[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmandapurana](https://indike.org/pramana/in.purana.brahmanda) › 2.9 # Brahmandapurana 2.9 Brahmāṇḍapurāṇa 2.9 - **Language:** Sanskrit ## Contents - [2.9.51](https://indike.org/pramana/in.purana.brahmanda.2.9.51) — 1 part - [2.9.76](https://indike.org/pramana/in.purana.brahmanda.2.9.76) — 1 part ### [2.9.1](https://indike.org/pramana/in.purana.brahmanda.2.9.1) ṛṣaya ūcuḥ kathaṃ dvivārāvutpannā bhavānī prāksatī tu yā / āsīddākṣāyaṇī pūrvamumā kathamajāyata // ### [2.9.2](https://indike.org/pramana/in.purana.brahmanda.2.9.2) menāyāṃ pitṛkanyāyāṃ janayañchailarāṭ svayam / ke vai te pitaro nāma yeṣāṃ menā tu mānasī // ### [2.9.3](https://indike.org/pramana/in.purana.brahmanda.2.9.3) mainākaścaiva dohitro dauhitrī ca tathā hyumā / ekaparṇā tathā caiva tathā caivaikapāṭalā // ### [2.9.4](https://indike.org/pramana/in.purana.brahmanda.2.9.4) gaṅgā cāpi saricchreṣṭhā sarvāsāṃ pūrvajā tathā / sarvametatvayoddiṣṭaṃ nirdeśaṃ tasya no vada // ### [2.9.5](https://indike.org/pramana/in.purana.brahmanda.2.9.5) śrotumicchāmi bhadraṃ te śrāddhasya ca vidhiṃ param / putrāśca ke smṛtāsteṣāṃ kathaṃ ca pitarastu te // ### [2.9.6](https://indike.org/pramana/in.purana.brahmanda.2.9.6) kathaṃ vā te samutpannāḥ kiṃnā mānaḥ kimātmakāḥ / svarge vai pitaro hyete devānāmapi devatāḥ // ### [2.9.7](https://indike.org/pramana/in.purana.brahmanda.2.9.7) evaṃ veditumicchāmi pitṝṇāṃ sargamuttamamā / yathā ca dattamasmābhiḥ sārddhaṃ prīṇāti vai pitṝn // ### [2.9.8](https://indike.org/pramana/in.purana.brahmanda.2.9.8) yadarthaṃ te na dṛśyante tatra kiṃ kāraṇaṃ smṛtam / svarge tu ke ca varttante pitaro narake va ke // ### [2.9.9](https://indike.org/pramana/in.purana.brahmanda.2.9.9) abhisaṃbhāṣya pitaraṃ pituśca pitaraṃ tathā / pratitāmahaṃ tathā caiva triṣu piṇḍeṣu nāmataḥ // ### [2.9.10](https://indike.org/pramana/in.purana.brahmanda.2.9.10) nāmnā dattāni śrāddhāni kathaṃ gacchanti vai pitṝn / kathaṃ ca śaktāste dātuṃ narakasthāḥ phalaṃ punaḥ // ### [2.9.11](https://indike.org/pramana/in.purana.brahmanda.2.9.11) ke ca te pitaro nāma kānyajāmo vayaṃ punaḥ / devā api pitṝn svarge yajantīti hi naḥ śrutam // ### [2.9.12](https://indike.org/pramana/in.purana.brahmanda.2.9.12) etadicchāmi vai śrotuṃ vistareṇa bahuśrutam / spaṣṭābhidhāna mapi vai tadbhavānvaktumarhasi // ### [2.9.13](https://indike.org/pramana/in.purana.brahmanda.2.9.13) sūta uvāca atra vo kīrtayiṣyāmi yathāprajñaṃ yathāśrutam / manvantareṣu jāyante pitaro devasūnavaḥ // ### [2.9.14](https://indike.org/pramana/in.purana.brahmanda.2.9.14) atītānāgatāḥ śreṣṭhāḥ kaniṣṭhāḥ kramaśastu vai / devaiḥ sārddhaṃ purātītāḥ pitaro 'nyentareṣu vai // ### [2.9.15](https://indike.org/pramana/in.purana.brahmanda.2.9.15) vartante sāṃprataṃ ce tu tānvai pakṣyāmi niścayāt / śrāddhakriyāṃ manuścaiṣāṃ śrāddhadevaḥ pravarttayet // ### [2.9.16](https://indike.org/pramana/in.purana.brahmanda.2.9.16) devānsṛjata brahmā māṃ yakṣyantīti ca prabhuḥ / tamutsṛjya tadātmānamayajaṃste phalārthinaḥ // ### [2.9.17](https://indike.org/pramana/in.purana.brahmanda.2.9.17) te śaptā brahmaṇā mūḍhā naṣṭasaṃjñā bhaviṣyatha / tasmātkiñcinna jānīta tato lokeṣu muhyata // ### [2.9.18](https://indike.org/pramana/in.purana.brahmanda.2.9.18) te bhūyaḥ praṇatāḥ sarve yācanti sma pitāmaham / anugrahāya lokānāṃ punastānabravītprabhuḥ // ### [2.9.19](https://indike.org/pramana/in.purana.brahmanda.2.9.19) prāyaścittaṃ caradhvaṃ vai vyabhicāro hi vaḥ kṛtaḥ / putrānsvānparipṛcchadhvaṃ tato jñānamavāpsyatha // ### [2.9.20](https://indike.org/pramana/in.purana.brahmanda.2.9.20) tatasta svasutāṃścaiva prayaścittaji ghṛkṣavaḥ / apṛcchansaṃyatātmāno vidhivacca mitho mithaḥ // ### [2.9.21](https://indike.org/pramana/in.purana.brahmanda.2.9.21) tebhyaste niyatātmānaḥ putrāḥ śaṃsuranekadhā / prayaścittāni dharmajñāvāṅmanaḥ karmajāni ca // ### [2.9.22](https://indike.org/pramana/in.purana.brahmanda.2.9.22) te putrānabruvanprītā labdhasaṃjñā divaukasaḥ / yūyaṃ vai pitaro 'smākaṃ yairvayaṃ pratibodhitāḥ // ### [2.9.23](https://indike.org/pramana/in.purana.brahmanda.2.9.23) dharmaṃ jñānaṃ ca vairāgyaṃ ko varo vaḥ pradīyatām / pustānabravīdbrahmā yūyaṃ vai satyavādinaḥ // ### [2.9.24](https://indike.org/pramana/in.purana.brahmanda.2.9.24) tasmādyaduktaṃ yuṣmābhistattathā na tadanyathā / uktaṃ ca pitaro 'smākaṃ ceti vai tanayāḥ svakāḥ // ### [2.9.25](https://indike.org/pramana/in.purana.brahmanda.2.9.25) pitaraste bhaviṣyanti tebhyo 'yaṃ dīyatāṃ varaḥ / tenaiva vacasā te vai brahmaṇaḥ parameṣṭhinaḥ // ### [2.9.26](https://indike.org/pramana/in.purana.brahmanda.2.9.26) putrāḥ pitṛtvamājagmuḥ putratvaṃ pitaraḥ punaḥ / tasmātte pitaraḥ putrāḥ pitṛtvaṃ teṣu tatsmṛtam // ### [2.9.27](https://indike.org/pramana/in.purana.brahmanda.2.9.27) evaṃ smṛtvā pitṝnputrāḥ putrāṃścaiva pitṝṃstathā / vyājahāra punarbrahmā vitṝnātmavivṛddhaye // ### [2.9.28](https://indike.org/pramana/in.purana.brahmanda.2.9.28) yo hya niṣṭānpitṝñśrāddhi kriyāṃ kāñcitakariṣyati / rākṣasā dānavāśbaiva phalaṃ prāpsyanti tasya tat // ### [2.9.29](https://indike.org/pramana/in.purana.brahmanda.2.9.29) śrāddhairāpyāyitāścaiva pitaraḥ somamavyayam / āpyāyamānā yuṣmābhirvarddhayiṣyanti nityaśaḥ // ### [2.9.30](https://indike.org/pramana/in.purana.brahmanda.2.9.30) śrāddhairāpyāyitaḥ somo lokānāpyāyayiṣyati / kṛtsnaṃ saparvatavanaṃ jaṅgamājaṅgamairvṛtam // ### [2.9.31](https://indike.org/pramana/in.purana.brahmanda.2.9.31) śrāddhāni puṣṭikāmāśca ye kariṣyanti mānavāḥ / tebhyaḥ puṣṭiṃ prajāścaiva dāsyanti pitaraḥ sadā // ### [2.9.32](https://indike.org/pramana/in.purana.brahmanda.2.9.32) śrāddhe yebhyaḥ pradāsyanti trīnpiṇḍānnāmagotrataḥ / sarvatra vartamānāste pitaraḥ prapitāmahāḥ // ### [2.9.33](https://indike.org/pramana/in.purana.brahmanda.2.9.33) teṣāmāpyāyayiṣyanti śrāddhadānena vai prajāḥ / evamājñā kṛtā pūrvaṃ brahmaṇā parameṣṭhinā // ### [2.9.34](https://indike.org/pramana/in.purana.brahmanda.2.9.34) tenaitatsarvathā siddhaṃ dānamadhyayanaṃ tapaḥ / te tu jñānapradātāraḥ pitaro vo na saṃśayaḥ // ### [2.9.35](https://indike.org/pramana/in.purana.brahmanda.2.9.35) ityete pitaro devā devāśca pitaraḥ punaḥ / anyonyapitaro hyete devāśca pitaraśca ha // ### [2.9.36](https://indike.org/pramana/in.purana.brahmanda.2.9.36) etadbrahmavacaḥ śrutvā sūtasya viditātmanaḥ / papracchurmunayo bhūyaḥ sūtaṃ tasmādyaduttaram // ### [2.9.37](https://indike.org/pramana/in.purana.brahmanda.2.9.37) ṛṣaya ūcuḥ kiyanto vai munigaṇāḥ kasminkāle ca te gaṇāḥ / pūrve tu devapravarā devānāṃ somavarddhanāḥ // ### [2.9.38](https://indike.org/pramana/in.purana.brahmanda.2.9.38) sūta uvāca etadvo 'haṃ pravakṣyāmi pitṛsargamanuttamam / śaṃyuḥ papraccha yatpūrvaṃ pitaraṃ vai bṛhaspatim // ### [2.9.39](https://indike.org/pramana/in.purana.brahmanda.2.9.39) bṛhaspatimupāsīnaṃ sarvajñānārthakovidam / putraḥ śaṃyurimaṃ praśnaṃ papraccha vinayānvitaḥ // ### [2.9.40](https://indike.org/pramana/in.purana.brahmanda.2.9.40) ka ete pitaro nāma kiyantaḥ ke ca nāmataḥ / samudbhūtāḥ kathaṃ caite pitṛtvaṃ samupāgatāḥ // ### [2.9.41](https://indike.org/pramana/in.purana.brahmanda.2.9.41) kasmācca pitaraḥ pūrvaṃ yajñaṃ puṣṇanti nityaśaḥ / kriyāśca sarvā varttante śrāddhapūrvā mahātmanām // ### [2.9.42](https://indike.org/pramana/in.purana.brahmanda.2.9.42) kasmai śrāddhāni deyāni kiṃ ca datte mahāphalam / keṣu cāpyakṣayaṃ śrāddhaṃ tīrtheṣu ca nadīṣu ca // ### [2.9.43](https://indike.org/pramana/in.purana.brahmanda.2.9.43) keṣu vai sarvamāptoti śrāddhaṃ kṛtvā dvijottamaḥ / kaśca kālo bhavecchrāddhe vidhiḥ kaścānuvarttate // ### [2.9.44](https://indike.org/pramana/in.purana.brahmanda.2.9.44) etadicchāmi bhagavanvistareṇa yathā tathā / vyākhyātamānupūrvyeṇa yatra codāhṛtaṃ mayā // ### [2.9.45](https://indike.org/pramana/in.purana.brahmanda.2.9.45) bṛhaspatiridaṃ samyagevaṃ pṛṣṭo mahāmatiḥ / vyājahārānupūrvyeṇa praśnaṃ praśnavidāṃ varaḥ // ### [2.9.46](https://indike.org/pramana/in.purana.brahmanda.2.9.46) bṛhaspatiruvāca katha yiṣyāmi te tāta yanmāṃ tvaṃ paripṛcchasi / vinayena yathānyāyaṃ gambhīraṃ praśnamuttamam // ### [2.9.47](https://indike.org/pramana/in.purana.brahmanda.2.9.47) dyauraṃrikṣaṃ pṛthivī nakṣatrāṇi diśasta thā / sūryācandramasau caiva tathāhorātrameva ca // ### [2.9.48](https://indike.org/pramana/in.purana.brahmanda.2.9.48) na babhūvustadā tāta tamobhūtamabhūjjagat / brahmaiko duścaraṃ tatra tatāpa paramaṃ tapaḥ // ### [2.9.49](https://indike.org/pramana/in.purana.brahmanda.2.9.49) śaṃyustamabravīdbhūyaḥ pitaraṃ brahmavittamam / sarvavedavratasnātaḥ sarvajñānavidāṃ varaḥ / kīdṛśaṃ sarvabhūteśastapastepe prajā patiḥ // ### [2.9.50](https://indike.org/pramana/in.purana.brahmanda.2.9.50) bṛhaspatiruvāca sarveṣāṃ tapasāṃ yattattapo yogamanuttamam / dhyāyaṃstadā sa bhagavāṃstena lokānavāsṛjat // ### [2.9.51](https://indike.org/pramana/in.purana.brahmanda.2.9.51) jñānāni bhūtabhavyāni lokā vedāśca sarvaśaḥ / yogāmṛtāstadā sṛṣṭā brahmaṇā lokacakṣuṣā // ### [2.9.51.p1](https://indike.org/pramana/in.purana.brahmanda.2.9.51.p1) lokāḥ saṃtānakā nāma yatra tiṣṭhanti bhāsvarāḥ / vairājā iti vikhyātā devānāṃ divi devatā/ // 52// ### [2.9.53](https://indike.org/pramana/in.purana.brahmanda.2.9.53) yogena tapasā yuktaḥ pūrvameva tadā prabhuḥ / devānasṛjata brahmā yogayuktānsanātanān // ### [2.9.54](https://indike.org/pramana/in.purana.brahmanda.2.9.54) ādidevā iti khyātā mahāsattvā mahaujasaḥ / sarvakāmapradāḥ pūjyā devādānavamānavaiḥ // ### [2.9.55](https://indike.org/pramana/in.purana.brahmanda.2.9.55) teṣāṃ sapta samākhyātā gaṇāstrailokyapūjitāḥ / amūrttayastrayasteṣāṃ catvārastu samūrttayaḥ // ### [2.9.56](https://indike.org/pramana/in.purana.brahmanda.2.9.56) upariṣṭāt trayasteṣāṃ varttante bhāvamūrttayaḥ / teṣāmadhastādvarttante catvāraḥ sūkṣmamūrttayaḥ // ### [2.9.57](https://indike.org/pramana/in.purana.brahmanda.2.9.57) tato devāstato bhūmireṣā lokaparaṃparā / loke varṣanti te hyasmiṃstebhyaḥ parjanyasaṃbhavaḥ // ### [2.9.58](https://indike.org/pramana/in.purana.brahmanda.2.9.58) annaṃ bhavati vai vṛṣṭyā lokānāṃ saṃbhavastataḥ / āpyāyayanti te yasmātsomaṃ cānnaṃ ca yogataḥ // ### [2.9.59](https://indike.org/pramana/in.purana.brahmanda.2.9.59) ūcustānvai pitṝṃsta smāllokānāṃ lokasattamāḥ / manojavāḥ svadhābhakṣyaḥ sarvakāmapariṣkṛtāḥ // ### [2.9.60](https://indike.org/pramana/in.purana.brahmanda.2.9.60) lobhamohabhayopetā niścintāḥ śoka varjitāḥ / ete yogaṃ parityajya prāptā lokānsudarśanān // ### [2.9.61](https://indike.org/pramana/in.purana.brahmanda.2.9.61) divyāḥ puṇyā vipāpmāno mahātmāno bhavantyuta / tato yugasahasrānte jāyante brahmavādinaḥ // ### [2.9.62](https://indike.org/pramana/in.purana.brahmanda.2.9.62) pratilabhya punaryogaṃ mokṣaṃ gacchantyamūrttayaḥ / vyaktāvyaktaṃ parityajya mahāyogabalena ca // ### [2.9.63](https://indike.org/pramana/in.purana.brahmanda.2.9.63) naśyantyulkeva gagane kṣaṇadvidyutprabheva ca / utsṛjya dehajālāni mahāyogabalena ca // ### [2.9.64](https://indike.org/pramana/in.purana.brahmanda.2.9.64) nirākhyopāsyatā yānti saritaṃ sāgaraṃ yathā / kriyayā gurupūjābhiryāgaṃ kurvanti yatnataḥ // ### [2.9.65](https://indike.org/pramana/in.purana.brahmanda.2.9.65) śrāddhe prītāstataḥ somaṃ pitaro yogamāsthitāḥ / āpyāyayanti yogena trailokyaṃ yena jīvati // ### [2.9.66](https://indike.org/pramana/in.purana.brahmanda.2.9.66) tasmācchrāddhāni deyāni yogānāṃ yatnataḥ sadā / pitṝṇāṃ hi balaṃ yogo yogātsomaḥ pravarttate // ### [2.9.67](https://indike.org/pramana/in.purana.brahmanda.2.9.67) sahasraśataviprānvai bhojayedyāvadāgatān / ekastānapi mantrajñaḥ sarvānarhati tacchṛṇu // ### [2.9.68](https://indike.org/pramana/in.purana.brahmanda.2.9.68) etāneva ca mantrajñānbhojayedyaḥ samāgatān / ekastānsnātakaḥ pritaḥ sarvānarhati tacchṛṇu // ### [2.9.69](https://indike.org/pramana/in.purana.brahmanda.2.9.69) mantrajñānāṃ sahasreṇa snātakānāṃ śatena ca / yogācāryeṇa yadbhuktaṃ trāyate mahāto bhayāt // ### [2.9.70](https://indike.org/pramana/in.purana.brahmanda.2.9.70) gṛhasthānāṃ sahasreṇa vānaprasthaśatena ca / brahmacārisahasreṇa yoga eva viśiṣyate // ### [2.9.71](https://indike.org/pramana/in.purana.brahmanda.2.9.71) nāstiko vāpyadharmo vā saṃkīrmastaskaro 'pi vā / nānyatra tāraṇaṃ dānaṃ yogeṣvāha prajāpatiḥ // ### [2.9.72](https://indike.org/pramana/in.purana.brahmanda.2.9.72) pitarastasya tuṣyanti suvṛṣṭenaiva karṣakāḥ / putro vāpyatha vā pautro dhyāninaṃ bhojayiṣyati // ### [2.9.73](https://indike.org/pramana/in.purana.brahmanda.2.9.73) alābhe dhyānaniṣṭhānāṃ bhojayedbrahmacāriṇam / tadalābhe udasīnaṃ gūhasthamapi bhojayet // ### [2.9.74](https://indike.org/pramana/in.purana.brahmanda.2.9.74) yastiṣṭhedekapādena vāyubhakṣaḥ śataṃ samāḥ / dhyānayogī parastasmāditi brahmānuśāsanam // ### [2.9.75](https://indike.org/pramana/in.purana.brahmanda.2.9.75) ādya eṣa gaṇaḥ proktaḥ pitṝṇāmamitaujasām / bhāvayansarvalokānvai sthita eṣa gaṇaḥ sadā // ### [2.9.76](https://indike.org/pramana/in.purana.brahmanda.2.9.76) ata ūrdhvaṃ pravakṣyāmi sarvānapi gaṇānpunaḥ / saṃtatiṃ saṃsthitiṃ caiva bhāvanāṃ ca yathākramam // ### [2.9.76.p1](https://indike.org/pramana/in.purana.brahmanda.2.9.76.p1) eti śrībrahmāṇḍe mahāpurāṇe vāyuprokte madhyabhāge tṛtīya upoddhātapāde pitṛkalpo nāma navamo 'dhyāyaḥ // 9// ## Linked texts (2) - [Vāyupurāṇa](https://indike.org/pramana/in.purana.vayu.2.10.3) — Vyāsa, Sanskrit - [Critical edition (BORI)](https://indike.org/pramana/in.lit.mahabharata.harivamsa*crit.11.12) — Sanskrit --- Source: [https://indike.org/pramana/in.purana.brahmanda.2.9](https://indike.org/pramana/in.purana.brahmanda.2.9) · Pramāṇa