[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmandapurana](https://indike.org/pramana/in.purana.brahmanda) › 3.34 # Brahmandapurana 3.34 Brahmāṇḍapurāṇa 3.34 - **Language:** Sanskrit ## Contents - [3.34.94](https://indike.org/pramana/in.purana.brahmanda.3.34.94) — 1 part ### [3.34.1](https://indike.org/pramana/in.purana.brahmanda.3.34.1) agastya uvāca ṣoḍaśāvaraṇaṃ cakraṃ kiṃ tadrudrādhidaivatam / tatra sthitāśca rudrāḥ ke kena nāmnā prakīrtitāḥ // ### [3.34.2](https://indike.org/pramana/in.purana.brahmanda.3.34.2) keṣvāvaraṇabiṃbeṣu kinnāmāno vasaṃti te / yaugikaṃ rauḍhikaṃ nāma teṣāṃ brūhi kṛpānidhe // ### [3.34.3](https://indike.org/pramana/in.purana.brahmanda.3.34.3) hayagrīva uvāca tatra rudrā layaḥ prokto muktājālakanirmitaḥ / pañcayojanavistārastatsaṃkhyāyāmaśobhitaḥ // ### [3.34.4](https://indike.org/pramana/in.purana.brahmanda.3.34.4) ṣoḍaśāvaraṇairyukto madhyapīṭhamanoharaḥ / madhyapīṭhe mahārudro jvalanmanyustrilocanaḥ // ### [3.34.5](https://indike.org/pramana/in.purana.brahmanda.3.34.5) saccakārmukahastaśca sarvadā vartate mune / trikoṇe kathitā rudrāstraya eva ghaṭodbhava // ### [3.34.6](https://indike.org/pramana/in.purana.brahmanda.3.34.6) hiraṇya bāhuḥ senānīrdiśāṃpatirathāparaḥ // ### [3.34.7](https://indike.org/pramana/in.purana.brahmanda.3.34.7) vṛkṣāśca harikeśāśca tathā paśupatiḥ paraḥ / śaṣpiñjarastviṣīmāṃśca pathīnāṃ patireva ca // ### [3.34.8](https://indike.org/pramana/in.purana.brahmanda.3.34.8) ete ṣaṭkoṇagāḥ kiṃ ca babhruśāstvaṣṭakoṇake / vivyādhyannapatiścaiva harikeśopavītinau // ### [3.34.9](https://indike.org/pramana/in.purana.brahmanda.3.34.9) puṣṭānāṃ patirapyanyo bhavo hetistathaiva ca / daśāpatre tvāvaraṇe prathamo jagatāṃ patiḥ // ### [3.34.10](https://indike.org/pramana/in.purana.brahmanda.3.34.10) rudrātatāvinau kṣetrapatiḥ sūtastathāparaḥ / ahaṃ tvanyo vanapatī rohitaḥ sthapatistathā // ### [3.34.11](https://indike.org/pramana/in.purana.brahmanda.3.34.11) vṛkṣāṇāṃ patirapyanyaścaite sajjaśarāsanāḥ / mantrī ca vāṇijaścaiva tathā kakṣapatiḥ paraḥ // ### [3.34.12](https://indike.org/pramana/in.purana.brahmanda.3.34.12) bhavantistu caturthaḥ syātpañcamo vārivastataḥ / oṣadhīnāṃ patiścaiva ṣaṣṭhaḥ kalaśasaṃbhava // ### [3.34.13](https://indike.org/pramana/in.purana.brahmanda.3.34.13) uccairghoṣākrandayantau patīnāṃ ca patistathā / kṛtsnavītaśca dhāvaṃśca sattvānāṃ patireva ca // ### [3.34.14](https://indike.org/pramana/in.purana.brahmanda.3.34.14) ete dvādaśa patrasthāḥ pañcamāvaraṇasthitāḥ / sahamānaśca nirvyādhiravyādhīnāṃ patistathā // ### [3.34.15](https://indike.org/pramana/in.purana.brahmanda.3.34.15) kakubhaśca niṣaṅgī ca stenānāṃ ca patistathā / niceruśceti vijñeyāḥ ṣaṣṭhāvaraṇadevatāḥ // ### [3.34.16](https://indike.org/pramana/in.purana.brahmanda.3.34.16) adhaḥ paricaro 'raṇyaḥ patiḥ kiṃ ca sṛkāviṣaḥ / jighāṃsaṃto muṣṇatāṃ ca patayaḥ kuṃbhasaṃbhava // ### [3.34.17](https://indike.org/pramana/in.purana.brahmanda.3.34.17) asīmantaśca suprājñastathā naktañcaro mune / prakṛtīnāṃ patiścaiva uṣṇīṣī ca gireścaraḥ // ### [3.34.18](https://indike.org/pramana/in.purana.brahmanda.3.34.18) kuluñcānāṃ patiścaiveṣumantaḥ kalaśodbhava / dhanvāvidaścātanvānapratipūrvadadhānakāḥ // ### [3.34.19](https://indike.org/pramana/in.purana.brahmanda.3.34.19) āyacchataḥ ṣoḍaśaite ṣoḍaśāranivāsinaḥ / visṛjantastathāsyanto vidhyantaścāpi siṃdhupa // ### [3.34.20](https://indike.org/pramana/in.purana.brahmanda.3.34.20) āsīnāśca śayānāśca yanto jāgrata eva ca / tiṣṭhantaścaiva dhāvantaḥ sabhyāścaiva samādhipāḥ // ### [3.34.21](https://indike.org/pramana/in.purana.brahmanda.3.34.21) aśvāścaivāśvapataya avyādhinyastathaiva ca / vividhyanto gaṇādhyakṣā bṛhanto vindhyamarddana // ### [3.34.22](https://indike.org/pramana/in.purana.brahmanda.3.34.22) gṛtsaścāṣṭādaśavidhā devatā aṣṭamāvṛtau / atha gṛtsādhipatayo vrātā vrātādhipāstathā // ### [3.34.23](https://indike.org/pramana/in.purana.brahmanda.3.34.23) gaṇāśca gaṇapāścaiva viśvarupā virūpakāḥ / mahāntaḥ kṣullakāścaiva rathinaścārathāḥ pare // ### [3.34.24](https://indike.org/pramana/in.purana.brahmanda.3.34.24) rathāśca rathapattyākhyāḥ senāḥ senānya eva ca / kṣattāraḥ saṃgrahī tārastakṣāṇo rathakārakāḥ // ### [3.34.25](https://indike.org/pramana/in.purana.brahmanda.3.34.25) kulālaśceti rudrāste navamāvṛtidevatāḥ / karmārāścaiva puñjiṣṭhā niṣādāśceṣukṛdgaṇāḥ // ### [3.34.26](https://indike.org/pramana/in.purana.brahmanda.3.34.26) dhanvakārā mṛgayavaḥ śvanayaḥ śvāna eva ca / aśvāścaivaśvapatayo bhavo rudro ghaṭodbhava // ### [3.34.27](https://indike.org/pramana/in.purana.brahmanda.3.34.27) śarvaḥ paśupatirnīlagrīvaśca śitikaṇṭhakaḥ / kapardī vyuptakeśaśca sahasrakṣastathāparaḥ // ### [3.34.28](https://indike.org/pramana/in.purana.brahmanda.3.34.28) śatadhanvā ca giriśaḥ śipiviṣṭaśca kuṃbhaja / mīḍhuṣṭama iti proktā rudrā daśamaśālagāḥ // ### [3.34.29](https://indike.org/pramana/in.purana.brahmanda.3.34.29) athaikādaśacakrasthā iṣumaddhrasvavāmanāḥ / bṛhaṃśca varṣīyāṃ ścaiva vṛddhaḥ samṛddhinā saha // ### [3.34.30](https://indike.org/pramana/in.purana.brahmanda.3.34.30) agryaḥ prathama āśuścājironyaḥ śīghraśibhyakau / urmyāvasvanyarudrau ca srotasyo divya eva ca // ### [3.34.31](https://indike.org/pramana/in.purana.brahmanda.3.34.31) jyeṣṭhaścaiva kaniṣṭhaśca pūrvajāvarajau tathā / madhyamaścāvagamyaśca jaghanyaśca ghaṭodbhava // ### [3.34.32](https://indike.org/pramana/in.purana.brahmanda.3.34.32) caturviṃśatirākhyātā ete rudrā mahābalāḥ / atha budhnyaḥ somyarudraḥ pratisarpakayāmyakau // ### [3.34.33](https://indike.org/pramana/in.purana.brahmanda.3.34.33) kṣemyovocavakhalyaśca tataḥ ślokyāvasānyakau / vanyaḥ kakṣyaḥ śravaścaiva tato 'nyastu pratiśravaḥ // ### [3.34.34](https://indike.org/pramana/in.purana.brahmanda.3.34.34) āśuṣeṇaścāśurathaḥ śūraśca tapasāṃ nidhe / avabhindaśca varmī ca varūthī bilminā saha // ### [3.34.35](https://indike.org/pramana/in.purana.brahmanda.3.34.35) kavacī ca śrutaścaiva seno dundubhya eva ca / āhananyaśca dhṛṣṇuśca te ca ṣaḍviṃśatiḥ smṛtāḥ / dvādaśāvaraṇasthāste mahākāyā mahābalāḥ // ### [3.34.36](https://indike.org/pramana/in.purana.brahmanda.3.34.36) prabhṛśāścaiva dūtāśca prahitāśca nipaṅgiṇaḥ / anyastviṣudhimānanyastakṣṇeṣuśca tathā yudhi // ### [3.34.37](https://indike.org/pramana/in.purana.brahmanda.3.34.37) svāyudhaśca sudhanvā ca stutyaḥ pathyaśca kuṃbhaja / kāpyo nāḍhyastathā sūdhaḥ sarasyo vindhyamardana // ### [3.34.38](https://indike.org/pramana/in.purana.brahmanda.3.34.38) tataścānyo nādhamāno veśantaḥ kupya eva ca / avadhavarṣyo 'varṣyaśca medhyo vidyutya eva ca // ### [3.34.39](https://indike.org/pramana/in.purana.brahmanda.3.34.39) idhryātapyau tathā vātyau reṣmyaścaiva tathāparaḥ / vāstavyo vāstupaścaiva somaśceti mahābalāḥ // ### [3.34.40](https://indike.org/pramana/in.purana.brahmanda.3.34.40) trayodaśāvaraṇagāñchṛṇu rudrāṃśca tānmune / rudrastāmrāruṇaḥ śaṅgastathā paśupatirmune // ### [3.34.41](https://indike.org/pramana/in.purana.brahmanda.3.34.41) ugro bhīmastathaivāgrevadhadūrevadhāvapi / hantā caiva hanīyāṃśca vṛṣaśca harikeśakaḥ // ### [3.34.42](https://indike.org/pramana/in.purana.brahmanda.3.34.42) tāraḥ śaṃbhurmayobhūśca śaṅkaraśca mayaskaraḥ / śivaḥ śivataraścaiva tīrthyaḥ kulyastathaiva ca / pāryo 'pāryaḥ prataraṇastathā cottaraṇo mune // ### [3.34.43](https://indike.org/pramana/in.purana.brahmanda.3.34.43) ātaryaśca tathā labhyaḥ ṣaṣṭhaḥ phenyastathaiva ca / caturdaśāvaraṇake kathitā rudradevatāḥ // ### [3.34.44](https://indike.org/pramana/in.purana.brahmanda.3.34.44) sikatyaśca pravāhyaśca tatheriṇyastaponidhe / prapathyaḥ kiṃśilaścaiva kṣayaṇastadanantaram // ### [3.34.45](https://indike.org/pramana/in.purana.brahmanda.3.34.45) kapardī ca pulastyaṃśca goṣṭhyo gṛhyastathaiva ca / talpayo gehya stathā kāṭyo gahvareṣṭhorudīpakaḥ // ### [3.34.46](https://indike.org/pramana/in.purana.brahmanda.3.34.46) niveṣṭyaścāpi pāntavyo rathanyaḥ śukya eva ca / harītyalothā lopyāśca uryyasūrmyai tathā mune // ### [3.34.47](https://indike.org/pramana/in.purana.brahmanda.3.34.47) payeyaśca parṇaśaśca tathā vaguramāṇakaḥ / abhighnanāśiduścaiva prakhidana kirikāstathā // ### [3.34.48](https://indike.org/pramana/in.purana.brahmanda.3.34.48) devānāṃ hṛdayaścaiva dvātriṃśadrudradevatāḥ / vartate sāyudhāḥ prājña nityaṃ pañcādaśāvṛtau // ### [3.34.49](https://indike.org/pramana/in.purana.brahmanda.3.34.49) ṣoḍaśe tvāvaraṇake pūrvādidvāravartinaḥ / vikṣiṇatkāvicinvatkāstathā nirhatanāmakāḥ // ### [3.34.50](https://indike.org/pramana/in.purana.brahmanda.3.34.50) āmīvaktāśca niṣṭaptā mahārudramupāsate / iti ṣoḍaśaśāleṣu sthitai rudraiḥ sahasraśaḥ // ### [3.34.51](https://indike.org/pramana/in.purana.brahmanda.3.34.51) sevitastu mahārudro lalitājñāpravartakaḥ / vartate jagatāmṛddhyai muktāśāleśakoṇake // ### [3.34.52](https://indike.org/pramana/in.purana.brahmanda.3.34.52) śatarudriyasaṃkhyātā ete rudrā mahābalāḥ / lalitābhaktimampannānpālayanti divāniśam / abhaktāṃllaritādevyāḥ pratyūhairyojayantyamī // ### [3.34.53](https://indike.org/pramana/in.purana.brahmanda.3.34.53) itthaṃ śakrādidikpālā suktāśālaṃ samāśritāḥ / lalitāparameśvaryāḥ sevāmeva vitanvate // ### [3.34.54](https://indike.org/pramana/in.purana.brahmanda.3.34.54) atha muktākhyaśālasyāntare mārutayojane / śālomārakatābhikhyaścaturyojanamucchritaḥ // ### [3.34.55](https://indike.org/pramana/in.purana.brahmanda.3.34.55) pūrvavadgopurādīnā saṃsthānaiśca suśobhitaḥ / tatra śrīdaṇḍanāthāyā dahanādividiggatāḥ // ### [3.34.56](https://indike.org/pramana/in.purana.brahmanda.3.34.56) catvāro nilayāḥ proktā mantriṇīgṛhavistarāḥ / gīticakrarathendrasya yāḥ parvāṇi samāśritāḥ // ### [3.34.57](https://indike.org/pramana/in.purana.brahmanda.3.34.57) bhaṇḍāsuramahāyuddhe tā devyastatra jāgrati / sarvāḥ sthalyo marakataśreṇibhiḥ khacitāḥ śubhāḥ // ### [3.34.58](https://indike.org/pramana/in.purana.brahmanda.3.34.58) hematālavanāḍhyāśca sarvavastusamākulāḥ / tatradevyaḥ samastāśca daṇḍanāthāsamaśriyaḥ // ### [3.34.59](https://indike.org/pramana/in.purana.brahmanda.3.34.59) haloddharṇahalāddharṇamusalāḥ sañcarantyapi / saṃkhyātītāstālavṛkṣā navasvarṇavicitritāḥ // ### [3.34.60](https://indike.org/pramana/in.purana.brahmanda.3.34.60) yojanāyatakāṇḍāśca dalairyuktā viśaṅkaṭaiḥ / hematvaco 'tisusnigdhāḥ sacchāyāḥ phalabhaṅgurāḥ // ### [3.34.61](https://indike.org/pramana/in.purana.brahmanda.3.34.61) āmūlāgraṃ lambamānāstālā hālāghaṭākulāḥ / vartante daṇḍanāthāyāḥ prītyarthaṃ śilpibhiḥ kṛtāḥ // ### [3.34.62](https://indike.org/pramana/in.purana.brahmanda.3.34.62) taṃ ca tālarasāpūraṃ pītvāpītvā madākulāḥ / jṛṃbhiṇyādyāścakradevyo hetukādyāśca bhairavāḥ // ### [3.34.63](https://indike.org/pramana/in.purana.brahmanda.3.34.63) saptanigrahadevyaśca nṛtyanti madavihvalāḥ / caturvidikṣu daṇḍinyā yatrayatra mahādṛśaḥ // ### [3.34.64](https://indike.org/pramana/in.purana.brahmanda.3.34.64) tatra pūrvādidigbhāge devīsadṛśavarcasaḥ / unmattabhairavī cava svapneśī sarvatodiśam // ### [3.34.65](https://indike.org/pramana/in.purana.brahmanda.3.34.65) nivāso daṇḍanāthāyāḥ kevalaṃ tvābhimānikaḥ / tasyāstu sevāvāso 'nyo mahāpadmāṭavīsthale / tatkakṣātidavīyastvānsevārthaṃ tatra tadgṛhaḥ // ### [3.34.66](https://indike.org/pramana/in.purana.brahmanda.3.34.66) atho marakatākāre śāle tatsaptayojane / prākāro vidrumākāraḥ prātararyamapāṭalaḥ // ### [3.34.67](https://indike.org/pramana/in.purana.brahmanda.3.34.67) tatra sthalāstu sakalā vidrumaireva nirmitāḥ / tadvadvidrumasaṃkāśo brahmā nalinaviṣṭaraḥ // ### [3.34.68](https://indike.org/pramana/in.purana.brahmanda.3.34.68) brahmalokātsamāgatya sārddhaṃ sarvairmunīśvaraiḥ / sadā śrīlalitādevyāḥ sevanārthamatandritaḥ // ### [3.34.69](https://indike.org/pramana/in.purana.brahmanda.3.34.69) marīcyādyaiḥ prajāsṛgbhirvartate sākamabdhipa / caturdaśāpi vidyāstā upavidyāḥ sahasraśaḥ // ### [3.34.70](https://indike.org/pramana/in.purana.brahmanda.3.34.70) catuṣṣaṣṭikalāścaiva śarīriṇyo mahattarāḥ / prākāre vidrumākāre brahmalokasamāśritāḥ / vartante jagatāmṛddhyai lalitā devatājñayā // ### [3.34.71](https://indike.org/pramana/in.purana.brahmanda.3.34.71) atha vidrumaśālasyānatare mārutayojane / māṇikyamaṇḍapasthāne parītaḥ sarvatodiśam / vartate viṣṇulokastu lalitāsevanotsukaḥ // ### [3.34.72](https://indike.org/pramana/in.purana.brahmanda.3.34.72) tatra vaiṣṇavaloke tu viṣṇuḥ sākṣātsanātanaḥ / caturghā daśadhā caiva tathā dvādaśadhā punaḥ / vibhinnamūrtiḥ satataṃ vartate mādhavaḥ sadā // ### [3.34.73](https://indike.org/pramana/in.purana.brahmanda.3.34.73) bhaṇḍāsuramahāyuddhe ye śrīdevīnakhodbhavāḥ / daśāvatāradevāstu te 'pi māṇikyamaṇḍape // ### [3.34.74](https://indike.org/pramana/in.purana.brahmanda.3.34.74) pūrvakakṣāntarebhyastu tatkakṣāyāṃ viśeṣataḥ / uparyācchādanāmātraṃ māṇikyadṛṣadāṃ gaṇaiḥ // ### [3.34.75](https://indike.org/pramana/in.purana.brahmanda.3.34.75) tatra kakṣāntare devaḥ śaṅkhacakragadādharaḥ / bhinno dvādaśamūrtyā ca pūrvādyāśāsurakṣati // ### [3.34.76](https://indike.org/pramana/in.purana.brahmanda.3.34.76) jāmbūnadaprabhaścakrī pūrvasyāṃ diśi keśavaḥ / paścānnārāyaṇaḥ śaṅkhī nīlajīmūtasaṃnibhaḥ // ### [3.34.77](https://indike.org/pramana/in.purana.brahmanda.3.34.77) indīvaradalaśyā mo madhumānmādhavo 'vati / govindo dakṣiṇe pārśve dhanvī candraprabho mahān // ### [3.34.78](https://indike.org/pramana/in.purana.brahmanda.3.34.78) uttare haladhṛgviṣṇuḥ padmakiñjalkasaṃnibhaḥ / āgneyyāmaravindābho musalī madhusūdanaḥ // ### [3.34.79](https://indike.org/pramana/in.purana.brahmanda.3.34.79) trivikramaḥ khaḍgapāṇirnairṛtye cvalanaprabhaḥ / vāyavyāṃ vāmano vajrī taruṇāditya dīptimān // ### [3.34.80](https://indike.org/pramana/in.purana.brahmanda.3.34.80) īśānyāṃ puṇḍarīkābhaḥ śrīdharaḥ paṭṭiśāyudhaḥ / vidyutprabho hṛṣīkeśo hyavācyāṃ diśi mudgarī // ### [3.34.81](https://indike.org/pramana/in.purana.brahmanda.3.34.81) padmanābhaḥ śārṅgapāṇiḥ sahasrārkasamaprabhaḥ / māṇikyamaṇḍapasthānamanulomyena veṣṭate // ### [3.34.82](https://indike.org/pramana/in.purana.brahmanda.3.34.82) sarvāyudhaḥ sarvaśaktiḥ sarvajñaḥ sarvatomukhaḥ / indragopakasaṃkāśaḥ pāśahasto 'parājitaḥ // ### [3.34.83](https://indike.org/pramana/in.purana.brahmanda.3.34.83) dāmodarastu sarvātmā lalitābhaktinirbharaḥ / māṇikyamaṇḍapasthānaṃ vilomena viveṣṭate // ### [3.34.84](https://indike.org/pramana/in.purana.brahmanda.3.34.84) iti dvādaśabhirdehairbhagavānambujekṣaṇaḥ / māṇikyamaṇḍapagato viṣṇuloke virājate // ### [3.34.85](https://indike.org/pramana/in.purana.brahmanda.3.34.85) atha nānāratnaśālāntare mārutayojane / sahasrastambhakaṃ nāma maṇḍapaṃ sumanoharam // ### [3.34.86](https://indike.org/pramana/in.purana.brahmanda.3.34.86) nānāratnaistu khacitaṃ nānāratnairalaṅkṛtam / nānāratnakṛtaśśālastuṅgastatrābhivartate // ### [3.34.87](https://indike.org/pramana/in.purana.brahmanda.3.34.87) ekā paṅktiḥ sahasraistu stambhastiyakpravartate / tādṛśāḥ paṅktayo bahvyaḥ stambhānāṃ tu caturdiśam // ### [3.34.88](https://indike.org/pramana/in.purana.brahmanda.3.34.88) uparyācchādanaṃ cāpi pūrvavadratnadārubhiḥ / śivalokastatra mahāñjāgarti sphuritadyutiḥ // ### [3.34.89](https://indike.org/pramana/in.purana.brahmanda.3.34.89) śaivāgamā mūrtimantastatrāṣṭāviṃśatiḥ smṛtāḥ / nandibhṛṅgimahākālapramukhāstatra cottamāḥ // ### [3.34.90](https://indike.org/pramana/in.purana.brahmanda.3.34.90) ṣaḍviṃśattattvadevāśca gajavaktrāḥ sahasraśaḥ / śivalokottame tasminsahasrastambhamaṇḍape // ### [3.34.91](https://indike.org/pramana/in.purana.brahmanda.3.34.91) īśānaḥ sarvavidyānāmadhipaścandraśekharaḥ / lalitājñāpālakaśca lalitājñāpravartakaḥ // ### [3.34.92](https://indike.org/pramana/in.purana.brahmanda.3.34.92) lalitāmantra jāpī ca nityamānandamānasaḥ / śaivyā dṛṣṭyā svabhaktānāṃ lalitāmantrasiddhaye // ### [3.34.93](https://indike.org/pramana/in.purana.brahmanda.3.34.93) antarbahistamaḥ puñjanirbhedanapaṭī yasīm / mahāprakāśarūpāṃ tāṃ medhāśakti prakāśayan // ### [3.34.94](https://indike.org/pramana/in.purana.brahmanda.3.34.94) sarvajñaḥ sarvakartā ca sahasrastambhamaṇḍape / vartamāno mahādeva devīḥ śrībhaktinirbharaḥ / tattacchālānsamāśritya vartate kumbhasaṃbhavaḥ // ### [3.34.94.p1](https://indike.org/pramana/in.purana.brahmanda.3.34.94.p1) iti śrībrahmāṇḍamahāpurāṇe uttarabhāge hayagrīvāgastya saṃvāde lalitopākhyāne dikpālādiśivalokāntarakathanaṃ nā catustriṃśo 'dhyāyaḥ ## Linked texts (8) - [Nāradapurāṇa](https://indike.org/pramana/in.purana.narada.1.71.122) — Vyāsa, Sanskrit - [Merutantra](https://indike.org/pramana/in.sampradaya.general.sakta.merutantra.15.255) — Gommaṭa, Sanskrit - [Puraścaryārṇava](https://indike.org/pramana/in.niti.dharma.prayoga.purascarana.purascaryarnava.2.25.256) — Sanskrit - [Puraścaryārṇava](https://indike.org/pramana/in.sampradaya.general.sakta.purascaryarnava.2.4621) — Pratāpanārasiṃhasāha of Nepal 1750, Sanskrit - [Bṛhatstotraratnākaraḥ](https://indike.org/pramana/in.sampradaya.general.stotra.brhatstotraratnakara.362_1054) — Sanskrit - [Merutantra (Śiva)](https://indike.org/pramana/in.sampradaya.general.sakta.merutantra-siva.34.252) — Śiva, Sanskrit - [Nāradopapurāṇa](https://indike.org/pramana/in.purana.upa.vaisnava.naradopapurana.73.122) — Sanskrit - [Puraścaryārṇava (ed. Murali Dhara Jha)](https://indike.org/pramana/in.sampradaya.general.sakta.purascaryarnava*jha1901.21.p50) — Sanskrit --- Source: [https://indike.org/pramana/in.purana.brahmanda.3.34](https://indike.org/pramana/in.purana.brahmanda.3.34) · Pramāṇa