[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmandapurana](https://indike.org/pramana/in.purana.brahmanda) › 2.72 # Brahmandapurana 2.72 Brahmāṇḍapurāṇa 2.72 - **Language:** Sanskrit ## Contents - [2.72.195](https://indike.org/pramana/in.purana.brahmanda.2.72.195) — 1 part ### [2.72.1](https://indike.org/pramana/in.purana.brahmanda.2.72.1) sūta uvāca manuṣyaprakṛtīndevānkīrtyamānānnibodhata / saṃkarṣaṇo vāsudevaḥ pradyumnaḥ sāṃba eva ca // ### [2.72.2](https://indike.org/pramana/in.purana.brahmanda.2.72.2) aniruddhaśca pañcaite vaṃśavīrāḥ prakīrttitāḥ / saptarṣyaḥ kuberaśca yajñe maṇivarastathā // ### [2.72.3](https://indike.org/pramana/in.purana.brahmanda.2.72.3) śālūkirnāradaścaiva vidvāndhanvantariśtathā / nandinaśca mahādevaḥ sālakāyana eva ca / ādideva stadā viṣṇurebhiśca saha daivataiḥ // ### [2.72.4](https://indike.org/pramana/in.purana.brahmanda.2.72.4) ṛṣaya ūcuḥ viṣṇuḥ kimarthaṃ saṃbhūtaḥ smṛtāḥ saṃbhūtayaḥ kati / bhaviṣyāḥ kati cānye ca prādurbhāvā mahātmanaḥ // ### [2.72.5](https://indike.org/pramana/in.purana.brahmanda.2.72.5) brahmakṣatreṣu śasteṣu kimarthamiha jāyate / punaḥ punarmanuṣyeṣu tannaḥ prabrūhi pṛcchatām // ### [2.72.6](https://indike.org/pramana/in.purana.brahmanda.2.72.6) vistareṇaiva sarvāṇi karmāṇi ripughātinaḥ // ### [2.72.7](https://indike.org/pramana/in.purana.brahmanda.2.72.7) śrotumicchāmahe samyagvada kṛṣṇasya dhīmataḥ / karmaṇāmānupūrvīṃ ca prādurbhāvāśca ye prabho // ### [2.72.8](https://indike.org/pramana/in.purana.brahmanda.2.72.8) yā vāsya prakṛtistāta tāṃ cāsmānvaktumarhasi / kathaṃ sa bhagavānviṣṇuḥ sureṣvariniṣūdanaḥ // ### [2.72.9](https://indike.org/pramana/in.purana.brahmanda.2.72.9) vasudevakule dhīmānvāsudevatvamāgataḥ / amarairāvṛtaṃ puṇyaṃ puṇyakṛdbhiralaṅkṛtam // ### [2.72.10](https://indike.org/pramana/in.purana.brahmanda.2.72.10) devalokaṃ kimutsṛjya martyalokamihāgataḥ / devamānuṣayornetā dhāturyaḥ prasavo hariḥ // ### [2.72.11](https://indike.org/pramana/in.purana.brahmanda.2.72.11) kimarthaṃ divyamātmānaṃ mānuṣye samaveśayat / yaścakraṃ varttayatyeko manuṣyāṇāṃ manomayam // ### [2.72.12](https://indike.org/pramana/in.purana.brahmanda.2.72.12) mānuṣye sa kathaṃ buddhiṃ cakre cakrabhṛtāṃ varaḥ / gopāyana yaḥ kurute jagataḥ sarvakālikam // ### [2.72.13](https://indike.org/pramana/in.purana.brahmanda.2.72.13) sa kathaṃ gāṃ gato viṣṇurgopatvamakarotprabhuḥ / mahābhūtāni bhūtātmā yo dadhāra cakāra ha // ### [2.72.14](https://indike.org/pramana/in.purana.brahmanda.2.72.14) śrīgarbhaḥ sa kathaṃ garbhe striyā bhūcarayā vṛtaḥ / yena lokānkramairjitvā saśrīkāstridaśāḥ kṛtāḥ // ### [2.72.15](https://indike.org/pramana/in.purana.brahmanda.2.72.15) sthāpitā jagato mārgāstrikramaṃ vapurāhṛtam / dadau jitāṃ vasumatīṃ surāṇāṃ surasattamaḥ // ### [2.72.16](https://indike.org/pramana/in.purana.brahmanda.2.72.16) yena saiṃhaṃ vapuḥ kṛtvā dvidhākṛtvā ca tatpunaḥ / pūrvadaityo mahāvīryo hiraṇyakaśipurhataḥ // ### [2.72.17](https://indike.org/pramana/in.purana.brahmanda.2.72.17) yaḥ purā hyanalo bhūtvā tvaurvaḥ saṃvarttako vibhuḥ / pātālasthor'ṇavagataḥ papau toyamayaṃ haviḥ // ### [2.72.18](https://indike.org/pramana/in.purana.brahmanda.2.72.18) sahasracaraṇaṃ devaṃ sahasrāṃśuṃ sahasraśaḥ / sahasraśirasaṃ devaṃ yamāhurvai yuge yuge // ### [2.72.19](https://indike.org/pramana/in.purana.brahmanda.2.72.19) nābhyaraṇyāṃ samudbhūtaṃ yasya paitāmahaṃ gṛham / ekārṇavagate loke tatpaṅkajamapaṅkajam // ### [2.72.20](https://indike.org/pramana/in.purana.brahmanda.2.72.20) yena te nihatā daityāḥ saṃgrāme tārakāmaye / sarvadevamayaṃ kṛtvā sarvāyudhadharaṃ vapuḥ // ### [2.72.21](https://indike.org/pramana/in.purana.brahmanda.2.72.21) mahābalena votsiktaḥ kālanemirnipātitaḥ / uttarāṃśe samudrasya kṣīrodasyāmṛtodadheḥ / yaḥ śeteśaśvataṃ yogamācchādya timiraṃ mahat // ### [2.72.22](https://indike.org/pramana/in.purana.brahmanda.2.72.22) surāraṇīgarbhamadhatta divyaṃ tapaḥprakarṣādaditiḥ purāyam / śakraṃ ca yo daityagaṇaṃ ca rūddhaṃ garbhāvamānena bhṛśaṃ cakāra ha // ### [2.72.23](https://indike.org/pramana/in.purana.brahmanda.2.72.23) padāni yo lokapadāni kṛtvā cakāra daityānsalileśayāṃstān / kṛtvā ca devāṃstridivasya devāṃścakre sureśaṃ puruhūtameva // ### [2.72.24](https://indike.org/pramana/in.purana.brahmanda.2.72.24) gārhapatyena vidhinā anvāhāryeṇa karmaṇā // ### [2.72.25](https://indike.org/pramana/in.purana.brahmanda.2.72.25) agnimāhavanīyaṃ ca vedīṃ caiva kuśaṃ sruvam / prokṣaṇīyaṃ śrutaṃ caiva āvabhṛthyaṃ tathaiva ca // ### [2.72.26](https://indike.org/pramana/in.purana.brahmanda.2.72.26) atharṣīṃścaiva yaścakre havyabhāgapradānmakhe / havyādāṃśca surāṃścakre kavyādāṃśca pitṝnapi / bhogārthaṃ yajñavidhinā yo yajño yajñakarmaṇi // ### [2.72.27](https://indike.org/pramana/in.purana.brahmanda.2.72.27) yūpānsamitsruvaṃ somaṃ pavitraṃ paridhīnapi / yajñiyāni ca dravyāṇi yajñiyāṃśca tathānalān // ### [2.72.28](https://indike.org/pramana/in.purana.brahmanda.2.72.28) sadasyānyajamānāṃśca hyaśvamedhānkratuttamān / vicitrānrājasūyadīnpārameṣṭhyena karmaṇā // ### [2.72.29](https://indike.org/pramana/in.purana.brahmanda.2.72.29) udgātrādīṃśca yaḥ kṛtvā yajñāṃllokānanukramam / kṣaṇā nimeṣāḥ kāṣṭhāśca kalāstraikālyameva ca // ### [2.72.30](https://indike.org/pramana/in.purana.brahmanda.2.72.30) muhūrttāstithayo māsā dinaṃ saṃvatsaraṃ tathā / ṛtavaḥ kālayogāśca pramāṇaṃ trividhaṃ triṣu // ### [2.72.31](https://indike.org/pramana/in.purana.brahmanda.2.72.31) āyuḥ kṣetrāṇyatha balaṃ kṣaṇaṃ yadrūpasauṣṭhavam / medhāvitvaṃ ca śauryaṃ ca śāstrasyeva ca pāraṇam // ### [2.72.32](https://indike.org/pramana/in.purana.brahmanda.2.72.32) trayo varṇāstrayo lokāstraividyaṃ pāvakāstrayaḥ / traikālyaṃ trīṇi karmāṇi tisro mātrā guṇāstrayaḥ // ### [2.72.33](https://indike.org/pramana/in.purana.brahmanda.2.72.33) sṛṣṭā lokeśvarāścaiva yena yena ca karmaṇā / sarvabhūtagaṇāḥ sṛṣṭāḥ sarvabhūtagaṇātmanā // ### [2.72.34](https://indike.org/pramana/in.purana.brahmanda.2.72.34) kṣaṇaṃ saṃdhāya pūrveṇa yogena ramate ca yaḥ / gatāgatānāṃ yo netā sarvatra vividheśvaraḥ // ### [2.72.35](https://indike.org/pramana/in.purana.brahmanda.2.72.35) yo gatirddharmayuktānāmagatiḥ pāpakarmaṇām / cāturvarṇyasya prabhavaścāturvarṇyasya rakṣitā // ### [2.72.36](https://indike.org/pramana/in.purana.brahmanda.2.72.36) cāturvidyasya yo vettā cāturāśamyasaṃśrayaḥ / digantaraṃ nabho bhūmirāpo vāyurvibhāvasuḥ // ### [2.72.37](https://indike.org/pramana/in.purana.brahmanda.2.72.37) candrasūryadvayaṃ jyotiryugeśāḥ kṣaṇadācarāḥ / yaḥ paraṃ śruyate devo yaḥ paraṃ śrūyate tapaḥ // ### [2.72.38](https://indike.org/pramana/in.purana.brahmanda.2.72.38) yaḥ paraṃ tamasaḥ prāhuryaḥ paraṃ paramātmavān / ādityādistu yo devo yaśca daityāntako vibhuḥ // ### [2.72.39](https://indike.org/pramana/in.purana.brahmanda.2.72.39) yugānteṣvantako yaśca yaśca lokāntakāntakaḥ / seturyo lokasetūnāṃ medho yo madhyakarmaṇām // ### [2.72.40](https://indike.org/pramana/in.purana.brahmanda.2.72.40) vedyo yo vedaviduṣāṃ prabhuryaḥ prabhavātmanām / somabhūtastu bhūtānāmagnibhūto 'gnivarcasām // ### [2.72.41](https://indike.org/pramana/in.purana.brahmanda.2.72.41) manuṣyāṇāṃ manurbhūtastapobhūtastapasvinām / vinayo nayatṛptānāṃ tejastejasvināmapi // ### [2.72.42](https://indike.org/pramana/in.purana.brahmanda.2.72.42) vigraho vigrahāṇāṃ yo gatirgatimatāmapi / ākāśaprabhavo vāyurvāyuprāṇo hutāśanaḥ // ### [2.72.43](https://indike.org/pramana/in.purana.brahmanda.2.72.43) devā hutāśanaprāṇāḥ prāṇo 'gnermadhusūdanaḥ / rasācchoṇitasaṃbhūtiḥ śoṇitānmāsamucyate // ### [2.72.44](https://indike.org/pramana/in.purana.brahmanda.2.72.44) māṃsātta medaso janma medaso 'sthi nirucyate / asyno majjā samabhavanmajjātaḥ śukrasaṃbhavaḥ // ### [2.72.45](https://indike.org/pramana/in.purana.brahmanda.2.72.45) śukrādgarbhaḥ samābhava drasamūlena karmaṇā / tatrāpāṃ prathamāvāpaḥ sa saumyo rāśirucyate // ### [2.72.46](https://indike.org/pramana/in.purana.brahmanda.2.72.46) garbho 'śmasaṃbhavo jñeyo dvitīyo rāśirucyate / śukraṃ somātmakaṃ vidyādārttavaṃ pāvakātmakam // ### [2.72.47](https://indike.org/pramana/in.purana.brahmanda.2.72.47) bhāvau rasānugāvetau vīrye ca śaśipāvakau / kaphavarge bhavecchukraṃ pittavarge ca śoṇitam // ### [2.72.48](https://indike.org/pramana/in.purana.brahmanda.2.72.48) kaphasya tdṛdayaṃ sthānaṃ nābhyāṃ pittaṃ pratiṣṭhitam / dehasya madhye tdṛdayaṃ sthānaṃ tu manasaḥ smṛtam // ### [2.72.49](https://indike.org/pramana/in.purana.brahmanda.2.72.49) nābhiścodara saṃsthā tu tatra devo hutāśanaḥ / manaḥ prajāpatirjñeyaḥ kaphaḥ somo vibhāvyate // ### [2.72.50](https://indike.org/pramana/in.purana.brahmanda.2.72.50) pittamagniḥ smṛto hyetadagnīṣomātmakaṃ jagat / evaṃ pravarttite garbhe vṛtte karkandhusaṃnibhe // ### [2.72.51](https://indike.org/pramana/in.purana.brahmanda.2.72.51) vāyuḥ praveśanaṃ cakre saṃgataḥ paramātmanā / sa pañcadhā śarīrastho vidyate varddhayetpunaḥ // ### [2.72.52](https://indike.org/pramana/in.purana.brahmanda.2.72.52) prāṇāpānau samānaśca hyudāno vyāna eva ca / prāṇo 'sya paramātmānaṃ varddhayanparivarttate // ### [2.72.53](https://indike.org/pramana/in.purana.brahmanda.2.72.53) apānaḥ paścimaṃ kāyamu dāno 'rddhaṃ śarīriṇaḥ / vyāno vyānīyate yena samānaḥ sarvasaṃdhiṣu // ### [2.72.54](https://indike.org/pramana/in.purana.brahmanda.2.72.54) bhūtāvāptistatastasya jāyatendriyagocarā / pṛthivī vāyurākāśamāpo jyotiśca pañcamam // ### [2.72.55](https://indike.org/pramana/in.purana.brahmanda.2.72.55) sarvedriyaniviṣṭāste svasvayogaṃ pracakrire / pārthivaṃ dehamāhustu prāṇātmānaṃ ca mārutam // ### [2.72.56](https://indike.org/pramana/in.purana.brahmanda.2.72.56) chidrāṇyākāśayonīni jalātsrāvaḥ pravarttate / jyotiścakṣuṣi koṣṭho 'smātteṣāṃ yannāmataḥ smṛtam // ### [2.72.57](https://indike.org/pramana/in.purana.brahmanda.2.72.57) saṃgrāhya viṣayāṃścaiva yasya vīryātpravartitāḥ / ityetānpuruṣaḥ sarvānsṛjatyekaḥ sanātanaḥ // ### [2.72.58](https://indike.org/pramana/in.purana.brahmanda.2.72.58) naidhane 'sminkathaṃ loke naratvaṃ viṣṇurāgataḥ / eṣa naḥ saṃśayo dhīmanneṣa vai vismayo mahān // ### [2.72.59](https://indike.org/pramana/in.purana.brahmanda.2.72.59) kathaṃ gatirgatimatāmāpanno mānuṣīṃ tanum / śrotumicchāmahe viṣṇoḥ karmāṇi ca yathākramam // ### [2.72.60](https://indike.org/pramana/in.purana.brahmanda.2.72.60) āścaryaṃ paramaṃ viṣṇurvedairdevaścai kathyate / viṣṇorutpattimāścaya kathayasva mahāmate // ### [2.72.61](https://indike.org/pramana/in.purana.brahmanda.2.72.61) etadāścaryamākhyātaṃ kathyatāṃ vai sukhāvaham / prakhyātabalavīryasya prādurbhāvanmahātmanaḥ / karmaṇāścaryabhūtasya viṣṇoḥ sattvamihocyate // ### [2.72.62](https://indike.org/pramana/in.purana.brahmanda.2.72.62) sūta uvāca ahaṃ vaḥ kīrttayiṣyāmi prādurbhāvaṃ mahātmanaḥ // ### [2.72.63](https://indike.org/pramana/in.purana.brahmanda.2.72.63) yathā babhūva bhagavānmānuṣeṣu mahātapāḥ / bhṛgustrīvadhadoṣeṇa bhṛguśāpena mānuṣe // ### [2.72.64](https://indike.org/pramana/in.purana.brahmanda.2.72.64) jāyate ca yugānteṣu devakāryārthasiddhaye / tasya divyāṃ tanuṃ viṣṇorgadato me nibodhata // ### [2.72.65](https://indike.org/pramana/in.purana.brahmanda.2.72.65) yugadharme parāvṛtte kāle ca śithile prabhuḥ / karttuṃ dharmavyavasthānaṃ jāyate mānuṣeṣviha / bhṛgoḥ śāpanimittena devāsurakṛtena ca // ### [2.72.66](https://indike.org/pramana/in.purana.brahmanda.2.72.66) ṛṣaya ūcuḥ kathaṃ devāsurakṛte tadvyāhāramavāptavān / etadveditumicchāmo vṛttaṃ devāsuraṃ katham // ### [2.72.67](https://indike.org/pramana/in.purana.brahmanda.2.72.67) sūta uvāca devāsuraṃ yathāvṛttaṃ bruvatastannibodhata // ### [2.72.68](https://indike.org/pramana/in.purana.brahmanda.2.72.68) hiraṇyakaśipurdaityastrailokyaṃ prākpraśāsati / balinādhiṣṭhitaṃ rājyaṃ punarlokatraye kramāt // ### [2.72.69](https://indike.org/pramana/in.purana.brahmanda.2.72.69) sakhyamāsītparaṃ teṣāṃ devānāmasuraiḥ saha / yugākhyā daśa saṃpūrṇā hyāsīdavyāhataṃ jagat // ### [2.72.70](https://indike.org/pramana/in.purana.brahmanda.2.72.70) nideśasthāyinaścaiva tayordevāsurābhavan / baddhe balau vivādo 'tha saṃpravṛttaḥ sudāruṇaḥ // ### [2.72.71](https://indike.org/pramana/in.purana.brahmanda.2.72.71) devāsurāṇāṃ ca tadā ghoraḥ kṣayakaro mahān / teṣāṃ dvīpanimittaṃ vai saṃgrāmā bahavo 'bhaven // ### [2.72.72](https://indike.org/pramana/in.purana.brahmanda.2.72.72) varāhe 'smindaśa dvau ca ṣaṇḍāmarkāntagāḥ smṛtāḥ / nāmatastu samāsena śṛṇudhvaṃ tānvivakṣataḥ // ### [2.72.73](https://indike.org/pramana/in.purana.brahmanda.2.72.73) prathamo nārasiṃhastu dvitīyaścāpi vāmanaḥ / tṛtīyaḥ sa tu vārāhaścaturtho 'mṛtamanthanaḥ // ### [2.72.74](https://indike.org/pramana/in.purana.brahmanda.2.72.74) saṃgrāmaḥ pañcamaścaiva sughorastārakāmayaḥ / ṣaṣṭho hyāḍībakasteṣāṃ saptamastraipuraḥ smṛtaḥ // ### [2.72.75](https://indike.org/pramana/in.purana.brahmanda.2.72.75) andhakāro 'ṣṭamasteṣāṃ dhvajaśca navamaḥ smṛtaḥ / vārtraśca daśamo ghorastato hālāhalaḥ smṛtaḥ // ### [2.72.76](https://indike.org/pramana/in.purana.brahmanda.2.72.76) smṛto dvādaśakasteṣāṃ ghoraḥ kolāhalo 'paraḥ / hiraṇyakaśipurdaityo narasiṃhena sūditaḥ // ### [2.72.77](https://indike.org/pramana/in.purana.brahmanda.2.72.77) vāmanena balirbaddhastrailokyākramaṇe kṛte / hiraṇyākṣo hato dvandve prativāde ca daivate // ### [2.72.78](https://indike.org/pramana/in.purana.brahmanda.2.72.78) mahābalo mahāsattvaḥ saṃgrāmeṣvaparājitaḥ / daṃṣṭrayā tu varāheṇa sa daityastu dvidhākṛtaḥ // ### [2.72.79](https://indike.org/pramana/in.purana.brahmanda.2.72.79) prahlādo nirjito yuddhe indreṇāmṛtamanthane / virocanastu prāhlādirnityamindravadhodyataḥ // ### [2.72.80](https://indike.org/pramana/in.purana.brahmanda.2.72.80) indreṇaiva sa vikramya nihatastārakāmaye / bhavādavadhyatāṃ prāpya viśeṣāstrādibhistu yaḥ // ### [2.72.81](https://indike.org/pramana/in.purana.brahmanda.2.72.81) sa jaṃbho nihataḥ ṣaṣṭhe śakrāviṣṭena viṣṇunā / aśaknuvatsu deveṣu paraṃ soḍhumadaivatam // ### [2.72.82](https://indike.org/pramana/in.purana.brahmanda.2.72.82) nihatā dānavāḥ sarve tripure tryaṃbakeṇa tu / atha daityāḥ surāścaiva rākṣasāstvandhakārike // ### [2.72.83](https://indike.org/pramana/in.purana.brahmanda.2.72.83) jitā devamanuṣyeste pitṛbhiścaiva saṃgatāḥ / savṛtrāndānavāṃścaiva saṃgatānkṛtsnaśaśca tān // ### [2.72.84](https://indike.org/pramana/in.purana.brahmanda.2.72.84) jaghne viṣṇusahāyena mahendrastena varddhitaḥ / hato dhvaje mahendreṇa mayāchatraśca yogavit // ### [2.72.85](https://indike.org/pramana/in.purana.brahmanda.2.72.85) dhvajalakṣaṃ samāviśya vipracittiḥ mahānujaḥ / daityāṃśca dānavāṃścaiva saṃhatānkṛtsnaśaśca tān // ### [2.72.86](https://indike.org/pramana/in.purana.brahmanda.2.72.86) jayaddhālāhale sarvairdevaiḥ parivṛto vṛṣā / rajiḥ kolāhale sarvāndaityānparivṛto 'jayat // ### [2.72.87](https://indike.org/pramana/in.purana.brahmanda.2.72.87) yajñasyāvabhṛthe jitvā ṣaṇḍāmakārai tu daivataiḥ / ete devāsurā vṛttāḥ saṃgrāmā dvādaśaiva tu // ### [2.72.88](https://indike.org/pramana/in.purana.brahmanda.2.72.88) surāsurakṣayakarāḥ prajānā maśivaśca ha / hiraṇyakaśipū rājā varṣāṇāmarbudaṃ babhau // ### [2.72.89](https://indike.org/pramana/in.purana.brahmanda.2.72.89) tathā śatasahasrāṇi hyadhikāni dvisaphatiḥ / aśītiśca sahasrāṇi trailokyasyeśvaro 'bhavat // ### [2.72.90](https://indike.org/pramana/in.purana.brahmanda.2.72.90) pāraṃparyeṇa rājā tu balirvarṣārbudhaṃ punaḥ / ṣaṣṭiścaiva sahasrāṇi triṃśacca niyutāni ca // ### [2.72.91](https://indike.org/pramana/in.purana.brahmanda.2.72.91) bale rājyādhikārastu yāvatkālaṃ babhūva ha / prahlādo nirjito 'bhūcca tāvatkālaṃ sahāsuraiḥ // ### [2.72.92](https://indike.org/pramana/in.purana.brahmanda.2.72.92) indrāstrayaste vikhyātā hyasurāṇāṃ mahau jasaḥ / daityasaṃsthamidaṃ sarvamāsīddaśayugaṃ kila // ### [2.72.93](https://indike.org/pramana/in.purana.brahmanda.2.72.93) aśapattu tataḥ śukro rāṣṭraṃ daśayugaṃ punaḥ / trailokyamidamavyagraṃ mahendro hyabhyayādbaleḥ // ### [2.72.94](https://indike.org/pramana/in.purana.brahmanda.2.72.94) prahlādasya hṛte tasmiṃstrailokye kālaparyayāt / paryāyeṇaiva saṃprāptaṃ trailokyaṃ pākaśāsanam // ### [2.72.95](https://indike.org/pramana/in.purana.brahmanda.2.72.95) tato 'surānparityajya yajño devānupāgamat / yajñe devānatha gate kāvyaṃ te hyasurāṃ bruvan // ### [2.72.96](https://indike.org/pramana/in.purana.brahmanda.2.72.96) kiṃ tanno miṣatāṃ rāṣṭraṃ tyaktvā yajñaḥ surāngataḥ / sthātuṃ na śakrumo hyadya praviśāma rasātalam // ### [2.72.97](https://indike.org/pramana/in.purana.brahmanda.2.72.97) evamukto 'bravīdetānviṣaṇṇaḥ sāṃtvayangirā / mābhaiṣṭa dhārayiṣyāmi tejasā svena vaḥ surāḥ // ### [2.72.98](https://indike.org/pramana/in.purana.brahmanda.2.72.98) vṛṣṭiroṣadhayaścaiva rasā vastu ca yatparam / kṛtsnāni hyapi tiṣṭhantu pāpasteṣāṃ sureṣu vai // ### [2.72.99](https://indike.org/pramana/in.purana.brahmanda.2.72.99) yuṣmadarthaṃ pradāsyāmi tatsarva dhāryate mayā / tato devāsurāndṛṣṭvā dhṛtānkāvyena dhīmatā // ### [2.72.100](https://indike.org/pramana/in.purana.brahmanda.2.72.100) amantrayaṃstadā te vai saṃvighnā vijigīṣayā / eṣa kāvya idaṃ sarvaṃ vyāvarttayati no balāt // ### [2.72.101](https://indike.org/pramana/in.purana.brahmanda.2.72.101) sādhu gacchāmahe tūrṇaṃ yāvannāpyāyayettu tān / prasahya hatvā śiṣṭāṃstu pātālaṃ prāpayāmahe // ### [2.72.102](https://indike.org/pramana/in.purana.brahmanda.2.72.102) tato devāstu saṃrabdhā dānavānabhisṛtya vai / jaghnustairvadhyamānāste kāvyamevābhidudruvuḥ // ### [2.72.103](https://indike.org/pramana/in.purana.brahmanda.2.72.103) tataḥ kāvyastu tāndṛṣṭvā tūrṇaṃ devairabhidrutān / samārakṣata saṃtrastāndevebhyastānditeḥ sutān // ### [2.72.104](https://indike.org/pramana/in.purana.brahmanda.2.72.104) kāvyo dṛṣṭvā sthitāndevāṃstatra daivamacintayat / tānuvāca tato dhyātvā pūrvavṛttamanusmaran // ### [2.72.105](https://indike.org/pramana/in.purana.brahmanda.2.72.105) trailokyaṃ vijitaṃ sarvaṃ vāmanena tribhiḥkramaiḥ / balirbaddho hato jaṃbho nihataśca virocanaḥ // ### [2.72.106](https://indike.org/pramana/in.purana.brahmanda.2.72.106) mahāsurā dvādaśasu saṃgrāmeṣu surairhatāḥ / taistairupāyairbhūyiṣṭhā nihatā ye pradhānataḥ // ### [2.72.107](https://indike.org/pramana/in.purana.brahmanda.2.72.107) kiñcicchiṣṭāstu vai yūyaṃ yuddhe svalpe tu vai svayam / nītiṃ vo hi vidhāsyāmi kālaḥ kaścitpratīkṣyatām // ### [2.72.108](https://indike.org/pramana/in.purana.brahmanda.2.72.108) yāsyāmyahaṃ mahādevaṃ mantrārthe vijayāya ca / agnimāpyāyayeddhotā metraireṣa dahiṣyati // ### [2.72.109](https://indike.org/pramana/in.purana.brahmanda.2.72.109) tato yāsyāmyahaṃ devaṃ mantrārthe nīlalohitam / yuṣmānanugrahīṣyāmi punaḥ paścādihāgataḥ // ### [2.72.110](https://indike.org/pramana/in.purana.brahmanda.2.72.110) yūyaṃ tapaścaradhvaṃ vai saṃvṛtā valkalairvane / na vai devā vādhiṣyanti yāvadāgamanaṃ mama // ### [2.72.111](https://indike.org/pramana/in.purana.brahmanda.2.72.111) apratīpāṃstato mantrāndevātprāpya maheśvarāt / yotsyāmahe punardevāṃstataḥ prāpsyatha vai jayam // ### [2.72.112](https://indike.org/pramana/in.purana.brahmanda.2.72.112) tataste kṛtasaṃvādā devānūcustato 'surāḥ / nyastaśastrā vayaṃ sarve lokānyūyaṃ kramantu vai // ### [2.72.113](https://indike.org/pramana/in.purana.brahmanda.2.72.113) vayaṃ tapaścariṣyāmaḥ saṃvṛttā valkalairvane / prahlādasya vacaḥ śrutvā satyānuvyātdṛtaṃ tu tat // ### [2.72.114](https://indike.org/pramana/in.purana.brahmanda.2.72.114) tato devā nyavarttanta vijvarā muditāśca ha / nyastaśastreṣu daityeṣu svānvai jagmuryathāgatān // ### [2.72.115](https://indike.org/pramana/in.purana.brahmanda.2.72.115) tatastānabravītkāvyaḥ kañcitkālaṃ pratīkṣyatām / nirutsukāstapoyuktāḥ kālaḥ kāryārthasādhakaḥ // ### [2.72.116](https://indike.org/pramana/in.purana.brahmanda.2.72.116) piturmamāśramasthā vai saṃpratīkṣata dānavāḥ / sa saṃdiśyasurānkāvyo mahodevaṃ prapadya ca // ### [2.72.117](https://indike.org/pramana/in.purana.brahmanda.2.72.117) praṇamyaivamuvācāyaṃ jagatprabhavamīśvaram / mantrānicchāmi he deva ye na saṃti bṛhaspatau // ### [2.72.118](https://indike.org/pramana/in.purana.brahmanda.2.72.118) parābhavāya devānāmasureṣvabhayāvahān / evamukto 'bravīddevo mantrānicchasi vai dvija // ### [2.72.119](https://indike.org/pramana/in.purana.brahmanda.2.72.119) vrataṃ cara mayoddiṣṭaṃ brahmacārī samāhitaḥ / pūrmaṃ varṣasahasraṃ vai kuṇḍadhūmamavākśirāḥ // ### [2.72.120](https://indike.org/pramana/in.purana.brahmanda.2.72.120) yadi pāsyati bhadraṃ te matto mantramavāpsyasi / tathokto devadevena sa śukrastu mahātapāḥ // ### [2.72.121](https://indike.org/pramana/in.purana.brahmanda.2.72.121) pādau saṃspṛśya devasya bāḍhamityabhāṣata / vrataṃ carāmyahaṃ deva yathoddiṣṭo 'smi vaiprabho // ### [2.72.122](https://indike.org/pramana/in.purana.brahmanda.2.72.122) tato niyukto devena kuṇḍadhāro 'sya dhūmakṛt / asurāṇāṃ hitārthāya tasmiñchukre gate tadā // ### [2.72.123](https://indike.org/pramana/in.purana.brahmanda.2.72.123) mantrārthaṃ tatra vasati brahma caryaṃ maheśvare / tadbuddhvā nītipūrvaṃ tu rāṣṭraṃ nyastaṃ tadāsuraiḥ // ### [2.72.124](https://indike.org/pramana/in.purana.brahmanda.2.72.124) tasmiñchidre tadāmarṣāddevāstānsamabhidravan / pragṛhītāyudhāḥ sarve bṛhaspatipurogamāḥ // ### [2.72.125](https://indike.org/pramana/in.purana.brahmanda.2.72.125) dṛṣṭvāsuragaṇā devānpragṛhītāyudhānpunaḥ / utpetuḥ sahasā sarve saṃtrastāste tato 'bhavan // ### [2.72.126](https://indike.org/pramana/in.purana.brahmanda.2.72.126) nyaste śastre 'bhaye datte hyācārye vratamāsthite / saṃtyajya samayaṃ devāste sapatnajighāṃsavaḥ // ### [2.72.127](https://indike.org/pramana/in.purana.brahmanda.2.72.127) anācāryāstu bhadraṃ vo viśvastāstapase sthitāḥ / cīravalkājinadharā niṣkriyā niṣparigrahāḥ // ### [2.72.128](https://indike.org/pramana/in.purana.brahmanda.2.72.128) raṇe vijetuṃ devānvai na śakṣyāmaḥ kathañcana / ayuddhena prapadyāmaḥ śaraṇaṃ kāvyamātaram // ### [2.72.129](https://indike.org/pramana/in.purana.brahmanda.2.72.129) prāpadyanta tato bhītāstayā caiva tadābhayam / dattaṃ teṣāṃ tu bhītānāṃ daityānāmabhayārthinām // ### [2.72.130](https://indike.org/pramana/in.purana.brahmanda.2.72.130) tayā cābhyupapannāṃstāndṛṣṭvā devāstadāsurān / abhijaghnuḥ prasahyaitānvicārya ca balābalam // ### [2.72.131](https://indike.org/pramana/in.purana.brahmanda.2.72.131) tata stānvadhyamānāṃstu devairdṛṣṭvāsurāṃstadā / devī kruddhābravīdenānanindratvaṃ karomyaham // ### [2.72.132](https://indike.org/pramana/in.purana.brahmanda.2.72.132) saṃstabhya śīghraṃ saṃraṃbhādindraṃ sābhyacarattataḥ / tataḥ saṃstaṃbhitaṃ dṛṣṭvā śakraṃ devāstu mūḍhavat // ### [2.72.133](https://indike.org/pramana/in.purana.brahmanda.2.72.133) vyadravanta tato bhītā dṛṣṭvā śakraṃ vaśīkṛtam / gateṣu surasaṃgheṣu viṣmurindramabhāṣata // ### [2.72.134](https://indike.org/pramana/in.purana.brahmanda.2.72.134) māṃ tvaṃ praviśa bhadraṃ te neṣyāmi tvāṃ sureśvara / evamuktastato viṣṇuḥ praviveśa purandaraḥ // ### [2.72.135](https://indike.org/pramana/in.purana.brahmanda.2.72.135) viṣmunā rakṣitaṃ dṛṣṭvā devī kruddhā vaco 'vadat / eṣā tvāṃ viṣṇunā sārddha dahāmi maghavanbalāt // ### [2.72.136](https://indike.org/pramana/in.purana.brahmanda.2.72.136) miṣatā sarvabhūtānāṃ dṛśyatāṃ me tapobalam / tayābhibhūtau tau devāvindrāviṣṇū jajalpatuḥ // ### [2.72.137](https://indike.org/pramana/in.purana.brahmanda.2.72.137) kathaṃ mucyeva sahitau viṣṇurindramabhāṣata / indro 'bravījjahi hyenāṃ yāvanno na dahe dvibho // ### [2.72.138](https://indike.org/pramana/in.purana.brahmanda.2.72.138) viśeṣeṇābhibhūto 'hamimāṃ tajjahi māciram / tataḥ samīkṣya tāṃ viṣṇuḥ strīvadhaṃ karttumāsthitaḥ // ### [2.72.139](https://indike.org/pramana/in.purana.brahmanda.2.72.139) abhidhyāya tataśśakramāpannaṃ satvaraṃ prabhuḥ / tasyāḥ saṃtvaramāṇāyāḥ śīghraṅkārī murārihā // ### [2.72.140](https://indike.org/pramana/in.purana.brahmanda.2.72.140) tridhā viṣṇustato devaḥ krūraṃ buddhvā cikīrṣitam / kruddhastadastramāvidhya śiraściccheda mādhavaḥ // ### [2.72.141](https://indike.org/pramana/in.purana.brahmanda.2.72.141) taṃ dṛṣṭvā strīvadhaṃ ghoraṃ cukopa bhṛgurīśvaraḥ / tato 'bhiśapto bhṛguṇā viṣṇurbhāryāvadhe tadā // ### [2.72.142](https://indike.org/pramana/in.purana.brahmanda.2.72.142) yasmātte jānatā dharmamavadhyā strī niṣūditā / tasmāttvaṃ saptakṛtvo vai manuṣyeṣu prapadyase // ### [2.72.143](https://indike.org/pramana/in.purana.brahmanda.2.72.143) tatastenābhiśāpena naṣṭe dharme punaḥ punaḥ / sarvaloka hitārthāya jāyate mānuṣeṣviha // ### [2.72.144](https://indike.org/pramana/in.purana.brahmanda.2.72.144) anuvyāhṛtya viṣmuṃ sa tadādāya śiraḥ svayam / samānīya tataḥ kāye samāyojyedamabravīt // ### [2.72.145](https://indike.org/pramana/in.purana.brahmanda.2.72.145) etāṃ tvāṃ viṣṇunā satyaṃ hatāṃ saṃjīvayāmyaham / yadi kṛtsno mayā dharmaścarito jñāyate 'pi vā // ### [2.72.146](https://indike.org/pramana/in.purana.brahmanda.2.72.146) tena satyena jīvasva yadi satyaṃ bravīmyaham / satyābhivyahṛtāttasya devī saṃjīvitā tadā // ### [2.72.147](https://indike.org/pramana/in.purana.brahmanda.2.72.147) tadā tāṃ prokṣya śītābhiradbhirjīveti so 'bravīt / tatastāṃ sarvabhūtānāṃ dṛṣṭvā suptotthitāmiva // ### [2.72.148](https://indike.org/pramana/in.purana.brahmanda.2.72.148) sādhusādhvityadṛśyānāṃ vācastāḥ sasvanurdiśaḥ / dṛṣṭvā saṃjīvitāmevaṃ devīṃ tāṃ bhṛguṇā tadā // ### [2.72.149](https://indike.org/pramana/in.purana.brahmanda.2.72.149) miṣatāṃ sarvabhūtānāṃ tadadbhutamivābhavat / asaṃbhrāntena bhṛguṇā patnī saṃjīvitāṃ tataḥ // ### [2.72.150](https://indike.org/pramana/in.purana.brahmanda.2.72.150) dṛṣṭvā śakro na lebhe 'tha śarma kāvyabhayāttataḥ / prajāgare tataścendro jayantīmātmanaḥ sutām // ### [2.72.151](https://indike.org/pramana/in.purana.brahmanda.2.72.151) provāca matimānvākyaṃ svāṃ kanyāṃ pākaśāsanaḥ / eṣa kāvyo hyanindrāya carate dāruṇaṃ tapaḥ // ### [2.72.152](https://indike.org/pramana/in.purana.brahmanda.2.72.152) tenāhaṃ vyākulaḥ putri kṛto dhṛtimanā dṛḍham / gaccha saṃbhāvayasvainaṃ śramāpanayanaiḥ śubhe // ### [2.72.153](https://indike.org/pramana/in.purana.brahmanda.2.72.153) taistairmano 'nukūlaiśca hyupacārairatadritā / devī sārīndraduhitā jayantī śubhacāriṇī // ### [2.72.154](https://indike.org/pramana/in.purana.brahmanda.2.72.154) susvarūpadharāgāttaṃ durvahaṃ vratamāsthitam / pitrā yathoktaṃ vākyaṃ sā kāvye kṛtavatī tadā // ### [2.72.155](https://indike.org/pramana/in.purana.brahmanda.2.72.155) gīrbhiścaivānukūlābhiḥ stuvantī valgubhāṣiṇī / gātrasaṃvāhanaiḥ kāle sevamānā tvacāsukhaiḥ // ### [2.72.156](https://indike.org/pramana/in.purana.brahmanda.2.72.156) śuśrūṣantyanukūlā ca uvāsa bahulāḥ samāḥ / pūrṇaṃ dhūmavrate cāpi ghore varṣasahasrake // ### [2.72.157](https://indike.org/pramana/in.purana.brahmanda.2.72.157) vareṇa cchandayāmāsa kāvyaṃ prīto 'bhavastadā / evaṃ vrataṃ tvayaikena cīrṇaṃ nānyena kena cit // ### [2.72.158](https://indike.org/pramana/in.purana.brahmanda.2.72.158) tasmāttvaṃ tapasā buddhyā śrutena ca balena ca / tejasā vāpi vibudhānsarvānabhibhaviṣyasi // ### [2.72.159](https://indike.org/pramana/in.purana.brahmanda.2.72.159) yacca kiñcinmamabrahma vidyate bhṛgunandana / sāṃga ca sarahasyaṃ ca yajñopaniṣadastathā // ### [2.72.160](https://indike.org/pramana/in.purana.brahmanda.2.72.160) pratibhāti te sarvaṃ tadvācyaṃ tu na kasyacit / sarvābhibhāvī tena tvaṃ dvijaśreṣṭho bhaviṣyasi // ### [2.72.161](https://indike.org/pramana/in.purana.brahmanda.2.72.161) evaṃ dattvā varaṃ tasyai bhārgavāya bhavaḥ punaḥ / prajeśatvaṃ dhaneśatvamavadhyatvaṃ ca vai dadau // ### [2.72.162](https://indike.org/pramana/in.purana.brahmanda.2.72.162) etāṃllabdhvā varānkāvyaḥ saṃprahṛṣṭatanūruhaḥ / harṣātprādurbabhau tasya divyaṃ stotraṃ maheśituḥ // ### [2.72.163](https://indike.org/pramana/in.purana.brahmanda.2.72.163) tadā tiryaksthitastvevaṃ tuṣṭuve nīlalohitam / namo 'stu śitikaṇṭhāya surādyāya suvarcase // ### [2.72.164](https://indike.org/pramana/in.purana.brahmanda.2.72.164) lelihānāya lehyāya vatsarāya jagatpate / kapardine hyūrddhvaromṇe haryakṣavaradāya ca // ### [2.72.165](https://indike.org/pramana/in.purana.brahmanda.2.72.165) saṃstutāya sutīrthāya devadevāya raṃhase / uṣṇīṣiṇe suvaktrāya sahasrākṣāya mīḍhuṣe // ### [2.72.166](https://indike.org/pramana/in.purana.brahmanda.2.72.166) vasuretāya rudrāya tapase cīravāsase / nisvāya muktakeśāya senānye rohitāya ca // ### [2.72.167](https://indike.org/pramana/in.purana.brahmanda.2.72.167) kavaye rājavṛddhāya takṣakakrīḍanāya ca / giriśāyārkanetrāya yataye cājyapāya ca // ### [2.72.168](https://indike.org/pramana/in.purana.brahmanda.2.72.168) suvṛttāya suhastāya dhanvine bhārgavāya ca / sahasrabāhave caiva sahasrāmalacakṣuṣe // ### [2.72.169](https://indike.org/pramana/in.purana.brahmanda.2.72.169) sahasrakukṣaye caiva sahasracaraṇāya ca / sahasraśirase caiva bahurūpāya vedhase // ### [2.72.170](https://indike.org/pramana/in.purana.brahmanda.2.72.170) bhavāya viśvarūpāya śvetāya puruṣāya ca / niṣaṅgiṇe kavacine sūkṣmāya kṣapaṇāya ca // ### [2.72.171](https://indike.org/pramana/in.purana.brahmanda.2.72.171) tāmrāya caiva bhīmāya ugrāya ca śivāya ca / mahādevāya sarvāya viśvarūpaśivāya ca // ### [2.72.172](https://indike.org/pramana/in.purana.brahmanda.2.72.172) hiraṇyāya vasiṣṭhāya varṣāya madhyamāya ca / dhāmne caiva piśaṅgāya piṅgalāyāruṇāya ca // ### [2.72.173](https://indike.org/pramana/in.purana.brahmanda.2.72.173) pinākine ceṣumate citrāya rohitāya ca / dundubhyāyaikapādāya arhāya buddhaye tathā / mṛgavyādhāya sarvāya sthāṇave bhīṣaṇāya ca // ### [2.72.174](https://indike.org/pramana/in.purana.brahmanda.2.72.174) bahurūpāya cogrāya trinetrāyeśvarāya ca / kapiloyaikavīrāya mṛtyave tryaṃbakāya ca // ### [2.72.175](https://indike.org/pramana/in.purana.brahmanda.2.72.175) vāstoṣpate pinākāya śaṅkarāya śivāya ca / āraṇyāya gṛhasthāya yatine bahmacāriṇe // ### [2.72.176](https://indike.org/pramana/in.purana.brahmanda.2.72.176) sāṃkhyāya caiva yogāya dhyānine dīkṣitāya ca / antarhitāya sarvāya tapyāya vyāpine tathā // ### [2.72.177](https://indike.org/pramana/in.purana.brahmanda.2.72.177) buddhāya caiva śuddhāya muktāya kevalāya ca / rodhase caikitānāya brahmiṣṭhāya mahārṣaye // ### [2.72.178](https://indike.org/pramana/in.purana.brahmanda.2.72.178) catuṣpādāya medhyāya varmiṇe śīghragāya ca / śikhaṇḍine kapālāya daṇḍine viśvamedhase // ### [2.72.179](https://indike.org/pramana/in.purana.brahmanda.2.72.179) apratītāya dīptāya bhāskarāya sumedhase / krūrāya vikṛtāyaiva bībhatsāya śivāya ca // ### [2.72.180](https://indike.org/pramana/in.purana.brahmanda.2.72.180) śucaye paridhānāya sadyojātāya mṛtyave / piśitāśāya śarvāya meghāya vaidyutāya ca // ### [2.72.181](https://indike.org/pramana/in.purana.brahmanda.2.72.181) dakṣāya ca jaghanyāya lokānāmīśvarāya ca / anāmayāya cedhmāya hiraṇyāyaikacakṣuṣe // ### [2.72.182](https://indike.org/pramana/in.purana.brahmanda.2.72.182) śreṣṭhāya vāmadevāya īśānāya ca dhīmate / mahākalpāya dīptāya rodanāya hasāya ca // ### [2.72.183](https://indike.org/pramana/in.purana.brahmanda.2.72.183) dṛḍhadhanvine kavacine rathine ca varūthine / bhṛgunāthāya śukrāya gahvariṣṭhāya dhīmate // ### [2.72.184](https://indike.org/pramana/in.purana.brahmanda.2.72.184) amoghāya praśāntāya sadā viprapriyāya ca / digvāsaḥ kṛttivāsāya bhagaghnāya namo 'stu te // ### [2.72.185](https://indike.org/pramana/in.purana.brahmanda.2.72.185) paśūnāṃ pataye caiva bhūtānāṃ pataye namaḥ / prabhave ṛgyajuḥsāmne svāhāyai ca sudhāya ca // ### [2.72.186](https://indike.org/pramana/in.purana.brahmanda.2.72.186) vaṣaṭkāratamāyaiva tubhyaṃ mantrātmane namaḥ / sraṣṭre dhātre tathā kartre hartre ca kṣapaṇāya ca // ### [2.72.187](https://indike.org/pramana/in.purana.brahmanda.2.72.187) bhūtabhavyabhaveśāya tubhyaṃ karmātmane namaḥ / vasave caiva sādhyāya rudrādityāśvināya ca // ### [2.72.188](https://indike.org/pramana/in.purana.brahmanda.2.72.188) viśvāya marute caiva tubhyaṃ devātmane namaḥ / agnīṣomavidhijñāya paśumantrau ṣadhāya ca // ### [2.72.189](https://indike.org/pramana/in.purana.brahmanda.2.72.189) dakṣiṇāvabhṛthāyaiva tubhyaṃ yajñātmane namaḥ / tapase caiva satyāya tyāgāya ca śamāya ca // ### [2.72.190](https://indike.org/pramana/in.purana.brahmanda.2.72.190) ahiṃsāyātha lobhāya suveṣāyāniśāya ca / sarvabhūtātprabhūtāya tubhyaṃ yogātmane namaḥ // ### [2.72.191](https://indike.org/pramana/in.purana.brahmanda.2.72.191) pṛthivyai cāntarikṣāya mahāse tridivāya ca / janastapāya satyāya tubhyaṃ lokātmane namaḥ // ### [2.72.192](https://indike.org/pramana/in.purana.brahmanda.2.72.192) avyaktāyātha mahate bhūtāyaivendriyāya ca / tanmātrāyātha mahate tubhyaṃ tattvātmane namaḥ // ### [2.72.193](https://indike.org/pramana/in.purana.brahmanda.2.72.193) nityāya cāpyaliṅgāya sūkṣmāya cetarāya ca / śuddhāya vibhave caiva tubhyaṃ nityātmane namaḥ // ### [2.72.194](https://indike.org/pramana/in.purana.brahmanda.2.72.194) namaste triṣu lokeṣu svaranteṣu bhuvādiṣu / satyāntamaharādyeṣu caturṣu ca namo 'stu te // ### [2.72.195](https://indike.org/pramana/in.purana.brahmanda.2.72.195) nāmastotre mayā hyasminyadasadvyāhṛtaṃ prabho / madbhakta itibrahmaṇya sarvaṃ tatkṣantumarhasi // ### [2.72.195.p1](https://indike.org/pramana/in.purana.brahmanda.2.72.195.p1) iti śrībrahmāṇḍe mahāpurāṇe vāyuprokte madhyamabhāge tṛtīya upoddhātapāde stavasamāptirnāma dvisaptatitamo 'dhyāyaḥ // 72// ## Linked texts (5) - [Vāyupurāṇa](https://indike.org/pramana/in.purana.vayu.2.35.1) — Vyāsa, Sanskrit - [Brahmapurāṇa](https://indike.org/pramana/in.purana.brahma.179.12) — Vyāsa, Sanskrit - [Padmapurāṇa](https://indike.org/pramana/in.purana.padma.1.13.174) — Vyāsa, Sanskrit - [Vulgate](https://indike.org/pramana/in.lit.mahabharata.harivamsa*vulgate.1.40.1.40.10) — Sanskrit - [Agnipurāṇa (Nag Publishers edition, Delhi)](https://indike.org/pramana/in.purana.agni*nag.275.11) — Sanskrit --- Source: [https://indike.org/pramana/in.purana.brahmanda.2.72](https://indike.org/pramana/in.purana.brahmanda.2.72) · Pramāṇa