[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmandapurana](https://indike.org/pramana/in.purana.brahmanda) › 3.43 # Brahmandapurana 3.43 Brahmāṇḍapurāṇa 3.43 - **Language:** Sanskrit ## Contents - [3.43.88](https://indike.org/pramana/in.purana.brahmanda.3.43.88) — 1 part ### [3.43.1](https://indike.org/pramana/in.purana.brahmanda.3.43.1) agastya uvāca aśvānana mahāprājña karuṇāmṛtavāridhe / śrīdevīdarśane dīkṣā yādṛśī tāṃ nivedaya // ### [3.43.2](https://indike.org/pramana/in.purana.brahmanda.3.43.2) hayagrīva uvāca yadi te devatābhāvo yayā kalmaṣakardamāḥ / kṣālyante ca tathā pusāṃ dīkṣāmācakṣmahe 'tra tām // ### [3.43.3](https://indike.org/pramana/in.purana.brahmanda.3.43.3) haste śivapurandhyātvā japenmūlāṅgamālinīm / guruḥ spṛśecchiṣyatanuṃ sparśadīkṣeyamīritā // ### [3.43.4](https://indike.org/pramana/in.purana.brahmanda.3.43.4) nimīlya nayane dhyātvā śrīkāmākṣīṃ prasannadhīḥ / samyakpaśyedguruḥ śiṣyaṃ dṛgdīkṣā seyamucyate // ### [3.43.5](https://indike.org/pramana/in.purana.brahmanda.3.43.5) gurorālokamātreṇa bhāṣaṇātsparśanādapi / sadyaḥ sañjāyate jñānaṃ sā dīkṣā śāmbhavī matā // ### [3.43.6](https://indike.org/pramana/in.purana.brahmanda.3.43.6) devyā deho yathā prokto gurudehastathaiva ca / tatprasādena śiṣyo 'pi tadrūpaḥ samprakāśate // ### [3.43.7](https://indike.org/pramana/in.purana.brahmanda.3.43.7) ciraṃ śuśrūṣayā samyaktoṣito deśikeśvaraḥ / tūṣṇīṃ saṃkalpayecchiṣyaṃ sā dīkṣā mānasī matā // ### [3.43.8](https://indike.org/pramana/in.purana.brahmanda.3.43.8) dīkṣāṇāmapi sarvāsāmiyamevottamottamā / ādau kuryātkriyādīkṣāṃ tatprakāraḥ pravakṣyate // ### [3.43.9](https://indike.org/pramana/in.purana.brahmanda.3.43.9) śuklapakṣe śubhadine vidhāya śucimānasam / jihvāsyamalaśuddhiṃ ca kṛtvā snātvā yathāvidhi // ### [3.43.10](https://indike.org/pramana/in.purana.brahmanda.3.43.10) saṃdhyākarma samāpyātha gurudehaṃ paraṃ smaran / ekānte nivasañchrīmānmaunī ca niyatāśanaḥ // ### [3.43.11](https://indike.org/pramana/in.purana.brahmanda.3.43.11) guruśca tādṛśobhūtvā pūjāmandiramāviśet / devīsūktena saṃyuktaṃ vidyānyāsaṃ samātṛkam // ### [3.43.12](https://indike.org/pramana/in.purana.brahmanda.3.43.12) kṛtvā puruṣasūktena ṣoḍaśairupacārakaiḥ / āvāhanā sane pādyamardhyamācamanaṃ tathā // ### [3.43.13](https://indike.org/pramana/in.purana.brahmanda.3.43.13) snānaṃ vastraṃ ca bhūṣā ca gandhaḥ puṣpaṃ tathaiva ca / dhūpadīpau ca naivedyaṃ tāmbūlaṃ ca pradakṣiṇā // ### [3.43.14](https://indike.org/pramana/in.purana.brahmanda.3.43.14) praṇāmaśceti vikhyātaiḥ prīṇayettripurāṃbikām / atha puṣpāñjaliṃ dadyātsahasrākṣaravidyayā // ### [3.43.15](https://indike.org/pramana/in.purana.brahmanda.3.43.15) oṃ aiṃ hrīṃ śrīṃ aiṃ klīṃ sauḥ oṃ namastripurasundari hṛdaye devi śirodevi śikhādevi kavacadevi netradevi āsyadevi kāmeśvari bhagamālini nityaklinneṃ bhairuṇḍe vahnivāsini mahāvajreśvari vidyeśvari paraśivadūti tvarite kulasuṃdari nitye nīlapatāke vijaye sarvamaṅgale jvālāmālini citre mahānitye parameśvari mantreśamayi ṣaṣṭhīśamayyudyānamayi lopāmudrāmayyagastyamayi kālatāpanamayi dharmācāramayi muktake śīśvaramayi dīpakalānāthamayi viṣṇudevamayi prabhākaradevamayi tejodevamayi manojadevamayi aṇimasiddhe mahimasiddhe garima siddhe laghimasiddhe īśitvasiddhe vaśitvasiddhe prāptisiddhe prākāmyasiddhe rasasiddhe mokṣasiddhe brāhmi māheśvarī kaumāri vaiṣṇavi vārāhi indrāṇi cāmuṇḍe mahālakṣmi sarvasaṃkṣobhiṇi sarvavidrāviṇi sarvākarṣiṇi sarvavaśaṅkari sarvonmādini sarvamahāṅkuśe sarvakhecari sarvabīje sarvayone sarvāstrakhaṇḍini trailokyamohini cakrasvāmini prāṭayogini bauddhadarśanāṅgi kāmākarṣiṇi buddhyākarṣiṇi ahaṅkārākarṣiṇi śabdākarṣiṇi sparśākarṣiṇi rūpākarṣiṇi rasākarṣiṇi gandhākarṣiṇi cittākarṣiṇi dhairyākarṣiṇi smṛtyākarṣiṇi nāmākarṣiṇi bījākarṣiṇātmākirṣiṇi amṛtākarṣiṇi śarīrākarṣiṇi guptayogini sarvāśāparipūrakacakrasvāmini anaṅgakusume anaṅgamekhale anaṅgamādini anaṅgamadanāture 'naṅgarekhe 'naṅgaveginyanaṅgāṅkuśe 'naṅgamālini guptatarayogini vaidikadarśanāṅgi sarvasaṃkṣobhakāraka cakrasvāmini pūrvāmnāyādhidevate sṛṣṭirūpe sarvasaṃkṣobhiṇi sarvavidrāviṇi sarvākarṣiṇi sarvāhlādini sarvasaṃmohini sarvastaṃbhiṇi sarvajṛṃbhiṇi sarvavaśaṅkari sarvarañjini sarvonmādini sarvārthasādhike sarvasaṃpatprapūriṇi sarvamantramayi sarvadvandvakṣayakari sampradāyayogini sauradarśanāṅgi sarvasaubhāgyadāyakacakre sarvasiddhiprade sarvasampatprade sarvapriyaṅkari sarvamaṅgalakāriṇi sarvakāmaprade sarvaduḥkhavimocini sarvamṛtyupraśamini sarvavighnanivāriṇi sarvāṅgasundari sarvasaubhāgyadāyini kulottīrṇayogini sarvārthasādhakacakreśi sarvajñe sarvaśakte sarvaiśvaryaphalaprade sarvajñānamayi sarvavyādhinivāriṇi sarvādhārasvarūpe sarvapāpahare sarvānandamayi sarvarakṣāsvarūpiṇi sarvepsita phalaprade niyogini vaiṣṇavadarśanāṅgi sarvarakṣākaracakrasthe dakṣiṇāmnāyeśi sthitirūpe vaśini kāmeśi modini vimale aruṇe jayini sarveśvari kaulini rahasyayogini rahasyabhogini rahasyagopini śāktadarśanāṅgi sarvarogaharacakreśi paścimāmnāye dhanurbāṇapāśāṅkuśadevate kāmeśi vajreśi phagamālini atirahasyayogini śaivadarśanāṅgi sarvasiddhipradacakrage uttarāmnāyeśi saṃhārarūpe śuddhapare vindupīṭhagate mahārātripurasundari parāparātirahasyayogini śāṃbhavadarśanāṅgi sarvānandamayacakreśi tripurasuṃdari tripuravāsini tripuraśrīḥ tripuramālini tripurasiddhe tripurāṃba sarvacakrasthe anuttarāmnāyākhyasvarūpe mahātripurabhairavi caturvidhaguṇarūpe kule akule kulākule mahākaulini sarvottare sarvadarśanāṅgi navāsanasthite navākṣari navamithunākṛte maheśamādhavavidhātṛmanmathaskandanandīndramanucandrakuberāgastyadurvāsaḥkrodhabhaṭṭārakavidyātmike kalyāṇatattvatrayarūpe śivaśivātmike pūrmabrahmaśakte mahāparameśvari mahātripurasundari tava śrīpādukāṃ pūjayāmi namaḥ / ka eṃ īla hrīṃ hasa kahala hrīṃ aiṃ klīṃ sauḥ sauḥ klīṃ aiṃ śrīṃ / devyāḥ puṣpāñjaliṃ dadyātsahasrākṣaravidyāyā / nocettatpūjanaṃ vyarthamityāhurvedavādinaḥ // ### [3.43.16](https://indike.org/pramana/in.purana.brahmanda.3.43.16) tato gomayasaṃlipte bhūtale droṇaśālibhiḥ / tāvadbhistaṇḍulaiḥ śuddhaiḥ śastārṇaistatra nūtanam // ### [3.43.17](https://indike.org/pramana/in.purana.brahmanda.3.43.17) droṇodapūritaṃ kuṃbhaṃ pañcaratnairnavairyutam / nyagrodhāśvatthamākandajaṃbūdumbaraśākhinām // ### [3.43.18](https://indike.org/pramana/in.purana.brahmanda.3.43.18) tvagbhiśca pallavaiścaiva prakṣiptairadhivāsinam / kumbhāgre nikṣipetpakvaṃ nārikelaphalaṃ śubham // ### [3.43.19](https://indike.org/pramana/in.purana.brahmanda.3.43.19) abhyarcya gandhapuṣpādyairdhūpadīpādi darśayet / śrīcintāmaṇimantraṃ tu hṛdi mātṛkamājapet // ### [3.43.20](https://indike.org/pramana/in.purana.brahmanda.3.43.20) kumbha spṛśañchrīkāmāptirūpīkṛtakalevaram / aṣṭottaraśate jāte punardīpaṃ pradarśayet // ### [3.43.21](https://indike.org/pramana/in.purana.brahmanda.3.43.21) śiṣyamāhūya rahasi vāsasā baddhalocanam / kārayitvā praṇāmānāṃ sāṣṭāṅgānāṃ trayaṃ guruḥ // ### [3.43.22](https://indike.org/pramana/in.purana.brahmanda.3.43.22) puṣpāṇi tatkare dattvā kāraye tkusumāñjalim / śrīnāthakaruṇārāśe parañjyotirmayeśvari // ### [3.43.23](https://indike.org/pramana/in.purana.brahmanda.3.43.23) prasūnāñjalireṣā te nikṣiptā caraṇāṃbuje / paraṃ dhāma paraṃ brahma mama tvaṃ paradevatā // ### [3.43.24](https://indike.org/pramana/in.purana.brahmanda.3.43.24) adyaprabhṛti me putrānrakṣa māṃ śāraṇāgatam / ityuktvā gurupādāvje śiṣyo mūrdhni vidhārayet // ### [3.43.25](https://indike.org/pramana/in.purana.brahmanda.3.43.25) janmāntara sukṛtatvaṃ syānnyaste śirasi pāduke / guruṇā kamalāsanamuraśāsanapuraśāsanasevayā labdhe // ### [3.43.26](https://indike.org/pramana/in.purana.brahmanda.3.43.26) ityuktvā bhaktibharitaḥ punarutthāya śāntimān / vāmapārśve gurostiṣṭhedamānī vinayānvitaḥ // ### [3.43.27](https://indike.org/pramana/in.purana.brahmanda.3.43.27) tatastuṃbījalaiḥ prokṣya vāmabhāge nivedayet / vimucya netrabandhaṃ tu darśayedarcanakramam // ### [3.43.28](https://indike.org/pramana/in.purana.brahmanda.3.43.28) sitāmadhvājyakadalīphalapāyasarūpakam / mahātripurasundaryā naivedyamiti cādiśet // ### [3.43.29](https://indike.org/pramana/in.purana.brahmanda.3.43.29) ṣoḍaśarṇamanuṃ tasya vadedvāmaśrutau śanaiḥ / tato bahirvinirgatya sthāpya dārvāsane śucim // ### [3.43.30](https://indike.org/pramana/in.purana.brahmanda.3.43.30) niveśya prāṅmukhaṃ tatra paṭṭavastrasamāstṛte / śiṣyaṃ śrīkumbhasalilairabhiṣiñcetsamantrakam // ### [3.43.31](https://indike.org/pramana/in.purana.brahmanda.3.43.31) punaḥ śuddhodakaiḥ snātvā vāsasī parigṛhya ca / aṣṭottaraśataṃ mantraṃ japtvā nidrāmathāviśet // ### [3.43.32](https://indike.org/pramana/in.purana.brahmanda.3.43.32) śubhe dṛṣṭe sati svapne puṇyaṃ yojyaṃ tadottamam / duḥsvapne tu japaṃ kuryādaṣṭottarasahasrakam // ### [3.43.33](https://indike.org/pramana/in.purana.brahmanda.3.43.33) kārayettripurāṃbāyāḥ saparyāṃ muktamārgataḥ / yadā na dṛṣṭaḥ svapno 'pi tadā siddhiścirādbhavet // ### [3.43.34](https://indike.org/pramana/in.purana.brahmanda.3.43.34) svīkuryātparayā bhaktyā devī śeṣa kalādhikam / sadya eva sa śiṣyaḥ syātpaṅktipāvanapāvanaḥ // ### [3.43.35](https://indike.org/pramana/in.purana.brahmanda.3.43.35) śarīramarthaṃ prāṇaṃ ca tasmai śrīgurave diśet / tadadhīnaśca rennityaṃ tadvākyaṃ naiva laghayet // ### [3.43.36](https://indike.org/pramana/in.purana.brahmanda.3.43.36) yaḥ prasannaḥ kṣaṇārdhena mokṣalakṣmīṃ prayacchati / durlabhaṃ taṃ vijānīyādguruṃ saṃsāratārakam // ### [3.43.37](https://indike.org/pramana/in.purana.brahmanda.3.43.37) gukārasyāndhakāror'tho rukārastannirodhakaḥ / andhakāranirodhitvādgururityabhidhīyate // ### [3.43.38](https://indike.org/pramana/in.purana.brahmanda.3.43.38) bodharūpaṃ guruṃ prāpya na gurvantaramādiśet / guruktaṃ paruṣaṃ vākyamāśiṣaṃ paricintayet // ### [3.43.39](https://indike.org/pramana/in.purana.brahmanda.3.43.39) laukikaṃ vaidikaṃ vāpi tathādhyātmikameva ca / ādadīta tato jñānaṃ pūrvaṃ tamabhivādayet // ### [3.43.40](https://indike.org/pramana/in.purana.brahmanda.3.43.40) evaṃ dīkṣātrayaṃ kṛtvā vidheyaṃ baudhayetpunaḥ / gurubhaktissadācārastaddrohastatra pātakam // ### [3.43.41](https://indike.org/pramana/in.purana.brahmanda.3.43.41) tatpadasmaraṇaṃ muktiryāvaddehamayaṃ kramaḥ / yatpāpaṃ samavāpnoti gurvagre 'nṛtabhāṣaṇat // ### [3.43.42](https://indike.org/pramana/in.purana.brahmanda.3.43.42) gobrāhmaṇāvadhaṃ kṛtvā na tatpāpaṃ samāśrayet / brahmādistaṃba paryataṃ yasya me gurusaṃtatiḥ // ### [3.43.43](https://indike.org/pramana/in.purana.brahmanda.3.43.43) tasya me sarvapūjyasya ko na pūjyo mahītale / iti sarvānukūlo yaḥ sa śiṣyaḥ parikīrtitaḥ // ### [3.43.44](https://indike.org/pramana/in.purana.brahmanda.3.43.44) śīlādivimalānekaguṇasaṃpannabhāvanaḥ / guruśāsanavartitvācchiṣya ityabhidhīyate // ### [3.43.45](https://indike.org/pramana/in.purana.brahmanda.3.43.45) japācchrāntaḥ punardhyāyeddhyānācchrāntaḥ punarjapet / japadhyānādiyuktasya kṣipraṃ mantraḥ prasidhyati // ### [3.43.46](https://indike.org/pramana/in.purana.brahmanda.3.43.46) yathā dhyānasya sāmarthyātkīṭo 'pi bhramarāyate / tathā samādhisā marthyādbrahmībhūto bhavennaraḥ // ### [3.43.47](https://indike.org/pramana/in.purana.brahmanda.3.43.47) yathā nilīyate kāle prapañco naiva dṛśyate / tathaiva mīlayennetre etaddhyānasya lakṣaṇam // ### [3.43.48](https://indike.org/pramana/in.purana.brahmanda.3.43.48) vidite tu pare tattve varṇātīte hyavikriye / kiṅkaratvaṃ ca gacchanti mantrā mantrādhipaiḥ saha // ### [3.43.49](https://indike.org/pramana/in.purana.brahmanda.3.43.49) ātmaikyabhāvaniṣṭhasya yā ceṣṭā sā tu darśanam / yogastapaḥ sa tanmantrastaddhanaṃ yannirīkṣaṇam // ### [3.43.50](https://indike.org/pramana/in.purana.brahmanda.3.43.50) dehābhimāne galite vijñāte paramātmani / yatrayatra mano yāti tatratatra samādhayaḥ // ### [3.43.51](https://indike.org/pramana/in.purana.brahmanda.3.43.51) yaḥ paśyetsarvagaṃ śāṃmānandātmānamadvayam / na tasya kiñcidāptavyaṃ jñātavyaṃ vāvaśiṣyate // ### [3.43.52](https://indike.org/pramana/in.purana.brahmanda.3.43.52) pūjākoṭisamaṃ stotraṃ stotrakoṭisamojapaḥ / japakoṭisamaṃ dhyānaṃ dhyānakoṭisamo layaḥ // ### [3.43.53](https://indike.org/pramana/in.purana.brahmanda.3.43.53) deho devālayaḥ prokto jīva eva maheśvaraḥ / tyajedajñānanirmālyaṃ sohaṃbhāvena yojayet // ### [3.43.54](https://indike.org/pramana/in.purana.brahmanda.3.43.54) tuṣeṇa baddho vrīhiḥ syāttuṣābhāve tu taṇḍulaḥ / pāśabaddhaḥ smṛto jīvaḥ pāśamukto maheśvaraḥ // ### [3.43.55](https://indike.org/pramana/in.purana.brahmanda.3.43.55) ākāśe pakṣijātīnāṃ jaleṣu jalacāriṇām / yathā gatirna dṛśyeta mahāvṛttaṃ mahātmanām // ### [3.43.56](https://indike.org/pramana/in.purana.brahmanda.3.43.56) nityārcanaṃ divā kuryādrātrau naimittikārcanam / ubhayoḥ kāmyakarmā syāditi śāstrasya niścayaḥ // ### [3.43.57](https://indike.org/pramana/in.purana.brahmanda.3.43.57) koṭikoṭimahādānātkoṭikoṭimahāvratāt / koṭikoṭimahāyajñātparā śrīpādukā smṛtiḥ // ### [3.43.58](https://indike.org/pramana/in.purana.brahmanda.3.43.58) jñānato 'jñānato vāpi yāvaddehasya dhāraṇam / tāvadvarṇāśramācāraḥ kartavyaḥ karmamuktaye // ### [3.43.59](https://indike.org/pramana/in.purana.brahmanda.3.43.59) nirgataṃ yadgurorvaktrātsarvaṃ śāstraṃ taducyate / niṣiddhamapi tatkuryādgurvājñāṃ naiva laṅghayet // ### [3.43.60](https://indike.org/pramana/in.purana.brahmanda.3.43.60) jātividyādhanāḍhyo vā dūre dṛṣṭvā guruṃ mudā / daṇḍapramāṇaṃ kṛtvaikaṃ triḥ pradakṣiṇāmācaret // ### [3.43.61](https://indike.org/pramana/in.purana.brahmanda.3.43.61) gurubuddhyā nametsarvaṃ daivataṃ tṛṇameva vā / praṇameddevabuddhyā tu pratimāṃ lohamṛnmayīm // ### [3.43.62](https://indike.org/pramana/in.purana.brahmanda.3.43.62) guruṃ huṅkṛtya tuṅkṛtya vipraṃ vādairvijitya ca / vikāsya guhyaśāstrāṇi bhavanti brahmarākṣasāḥ // ### [3.43.63](https://indike.org/pramana/in.purana.brahmanda.3.43.63) advaitaṃ bhāva yennityaṃ nādvaitaṃ guruṇā saha / na nindedanyasamayānvedaśāstrāgamādikān // ### [3.43.64](https://indike.org/pramana/in.purana.brahmanda.3.43.64) ekagrāmasthitaḥ śiṣyastrisaṃdhyaṃ praṇamedgurum / krośa mātrasthito bhaktyā guruṃ pratidinaṃ namet // ### [3.43.65](https://indike.org/pramana/in.purana.brahmanda.3.43.65) arthayojanagaḥ śiṣyaḥ praṇametpañcaparvasu / ekayojanamārabhya yojanadvādaśāvadhi // ### [3.43.66](https://indike.org/pramana/in.purana.brahmanda.3.43.66) tattadyojanasaṃkhyātamāseṣu praṇamedgurum / atidūrasthitaḥ śiṣyo yadecchā syāttadā vrajet // ### [3.43.67](https://indike.org/pramana/in.purana.brahmanda.3.43.67) riktapāṇistu nopeyādrājānaṃ devatāṃ gurum / phalapuṣpāṃbarādīni yathāśakti samarpayet // ### [3.43.68](https://indike.org/pramana/in.purana.brahmanda.3.43.68) manuṣyacarmaṇā baddhaḥ sākṣātparaśivaḥ svayam / sacchiṣyānugrahārthāya gūḍhaṃ paryaṭati kṣitau // ### [3.43.69](https://indike.org/pramana/in.purana.brahmanda.3.43.69) sadbhaktarakṣaṇāyaiva nirākāro 'pi sākṛtiḥ / śivaḥ kṛpānidhirloke saṃsārīva hi ceṣṭate // ### [3.43.70](https://indike.org/pramana/in.purana.brahmanda.3.43.70) / atrinetraḥ śivaḥ sākṣādacaturbāhuracyutaḥ / acaturvadano brahmā śrīguruḥ parikīrtitaḥ // ### [3.43.71](https://indike.org/pramana/in.purana.brahmanda.3.43.71) śrīguruṃ paratattvākhyaṃ tiṣṭhantaṃ cakṣuragrataḥ / bhāgyahīnā na paśyanti sūryamandhā ivoditam // ### [3.43.72](https://indike.org/pramana/in.purana.brahmanda.3.43.72) uttamā tattvacintā syājjapacintā tu madhyamā / adhamā śāstracintā syāllokacintādhamādhamā // ### [3.43.73](https://indike.org/pramana/in.purana.brahmanda.3.43.73) nāsthi gurvadhikaṃ tattvaṃ nāsti jñānādhikaṃ sukham / nāsti bhaktyadhikā pūjā na hi mokṣādhikaṃ phalam // ### [3.43.74](https://indike.org/pramana/in.purana.brahmanda.3.43.74) sarvavedeṣu śāstreṣu brahmaviṣṇuśivādiṣu / tatra tatrocyate śabdaiḥ śrīkāmākṣī parātparā // ### [3.43.75](https://indike.org/pramana/in.purana.brahmanda.3.43.75) śacīndrau svāhāgnī ca prabhāravī / lakṣmīnārāyaṇau vāṇīdhātārau girijāśivau // ### [3.43.76](https://indike.org/pramana/in.purana.brahmanda.3.43.76) agnīṣomau bindunādau tathā prakṛtipūruṣau / ādhārādheyanāmānau bhogamokṣau tathaiva ca // ### [3.43.77](https://indike.org/pramana/in.purana.brahmanda.3.43.77) prāṇāpanau ca śabdārthauṃ tathā vidhiniṣedhakau / sukhaduḥkhādi yaddvandvaṃ dṛśyate śrūyate 'pi vā // ### [3.43.78](https://indike.org/pramana/in.purana.brahmanda.3.43.78) sarvalokeṣu tatsarvaṃ paraṃ brahma na saṃśayaḥ / uttīrmamaparaṃ jyotiḥ kāmākṣīnāmakaṃ viduḥ // ### [3.43.79](https://indike.org/pramana/in.purana.brahmanda.3.43.79) yadeva nityaṃ dhyāyanti brahmaviṣṇuśivādayaḥ / itthaṃ hi śaktimārge 'sminyaḥ pumāniha vartate // ### [3.43.80](https://indike.org/pramana/in.purana.brahmanda.3.43.80) prasādabhūmiḥ śrīdevyā bhuktimuktyoḥ sa bhājanam / amantraṃ vā samatraṃ vā kāmākṣīmarcayanti ye // ### [3.43.81](https://indike.org/pramana/in.purana.brahmanda.3.43.81) striyo vaiśyāśca śūdrāśca te yānti paramāṃ gatim / kiṃ punaḥ kṣattriyā viprā mantrapūrvaṃ yajanti ye // ### [3.43.82](https://indike.org/pramana/in.purana.brahmanda.3.43.82) saṃsāriṇo 'pi te nūnaṃ vimuktā nātra saṃśayaḥ / sitāmadhvājyakadalīphalapāyasarūpakam // ### [3.43.83](https://indike.org/pramana/in.purana.brahmanda.3.43.83) pañcaparvasu naivedyaṃ sarvadaiva nivedayet / yonārcayati śakto 'pi sa devīśāpamāpnuyāt // ### [3.43.84](https://indike.org/pramana/in.purana.brahmanda.3.43.84) aśaktau bhāvanādravyairarcayennityamaṃbikām / gṛhasthastu mahādevīṃ maṅgalācārasaṃyutaḥ // ### [3.43.85](https://indike.org/pramana/in.purana.brahmanda.3.43.85) arcayeta mahālakṣmīmanukūlāṅganāsakhaḥ / gurustrivāramācāraṃ kathayetkalaśodbhava // ### [3.43.86](https://indike.org/pramana/in.purana.brahmanda.3.43.86) śiṣyo yadi na gṛhṇīyā cchiṣye pāpaṃ gurorna hi / lakṣmīnārāyaṇau vāṇīdhātārau girijāśivau // ### [3.43.87](https://indike.org/pramana/in.purana.brahmanda.3.43.87) śrīguruṃ gurupatnīṃ ca pitarau cintayeddhiyā / iti sarvaṃ mayā proktaṃ samāsena ghaṭodbhava // ### [3.43.88](https://indike.org/pramana/in.purana.brahmanda.3.43.88) etāvadavadhānena sarvajño matimānbhavet // ### [3.43.88.p1](https://indike.org/pramana/in.purana.brahmanda.3.43.88.p1) iti śrībrahmāṇḍamahāpurāṇe uttarabhāge lalitopākhyāne tricatvāriṃśo 'dhyāyaḥ ## Linked texts (8) - [Kulārṇavatantra](https://indike.org/pramana/in.sampradaya.saiva.trika.kaula.kularnava.2.152) — Sanskrit - [Kaulārcanadīpikā](https://indike.org/pramana/in.sampradaya.saiva.trika.kaula.kaularcanadipika.74) — Sanskrit - [Tantracintāmaṇi](https://indike.org/pramana/in.sampradaya.saiva.trika.krama.tantracintamani.10.530) — Sanskrit - [Kulavṛtti](https://indike.org/pramana/in.sampradaya.general.sakta.kulavrtti.1.943) — Sanskrit - [Saurapurāṇa](https://indike.org/pramana/in.purana.upa.saiva.saura.68.10) — Sanskrit - [Kṛtyakalpataru](https://indike.org/pramana/in.niti.dharma.nibandha.mahanibandha.krtyakalpataru.27.p530.2) — Lakṣmīdhara Bhaṭṭa, Sanskrit - [Śivatattvaratnākara](https://indike.org/pramana/in.niti.dharma.rajadharma.sivatattvaratnakara.103.70) — Basappa Nāyaka 1684, Sanskrit - [Śivattvaratnākara](https://indike.org/pramana/in.med.pasu.sivattvaratnakara.103.70) — Basava, Sanskrit --- Source: [https://indike.org/pramana/in.purana.brahmanda.3.43](https://indike.org/pramana/in.purana.brahmanda.3.43) · Pramāṇa