[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmandapurana](https://indike.org/pramana/in.purana.brahmanda) › 3.1 # Brahmandapurana 3.1 Brahmāṇḍapurāṇa 3.1 - **Language:** Sanskrit ## Contents - [3.1.243](https://indike.org/pramana/in.purana.brahmanda.3.1.243) — 1 part ### [3.1.1](https://indike.org/pramana/in.purana.brahmanda.3.1.1) śrutvā pādaṃ tṛtīyaṃ tu krāntaṃ sūtena dhīmatā / tataścaturthaṃ papracchuḥ pādaṃ vai ṛṣisattamāḥ // ### [3.1.2](https://indike.org/pramana/in.purana.brahmanda.3.1.2) pādaḥ krāntastṛtīyo 'yamanuṣaṅgeṇa nastvayā / caturthaṃ vistarātpādaṃ saṃhāraṃ pārikīrttaya // ### [3.1.3](https://indike.org/pramana/in.purana.brahmanda.3.1.3) manvantarāṇi sarvāṇi pūrvāṇyevāparaiḥ saha / saptarṣīṇāmathaiteṣāṃ sāṃpratasyāntare manoḥ // ### [3.1.4](https://indike.org/pramana/in.purana.brahmanda.3.1.4) vistarāvayavaṃ caiva nisargasya mahātmanaḥ / vistareṇānupūrvyā ca sarvameva bravīhi naḥ // ### [3.1.5](https://indike.org/pramana/in.purana.brahmanda.3.1.5) sūta uvāca bhavatāṃ kathayiṣyāmi sarvametadyathātatham / pādaṃ tvimaṃ sasaṃhāraṃ caturthaṃ munisattamāḥ // ### [3.1.6](https://indike.org/pramana/in.purana.brahmanda.3.1.6) manorvaivasvatasyemaṃ sāṃpratasya mahātmaṃnaḥ / vistareṇānupūrvyā ca nisargaṃ śṛṇuta dvijāḥ // ### [3.1.7](https://indike.org/pramana/in.purana.brahmanda.3.1.7) manvantarāṇāṃ saṃkṣepaṃ bhaviṣyaiḥ saha saptabhiḥ / pralayaṃ caiva lokānāṃ bruvato me nibodhata // ### [3.1.8](https://indike.org/pramana/in.purana.brahmanda.3.1.8) etānyuktāni vai samyaksaptasaptasu vai prajāḥ / manvantarāṇi saṃkṣepācchṛṇutā nāgatāni me // ### [3.1.9](https://indike.org/pramana/in.purana.brahmanda.3.1.9) sāvarṇasya pravakṣyāmi manorvaivasvatasya ha / bhaviṣyasya bhaviṣyaṃ tu samāsāttannibodhata // ### [3.1.10](https://indike.org/pramana/in.purana.brahmanda.3.1.10) anāgatāśca saptaiva smṛtāstviha maharṣayaḥ / kauśiko gālavaścaiva jāmadagnyaśca bhārgavaḥ // ### [3.1.11](https://indike.org/pramana/in.purana.brahmanda.3.1.11) dvaipāyano vaśiṣṭaśca kṛpaḥ śāradvatastathā / ātreyo dīptimāṃścaiva ṛṣayaśṛṅgastu kāśyapaḥ // ### [3.1.12](https://indike.org/pramana/in.purana.brahmanda.3.1.12) bharadvājastathā drauṇiraśvatthāmā mahāyaśāḥ / ete sapta mahātmāno bhaviṣyāḥ paramarṣayaḥ / sutapāścāmitābhāśca sukhāścaiva gaṇāstrayaḥ // ### [3.1.13](https://indike.org/pramana/in.purana.brahmanda.3.1.13) teṣāṃ gaṇastu devānāmekaiko viṃśakaḥ smṛtaḥ / nāmatastu pravakṣyāmi nibodhadhvaṃ samāhitāḥ // ### [3.1.14](https://indike.org/pramana/in.purana.brahmanda.3.1.14) ṛtustapaśca śukraśca kṛtirnemiḥ prabhākaraḥ / prabhāso māsakṛddharmastejoraśmiḥ kraturvirāṭ // ### [3.1.15](https://indike.org/pramana/in.purana.brahmanda.3.1.15) arciṣmān dyotano bhānuryaśaḥ kīrttirbudho dhṛtiḥ // ### [3.1.16](https://indike.org/pramana/in.purana.brahmanda.3.1.16) viṃśatiḥ sutapā hyete nāmabhiḥ parikīrttitāḥ / prabhurvibhurvibhāsaśca jetā hantā rihā ṛtuḥ // ### [3.1.17](https://indike.org/pramana/in.purana.brahmanda.3.1.17) sumatiḥ pramatirdīptiḥ samākhyāto maho mahān / dehī munirinaḥ poṣṭā samaḥ satyaśca viśrutaḥ // ### [3.1.18](https://indike.org/pramana/in.purana.brahmanda.3.1.18) ityetehyamitābhāstu viṃśatiḥ parikīrttitāḥ / dāmo dānī ṛtaḥ somo vittaṃ vaidyo yamo nidhiḥ // ### [3.1.19](https://indike.org/pramana/in.purana.brahmanda.3.1.19) homo havyaṃ hutaṃ dānaṃ deyaṃ dātā tapaḥ śamaḥ / dhruvaṃ sthānaṃ vidhānaṃ ca niyamaśceti viṃśatiḥ // ### [3.1.20](https://indike.org/pramana/in.purana.brahmanda.3.1.20) sukhā hyete samākhyātāḥ sāvarṇye pratharmetare / mārīcasyaiva te putrāḥ kaśyapasya mahātmanaḥ // ### [3.1.21](https://indike.org/pramana/in.purana.brahmanda.3.1.21) sāṃpratasya bhaviṣyanti ṣaṣṭirdevāstadantare / sāvarṇasya manoḥ putrā bhaviṣyanti navaiva tu // ### [3.1.22](https://indike.org/pramana/in.purana.brahmanda.3.1.22) virajāścārvarīvāṃśca nirmokādyāstathā pare / nava cānyeṣu vakṣyāmi sāvarṇeṣvantareṣu vai // ### [3.1.23](https://indike.org/pramana/in.purana.brahmanda.3.1.23) sāvarṇamanavaścānye bhaviṣyā brahmaṇaḥ sutāḥ / merusāvarṇitaste vai catvāro divyadṛṣṭayaḥ // ### [3.1.24](https://indike.org/pramana/in.purana.brahmanda.3.1.24) dakṣasya te hi vauhitrāḥ kriyāyā duhituḥ sutāḥ / mahatā tapasā yuktā merupṛṣṭhe mahau jasaḥ // ### [3.1.25](https://indike.org/pramana/in.purana.brahmanda.3.1.25) brahmādibhistejanitā dakṣeṇaiva ca dhīmatā / maharlokaṃ gatā vṛttā bhaviṣyā merumāśritāḥ // ### [3.1.26](https://indike.org/pramana/in.purana.brahmanda.3.1.26) mahānubhāvāste pūrvaṃ jajñire cākṣuṣentare / jajñire manavaste hi bhaviṣyānāgatāntare // ### [3.1.27](https://indike.org/pramana/in.purana.brahmanda.3.1.27) prācetasasya dakṣasya dauhitrā manavastu ye / sāvarṇā nāmataḥ pañca catvāraḥ paramarṣijāḥ // ### [3.1.28](https://indike.org/pramana/in.purana.brahmanda.3.1.28) saṃjñāputrastu sāvarṇireko vaivasvatastathā / jyeṣṭhaḥ saṃjñāsuto nāma murvaivasvataḥ prabhuḥ // ### [3.1.29](https://indike.org/pramana/in.purana.brahmanda.3.1.29) vaivasvateṃ'tare prāpte samutpattistayoḥ śubhā / caturdaśaite manavaḥ kīrtitā kīrtivarddhanāḥ // ### [3.1.30](https://indike.org/pramana/in.purana.brahmanda.3.1.30) vede smṛtau purāṇe ca sarve te prabhaviṣṇavaḥ / prajānāṃ patayaḥ sarve bhūtānāṃ patayaḥ sthitāḥ // ### [3.1.31](https://indike.org/pramana/in.purana.brahmanda.3.1.31) tairiyaṃ pṛthivī sarvā saptadvīpā sapattanā / pūrṇaṃ yugasahasraṃ vai paripālyā nareśvaraiḥ // ### [3.1.32](https://indike.org/pramana/in.purana.brahmanda.3.1.32) prajābhistapasā caiva vistarasteṣu vakṣyate / caturddaśaite vijñeyāḥ sargāḥ svāyaṃbhuvādayaḥ // ### [3.1.33](https://indike.org/pramana/in.purana.brahmanda.3.1.33) manvantarādhikāreṣu varttante 'tra sakṛtsakṛt / vinivṛttādhikārāste mahārlokaṃ samāśritāḥ // ### [3.1.34](https://indike.org/pramana/in.purana.brahmanda.3.1.34) samatītāstu ye teṣāmaṣṭau ṣaṭ ca tathāpare / pūrveṣu sāṃprataścāyaṃ śāsti vaivasvataḥ prabhuḥ // ### [3.1.35](https://indike.org/pramana/in.purana.brahmanda.3.1.35) ye śiṣṭāstānpravakṣyāmi saha devarṣidānavaiḥ / saha prajā nisargeṇa sarvāṃste 'nāgatāndvijaḥ // ### [3.1.36](https://indike.org/pramana/in.purana.brahmanda.3.1.36) vaivasvata nisargeṇa teṣāṃ jñeyastu vistaraḥ / anūnā nātiriktāste yasmātmarve vivasvataḥ // ### [3.1.37](https://indike.org/pramana/in.purana.brahmanda.3.1.37) punaruktabahutvāttu na vakṣye teṣu vistaram / manvantareṣu bhāvyeṣu bhūteṣvapi tathaiva ca // ### [3.1.38](https://indike.org/pramana/in.purana.brahmanda.3.1.38) kulekule nisargāstu tasmājjñeyā vibhāgaśaḥ / teṣāmeva hi siddhyarthaṃ vistareṇa krameṇa ca // ### [3.1.39](https://indike.org/pramana/in.purana.brahmanda.3.1.39) dakṣasya kanyā dharmiṣṭhā suvratā nāma viśrutā / sarvakanyāvariṣṭhā tu jyeṣṭhā yā vīriṇīsutā // ### [3.1.40](https://indike.org/pramana/in.purana.brahmanda.3.1.40) gṛhītvā tāṃ pitā kanyāṃ jagāma brahmaṇo 'tike / vairājasthamupāsīnaṃ dharmeṇa ca bhavena ca // ### [3.1.41](https://indike.org/pramana/in.purana.brahmanda.3.1.41) bhavadharmasamīpasthaṃ dakṣaṃ brahmābhyabhāṣata / dakṣa kanyā taveyaṃ vai janayiṣyati suvratā // ### [3.1.42](https://indike.org/pramana/in.purana.brahmanda.3.1.42) caturo vai manūnputrāṃścāturvarṇyakarāñchubhān / brahmaṇo vacanaṃ śrutvā dakṣo dharmo bhavastadā // ### [3.1.43](https://indike.org/pramana/in.purana.brahmanda.3.1.43) tāṃ kanyāṃ manasā jagmustrayaste brahmaṇā saha / satyābhidhyāyināṃ teṣāṃ sadyaḥ kanyā vyajāyata // ### [3.1.44](https://indike.org/pramana/in.purana.brahmanda.3.1.44) sadṛśānūpatasteṣāṃ caturo vai kumārakān / saṃsiddhāḥ kāryakaraṇe saṃbhūtāste śriyānvitāḥ // ### [3.1.45](https://indike.org/pramana/in.purana.brahmanda.3.1.45) upabhogāsamarthaiśca sadyojātaiḥ śarīrakaiḥ / te dṛṣṭvā tānsvayaṃbhūtānbrahmavyāhāriṇastadā // ### [3.1.46](https://indike.org/pramana/in.purana.brahmanda.3.1.46) saraṃbdhā vai vyakarṣanta mama putro mametyuta / abhidhyāyātmanotpannānūcurvai te parasparam // ### [3.1.47](https://indike.org/pramana/in.purana.brahmanda.3.1.47) yo yasya vapuṣā tulyo bhajatāṃ satataṃ sutam / yasya yaḥ sadṛśaścāpi rūpe vīrye ca mānataḥ // ### [3.1.48](https://indike.org/pramana/in.purana.brahmanda.3.1.48) taṃ gṛhṇātu sa bhadraṃ vo varṇato yasya yaḥ samaḥ / dhruvaṃ rūpaṃ pituḥ putraḥ so 'nurudhyati sarvadā // ### [3.1.49](https://indike.org/pramana/in.purana.brahmanda.3.1.49) tasmādātmasamaḥ putraḥ piturmātuśca vīryataḥ / evaṃ te samayaṃ kṛtvā sarveṣāṃ jagṛhaḥ sutān // ### [3.1.50](https://indike.org/pramana/in.purana.brahmanda.3.1.50) cākṣuṣasyāntare 'tīte prāpte vaivasvatasya ha / ruceḥ prajāpateḥ putro raucyo nāmābhavatsutaḥ // ### [3.1.51](https://indike.org/pramana/in.purana.brahmanda.3.1.51) bhūtyāmutpādito yastu bhautyo nāma kaveḥ sutaḥ / vaivasvateṃ'tare jātau dvau manū tu vivasvataḥ // ### [3.1.52](https://indike.org/pramana/in.purana.brahmanda.3.1.52) vaivasvato manuryaśca sāvarṇo yaśca vai śrutaḥ / jñeyaḥ saṃjñāsuto vidvānmanurvaivasvataḥ prabhuḥ // ### [3.1.53](https://indike.org/pramana/in.purana.brahmanda.3.1.53) savarṇāyāḥ sutaścānyaḥ smṛto vaivasvato manuḥ / sāvarṇama navo ye ca catvārastu maharṣijāḥ // ### [3.1.54](https://indike.org/pramana/in.purana.brahmanda.3.1.54) tapasā saṃbhṛtātmānaḥ sveṣu manvantareṣu vai / bhaviṣyeṣu bhaviṣyanti sarvakāryārthasādhakāḥ // ### [3.1.55](https://indike.org/pramana/in.purana.brahmanda.3.1.55) prathame merusāvarṇedakṣaputrasya vai manoḥ / parāmarīcigarbhāśca sudharmāṇaśca te trayaḥ / saṃbhūtāśca mahātmānaḥ sarve vaivasvatentare // ### [3.1.56](https://indike.org/pramana/in.purana.brahmanda.3.1.56) dakṣaputrasya putrāste rohitasya prajāpateḥ / bhaviṣyanti bhaviṣyāstu ekaiko dvādaśo gaṇaḥ // ### [3.1.57](https://indike.org/pramana/in.purana.brahmanda.3.1.57) aiśvaraśca graho rāhurvākurvaṃśastathaiva ca / pārā dvādaśa vijñeyā uttarāṃstu nibodhata // ### [3.1.58](https://indike.org/pramana/in.purana.brahmanda.3.1.58) vājipo vājijiccaiva prabhūtiśca kakudyatha / dadhikrāvā vipakvaśca praṇīto vijayo madhuḥ // ### [3.1.59](https://indike.org/pramana/in.purana.brahmanda.3.1.59) utathyottamakau dvau tu dvādaśaite marīcayaḥ / sudharmāṇastu vakṣyāmi nāmatastānnibodhata // ### [3.1.60](https://indike.org/pramana/in.purana.brahmanda.3.1.60) varṇastathāthagarviśca bhuraṇyo vrajano 'mitaḥ / amito dravaketuśca jaṃbho 'thājastu śakrakaḥ // ### [3.1.61](https://indike.org/pramana/in.purana.brahmanda.3.1.61) sunemirdyutayaścaiva sudharmāṇaḥ prakīrtitāḥ / teṣāmindrastadā bhāvyo hyadbhuto nāma nāmataḥ // ### [3.1.62](https://indike.org/pramana/in.purana.brahmanda.3.1.62) skando 'sau pārvatīyo vai kārtikeyastu pāvakiḥ / medhātithiśca paulastyo vasuḥ kāśyapa evaṃ ca // ### [3.1.63](https://indike.org/pramana/in.purana.brahmanda.3.1.63) jyotiṣmānbhārgavāścaiva dyutimānaṅgirāstathā / vasinaścaiva vāsiṣṭha ātreyo havyavāhanaḥ // ### [3.1.64](https://indike.org/pramana/in.purana.brahmanda.3.1.64) sutapāḥ paulahaścaiva saptaite rohitetare / dhṛtiketurdīptiketuḥ śāpahastanirāmayāḥ // ### [3.1.65](https://indike.org/pramana/in.purana.brahmanda.3.1.65) pṛthuśravāstathānīko bhūridyumno bṛhadyaśaḥ / prathamasya tu sāvarṇernava putrāḥ prakīrtitāḥ // ### [3.1.66](https://indike.org/pramana/in.purana.brahmanda.3.1.66) daśame tvatha paryāye dharmaputrasya vai manoḥ / dvītīyasya tu sāvarṇerbhāvyasyaivāntare manoḥ // ### [3.1.67](https://indike.org/pramana/in.purana.brahmanda.3.1.67) sudhāmāno viruddhāśca dvāveva tu gaṇau smṛtau / dīptimantaśca te sarve śatasaṃkhyāśca te samāḥ // ### [3.1.68](https://indike.org/pramana/in.purana.brahmanda.3.1.68) prāṇānāṃ yacchataṃ proktaṃ ṛṣibhiḥ puraṣeti vai / devāste vai bhaviṣyanti dharmaputrasya vai manoḥ // ### [3.1.69](https://indike.org/pramana/in.purana.brahmanda.3.1.69) teṣāmindrastathā vidvānbhaviṣyaḥ śāntirucyate / haviṣmānpaulahaḥ śrīmānsukīrtiścātha bhārgavaḥ // ### [3.1.70](https://indike.org/pramana/in.purana.brahmanda.3.1.70) āpomūrtistathātreyo vasiṣṭhaścāpavaḥ smṛtaḥ / paulastyo 'pratimaścāpi nābhāgaścaiva kāśyapaḥ // ### [3.1.71](https://indike.org/pramana/in.purana.brahmanda.3.1.71) abhimanyuścāṅgirasaḥ saptaite paramarṣayaḥ / sukṣetraścottamaujāśca bhūrisenaśca vīryavān // ### [3.1.72](https://indike.org/pramana/in.purana.brahmanda.3.1.72) śatānīko nirāmitro vṛṣaseno jayadrathaḥ / bhūridyumnaḥ suvarcāśca daśaitemānavāḥ smṛtāḥ // ### [3.1.73](https://indike.org/pramana/in.purana.brahmanda.3.1.73) ekādaśe tu paryāye sāvarṇe vai tṛtīyake / nirvāṇaratayo devāḥ kāmagā vai manojavāḥ // ### [3.1.74](https://indike.org/pramana/in.purana.brahmanda.3.1.74) gaṇāstvete trayaḥ khyātā devātānāṃ mahātmanām / ekaikastriṃśatasteṣāṃ gaṇastu tridivaukasām // ### [3.1.75](https://indike.org/pramana/in.purana.brahmanda.3.1.75) māsasyāhāni triṃśattu yāni vai kavayo viduḥ / nirvāṇaratayo devā rātrayastu vihaṅgamāḥ // ### [3.1.76](https://indike.org/pramana/in.purana.brahmanda.3.1.76) gaṇastṛtīyo yaḥ prokte devatānāṃ bhaviṣyati / manojavā mūrūrttāstu iti devāḥ prakīrtitāḥ // ### [3.1.77](https://indike.org/pramana/in.purana.brahmanda.3.1.77) ete hi brahmaṇaḥ putrā bhaviṣyā mānavāḥ smṛtāḥ / teṣāmidro vṛṣā nāma bhaviṣyaḥ surarāṭ tataḥ // ### [3.1.78](https://indike.org/pramana/in.purana.brahmanda.3.1.78) teṣāṃ saptaṛṣīṃścāpi kīrtyamānānnivaudhata / haviṣmānkāśyapaścāpi vapuṣmāṃścaiva bhārgavaḥ // ### [3.1.79](https://indike.org/pramana/in.purana.brahmanda.3.1.79) āruṇiśca tathātreyo vasiṣṭho naga eva ca / puṣṭirāṅgiraso jñeyaḥ paulastyo niścarastathā // ### [3.1.80](https://indike.org/pramana/in.purana.brahmanda.3.1.80) paulaho hyatitejaśca devā hyekādaśentare / sarvavegaḥ sudharmā ca devānīkaḥ purovahaḥ // ### [3.1.81](https://indike.org/pramana/in.purana.brahmanda.3.1.81) kṣemadharmā graheṣuśca ādarśaḥ paiṇḍrako maruḥ / sāvarṇasya tu te putrāḥ prājāpatyasya vai nava // ### [3.1.82](https://indike.org/pramana/in.purana.brahmanda.3.1.82) dvādaśe tvatha paryāye rudraputrasya vai manoḥ / caturtho rudrasāvarṇo devāṃstasyāntare śṛṇu // ### [3.1.83](https://indike.org/pramana/in.purana.brahmanda.3.1.83) pañcaiva tugaṇāḥ proktā devatānāmanāgatāḥ / haritā rohitāścaiva devāḥ sumanasastathā // ### [3.1.84](https://indike.org/pramana/in.purana.brahmanda.3.1.84) sukarmāṇaḥ sutaraśca vidvāṃścaiva sahasradaḥ / parvato 'nu caraścaiva apāśuśca manojavaḥ // ### [3.1.85](https://indike.org/pramana/in.purana.brahmanda.3.1.85) ūrjā svāhā svadhā tārā daśete haritāḥ smṛtāḥ / tapo jñānī mṛtiścaiva varcā bandhuśca yaḥ smṛtaḥ // ### [3.1.86](https://indike.org/pramana/in.purana.brahmanda.3.1.86) rajaścaiva tu rājaśca svarṇapādastathaiva ca / puṣṭirvidhiśca vai devā daśaite rohitāḥ smṛtāḥ // ### [3.1.87](https://indike.org/pramana/in.purana.brahmanda.3.1.87) tuṣtādyāstu ye devāstraya striṃśatprakīrtitāḥ / te vai sumanaso vedyānnibodhata sukarmaṇaḥ // ### [3.1.88](https://indike.org/pramana/in.purana.brahmanda.3.1.88) suparvā vṛṣabhaḥ pṛṣṭā kapidyumnavipaścitaḥ / vikramaśca kramaścaiva vibhṛtaḥ kānta eva ca // ### [3.1.89](https://indike.org/pramana/in.purana.brahmanda.3.1.89) ete devāḥ sukarmāṇaḥ sutarāṃśca nibodhata / varṣo divyastathāñjiṣṭho varcasvī dyutimānkaviḥ // ### [3.1.90](https://indike.org/pramana/in.purana.brahmanda.3.1.90) śubho haviḥ kṛtaprāptirvyāpṛto daśamastathā / sutārā nāmatastvete devā vai saṃprakīrtitāḥ // ### [3.1.91](https://indike.org/pramana/in.purana.brahmanda.3.1.91) teṣāmindrastu vijñeyo ṛtadhāmā mahāyaśāḥ / dyutirvasiṣṭhaputrastu ātreyaḥ sutapāstathā // ### [3.1.92](https://indike.org/pramana/in.purana.brahmanda.3.1.92) tapomūrtistvāṅgirasastapasvī kāśyapastathā / tapodhanaśca paulastyaḥ paulahaśca taporatiḥ // ### [3.1.93](https://indike.org/pramana/in.purana.brahmanda.3.1.93) bhārgavaḥ saptamasteṣāṃ vijñeyastu tapodhṛtiḥ / ete saptarṣayaḥ siddhā antye sāvarṇikeṃ'tare // ### [3.1.94](https://indike.org/pramana/in.purana.brahmanda.3.1.94) devavānupadevaśca devaśreṣṭho vidūrathaḥ / mitravān mitraseno 'tha citraseno hyamitrahā // ### [3.1.95](https://indike.org/pramana/in.purana.brahmanda.3.1.95) mitrabāhuḥ suvarcāśca dvādaśasya manoḥ sutāḥ / trayodaśetu paryāye bhāvye raucyentare punaḥ // ### [3.1.96](https://indike.org/pramana/in.purana.brahmanda.3.1.96) traya eva gaṇāḥ proktā devānāṃ tu svayaṃbhuvā / brahmaṇo mānasāḥ putrāste hi sarve mahātmanaḥ // ### [3.1.97](https://indike.org/pramana/in.purana.brahmanda.3.1.97) sutrāmāṇaḥ sudharmāṇaḥ sukarmāṇaśca te trayaḥ / tridaśānāṃ gaṇāḥ proktā bhaviṣyāḥ somapāyinām // ### [3.1.98](https://indike.org/pramana/in.purana.brahmanda.3.1.98) trayastriśaddevatā yāḥ pṛthagijyāstu yājñikaiḥ / ājyena pṛṣadājyena grahaśreṣṭena caiva ha // ### [3.1.99](https://indike.org/pramana/in.purana.brahmanda.3.1.99) ye vai devāstrayastriṃśatpṛthaktvena nibodhata / sutrāmāṇaḥ prayājyāstu ājyāśā ye tu sāṃpratam // ### [3.1.100](https://indike.org/pramana/in.purana.brahmanda.3.1.100) sukarmāṇo 'nuyājyākhyāḥ pṛṣadājyāśinastu ye / upayājyāḥ sudharmāṇa iti devāḥ prakīrttitāḥ // ### [3.1.101](https://indike.org/pramana/in.purana.brahmanda.3.1.101) divaspatirmahāsatvasteṣāmindro bhaviṣyati / pulahātmajaputrāste vijñeyāstu ruceḥ sutāḥ // ### [3.1.102](https://indike.org/pramana/in.purana.brahmanda.3.1.102) aṅgirāścaiva dhṛtimān paulastyo 'pyavyayastu saḥ / paulahastattvadarśī cha bhārgavaśca nirupsukaḥ // ### [3.1.103](https://indike.org/pramana/in.purana.brahmanda.3.1.103) niṣprakaṃpyastathātreyo nirmohaḥ kāśyapastathā / sutapāścaiva vāsiṣṭhaḥ saptaite tu trayodaśa // ### [3.1.104](https://indike.org/pramana/in.purana.brahmanda.3.1.104) citraseno vicitraśca nayo dharmo dhṛto bhavaḥ / anekaḥ kṣatraviddhaśca suraso nirbhayo daśa // ### [3.1.105](https://indike.org/pramana/in.purana.brahmanda.3.1.105) raucyasyaite manoḥ putrā hyantare tu trayodaśe / caturdaśe tu paryāye bhautyasyāpyantare manoḥ // ### [3.1.106](https://indike.org/pramana/in.purana.brahmanda.3.1.106) devatānāṃ gaṇāḥ pañca proktā ye tu bhaviṣyati / cākṣuṣāśca pavitrāśca kaniṣṭhā bhrājitāstathā // ### [3.1.107](https://indike.org/pramana/in.purana.brahmanda.3.1.107) vācāvṛddhāśca ityete pañca devagaṇāḥ smṛtāḥ / niṣādādyāḥ svarāḥ sapta sapta tānviddhi cākṣuṣān // ### [3.1.108](https://indike.org/pramana/in.purana.brahmanda.3.1.108) bṛhadādyāni sāmāni kaniṣṭhānsapta tānviduḥ / sapta lokāḥ pavitrāste bhrājitāḥ saptasiṃdhavaḥ // ### [3.1.109](https://indike.org/pramana/in.purana.brahmanda.3.1.109) vācāvṛddhānṛṣīnviddhi manoḥ svāyabhuvasya ye / sarve manvantaredrāśca vijñeyāstulyalakṣaṇāḥ // ### [3.1.110](https://indike.org/pramana/in.purana.brahmanda.3.1.110) tejasā tapasā vuddhyā balaśrutaparākramaiḥ / trailokye yāni sattvāni gatimanti dhruvāṇi ca // ### [3.1.111](https://indike.org/pramana/in.purana.brahmanda.3.1.111) sarvaśaḥ sarvairguṇaistāni indrāste 'bhibhavanti vai / bhūtāpavādino hṛṣṭā madhyasthā bhūtavādinaḥ // ### [3.1.112](https://indike.org/pramana/in.purana.brahmanda.3.1.112) bhūtābhavādinaḥ śaktāstrayo vedāḥ pravādinām / agnīdhraḥ kāśyapaścaiva paulastyo māgadhaśca yaḥ // ### [3.1.113](https://indike.org/pramana/in.purana.brahmanda.3.1.113) bhārgavo hyagnivāhuśca śucirāṅgirasastathā / śukraścaiva tu vāsiṣṭhaḥ paulaho mukta eva ca // ### [3.1.114](https://indike.org/pramana/in.purana.brahmanda.3.1.114) ātreyaḥ śvājitaḥ prokto manuputrānataḥ śṛṇu / ururguruśca gaṃbhīro buddhaḥ śuddhaḥ śuciḥ kṛtī // ### [3.1.115](https://indike.org/pramana/in.purana.brahmanda.3.1.115) ūrjasvī subalaścaiva bhautyasyaite manoḥ sutāḥ / sāvarṇā manavo hyete catvāro brahmaṇaḥ sutāḥ // ### [3.1.116](https://indike.org/pramana/in.purana.brahmanda.3.1.116) eko vaivasvataścaiva sāvarṇo manurucyate / raucyo bhautyaśca yau tau tu matau paulahabhārgavau / bhautyasyaivādhipatye tu tūrṇaṃ kalpastu pūryate // ### [3.1.117](https://indike.org/pramana/in.purana.brahmanda.3.1.117) sūta uvāca niḥśeṣeṣu tu sarveṣu tadā manvantareṣviha // ### [3.1.118](https://indike.org/pramana/in.purana.brahmanda.3.1.118) ante 'nekayuge tasminkṣīṇe saṃhāra ucyate / saptaite bhārgavā devā ante manvantare tadā // ### [3.1.119](https://indike.org/pramana/in.purana.brahmanda.3.1.119) bhuktvā trailokyama dhyasthā yugākhyā hyekasaptatīḥ / pitṛbhirmanubhiḥ sārddhaṃ kṣīṇe manvantare tadā // ### [3.1.120](https://indike.org/pramana/in.purana.brahmanda.3.1.120) anādhāramidaṃ sarvaṃ trailokyaṃ vai bhaviṣyati / tataḥ sthānā ni śubhrāṇi sthānināṃ tāni vai tadā // ### [3.1.121](https://indike.org/pramana/in.purana.brahmanda.3.1.121) prabhraśayante vimuktāni tārā ṛkṣagrahaistathā / tatasteṣu vyatīteṣu trailokyasyeśvareṣviha // ### [3.1.122](https://indike.org/pramana/in.purana.brahmanda.3.1.122) saṃprapteṣu maharlokaṃ yasmiṃste kalpavāsinaḥ / ajitādyā gaṇā yatra āyuṣmantaścaturdaśa // ### [3.1.123](https://indike.org/pramana/in.purana.brahmanda.3.1.123) manvantareṣu sarveṣu devāste vai caturddaśa / saśarīrāśca śrūyante janaloke sahānugāḥ // ### [3.1.124](https://indike.org/pramana/in.purana.brahmanda.3.1.124) evaṃ deveṣvatīteṣu maharlokājjanaṃ prati / bhūtādiṣvavaśiṣṭeṣu sthāvarāṃ teṣu teṣu vai // ### [3.1.125](https://indike.org/pramana/in.purana.brahmanda.3.1.125) śūnyeṣu lokasthāneṣu mahānteṣu bhuvādiṣu / deveṣu ca gateṣvūrddhvaṃ sāyujyaṃ kalpavāsinām // ### [3.1.126](https://indike.org/pramana/in.purana.brahmanda.3.1.126) saṃhṛtya tāstato brahmā devarṣipitṛdānavān / saṃsthāpayati vai sargamahardṛṣṭvā yugakṣaye // ### [3.1.127](https://indike.org/pramana/in.purana.brahmanda.3.1.127) caturyugasahasrāntamaharyadbrahmaṇo viduḥ / rātriṃ yugasahasrāntāṃ te 'horātravido janāḥ // ### [3.1.128](https://indike.org/pramana/in.purana.brahmanda.3.1.128) naimittikaḥ prākṛtiko yaścaivātyantikor'thataḥ / trividhiḥ sarvabhūtānāmityeṣa pratisaṃcaraḥ // ### [3.1.129](https://indike.org/pramana/in.purana.brahmanda.3.1.129) brāhmo naimittikastasya kalpadāhaḥ prasaṃyamaḥ / pratisarge tu bhūtānāṃ prākṛtaḥ karaṇakṣayaḥ // ### [3.1.130](https://indike.org/pramana/in.purana.brahmanda.3.1.130) jñānāccātyantikaḥ proktaḥ kāraṇānāmasaṃbhavaḥ / tataḥ saṃhṛtya tānbrahmā devāṃstrailokyavāsinaḥ // ### [3.1.131](https://indike.org/pramana/in.purana.brahmanda.3.1.131) praharati prakurute sargasya pralayaṃ punaḥ / suṣupsurbhagavānbrahmā prajāḥ saṃharate tadā // ### [3.1.132](https://indike.org/pramana/in.purana.brahmanda.3.1.132) tato yugasahasrānte saṃprāpte ca yugakṣaye / tatrātmasthāḥ prajāḥ kartuṃ prapede sa prajāpatiḥ // ### [3.1.133](https://indike.org/pramana/in.purana.brahmanda.3.1.133) tadā bhavatyanāvṛṣṭiḥ saṃtatā śatavārṣikī / tayā yānyalpasārāṇi sattvāni vṛthivītale // ### [3.1.134](https://indike.org/pramana/in.purana.brahmanda.3.1.134) tānyevātra pralīyante bhūmitvamupayānti ca / saptaraśmiratho bhūtvā udattiṣṭhadvibhāvasuḥ // ### [3.1.135](https://indike.org/pramana/in.purana.brahmanda.3.1.135) asahyaraśmirbhagavānpibatyaṃbho ganastibhiḥ / harītāraśmayastasyadīpyamānāstu saptatiḥ // ### [3.1.136](https://indike.org/pramana/in.purana.brahmanda.3.1.136) bhūya eva vivarttante vyāpnuvantoṃbaraṃ śanaiḥ / bhaumaṃ kāṣṭhendhanaṃ tejo bhṛśamadbhistu dīpyate // ### [3.1.137](https://indike.org/pramana/in.purana.brahmanda.3.1.137) tasmādudakabhṛtsūryastapatīti hi kathyate / nāvṛṣṭyā tapate sūryyo nāvṛṣṭyā pariṣicyate // ### [3.1.138](https://indike.org/pramana/in.purana.brahmanda.3.1.138) nāvṛṣṭyā pariviśyeta vāriṇā dīpyate raviḥ / tasmādapaḥ pibanyo vai dīpyate raviraṃbare // ### [3.1.139](https://indike.org/pramana/in.purana.brahmanda.3.1.139) tasya te raśmayaḥ sapta pibantyaṃbho mahārṇavāt / tenāhāreṇa saṃdīptāḥ sūryāḥ sapta bhavantyuta // ### [3.1.140](https://indike.org/pramana/in.purana.brahmanda.3.1.140) tataste raśmayaḥ sapta sūryabhūtāścaturddiśam / caturlokamimaṃ sarvaṃ dahanti śikhinastadā // ### [3.1.141](https://indike.org/pramana/in.purana.brahmanda.3.1.141) prāpnuvanti ca tābhistu hyūrddhvaṃ cādhaśca raśmibhiḥ / dīpyante bhāskarāḥ sapta yugāntāgnipratāpinaḥ // ### [3.1.142](https://indike.org/pramana/in.purana.brahmanda.3.1.142) te vāriṇā pradīptāśca bahusāhasraraśmayaḥ / svaṃ samāvṛtya tiṣṭhanti nirdahanto vasuṃdharām // ### [3.1.143](https://indike.org/pramana/in.purana.brahmanda.3.1.143) tatasteṣāṃ pratāpena dahyamānā vasuṃdharā / sādrinadyarṇavā pṛthvī nisnehā samapadyata // ### [3.1.144](https://indike.org/pramana/in.purana.brahmanda.3.1.144) dīptābhiḥ saṃtatābhiśca citrābhiśca samantataḥ / adhaścordhvaṃ ca tiryak ca saṃrūddhā sūryaraśmibhiḥ // ### [3.1.145](https://indike.org/pramana/in.purana.brahmanda.3.1.145) sūryāgnīnāṃ pravṛddhānāṃ saṃsṛṣṭānāṃ parasparam / ekatvamupayātānāmekajvālā bhavatyuta // ### [3.1.146](https://indike.org/pramana/in.purana.brahmanda.3.1.146) sarvalokapraṇāśaśca so 'gnirbhūtvānumaṇḍalī / caturlokamidaṃ sarvaṃ nirdahatyāśu tejasā // ### [3.1.147](https://indike.org/pramana/in.purana.brahmanda.3.1.147) tataḥ pralīne sarvasmiñjaṅgame sthāvare tathā / nirvṛkṣā nistṛṇā bhūmiḥ kūrmapṛṣṭhasamā bhavet // ### [3.1.148](https://indike.org/pramana/in.purana.brahmanda.3.1.148) aṃbarīṣamivābhāti sarvamapyakhilaṃ jagat / sarvameva tadarcirbhiḥ pūrṇaṃ jājvalyate ghanaḥ // ### [3.1.149](https://indike.org/pramana/in.purana.brahmanda.3.1.149) bhūtale yāni sattvāni mahodadhigatāni ca / tatastāni pralīyante bhūmitvamupayānti ca // ### [3.1.150](https://indike.org/pramana/in.purana.brahmanda.3.1.150) dvīpāśca parvatāścaiva varṣāṇyatha mahodadhiḥ / sarvaṃ tadbhasmasāccakre sarvātmā pāvakastu saḥ // ### [3.1.151](https://indike.org/pramana/in.purana.brahmanda.3.1.151) samudrebhyo nadībhyaśca pātālebhyaśca sarvaśaḥ / pibatyapaḥ samiddho 'gniḥ pṛthivīmāśrito jvalan // ### [3.1.152](https://indike.org/pramana/in.purana.brahmanda.3.1.152) tataḥ saṃvarddhitaḥ śailānati kramya grahāṃstathā / lokānsaṃharate dīpto ghoraḥ saṃvarttako 'nalaḥ // ### [3.1.153](https://indike.org/pramana/in.purana.brahmanda.3.1.153) tataḥ sa pṛthivīṃ bhittvā rasātalamaśoṣyat / nirdahyānte tu pātālaṃ vāyulokamathādahat // ### [3.1.154](https://indike.org/pramana/in.purana.brahmanda.3.1.154) adhastātpṛthivīṃ dagdhvā tūrddhvaṃ sa dahato divam / yojanānāṃ sahasrāṇi prayutānyarbudāni ca // ### [3.1.155](https://indike.org/pramana/in.purana.brahmanda.3.1.155) udatiṣṭhañśikhāstasya bahvyaḥ saṃvarttakasya tu / gandharvāṃśca piśācāṃśca samahoragarākṣasān // ### [3.1.156](https://indike.org/pramana/in.purana.brahmanda.3.1.156) tadā dahati saṃdīpto golakaṃ caiva sarvaśaḥ / bhūrlokaṃ ca bhuvarllokaṃ svarlokaṃ ca mahastathā // ### [3.1.157](https://indike.org/pramana/in.purana.brahmanda.3.1.157) ghoro dahati kālāgnirevaṃ lokacatuṣṭayam / vyāpteṣu teṣu lokeṣu tiryagūrddhvamathāgninā // ### [3.1.158](https://indike.org/pramana/in.purana.brahmanda.3.1.158) tattejaḥ samanuprāpya kṛtsnaṃ jagadidaṃ śanaiḥ / ayoguḍanibhaṃ sarvaṃ tadā hyevaṃ prakāśate // ### [3.1.159](https://indike.org/pramana/in.purana.brahmanda.3.1.159) tato gajakulākārāstaḍidbhiḥ samalaṅkṛtāḥ / uttiṣṭhanti tadā ghorā vyomni saṃvartakā ghanāḥ // ### [3.1.160](https://indike.org/pramana/in.purana.brahmanda.3.1.160) kecinnīlotpalaśyāmāḥ kecitkumudasannibhāḥ / kecidvaiḍūryasaṃkāśā indranīlanibhāḥ pare // ### [3.1.161](https://indike.org/pramana/in.purana.brahmanda.3.1.161) śaṅkhakundanibhāścānye jātyañjananibhāstathā / dhūmravarṇā ghanāḥ kecitkecitpītāḥpayodharāḥ // ### [3.1.162](https://indike.org/pramana/in.purana.brahmanda.3.1.162) kecidrāsabhavarṇābhā lākṣārasanibhāstathā / manaśilābhāstvapare kapotābhāstathāṃbudāḥ // ### [3.1.163](https://indike.org/pramana/in.purana.brahmanda.3.1.163) indragopanibhāḥ keciddharitālanibhāstathā / cāṣapatranibhāḥ keciduttiṣṭhanti ghanā divi // ### [3.1.164](https://indike.org/pramana/in.purana.brahmanda.3.1.164) kecitpuravarākārāḥ kecidgajakulopamāḥ / kecitparvatasaṃkāśāḥ kecitsthalanibhā ghanāḥ // ### [3.1.165](https://indike.org/pramana/in.purana.brahmanda.3.1.165) krīḍāgāranibhāḥ kecitkecinmīnakulopamāḥ / bahurūpā ghorarūpā ghorasvaraninādinaḥ // ### [3.1.166](https://indike.org/pramana/in.purana.brahmanda.3.1.166) tadā jaladharāḥ sarve pūrayanti nabhastalam / tataste jaladā ghorarāviṇo bhāskarātmakāḥ // ### [3.1.167](https://indike.org/pramana/in.purana.brahmanda.3.1.167) saptadhā saṃvṛtātmānastamagniṃ śamayantyuta / tataste jaladā varṣaṃ muñcanti ca mahaughavat // ### [3.1.168](https://indike.org/pramana/in.purana.brahmanda.3.1.168) sughoramaśivaṃ sarvaṃ nāśayanti ca pāvakam / pravṛṣṭaiśca tathātyarthaṃ vāriṇā pūryate jagat // ### [3.1.169](https://indike.org/pramana/in.purana.brahmanda.3.1.169) adbhistejobhibhūtaṃ ca tadāgniḥ praviśatyapaḥ / naṣṭe cāgnau varṣagate payodāḥ pāvakodbhavāḥ // ### [3.1.170](https://indike.org/pramana/in.purana.brahmanda.3.1.170) plāvayanto jagatsarvaṃ bṛhajjalaparisravaiḥ / dhārābhiḥ pūrayantīmaṃ codyamānāḥ svayaṃbhuvā // ### [3.1.171](https://indike.org/pramana/in.purana.brahmanda.3.1.171) anye tu salilaughaistu velāmabhibhavantyapi / sādridvīpāntaraṃ pītaṃ jalamanneṣu tiṣṭhati // ### [3.1.172](https://indike.org/pramana/in.purana.brahmanda.3.1.172) punaḥ patati bhūmau tatpayodhastānnabhastale / saṃveṣṭayati ghorātmā divi vāyuḥ samatataḥ // ### [3.1.173](https://indike.org/pramana/in.purana.brahmanda.3.1.173) tasminnekārmave ghore naṣṭe sthāvārajaṅgame / pūrme yugasahasre vai niḥśeṣaḥ kalpa ucyate // ### [3.1.174](https://indike.org/pramana/in.purana.brahmanda.3.1.174) athāṃbhasa''vṛte loke prāhurekārmavaṃ budhāḥ / atha bhūmirjalaṃ khaṃ ca vāyuścaikārmave tadā // ### [3.1.175](https://indike.org/pramana/in.purana.brahmanda.3.1.175) naṣṭe 'nale 'ndhabhūte tu prājñāyata na kiñcana / pārthivāstvatha sāmudrā āpo daivyāśca sarvaśaḥ // ### [3.1.176](https://indike.org/pramana/in.purana.brahmanda.3.1.176) asarantyo vrajantyaikyaṃ salilākhyāṃ bhajantyuta / āgatāgatike caiva tadā tatsalilaṃ smṛtam // ### [3.1.177](https://indike.org/pramana/in.purana.brahmanda.3.1.177) pracchādyati mahīmetāmarṇavākhyaṃ tu tajjalam / ābhāti yasmāttadbhābhirbhāśabdo vyāptidīptiṣu // ### [3.1.178](https://indike.org/pramana/in.purana.brahmanda.3.1.178) bhasma sarvamanuprāpya tasmādaṃbho nirucyate / nānātve caiva śīghre ca dhāturvai ara ucyate // ### [3.1.179](https://indike.org/pramana/in.purana.brahmanda.3.1.179) ekārmave tadā hyo vai na śīghrastena tā narāḥ / tasminyugasahasrānte divase brahmaṇo gate // ### [3.1.180](https://indike.org/pramana/in.purana.brahmanda.3.1.180) tāvantaṃ kālamevaṃ tu bhavatyekārmavaṃ jagat / tadā tu sarve vyāpārā nivarttante prajāpateḥ // ### [3.1.181](https://indike.org/pramana/in.purana.brahmanda.3.1.181) ekamekārṇave tasminnaṣṭe sthāvarajaṅgame / tadā sa bhavati brahmā sahasrākṣaḥ sahasrapāt // ### [3.1.182](https://indike.org/pramana/in.purana.brahmanda.3.1.182) sahasraśīrṣā sumanāḥ sahasrapātsahasracakṣurvadanaḥ sahasravāk / sahasrabāhuḥ prathamaḥ prajāpatistrayī mayo yaḥ puruṣo nirucyate // ### [3.1.183](https://indike.org/pramana/in.purana.brahmanda.3.1.183) ādityavarmā bhuvanasya goptā apūrva ekaḥ prathamasturāṣāṭ / hiraṇyagarbhaḥ puruṣo mahānvai saṃpaṭhyate vai rajasaḥ parastāt // ### [3.1.184](https://indike.org/pramana/in.purana.brahmanda.3.1.184) caturyugasahasrānte sarvataḥ salilāplute / suṣupsuraprakāśepsuḥ sa rātriṃ kurute prabhuḥ // ### [3.1.185](https://indike.org/pramana/in.purana.brahmanda.3.1.185) caturvidhā yadā śete prajāḥ sarvā layaṃ gatāḥ / paśyanti taṃ mahātmānaṃ kālaṃ sapta maharṣayaḥ // janalokaṃ vivarttāste tapasā labdhacakṣuṣaḥ // ### [3.1.186](https://indike.org/pramana/in.purana.brahmanda.3.1.186) bhṛgvādayo mahātmānaḥ pūrve vyākhyātalakṣaṇāḥ // ### [3.1.187](https://indike.org/pramana/in.purana.brahmanda.3.1.187) satyādīnsaptalokānvai te hi paśyanti cakṣuṣā / brahmāṇaṃ te tu paśyanti sadā brāhmīṣu rātriṣu // ### [3.1.188](https://indike.org/pramana/in.purana.brahmanda.3.1.188) saptarṣayaḥ prapaśyanti svapnaṃ kālaṃ svarātriṣu / kalpānāṃ parameṣṭi tvāttasmādādyaḥ sa paṭhyate // ### [3.1.189](https://indike.org/pramana/in.purana.brahmanda.3.1.189) sa sraṣṭā sarvabhūtānāṃ kalpādiṣu punaḥ punaḥ / evameśāyitvā tu hyātmanyeva prajāpatiḥ // ### [3.1.190](https://indike.org/pramana/in.purana.brahmanda.3.1.190) athātmani mahātejāḥ sarvamādāya sarvakṛt / tataḥ sa vasate rātriṃ tamasyekārṇave jale // ### [3.1.191](https://indike.org/pramana/in.purana.brahmanda.3.1.191) tato rātrikṣaye prāpte prati buddhaḥ prajāpatiḥ / manaḥ sisṛkṣayā yuktaḥ sargāya nidadhe punaḥ // ### [3.1.192](https://indike.org/pramana/in.purana.brahmanda.3.1.192) evaṃ sa loke nirvṛtta upaśānte prajāpatau / brāhme naimittike tasminkalpite vai prasaṃyame // ### [3.1.193](https://indike.org/pramana/in.purana.brahmanda.3.1.193) dehairviyogaḥ sattvānāṃ tasminvai kṛtsnaśaḥ smṛtaḥ / tato dhagdheṣu bhūteṣu sarveṣvādityaraśimabhiḥ // ### [3.1.194](https://indike.org/pramana/in.purana.brahmanda.3.1.194) devarṣimanuvaryeṣu tasminnaṃbuplave tadā / gandharvādīni sattvāni piśāyāntāni sarvaśaḥ // ### [3.1.195](https://indike.org/pramana/in.purana.brahmanda.3.1.195) kalpādāvaprataptāni janamevāśrayanti vai / tiryagyonīni narake yāni yāni gatānyapi // ### [3.1.196](https://indike.org/pramana/in.purana.brahmanda.3.1.196) tadā tānyāpi dagdhāni dhūtapāpāni sarvaśaḥ / jale tānyupapadyante yāvatsaṃplavate jagat // ### [3.1.197](https://indike.org/pramana/in.purana.brahmanda.3.1.197) vyuṣṭāyāṃ ca racanyāṃ tu brahmaṇo 'vyaktayonitaḥ / jāyante hi punastāni sarvabhūtāni kṛtasnaśaḥ // ### [3.1.198](https://indike.org/pramana/in.purana.brahmanda.3.1.198) ṛṣayo manavo devāḥ prajāḥ sarvāścaturvidhāḥ / teṣāmapi ca siddhānāṃ nidhanotpattirucyate // ### [3.1.199](https://indike.org/pramana/in.purana.brahmanda.3.1.199) yathāsūryasya loke 'sminnudayāstamane smṛte / tathā janmanirodhaśca bhūtānāmiha dṛśyate // ### [3.1.200](https://indike.org/pramana/in.purana.brahmanda.3.1.200) ābhūtasaṃplavāttasmādbhavaḥ saṃsāra ucyate / yathā sarvāṇi bhūtānāṃ jāyante varṣaṇeṣviha // _First 200 of 245 passages. [Read on](https://indike.org/pramana/in.purana.brahmanda.3.1)_ ## Linked texts (4) - [Vāyupurāṇa](https://indike.org/pramana/in.purana.vayu.2.38.1) — Vyāsa, Sanskrit - [Kūrmapurāṇa](https://indike.org/pramana/in.purana.kurma.2.43.15) — Vyāsa, Sanskrit - [Viṣṇupurāṇa (vulgate)](https://indike.org/pramana/in.purana.visnu*vulgate.3.2.15) — Sanskrit - [Brahmapurāṇa](https://indike.org/pramana/in.purana.brahma.232.33) — Vyāsa, Sanskrit --- Source: [https://indike.org/pramana/in.purana.brahmanda.3.1](https://indike.org/pramana/in.purana.brahmanda.3.1) · Pramāṇa