[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmandapurana](https://indike.org/pramana/in.purana.brahmanda) › 2.71 # Brahmandapurana 2.71 Brahmāṇḍapurāṇa 2.71 - **Language:** Sanskrit ## Contents - [2.71.265](https://indike.org/pramana/in.purana.brahmanda.2.71.265) — 1 part ### [2.71.1](https://indike.org/pramana/in.purana.brahmanda.2.71.1) sūta uvāca sāttvatājjajñire putrāḥ kauśalyāyāṃ mahābalāḥ / bhajamāno bhajirddivyo vṛṣṇirdevāvṛdho 'ndhakaḥ // ### [2.71.2](https://indike.org/pramana/in.purana.brahmanda.2.71.2) mahābhojaśca vikhyāto brahmaṇyassatyasaṃgaraḥ / teṣāṃ hi sargāścatvāraḥ śṛṇudhvaṃ vistareṇa vai // ### [2.71.3](https://indike.org/pramana/in.purana.brahmanda.2.71.3) bhajamānasya sṛṃjayyo bāhyakā copavāhyakā / sṛṃja yasya sute dve tu bāhyake te udāvahat // ### [2.71.4](https://indike.org/pramana/in.purana.brahmanda.2.71.4) tasya bhārye bhaginyau te prasūte tu sutānbahūn / nimlociḥ kiṅkaṇaścaiva dhṛṣṭiḥ para purañjayaḥ // ### [2.71.5](https://indike.org/pramana/in.purana.brahmanda.2.71.5) te bāhyakāyā sṛṃjayyā bhajamānādvijajñire / ayutājitsahasrājicchatājiditi nāmataḥ // ### [2.71.6](https://indike.org/pramana/in.purana.brahmanda.2.71.6) bāhyakāyāṃ bhaginyāṃ te bhajamānādvijajñire / teṣāṃ devāvṛdho rājā cacāra paramaṃ tapaḥ / putraḥ sarvaguṇopeto mama bhūyāditi sma ha // ### [2.71.7](https://indike.org/pramana/in.purana.brahmanda.2.71.7) saṃyojyā tmānamevaṃ sa parṇāśajalamaspṛśat // ### [2.71.8](https://indike.org/pramana/in.purana.brahmanda.2.71.8) sā copasparśanāttasya cakāra priyamāpagā / kalyāṇatvānnarapatestasya sā nimnagottamā // ### [2.71.9](https://indike.org/pramana/in.purana.brahmanda.2.71.9) cintayābhiparītāṅgī jagāmātha viniścayam / nābhigacchāmi tāṃ nārīṃ yasyāmevaṃvidhaḥ sutaḥ // ### [2.71.10](https://indike.org/pramana/in.purana.brahmanda.2.71.10) bhavetsarvaguṇopeto rājño devāvṛdhasya hi / tasmādasya svayaṃ cāhaṃ bhavāmyadya sahavratā // ### [2.71.11](https://indike.org/pramana/in.purana.brahmanda.2.71.11) jajñe tasyāḥ svayaṃ hṛtstho bhāvastasya yatheritaḥ / atha bhūtvā kumārī tu sā cintāparameva ca // ### [2.71.12](https://indike.org/pramana/in.purana.brahmanda.2.71.12) varayāmāsa rājānaṃ tāmiyeṣa sa pārthivaḥ / tasyāmādhatta garbhe sa tejasvinamudā radhīḥ // ### [2.71.13](https://indike.org/pramana/in.purana.brahmanda.2.71.13) atha sā navame māsi suṣuve saritā varā / putraṃ sarvaguṇopetaṃ babhruṃ devāvṛdhattadā // ### [2.71.14](https://indike.org/pramana/in.purana.brahmanda.2.71.14) tatra vaṃśe purāṇajñā gāthāṃ gāyanti vai dvijāḥ / guṇāndevāvṛdhasyāpi kīrtayanto mahātmanaḥ // ### [2.71.15](https://indike.org/pramana/in.purana.brahmanda.2.71.15) yathaiva śṛṇumo dūrātsapaṃśyāmastathāntikāt / babhruḥ śreṣṭho manuṣyāṇāṃ devairdevāvṛthaḥ samaḥ // ### [2.71.16](https://indike.org/pramana/in.purana.brahmanda.2.71.16) puruṣāḥ pañcaṣaṣṭiśca sahasrāṇi ca saptatiḥ / yemṛtatvamanuprāptā babrordevāvṛdhādapi // ### [2.71.17](https://indike.org/pramana/in.purana.brahmanda.2.71.17) yajvā dānapatirdhīro brahmaṇyaḥ satyavāgbudhaḥ / kīrttimāṃśca mahābhojaḥ sāttvatānāṃ mahārathaḥ // ### [2.71.18](https://indike.org/pramana/in.purana.brahmanda.2.71.18) tasyānvavāyaḥ sumahānbhojā ye bhuvi viśrutāḥ / gāndhārī caiva mādrī ca dhṛṣṭairbhārye babhūvatuḥ // ### [2.71.19](https://indike.org/pramana/in.purana.brahmanda.2.71.19) gāndhārī janayāmāsa sumitraṃ mitranandanam / sādrī yudhājitaṃ putraṃ tato mīḍhvāṃsameva ca // ### [2.71.20](https://indike.org/pramana/in.purana.brahmanda.2.71.20) anamitraṃ śinaṃ caiva tābubhau puruṣottamau / anamitrasuto nighno nighnasya dvau babhūvatuḥ // ### [2.71.21](https://indike.org/pramana/in.purana.brahmanda.2.71.21) prasenaśca mahābhāgaḥ satrājicca sutābubhau / tasya satrājitaḥ sūryaḥ sakhā prāṇasamo 'bhavat // ### [2.71.22](https://indike.org/pramana/in.purana.brahmanda.2.71.22) sa kadācinniśāpāye rathena rathināṃ varaḥ / toyaṃ kūlātsamuddhartumupasthātuṃ yayauravim // ### [2.71.23](https://indike.org/pramana/in.purana.brahmanda.2.71.23) tasyopatiṣṭhataḥ sūryaṃ vivasvānagrataḥ sthitaḥ / suspaṣṭamūrttirbhagavāṃstejomaṇḍalavānvibhuḥ // ### [2.71.24](https://indike.org/pramana/in.purana.brahmanda.2.71.24) atha rājā vivasvantamuvāca sthitamagrataḥ / yathaiva vyomni paśyāmi tvāmahaṃ jyotiṣāṃ pate // ### [2.71.25](https://indike.org/pramana/in.purana.brahmanda.2.71.25) tejomaṇḍalinaṃ caiva tathaivāpyagrataḥ sthitam / ko viśeṣo vivasvaṃste sakhyenopagatasya vai // ### [2.71.26](https://indike.org/pramana/in.purana.brahmanda.2.71.26) etacchrutvā sa bhagavānmaṇiratnaṃ syamantakam / svakaṇṭhādavamucyātha babandha nṛpatestadā // ### [2.71.27](https://indike.org/pramana/in.purana.brahmanda.2.71.27) tato vigrahavantaṃ taṃ dadarśa nṛpatistadā / prītimānatha taṃ dṛṣṭvā muhūrttaṃ kṛtavānkathām // ### [2.71.28](https://indike.org/pramana/in.purana.brahmanda.2.71.28) tamabhiprasthitaṃ bhūyo vivasvantaṃ sa satrajit / provācāgnisavarṇaṃ tvāṃ yena lokaḥ prapaśyati // ### [2.71.29](https://indike.org/pramana/in.purana.brahmanda.2.71.29) tadetanmaṇiratnaṃ me bhagavandātumarhasi / syamaṃ takaṃ nāmamaṇiṃ dattavāṃstasya bhāskaraḥ // ### [2.71.30](https://indike.org/pramana/in.purana.brahmanda.2.71.30) sa tamāmucya nagarīṃ praviveśa mahīpatiḥ / vismāpayitvātha tataḥ purīmantaḥpuraṃ yayau // ### [2.71.31](https://indike.org/pramana/in.purana.brahmanda.2.71.31) sa prasenāya taddivyaṃ maṇiratnaṃ syamantakam / dadau bhrātre narapatiḥ premṇā satrājiduttamam // ### [2.71.32](https://indike.org/pramana/in.purana.brahmanda.2.71.32) syamantako nāma maṇiryasminrāṣṭre sthito bhavet / kāmavarṣī ca parjanyo na ca vyādhibhayaṃ tathā // ### [2.71.33](https://indike.org/pramana/in.purana.brahmanda.2.71.33) lipsāṃ cakre prasenāttu maṇiratnaṃ syamantakam / govindo na ca taṃ lebhe śakto 'pi na jahāra ca // ### [2.71.34](https://indike.org/pramana/in.purana.brahmanda.2.71.34) kadhācinmṛgayāṃ yātaḥ prasenastena bhūṣitaḥ / syamantakakṛte siṃhādvadhaṃ prāpa sudāruṇam // ### [2.71.35](https://indike.org/pramana/in.purana.brahmanda.2.71.35) jāṃbavānṛkṣarājastu taṃ siṃhaṃ nijaghāna vai / ādāya ca maṇiṃ divyaṃ svabilaṃ praviveśa ha // ### [2.71.36](https://indike.org/pramana/in.purana.brahmanda.2.71.36) tatkarma kṛṣṇasya tato vṛṣṇyandhakamahattarāḥ / maṇiṃ gṛdhnostu manvānāstameva viśaśaṅkire // ### [2.71.37](https://indike.org/pramana/in.purana.brahmanda.2.71.37) mithyāpavādaṃ tebhyastaṃ balavānarisūdanaḥ / amṛṣyamāṇo bhagavānvanaṃ sa vicacāra ha // ### [2.71.38](https://indike.org/pramana/in.purana.brahmanda.2.71.38) sa tu proseno mṛgayāmacaradyatra cāpyatha / prasenasya padaṃ grāhyaṃ puraṃ paurāptakāribhiḥ // ### [2.71.39](https://indike.org/pramana/in.purana.brahmanda.2.71.39) ṛkṣavantaṃ girivaraṃ vindhyaṃ ca nagamuttamam / anveṣayatpariśrāntaḥ sa dadarśa mahāmanāḥ // ### [2.71.40](https://indike.org/pramana/in.purana.brahmanda.2.71.40) sāśvaṃ hataṃ prasenaṃ taṃ nāvindattatra vai maṇim / atha siṃhaḥ prasenasya śarīrasyāvidūrataḥ // ### [2.71.41](https://indike.org/pramana/in.purana.brahmanda.2.71.41) ṛkṣeṇa nihato dṛṣṭaḥ padairṛkṣasya sūcitaḥ / padairanveṣayāmāsa guhāmṛkṣasya yādavaḥ // ### [2.71.42](https://indike.org/pramana/in.purana.brahmanda.2.71.42) mahatyantarbile vāṇīṃ śaśrāva pramaderitām / dhātryā kumāramādāya sutaṃ jāṃbavato dvijāḥ / krīḍayantyātha maṇinā mārodīrityudīritam // ### [2.71.43](https://indike.org/pramana/in.purana.brahmanda.2.71.43) dhātryuvāca prasenamavadhītsiṃhaḥ siṃho jāṃbavatā hataḥ // ### [2.71.44](https://indike.org/pramana/in.purana.brahmanda.2.71.44) sukumāraka māro dīstava hyeṃ syamantakaḥ / vyaktīkṛtaśca śabdaḥ sa tūrṇaṃ cāpi yayau bilam // ### [2.71.45](https://indike.org/pramana/in.purana.brahmanda.2.71.45) apaśyacca bilābhyāśe prasena mavadāritam / praviśya cāpi bhagavānsa ṛkṣabilamañjasā // ### [2.71.46](https://indike.org/pramana/in.purana.brahmanda.2.71.46) dadarśa ṛkṣarājānaṃ jāṃbavantamudāradhīḥ / yuyudhe vāsudevastu bile jāṃbavatā saha // ### [2.71.47](https://indike.org/pramana/in.purana.brahmanda.2.71.47) bāhubhyāmeva govindo divasānekaviṃśatim / praviṣṭe ca bilaṃ kṛṣṇe vasudevāpurassarāḥ // ### [2.71.48](https://indike.org/pramana/in.purana.brahmanda.2.71.48) punardvāravatīṃ caitya hataṃ kṛṣṇaṃ nyavedayan / vāsudevastu nirjitya jāṃbavantaṃ mahābalam // ### [2.71.49](https://indike.org/pramana/in.purana.brahmanda.2.71.49) lebhe jāṃbavantīṃ kanyāmṛkṣarājasya sammanām / bhagavattejasā grasto jāṃbavāṃnprasabhaṃ maṇim // ### [2.71.50](https://indike.org/pramana/in.purana.brahmanda.2.71.50) sutāṃ jāṃbavatīmāśu viṣvaksenāya dattavān / maṇiṃ syamantakaṃ caiva jagrahātmaviśuddhaye // ### [2.71.51](https://indike.org/pramana/in.purana.brahmanda.2.71.51) anunīyarkṣarājaṃ taṃ niryayau ca tadā bilāt / evaṃ sa maṇimāhṛtya viśodhyātmānamātmanā // ### [2.71.52](https://indike.org/pramana/in.purana.brahmanda.2.71.52) dadau satrājite ratnaṃ maṇiṃ sāttvatasannidhau / kanyāṃ punarjāṃbavatīmuvāha madhusūdanaḥ // ### [2.71.53](https://indike.org/pramana/in.purana.brahmanda.2.71.53) tasmānmithyābhiśāpāttu vyaśudhyanmadhusūdanaḥ / imāṃ mithyābhiśaptiṃ yaḥ kṛṣṇasyeha vyapohitām // ### [2.71.54](https://indike.org/pramana/in.purana.brahmanda.2.71.54) veda mithyābhiśaptiṃ sa nābhispṛśati karhicit / daśa tvāsansatrajito bhāryāstasyāyutaṃ sutāḥ // ### [2.71.55](https://indike.org/pramana/in.purana.brahmanda.2.71.55) khyātimantastrayasteṣāṃ bhaṅgakārastu pūrvajaḥ / vīro vātapatiścaiva tapasvī ca bahupriyaḥ // ### [2.71.56](https://indike.org/pramana/in.purana.brahmanda.2.71.56) atha vīramatī nāma bhaṅgakārasya tu prasūḥ / suṣuve sā kumārīstu tisro rūpaguṇānvitāḥ // ### [2.71.57](https://indike.org/pramana/in.purana.brahmanda.2.71.57) satyabhāmottamā strīṇāṃ vratinī ca dṛḍhavratā / tathā tapasvinī caiva pitā kṛṣṇaya tāṃ dadau // ### [2.71.58](https://indike.org/pramana/in.purana.brahmanda.2.71.58) na ca satrājitaḥ kṛṣṇo maṇiratnaṃ syamantakam / ādatta tadupaśrutya bhojena śatadhanvanā // ### [2.71.59](https://indike.org/pramana/in.purana.brahmanda.2.71.59) tadā hi prārthayāmāsa satyabhāmāmaninditām / akrūro dhanamanvicchanmaṇiṃ caiva syamantakam // ### [2.71.60](https://indike.org/pramana/in.purana.brahmanda.2.71.60) satrājitaṃ tato itvā śatadhanvā mahābalaḥ / rātrau taṃ maṇimādāya tato 'krūrāya dattavān // ### [2.71.61](https://indike.org/pramana/in.purana.brahmanda.2.71.61) akrūrastu tadā ratnamādāya sa nararṣabhaḥ / samayaṃ kārayāñcakre bodhyo nānyasya cetyuta // ### [2.71.62](https://indike.org/pramana/in.purana.brahmanda.2.71.62) vayamabhyupayotsyāmaḥ kṛṣṇena tvāṃ pradharṣitam / mama vai dvārakā sarvā veśe tiṣṭhatya saṃśayam // ### [2.71.63](https://indike.org/pramana/in.purana.brahmanda.2.71.63) hate pitari duḥkhārttā satyabhāmā yaśasvinī / prayayau rathamāruhya nagaraṃ vāraṇāvatam // ### [2.71.64](https://indike.org/pramana/in.purana.brahmanda.2.71.64) satyabhāmā tu tadvṛttaṃ bhojasya śatadhanvanaḥ / bharturnivedya duḥkhārttā pārśvasthāśrūṇyavarttayat // ### [2.71.65](https://indike.org/pramana/in.purana.brahmanda.2.71.65) pāṇḍavānāṃ tu dagdhānāṃ hariḥ kṛtvodakakriyām / kalyārthe caiva bhrātṝṇāṃ nyayojayata sātyakim // ### [2.71.66](https://indike.org/pramana/in.purana.brahmanda.2.71.66) tatastvaritamāgatya dvārakāṃ madhusūdanaḥ / pūrvajaṃ halinaṃ śrīmānidaṃ vacanamabravīt // ### [2.71.67](https://indike.org/pramana/in.purana.brahmanda.2.71.67) hataḥ prasenaḥ siṃhena satrājicchatadhanvanā / syamantako mārgaṇīyastasya prabhurahaṃ prabho // ### [2.71.68](https://indike.org/pramana/in.purana.brahmanda.2.71.68) tahāroha rathaṃ śīghraṃ bhojaṃ hatvā mahābalam / syamantakaṃ mahābāho sāmānyaṃ vo bhaviṣyati // ### [2.71.69](https://indike.org/pramana/in.purana.brahmanda.2.71.69) tataḥ pravṛtte yuddhe tu tumule bhojakṛṣṇayoḥ / śatadhanvā tamakrūramavaikṣatsarvato diśam // ### [2.71.70](https://indike.org/pramana/in.purana.brahmanda.2.71.70) anālabdhāvahārau tu kṛtvā bhojajanārddanau / śakto 'pi śāṭhyāddhārdikyo nākrūro 'bhyupapadyata // ### [2.71.71](https://indike.org/pramana/in.purana.brahmanda.2.71.71) apayote tato buddhiṃ bhūyaścakre bhayānvitaḥ / yojanānāṃ śataṃ sāgraṃ hṛdayā pratyapadyata // ### [2.71.72](https://indike.org/pramana/in.purana.brahmanda.2.71.72) vikhyātā hṛdayā nāma śatayojanagāminī / bhojasya vaḍavā divyā yayā kṛṣṇamayodhayat // ### [2.71.73](https://indike.org/pramana/in.purana.brahmanda.2.71.73) kṣīṇāṃ javena tdṛdayāmadhvanaḥ śatayojane / dṛṣṭvā rathasya tāṃ vṛddhiṃ śatadhanvā samudravat // ### [2.71.74](https://indike.org/pramana/in.purana.brahmanda.2.71.74) tatastasyā hayāyāstu śramātkhedācca vai dvijāḥ / khamutpeturatha prāṇāḥ kṛṣṇo rāmamathābravīt // ### [2.71.75](https://indike.org/pramana/in.purana.brahmanda.2.71.75) tiṣṭhasveha mahābāho dṛṣṭadoṣā mayā hayī / padbhyāṃ gatvā hariṣyāmi maṇiratnaṃ syamantakam // ### [2.71.76](https://indike.org/pramana/in.purana.brahmanda.2.71.76) padbhyāmeva tato gatvā śatadhanvānamacyutaḥ / mithilopavane taṃ vai jaghāna paramāstravit // ### [2.71.77](https://indike.org/pramana/in.purana.brahmanda.2.71.77) syamantakaṃ na cāpaśyaddhatvā bhojaṃ mahābalam / nivṛttaṃ cābra vītkṛṣṇaṃ ratnaṃ dehīti lāṅgalī // ### [2.71.78](https://indike.org/pramana/in.purana.brahmanda.2.71.78) nāstīti kṛṣṇaścovāca tato rāmo ruṣānvitaḥ / dhikchabdapūrvamasakṛtpratyuvāca janārddanam // ### [2.71.79](https://indike.org/pramana/in.purana.brahmanda.2.71.79) bhātṛtvānmarṣayāmveṣa svasti te 'stu vrajāmyaham / kṛtyaṃ na me dvārakayā na tvayā na ca vṛṣṇibhiḥ // ### [2.71.80](https://indike.org/pramana/in.purana.brahmanda.2.71.80) praviveśa tato rāmo mithilāmarimarddanaḥ / sarvakāmairupahṛtairmaithilenaiva pūjitaḥ // ### [2.71.81](https://indike.org/pramana/in.purana.brahmanda.2.71.81) etasminneva kāle tu babhrurmatimatāṃ varaḥ / nānārūpānkratūnsarvā nājahāra nirargalān // ### [2.71.82](https://indike.org/pramana/in.purana.brahmanda.2.71.82) dīkṣāmayaṃ sakavacaṃ rakṣārthaṃ praviveśa ha / syamantakakṛte prājño kāndinījo mahāmanāḥ // ### [2.71.83](https://indike.org/pramana/in.purana.brahmanda.2.71.83) akūra yajñā iti te khyātāstasya mahātmanaḥ / bahvannadakṣiṇāḥ sarve sarvakāmapradāyinaḥ // ### [2.71.84](https://indike.org/pramana/in.purana.brahmanda.2.71.84) atha duryodhano rājā gatvātha mithilāṃ prabhuḥ / gadāśikṣāṃ tato divyāṃ balabhadrādavāptavān // ### [2.71.85](https://indike.org/pramana/in.purana.brahmanda.2.71.85) prasādya tu tato rāmo vṛṣṇyandhakamahārathaiḥ / ānīto dvārakāmeva kṛṣṇena ca mahātmanā // ### [2.71.86](https://indike.org/pramana/in.purana.brahmanda.2.71.86) akrūraścāndhakaiḥ sārddhamathāyātpuruṣarṣabhaḥ / yuddhe hatvā tu śatrughnaṃ saha bandhumatā balī // ### [2.71.87](https://indike.org/pramana/in.purana.brahmanda.2.71.87) suyajñatanayāyāṃ tu narāyāṃ narasattamau / bhaṅgakārasya tanayau viśrutau sumahābalau // ### [2.71.88](https://indike.org/pramana/in.purana.brahmanda.2.71.88) jajñāteṃ'dhakamukhyasya śakraghno bandhumāṃśca tau / vadhe ca bhaṅgakārasya kṛṣṇo na prītimānabhūt // ### [2.71.89](https://indike.org/pramana/in.purana.brahmanda.2.71.89) jñātibhedabhayādbhītastamubekṣitavānatha / apayāte tato 'krūre nāvarṣatpākaśāsanaḥ // ### [2.71.90](https://indike.org/pramana/in.purana.brahmanda.2.71.90) anāvṛṣṭyā hataṃ rāṣṭramabhavadbahudhā yataḥ / tataḥ prasādayāmāsurakrūraṃ kukurāndhakāḥ // ### [2.71.91](https://indike.org/pramana/in.purana.brahmanda.2.71.91) punardvāravatīṃ prāpte tadā dānapatau tathā / pravavarṣa sahasrākṣaḥ kukṣau jalanidhestataḥ // ### [2.71.92](https://indike.org/pramana/in.purana.brahmanda.2.71.92) kanyāṃ vai vāsudevāya svasāraṃ śīlasaṃmatām / akrūraḥ pradadau śrīmānprītyarthaṃ munipuṅgavāḥ // ### [2.71.93](https://indike.org/pramana/in.purana.brahmanda.2.71.93) atha vijñāya yogena kṛṣṇo babhrugataṃ maṇim / sabhāmadhye tadā prāha tamakrūraṃ janārddanaḥ // ### [2.71.94](https://indike.org/pramana/in.purana.brahmanda.2.71.94) yattadratnaṃ maṇivaraṃ tava hastagataṃ prabho / tatprayaccha svamānārha mayi mānāryakaṃ kṛthāḥ // ### [2.71.95](https://indike.org/pramana/in.purana.brahmanda.2.71.95) ṣaṣṭivarṣagate kāle yadroṣo 'bhūttadā mama / susaṃrūḍho 'sakṛtprāptastadā kālātyayo mahān // ### [2.71.96](https://indike.org/pramana/in.purana.brahmanda.2.71.96) tataḥ kṛṣṇasya vacanātsarvasāttvatasaṃsadi / pradadau taṃ maṇiṃ babhrurakleśena mahāmatiḥ // ### [2.71.97](https://indike.org/pramana/in.purana.brahmanda.2.71.97) tatastamārjavaprāptaṃ babhrorhastādarindamaḥ / dadau hṛṣṭamanāstuṣṭastaṃ maṇiṃ babhrave punaḥ // ### [2.71.98](https://indike.org/pramana/in.purana.brahmanda.2.71.98) sa kṛṣṇahastātsaṃprāpya maṇiratnaṃ syamantakam / ābadhya gāndinīputro virarājāṃśumāniva // ### [2.71.99](https://indike.org/pramana/in.purana.brahmanda.2.71.99) imāṃ mithyābhiśāptiṃ yo viśuddhimapi cottamām / veda mithyābhiśaptiṃ sa na labheta kathañcana // ### [2.71.100](https://indike.org/pramana/in.purana.brahmanda.2.71.100) anamitrācchinirjajñe kaniṣṭhādvṛṣṇinandanāt / satyavānsatyasaṃpannaḥ satyakastasya cātmajaḥ // ### [2.71.101](https://indike.org/pramana/in.purana.brahmanda.2.71.101) sātyakiryuyudhānaśca tasya bhūtiḥ suto 'bhavat / bhūteryugandharaḥ putra iti bhautyaḥ prakīrttitaḥ // ### [2.71.102](https://indike.org/pramana/in.purana.brahmanda.2.71.102) māḍyāḥ sutasya jajñe tu suto vṛṣṇiryudhājitaḥ / jajñāte tanayau vṛṣṇeḥ śvaphalkaścitrakaśca yaḥ // ### [2.71.103](https://indike.org/pramana/in.purana.brahmanda.2.71.103) śvaphalkastu mahārājo dharmātmā yatra vartate / nāsti vyādhibhayaṃ tatra na cāvṛṣṭibhayaṃ tathā // ### [2.71.104](https://indike.org/pramana/in.purana.brahmanda.2.71.104) kādācitkāśirājasya vibhostu dvijasattamāḥ / trīṇi varṣāṇi viṣaye nāvarṣatpākaśāsanaḥ // ### [2.71.105](https://indike.org/pramana/in.purana.brahmanda.2.71.105) sa tatravāsayāmāsa śvaphalkaṃ paramārcitam / śvaphalkaparivāsena prāvarṣatpākaśāsanaḥ // ### [2.71.106](https://indike.org/pramana/in.purana.brahmanda.2.71.106) śvaphalkaḥ kāśirājasya sutāṃ bhāryāmavindata / gāndinīṃnāma gāṃ sā hi dadau viprāya nityaśaḥ // ### [2.71.107](https://indike.org/pramana/in.purana.brahmanda.2.71.107) sā māturudarasthā vai bahūnvarṣaśātānkila / nivasaṃtī na vai jajñe garbhasthāṃ tāṃ pitābravīt // ### [2.71.108](https://indike.org/pramana/in.purana.brahmanda.2.71.108) jāyasva śīghraṃ bhadraṃ te kimarthaṃ vāpi tiṣṭhasi / provāca cainaṃ garbhasthā sā kanyā gāṃ dine dine // ### [2.71.109](https://indike.org/pramana/in.purana.brahmanda.2.71.109) yadi dadyāstato garbhādbahiḥ syāṃ hāyanaistribhiḥ / tathetyuvāca tāṃ tasyāḥ pitā kāmamapūrayat // ### [2.71.110](https://indike.org/pramana/in.purana.brahmanda.2.71.110) dātā yajvā ca śuraśca śrutavānatithipriyaḥ / tasyāḥ putraḥ smṛto 'krūraḥ śvāphalko bhūridakṣiṇaḥ // ### [2.71.111](https://indike.org/pramana/in.purana.brahmanda.2.71.111) upamaṅgustathā maṅgurmṛduraścārimejayaḥ / girirakṣastato yakṣaḥ śatrughno 'thārimardanaḥ // ### [2.71.112](https://indike.org/pramana/in.purana.brahmanda.2.71.112) dharmavṛddhaḥ sukarmā ca gandhamādastathāparaḥ / āvāhaprativāhau ca vasudevā varāṅganā // ### [2.71.113](https://indike.org/pramana/in.purana.brahmanda.2.71.113) akrūrādaugrasenyāṃ tu sutau dvau kulanandinau / devavānupadevaśca jajñāte devasaṃnibhau // ### [2.71.114](https://indike.org/pramana/in.purana.brahmanda.2.71.114) citrakasyābhavanputrāḥ pṛthurvipṛthureva ca / aśvagrīvo 'śvavāhaśca supārśvakagaveṣaṇau // ### [2.71.115](https://indike.org/pramana/in.purana.brahmanda.2.71.115) ariṣṭanemiraśvāsyaḥ suvārmā varmabhṛttathā / abhūmirbahubhūmiśca śraviṣṭhāśravaṇe striyau // ### [2.71.116](https://indike.org/pramana/in.purana.brahmanda.2.71.116) satyakātkāśiduhitā lebhe yā caturaḥ sutān / kukuraṃ bhajamānaṃ ca śuciṃ kaṃbala barhiṣam // ### [2.71.117](https://indike.org/pramana/in.purana.brahmanda.2.71.117) kukurasya suto vṛṣṇirvṛṣṇestu tanayo 'bhavat / kapotaromā tasyātha vilomābhavadātmajaḥ // ### [2.71.118](https://indike.org/pramana/in.purana.brahmanda.2.71.118) tasyāsīttuṃburusakhā vidvānputroṃ'dhakaḥ kila / khyāyate yasya nāmānyaccandanodakadundubhiḥ // ### [2.71.119](https://indike.org/pramana/in.purana.brahmanda.2.71.119) tasyābhijittataḥ putra utpannastu punarvasuḥ / aśvamedhaṃ tu putrārthamājahāra narottamaḥ // ### [2.71.120](https://indike.org/pramana/in.purana.brahmanda.2.71.120) tasya madhye 'tirātrasya sadomadhyātsasucchritaḥ / tatastu vidvāndharmajño dātā yajvā punarvasuḥ // ### [2.71.121](https://indike.org/pramana/in.purana.brahmanda.2.71.121) tasyātha putramithunaṃ babhūvābhijitaḥ kila / āhukaścāhukī caiva khyātau matimatāṃ varau // ### [2.71.122](https://indike.org/pramana/in.purana.brahmanda.2.71.122) imāṃścodā harantyatra ślokānprati tamāhukam / sopāsāṃgānukarṣāṇāṃ sadhvajānāṃ varūthinām // ### [2.71.123](https://indike.org/pramana/in.purana.brahmanda.2.71.123) rathānāṃ meghaghoṣāṇāṃ mahasrāṇi daśaiva tu / nāsatyavādī cāsīttu nāyajño nāsahasradaḥ // ### [2.71.124](https://indike.org/pramana/in.purana.brahmanda.2.71.124) nāśucirnāpyadharmātmā nāvidvānna kṛśo 'bhavat / ārdrakasya dhṛtiḥ putra ityevamanuśuśrum // ### [2.71.125](https://indike.org/pramana/in.purana.brahmanda.2.71.125) sa tena parivāreṇa kiśorapratimānhayān / aśītimaśvaniyutānyāhuko 'pratimo vrajan // ### [2.71.126](https://indike.org/pramana/in.purana.brahmanda.2.71.126) pūrvasyāṃ diśi nāgānāṃ bhojasya tvatibhāvayan / rūpyakāñcanakakṣāṇāṃ srahasrāṇyekaviṃśatiḥ // ### [2.71.127](https://indike.org/pramana/in.purana.brahmanda.2.71.127) tāvantyeva sahasrāṇi uttarasyāṃ tathādiśi / bhūmipālasya bhojasya uttiṣṭetkiṅkaṇī kila // ### [2.71.128](https://indike.org/pramana/in.purana.brahmanda.2.71.128) āhukaścāpyavantīṣu svasāraṃ tvāhukīṃ dadau / āhukātkāśyaduhiturdvai putrau saṃbabhūvatuḥ // ### [2.71.129](https://indike.org/pramana/in.purana.brahmanda.2.71.129) devakaścograsenaśca devagarbhasamāvubhau / devakasya sutā vīrā jajñire tridaśopamāḥ // ### [2.71.130](https://indike.org/pramana/in.purana.brahmanda.2.71.130) devavānupadevaśca sudevo devarakṣitaḥ / teṣāṃ svasāraḥ saptāsanvasudevāya tā dadau // ### [2.71.131](https://indike.org/pramana/in.purana.brahmanda.2.71.131) dhṛtadevopadevā ca tathānyā devarakṣitā / śrīdevā śāntidevā ca sahadevā tathāparā // ### [2.71.132](https://indike.org/pramana/in.purana.brahmanda.2.71.132) saptamī devakī tāsāṃ sānujā cārudarśanā / navograsenasya sutāḥ kaṃsasteṣāṃ tu pūrvajaḥ // ### [2.71.133](https://indike.org/pramana/in.purana.brahmanda.2.71.133) nyagro daśca sunāmā ca kaṅkaśaṅkusubhūmayaḥ / sutanū rāṣṭrapālaśca yuddhatuṣṭaśca tuṣṭimān // ### [2.71.134](https://indike.org/pramana/in.purana.brahmanda.2.71.134) teṣāṃ svasāraḥ pañcaiva kaṃsā kaṃsavatī tathā / sutanū rāṣṭrapālī ca kaṅkā caiva varāṅganā // ### [2.71.135](https://indike.org/pramana/in.purana.brahmanda.2.71.135) ugraseno mahāpatyo vyākhyātaḥ kukurodbhavaḥ / kukurāṇāmimaṃ vaṃśaṃ dhārayannamitaujasām // ### [2.71.136](https://indike.org/pramana/in.purana.brahmanda.2.71.136) ātmanovipulaṃ vaṃśaṃ prajāvāṃśca bhavennaraḥ / bhajamānasya putrastu rathimukhyo vidūrathaḥ // ### [2.71.137](https://indike.org/pramana/in.purana.brahmanda.2.71.137) rājādhidevaḥ śūraśca vidūrathasuto 'bhavat / tasya śūrasya tu sutā jajñire balavattarāḥ // ### [2.71.138](https://indike.org/pramana/in.purana.brahmanda.2.71.138) vātaścaiva nivātaśca śoṇitaḥ śvetavāhanaḥ / śamī ca gadavarmā ca nidāntaḥ khalu śatrujit // ### [2.71.139](https://indike.org/pramana/in.purana.brahmanda.2.71.139) śamīputraḥ pratikṣatraḥ pratikṣatrasya cātmajaḥ / svayaṃbhojaḥ svayaṃbhojāddhṛdikaḥ saṃbabhūva ha // ### [2.71.140](https://indike.org/pramana/in.purana.brahmanda.2.71.140) hṛdikasya sutāstvāsandaśa bhīmaparākramāḥ / kṛtavarmāgrajasteṣāṃ śatadhanvā tu madhyamaḥ // ### [2.71.141](https://indike.org/pramana/in.purana.brahmanda.2.71.141) devabāhussubāhuśca bhiṣakśvetarathaśca yaḥ / sudāntaścādhidāntaśca kanakaḥ kanakodbhavaḥ // ### [2.71.142](https://indike.org/pramana/in.purana.brahmanda.2.71.142) devabāhossuto vidvāñjajñe kaṃbalabarhiṣaḥ / asamaujāḥ sutastasya susamaujāśca viśrutaḥ // ### [2.71.143](https://indike.org/pramana/in.purana.brahmanda.2.71.143) ajātaputrāya tataḥ pradadāvasamaujase / sucandraṃ vasurūpaṃ ca kṛṣṇa ityandhakāḥ smṛtāḥ // ### [2.71.144](https://indike.org/pramana/in.purana.brahmanda.2.71.144) andhakānāmimaṃ vaṃśaṃ kīrttayedyastu nityaśaḥ / ātmano vipulaṃ vaṃśaṃ labhate nātra saṃśayaḥ // ### [2.71.145](https://indike.org/pramana/in.purana.brahmanda.2.71.145) aśmakyāṃ janayāmāsa śūraṃ vai deva mīḍhuṣam / māriṣyāṃ jajñire śūrādbhojāyāṃ puruṣā daśa // ### [2.71.146](https://indike.org/pramana/in.purana.brahmanda.2.71.146) vasudevo mahābāhuḥ pūrvamānakadundubhiḥ / jajñe tasya prasūtasya dundubhiḥ prāṇadaddivi // ### [2.71.147](https://indike.org/pramana/in.purana.brahmanda.2.71.147) ānakānāṃ ca saṃhnādaḥ sumahānabhavaddivi / papāta puṣpavarṣaṃ ca śarasya bhavane mahat // ### [2.71.148](https://indike.org/pramana/in.purana.brahmanda.2.71.148) manuṣyaloke kṛtsne 'pi rūpe nāsti samo bhuvi / yasyāsītpuruṣāgryasya kāntiścandramaso yathā // ### [2.71.149](https://indike.org/pramana/in.purana.brahmanda.2.71.149) devabhāgastato jajñe tato devaśravāḥ punaḥ / anādhṛṣṭivṛkaścaiva nandanaścaiva sṛṃjayaḥ // ### [2.71.150](https://indike.org/pramana/in.purana.brahmanda.2.71.150) śyāmaḥ śamīko gaṇḍūṣaḥ svasārastu varāganāḥ / pṛthā ca śrutadevā ca śrutakīrtiḥ śruta śravāḥ // ### [2.71.151](https://indike.org/pramana/in.purana.brahmanda.2.71.151) rājādhidevī ca tathā pañcaitā vīramātaraḥ / pṛthāṃ duhitaraṃ śūraḥ kuntibhojāya vai dadau // ### [2.71.152](https://indike.org/pramana/in.purana.brahmanda.2.71.152) tasmātsā tu smṛtā kuntī kuntibhojātmajā pṛthā / kuruvīraḥ pāṇḍumukhyastasmādbhāryāmavindata // ### [2.71.153](https://indike.org/pramana/in.purana.brahmanda.2.71.153) puthā jajñe tataḥ putrāṃstrīnagnisamatejasaḥ / loke pratirathānvīrāñchakratulyaparākramān // ### [2.71.154](https://indike.org/pramana/in.purana.brahmanda.2.71.154) dharmādyudhiṣṭiraṃ putraṃ mārutācca vṛkodaram / indrāddhanañjayaṃ caiva pṛthā putrānajīcanat // ### [2.71.155](https://indike.org/pramana/in.purana.brahmanda.2.71.155) mādravatyā tu janitāvaśvināviti viśrutam / nakulaḥ sahadevaśca rupasattvaguṇānvitau // ### [2.71.156](https://indike.org/pramana/in.purana.brahmanda.2.71.156) jajñe tu śrutadevāyāṃ tanayo vṛddhaśarmaṇaḥ / karūṣādhipaterṃvīro dantavakro mahābalaḥ // ### [2.71.157](https://indike.org/pramana/in.purana.brahmanda.2.71.157) kaikayācchrutikīrtyaṃ tu jajñe saṃtardano balī / cekitānabṛhatkṣatrau tathaivānyau mahābalau // ### [2.71.158](https://indike.org/pramana/in.purana.brahmanda.2.71.158) vindānuvindāvāvantyau bhrātarau sumahābalau / śrutaśravāyāṃ caidyastu śiśupālo babhūva ha // ### [2.71.159](https://indike.org/pramana/in.purana.brahmanda.2.71.159) damaghoṣasya rājarṣeḥ putro vikhyātapauruṣaḥ / yaḥ purā sadaśagrīvaḥ saṃbabhūvārimardanaḥ // ### [2.71.160](https://indike.org/pramana/in.purana.brahmanda.2.71.160) vaiśravāṇānujastasya kuṃbhakarṇo 'nujastathā patnyastu vasudevasya trayodaśa varāṅganāḥ // ### [2.71.161](https://indike.org/pramana/in.purana.brahmanda.2.71.161) pauravī rohiṇī caiva madirā cāparā tathā / tathaiva bhadravaiśākhī sunāmnī pañcamī tathā // ### [2.71.162](https://indike.org/pramana/in.purana.brahmanda.2.71.162) sahadevā śāntidevā śrīdevā devarakṣitā / dhṛtadevopadevā ca devakī saptamī tathā // ### [2.71.163](https://indike.org/pramana/in.purana.brahmanda.2.71.163) sugandhā vanarājī ca dvecānye paricārike / rohiṇī pauravī caiva bāhlīkasyānujābhavat // ### [2.71.164](https://indike.org/pramana/in.purana.brahmanda.2.71.164) jyeṣṭhā patnī mahābhāgadayitā'nakadundubheḥ / jyeṣṭhe lebhe sutaṃ rāmaṃ sāraṇaṃ hi śaṭhaṃ tathā // ### [2.71.165](https://indike.org/pramana/in.purana.brahmanda.2.71.165) durdamaṃ damanaṃ śubhraṃ piṇḍārakakuśītakau / citrāṃ nāma kumārīṃ ca rohiṇyaṣṭau vyajāyata // ### [2.71.166](https://indike.org/pramana/in.purana.brahmanda.2.71.166) putrau rāmasya jajñāte vijñātau niśaṭholmukau / pārśvī ca pārśvamardī ca śiśuḥ satyadhṛtistathā // ### [2.71.167](https://indike.org/pramana/in.purana.brahmanda.2.71.167) mandabāhyo 'tha rāmaṇāṅgiriko girireva ca / śulkagulmo 'tigulmaśca daridrāntaka eva ca // ### [2.71.168](https://indike.org/pramana/in.purana.brahmanda.2.71.168) kumāryaścāpi pañjānyā nāmatastā nibodhata / arciṣmatī sunandā ca surasā suvacāstathā // ### [2.71.169](https://indike.org/pramana/in.purana.brahmanda.2.71.169) tathā śatabalā caiva sāraṇasya sutāstvimāḥ / bhadrāśvo bhadraguptiśca bhadraviṣṭastathaiva ca // ### [2.71.170](https://indike.org/pramana/in.purana.brahmanda.2.71.170) bhadrabāhurbhadraratho bhadrakalpastathaiva ca / supārśvakaḥ kīrttimāṃśca rohitāśvaḥ śaṭhātmajāḥ // ### [2.71.171](https://indike.org/pramana/in.purana.brahmanda.2.71.171) durmadasyābhibhūtaśca rohiṇyāḥ kulajāḥ smṛtāḥ / nandopanandau mitraśca kukṣimitrastathā balaḥ // ### [2.71.172](https://indike.org/pramana/in.purana.brahmanda.2.71.172) citropacitrau kṛtakastuṣṭiḥ puṣṭirathāparaḥ / madirāyāḥ sutā ete vasudevāddhijajñire // ### [2.71.173](https://indike.org/pramana/in.purana.brahmanda.2.71.173) upabiṃbo 'tha biṃbaśca sattvadantamahaujasau / catvāra ete vikhyātā bhadrāputrā mahābalāḥ // ### [2.71.174](https://indike.org/pramana/in.purana.brahmanda.2.71.174) vaiśālyāmadadhācchauriḥ putraṃ kauśikamuttamam / devakyāṃ jajñire saureḥ suṣeṇaḥ kīrttimānapi // ### [2.71.175](https://indike.org/pramana/in.purana.brahmanda.2.71.175) udarṣirbhadrasenaśca ṛjudāyaśca pañcamaḥ / ṣaṣṭho hi bhadradevaśca kaṃsaḥ sarvāñjaghāna tān // ### [2.71.176](https://indike.org/pramana/in.purana.brahmanda.2.71.176) atha tasyā mavasthāyā āyuṣmānsaṃbabhūva ha / lokanāthaḥ punarviṣṇuḥ pūrvaṃ kṛṣṇaḥ prajāpatiḥ // ### [2.71.177](https://indike.org/pramana/in.purana.brahmanda.2.71.177) anujātābhavakṛṣṇātsubhadrā bhadrabhāṣiṇī / kṛṣṇā subhadreti punarvyākhyātā vṛṣṇinandinī // ### [2.71.178](https://indike.org/pramana/in.purana.brahmanda.2.71.178) subhadrāyāṃ rathī pārthādabhimanyurajāyata / vasudevasya bhāryāsu mahābhāgāsu saptasu // ### [2.71.179](https://indike.org/pramana/in.purana.brahmanda.2.71.179) ye putrā jajñire śurā nāmatastānnibodhata / pūrvādyāḥ sahadevāyāṃ śūrādvai jajñire sutāḥ // ### [2.71.180](https://indike.org/pramana/in.purana.brahmanda.2.71.180) śāntidevā janastambaṃ śaurerjajñe kulodvaham / āgāvaho mahātmā ca vṛkadevyā majāyata // ### [2.71.181](https://indike.org/pramana/in.purana.brahmanda.2.71.181) śrīdevāyāṃ svayaṃ jajñe mandako nāma nāmataḥ / upāsaṃgaṃ vasuṃ cāpi tanayau devarakṣitā // ### [2.71.182](https://indike.org/pramana/in.purana.brahmanda.2.71.182) evaṃ daśa sutāstasya kaṃsastānapyaghātayat / vijayaṃ rocanaṃ caiva varddhamānaṃ ca devalam // ### [2.71.183](https://indike.org/pramana/in.purana.brahmanda.2.71.183) etānmahātmanaḥ putrānsuṣāva śiśirāvatī / saptamī devakī putraṃ sunāmānamasūyata // ### [2.71.184](https://indike.org/pramana/in.purana.brahmanda.2.71.184) gaveṣaṇaṃ mahābhāgaṃ saṃgrāme citrayodhinam / śrāddhadevyāṃ purodyāne vane tu vicarandvijāḥ // ### [2.71.185](https://indike.org/pramana/in.purana.brahmanda.2.71.185) vaiśyāyāmadadhācchauriḥ putraṃ kauśikamavyayam / sugandhī vanarājī ca śaurerāstāṃ parigrahau // ### [2.71.186](https://indike.org/pramana/in.purana.brahmanda.2.71.186) puṇḍaśca kapilaścaiva sugandhyāścātmajau tu tau / tayo rājābhavatpuṇḍraḥ kapilastu vanaṃ yayau // ### [2.71.187](https://indike.org/pramana/in.purana.brahmanda.2.71.187) anyasyāmabhavadvīro vasudevātmajo balī / jarā nāma niṣādo 'sau prathamaḥ sa dhanurddharaḥ // ### [2.71.188](https://indike.org/pramana/in.purana.brahmanda.2.71.188) vikhyāto devabhāgyasya mahābhāgaḥ suto 'bhavat / paṇḍitānāṃ mataṃ prāhurdevaśravasamudbhavam // ### [2.71.189](https://indike.org/pramana/in.purana.brahmanda.2.71.189) aśmakyāṃ labhate putramanādhṛṣṭiryaśāsvinam / nivṛttaśatruṃ śatrughnaṃ śrāddhadevaṃ mahābalam // ### [2.71.190](https://indike.org/pramana/in.purana.brahmanda.2.71.190) vyajāyata śrāddhadevo naiṣādiryaḥ pāriśrutaḥ / ekalavyo mahābhāgo niṣādaiḥ parivarddhitaḥ // ### [2.71.191](https://indike.org/pramana/in.purana.brahmanda.2.71.191) gaṇḍūṣāyānapatyāya kṛṣṇastuṣṭo 'dadātsutau / cārudeṣṇaṃ ca sāṃbaṃ ca kṛtāstrau śastalakṣaṇau // ### [2.71.192](https://indike.org/pramana/in.purana.brahmanda.2.71.192) rantiśca rantipālaśca dvau putrau nandanasya ca / vṛkāya vai tvaputrāya vasudevaḥ pratāpavān // ### [2.71.193](https://indike.org/pramana/in.purana.brahmanda.2.71.193) saumiṃ dadau suta vīraṃ śauriḥ kauśikameva ca / sṛṃjayasya dhanuścaiva virajāśca sutāvimau // ### [2.71.194](https://indike.org/pramana/in.purana.brahmanda.2.71.194) anapatyo 'bhavacchyāmaḥ śamīkastu vanaṃ yayau / jugupsamāno bhojatvaṃ rājarṣitvamavāptavān // ### [2.71.195](https://indike.org/pramana/in.purana.brahmanda.2.71.195) ya idaṃ janma kṛṣṇasya paṭhate niyatavrataḥ / śrāvayedbrāhmaṇaṃvāpi sa mahātsukhamavāpnuyāt // ### [2.71.196](https://indike.org/pramana/in.purana.brahmanda.2.71.196) devadevo mahātejāḥ pūrvaṃ kṛṣṇaḥ prajāpatiḥ / vihārārthaṃ manuṣyeṣu jajñe nārāyaṇaḥ prabhuḥ // ### [2.71.197](https://indike.org/pramana/in.purana.brahmanda.2.71.197) devakyāṃ vasudevena tapasā puṣkarekṣaṇaḥ / caturbāhustu saṃjajñe divyarūpaśriyānvitaḥ // ### [2.71.198](https://indike.org/pramana/in.purana.brahmanda.2.71.198) prakāśyo bhagavānyogī kṛṣṇo mānuṣatāṃ gataḥ / avyakto vyaktaliṅgaśca sa eva bhagavānprabhuḥ // ### [2.71.199](https://indike.org/pramana/in.purana.brahmanda.2.71.199) nārāyaṇo yataścakre vyayaṃ caivāvyayaṃ hi yat / devo nārāyaṇo bhūtvā harirāsītsanātanaḥ // ### [2.71.200](https://indike.org/pramana/in.purana.brahmanda.2.71.200) yo 'buñjāccādipuruṣaṃ purā cakre prajāpatim / aditerapi putratvametya yādavanandanaḥ // _First 200 of 267 passages. [Read on](https://indike.org/pramana/in.purana.brahmanda.2.71)_ ## Linked texts (11) - [Vāyupurāṇa](https://indike.org/pramana/in.purana.vayu.2.34.3) — Vyāsa, Sanskrit - [Vulgate](https://indike.org/pramana/in.lit.mahabharata.harivamsa*vulgate.1.37.13) — Sanskrit - [Brahmapurāṇa](https://indike.org/pramana/in.purana.brahma.16.11) — Vyāsa, Sanskrit - [Padmapurāṇa](https://indike.org/pramana/in.purana.padma.1.13.35) — Vyāsa, Sanskrit - [Liṅgapurāṇa](https://indike.org/pramana/in.purana.linga.1.69.4) — Vyāsa, Sanskrit - [Mudgalapurāṇa](https://indike.org/pramana/in.purana.upa.surya.mudgala.3.38.34) — Sanskrit - [Bhāgavatapurāṇa](https://indike.org/pramana/in.purana.bhagavata.9.24.16) — Vyāsa, Sanskrit - [Southern recension](https://indike.org/pramana/in.lit.mahabharata.vyasa*southern.2.47.5) — Sanskrit - [Critical edition (Baroda)](https://indike.org/pramana/in.lit.ramayana.valmiki*crit.2.110.5) — Sanskrit - [Agnipurāṇa (Nag Publishers edition, Delhi)](https://indike.org/pramana/in.purana.agni*nag.274.40) — Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.78.5) — Ativīrarāma Pāṇṭiyar 1500, Sanskrit --- Source: [https://indike.org/pramana/in.purana.brahmanda.2.71](https://indike.org/pramana/in.purana.brahmanda.2.71) · Pramāṇa