[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmandapurana](https://indike.org/pramana/in.purana.brahmanda) › 2.7 # Brahmandapurana 2.7 Brahmāṇḍapurāṇa 2.7 - **Language:** Sanskrit ## Contents - [2.7.1](https://indike.org/pramana/in.purana.brahmanda.2.7.1) — 1 part - [2.7.479](https://indike.org/pramana/in.purana.brahmanda.2.7.479) — 1 part ### [2.7.1](https://indike.org/pramana/in.purana.brahmanda.2.7.1) sūta uvāca gandharvāpsarasaḥ putrā mauneyāstānnibodhata / bhīmasenegrasenau ca suparṇo varuṇastathā // ### [2.7.1.p1](https://indike.org/pramana/in.purana.brahmanda.2.7.1.p1) dhṛtarāṣṭraśca gomāṃśca sūryavarcāstathaiva ca// ### [2.7.2](https://indike.org/pramana/in.purana.brahmanda.2.7.2) patravānarkaparṇaśca prayutaśca tathaiva hi // ### [2.7.3](https://indike.org/pramana/in.purana.brahmanda.2.7.3) bhīmaścitrarathaścaiva vikhyātaḥ sarvajīdvaśī / trayodaśaḥ śāliśirāḥ parjanyaśca caturdaśaḥ // ### [2.7.4](https://indike.org/pramana/in.purana.brahmanda.2.7.4) kaliḥ pañca daśasteṣāṃ nāradaścaiva ṣoḍaśaḥ / ityete devagandharvā mauneyāḥ parikīrttitāḥ // ### [2.7.5](https://indike.org/pramana/in.purana.brahmanda.2.7.5) caturviṃśāścāvarajāsteṣāmapsarasaḥ śubhāḥ / aruṇā cānapāyā ca vimanuṣyā varāṃbarā // ### [2.7.6](https://indike.org/pramana/in.purana.brahmanda.2.7.6) miśrakeśī tathācāsiparṇinī cāpyaluṃbuṣā / marīciḥ śucikā caiva vidyutparṇā tilottamā // ### [2.7.7](https://indike.org/pramana/in.purana.brahmanda.2.7.7) adrikā lakṣmaṇā kṣemā divyā raṃbhā manobhavā / asitā ca subāhūśca supriyā subhujā tathā // ### [2.7.8](https://indike.org/pramana/in.purana.brahmanda.2.7.8) puṇḍarīkājagandhā ca sudatī surasā tathā / tathaivāsyāḥ subāhūśca vikhyātau ca hahāhuhū // ### [2.7.9](https://indike.org/pramana/in.purana.brahmanda.2.7.9) tuṃburuśceti catvāraḥ smṛtāgandharvasattamāḥ / gandharvāpsaraso hyete mauneyāḥ parikīrttitāḥ // ### [2.7.10](https://indike.org/pramana/in.purana.brahmanda.2.7.10) haṃsā sarasvatī caiva sūtā ca kamalābhayā / sumukhī haṃsapādī ca laukikyo 'psarasaḥ smṛtāḥ // ### [2.7.11](https://indike.org/pramana/in.purana.brahmanda.2.7.11) haṃso jyotiṣṭamo madhya ācārastviha dāruṇaḥ / varūtho 'tha vareṇyaśya tato vasuruciḥ smṛtaḥ // ### [2.7.12](https://indike.org/pramana/in.purana.brahmanda.2.7.12) aṣṭamaḥ surucisteṣāṃ tato viśvā vasuḥ smṛtaḥ / suṣuve sā mahābhāgā riṣṭā devarṣipūjitā // ### [2.7.13](https://indike.org/pramana/in.purana.brahmanda.2.7.13) arūpāṃ subhagāṃ bhāsīmiti tredhā vyajāyata / manuvantī sukeśī ca tuṃbarostu sute śubhe // ### [2.7.14](https://indike.org/pramana/in.purana.brahmanda.2.7.14) pañcacūḍāstvimā vidyādevamapsaraso daśa / menakā sahajanyā ca parṇinī puñjikasthalā // ### [2.7.15](https://indike.org/pramana/in.purana.brahmanda.2.7.15) kṛtasthalā dyṛtācī ca viśvācī pūrvacittyapi / pramlocetyabhivikhyātānumlocaiva tu tā daśa // ### [2.7.16](https://indike.org/pramana/in.purana.brahmanda.2.7.16) anādinidhanasyātha jajñe nārāyaṇasya yā / kulocitānavadyāṅgī urvaścekādaśī smṛtā // ### [2.7.17](https://indike.org/pramana/in.purana.brahmanda.2.7.17) menasya menakā kanyā jajñe sarvāṅgasuṃdarī / sarvāśca brahmavādinyo mahābhāgāśca tāḥ smṛtāḥ // ### [2.7.18](https://indike.org/pramana/in.purana.brahmanda.2.7.18) gaṇāstvapsarasāṃ khyātāḥ puṇyāste vai caturdaśa / āhṛtyaḥ śobhavatyaśca vegavatyastathaiva ca // ### [2.7.19](https://indike.org/pramana/in.purana.brahmanda.2.7.19) ūrjjāścaiva yuvatyaśca srucastu kuravastathāśca / varhayaścāmṛtāścaiva mudāśca mṛgavo rucaḥ // ### [2.7.20](https://indike.org/pramana/in.purana.brahmanda.2.7.20) bhīravaḥ śobhayantyaśca gāṇā hyete caturdaśa / brahmaṇo mānasāhṛtyaḥ śobhavatyo marutsutāḥ // ### [2.7.21](https://indike.org/pramana/in.purana.brahmanda.2.7.21) vegavatyaśca riṣṭāyā ūrjjāścaivāgnisaṃbhavāḥ / yuvatyaśca tathā sūryaraśmijātāḥ suśobhanāḥ // ### [2.7.22](https://indike.org/pramana/in.purana.brahmanda.2.7.22) gabhastibhiśca somasya jajñire kuravaḥ śubhāḥ / yajñotpannā sruco nāma kuśavatyāṃ ca barhayaḥ // ### [2.7.23](https://indike.org/pramana/in.purana.brahmanda.2.7.23) vārijā hyamṛtotpannā amṛtā nāmataḥ smṛtāḥ / vāyūtpanānā mudā nāma bhūmijā mṛgavastathā // ### [2.7.24](https://indike.org/pramana/in.purana.brahmanda.2.7.24) vidyuto 'tra ruco nāma mṛtyoḥ kanyāśca bhīravaḥ / śobhayantyaśca kāmasya gaṇāḥ proktāścaturdaśa // ### [2.7.25](https://indike.org/pramana/in.purana.brahmanda.2.7.25) ityete bahusāhasrā bhāsvarā apsarogaṇāḥ / devatānāmṛṣīṇāṃ ca patnyaśca mātaraśca ha // ### [2.7.26](https://indike.org/pramana/in.purana.brahmanda.2.7.26) sugandhāścātha niṣpandā sarvāścāpsarasaḥ samāḥ / saṃprayogastu kāmena mādyaṃ divi haraṃ vinā // ### [2.7.27](https://indike.org/pramana/in.purana.brahmanda.2.7.27) tāsāṃ devarṣi saṃsparśā jātāḥ sādhāraṇā yataḥ / parvatastatra saṃbhūto nāradaścaiva tāvubhau // ### [2.7.28](https://indike.org/pramana/in.purana.brahmanda.2.7.28) tato yavīyasī caiva tṛtīyārundhatī smṛtā / devarṣibhyastayorjanma yasmānnāradaparvatau // ### [2.7.29](https://indike.org/pramana/in.purana.brahmanda.2.7.29) tasmāttau tatsanāmānau smṛtau nāradaparvatau / vinatāyāśca putrau dvau aruṇau garuḍaśca ha // ### [2.7.30](https://indike.org/pramana/in.purana.brahmanda.2.7.30) gāyatryādīni chandāṃsi sauparṇeyāni pakṣiṇāḥ / vyavahāryāṇi sarvāṇi ṛjusannihitāni ca // ### [2.7.31](https://indike.org/pramana/in.purana.brahmanda.2.7.31) kradrūrnāgasahasraṃ vai vijajñe dharaṇīdharam / anekaśirasāṃ teṣāṃ khecarāṇāṃ mahātmanām // ### [2.7.32](https://indike.org/pramana/in.purana.brahmanda.2.7.32) bahutvānnāmadheyānāṃ pradhānāṃśca nibodhata / teṣāṃ pradhānā nāgānāṃ śeṣavāsukitakṣakāḥ // ### [2.7.33](https://indike.org/pramana/in.purana.brahmanda.2.7.33) akarṇo hastikarṇaśca pijaraścāryakastathā / airāvato mahāpadmaḥ kaṃbalāśvatarāvubhau // ### [2.7.34](https://indike.org/pramana/in.purana.brahmanda.2.7.34) elāpatraśca śaṅkhaśca karkeṭakadhanañjayau / mahākarṇamahānīlau dhṛtarāṣṭrabalāhakau // ### [2.7.35](https://indike.org/pramana/in.purana.brahmanda.2.7.35) karavīraḥ puṣpadaṃṣṭraḥ sumukho durmukhastathā / sūnāmukho dadhimukhaḥ kāliyaścālipiṇḍakaḥ // ### [2.7.36](https://indike.org/pramana/in.purana.brahmanda.2.7.36) kapilaścāṃbarīṣaśca akrūraśca kapitthakaḥ / prahrādastu brahmaṇāśca gandharvo 'tha maṇisthakaḥ // ### [2.7.37](https://indike.org/pramana/in.purana.brahmanda.2.7.37) nahuṣaḥ kararomā ca maṇirityevamādayaḥ / kādraveyāḥ samākhyātāḥ khaśāyāstu nibodhata // ### [2.7.38](https://indike.org/pramana/in.purana.brahmanda.2.7.38) khaśā vijajñe dvau putrau vikṛtau paruṣavratau / śreṣṭhaṃ paścimasaṃdhyāyāṃ pūrvasyāṃ ca kanīyasam // ### [2.7.39](https://indike.org/pramana/in.purana.brahmanda.2.7.39) vilohitaikakarṇaṃ ca pūrvaṃ sājanayatsutam / caturbhujaṃ catuṣpādaṃ kiñcitspandaṃ dvidhāgatim // ### [2.7.40](https://indike.org/pramana/in.purana.brahmanda.2.7.40) sarvaṅgakeśaṃ sthūlāṅgaṃ śubhanāsaṃ mahodaram / svacchaśīrṣaṃ mahākarṇaṃ muñjakeśaṃ mahābalam // ### [2.7.41](https://indike.org/pramana/in.purana.brahmanda.2.7.41) hrasvāsyaṃ dīrghajihvaṃ ca bahudaṃṣṭraṃ mahāhanum / raktapiṅgākṣapādaṃ ca sthūlabhrūdīrghanāsikam // ### [2.7.42](https://indike.org/pramana/in.purana.brahmanda.2.7.42) guhyakaṃ śitikaṇṭhaṃ ca mahāpādaṃ mahāmukham / evaṃvidhaṃ khaśāputraṃ jajñe 'sāvatibhīṣaṇam // ### [2.7.43](https://indike.org/pramana/in.purana.brahmanda.2.7.43) tasyānujaṃ dvitīyaṃ sā hyuṣasyante vyajāyata / triśīrṣaṃ ca tripādaṃ ca trihastaṃ kṛṣṇalocanam // ### [2.7.44](https://indike.org/pramana/in.purana.brahmanda.2.7.44) ūrddhvakeśaṃ haricchmaśruṃ śilāsaṃhananaṃ dṛḍham / hrasvakāyaṃ prabāhuṃ ca mahākāya mahāravam // ### [2.7.45](https://indike.org/pramana/in.purana.brahmanda.2.7.45) ākarṇadāritāsyaṃ ca balavatsathūlanāsikam / sthūlauṣṭhamaṣṭadaṃṣṭra ca jihmāsyaṃ śaṅkukarṇakam // ### [2.7.46](https://indike.org/pramana/in.purana.brahmanda.2.7.46) piṅgalodvattanayanaṃ jaṭilaṃ dvandvapiṇḍakam / mahāskandhaṃ mahoraskaṃ pṛthughoṇaṃ kṛśodaram // ### [2.7.47](https://indike.org/pramana/in.purana.brahmanda.2.7.47) asthūlaṃ lohitaṃ grīvalaṃbameḍhrāṇḍapiḍakam / evaṃvidhaṃ kumāraṃ sā kaniṣṭhaṃ samasūyata // ### [2.7.48](https://indike.org/pramana/in.purana.brahmanda.2.7.48) sadyaḥ prasūtamātrau tau vivṛddhau ca pramādataḥ / upayaugasamarthābhyāṃ śarīrābhyāṃ vyavasthitau // ### [2.7.49](https://indike.org/pramana/in.purana.brahmanda.2.7.49) sadyojātau vivṛddhāṅgau mātaraṃ paryakarṣatām / tayoḥ pūrvastu yaḥ krūro mātaraṃ so 'bhya karṣata // ### [2.7.50](https://indike.org/pramana/in.purana.brahmanda.2.7.50) bruvaṃśca mātarbhakṣāva rakṣārthaṃ kṣudhayārditaḥ / nyaṣedhayatpunarhyenaṃ svayaṃ sa tu kaniṣṭhakaḥ // ### [2.7.51](https://indike.org/pramana/in.purana.brahmanda.2.7.51) pūrveṣāṃ kṣemakṛttvaṃ vai rakṣaitāṃ mātaraṃ svakām / bāhubhyāṃ parigṛhyainaṃ mātaraṃ so 'bhyabhāṣayat // ### [2.7.52](https://indike.org/pramana/in.purana.brahmanda.2.7.52) etasminneva kāle tu prādurbhūtastayoḥ pitā / tau dṛṣṭvā vikṛtā kārau khaśāṃ tāmabhyabhāṣata // ### [2.7.53](https://indike.org/pramana/in.purana.brahmanda.2.7.53) tau sutau pitaraṃ dṛṣṭvā hyekabhūtau bhayānvitau / mātureva punaścāṅge pralīyetāṃ svamāyayā // ### [2.7.54](https://indike.org/pramana/in.purana.brahmanda.2.7.54) athābravīdṛṣirbhāryāṃ kimābhyāmuktavatyasi / sarvamācakṣva tattvena tavaivāyaṃ vyatikramaḥ // ### [2.7.55](https://indike.org/pramana/in.purana.brahmanda.2.7.55) mātṛtulyaśca janane putro bhavati kanyakā / yathāśīlā bhavenmātā tathāśīlo bhavetsutaḥ // ### [2.7.56](https://indike.org/pramana/in.purana.brahmanda.2.7.56) yadvarṇā tu bhavedbhūmistadvarṇaṃ salilaṃ dhruvam / mātṝṇāṃ śīladoṣeṇa tathā rūpaguṇaiḥ punaḥ // ### [2.7.57](https://indike.org/pramana/in.purana.brahmanda.2.7.57) vibhinnāstu prajāḥ sarvāstathā khyātivaśena ca / ityevamuktvā bhagavānkhaśāmapratimastadā // ### [2.7.58](https://indike.org/pramana/in.purana.brahmanda.2.7.58) putrāvāhūya sāmnā vai cakre tābhyāṃ tu nāmanī / putrābhyāṃ yatkṛtaṃ tasyāstadācaṣṭa khaśā tadā // ### [2.7.59](https://indike.org/pramana/in.purana.brahmanda.2.7.59) mātā yathā samākhyātā tarmābhyāṃ ca pṛthakpṛthak / tena dhātvarthayogena tattadarthe cakāra ha // ### [2.7.60](https://indike.org/pramana/in.purana.brahmanda.2.7.60) mātarbhakṣetyathokto vai khādane bhakṣaṇe ca saḥ / bhakṣāvetyuktavāneṣa tasmādyakṣo 'bhavattvayam // ### [2.7.61](https://indike.org/pramana/in.purana.brahmanda.2.7.61) rakṣa ityeṣa dhāturyaḥ pālane sa vibhāvyate / uktavāṃścaiṣa yasmāttu rakṣemāṃ mātaraṃ svakām // ### [2.7.62](https://indike.org/pramana/in.purana.brahmanda.2.7.62) nāmnā rakṣo 'parastasmādbhaviṣyati tavātmajaḥ / sa tadā tadvidhāṃ dṛṣṭvā vikriyāṃ ca tayoḥ pitā // ### [2.7.63](https://indike.org/pramana/in.purana.brahmanda.2.7.63) tadā bhāvinamarthaṃ ca buddhvā mātrā kṛtaṃ tayoḥ / tāvṛbhau kṣudhitau dṛṣṭvā vismitaḥ parimṛṣṭadhīḥ // ### [2.7.64](https://indike.org/pramana/in.purana.brahmanda.2.7.64) tayoḥ prādiśadāhāraṃ khaśāpatirasṛgvase / pitā tau kṣudhitau dṛṣṭvā vara metaṃ tayordadau // ### [2.7.65](https://indike.org/pramana/in.purana.brahmanda.2.7.65) yuvayorhastasaṃsparśādraktadhārāśca sarvaśaḥ / sṛṅmāṃsavasābhūtā bhaviṣyantīha kāmataḥ // ### [2.7.66](https://indike.org/pramana/in.purana.brahmanda.2.7.66) naktāhāravihārau ca dvijadevādibhojanau / naktaṃ caiva balīyāṃsau divā vai nirbalau yuvām // ### [2.7.67](https://indike.org/pramana/in.purana.brahmanda.2.7.67) mātaraṃ rakṣata imāṃ dharmaścaivānuśiṣyate / ityuktvā kāśyapaḥ putrau tatraivāntaradhīyata // ### [2.7.68](https://indike.org/pramana/in.purana.brahmanda.2.7.68) gate pitari tau krūrau nisargādeva dāruṇau / viparyayeṣu varttete 'kṛtajñau prāṇihiṃsakau // ### [2.7.69](https://indike.org/pramana/in.purana.brahmanda.2.7.69) mahābalau mahāsattvau mahākāyau durāsadau / māyāvidāvadṛśyau tāvantardhānagatāvubhau // ### [2.7.70](https://indike.org/pramana/in.purana.brahmanda.2.7.70) tau kāmarūpiṇau ghorau nīrujau ca svabhāvataḥ / rūpā nurūpairācāraiḥ pracarantau prabādhakau // ### [2.7.71](https://indike.org/pramana/in.purana.brahmanda.2.7.71) devānṛṣīnpitṝṃścaiva gandharvānkinnarānapi / piśācāṃścamanuṣyāṃścapannagānpakṣiṇaḥ paśūn // ### [2.7.72](https://indike.org/pramana/in.purana.brahmanda.2.7.72) bhakṣārthamiha lipsaṃtau ceratustau niśācarau / indrasyānucarau caiva kṣubdhau dṛṣṭvā hyatiṣṭhatām // ### [2.7.73](https://indike.org/pramana/in.purana.brahmanda.2.7.73) rākṣasaṃ taṃ kadācidvai niśīthe hyeka mīśvaram / āhāraṃ sa parīpsanvai śabdenānusasāra ha // ### [2.7.74](https://indike.org/pramana/in.purana.brahmanda.2.7.74) āsasāda piśācau vai tvajaḥ śaṇḍhaśca tābubhau / kapiputrau mahāvīryauṃ kūṣmāḍau pūrvajāvubhau // ### [2.7.75](https://indike.org/pramana/in.purana.brahmanda.2.7.75) piṅgākṣāvūrddhvaromāṇau vṛttākṣau ca sudāruṇau / kanyābhyāṃ sahitau tau tu tābhyāṃ bhartuścikīrṣayā // ### [2.7.76](https://indike.org/pramana/in.purana.brahmanda.2.7.76) te kanye kāmarūpiṇyau tadācāramubhe ca tam / āhārārthe samīhantau sakanyau tu bubhukṣitau // ### [2.7.77](https://indike.org/pramana/in.purana.brahmanda.2.7.77) apaśyatāṃ rakṣasaṃ tau kāmarūpiṇamagrataḥ / sahasā sannipātena dṛṣṭvā caiva parasparam // ### [2.7.78](https://indike.org/pramana/in.purana.brahmanda.2.7.78) īkṣamāṇāḥ sthitānyonyaṃ parasparajighṛkṣavaḥ / pitarāvūcatuḥ kanye yuvā mānayata drutam // ### [2.7.79](https://indike.org/pramana/in.purana.brahmanda.2.7.79) jīvagrāhaṃ nigṛhyainaṃ visphurantaṃ padepade / tatastamabhisṛtyainaṃ kanye jagṛhatustadā // ### [2.7.80](https://indike.org/pramana/in.purana.brahmanda.2.7.80) saṃgṛhītvā tu hastābhyāmānītaḥ pitṛsaṃsadi / tābhyāṃ kanyāgṛhītaṃ taṃ piśācau vīkṣya rakṣasam // ### [2.7.81](https://indike.org/pramana/in.purana.brahmanda.2.7.81) apṛcchatāṃ ca kasya tvaṃ sa ca sarvamabhāṣata / tasya karmābhijātī ca śrutvā tau rakṣasastadā // ### [2.7.82](https://indike.org/pramana/in.purana.brahmanda.2.7.82) ajaḥ śaṇḍaśca tasmai te kanyake pratyapādayat / tau tuṣṭau karmaṇā tasya kanye te dadatustu vai // ### [2.7.83](https://indike.org/pramana/in.purana.brahmanda.2.7.83) paiśācaina vivāhena rudantyāvudvavāha saḥ / ajaḥ śaṇḍaḥ sutābhyāṃ tu tadā śrāvayatāṃ dhanam // ### [2.7.84](https://indike.org/pramana/in.purana.brahmanda.2.7.84) iyaṃ brahmadhanā nāma kanyā yā sahitā śubhā / brahma tasyāparāhāra iti śaṇḍo 'bhyabhāṣata // ### [2.7.85](https://indike.org/pramana/in.purana.brahmanda.2.7.85) iyaṃ jantudhanā nāma kanyā sarvāṅgajantilā / jantubhāva dhanādānā ityajau'śrāvayaddhanam // ### [2.7.86](https://indike.org/pramana/in.purana.brahmanda.2.7.86) sarvāṅgakeśāpāśā ca kanyā jantudhanā tu yā / yātudhānaprasūtā sā kanyā caiva mahāravā // ### [2.7.87](https://indike.org/pramana/in.purana.brahmanda.2.7.87) aruṇā cāpyalomā ca kanyā brahmadhanā tu yā / brahmadhānaprasūtā sā kanyā caiva mahāravā // ### [2.7.88](https://indike.org/pramana/in.purana.brahmanda.2.7.88) evaṃ piśācakanye te mithune dve prasūyatām / tayoḥ prajānisargaṃ ca kathayiṣye nibodhata // ### [2.7.89](https://indike.org/pramana/in.purana.brahmanda.2.7.89) hetiḥ prahetirugraśca pauruṣeyau vadhastathā / vidyutsphūrjaśca vātaśca āyo pyāghrastathaiva ca // ### [2.7.90](https://indike.org/pramana/in.purana.brahmanda.2.7.90) sūryaśca rākṣasā hyete yātudhānātmajā daśa / mālyavāṃśca sumālī ca prahetitanayau śṛṇu // ### [2.7.91](https://indike.org/pramana/in.purana.brahmanda.2.7.91) prahetitanayaḥ śrīmānapulomā nāma viśrutaḥ / madhuḥ paro mahograstu lavaṇastasya cātmajaḥ // ### [2.7.92](https://indike.org/pramana/in.purana.brahmanda.2.7.92) mahāyogabalopeto mahā devamupasthitaḥ / ugrasya putrau vikrānto vajrahā nāma viśrutaḥ // ### [2.7.93](https://indike.org/pramana/in.purana.brahmanda.2.7.93) pauruṣeyasutāḥ pañca puruṣādā mahābalāḥ / kūraśca vikṛtaścaiva rudhirādastathaiva ca // ### [2.7.94](https://indike.org/pramana/in.purana.brahmanda.2.7.94) medāśaścavapāśaśca nāmabhiḥ parikīrttitāḥ / vadhaputrau durācārau vighnaśca śāmanaśca ha // ### [2.7.95](https://indike.org/pramana/in.purana.brahmanda.2.7.95) vidyutputro durācāro rasano nāma rākṣasaḥ / sphūrjakṣetre nikuṃbhastu jāto vai brahmarākṣasaḥ // ### [2.7.96](https://indike.org/pramana/in.purana.brahmanda.2.7.96) vātaputro virodhastu tathā yasya janātakaḥ / vyāghra putro nirānandaḥ kratūnāṃ vighnakārakaḥ // ### [2.7.97](https://indike.org/pramana/in.purana.brahmanda.2.7.97) sarvasya cānvaye jātā pūrāḥ sarpāśca rākṣasāḥ / yātudhānāḥ parikrāntā brahma dhānānnibodhata // ### [2.7.98](https://indike.org/pramana/in.purana.brahmanda.2.7.98) yajñāpeto dhṛtiḥ kṣemo brahmapetaśca yajñahā / śvātoṃ'bukaḥ kelisarpauṃ brahmadhānātmajā nava // ### [2.7.99](https://indike.org/pramana/in.purana.brahmanda.2.7.99) svasāro brahmarākṣasyasteṣāṃ cemāḥ sudāruṇāḥ / raktakarṇī mahājihvā kṣamā ceṣṭāpahāriṇī // ### [2.7.100](https://indike.org/pramana/in.purana.brahmanda.2.7.100) etāsāmanvaye jātāḥ pṛthivyāṃ brahmarākṣasāḥ / ityete rākṣasāḥ krāntā yakṣasyavinibodhata // ### [2.7.101](https://indike.org/pramana/in.purana.brahmanda.2.7.101) cakame sarasaṃ yakṣaḥ pañcacūḍāṃ kratusthalām / tallipsuścintayānaḥ sa devodyānāni mārgate // ### [2.7.102](https://indike.org/pramana/in.purana.brahmanda.2.7.102) vaibhrājaṃ surabhiṃ caiva tathā caitrarathaṃ ca yat / viśokaṃ sumanaṃ caiva nandanaṃ ca vanottamam // ### [2.7.103](https://indike.org/pramana/in.purana.brahmanda.2.7.103) bahūni ramaṇīyāni mārgate jātalālasaḥ / dṛṣṭvā tāṃ nandane so 'tha apsarobhiḥ sahāsinīm // ### [2.7.104](https://indike.org/pramana/in.purana.brahmanda.2.7.104) nopāyaṃ vindate tatra tasyā lābhāya cintayan / dūṣitaḥ svena rūpeṇa karmaṇā caiva dūṣitaḥ // ### [2.7.105](https://indike.org/pramana/in.purana.brahmanda.2.7.105) mamodvijanti hiṃsrasya tathābhūtāni sarvaśaḥ / tatkathaṃ nāma cārvagīṃ prāpnuyāmahamaṅganām // ### [2.7.106](https://indike.org/pramana/in.purana.brahmanda.2.7.106) dṛṣṭvopāyaṃ tataḥ so 'tha śīghrakārī vyavarttayat / kṛtvā rūpaṃ vasurucergandharvasya ca guhyakaḥ // ### [2.7.107](https://indike.org/pramana/in.purana.brahmanda.2.7.107) tataḥ so 'psarasāṃ madhye tā jacagrāha kratusthalām / buddhvā vasuruciṃ taṃ sā bhāvenaivābhyāvarttata // ### [2.7.108](https://indike.org/pramana/in.purana.brahmanda.2.7.108) saṃbhūtaḥ sa tayā sārddhaṃ dṛśyamāno 'psarogaṇaiḥ / jagāma maithunaṃ yakṣaḥ putrārthaṃ sa tayā saha // ### [2.7.109](https://indike.org/pramana/in.purana.brahmanda.2.7.109) dṛśyamāno 'psaro lipsuḥ śaṅkāṃ naiva cakāra saḥ / tataḥ saṃsiddhakāraṇaḥ sadyo jātaḥ sutastu vai // ### [2.7.110](https://indike.org/pramana/in.purana.brahmanda.2.7.110) uchrayātpariṇāhena sadyo vṛddhaḥ śriyā jvalan / rājāhamiti nābhirhi pitaraṃ so 'bhyavādayat // ### [2.7.111](https://indike.org/pramana/in.purana.brahmanda.2.7.111) bhavān rajatanābheti pitā taṃ pratyuvāca ha / mātrānurūpo rūpema piturvīryeṇajāyate // ### [2.7.112](https://indike.org/pramana/in.purana.brahmanda.2.7.112) jāte tasminkumāre tu svarupaṃ prayapadyata / svarūpaṃ pratipadyante gūhanto yakṣarākṣasāḥ // ### [2.7.113](https://indike.org/pramana/in.purana.brahmanda.2.7.113) suptā mriyantaḥ kruddhāśca bhītāste harṣitāstathā / tato 'bravītso 'psarasaṃ smayamānastu guhyakaḥ // ### [2.7.114](https://indike.org/pramana/in.purana.brahmanda.2.7.114) gṛhaṃ me gaccha bhadraṃ te saputrā tvaṃ varānane / ityuktvā sahasā tatra dṛṣṭvā svaṃ rūpamāsthitam // ### [2.7.115](https://indike.org/pramana/in.purana.brahmanda.2.7.115) vibhrāntāḥ pradrutāḥ sarvāḥ sametyāpsarasastadā / gacchantīmanvagacchattāṃ putrastaptāṃ tvayanśirā // ### [2.7.116](https://indike.org/pramana/in.purana.brahmanda.2.7.116) gandharvāpsarasāṃ madhye nayitvā sa nyavarttata / tāṃ ca dṛṣṭvā samutpattiṃ yakṣasyāpsarasāṃ gaṇāḥ // ### [2.7.117](https://indike.org/pramana/in.purana.brahmanda.2.7.117) yakṣāṇāṃ tu janitrī tvaṃ ityūcustāṃ kratusthalām / jagāma saha putreṇa tato yakṣaḥ svamālayam // ### [2.7.118](https://indike.org/pramana/in.purana.brahmanda.2.7.118) nyagrodho rohiṇo nāmnā śerate tatra guhyakāḥ / tasminnivāso yakṣāṇāṃ nyagrodhe rohiṇe smṛtaḥ // ### [2.7.119](https://indike.org/pramana/in.purana.brahmanda.2.7.119) yakṣo rajatanābhaśca guhyakānāṃ pitāmahaḥ / anuhrādasya daityasya bhadrāṃ maṇivarāṃ sutām // ### [2.7.120](https://indike.org/pramana/in.purana.brahmanda.2.7.120) upayeme 'navadyāṅgīṃ tasyāṃ maṇivaro vaśī / jajñe sā maṇibhadraṃ ca śakratulyaparākramamam // ### [2.7.121](https://indike.org/pramana/in.purana.brahmanda.2.7.121) tayoḥ patnyau bhaginyau ca kratusthasyātmaje śubhe / nāmnā puṇyajanī caiva tathā devajanī ca yā // ### [2.7.122](https://indike.org/pramana/in.purana.brahmanda.2.7.122) vijajñe paṇibhadrātu putrānpuṇyajanī śubhā / siddhārthaṃ sūryatejaśca sumanaṃ nandanaṃ tathā // ### [2.7.123](https://indike.org/pramana/in.purana.brahmanda.2.7.123) maṇḍūkaṃ rucakaṃ caiva maṇimantaṃ vasuṃ tathā / sarvānubhūtaṃ śaṅkhaṃ ca piṅgākṣaṃ bhīrumeva ca // ### [2.7.124](https://indike.org/pramana/in.purana.brahmanda.2.7.124) asomaṃ dūrasomaṃ ca padmaṃ candraprabhaṃ tathā / meghavarṇaṃ subhadraṃ ca pradyotaṃ ca mahādyutim // ### [2.7.125](https://indike.org/pramana/in.purana.brahmanda.2.7.125) dyuti mantaṃ ketumantaṃ darśanīyaṃ sudarśanam / catvāro viṃśatiścaiva putrāḥ puṇyajanībhavāḥ // ### [2.7.126](https://indike.org/pramana/in.purana.brahmanda.2.7.126) jajñire maṇibhadrasya sarve te puṇyalakṣaṇāḥ / teṣāṃ putrāśca pautrāśca yakṣāḥ puṇyajanāḥ śubhāḥ // ### [2.7.127](https://indike.org/pramana/in.purana.brahmanda.2.7.127) vijajñe vai devajanī putrānmaṇivarāñchubhā / pūrṇabhadraṃ haimavantaṃ maṇimantravivarddhanau // ### [2.7.128](https://indike.org/pramana/in.purana.brahmanda.2.7.128) kusuṃ caraṃ piśaṅgaṃ ca sthūlakarṇaṃ mahāmudam / svetaṃ ca vimalaṃ caiva puṣpadantaṃ cayāvaham // ### [2.7.129](https://indike.org/pramana/in.purana.brahmanda.2.7.129) padmavarṇaṃ sucandraṃ ca pakṣañca balakaṃ tathā / kumudākṣaṃ sukamalaṃ varddhamānaṃ tathā hitam // ### [2.7.130](https://indike.org/pramana/in.purana.brahmanda.2.7.130) padmanābhaṃ sugandhaṃ ca suvīraṃ vijayaṃ kṛtam / pūrmamāsaṃ hiraṇyākṣaṃ sāraṇaṃ caiva mānasam // ### [2.7.131](https://indike.org/pramana/in.purana.brahmanda.2.7.131) putrā maṇivarasyaite yakṣā vai guhyakāḥ smṛtāḥ / surupāśca suveṣāśca sragviṇaḥ priyadarśanāḥ // ### [2.7.132](https://indike.org/pramana/in.purana.brahmanda.2.7.132) teṣāṃ putrāśca pautrāśca śataśo 'tha sahasraśaḥ / khaśāyāstvapare putrā rākṣasāḥ kāmarūpiṇaḥ // ### [2.7.133](https://indike.org/pramana/in.purana.brahmanda.2.7.133) teṣāṃ yathā pradhānānvai varṇyamā nānnibodhata / lālāviḥ krathano bhīmaḥ sumālī madhureva ca // ### [2.7.134](https://indike.org/pramana/in.purana.brahmanda.2.7.134) visphūrjano bṛhajjihvo mātaṅgo dhūmritastathā / candrārkabhīkaro budhnaḥ kapilomā prahāsakaḥ // ### [2.7.135](https://indike.org/pramana/in.purana.brahmanda.2.7.135) pīḍāparastrinābhaśca vakrākṣaśca niśācaraḥ / triśirāḥ śatadaṃṣṭraśca tuṇḍakośaśca rākṣasaḥ // ### [2.7.136](https://indike.org/pramana/in.purana.brahmanda.2.7.136) aśvaścākaṃpanaścaiva durmukhaśca niśācaraḥ / ityete rākṣasavārā vikrāntā gaṇarūpimaḥ // ### [2.7.137](https://indike.org/pramana/in.purana.brahmanda.2.7.137) sarvalokacarāste tu tridaśānāṃ samakramāḥ / sapta cānyā duhitarastāḥ śṛṇudhvaṃ yathākramam // ### [2.7.138](https://indike.org/pramana/in.purana.brahmanda.2.7.138) yāsāṃ ca yaḥ prajāsargo yena cotpāditā gaṇāḥ / ālaṃbā utkacotkṛṣṭā nirṛtā kapilā śivā // ### [2.7.139](https://indike.org/pramana/in.purana.brahmanda.2.7.139) keśinī ca mahābhāgā bhaginyaḥ sapta yāḥ smṛtāḥ / tābhyo lokanikāyasya hantāro yuddhadurmadāḥ // ### [2.7.140](https://indike.org/pramana/in.purana.brahmanda.2.7.140) udīrṇā rākṣasagaṇā ime cotpāditāḥ śubhāḥ / ālaṃbeyo gaṇaḥ krūra autkaceyo gaṇastathā // ### [2.7.141](https://indike.org/pramana/in.purana.brahmanda.2.7.141) tathau tkārṣṭeyaśaiveyau rakṣasāṃ hyuttamā gaṇāḥ / tathaiva nairṛto nāma tryaṃbakānucareṇa ha // ### [2.7.142](https://indike.org/pramana/in.purana.brahmanda.2.7.142) utpāditaḥ prajākarge gaṇeśvaravareṇa tu / vikrāntāḥ śauryasaṃpannā nairṛtā devarākṣasāḥ // ### [2.7.143](https://indike.org/pramana/in.purana.brahmanda.2.7.143) yeṣāmadhipatiryukto nāmnā khyāto virūpakaḥ / teṣāṃ gaṇaśatānīkā uddhatānāṃ mahātmanām // ### [2.7.144](https://indike.org/pramana/in.purana.brahmanda.2.7.144) prāyeṇānucarantyete śaṅkaraṃ jagataḥ prabhum / daityarājena kumbhena mahākāyā mahātmanā // ### [2.7.145](https://indike.org/pramana/in.purana.brahmanda.2.7.145) utpāditā mahāvīryā mahābalaparākramāḥ / kāpileyā mahāvīryā udīrṇā daityarākṣasāḥ // ### [2.7.146](https://indike.org/pramana/in.purana.brahmanda.2.7.146) kapilena ca yakṣeṇa keśinyāṃ hyapare janāḥ / utpāditā balāvatā udīrṇā yakṣarākṣasāḥ // ### [2.7.147](https://indike.org/pramana/in.purana.brahmanda.2.7.147) keśinī duhitā caiva nīlā yā śrudrarākṣasī / ālaṃbeyena janitā naikāḥ surasikena hi // ### [2.7.148](https://indike.org/pramana/in.purana.brahmanda.2.7.148) nailā iti samākhyātā durjayā ghoravikramāḥ / caranti pṛthivīṃ kṛtsnāṃ tatra te devalaukikāḥ // ### [2.7.149](https://indike.org/pramana/in.purana.brahmanda.2.7.149) bahutvāccaivasargasya teṣāṃ vaktuṃ na śakyate / tasyāstvapi ca nīlāyā vikacā nāma rākṣasī // ### [2.7.150](https://indike.org/pramana/in.purana.brahmanda.2.7.150) duhitā sutāśca vikayā mahā sattvaparākramāḥ / virūpakena tasyāṃ vai nairṛtena iha prajāḥ // ### [2.7.151](https://indike.org/pramana/in.purana.brahmanda.2.7.151) utpāditāḥ sughorāśca śṛṇu tāstvanupūrvaśaḥ / daṃṣṭrākarālā vikṛtā mahākarṇā mahodarāḥ // ### [2.7.152](https://indike.org/pramana/in.purana.brahmanda.2.7.152) hārakā bhīṣakāścaiva tathaiva klāmakāḥ pare / reravākāḥ piśācāśca vāhakāstrāsakāḥ pare // ### [2.7.153](https://indike.org/pramana/in.purana.brahmanda.2.7.153) bhūmirākṣasakā hyete mandāḥ parupavikramāḥ / carantyadṛṣṭapūrvāstu nānākārā hyanekaśaḥ // ### [2.7.154](https://indike.org/pramana/in.purana.brahmanda.2.7.154) utkṛṣṭabalasattvā ye teṣāṃ vaikhecarāḥ smṛtāḥ / lakṣamātreṇa cākāśaṃ svalpātsvalpaṃ caranti vai // ### [2.7.155](https://indike.org/pramana/in.purana.brahmanda.2.7.155) etairvyāptamidaṃ viśvaṃ śataśo 'tha sahasraśaḥ / bhūmirākṣasakaiḥ sarvairanekaiḥ kṣudrarākṣasaiḥ // ### [2.7.156](https://indike.org/pramana/in.purana.brahmanda.2.7.156) nānāprakārairākrāntā nānā deśāḥ samantataḥ / samāsābhihitāścaivahyaṣṭau rākṣasamātaraḥ // ### [2.7.157](https://indike.org/pramana/in.purana.brahmanda.2.7.157) aṣṭau vibhāgā hyeṣāṃ hi vyākhyātā anupūrvaśaḥ / bhadrakā nikarāḥ kecidajñaniṣpattihetukāḥ // ### [2.7.158](https://indike.org/pramana/in.purana.brahmanda.2.7.158) sahasraśatasaṃkhyātā martya lokavicāriṇaḥ / pūtarā mātṛsāmānyāstathā bhūtabhayaṅkarāḥ // ### [2.7.159](https://indike.org/pramana/in.purana.brahmanda.2.7.159) bālānāṃ mānuṣe loke grahā maraṇahetukāḥ / skandagrahādayo hāsyā āpakāstrāsakādayaḥ // ### [2.7.160](https://indike.org/pramana/in.purana.brahmanda.2.7.160) kaumārāste tu vijñeyā bālānāṃ gṛhavṛttayaḥ / skandagrahaviśeṣāṇāṃ māyikānāṃ tathaiva ca // ### [2.7.161](https://indike.org/pramana/in.purana.brahmanda.2.7.161) pūtanā nāma bhūtānāṃ ye ca lokavināyakāḥ / evaṃ gaṇasahasrāṇi caranti pṛthivīmimām // ### [2.7.162](https://indike.org/pramana/in.purana.brahmanda.2.7.162) yakṣāḥ puṇyajanā nāmapūrṇabhadrāśca ye smṛtāḥ / yakṣāṇāṃ rākṣasānāṃ ca paulastyāgastayaśca ye // ### [2.7.163](https://indike.org/pramana/in.purana.brahmanda.2.7.163) nairṛtānāṃ ca sarveṣāṃ rājabhūdalakādhipaḥ / yakṣādṛṣṭyā pibantīha nṝṇāṃ māṃsamasṛgvase // ### [2.7.164](https://indike.org/pramana/in.purana.brahmanda.2.7.164) rakṣāṃsyanupraveśena piśācaiḥ paripīḍanaiḥ / sarvalakṣaṇasaṃpannāḥ samāmaiścāpi daivataiḥ // ### [2.7.165](https://indike.org/pramana/in.purana.brahmanda.2.7.165) bhāsvarā balavantaśca īśvarāḥ kāmarūpiṇaḥ / anābhibhāvyā vikrāntāḥ sarvalokanamaskṛtāḥ // ### [2.7.166](https://indike.org/pramana/in.purana.brahmanda.2.7.166) sūkṣmāścaujasvinomedhyā varadā yājñikāśca vai / devānāṃ lakṣaṇaṃ hyetadasurāṇāṃ tathaiva ca // ### [2.7.167](https://indike.org/pramana/in.purana.brahmanda.2.7.167) hīnā devaistribhiḥ pādairgandharvāpsarasaḥ smṛtāḥ / gandharvebhyastribhiḥ pādairhīnā guhyakarākṣasāḥ // ### [2.7.168](https://indike.org/pramana/in.purana.brahmanda.2.7.168) aiśvaryahīnā rakṣobhyaḥ piśācāstriguṇāṃ punaḥ / evandhanena rūpeṇa āyuṣā ca balena ca // ### [2.7.169](https://indike.org/pramana/in.purana.brahmanda.2.7.169) dharmaiśvaryeṇa buddhyā ca tapaḥśrutaparākramaiḥ / devāsurebhyo hīyante trīṃstrīnpādānparasparam // ### [2.7.170](https://indike.org/pramana/in.purana.brahmanda.2.7.170) gandharvādyāḥ piśācāntāścatasro devayonayaḥ / ataḥ śṛṇuta bhadraṃ vaḥ prajāḥ krodhavaśānvayāḥ // ### [2.7.171](https://indike.org/pramana/in.purana.brahmanda.2.7.171) krodhāyāḥ kanyakā jajñe dvādaśaivātmasaṃbhavāḥ / tā bhāryā pulahasyāsannāmato me nibodhata // ### [2.7.172](https://indike.org/pramana/in.purana.brahmanda.2.7.172) mṛgī ca mṛgamandā ca haribhadrā tvirāvatī / bhūtā ca kapiśā daṃṣṭrā ṛṣā tiryā tathaiva ca // ### [2.7.173](https://indike.org/pramana/in.purana.brahmanda.2.7.173) śvetā ca saramā caiva surasā ceti viśrutā / mṛgyāstu harigāḥ putrā mṛgaścānye śaśāstathā // ### [2.7.174](https://indike.org/pramana/in.purana.brahmanda.2.7.174) nyaṅkavaḥśarabhā ye ca ruravaḥ pṛṣatāśca ye / ṛkṣāśca mṛgamandāyā gavayāścāpare tathā // ### [2.7.175](https://indike.org/pramana/in.purana.brahmanda.2.7.175) mahiṣoṣṭravarāhaśca khaḍgā gauramukhāstathā / haryyā stu harayaḥ putrā golāṅgūlāstarakṣavaḥ // ### [2.7.176](https://indike.org/pramana/in.purana.brahmanda.2.7.176) vānarāḥ kinnarāścaiva māyuḥ kiṃpuruṣāstathā / siṃhāvyāghrāśca nīlāścadvīpinaḥ krodhitādharāḥ // ### [2.7.177](https://indike.org/pramana/in.purana.brahmanda.2.7.177) sarpāścājagarā grāhā mārjārā mūṣikāḥ pare / maṇḍūkā nakulāścaiva valkakā vanagocarāḥ // ### [2.7.178](https://indike.org/pramana/in.purana.brahmanda.2.7.178) haṃsaṃ tu prathamaṃ jajñe pulahasya varaṃ śubhā / raṇacandraṃ śatamukhaṃ darīmukhamathāpi ca // ### [2.7.179](https://indike.org/pramana/in.purana.brahmanda.2.7.179) haritaṃ harivarmāṇaṃ bhīṣaṇaṃ śubhalakṣaṇam / prathitaṃ mathitaṃ caiva hariṇaṃ lāṅgaliṃ tathā // ### [2.7.180](https://indike.org/pramana/in.purana.brahmanda.2.7.180) śvetāyā jajñire vīrā daśa vānarapuṅgavāḥ / ūrddhvadṛṣṭiḥ kṛtāhāraḥ suvrato vinato budhaḥ // ### [2.7.181](https://indike.org/pramana/in.purana.brahmanda.2.7.181) pārijātaḥ sujātaśca haridāso guṇākaraḥ / kṣemamūrtiśca balavān rājānaḥ sarva eva te // ### [2.7.182](https://indike.org/pramana/in.purana.brahmanda.2.7.182) teṣāṃ putrāśca pautrāśca balavantaḥ suduḥsahāḥ / aśakyāḥ samarejetuṃ devadānavamānavaiḥ // ### [2.7.183](https://indike.org/pramana/in.purana.brahmanda.2.7.183) yakṣabhūtapiśācaiśca rākṣasaiḥ subhujaṅgamaiḥ / nāgniśastraviṣairanyairmṛtyureṣāṃ vidhīyate // ### [2.7.184](https://indike.org/pramana/in.purana.brahmanda.2.7.184) asaṃgagatayaḥ sarve pṛthivyāṃ vyomni caiva hi / pātāle ca jale vāyau hyavināśina eva te // ### [2.7.185](https://indike.org/pramana/in.purana.brahmanda.2.7.185) daśakoṭisahasrāṇi daśārbudaśatāni ca / mahāpadmasahasrāṇi mahāpadmaśatāni ca // ### [2.7.186](https://indike.org/pramana/in.purana.brahmanda.2.7.186) daśārbudāni koṭīnāṃ sahasrāṇāṃ śataṃ śatam / niyutānāṃ sahasrāṇi nikharvāṇāṃ tathai va ca // ### [2.7.187](https://indike.org/pramana/in.purana.brahmanda.2.7.187) daśārbudāni koṭīnāṃ ṣaṣṭikoṭistathaiva ca / arbudānāṃ ca lakṣaṃ tu koṭīśatamathāparam // ### [2.7.188](https://indike.org/pramana/in.purana.brahmanda.2.7.188) daśa padmāni cānyāni mahāpadmāni vai nava / saṃkhyātāni kulīnānāṃ vānarāṇāṃ tarasvinām // ### [2.7.189](https://indike.org/pramana/in.purana.brahmanda.2.7.189) sarve tejasvinaḥ śūrāḥ kāmarūpā mahā balāḥ / divyābharaṇaveṣāśca brahmaṇyāścāhitagnayaḥ // ### [2.7.190](https://indike.org/pramana/in.purana.brahmanda.2.7.190) yaṣṭāraḥ sarvayajñānāṃ sahasraśatadakṣiṇāḥ / mukuṭaiḥ kuṇḍalairhāraiḥ keyūraiḥ samalaṅkṛtāḥ // ### [2.7.191](https://indike.org/pramana/in.purana.brahmanda.2.7.191) vedavedāṅgavidvāṃso nītiśāstravicakṣaṇāḥ / astrāṇāṃ mocane cāpi tathā saṃhārakarmaṇi // ### [2.7.192](https://indike.org/pramana/in.purana.brahmanda.2.7.192) divyamaṃ trapuraskārā divyamantrapuraskṛtāḥ / samarthā balinaḥ śūrāḥ sarvaśastraprahāriṇaḥ // ### [2.7.193](https://indike.org/pramana/in.purana.brahmanda.2.7.193) divyarūpadharāḥ saumyā jarāmaraṇavarjitāḥ / kulānāṃ ca sahasrāṇi daśa teṣāṃ mahātmanām // ### [2.7.194](https://indike.org/pramana/in.purana.brahmanda.2.7.194) caturṣu merupārśveṣu hemakūṭe himāhvaye / nīle śvetanage caiva niṣadhe gandhamādane // ### [2.7.195](https://indike.org/pramana/in.purana.brahmanda.2.7.195) dvīpeṣu saptasu tathā yā guhā te ca parvatāḥ / nilayāsteṣu te proktā viśvakarmakṛtā svayam // ### [2.7.196](https://indike.org/pramana/in.purana.brahmanda.2.7.196) puraiśca vividhākāraiḥ prakāraiśca vibhūṣitāḥ / sarvarturamaṇīyāste hyudyānāni ca sarvaśaḥ // ### [2.7.197](https://indike.org/pramana/in.purana.brahmanda.2.7.197) gṛhabhūmiṣu śayyāsu puṣpagandhasukhoditāḥ / ālepanaiśca vividhairdivyabhaktikṛtaistathā // ### [2.7.198](https://indike.org/pramana/in.purana.brahmanda.2.7.198) sarvaratnasamākīrṇā mānasīṃ siddhimāsthitāḥ / vānarā vānarībhiste divyābharaṇabhūṣitāḥ // ### [2.7.199](https://indike.org/pramana/in.purana.brahmanda.2.7.199) pibanto madhu mādhvīkaṃ sudhābhakṣānumiśritam / kriyāmayāḥ samuditā divi devagaṇā iva // _First 200 of 482 passages. [Read on](https://indike.org/pramana/in.purana.brahmanda.2.7)_ ## Linked texts (4) - [Vāyupurāṇa](https://indike.org/pramana/in.purana.vayu.2.8.50) — Vyāsa, Sanskrit - [Śivapurāṇa (complete text)](https://indike.org/pramana/in.purana.siva*complete-2.5.32.44) — Sanskrit - [Brahmapurāṇa](https://indike.org/pramana/in.purana.brahma.3.99) — Vyāsa, Sanskrit - [Ṭoḍarānanda](https://indike.org/pramana/in.niti.dharma.nibandha.mahanibandha.todarananda.2.166) — Ṭoḍaramalla 1564, Sanskrit --- Source: [https://indike.org/pramana/in.purana.brahmanda.2.7](https://indike.org/pramana/in.purana.brahmanda.2.7) · Pramāṇa