2.69.21) dvīpeṣu saptasu sa vai dhanvī khaḍgī śārāsanī / rathī rājā sānucaro yogāccaivānudṛśyate // ### [2.69.22](https://indike.org/pramana/in.purana.brahmanda.2.69.22) anaṣṭadravyatā cāsīnna kleśo na ca vibhramaḥ / prabhāveṇa mahārājñaḥ prajā dharmeṇa rakṣitaḥ // ### [2.69.23](https://indike.org/pramana/in.purana.brahmanda.2.69.23) pañcāśītisahasrāṇi varṣāṇāṃ sa narādhipaḥ / sa sarvaratnabhāksa mrāṭ cakravartī babhūva ha // ### [2.69.24](https://indike.org/pramana/in.purana.brahmanda.2.69.24) sa eṣa paśupālo 'bhūtkṣetrapālastathai va ca / sa eva vṛṣṭyā parjanyo yogitvādarjuno 'bhavat // ### [2.69.25](https://indike.org/pramana/in.purana.brahmanda.2.69.25) sa ve bāhusahasreṇa jyāghātakaṭhinena ca / bhāti raśmisahasreṇa śāradenaiva bhāskaraḥ // ### [2.69.26](https://indike.org/pramana/in.purana.brahmanda.2.69.26) sa hi nāgasahakreṇa māhiṣmatyāṃ narādhipaḥ / karkoṭakasabhāṃ jitvā purīṃ tatra nyaveśayat // ### [2.69.27](https://indike.org/pramana/in.purana.brahmanda.2.69.27) sa vai vegaṃ samudrasya prāvṛṭkāleṃbujekṣaṇaḥ / krīḍanneva sukhodvignaḥ prāvṛṭkālaṃ cakāra ha // ### [2.69.28](https://indike.org/pramana/in.purana.brahmanda.2.69.28) lulitā krīḍatā tena hemasragdāmamālinī / ūrmimuktārttasannādā śaṅkitābhyeti narmadā // ### [2.69.29](https://indike.org/pramana/in.purana.brahmanda.2.69.29) purā bhuja sahasreṇa sa jagāhe mahārmavam / cakārodvṛttavelaṃ tamakāle mārutoddhatam // ### [2.69.30](https://indike.org/pramana/in.purana.brahmanda.2.69.30) tasya bāhusahasreṇa kṣobhyamāṇe mahodadhau / bhavanti līnā niśceṣṭāḥ pātālasthā mahāsurāḥ // ### [2.69.31](https://indike.org/pramana/in.purana.brahmanda.2.69.31) cūrṇīkṛtamahāvīcilīnamīnamahāviṣam / patitāviddhaphenaughamāvarttakṣiptadussaham // ### [2.69.32](https://indike.org/pramana/in.purana.brahmanda.2.69.32) cakāra kṣobhayanrājā doḥsahasreṇa sāgaram / devāsuraparikṣiptaṃ kṣīrodamiva sāgaram // ### [2.69.33](https://indike.org/pramana/in.purana.brahmanda.2.69.33) mandarakṣobhaṇabhrāntamamṛtotpatti hetave / sahasā vidrutā bhītā bhīmaṃ dṛṣṭvā nṛpottamam // ### [2.69.34](https://indike.org/pramana/in.purana.brahmanda.2.69.34) niścitaṃ natamūrddhāno babhūvuśca mahoragāḥ / sāyāhne kadalīkhañca nivātestamitā iva // ### [2.69.35](https://indike.org/pramana/in.purana.brahmanda.2.69.35) jyāmāropya dṛḍhe cāpe sāyakaiḥ pañcabhiḥ śataiḥ / laṅkeśaṃ mohayitvā tu sabalaṃ rāvaṇaṃ balāt // ### [2.69.36](https://indike.org/pramana/in.purana.brahmanda.2.69.36) nirjitya vaśamānīya māhiṣmatyāṃ babandha tam / tato gatvā pulastyastamarjunaṃ ca prasādhayat // ### [2.69.37](https://indike.org/pramana/in.purana.brahmanda.2.69.37) mumoca rājā paulastyaṃ pulastyenā nuyācitaḥ / tasya bāhusahasrasya babhūva jyātalasvanaḥ // ### [2.69.38](https://indike.org/pramana/in.purana.brahmanda.2.69.38) yugānteṃbudavṛndasya sphuṭitasyāśaneriva / aho mṛdhe mahāvīryo bhārgavastasya yo 'cchinat // ### [2.69.39](https://indike.org/pramana/in.purana.brahmanda.2.69.39) mṛdhe sahasraṃ bāhunāṃ hematālavanaṃ yathā / tṛṣitena kadācitsa bhikṣitaścitrabhānunā // ### [2.69.40](https://indike.org/pramana/in.purana.brahmanda.2.69.40) saptadvīpāṃścitrabhānoḥ prādadbhikṣāṃ viśāṃpatiḥ / purāṇi ghoṣāngrāmāṃśca pattanāni ca sarvaśaḥ // ### [2.69.41](https://indike.org/pramana/in.purana.brahmanda.2.69.41) jajvāla tasya bāṇeṣu citrābhānurdidhakṣayā / sa tasya puruṣendrasya pratāpena mahāyaśāḥ // ### [2.69.42](https://indike.org/pramana/in.purana.brahmanda.2.69.42) dadāha kārttavīryasya śailāṃścāpi vanāni ca / sa śūnyamāśramaṃ sarvaṃ varuṇasyātmajasya vai // ### [2.69.43](https://indike.org/pramana/in.purana.brahmanda.2.69.43) dadāha savanāṭopaṃ citrabhānuḥ sa haihayaḥ / yaṃ lebhe varuṇaḥ putraṃ purā bhāsvantamuttamam // ### [2.69.44](https://indike.org/pramana/in.purana.brahmanda.2.69.44) vasiṣṭhanāmā sa muniḥ khyāta āpava ityuta / tatrāpavastadā krodhādarjunaṃ śaptavānvibhuḥ // ### [2.69.45](https://indike.org/pramana/in.purana.brahmanda.2.69.45) yasmānnavarjitamidaṃ vanaṃ te mama haihaya / tasmātte duṣkaraṃ karma kṛtamanyo haniṣyati // ### [2.69.46](https://indike.org/pramana/in.purana.brahmanda.2.69.46) arjuno nāma kainteyaḥ sa ca rājā bhaviṣyati / arjunaṃ ca mahāvīryo rāmaḥ praharatāṃ varaḥ // ### [2.69.47](https://indike.org/pramana/in.purana.brahmanda.2.69.47) chittvā bāhusahasraṃ vai pramathya tarasā balī / tapasvī brāhmaṇaścaiva vadhiṣyati mahābalaḥ // ### [2.69.48](https://indike.org/pramana/in.purana.brahmanda.2.69.48) tasya rāmastadā hyāsīnmṛtyuḥ śāpena dhīmataḥ / rājñā tena varaścaiva svayameva vṛtaḥ purā // ### [2.69.49](https://indike.org/pramana/in.purana.brahmanda.2.69.49) tasya putraśataṃ tvāsītpañca tatra mahārathāḥ / kṛtāstrā balinaḥ śūrā dharmātmāno yaśasvinaḥ // ### [2.69.50](https://indike.org/pramana/in.purana.brahmanda.2.69.50) śūraśca śūrasenaśca vṛṣāsyo vṛṣa eva ca / jayadhvajo vaṃśakarttā avantiṣu viśāṃpatiḥ // ### [2.69.51](https://indike.org/pramana/in.purana.brahmanda.2.69.51) jayadhvajasya putrastu tālajaṅghaḥ pratāpavān / tasya putraśataṃ tvevaṃ tālajaṅghā itiśrutam // ### [2.69.52](https://indike.org/pramana/in.purana.brahmanda.2.69.52) teṣāṃ pañca gaṇāḥ khyātā haihayānāṃ mahātmanām / vītihotrāśca saṃjātā bhojāścāvantayastathā // ### [2.69.53](https://indike.org/pramana/in.purana.brahmanda.2.69.53) tuṇḍikerāśca vikrāntāstālajaṅghāstathaiva ca / vītihotrasutaścāpi ananto nāma pārthivaḥ // ### [2.69.54](https://indike.org/pramana/in.purana.brahmanda.2.69.54) durjayastasya putrastu babhūvāmitrakarśanaḥ / anaṣṭa dravyatā caiva tasya rājño babhūva ha // ### [2.69.55](https://indike.org/pramana/in.purana.brahmanda.2.69.55) prabhāveṇa mahārājaḥ prajāstāḥ paryapālayat / na tasya vittanāśaḥ syānnaṣṭaṃ pratilabhecca saḥ // ### [2.69.56](https://indike.org/pramana/in.purana.brahmanda.2.69.56) kārttavīryasya yo janma kathayediha dhīmataḥ / varddhante vibhavāśśaśvaddharmaścāsya vivarddhate // ### [2.69.57](https://indike.org/pramana/in.purana.brahmanda.2.69.57) yathā yaṣṭā yathā dātā tathā svarge mahīpate // ### [2.69.57.p1](https://indike.org/pramana/in.purana.brahmanda.2.69.57.p1) iti śrībrahmāṇḍe mahopurāṇe vāyuprokte madhyamabhāge tṛtīya upoddhātapāde bhārgavacarite kārttavīryasaṃbhavo nāma ekonasaptatitamo 'dhyāyaḥ ## Linked texts (9) - [Vāyupurāṇa](https://indike.org/pramana/in.purana.vayu.2.32.3) — Vyāsa, Sanskrit - [Brahmapurāṇa](https://indike.org/pramana/in.purana.brahma.13.158) — Vyāsa, Sanskrit - [Vulgate](https://indike.org/pramana/in.lit.mahabharata.harivamsa*vulgate.1.32.91) — Sanskrit - [Padmapurāṇa](https://indike.org/pramana/in.purana.padma.1.12.108) — Vyāsa, Sanskrit - [Liṅgapurāṇa](https://indike.org/pramana/in.purana.linga.1.68.1) — Vyāsa, Sanskrit - [Vallālacarita](https://indike.org/pramana/in.lit.historical.vallalacarita.2.11.25) — Ānandabhaṭṭa 1510, Sanskrit - [Southern recension](https://indike.org/pramana/in.lit.mahabharata.vyasa*southern.1.106.5) — Sanskrit - [Mudgalapurāṇa](https://indike.org/pramana/in.purana.upa.surya.mudgala.3.32.6) — Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.77.1) — Ativīrarāma Pāṇṭiyar 1500, Sanskrit --- Source: [https://indike.org/pramana/in.purana.brahmanda.2.69](https://indike.org/pramana/in.purana.brahmanda.2.69) · Pramāṇa