[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmandapurana](https://indike.org/pramana/in.purana.brahmanda) › 3.3 # Brahmandapurana 3.3 Brahmāṇḍapurāṇa 3.3 - **Language:** Sanskrit ## Contents - [3.3.113](https://indike.org/pramana/in.purana.brahmanda.3.3.113) — 1 part ### [3.3.1](https://indike.org/pramana/in.purana.brahmanda.3.3.1) sūta uvāca pratyāhāraṃ pravakṣyāmi parasyānte svayaṃbhuvaḥ / brahmaṇaḥ sthitikāle tu kṣīṇe tasmiṃstadā prabhoḥ // ### [3.3.2](https://indike.org/pramana/in.purana.brahmanda.3.3.2) yathedaṃ kurute vyaktaṃ susūkṣmaṃ viśvamīśvaraḥ / avyaktaṃ grasate vyaktaṃ pratyāhāre ca kṛtsnaśaḥ // ### [3.3.3](https://indike.org/pramana/in.purana.brahmanda.3.3.3) purāntadvyaṇukādyānāṃ saṃpūrṇe kalpasaṃkṣaye / upasthite mahāghore hyapratyakṣe tu kasyacit // ### [3.3.4](https://indike.org/pramana/in.purana.brahmanda.3.3.4) ante drumasya saṃprāpte paścimāsya manostadā / ante kaliyuge tasminkṣīṇe saṃhāra ucyate // ### [3.3.5](https://indike.org/pramana/in.purana.brahmanda.3.3.5) saṃprakṣāle tadā vṛ-tte pratyāhāre hyupasthite / pratyāhāre tadā tasminbhūtatanmātrasaṃkṣaye // ### [3.3.6](https://indike.org/pramana/in.purana.brahmanda.3.3.6) mahadādivikārasya viśeṣāntasya saṃkṣaye / svabhāvakārite tasminpravṛtte pratisaṃcare // ### [3.3.7](https://indike.org/pramana/in.purana.brahmanda.3.3.7) āpo grasaṃti vai pūrvaṃ bhūmergandhātmakaṃ gumam / āttagandhā tato bhūmiḥ pralayatvāya kalpate // ### [3.3.8](https://indike.org/pramana/in.purana.brahmanda.3.3.8) praṇaṣṭe gandhatanmātre toyāvasthā dharā bhavet / āpastadā praviṣṭāstu vegavatyo mahāsvanāḥ // ### [3.3.9](https://indike.org/pramana/in.purana.brahmanda.3.3.9) sarvamāpūrayitvedaṃ tiṣṭhanti vicaranti ca / apāmapi gaṇo yastu jyotiḥṣvālīyate rasaḥ // ### [3.3.10](https://indike.org/pramana/in.purana.brahmanda.3.3.10) naśyantyāpastadā tatra rasatanmātrasaṃkṣayāt / tīvratejohṛtarasājyotiṣṭvaṃ prāpnuvantyuta // ### [3.3.11](https://indike.org/pramana/in.purana.brahmanda.3.3.11) graste ca salile tejaḥ sarvatomukhamīkṣate / athāgniḥ sarvato vyāpta ādatte tajjalaṃ tadā // ### [3.3.12](https://indike.org/pramana/in.purana.brahmanda.3.3.12) sarvamāpūryate 'rcirbhistadā jagadidaṃ śanaiḥ / arcirbhiḥ saṃtate tasmiṃstaryagūrdhvamadhastataḥ // ### [3.3.13](https://indike.org/pramana/in.purana.brahmanda.3.3.13) jyotiṣo 'pi guṇaṃ rūpaṃ vāyuratti prakāśakam / pralīyate tadā tasmindīpārciriva mārute // ### [3.3.14](https://indike.org/pramana/in.purana.brahmanda.3.3.14) pranaṣṭe rūpatanmātre hṛtarūpo vibhāvasuḥ / upaśāmyati tejo hivāyurādhūyate mahān // ### [3.3.15](https://indike.org/pramana/in.purana.brahmanda.3.3.15) nirāloke tadā loke vāyubhūte ca tejasi / tatastu mūlamāsādya vāyuḥ saṃbandhamātmanaḥ // ### [3.3.16](https://indike.org/pramana/in.purana.brahmanda.3.3.16) ūrdhvañcādhaśca tiryakca dodhavīti diśo daśa / vāyorapi guṇaṃ sparśamākāśaṃ grasate ca tat // ### [3.3.17](https://indike.org/pramana/in.purana.brahmanda.3.3.17) praśāmyati tadā vāyuḥ khantu tiṣṭhatyanāvṛtam / arūpamarasasparśamagandhaṃ na ca mūrtimat // ### [3.3.18](https://indike.org/pramana/in.purana.brahmanda.3.3.18) sarvamāpūrayacchabdaiḥ sumahattatprakāśate / tasmiṃllīne tadā śiṣṭamākāśaṃ śabdalakṣaṇam // ### [3.3.19](https://indike.org/pramana/in.purana.brahmanda.3.3.19) śabdamātraṃ tadākāśaṃ sarvamāvṛtya tiṣṭhati / tatra śabdaṃ gumaṃ tasya bhūtadirgrasate punaḥ // ### [3.3.20](https://indike.org/pramana/in.purana.brahmanda.3.3.20) bhūtendriyeṣu yugapadbhūtādau saṃsthiteṣu vai / abhimānātmako hyeṣa bhūtādistāmasaḥ smṛtaḥ // ### [3.3.21](https://indike.org/pramana/in.purana.brahmanda.3.3.21) bhūtādirgrasate cāpi mahānvai buddhilakṣaṇaḥ / mahānātmā tu vijñeyaḥ saṃkalpo vyavasāyakaḥ // ### [3.3.22](https://indike.org/pramana/in.purana.brahmanda.3.3.22) buddhirmanaśca liṅgaṃ ca mahānakṣara eva ca / paryāyavācakaiḥ śabdaistamāhustattva cintakāḥ // ### [3.3.23](https://indike.org/pramana/in.purana.brahmanda.3.3.23) saṃpralīneṣu bhūteṣu guṇasāmye tato mahān / līyante guṇasāmyaṃ tu svātmanyevāvatiṣṭhate // ### [3.3.24](https://indike.org/pramana/in.purana.brahmanda.3.3.24) līyante sarvabhūtānāṃ kāraṇāni prasaṃgame / ityeṣa saṃyamaścaiva tattvānāṃ kāraṇaiḥ saha // ### [3.3.25](https://indike.org/pramana/in.purana.brahmanda.3.3.25) tattvaprasaṃyamo hyeṣa smṛto hyāvartako dvijāḥ / dharmādharmauṃ tapo jñānaṃ śubhaṃ satyānṛte tathā // ### [3.3.26](https://indike.org/pramana/in.purana.brahmanda.3.3.26) ūrdhvabhāvo hyadhobhāvaḥ sukhaduḥkhe priyāpriye / sarvametatprapañcasthaṃ guṇamātrātmakaṃ smṛtam // ### [3.3.27](https://indike.org/pramana/in.purana.brahmanda.3.3.27) nirindriyāṇāṃ ca tadā jñānināṃ yacchubhāśubham / prakṛtyāṃ caiva tatsarvaṃ puṇyaṃ pāpaṃ pratiṣṭhati // ### [3.3.28](https://indike.org/pramana/in.purana.brahmanda.3.3.28) yātyavasthā tu sācaiva dehināṃ tu nirucyate / jantūnāṃ pāpapuṇyaṃ tu prakṛtau yatpratiṣṭhitam // ### [3.3.29](https://indike.org/pramana/in.purana.brahmanda.3.3.29) avasthāsthāni tānyeva puṇyapāpāni jantavaḥ / yojayante punardehānparatvena tathaiva ca // ### [3.3.30](https://indike.org/pramana/in.purana.brahmanda.3.3.30) dharmādharmauṃ tu jantūnāṃ guṇamātrātmakāvubhau / kāraṇaiḥ svaiḥ pracīyete kāyatveneha jantubhiḥ // ### [3.3.31](https://indike.org/pramana/in.purana.brahmanda.3.3.31) sacetanāḥ pralīyante kṣetrajñādhiṣṭhitā guṇāḥ / sarge ca pratisarge ca saṃsāre caiva jantavaḥ // ### [3.3.32](https://indike.org/pramana/in.purana.brahmanda.3.3.32) saṃyujyante viyujyante kāraṇaiḥ saṃcaranti ca / rājasī tāmasī caiva sāttvikī caiva vṛttayaḥ // ### [3.3.33](https://indike.org/pramana/in.purana.brahmanda.3.3.33) guṇamātrāḥ pravartante puruṣādhiṣṭhatā stridhā / urddhvadeśātmakaṃ sattvamadhobhāgātmakaṃ tamaḥ // ### [3.3.34](https://indike.org/pramana/in.purana.brahmanda.3.3.34) tayoḥ pravarttakaṃ madhye ihaivāvarttakaṃ rajaḥ / ityevaṃ parivartantetrayaścetoguṇātmakāḥ // ### [3.3.35](https://indike.org/pramana/in.purana.brahmanda.3.3.35) lokeṣu sarvabhūtānāṃ tanna kāryaṃ vijānatā / avidyāpratyayāraṃbhā ārabhyante hi mānavaiḥ // ### [3.3.36](https://indike.org/pramana/in.purana.brahmanda.3.3.36) etāstu gatayastisraḥ śubhātpāpātmikāḥ smṛtāḥ / tamaso 'bhibhavājjanturyāthātathyaṃ na vindati // ### [3.3.37](https://indike.org/pramana/in.purana.brahmanda.3.3.37) atattvadarśanātso 'tha vividhaṃ vadhyate tataḥ / prākṛtena ca bandhena tathyāvaikārikeṇa ca // ### [3.3.38](https://indike.org/pramana/in.purana.brahmanda.3.3.38) dakṣiṇābhistatīyena baddho 'tyantaṃ vivarttate / ityete vai trayaḥ proktā bandhā hyajñānahetukāḥ // ### [3.3.39](https://indike.org/pramana/in.purana.brahmanda.3.3.39) anitye nityasaṃjñā ca duḥkhe ca sukhadarśanam / asve svamiti ca jñānamaśucau śuciniścayaḥ // ### [3.3.40](https://indike.org/pramana/in.purana.brahmanda.3.3.40) yeṣāmete manodoṣā jñānadoṣā viparyayāt / rāgadveṣanivṛttiśca tajjñānaṃ samudāhṛtam // ### [3.3.41](https://indike.org/pramana/in.purana.brahmanda.3.3.41) ajñānaṃ tamaso mūraṃ karmadvayaphalaṃ rajaḥ / karma jastu punardeho mahāduḥkhaṃ pravarttate // ### [3.3.42](https://indike.org/pramana/in.purana.brahmanda.3.3.42) śrotrajā netrajā caiva tvagjihvāghrāṇajā tathā / punarbhavakarī duḥkhātkarmaṇā jāyate tṛṣā // ### [3.3.43](https://indike.org/pramana/in.purana.brahmanda.3.3.43) satṛṣṇo 'bhihito bālaḥ svakṛtaiḥ karmaṇaḥ phalaiḥ / tailavīḍakavajjīvastatraiva parivarttate // ### [3.3.44](https://indike.org/pramana/in.purana.brahmanda.3.3.44) tasmānmūlamanarthānāmajñāna mupadiśyate / taṃ śatrumavadhāryaikaṃ jñāne yatnaṃ samācaret // ### [3.3.45](https://indike.org/pramana/in.purana.brahmanda.3.3.45) jñānāddhi tyajate sarvaṃ tyāgādbuddhirvirajyate / vairāgyācchudhyate cāpi śuddhaḥ sattvena mucyate // ### [3.3.46](https://indike.org/pramana/in.purana.brahmanda.3.3.46) ata ūrddhvaṃ pravakṣyāmi rāgaṃ bhūtāpahāriṇam / abhiṣvaṅgāya yogaḥ syādviṣayeṣvavaśātmanaḥ // ### [3.3.47](https://indike.org/pramana/in.purana.brahmanda.3.3.47) aniṣṭamiṣṭamaprītiprītitāpaviṣādanam / duḥkhalābhe na tāpaśca sukhānusmaraṇaṃ tathā // ### [3.3.48](https://indike.org/pramana/in.purana.brahmanda.3.3.48) ityeṣa vaiṣayo rāgaḥ saṃbhūtyāḥ kāraṇaṃ smṛtaḥ / brahmādau sthāvarānte vai saṃsārehyādibhautike // ### [3.3.49](https://indike.org/pramana/in.purana.brahmanda.3.3.49) ajñānapūrvakaṃ tasmādajñānaṃ tu vivarjayet / yasya cārṣe na pramāṇaṃ śiṣṭācāraṃ tathaiva ca // ### [3.3.50](https://indike.org/pramana/in.purana.brahmanda.3.3.50) varṇāśramaviruddho yaḥ śiṣṭaśāstravirodhakaḥ / eṣa mārgo hi niraye tiryyagyonau ca kāraṇam // ### [3.3.51](https://indike.org/pramana/in.purana.brahmanda.3.3.51) tiryyagyo nigataṃ caiva kāraṇaṃ tattrarucyate / trividho yātanāsthāne tiryyagyonau ca ṣaḍvidhe // ### [3.3.52](https://indike.org/pramana/in.purana.brahmanda.3.3.52) kāraṇe viṣaye caiva pratighātastu sarvaśaḥ / anaiśvaryaṃ tu tatsarvaṃ pratighātātmakaṃ smṛtam // ### [3.3.53](https://indike.org/pramana/in.purana.brahmanda.3.3.53) ityeṣā tāmasī vṛttirbhūtādīnāṃ caturvidhā / sattvasthamātrakaṃ cittaṃ yathāsattvaṃ pradarśanāt // ### [3.3.54](https://indike.org/pramana/in.purana.brahmanda.3.3.54) tattvānāṃ ca yathātattvaṃ dṛṣṭvā vai tattvadarśanāt / sattvakṣetrajñanānātvametannānārthadarśanam // ### [3.3.55](https://indike.org/pramana/in.purana.brahmanda.3.3.55) nānātvadarśanaṃ jñānaṃ jñānādvai yoga ucyate / tena baddhasya vai bandho mokṣo muktasya tena ca // ### [3.3.56](https://indike.org/pramana/in.purana.brahmanda.3.3.56) saṃsāre vinivṛtte tu mukto liṅgena mucyate / niḥsaṃbandho hyacaitanyaḥ svātmanyevāvatiṣṭhate // ### [3.3.57](https://indike.org/pramana/in.purana.brahmanda.3.3.57) svātmanyavasthitaścāpi virūpākhyena likhyate / ityetallakṣaṇaṃ proktaṃ samāsājjñāna mokṣayoḥ // ### [3.3.58](https://indike.org/pramana/in.purana.brahmanda.3.3.58) sa cāpi trividhaḥ prokto mokṣo vai tattvadarśibhiḥ / pūrvaṃ viyogo jñānena dvitīye rāgasaṃkṣayāt // ### [3.3.59](https://indike.org/pramana/in.purana.brahmanda.3.3.59) tṛṣṇākṣa yāttṛtīyastu vyākhyātaṃ mokṣakāraṇam / liṅgābhāvāttu kaivalyaṃ kaivalyāttu nirañjanam // ### [3.3.60](https://indike.org/pramana/in.purana.brahmanda.3.3.60) nirañjanatvācchuddhastu nitānyo naiva vidyate / ata ūrddhvaṃ pravakṣyāmi vairāgyaṃ doṣadarśanāt // ### [3.3.61](https://indike.org/pramana/in.purana.brahmanda.3.3.61) divye ca mānuṣe caiva viṣaye pañcalakṣaṇe / apradveṣo 'nabhiṣvaṅgaḥ karttavyo doṣadarśanāt // ### [3.3.62](https://indike.org/pramana/in.purana.brahmanda.3.3.62) tapaprītiviṣādānāṃ kāryaṃ tu parivarjanam / evaṃ vairāgyamāsthāya śarīrī nirmamo bhavet // ### [3.3.63](https://indike.org/pramana/in.purana.brahmanda.3.3.63) anityamaśivaṃ duḥkhamiti vuddhyānucintya ca / viśuddhaṃ kāryakaraṇaṃ sattvasyātiniṣaivayā // ### [3.3.64](https://indike.org/pramana/in.purana.brahmanda.3.3.64) paripakvakaṣāyo hi kṛtsnāndoṣānprapaśyati / tataḥ prayāṇakāle hi doṣairnaimittikaistathā // ### [3.3.65](https://indike.org/pramana/in.purana.brahmanda.3.3.65) ūṣmā prakupitaḥ kāye tīvravāyusamīritaḥ / sa śarīramupāśritya kṛtsnāndoṣānruṇaddhi vai // ### [3.3.66](https://indike.org/pramana/in.purana.brahmanda.3.3.66) prāṇakthānāni bhindanhi chindanmarmāṇyatītya ca / śaityātprakupito vāyurūrddhvaṃ tūtkramate tataḥ // ### [3.3.67](https://indike.org/pramana/in.purana.brahmanda.3.3.67) sa cāyaṃ sarvabhūtānāṃ prāṇasthāneṣvavasthitaḥ / samāsātsaṃvṛte jñāne saṃcṛtteṣu ca karmasu // ### [3.3.68](https://indike.org/pramana/in.purana.brahmanda.3.3.68) sa jīvo nābhyadhiṣṭhānaḥ karmabhiḥ svaiḥ purākṛtaiḥ / aṣṭāṅgapraṇavṛttiṃ vai sa vicyāvayate punaḥ // ### [3.3.69](https://indike.org/pramana/in.purana.brahmanda.3.3.69) śarīraṃ prajahansoṃ'te nirucchvāsastato bhavet / evaṃ prāṇaiḥ parityakto mṛta ityabhidhīyate // ### [3.3.70](https://indike.org/pramana/in.purana.brahmanda.3.3.70) yatheha loke svapne taṃ nīyamānamitastataḥ / rañjanaṃ tadvidheyasya te tānyo na ca vidyate // ### [3.3.71](https://indike.org/pramana/in.purana.brahmanda.3.3.71) nṛṣṇākṣayastṛtīyastu vyākhyātaṃ mokṣalakṣaṇam / śabdādye viṣaye doṣadṛṣṭirvai pañcalakṣaṇe // ### [3.3.72](https://indike.org/pramana/in.purana.brahmanda.3.3.72) apradveṣo 'nabhiṣvaṅgaḥ prītitāpavivarjanam / vairāgyakāraṇaṃ hyete prakṛtīnāṃ layasya ca // ### [3.3.73](https://indike.org/pramana/in.purana.brahmanda.3.3.73) aṣṭau prakṛtayo jñeyāḥ pūrvoktā vai yathākramam / avyaktādyāstu vijñeyā bhūtāntāḥ prakṛterbhavāḥ // ### [3.3.74](https://indike.org/pramana/in.purana.brahmanda.3.3.74) varṇāśramācārayuktaḥ śiṣṭaḥ śāstrāvirodhanaḥ / varṇāśramāṇāṃ dharmo 'yaṃ devasthāneṣu kāraṇam // ### [3.3.75](https://indike.org/pramana/in.purana.brahmanda.3.3.75) brahmādīni piśācāntānyaṣṭau sthānāni devatā / aiśvaryamāṇimādyaṃ hi kāraṇaṃ hyaṣṭalakṣaṇam // ### [3.3.76](https://indike.org/pramana/in.purana.brahmanda.3.3.76) nimittamapratīghāte dṛṣṭe śabdādilakṣaṇe / aṣṭāvetāni rūpāṇi prākṛtāni yathākramam // ### [3.3.77](https://indike.org/pramana/in.purana.brahmanda.3.3.77) kṣetrajñeṣvanusajjante guṇamātratmakāni tu / prāvṛṭkāle pṛthagmeghaṃ paśyantīva sacakṣuṣaḥ // ### [3.3.78](https://indike.org/pramana/in.purana.brahmanda.3.3.78) paśyantyevaṃ vidhāḥ siddhā jīvaṃ divyena cakṣuṣā / khādataścānnapānāni yonīḥ praviśatastathā // ### [3.3.79](https://indike.org/pramana/in.purana.brahmanda.3.3.79) tiryagūrdhvamadhastācca dhāvato 'pi yathākramam / jīvaḥ prāṇastathā liṅgaṃ karaṇaṃ ca catuṣṭayam // ### [3.3.80](https://indike.org/pramana/in.purana.brahmanda.3.3.80) paryāyavācakaiḥ śabdairekārthaiḥ so 'bhilaṣyate / vyaktāvyaktapramāṇo 'yaṃ sa vai bhuṅkte tu kṛtsnaśaḥ // ### [3.3.81](https://indike.org/pramana/in.purana.brahmanda.3.3.81) avyaktānugrahāntaṃ ca kṣetrajñādhiṣṭhitaṃ ca yat / evaṃ jñātvā śucirbhūtvā jñānādvai vipramucyate // ### [3.3.82](https://indike.org/pramana/in.purana.brahmanda.3.3.82) naṣṭaṃ caiva yathā tattvaṃ tattvānāṃ tattvadarśane / yatheṣṭaṃ pariniryāti bhinne dehe sunirvṛte // ### [3.3.83](https://indike.org/pramana/in.purana.brahmanda.3.3.83) bhidyate karaṇaṃ cāpi hyavyaktajñāninastataḥ / mukto guṇaśarīreṇa praṇādyena tu sarvaśaḥ // ### [3.3.84](https://indike.org/pramana/in.purana.brahmanda.3.3.84) nānyaccharīramādatte dagdhe vīje yathāṅkuraḥ / jñānī ca sarvasaṃsārāvijñaśārīramānasaḥ // ### [3.3.85](https://indike.org/pramana/in.purana.brahmanda.3.3.85) jñānāccaturddaśābuddhaḥ prakṛtistho nivartate / prakṛtiṃ satyamityāhurvikāro 'nṛtamucyate // ### [3.3.86](https://indike.org/pramana/in.purana.brahmanda.3.3.86) asadbhāvo 'nṛtaṃ jñeyaṃ sadbhāvaḥ satya mucyate / anāmarūpaṃ kṣetrajñanāmarūpaṃ pracakṣate // ### [3.3.87](https://indike.org/pramana/in.purana.brahmanda.3.3.87) yasmātkṣetraṃ vijānāti tatmātkṣetrajña ucyate / kṣetraṃ pratyayate yasmātkṣetrajñaḥ śubha ucyate // ### [3.3.88](https://indike.org/pramana/in.purana.brahmanda.3.3.88) kṣetrajñaḥ smaryate tasmātkṣetraṃ tajjñairvibhāṣyate / kṣetraṃ tvatpratyayaṃ dṛṣṭaṃ kṣetrajñaḥ pratyayaḥ sadā // ### [3.3.89](https://indike.org/pramana/in.purana.brahmanda.3.3.89) kṣapaṇātkāraṇāccaiva kṣatatrāṇāttathaiva ca / bhojyatvaviṣayatvācca kṣetraṃ kṣetravido viduḥ // ### [3.3.90](https://indike.org/pramana/in.purana.brahmanda.3.3.90) mahadādyaṃ viśeṣāntaṃ sarvairūpyaṃ vilakṣaṇam / vikāralakṣaṇaṃ tadvai so 'kṣaraḥ kṣarameti ca // ### [3.3.91](https://indike.org/pramana/in.purana.brahmanda.3.3.91) tamevānuvikāraṃ tu yasmādvai kṣarate punaḥ / tasmācca kāraṇāccaiva jñaramityabhidhīyate // ### [3.3.92](https://indike.org/pramana/in.purana.brahmanda.3.3.92) saṃsāre narakebhyaśca trāyate puruṣaṃ ca yat / duḥkhatrāṇātpunaścāpi kṣetramityabhidhīyate // ### [3.3.93](https://indike.org/pramana/in.purana.brahmanda.3.3.93) sukhaduḥkhamahaṃbhāvādbhojyamityabhidhīyate / acetanatvādviṣayastadvidharmā vibhuḥ smṛtaḥ // ### [3.3.94](https://indike.org/pramana/in.purana.brahmanda.3.3.94) na kṣīyate na kṣarati vikāraprasṛtaṃ tu tat / akṣaraṃ tena vāpyuktama kṣīṇatvāttathaiva ca // ### [3.3.95](https://indike.org/pramana/in.purana.brahmanda.3.3.95) yasmātpūryanuśete ca tasmātpuruṣa ucyate / purapratyayiko yasmātpuruṣetyabhidhīyate // ### [3.3.96](https://indike.org/pramana/in.purana.brahmanda.3.3.96) puruṣaṃ kathayasvātha kathito 'jñairvibhāṣyate / śuddho nirañjanābhāso jñātā jñānavivarjitaḥ // ### [3.3.97](https://indike.org/pramana/in.purana.brahmanda.3.3.97) astināstīti so 'nyo vā baddho mukto gataḥsthitaḥ / nairhetukāttvanirdeśyādahastasminna vidyate // ### [3.3.98](https://indike.org/pramana/in.purana.brahmanda.3.3.98) śuddhatvānna tu dṛśyo vai draṣṭṛtvātsamadarśanaḥ / ātmapratyayakāritvādanyūnaṃ vāpyahetukam // ### [3.3.99](https://indike.org/pramana/in.purana.brahmanda.3.3.99) bhāvagrāhyamanumānāccintayanna pramuhyate / yadā paśyati jñātāraṃ śāntārthaṃ darśanātmakam // ### [3.3.100](https://indike.org/pramana/in.purana.brahmanda.3.3.100) dṛśyādṛśyeṣu nirdeśyaṃ tadā taddurddharaṃ varam / vijñātā na ca dṛśyeta vṛthaktveneha sarvaśaḥ // ### [3.3.101](https://indike.org/pramana/in.purana.brahmanda.3.3.101) svenātmanā tathātmānaṃ kāraṇātmā niyacchati / prakṛtau kāraṇe tatra svātmanyevopatiṣṭhati // ### [3.3.102](https://indike.org/pramana/in.purana.brahmanda.3.3.102) astināstīti so 'nyo vā ihāmutreti vā punaḥ / ekatvaṃ vā pṛthakvaṃ vā kṣetrajñaḥ puruṣo 'pi vā // ### [3.3.103](https://indike.org/pramana/in.purana.brahmanda.3.3.103) ātmā vā sa nirātmā vā cetano 'cetano 'pi vā / karttā vā so 'pyakarttā vā bhoktā vā bhojyameva ca // ### [3.3.104](https://indike.org/pramana/in.purana.brahmanda.3.3.104) yadgatvā na nivarttante kṣetrajñaṃ tu nirañjanam / avācyaṃ tadanākhyānādagrāhyaṃ vādahetubhiḥ // ### [3.3.105](https://indike.org/pramana/in.purana.brahmanda.3.3.105) apratarkyamacintyatvādavā yetvācca sarvaśaḥ / nālapya vacasā tattvamaprāpya manasā saha // ### [3.3.106](https://indike.org/pramana/in.purana.brahmanda.3.3.106) kṣetrajñe nirguṇe śuddhe śānte kṣīṇe nirañjane / vyapetasukhaduḥkhe ca niruddhe śāntimāgate // ### [3.3.107](https://indike.org/pramana/in.purana.brahmanda.3.3.107) nirātmake punastasminvācyāvācyaṃ na vidyate / etau saṃhāravistārau vyaktāvyaktau tataḥ punaḥ // ### [3.3.108](https://indike.org/pramana/in.purana.brahmanda.3.3.108) sṛjyate grasate caiva vyaktau paryavatiṣṭhate / kṣetrajñādhiṣṭhitaṃ sarvaṃ punaḥ sarge pravarttate // ### [3.3.109](https://indike.org/pramana/in.purana.brahmanda.3.3.109) adhiṣṭhānaṃ prapadyeta tasyānte buddhipūrvakam / sādharmyavaidharmyakṛtaḥ saṃyogo viditastayoḥ / anādimāṃśca saṃyogo mahāpuruṣajaḥ smṛtaḥ // ### [3.3.110](https://indike.org/pramana/in.purana.brahmanda.3.3.110) yāvacca sargaprati sargakālastāvajjagattiṣṭhati saṃnirudhya / pūrvaṃ hi tasyaiva ca buddhipūrvaṃ pravarttate tatpuruṣārthaṃmeva // ### [3.3.111](https://indike.org/pramana/in.purana.brahmanda.3.3.111) eṣā nisargapratisargapūrvā prādhānikī ceśvarakāritā vā / anādyanantā hyabhimānapūrvakaṃ vitrāsayantī jagadabhyupaiti // ### [3.3.112](https://indike.org/pramana/in.purana.brahmanda.3.3.112) ityeṣa prākṛtaḥ sargastṛtīyo hetulakṣaṇaḥ / ukto hyasmiṃstadātyantaṃ kālaṃ jñātvā pramucyate // ### [3.3.113](https://indike.org/pramana/in.purana.brahmanda.3.3.113) ityeṣa pratisargo vastrividaḥ kīrttito mayā / vistareṇānupūrvyāca bhūyaḥ kiṃ varttayāmyaham // ### [3.3.113.p1](https://indike.org/pramana/in.purana.brahmanda.3.3.113.p1) iti śrī brahmāṇḍe mahāpurāṇe vāyuprokte uttarabhāge caturtha upasaṃhārapāde pratisargo nāma tṛtīyo 'dhyāyaḥ ## Linked texts (5) - [Vāyupurāṇa](https://indike.org/pramana/in.purana.vayu.2.40.2) — Vyāsa, Sanskrit - [Brahmapurāṇa](https://indike.org/pramana/in.purana.brahma.233.14) — Vyāsa, Sanskrit - [Viṣṇupurāṇa (vulgate)](https://indike.org/pramana/in.purana.visnu*vulgate.6.4.13) — Sanskrit - [Agnipurāṇa (Nag Publishers edition, Delhi)](https://indike.org/pramana/in.purana.agni*nag.367.19) — Sanskrit - [Kṛtyakalpataru](https://indike.org/pramana/in.niti.dharma.nibandha.mahanibandha.krtyakalpataru.27.p158) — Lakṣmīdhara Bhaṭṭa, Sanskrit --- Source: [https://indike.org/pramana/in.purana.brahmanda.3.3](https://indike.org/pramana/in.purana.brahmanda.3.3) · Pramāṇa