[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmandapurana](https://indike.org/pramana/in.purana.brahmanda) › 2.74 # Brahmandapurana 2.74 Brahmāṇḍapurāṇa 2.74 - **Language:** Sanskrit ## Contents - [2.74.270](https://indike.org/pramana/in.purana.brahmanda.2.74.270) — 1 part - [2.74.278](https://indike.org/pramana/in.purana.brahmanda.2.74.278) — 3 parts ### [2.74.1](https://indike.org/pramana/in.purana.brahmanda.2.74.1) sūta uvāca turvasostu suto vahnirvahnergobhānurātmajaḥ / gobhānostu suto vīra strisānurapājitaḥ // ### [2.74.2](https://indike.org/pramana/in.purana.brahmanda.2.74.2) karandhamastu traisāno maruttastasya cātmajaḥ / anyastvāvijñito rājā maruttaḥ kathitaḥ purā // ### [2.74.3](https://indike.org/pramana/in.purana.brahmanda.2.74.3) anapatyo maruttastu sa rājāsīditi śrutam / duṣkantaṃ pauravaṃ cāpi sa vai putramakalpayat // ### [2.74.4](https://indike.org/pramana/in.purana.brahmanda.2.74.4) evaṃ yayātiśāpena jarāsaṃkramaṇe purā / turvasoḥ pauravaṃ vaṃśaṃ praviveśa purā kila // ### [2.74.5](https://indike.org/pramana/in.purana.brahmanda.2.74.5) duṣkantasya tu dāyādaḥ sarūpyo nāma pārthivaḥ / sarūpyāttu tathāṇḍīraścatvārastasya cātmajāḥ // ### [2.74.6](https://indike.org/pramana/in.purana.brahmanda.2.74.6) pāṇḍyaśca keralaścaiva colaḥ kulyastathaiva ca / teṣāṃ janapadāḥ kulyāḥ pāṇḍyāścolāḥ sakeralāḥ // ### [2.74.7](https://indike.org/pramana/in.purana.brahmanda.2.74.7) druhyośca tanayau vīrau babhruḥ setuśca viśrutau / aruddhaḥ setuputrastu bābravo ripurucyate // ### [2.74.8](https://indike.org/pramana/in.purana.brahmanda.2.74.8) yauvanāśvena samitau kṛccheṇa nihato balī / yuddhaṃ sumahadāsīttu māsānparicaturdaśa // ### [2.74.9](https://indike.org/pramana/in.purana.brahmanda.2.74.9) aruddhasya tu dāyādo gāndhāro nāma pārthivaḥ / khyāyate yasya nāmnā tu gāndhāraviṣayo mahān // ### [2.74.10](https://indike.org/pramana/in.purana.brahmanda.2.74.10) gāndhārādeśajāścāpi turagā vājināṃ varāḥ / gāndhāraputro dharmastu dhṛtastasya suto 'bhavat // ### [2.74.11](https://indike.org/pramana/in.purana.brahmanda.2.74.11) dhṛtasya durdamo jajñe pracetāstasya cātmajaḥ / pracetasaḥ putraśataṃ rājānaḥ sarva eva te // ### [2.74.12](https://indike.org/pramana/in.purana.brahmanda.2.74.12) mleccharāṣṭrādhipāḥ sarve hyudīcīṃ diśamāsthitāḥ / anoścaiva sutā vīrāstrayaḥ paramadhārmikāḥ // ### [2.74.13](https://indike.org/pramana/in.purana.brahmanda.2.74.13) sabhānaraḥ kālacakṣuḥ parākṣasceti viśrutāḥ / sabhānarasya putrastu vidvānkālānalo nṛpaḥ // ### [2.74.14](https://indike.org/pramana/in.purana.brahmanda.2.74.14) kālānalasya dharmātmā sṛṃjayo nāma viśrutaḥ / sṛṃjayasyābhavatputro vīro nāmnā purañjayaḥ // ### [2.74.15](https://indike.org/pramana/in.purana.brahmanda.2.74.15) āsīdindrasamo rājā pratiṣṭitayaśādivi / mahāmanāḥ sutastasya mahāśālasya dhārmikaḥ // ### [2.74.16](https://indike.org/pramana/in.purana.brahmanda.2.74.16) saptadvīpeśvaro rājā cakravarttī mahāyaśāḥ / mahāmanāstu dvau putrau janayāmāsa viśrutau // ### [2.74.17](https://indike.org/pramana/in.purana.brahmanda.2.74.17) uśīnaraṃ ca dharmajñaṃ titikṣuṃ caiva dhārmikam / uśīnarasya patnyastu pañca rājarṣivaṃśajāḥ // ### [2.74.18](https://indike.org/pramana/in.purana.brahmanda.2.74.18) nṛgā kṛmī navā darvā pañcamī ca dṛṣadvatī / uśīnarasya putryastu pañca tāsu kulodvahāḥ // ### [2.74.19](https://indike.org/pramana/in.purana.brahmanda.2.74.19) tapasyataḥ sumahato jātā vṛddhasya dhārmikāḥ / nṛgāyāstu nṛgaḥ putro navāyā nava eva tu // ### [2.74.20](https://indike.org/pramana/in.purana.brahmanda.2.74.20) kṛmyāḥ kṛmistu darvāyāḥ suvrato nāma dhārmikaḥ / dṛṣadvatī sutaścāpi śibirauśīnaro dvijāḥ // ### [2.74.21](https://indike.org/pramana/in.purana.brahmanda.2.74.21) śibe śivapuraṃ khyātaṃ yaudheyaṃ tu nṛgasya ca / navasya navarāṣṭraṃ tu kṛmestu kṛmilā purī // ### [2.74.22](https://indike.org/pramana/in.purana.brahmanda.2.74.22) suvratasya tathāṃbaṣṭā śibiputrānnibodhata / śibestu śibayaḥ putrāścatvāro lokasaṃmatāḥ // ### [2.74.23](https://indike.org/pramana/in.purana.brahmanda.2.74.23) vṛṣadarbhaḥ suvīrastu kekayo madrakastathā / teṣāṃ janapadāḥ sphītāḥ kekayā madrakāstathā // ### [2.74.24](https://indike.org/pramana/in.purana.brahmanda.2.74.24) vṛṣadarbhāḥ suvīrāśca titikṣoḥ śṛṇuta prajāḥ / titikṣurabhavadrājā pūrvasyāṃ diśi viśrutaḥ // ### [2.74.25](https://indike.org/pramana/in.purana.brahmanda.2.74.25) uśadratho mahābāhustasya hemaḥ suto 'bhavat / hemasya sutapā jajñe sutaḥ sutapaso baliḥ // ### [2.74.26](https://indike.org/pramana/in.purana.brahmanda.2.74.26) jāto manuṣyayonyāṃ vai kṣīṇe vaṃśe prajepsayā / mahāyogī sa tu balirbaddho yaḥ sa mahāmanāḥ // ### [2.74.27](https://indike.org/pramana/in.purana.brahmanda.2.74.27) putrānutpādayāmāsa jāturvarṇyakarānbhuvi / aṅgaṃ sa janayāmāsa vaṅgaṃ suhmaṃ tathaiva ca // ### [2.74.28](https://indike.org/pramana/in.purana.brahmanda.2.74.28) yuddhaṃ kaliṅgaṃ ca tathā vāleyaṃ kṣatramucyate / vāleyā brāhmaṇāścaiva tasya vaṃśakarāḥ prabhoḥ // ### [2.74.29](https://indike.org/pramana/in.purana.brahmanda.2.74.29) balestu brahmaṇā dattā varāḥ prītena dhīmataḥ / mahāyogitvamāyuśca kalpasya parimāṇakam // ### [2.74.30](https://indike.org/pramana/in.purana.brahmanda.2.74.30) saṃgrāme vāpyajeyatvaṃ dharme caiva prabhāvataḥ / trailokyadarśanaṃ caiva prādhānyaṃ prasave tathā // ### [2.74.31](https://indike.org/pramana/in.purana.brahmanda.2.74.31) baleścā pratimatvaṃ ve dharmatattvārthadarśanam / caturo niyatānvarṇāṃstvaṃ vai sthāpayiteti vai // ### [2.74.32](https://indike.org/pramana/in.purana.brahmanda.2.74.32) ityukto vibhunā rājā baliḥ śānti parāyayau / kālena mahatā vidvānsvaṃ ca sthānamupāgataḥ // ### [2.74.33](https://indike.org/pramana/in.purana.brahmanda.2.74.33) teṣāṃ janapadāḥ sphītā aṅgavaṅgāśca suhmakāḥ / puṇḍrāḥ kaliṅgaśca tathā teṣāṃ vaṃśaṃ nibodhata // ### [2.74.34](https://indike.org/pramana/in.purana.brahmanda.2.74.34) tasya te tanayāḥ sarve kṣetrajā munisaṃbhavāḥ / saṃbhūtā dīrghatamasaḥ sudeṣṇāyāṃ mahaujasaḥ // ### [2.74.35](https://indike.org/pramana/in.purana.brahmanda.2.74.35) ṛṣaya ūcuḥ kathaṃ baleḥ sutāḥ pañca janitāḥ kṣetrajāḥ prabho / ṛṣiṇā dīrghatamasā hyetatprabrūhi pṛcchatām // ### [2.74.36](https://indike.org/pramana/in.purana.brahmanda.2.74.36) sūta uvāca uśijo nāma vikhyāta āsīddhīmānṛṣiḥ purā / bhāryā vai mamatā nāma babhūvāsya mahātmanaḥ // ### [2.74.37](https://indike.org/pramana/in.purana.brahmanda.2.74.37) uśijasya kanīyāṃstu purodhā yo divaukasām / bṛhaspatirbṛhattejā mamatāṃ so 'bhyapadyata // ### [2.74.38](https://indike.org/pramana/in.purana.brahmanda.2.74.38) uvāca mamatā taṃ tu bṛhaspatimanicchatī / antarvatnyasmi te bhrāturjyeṣṭhasyāsya ca bhāminī // ### [2.74.39](https://indike.org/pramana/in.purana.brahmanda.2.74.39) ayaṃ hi me mahāngarbho roravīti bṛhaspate / ajasraṃ brahma cābhyasya ṣaḍaṅgaṃ vedamudgiran // ### [2.74.40](https://indike.org/pramana/in.purana.brahmanda.2.74.40) amoghare tāstvaṃ cāpi na māṃ bhajitumarhasi / asminneva yathākāle yathā vā manyase vibho // ### [2.74.41](https://indike.org/pramana/in.purana.brahmanda.2.74.41) evamuktastayā samyagbṛhatejā bṛhaspatiḥ / kāmātmānaṃ mahātmāpi nātmānaṃ so 'bhyadhārayat // ### [2.74.42](https://indike.org/pramana/in.purana.brahmanda.2.74.42) saṃbabhūvaiva dharmātmā tayā sārddhaṃ bṛhaspati / utsṛjantaṃ tadā reto garbhasthaḥ so 'sya bhāṣata // ### [2.74.43](https://indike.org/pramana/in.purana.brahmanda.2.74.43) śukraṃ tyākṣīśca mā jīva dvayornehāsti saṃbhavaḥ / amogharetāstvaṃ vāpi pūrvaṃ cāhamihāgataḥ // ### [2.74.44](https://indike.org/pramana/in.purana.brahmanda.2.74.44) śaśāpa taṃ tadā kruddha evamukto bṛhaspatiḥ / uśijasya sutaṃ bhrāturgarbhasthaṃ bhagavānṛṣiḥ // ### [2.74.45](https://indike.org/pramana/in.purana.brahmanda.2.74.45) yasmāttvamīdṛśe kāle sarvabhūtepsite sati / māmevamuktavānmohāttamo dīrghaṃ gravekṣyasi // ### [2.74.46](https://indike.org/pramana/in.purana.brahmanda.2.74.46) tato dīrghatamā nāma śāpādṛṣirajāyata / athauśijo bṛhatkīrtirbṛhaspatiribaujasā // ### [2.74.47](https://indike.org/pramana/in.purana.brahmanda.2.74.47) ūrddhvaretāstataścāpi nyavasadbhrāturāśrame / godharmaṃ saurabheyāttu vṛṣabhācchatavānprabhoḥ // ### [2.74.48](https://indike.org/pramana/in.purana.brahmanda.2.74.48) tasya bhrātā pitṛvyastu cakāra bhavanaṃ tadā / tasminhi tatra vasati yadṛcchābhyāgato vṛṣaḥ // ### [2.74.49](https://indike.org/pramana/in.purana.brahmanda.2.74.49) darśārthamāstṛtāndarbhāñcacāra surabhīsutaḥ / jagrāha taṃ dīrgha tamā visphurantaṃ tu śṛṅgayoḥ // ### [2.74.50](https://indike.org/pramana/in.purana.brahmanda.2.74.50) sa tena nigṛhītastu na cacāla padātpadam / tato 'bravīd vṛṣastaṃ vai suṃca māṃ balināṃ vara // ### [2.74.51](https://indike.org/pramana/in.purana.brahmanda.2.74.51) na mayā sāditastāta balavāṃstadvidhaḥ kvacit / tryaṃbakaṃ vahatā devaṃ yato jāto 'smi bhūtale // ### [2.74.52](https://indike.org/pramana/in.purana.brahmanda.2.74.52) suṃca māṃ balināṃ śreṣṭha pratisnehaṃ varaṃ vṛṇu / evamukto 'bravīdenaṃ jīvaṃstvaṃ me kva yāsyasi // ### [2.74.53](https://indike.org/pramana/in.purana.brahmanda.2.74.53) tena tvāhaṃ na mokṣyāmi parasvādaṃ catuṣpadam / tatastaṃ dīrghatamasaṃ sa vṛṣaḥ pratyuvāca ha // ### [2.74.54](https://indike.org/pramana/in.purana.brahmanda.2.74.54) nāsmākaṃ vidyate tāta pātakaṃ steyameva ca / bhakṣyābhakṣyaṃ na jānīmaḥ peyāpeyaṃ ca sarvaśaḥ // ### [2.74.55](https://indike.org/pramana/in.purana.brahmanda.2.74.55) kāryā kāryaṃ ca vai vipra gamyagamyaṃ tathaiva ca / na pāpmāno vayaṃ vipra dharmo hyeṣa gavāṃ śrutaḥ // ### [2.74.56](https://indike.org/pramana/in.purana.brahmanda.2.74.56) gavāṃ nāma sa ve śrutvā saṃbhrāntasta mamuñcata / bhaktyā cānuśravikayā gosutaṃ vai prasādayan // ### [2.74.57](https://indike.org/pramana/in.purana.brahmanda.2.74.57) prasādato vṛṣendrasya godharmaṃ jagṛhe 'tha saḥ / manasaiva tadā dadhre tadvidhastatparāyaṇaḥ // ### [2.74.58](https://indike.org/pramana/in.purana.brahmanda.2.74.58) tato yavīyasaḥ patnīmautathyasyābhyamanyata / viceṣṭamānāṃ rudatīṃ daivātsaṃmūḍhacetanaḥ // ### [2.74.59](https://indike.org/pramana/in.purana.brahmanda.2.74.59) avalepaṃ tu taṃmatvā suradvāṃstasya nākṣamat / godharma vai balaṃ kṛtvā snuṣāṃ sa hyabhyamanyata // ### [2.74.60](https://indike.org/pramana/in.purana.brahmanda.2.74.60) viparyayaṃ tu taṃ dṛṣṭvā śaradvānpravicintya ca / bhaviṣyamarthaṃ jñātvā ca mahātmā tvavamatya tam // ### [2.74.61](https://indike.org/pramana/in.purana.brahmanda.2.74.61) provāca dīrghatamasaṃ krodhātsaṃraktalocanaḥ / gamyāgamyaṃ na jānīṣe godharmātprārthayansruṣām // ### [2.74.62](https://indike.org/pramana/in.purana.brahmanda.2.74.62) durvṛttaṃ tvāṃ tyajāmyeṣa gaccha tvaṃ svena karmaṇā / yasmāttvamandho vṛddhaśca bharttavyo duranuṣṭhitaḥ // ### [2.74.63](https://indike.org/pramana/in.purana.brahmanda.2.74.63) tenāsi tvaṃ parityakto durācāro 'si me mataḥ / sūta uvāca karmaṇyasmiṃstataḥ krūre tasya buddhirajāyata // ### [2.74.64](https://indike.org/pramana/in.purana.brahmanda.2.74.64) nirbhartsya caiva bahuśo bāhubhyāṃ parigṛhya ca / koṣṭe samudre prakṣipya gaṅgāṃbhasi samutsṛjat // ### [2.74.65](https://indike.org/pramana/in.purana.brahmanda.2.74.65) uhyamānaḥ samudrastu saptāhaṃ śrotasā tadā / taṃ sastrīko balirnāma rājā dharmārthatattvavit // ### [2.74.66](https://indike.org/pramana/in.purana.brahmanda.2.74.66) apaśyanmajjamānaṃ tu srotasobhyāsamāgatam / taṃ gṛhītvā sa dharmātmā balirvairocanastadā // ### [2.74.67](https://indike.org/pramana/in.purana.brahmanda.2.74.67) antaḥpure jugopainaṃ bhakṣyairbhojyaiśca tarpayan / prītaḥ sa vai vareṇātha cchandayāmāsa vai balim // ### [2.74.68](https://indike.org/pramana/in.purana.brahmanda.2.74.68) sa ca tasmādvaraṃ vavre putrārthī dānavarṣabhaḥ / baliruvāca saṃtānārthaṃ mahābhāga bhāryāyāṃ mama mānada // ### [2.74.69](https://indike.org/pramana/in.purana.brahmanda.2.74.69) putrāndharmārthasaṃyuktānutpādayitumarhasi / evamuktastutenarṣistathāstvityuktavānhitam // ### [2.74.70](https://indike.org/pramana/in.purana.brahmanda.2.74.70) sudeṣṇāṃ nāma bhāryāṃ svāṃ rājāsmai prāhiṇottadā / andhaṃ vṛddhaṃ ca taṃ dṛṣṭvā na sā devī jagāma ha // ### [2.74.71](https://indike.org/pramana/in.purana.brahmanda.2.74.71) svāṃ ca dhātreyikāṃ tasmai bhūṣayitvā vyasarjayat / kakṣīvaccakṣuṣau tasyāṃ śūdrayonyāmṛṣirvaśī // ### [2.74.72](https://indike.org/pramana/in.purana.brahmanda.2.74.72) janayā māsa dharmātmā putrāvetau mahaujasau / kakṣīvaccakṣuṣau tau tu dṛṣṭvā rājā balistadā // ### [2.74.73](https://indike.org/pramana/in.purana.brahmanda.2.74.73) adhītau vidhivatsamya gīśvarau brahmavādinau / siddhau pratyakṣadharmāṇau buddhau śreṣṭhatamāvapi // ### [2.74.74](https://indike.org/pramana/in.purana.brahmanda.2.74.74) mamaitāviti hovāca balirvairocanastvṛṣim / netyuvāca tatastaṃ tu mamaitāviti cābravīt // ### [2.74.75](https://indike.org/pramana/in.purana.brahmanda.2.74.75) utpannau śūdrayonau tu bhavataḥ kṣmāsurottamau / andhaṃ vṛddhaṃ ca māṃ matvā sudeṣṇā mahiṣī tava // ### [2.74.76](https://indike.org/pramana/in.purana.brahmanda.2.74.76) prāhiṇodavamānīya śūdrīṃ dhātreyikāṃ mama / tataḥ prasādayāmāsa punastamṛṣisattamam // ### [2.74.77](https://indike.org/pramana/in.purana.brahmanda.2.74.77) balirbhāryāṃ sudeṣṇā ca bhartsayāmāsa vai prabhuḥ / punaścaināmalaṅkṛtya ṛṣaye pratyapādayat // ### [2.74.78](https://indike.org/pramana/in.purana.brahmanda.2.74.78) tāṃ sa dīrghatamā devīmabravīdyadi māṃ śubhe / dadhnā lavaṇamiśreṇa svabhyaktaṃ nagnakaṃ tathā // ### [2.74.79](https://indike.org/pramana/in.purana.brahmanda.2.74.79) lehiṣyasyajugupsantī hyāpādatalamastakam / tatastvaṃ prāpsyase devi putrāṃśca manasepsitān // ### [2.74.80](https://indike.org/pramana/in.purana.brahmanda.2.74.80) tasya sā tadvaco devī sarvaṃ kṛtavatī tathā / apānaṃ ca samāsādya jugupsaṃtī hyavarjayat // ### [2.74.81](https://indike.org/pramana/in.purana.brahmanda.2.74.81) tamuvāca tataḥ sarṣiryaste parihṛtaṃ śubhe / vināpānaṃ kumāraṃ tvaṃ janayiṣyasi pūrvajam // ### [2.74.82](https://indike.org/pramana/in.purana.brahmanda.2.74.82) tatastaṃ dīrghatamasaṃ sā devī pratyuvāca ha // nārhasi tvaṃ mahābhāga putraṃ dātuṃ mamedṛśam // ### [2.74.83](https://indike.org/pramana/in.purana.brahmanda.2.74.83) ṛṣiruvāca tavāparadho devyeṣa nānyathā bhavitā tu vai / devīdṛśaṃ ca te pautramahaṃ dāsyāmi suprate // ### [2.74.84](https://indike.org/pramana/in.purana.brahmanda.2.74.84) tasyāpānaṃ vinā caiva yogyabhāvo bhaviṣyati / tāṃ sa dīrghatamāścaiva kukṣau spṛṣṭvadamabravīt // ### [2.74.85](https://indike.org/pramana/in.purana.brahmanda.2.74.85) prāśitaṃ dadhiyatte 'dya mamāṅgādvai śucismite / tena te pūrito garbhaḥ paurṇamāsyāmivodadhiḥ // ### [2.74.86](https://indike.org/pramana/in.purana.brahmanda.2.74.86) bhaviṣyanti kumārāste pañca devasutopamāḥ / tejasvinaḥ parākrāntā yajvāno dhārmikāstathā // ### [2.74.87](https://indike.org/pramana/in.purana.brahmanda.2.74.87) tatoṃ'gastu sudeṣṇāyā jyeṣṭhaputro vyajāyata / vaṅgastasmātkaliṅgastu puṇḍraḥ suhmastathaiva ca // ### [2.74.88](https://indike.org/pramana/in.purana.brahmanda.2.74.88) vaṃśabhājastu pañcaite baleḥ kṣetre 'bhavaṃstadā / ityete dīrghatamasā balerdattāḥ sutāḥ purā // ### [2.74.89](https://indike.org/pramana/in.purana.brahmanda.2.74.89) prajā hyupahatāstasya brahmaṇā kāraṇaṃ prati / apatyamasya dāreṣu sveṣu mābhūnmahātmanaḥ // ### [2.74.90](https://indike.org/pramana/in.purana.brahmanda.2.74.90) tato manuṣyayonyāṃ vai janayāmāsa sa prajāḥ / surabhirdīrghata masamatha prīto vaco 'bravīt // ### [2.74.91](https://indike.org/pramana/in.purana.brahmanda.2.74.91) vicārya yasmādgodharmaṃ tvamevaṃ kṛtavānasi / bhaktyā cānanyayāsmāsu mune prītāsmi tena te // ### [2.74.92](https://indike.org/pramana/in.purana.brahmanda.2.74.92) tasmāttava tamo dīrghaṃ nistadāmyadya paśya vai / bārhaspatyaṃ ca yatte 'nyatpāpaṃ saṃtiṣṭhate tanau // ### [2.74.93](https://indike.org/pramana/in.purana.brahmanda.2.74.93) jarāmṛtyubhayaṃ caiva hyāghrāya praṇudāmi te / āghrātamātro 'sā paśyatsadyastamasi nāśite // ### [2.74.94](https://indike.org/pramana/in.purana.brahmanda.2.74.94) āyuṣmāṃśca yuvā caiva cakṣuṣmāṃśca tato 'bhavat / gavā hṛtatamāḥ so 'tha gautamaḥ samapadyata // ### [2.74.95](https://indike.org/pramana/in.purana.brahmanda.2.74.95) kakṣīvāṃstu tato gatvā saha pitrā girivrajam / yathoddiṣṭaṃ hi pitrātha cacāra vipulaṃ tapaḥ // ### [2.74.96](https://indike.org/pramana/in.purana.brahmanda.2.74.96) tataḥ kālena mahatā tapasā bhāvitaḥ sa vai / vidhūya sānujo doṣānbrāhmaṇyaṃ prāptavānprabhuḥ // ### [2.74.97](https://indike.org/pramana/in.purana.brahmanda.2.74.97) tato 'bravītpitā tvenaṃ putravānasmyahaṃ prabho / suputreṇa tvayā tāta kṛtārthaśca yaśasvinā // ### [2.74.98](https://indike.org/pramana/in.purana.brahmanda.2.74.98) yuktātmānaṃ tataḥ so 'tha prāptavānbrahmaṇaḥ kṣayam / brāhmaṇyaṃ prāpya kakṣīvānsahasramasṛjatsutān // ### [2.74.99](https://indike.org/pramana/in.purana.brahmanda.2.74.99) kūṣmāṇḍā gautamāste vai smṛtāḥ kakṣīvataḥ sutāḥ / ityeṣa dīrghatamaso balervairocanasya vai // ### [2.74.100](https://indike.org/pramana/in.purana.brahmanda.2.74.100) samāgamaḥ samākhyātaḥ saṃtānaścobhayostathā / balistānabhiṣicyeha pañca putrānakalmaṣān // ### [2.74.101](https://indike.org/pramana/in.purana.brahmanda.2.74.101) kṛtārthaḥ so 'pi yogātmā yogamāśritya ca prabhuḥ / adṛśyaḥ sarvabhūtānāṃ kālākākṣī caratyuta // ### [2.74.102](https://indike.org/pramana/in.purana.brahmanda.2.74.102) tatrāṅgasya tu rājarṣe rājāsīddadhivāhanaḥ / so 'parādhātsudeṣṇāyā anapāno 'bhavannṛpaḥ // ### [2.74.103](https://indike.org/pramana/in.purana.brahmanda.2.74.103) anapānasya putrastu rājā divirathaḥ smṛtaḥ / putro divirathasyāsīdvidvāndharmaratho nṛpaḥ // ### [2.74.104](https://indike.org/pramana/in.purana.brahmanda.2.74.104) ete ekṣvākavaḥ proktā bhavitāraḥ kalau yuge / bṛhadbalānvaye jātā mahāvīryaparākramāḥ // ### [2.74.105](https://indike.org/pramana/in.purana.brahmanda.2.74.105) śūrāśca kṛtavidyāśca satyasaṃdhā jitendriyāḥ / atrānuvaṃśaśloko 'yaṃ bhaviṣyajjñairudāhṛtaḥ // ### [2.74.106](https://indike.org/pramana/in.purana.brahmanda.2.74.106) ikṣvākūṇāmayaṃ vaṃśaḥ sumitrānto bhaviṣyati / sumitraṃ prāpya rājānaṃ saṃsthāṃ prāpsyati vai kalau // ### [2.74.107](https://indike.org/pramana/in.purana.brahmanda.2.74.107) ityetanmānavaṃ kṣatramailaṃ ca samudātdṛtam / ata ūrdhvaṃ pravakṣyāmi magadho yo bṛhadrathaḥ // ### [2.74.108](https://indike.org/pramana/in.purana.brahmanda.2.74.108) jarāsaṃdhasya ye vaṃśe sahadevānvaye nṛpāḥ / atītā varttamānāśca bhaviṣyāśca tathā punaḥ // ### [2.74.109](https://indike.org/pramana/in.purana.brahmanda.2.74.109) prādhānyataḥ pravakṣyāmi gadato me nibodhata / saṃgrāme bhārate tasminsahadevo nipātitaḥ // ### [2.74.110](https://indike.org/pramana/in.purana.brahmanda.2.74.110) somāpistasya tanayo rājarṣiḥ sa girivraje / pañcāśataṃ tathāṣṭau ca samā rājyamakārayat // ### [2.74.111](https://indike.org/pramana/in.purana.brahmanda.2.74.111) śrutaśravāḥ saptaṣaṣṭiḥ samāstasya suto 'bhavat / ayutāyustu ṣaḍviṃśadrājyaṃ varṣāṇyakārayat // ### [2.74.112](https://indike.org/pramana/in.purana.brahmanda.2.74.112) samāḥ śataṃ nirāmitro mahīṃ bhuktvā divaṃ gataḥ / pañcāśataṃ samāḥ ṣaṭ ca sukṣatraḥ prāptavānmahīm // ### [2.74.113](https://indike.org/pramana/in.purana.brahmanda.2.74.113) trayoviṃśadbṛhatkarmā rājyaṃ varṣāṇyakārayat / senājitsāṃprataṃ cāpi etā vai bhokṣyate samāḥ // ### [2.74.114](https://indike.org/pramana/in.purana.brahmanda.2.74.114) śrutañjayastu varṣāṇi catvāriṃśadbhaviṣyati / ripuñjayo mahābāhurmahābuddhiparākramaḥ // ### [2.74.115](https://indike.org/pramana/in.purana.brahmanda.2.74.115) pañjatriṃśattu varṣāṇi mahīṃ pālayitā nṛpaḥ / aṣṭapañjāśataṃ jābdānrājye sthāsyati vai śuciḥ // ### [2.74.116](https://indike.org/pramana/in.purana.brahmanda.2.74.116) aṣṭāviṃśatsamāḥ pūrṇāḥ kṣemo rājā bhaviṣyati / suvratastu catuḥṣaṣṭiṃ rājyaṃ prāpsyati vīryavān // ### [2.74.117](https://indike.org/pramana/in.purana.brahmanda.2.74.117) pañca varṣāṇi pūrṇāni dharmanetro bhaviṣyati / bhokṣyate nṛpatiścemā aṣṭapañcāśataṃ samāḥ // ### [2.74.118](https://indike.org/pramana/in.purana.brahmanda.2.74.118) aṣṭatriṃśatsamārāṣṭraṃ suśramasya bhaviṣyati / catvāriṃśaddaśāṣṭau ca dṛḍhaseno bhaviṣyati // ### [2.74.119](https://indike.org/pramana/in.purana.brahmanda.2.74.119) trayastriṃśattu varṣāṇi sumatiḥ prāpsyate tataḥ / catvāriṃśatsamā rājā sunetro bhokṣyate tataḥ // ### [2.74.120](https://indike.org/pramana/in.purana.brahmanda.2.74.120) satyajitpṛthivī rāṣṭraṃ tryaśītiṃ bhokṣyate samāḥ / prāpyemaṃ viśvājiccāpi pañcaviṃśadbhaviṣyati // ### [2.74.121](https://indike.org/pramana/in.purana.brahmanda.2.74.121) ariñjayastu varṣāṇāṃ pañcāśatprāpyate mahīm / dvāviṃśacca nṛpā hyete bhavitāro bṛhadrathāḥ // ### [2.74.122](https://indike.org/pramana/in.purana.brahmanda.2.74.122) pūrmaṃ varṣasahasraṃ vai teṣāṃ rājyaṃ bhaviṣyati / bṛhadratheṣvatīteṣu vīrahantṛṣvavarttiṣu // ### [2.74.123](https://indike.org/pramana/in.purana.brahmanda.2.74.123) śunakaḥ svāminaṃ hatvā putraṃ samabhiṣekṣyati / miṣatāṃ kṣatriyāṇāṃ hi pradyotiṃ nṛpatiṃ balāt // ### [2.74.124](https://indike.org/pramana/in.purana.brahmanda.2.74.124) sa vai praṇatasāmanto bhaviṣyeṇa pravarttitaḥ / trayoviṃśatsamā rājā bhavitā sa narottamaḥ // ### [2.74.125](https://indike.org/pramana/in.purana.brahmanda.2.74.125) caturviṃśatsamā rājā pālako bhavitā tataḥ / viśākhayūpo bhavitā nṛpaḥ pañcāśataṃ samāḥ // ### [2.74.126](https://indike.org/pramana/in.purana.brahmanda.2.74.126) ekaviṃśatsamā rājya majakasya bhaviṣyati / bhaviṣyati samā viṃśattatsuto nandivarddhanaḥ // ### [2.74.127](https://indike.org/pramana/in.purana.brahmanda.2.74.127) aṣṭatriṃśacchataṃ bhāvyāḥ prādyotāḥ pañca te nṛpāḥ / hatvā teṣāṃ yaśaḥ kṛtsnaṃ śiśunāgo bhaviṣyati // ### [2.74.128](https://indike.org/pramana/in.purana.brahmanda.2.74.128) vārāṇasyāṃ sutastasya saṃyāsyati girivrajam / śiśunāgaśca varṣāṇi catvāriṃśadbhaviṣyati // ### [2.74.129](https://indike.org/pramana/in.purana.brahmanda.2.74.129) kākavarṇaḥ sutastasya paṭtriṃśacca bhaviṣyati / tatastu viṃśatiṃ rājā kṣemadharmā bhavaṣyati // ### [2.74.130](https://indike.org/pramana/in.purana.brahmanda.2.74.130) catvāriṃśatsamā rāṣṭraṃ kṣatraujāḥ prāpsyate tataḥ / aṣṭatriṃśatsamā rājāvidhisāro bhaviṣyati // ### [2.74.131](https://indike.org/pramana/in.purana.brahmanda.2.74.131) ajātaśatrurbhavitā pañcaviṃśatsamā nṛpaḥ / pañcatriṃśatsamā rājā darbhakastu bhaviṣyati // ### [2.74.132](https://indike.org/pramana/in.purana.brahmanda.2.74.132) udayī bhavitā tasmāttrayastriṃśatsamā nṛpaḥ / sa vai puravaraṃ rājā vṛthivyāṃ kusumāhvayam // ### [2.74.133](https://indike.org/pramana/in.purana.brahmanda.2.74.133) gagāyā dakṣiṇe kūle caturthe 'hni kāriṣyati / catvāriśatsamā bhāvyo rājā vai nandivarddhanaḥ // ### [2.74.134](https://indike.org/pramana/in.purana.brahmanda.2.74.134) catvāriśattrayaścaiva sahānandirbhaviṣyati / bhaviṣyanti ca varṣāṇi ṣaṣṭyuttaraśatatrayam // ### [2.74.135](https://indike.org/pramana/in.purana.brahmanda.2.74.135) śiśunāgā daśaivaite rājānaḥ kṣatrabandhavaḥ / etaiḥ sārddhaṃ bhaviṣyanti tāvatkālaṃ nṛpāḥ pare // ### [2.74.136](https://indike.org/pramana/in.purana.brahmanda.2.74.136) ekṣvākavaścaturviṃśatpañcālāḥ pañcaviṃśatiḥ / kālakāstu caturviṃśaccaturviṃśattu haihayāḥ // ### [2.74.137](https://indike.org/pramana/in.purana.brahmanda.2.74.137) dvātriṃśadekaliṅgāstu pañcaviṃśattathā śakāḥ / kuravaścāpi ṣaṭtriṃśadaṣṭāviṃśati maithilāḥ // ### [2.74.138](https://indike.org/pramana/in.purana.brahmanda.2.74.138) śūrasenāstrayoviṃśadvītihotrāśca viṃśatiḥ / tulyakālaṃ bhaviṣyanti sarvaṃ eva mahīkṣitaḥ // ### [2.74.139](https://indike.org/pramana/in.purana.brahmanda.2.74.139) mahānandisutaścāpi śūdrāyāḥ kālasaṃvṛtaḥ / utpatsyate mahā padmaḥ sarvakṣatrāntakṛnnṛpaḥ // ### [2.74.140](https://indike.org/pramana/in.purana.brahmanda.2.74.140) tataḥ prabhṛti rājāno bhaviṣyaḥ śūdrayonayaḥ / ekarāṭ sa mahāpadma ekaccatro bhaviṣyati // ### [2.74.141](https://indike.org/pramana/in.purana.brahmanda.2.74.141) aṣṭāśīti tu varṣāṇi pṛthivīṃ pālayiṣyati / sarvakṣatraṃ samuddhṛtya bhāvinor'thasya vai balāt // ### [2.74.142](https://indike.org/pramana/in.purana.brahmanda.2.74.142) tatpaścāttatsutā hyaṣṭau samādvādaśa te nṛpāḥ / mahāpadmasya paryāye bhaviṣyanti nṛpāḥ kramāt // ### [2.74.143](https://indike.org/pramana/in.purana.brahmanda.2.74.143) uddhariṣyati tānsarvānkauṭilyo vai dvijarṣabhaḥ / bhuktvā mahīṃ varṣaśataṃ naredraḥ sa bhaviṣyati // ### [2.74.144](https://indike.org/pramana/in.purana.brahmanda.2.74.144) candraguptaṃ nṛpaṃ rājye kauṭilyaḥ sthāpayiṣyati / caturviṃśatsamā rājā candragupto bhaviṣyati // ### [2.74.145](https://indike.org/pramana/in.purana.brahmanda.2.74.145) bhavitā bhadrasārastu pañcaviṃśatsamā nṛpaḥ / ṣaṭtriṃśattu samā rājā aśokānāṃ ca tṛptidaḥ // ### [2.74.146](https://indike.org/pramana/in.purana.brahmanda.2.74.146) tasya putraḥ kulālastu varṣāṇyaṣṭau bhaviṣyati / kuśālasūnuraṣṭau ca bhoktā vai bandhupālitaḥ // ### [2.74.147](https://indike.org/pramana/in.purana.brahmanda.2.74.147) bandhupālitadāyādo bhavitā cendrapālitaḥ / bhavitā sapta varṣāṇi devavarmā narādhipaḥ // ### [2.74.148](https://indike.org/pramana/in.purana.brahmanda.2.74.148) rājā śatadhanuścāpi tasya putro bhaviṣyati / bṛhadrathaśca varṣāṇi sapta vai bhavitā nṛpaḥ // ### [2.74.149](https://indike.org/pramana/in.purana.brahmanda.2.74.149) ityete nava mauryā vai bhokṣyanti ca vasuṃdharām / saptatriṃśacchataṃ pūrṇaṃ tebhyaḥ śuṅgo gamiṣyati // ### [2.74.150](https://indike.org/pramana/in.purana.brahmanda.2.74.150) puṣpamitrastu senānīruddhṛtyatu bṛhadratham / kārayiṣyati vai rājyaṃ samāḥ ṣaṣṭiṃ sa caiva tu // ### [2.74.151](https://indike.org/pramana/in.purana.brahmanda.2.74.151) agnimitro nṛpaścāṣṭau bhaviṣyati samā nṛpaḥ / bhavitā cāpi sujyeṣṭaḥ sapta varṣāṇi vai tataḥ // ### [2.74.152](https://indike.org/pramana/in.purana.brahmanda.2.74.152) vasumitrastato bhāvyo daśavarṣāṇi pārthivaḥ / tato bhadraḥ same dve tu bhaviṣyati nṛpaśca vai // ### [2.74.153](https://indike.org/pramana/in.purana.brahmanda.2.74.153) bhaviṣyati samāstasmāttisra eva pulindakaḥ / rājā ghoṣastataścāpi varṣāṇi bhavitā trayaḥ // ### [2.74.154](https://indike.org/pramana/in.purana.brahmanda.2.74.154) sapta vai vajra mitraṃstu samā rājā tataḥ punaḥ / dvātriṃśadbhavitā vāpi samā bhāgavato nṛpaḥ // ### [2.74.155](https://indike.org/pramana/in.purana.brahmanda.2.74.155) bhaviṣyati sutastasya devabhūmiḥ samā daśa / daśaite śuṅgarājāno bhokṣyantīmāṃ vasuṃdharām // ### [2.74.156](https://indike.org/pramana/in.purana.brahmanda.2.74.156) śataṃ pūrmaṃ daśa dve ca tebhyaḥ kaṇvaṃ gamiṣyati / amātyo vasudevastu bālyādvyasaninaṃ nṛpam // ### [2.74.157](https://indike.org/pramana/in.purana.brahmanda.2.74.157) devabhūmiṃ tato hatvā śuṅgeṣu bhavitā nṛpaḥ / bhaviṣyati samā rājā pañca kaṇvāyanastu saḥ // ### [2.74.158](https://indike.org/pramana/in.purana.brahmanda.2.74.158) bhūmimitraḥ sutastasya caturviṃśadbhaviṣyati / bhavitā dvādaśa samāstasmānnārāyaṇo nṛpaḥ // ### [2.74.159](https://indike.org/pramana/in.purana.brahmanda.2.74.159) suśarmā tatsutaścāpi bhaviṣyati catuḥsamāḥ / kaṇvāyanāstu catvāraścatvāriṃśacca pañca ca // ### [2.74.160](https://indike.org/pramana/in.purana.brahmanda.2.74.160) samā bhokṣyanti vṛthivīṃ punarandhrāngamiṣyati / kaṇvāyanamathoddhṛtya suśarmāṇaṃ prasahya tam // ### [2.74.161](https://indike.org/pramana/in.purana.brahmanda.2.74.161) siṃdhuko hyandhrajātīyaḥ prāpsyatīmāṃ vasuṃdharām / trayoviṃśatsamā rājā siṃdhuko bhavitā tvatha // ### [2.74.162](https://indike.org/pramana/in.purana.brahmanda.2.74.162) kṛṣṇo bhrātāsya varṣāṇi so 'smāddaśa bhaviṣyati / śrīśāntakarṇirbhavitā tasya putrastu vai mahān // ### [2.74.163](https://indike.org/pramana/in.purana.brahmanda.2.74.163) pañcāśattu samāḥ ṣaṭ ca śāntakarṇir bhaviṣyati / āpolavodvādaśa vai tasya putro bhaviṣyati // ### [2.74.164](https://indike.org/pramana/in.purana.brahmanda.2.74.164) caturviṃśattu varṣāṇi paṭumāṃśca bhaviṣyati / bhavitāniṣṭakarmā tu varṣāṇāṃ pañcaviṃśatim // ### [2.74.165](https://indike.org/pramana/in.purana.brahmanda.2.74.165) tataḥ saṃvatsaraṃ pūrṇaṃ hālo rājā bhaviṣyati / pañcapattallako nāma bhaviṣyati mahābalaḥ // ### [2.74.166](https://indike.org/pramana/in.purana.brahmanda.2.74.166) bhāvyaḥpurīṣabhīrustu samāḥ so 'pyekaviṃśatim / śātakarṇirvarṣamekaṃ bhaviṣyati narādhipaḥ // ### [2.74.167](https://indike.org/pramana/in.purana.brahmanda.2.74.167) aṣṭaviṃśativarṣāṇi śivasvātirbhaviṣyati / rājā ca gautamī putra ekaviṃśatsamā nṛpaḥ // ### [2.74.168](https://indike.org/pramana/in.purana.brahmanda.2.74.168) ekonaviṃśati rājā yajñaḥ śrīśātakarṇyatha / ṣaḍeva bhavitā tsamādvijayastu samānṛpaḥ // ### [2.74.169](https://indike.org/pramana/in.purana.brahmanda.2.74.169) deḍaśrīśātakarṇī ca tasya putraḥ samāstrayaḥ / pulomāriḥ samāḥ sapta tataścaiṣāṃ bhaviṣyati // ### [2.74.170](https://indike.org/pramana/in.purana.brahmanda.2.74.170) ityete vai nṛpāstriṃśadandhrā bhokṣyanti vai mahīm / samāḥ śatāni catvāri pañcāśatṣaṭ tathaiva ca // ### [2.74.171](https://indike.org/pramana/in.purana.brahmanda.2.74.171) andhrāṇāṃ saṃsthitāḥ pañca teṣāṃ vaṃśyāśca ye punaḥ / saptaiva tu bhaviṣyanti daśābhīrāstato nṛpāḥ // ### [2.74.172](https://indike.org/pramana/in.purana.brahmanda.2.74.172) sapta gardabhinaścāpi tato 'tha daśa vai śakāḥ / yavanāṣṭau bhaviṣyanti tuṣārāstu caturdaśa // ### [2.74.173](https://indike.org/pramana/in.purana.brahmanda.2.74.173) trayodaśa guruṇḍāśca maunā hyekādaśaiva tu / andhrā bhokṣyanti vasudhāṃ śate dve ca śatañca vai // ### [2.74.174](https://indike.org/pramana/in.purana.brahmanda.2.74.174) saptaṣaṣṭiṃ ca varṣāṇi daśābhīrāstato nṛpāḥ / sapta gardabhinaścaiva bhokṣyantīmāṃ dvisaptatim // ### [2.74.175](https://indike.org/pramana/in.purana.brahmanda.2.74.175) śatāni trīṇyaśītiṃ ca bhokṣyanti vasudhāṃ śakāḥ / āśītī dve ca varṣāṇi bhoktāro yavanā mahīm // ### [2.74.176](https://indike.org/pramana/in.purana.brahmanda.2.74.176) pañcavarṣaśatānīha tuṣārāṇāṃ mahī smṛtā / śatānyarddhacaturthāni bhavitārastrayodaśa // ### [2.74.177](https://indike.org/pramana/in.purana.brahmanda.2.74.177) guruṇḍā vṛṣalaiḥ sārddhaṃ bhokṣyante mlecchajātayaḥ / śatāni trīṇi bhokṣyante maunā ekādaśaiva tu // ### [2.74.178](https://indike.org/pramana/in.purana.brahmanda.2.74.178) teṣu cchinneṣu kālena tataḥ kilakilo nṛpaḥ / tataḥ kilakilebhyaśca vindhyaśaktirbhaviṣyati // ### [2.74.179](https://indike.org/pramana/in.purana.brahmanda.2.74.179) samāḥ ṣaṇṇavatiṃ caiva pṛthivīṃ tu sameṣyati / nṛpānvaidiśakāṃścātha bhaviṣyāṃstu nibodhata // ### [2.74.180](https://indike.org/pramana/in.purana.brahmanda.2.74.180) śeṣasya nāgarājasya putraḥ sura purañjayaḥ / bhogī bhaviṣyate rājā nṛpo nāgakulodvahaḥ // ### [2.74.181](https://indike.org/pramana/in.purana.brahmanda.2.74.181) sadācandrastu candrāśurdvitīyo nakhavāṃstathā / dhanadharmā tataścāpi caturtho vaṃśajaḥ smṛtaḥ // ### [2.74.182](https://indike.org/pramana/in.purana.brahmanda.2.74.182) bhūtinandastataścāpi vaidiśe tu bhaviṣyati / tasya bhrātā yavīyāṃstu nāmnā nandiyaśāḥ kila // ### [2.74.183](https://indike.org/pramana/in.purana.brahmanda.2.74.183) tasyānvayo bhaviṣyanti rājānaste trayastu vai / daihitraḥ śiśiko nāma pūrikāyāṃ nṛpo 'bhavat // ### [2.74.184](https://indike.org/pramana/in.purana.brahmanda.2.74.184) vindhyaśaktisutaścāpi pravīro nāma vīryavān / bhokṣyate ca samāḥ ṣaṣṭiṃ purīṃ kāñcanakāṃ ca vai // ### [2.74.185](https://indike.org/pramana/in.purana.brahmanda.2.74.185) yakṣyate vājapeyaiśca samāptavaradakṣiṇaiḥ / tasya putrāstu catvāro bhaviṣyanti narādhipāḥ // ### [2.74.186](https://indike.org/pramana/in.purana.brahmanda.2.74.186) vindhyakānāṃ kulānāṃ te nṛpā vaivāhikāstrayaḥ / supratīko gabhīraśca samā bhokṣyati viṃśatim // ### [2.74.187](https://indike.org/pramana/in.purana.brahmanda.2.74.187) śaṅkamāno 'bhavadrājā mahiṣīṇāṃ mahīpatiḥ / puṣpamitrā bhaviṣyanti ṣaṭ strimitrāstrayodaśa // ### [2.74.188](https://indike.org/pramana/in.purana.brahmanda.2.74.188) mekalāyāṃ nṛpāḥ sapta bhaviṣyanti ca saptatiḥ / komalāyāṃ tu rājāno bhaviṣyanti mahābalāḥ // ### [2.74.189](https://indike.org/pramana/in.purana.brahmanda.2.74.189) meghā iti samākhyātā buddhimanto navaiva tu / naiṣadhāḥ pārthivāḥ sarve bhaviṣyantyāmanukṣayāt // ### [2.74.190](https://indike.org/pramana/in.purana.brahmanda.2.74.190) nalavaṃśaprasūtāste vīryavanto mahābalāḥ / magadhānāṃ mahāvīryo viśvasphāṇirbhaviṣyati // ### [2.74.191](https://indike.org/pramana/in.purana.brahmanda.2.74.191) utsādya pārthivānsarvānso 'nyānvarṇānkariṣyati / kaivarttānmadrakāṃśceva pulindānbrāhmaṇāṃstathā // ### [2.74.192](https://indike.org/pramana/in.purana.brahmanda.2.74.192) sthāpayiṣyanti gajāno nānādeśeṣu te janān / viśvasphāṇirmahāsattvo yuddhe viṣṇusamaprabhaḥ // ### [2.74.193](https://indike.org/pramana/in.purana.brahmanda.2.74.193) viśvasphāṇirnarapatiḥ klībākṛtirivocyate / utsādayitvā kṣatraṃ tu kṣatramanyatkariṣyati // ### [2.74.194](https://indike.org/pramana/in.purana.brahmanda.2.74.194) nava nāgāstu bhokṣyati purīṃ caṃpāvatīṃ nṛpāḥ / mathurāṃ ca purā ramyāṃ nāgā bhokṣyanti sapta vai // ### [2.74.195](https://indike.org/pramana/in.purana.brahmanda.2.74.195) anugaṅgāprayāgaṃ ca sāketaṃ magadhāṃstathā / etāñjanapadānsarvānbhokṣyante saptavaṃśajāḥ // ### [2.74.196](https://indike.org/pramana/in.purana.brahmanda.2.74.196) naiṣa dhānya dukāṃścaiva śaiśītān kālatoyakān / etāñjanapadānsarvānbhokṣyante maṇidhānyajān // ### [2.74.197](https://indike.org/pramana/in.purana.brahmanda.2.74.197) kośalāṃścāndhrapaiṇḍrāṃśca tāmraliptānsasāgarān / caṃpāṃ caiva purīṃ ramyāṃ bhokṣyante devarakṣitāḥ // ### [2.74.198](https://indike.org/pramana/in.purana.brahmanda.2.74.198) kaliṅgā mahiṣāścaiva mahendranilayāśca ye / etāñjanapadānsarvān pālayiṣyati vai guhaḥ // ### [2.74.199](https://indike.org/pramana/in.purana.brahmanda.2.74.199) strīrāṣṭrabhojakāṃścaiva bhokṣyate kanakāhvayaḥ / tulyakālaṃ bhaviṣyanti sarve hyate mahīkṣitaḥ // ### [2.74.200](https://indike.org/pramana/in.purana.brahmanda.2.74.200) alpaprasādā hyanṛtā mahākrodhā hyadhārmikāḥ / bhaviṣyantīha yavanā dharmataḥ kāmator'thataḥ // _First 200 of 283 passages. [Read on](https://indike.org/pramana/in.purana.brahmanda.2.74)_ ## Linked texts (3) - [Vāyupurāṇa](https://indike.org/pramana/in.purana.vayu.2.37.2) — Vyāsa, Sanskrit - [Vallālacarita](https://indike.org/pramana/in.lit.historical.vallalacarita.2.12.9) — Ānandabhaṭṭa 1510, Sanskrit - [Bhāgavatapurāṇa](https://indike.org/pramana/in.purana.bhagavata.12.1.19) — Vyāsa, Sanskrit --- Source: [https://indike.org/pramana/in.purana.brahmanda.2.74](https://indike.org/pramana/in.purana.brahmanda.2.74) · Pramāṇa