[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmandapurana](https://indike.org/pramana/in.purana.brahmanda) › 3.44 # Brahmandapurana 3.44 Brahmāṇḍapurāṇa 3.44 - **Language:** Sanskrit ## Contents - [3.44.151](https://indike.org/pramana/in.purana.brahmanda.3.44.151) — 3 parts ### [3.44.1](https://indike.org/pramana/in.purana.brahmanda.3.44.1) hayagrīva uvāca praviśya tu japasthānamānīya nijamāsanam / abhyukṣya vidhivanmantrairgurūktakramayogataḥ // ### [3.44.2](https://indike.org/pramana/in.purana.brahmanda.3.44.2) svātmānaṃ devatāmūrtiṃ dhyāyaṃstatrāviśeṣataḥ / prāṅmukho dṛḍhamābadhya padmāsanamananyadhīḥ // ### [3.44.3](https://indike.org/pramana/in.purana.brahmanda.3.44.3) trikhaṇḍāmanubadhnīyādgurvādīnabhivandya ca / dviruktabālabījāni madhyādyaṅguliṣu kramāt // ### [3.44.4](https://indike.org/pramana/in.purana.brahmanda.3.44.4) talayorapi vinyasya karaśuddhipuraḥsaram / agniprākāraparyantaṃ kuryātsvāstreṇa mantravit // ### [3.44.5](https://indike.org/pramana/in.purana.brahmanda.3.44.5) pratilomena pādādyamanulomena kādikam / vyāpa kanyāsamāropya vyāpayanvāgbhavādibhiḥ // ### [3.44.6](https://indike.org/pramana/in.purana.brahmanda.3.44.6) vyaktaiḥ kāramasūkṣmasthūlaśarīrāṇi kalpayet / nābhau hṛdi bhruvormadhye bālābījānyatha nyaset // ### [3.44.7](https://indike.org/pramana/in.purana.brahmanda.3.44.7) mātṛkāṃ mūlapuṭitāṃ nyasennābhyādiṣu kramāt / bālābījāni tānyeva dvirāvṛttyātha vinyaset // ### [3.44.8](https://indike.org/pramana/in.purana.brahmanda.3.44.8) madhyādikaraśākhāsu talayorapi nānyathā / nābhyādāvatha vinyasya nyasedatha padadvaye // ### [3.44.9](https://indike.org/pramana/in.purana.brahmanda.3.44.9) jānūrusphigguhyamūlanābhi hṛnmūrdhasu kramāt / navāsanāni brahmāṇaṃ viṣṇuṃ rudraṃ tatheśvaram // ### [3.44.10](https://indike.org/pramana/in.purana.brahmanda.3.44.10) sadāśivaṃ ca pūṣāṇaṃ tūlikāṃ ca prakāśakam / vidyāsanaṃ ca vinyasya hṛdaye darśayettataḥ // ### [3.44.11](https://indike.org/pramana/in.purana.brahmanda.3.44.11) padmatrikhaṇḍayonyākhyāṃ mudrāmoṣṭhapuṭena ca / vāyumāpūrya huṃ huṃ huṃ tviti prābīdhya kuṇḍalīm // ### [3.44.12](https://indike.org/pramana/in.purana.brahmanda.3.44.12) mantraśaktyā samunnīya dvādaśānte śivaikatām / bhāvayitvā punastaṃ ca svasthāne viniveśya ca // ### [3.44.13](https://indike.org/pramana/in.purana.brahmanda.3.44.13) vāgbhavādīni bījāni mūlahṛdbāhuṣu nyaset / samastamūrdhni dormūlamadhyāgreṣu yathākramam // ### [3.44.14](https://indike.org/pramana/in.purana.brahmanda.3.44.14) hastau vinyasya cāṅgeṣu hyaṅguṣṭhāditalāvadhi / hṛdayādau ca vinyasya kuṅkumaṃ nyāsamācaret // ### [3.44.15](https://indike.org/pramana/in.purana.brahmanda.3.44.15) śuddhā tṛtīyabījena puṭitāṃ mātṛkāṃ punaḥ / ādyabījadvayaṃ nyasya hyantyabījaṃ nyasediti // ### [3.44.16](https://indike.org/pramana/in.purana.brahmanda.3.44.16) punarbhūtalavinyāsamācarennātivistaram / vargāṣṭakaṃ nyasenmūle nābhau hṛdayakaṇṭhayoḥ // ### [3.44.17](https://indike.org/pramana/in.purana.brahmanda.3.44.17) prāgādhāyaiṣu śaṣasānmūlahṛnmūrddhasu nyaset / kakṣakaṭyaṃsavāmāṃsakaṭihṛtsu ca vinyaset // ### [3.44.18](https://indike.org/pramana/in.purana.brahmanda.3.44.18) prabhūtādhaḥ ṣaḍaṅgāni dādivargaistu vinyaset / ṛṣistu śabdabrahmasyācchando bhūtalipirmatā // ### [3.44.19](https://indike.org/pramana/in.purana.brahmanda.3.44.19) śrīmūlaprakṛtistvasya devatā kathitā manoḥ / akṣasrakpustake cordhve puṣpasāyakakārmuke // ### [3.44.20](https://indike.org/pramana/in.purana.brahmanda.3.44.20) varābhītikarābjaiśca dhārayantīmanūpamām / rakṣaṇākṣamayīṃ mānāṃ vahantī kaṇṭhadeśataḥ // ### [3.44.21](https://indike.org/pramana/in.purana.brahmanda.3.44.21) hārakeyūrakaṭakacchannavīravibhūṣaṇām / divyāṅgarāgasaṃbhinnamaṇikuṇḍalamaṇḍitām // ### [3.44.22](https://indike.org/pramana/in.purana.brahmanda.3.44.22) lipikalpadrumasyādho rūpipaṅkajavāsinīm / sākṣāllipimayīṃ dhyāyedbhairavīṃ bhaktavatsalām // ### [3.44.23](https://indike.org/pramana/in.purana.brahmanda.3.44.23) anekakoṭidūtībhiḥ samantātsamalaṅkṛtām / evaṃ dhyātvā nyasedbhūyo bhūtalepyakṣarānkramāt // ### [3.44.24](https://indike.org/pramana/in.purana.brahmanda.3.44.24) mūlādyājñāvasāneṣu vargāṣṭakamatho nyaset / śaṣasānmūrdhni saṃnyasya svarāneṣveva vinyaset // ### [3.44.25](https://indike.org/pramana/in.purana.brahmanda.3.44.25) hādirūrdhvādipañcāsyeṣvagre mūle ca madhyame / aṅgulīmūlamaṇibandhayordeṣṇośca pādayoḥ // ### [3.44.26](https://indike.org/pramana/in.purana.brahmanda.3.44.26) jaṭhare pārśvayordakṣavāmayornābhipṛṣṭhayoḥ / śaṣasānmūlahṛnmūrdhasvetānvā lādikānnya set // ### [3.44.27](https://indike.org/pramana/in.purana.brahmanda.3.44.27) hrasvāḥ pañcātha sandhyarṇāścatvāro hayarā valau / akau khagenagaścādau kramoyaṃ śiṣṭavargake // ### [3.44.28](https://indike.org/pramana/in.purana.brahmanda.3.44.28) śaṣasā iti vikhyātā dvicatvāriṃśadakṣarāḥ / ādyaḥ pañcākṣaro vargo dvitīyaścaturakṣaraḥ // ### [3.44.29](https://indike.org/pramana/in.purana.brahmanda.3.44.29) pañcākṣarī tu ṣaḍvargī trivarṇo navamo mataḥ / brahmā viṣṇuśca rudraśca dhaneśendrayamāḥ kramāt // ### [3.44.30](https://indike.org/pramana/in.purana.brahmanda.3.44.30) varuṇaścaiva somaśca śaktitrayamime nava / varṇānāmīśvarāḥ proktāḥ kramo bhūtaliperayam // ### [3.44.31](https://indike.org/pramana/in.purana.brahmanda.3.44.31) evaṃ sṛṣṭau pāṭho viparītaḥ saṃhṛtāvamunyeva / sthānāni yojanīyau visargabindū ca varṇāntau // ### [3.44.32](https://indike.org/pramana/in.purana.brahmanda.3.44.32) dhyānapūrvaṃ tataḥ prājño ratyādinyāsamācaret / japākusumasaṃkāśāḥ kuṅkumāruṇavigrahāḥ // ### [3.44.33](https://indike.org/pramana/in.purana.brahmanda.3.44.33) kāmavāmādhirūḍhāṅkā dhyeyāḥ śaradhanurdharāḥ / ratiprītiyutaḥ kāmaḥ kāminyāḥ kāntaiṣyate // ### [3.44.34](https://indike.org/pramana/in.purana.brahmanda.3.44.34) kāntimānmohinīyuktakāmāṅgaḥ kalahapriyām / anveti kāmacāraistu vilāsinyā samanvitaḥ // ### [3.44.35](https://indike.org/pramana/in.purana.brahmanda.3.44.35) kāmaḥ kalpalatā yuktaḥ kāmukaḥ śyāmavarṇayā / śucismitānvitaḥ kāmo bandhako vismṛtāyutaḥ // ### [3.44.36](https://indike.org/pramana/in.purana.brahmanda.3.44.36) ramaṇo vismitākṣyā ca rāmo 'yaṃ lelihānayā / ramaṇyā ratināthopi digvastrāḍhyo ratipriyaḥ // ### [3.44.37](https://indike.org/pramana/in.purana.brahmanda.3.44.37) vāmayā kubjayā yukto ratinātho dharāyutaḥ / ramākānto ramopāsyo ramamāṇo niśācaraḥ // ### [3.44.38](https://indike.org/pramana/in.purana.brahmanda.3.44.38) kalyāṇo mohinīnātho nandakaścottamānvitaḥ / nandī surottamāḍhyo nandano nandayitā punaḥ // ### [3.44.39](https://indike.org/pramana/in.purana.brahmanda.3.44.39) sulāvaṇyānvitaḥ pañcabāṇo bālanidhīśvaraḥ / kalahapriyayā yuktastathā ratisakhaḥ punaḥ // ### [3.44.40](https://indike.org/pramana/in.purana.brahmanda.3.44.40) ekākṣyā puṣpadhanvāpi sumukheśo mahādhanuḥ / nīlī jaḍilyo bhramaṇaḥ kramaśaḥ pālinīpatiḥ // ### [3.44.41](https://indike.org/pramana/in.purana.brahmanda.3.44.41) bhramamāṇaḥ śivākānto bhramo bhrāntaśca mugdhayā / bhrāmako ramayā prāpto bhrāmito bhṛṅga iṣyate // ### [3.44.42](https://indike.org/pramana/in.purana.brahmanda.3.44.42) bhrāntācāro locanayā dīrghajihvikayā punaḥ / bhramāvahaṃ samanveti mohanastu ratipriyām // ### [3.44.43](https://indike.org/pramana/in.purana.brahmanda.3.44.43) mohakastu palāśākṣyā gṛhiṇyāṃ moha iṣyate / vikaṭeśo mohadharo vardhanoyaṃ dharāyutaḥ // ### [3.44.44](https://indike.org/pramana/in.purana.brahmanda.3.44.44) madanātho 'nūpamastu manmatho malayānvitaḥ / mādakohlādinīyuktaḥ samicchanviśvatomukhī // ### [3.44.45](https://indike.org/pramana/in.purana.brahmanda.3.44.45) nāyako bhṛṅgapūrvastu gāyako nandinīyutaḥ / gaṇako 'nāmayā jñeyaḥ kālyā nartaka iṣyate // ### [3.44.46](https://indike.org/pramana/in.purana.brahmanda.3.44.46) kṣvellakaḥ kālakarṇyaḍhyaḥ kandarpo matta iṣyate / nartakaḥ śyāmalākānto vilāsī jhaṣayānvitaḥ // ### [3.44.47](https://indike.org/pramana/in.purana.brahmanda.3.44.47) unmattāmupasaṃgamya modate kāmavardhanaḥ / dhyānapūrvaṃ tataḥ śrīkaṇṭhādivinyāsamācaret // ### [3.44.48](https://indike.org/pramana/in.purana.brahmanda.3.44.48) siṃdūrakāñcanasamobhayabhāgamardhanārīśvaraṃ girisutāharabhūpacihnam / pāśadvayākṣavalayeṣṭadahastameva smṛtvā nyasellipipadeṣu samīhitārtham // ### [3.44.49](https://indike.org/pramana/in.purana.brahmanda.3.44.49) śrīkaṇṭhānantasūkṣmau ca trimūrtiramareśvaraḥ / urvīśobhārabhūtiścātithīśaḥ sthāṇuko haraḥ // ### [3.44.50](https://indike.org/pramana/in.purana.brahmanda.3.44.50) caṇḍīśo bhautikaḥ sadyojātaścānugraheśvaraḥ / akrūraśca mahāsenaḥ syurete varamūrttayaḥ // ### [3.44.51](https://indike.org/pramana/in.purana.brahmanda.3.44.51) tataḥ krodhīśacaṇḍīśau pañcāntakaśivottamau / tathaikarudrakūrmaikanetrāḥ sacaturātanāḥ // ### [3.44.52](https://indike.org/pramana/in.purana.brahmanda.3.44.52) ajeśaḥ śarvasomeśau haro lāgalidārukau / ardhanārīśvaraścomākāntaścāpāḍhyadaṇḍinau // ### [3.44.53](https://indike.org/pramana/in.purana.brahmanda.3.44.53) atrirmīnaśca meṣaśca lohitaśca śikhī tathā / khaḍgadaṇḍadvidaṇḍau ca sumahākālavyā linau // ### [3.44.54](https://indike.org/pramana/in.purana.brahmanda.3.44.54) bhujaṅgeśaḥ pinākī ca khaḍgeśaśca bakastathā / śveto hyabhraśca lakulīśivaḥ saṃvarttakastathā // ### [3.44.55](https://indike.org/pramana/in.purana.brahmanda.3.44.55) pūrṇodarī ca virajā tṛtīyā śālma tathā / lolākṣī vartulākṣī ca dīrghaṅghoṇā tathaiva ca // ### [3.44.56](https://indike.org/pramana/in.purana.brahmanda.3.44.56) sudīrghamukhigo mukhyau navamī dīrghajihvikā / kuñjarī caurdhvakeśā ca dvimukhī vikṛtānanā // ### [3.44.57](https://indike.org/pramana/in.purana.brahmanda.3.44.57) satyalīlākalāvidyāmukhyāḥ syuḥ svaraśaktayaḥ / mahākālī sarasvatyau sarvasiddhisamanvite // ### [3.44.58](https://indike.org/pramana/in.purana.brahmanda.3.44.58) gaurī trailokyavidyā ca tathā mantrātmaśaktikā / laṃbodarī bhūtamatā drāviṇī nāgarī tathā // ### [3.44.59](https://indike.org/pramana/in.purana.brahmanda.3.44.59) khecarī mañjarī caiva rūpiṇī vīriṇī tathā / koṭarā pūtanā bhadrā kālī yoginya eva ca // ### [3.44.60](https://indike.org/pramana/in.purana.brahmanda.3.44.60) śaṅkhinīgarjinīkālarātrikūrdinya eva ca / kapardinī tathā vajrā jayā ca sumukheśvarī // ### [3.44.61](https://indike.org/pramana/in.purana.brahmanda.3.44.61) revatī mādhavī caiva vāruṇī vāyavī tathā / rakṣāvadhāriṇī cānyā tathā ca sahajāhvayā // ### [3.44.62](https://indike.org/pramana/in.purana.brahmanda.3.44.62) lakṣmīśca vyāpinīmāye saṃkhyātā varṇaśaktayaḥ / dviruktavālāyā varṇai raṅgaṃ kṛtvātha kevalaiḥ // ### [3.44.63](https://indike.org/pramana/in.purana.brahmanda.3.44.63) ṣoḍhā nyāsaṃ prakurvīta devatātmatvasiddhaye / vighneśādīṃstu tatrādau vinyaseddhyānapūrvakam // ### [3.44.64](https://indike.org/pramana/in.purana.brahmanda.3.44.64) taruṇāruṇasaṃkāśāngajavaktrāṃstrilocanān / pāśāṅkuśavarābhītihastāñchaktisamanvitān // ### [3.44.65](https://indike.org/pramana/in.purana.brahmanda.3.44.65) vighneśo vighnarājaśca vināyakaśivottamau / vighnakṛdvighnahantā ca vighnarāḍhgaṇanāyakaḥ // ### [3.44.66](https://indike.org/pramana/in.purana.brahmanda.3.44.66) ekadanto dvidantaśca gajavaktro nirañjanaḥ / kapardavāndīrghamukhaḥ śaṅkukarṇo vṛṣadhvajaḥ // ### [3.44.67](https://indike.org/pramana/in.purana.brahmanda.3.44.67) gaṇanātho gajendrāsyaḥ śūrpakarṇastrilocanaḥ / lambodaro mahānādaścaturmūrtiḥ sadāśivaḥ // ### [3.44.68](https://indike.org/pramana/in.purana.brahmanda.3.44.68) āmodo durmadaścaiva sumukhaśca pramodakaḥ / ekapādo dvipādaśca śūro vīraśca ṣaṇmukhaḥ // ### [3.44.69](https://indike.org/pramana/in.purana.brahmanda.3.44.69) varado nāma devaśca vakratuṇḍo dvidantakaḥ / senānīrgrāmaṇīrmatto mattamūṣakavāhanaḥ // ### [3.44.70](https://indike.org/pramana/in.purana.brahmanda.3.44.70) jaṭī muṇḍī tathā khaḍgī vareṇyo vṛṣaketanaḥ / bhaṅyapriyo gaṇeśaśca meghanādo gaṇeśvaraḥ // ### [3.44.71](https://indike.org/pramana/in.purana.brahmanda.3.44.71) ete gaṇeśā varṇānāmekapañcāśataḥ kramāt / śrīśca hrīścaiva puṣṭiśca śāntistuṣṭiḥ sarasvatī // ### [3.44.72](https://indike.org/pramana/in.purana.brahmanda.3.44.72) ratirmedhā tathā kāntiḥ kāminī mohinī tathā / tīvrā ca jvālinī nandā suyaśāḥ kāmarūpiṇī // ### [3.44.73](https://indike.org/pramana/in.purana.brahmanda.3.44.73) ugrā tejovatī satyā vighneśānī svarūpiṇī / kāmārttā madajihvā ca vikaṭā ghūrṇitānanā // ### [3.44.74](https://indike.org/pramana/in.purana.brahmanda.3.44.74) bhūtirbhūmirdviramyā cāmārūpā makaradhvajā / vikarṇabhrukuṭī lajjā dīrghaghoṇā dhanurdharī // ### [3.44.75](https://indike.org/pramana/in.purana.brahmanda.3.44.75) tathaiva yāminī rātriścandrakāntā śaśiprabhā / lolākṣī capalā ṛjvī durbhagā subhagā śivā // ### [3.44.76](https://indike.org/pramana/in.purana.brahmanda.3.44.76) durgā guhapriyā kālī kālajihvā ca śaktayaḥ / grahanyāsaṃ tataḥ kuryāddhyānapūrvaṃ samāhitaḥ // ### [3.44.77](https://indike.org/pramana/in.purana.brahmanda.3.44.77) varadābhayahastāḍhyāñchaktyāliṅgitavigrahān / kuṅkumakṣīrarudhirakundakāñcanakaṃbubhiḥ // ### [3.44.78](https://indike.org/pramana/in.purana.brahmanda.3.44.78) ambhodadhūmatimiraiḥ sūryādīnsadṛśānsmaret / hṛdayādho raviṃ nyasya śīrṣṇi somaṃ dṛśoḥ kujam // ### [3.44.79](https://indike.org/pramana/in.purana.brahmanda.3.44.79) hṛdi śukraṃ ca hṛnmadhye budhaṃ kaṇṭhe bṛhaspatim / nābhau śanaiścaraṃ vaktre rāhuṃ ketuṃ padadvaye // ### [3.44.80](https://indike.org/pramana/in.purana.brahmanda.3.44.80) jvalatkālānalaprakhyā varadābhayapāṇayaḥ / tārā nyasettato dhyāyansarvābharaṇabhūṣitāḥ // ### [3.44.81](https://indike.org/pramana/in.purana.brahmanda.3.44.81) bhāle nayanayoḥ karṇadvaye nāsāpuḍadvaye / kaṇṭhe skandhadvaye paścātkūrpayormaṇibandhayoḥ // ### [3.44.82](https://indike.org/pramana/in.purana.brahmanda.3.44.82) stanayornābhikaṭyūrujānujaṅghāpadadvaye / yoginīnyāsamādadhyā dviśuddho hṛdaye tathā // ### [3.44.83](https://indike.org/pramana/in.purana.brahmanda.3.44.83) nābhau svādhiṣṭhite mūle bhrūmadhye mūrdhani kramāt / padmendukarṇikāmadhye varṇaśaktīrdaleṣvatha // ### [3.44.84](https://indike.org/pramana/in.purana.brahmanda.3.44.84) dalāgreṣu tu padmasya mūrdhni sarvāśca vinyaset / amṛtā nandinīndrāṇī tvīśānī cātyumā tathā // ### [3.44.85](https://indike.org/pramana/in.purana.brahmanda.3.44.85) ūrdhvakeśī ṛdviduṣī ḷkārikā tathaiva ca / ekapādātmikaiśvaryakāriṇī cauṣadhātmikā // ### [3.44.86](https://indike.org/pramana/in.purana.brahmanda.3.44.86) tatoṃbikātho rakṣātmiketi ṣoḍaśa śaktayaḥ / kālikā khecarī gāyatrī ghaṇṭādhāriṇī tathā // ### [3.44.87](https://indike.org/pramana/in.purana.brahmanda.3.44.87) nādātmikā ca cāmuṇṭā chatrikā ca jayā tathā / jhaṅkāriṇī ca saṃjñā ca ṭaṅkahastā tataḥ param // ### [3.44.88](https://indike.org/pramana/in.purana.brahmanda.3.44.88) ṭaṅkāriṇī ca vijñeyāḥ śaktayo dvādaśa kramāt / ḍaṅkārī ṭaṅkāriṇī ca ṇāminī tāmasī tathā // ### [3.44.89](https://indike.org/pramana/in.purana.brahmanda.3.44.89) thaṅkāriṇī dayā dhātrī nādinī pārvatī tathā / phaṭkāriṇī ca vijñeyāḥ śaktayo dvayapannagāḥ // ### [3.44.90](https://indike.org/pramana/in.purana.brahmanda.3.44.90) vardhinī ca tathā bhadrā majjā caiva yaśasvinī / ramā ca lāminī ceti ṣaḍetāḥ śaktayaḥ kramāt // ### [3.44.91](https://indike.org/pramana/in.purana.brahmanda.3.44.91) nāradā śrīstathā ṣaṇḍhāśaśvatyapi ca śaktayaḥ / catasro 'pi tathaiva dve hākinī ca kṣamā tathā // ### [3.44.92](https://indike.org/pramana/in.purana.brahmanda.3.44.92) tataḥ pāde ca liṅge ca kukṣau hṛddoḥśirasmu ca / dakṣā divāmapādāntaṃ rāśīnmeṣādikānnyaset // ### [3.44.93](https://indike.org/pramana/in.purana.brahmanda.3.44.93) tataḥ pīṭhāni pañcāśadekaṃ cakraṃ mano nyaset / vārāṇasī kāmarūpaṃ nepālaṃ pauṇḍravardhanam // ### [3.44.94](https://indike.org/pramana/in.purana.brahmanda.3.44.94) varasthiraṃ kānyakubjaṃ pūrṇaśailaṃ tathārbudam / āmrātakeśvaraikāmraṃ trisrotaḥ kāmakoṣṭhakam // ### [3.44.95](https://indike.org/pramana/in.purana.brahmanda.3.44.95) kailāsaṃ bhṛgunagaraṃ kedāraṃ candrapuṣkaram / śrīpīṭhaṃ caikavīrāṃ ca jālandhraṃ mālavaṃ tathā // ### [3.44.96](https://indike.org/pramana/in.purana.brahmanda.3.44.96) kulānnaṃ devikoṭaṃ ca gokarṇaṃ māruteśvaram / aṭṭahāsaṃ ca virajaṃ rājaveśma mahāpatham // ### [3.44.97](https://indike.org/pramana/in.purana.brahmanda.3.44.97) kolāpurakailāpurakāleśvarajayantikāḥ / ujjyinyapi citrā ca kṣīrakaṃ hastināpuram // ### [3.44.98](https://indike.org/pramana/in.purana.brahmanda.3.44.98) uḍīrāṃ ca prayāgaṃ ca ṣaṣṭimāyāpuraṃ tathā / gaurīśaṃ salayaṃ caiva śrīśailaṃ marumeva ca // ### [3.44.99](https://indike.org/pramana/in.purana.brahmanda.3.44.99) punargirivaraṃ paścānmahendraṃ vāmanaṃ girim / syāddhiraṇyapuraṃ paścānmahālakṣmīpuraṃ tathā // ### [3.44.100](https://indike.org/pramana/in.purana.brahmanda.3.44.100) purodyānaṃ tathā chāyākṣetramāhurmanīṣiṇaḥ / lipikramasamāyuktāṃllipisthāneṣu vinyaset // ### [3.44.101](https://indike.org/pramana/in.purana.brahmanda.3.44.101) anyānyathīktasthāneṣu saṃyuktāṃllipisaṅkamāt / ṣoḍhā nyāso mayākhyātaḥ sākṣādīśvarabhāṣitaḥ // ### [3.44.102](https://indike.org/pramana/in.purana.brahmanda.3.44.102) evaṃ vinyastadehastu devatāvigraho bhavet / tataḥ ṣoḍhā puraḥ kṛtvā śrīcakranyāsamācaret // ### [3.44.103](https://indike.org/pramana/in.purana.brahmanda.3.44.103) aṃśādyānandyamūrtyantaṃ mantraistu vyāpakaṃ caret / cakreśvarīṃ cakrasamarpaṇamantrānhṛdi nyaset // ### [3.44.104](https://indike.org/pramana/in.purana.brahmanda.3.44.104) anyānyathoktasthāneṣu gaṇapatyādikānnyaset / dakṣiṇorusamaṃ vāmaṃ sarvāṃśca kramaśo nyaset // ### [3.44.105](https://indike.org/pramana/in.purana.brahmanda.3.44.105) gaṇeśaṃ kṣetrapālaṃ ca yoginīṃ baṭukaṃ tathā / ādāvindrādayo nyasyāḥ padāṅguṣṭhadvayāgrake // ### [3.44.106](https://indike.org/pramana/in.purana.brahmanda.3.44.106) jānupārśvaṃsamūrdhāsyapārśvajānuṣu mūrdhani / mūlādhāre 'ṇimādīnāṃ siddhīnāṃ daśakaṃ tataḥ // ### [3.44.107](https://indike.org/pramana/in.purana.brahmanda.3.44.107) nyastavyamaṃsadoḥ pṛṣṭhavakṣassu prapadoḥ sphiji / dordeśapṛṣṭhayormūrdhapādadvitayayoḥ kramāt // ### [3.44.108](https://indike.org/pramana/in.purana.brahmanda.3.44.108) aṇimā caiva laghimā tṛtīyā mahimā tathā / īśitvaṃ ca vaśitvaṃ ca prākāmyaṃ prāptireva ca / icchāsiddhī rasasiddhirmokṣasiddhiriti smṛtāḥ // ### [3.44.109](https://indike.org/pramana/in.purana.brahmanda.3.44.109) tato vipra nyaseddhīmānmātṛṇāmaṣṭakaṃ kramāt / pādāṅguṣṭhayuge dakṣapārśve mūrddhani vāmataḥ // ### [3.44.110](https://indike.org/pramana/in.purana.brahmanda.3.44.110) vāmajanau dakṣajānau dakṣavāmāṃsayostathā // ### [3.44.11\_2](https://indike.org/pramana/in.purana.brahmanda.3.44.11_2) brāhmī māheśvarī caiva kaumārī vaiṣṇavī tathā / vārāhī ca tathendrāṇī cāmuṇḍā caiva saptamī // ### [3.44.12\_2](https://indike.org/pramana/in.purana.brahmanda.3.44.12_2) mahālakṣmīśca vijñeyā mātaro vai kramād budhaiḥ / mudrādevīrnyasedaṣṭāveṣveva dve ca te punaḥ // ### [3.44.13\_2](https://indike.org/pramana/in.purana.brahmanda.3.44.13_2) mūrddhārndhyorapi mudrāstu sarvasaṃkṣobhiṇī tathā / sarvavidrāviṇī paścātsarvārthākarṣaṇī tathā // ### [3.44.14\_2](https://indike.org/pramana/in.purana.brahmanda.3.44.14_2) sarvādyā vaśakariṇī sarvādyā priyakāriṇī / mahāṅkuśī ca sarvādyā sarvādyā khecarī tathā // ### [3.44.15\_2](https://indike.org/pramana/in.purana.brahmanda.3.44.15_2) trikhaṇḍā sarvabījā ca mūdrā sarvaprapīrikā / yonimudreti vijñeyāstatra cakreśvarīṃ nyaset // ### [3.44.16\_2](https://indike.org/pramana/in.purana.brahmanda.3.44.16_2) trailokya mohanaṃ cakraṃ samarpya vyāpya varṣmaṇi / tataḥ kalānāṃ nityānāṃ kramātṣoḍaśakaṃ nyaset // ### [3.44.17\_2](https://indike.org/pramana/in.purana.brahmanda.3.44.17_2) kāmākarṣaṇarūpā ca śabdākarṣaṇarūpiṇī / ahaṅkārākarṣiṇī ca śabdākarṣaṇarūpiṇī // ### [3.44.18\_2](https://indike.org/pramana/in.purana.brahmanda.3.44.18_2) sparśākarṣaṇarūpā ca rūpākarṣaṇarūpiṇī / rasākarṣaṇarūpā ca gandhākarṣaṇarūpiṇī // ### [3.44.19\_2](https://indike.org/pramana/in.purana.brahmanda.3.44.19_2) cittākarṣaṇarūpā ca dhairyākarṣaṇarūpiṇī / smṛtyākarṣaṇarūpā ca hṛdākarṣaṇarūpiṇī // ### [3.44.120](https://indike.org/pramana/in.purana.brahmanda.3.44.120) śraddhākarṣaṇarūpā ca hyātmākarṣaṇarūpiṇī / amṛtākarṣiṇī proktā śarīrākarṣaṇī tathā // ### [3.44.21\_2](https://indike.org/pramana/in.purana.brahmanda.3.44.21_2) sthānāni dakṣiṇaṃ śrotraṃ pṛṣṭhamaṃsaśca kūrparaḥ / dakṣahasta talasyātha pṛṣṭhaṃ tatsphikca jānunī // ### [3.44.22\_2](https://indike.org/pramana/in.purana.brahmanda.3.44.22_2) tajjaṅghāprapade vāmaprapadādivilomataḥ / cakreśīṃ nyasya cakraṃ ca samarcya vyāpya varṣmaṇi // ### [3.44.23\_2](https://indike.org/pramana/in.purana.brahmanda.3.44.23_2) nyasedanaṅgakusumadevyādīnāmathāṣṭakam / śaṅkhajatrūrujaṅghāsu vāme tu pratilomataḥ // ### [3.44.24\_2](https://indike.org/pramana/in.purana.brahmanda.3.44.24_2) anaṅgakusumā paścāddvitīyānaṅga mekhalā / anaṅgamadanā paścādanaṅgamadanāturā // ### [3.44.25\_2](https://indike.org/pramana/in.purana.brahmanda.3.44.25_2) anaṅgarekhā tatpaścādvegākhyānaṅgapūrvikā / tato 'naṅgāṅkuśā paścādanaṅgādhāramālinī // ### [3.44.26\_2](https://indike.org/pramana/in.purana.brahmanda.3.44.26_2) cakreśīṃ nyasya cakraṃ ca samarpya vyāpya varṣmaṇi / śaktidevīrnyasetsarvasaṃkṣobhiṇyādikā atha // ### [3.44.27\_2](https://indike.org/pramana/in.purana.brahmanda.3.44.27_2) lalāṭagaṇḍayoraṃ se pādamūle ca jānuni / uparyadhaśca jaṅghāyāṃ tathā vāme vilomataḥ // ### [3.44.28\_2](https://indike.org/pramana/in.purana.brahmanda.3.44.28_2) sarvasaṃkṣobhiṇī śaktiḥ sarvavidrāviṇī tathā / sarvādyākarṣaṇī śaktiḥ sarvaprahlādinī tathā // ### [3.44.29\_2](https://indike.org/pramana/in.purana.brahmanda.3.44.29_2) sarvasaṃmohinī śaktiḥ sarvādyā staṃbhinī tathā / sarvādyā jṛṃbhiṇī śaktiḥ sarvādyā vaśakāriṇī // ### [3.44.130](https://indike.org/pramana/in.purana.brahmanda.3.44.130) sarvādyā rañjinī śaktiḥ sarvādyonmādinī tathā / sarvārthasādhinī śaktissarvāśāpūriṇī tathā // ### [3.44.31\_2](https://indike.org/pramana/in.purana.brahmanda.3.44.31_2) sarvamantramayī śaktiḥ sarvadvandvakṣayaṅkarā / cakreśīṃ nyasya cakraṃ ca samarpya vyāpya varṣmaṇi // ### [3.44.32\_2](https://indike.org/pramana/in.purana.brahmanda.3.44.32_2) sarvasiddhipradādīnāṃ daśakaṃ cātha vinyaset / dakṣanāsāpuṭe dantamūle dakṣastane tathā // ### [3.44.33\_2](https://indike.org/pramana/in.purana.brahmanda.3.44.33_2) kūrpare maṇibandhe ca nyasyedvāme vilomataḥ / sarvasiddhipradā nityaṃ sarvasaṃpatpradā tathā // ### [3.44.34\_2](https://indike.org/pramana/in.purana.brahmanda.3.44.34_2) sarvapriyaṅkarā devī sarvamaṅgalakāriṇī / sarvāghamocinī śaktiḥ sarvaduḥkhavimocinī // ### [3.44.35\_2](https://indike.org/pramana/in.purana.brahmanda.3.44.35_2) sarva mṛtyupraśaminī sarvavighnavināśinī / sarvāṅgasundarī caiva sarvasaubhāgyadāyinī // ### [3.44.36\_2](https://indike.org/pramana/in.purana.brahmanda.3.44.36_2) cakreśīṃ nyasya cakraṃ ca samarpya vyāpya varṣmaṇi / sarvajñādyānnyasedvakṣasyapi dantasthaleṣvatha // ### [3.44.37\_2](https://indike.org/pramana/in.purana.brahmanda.3.44.37_2) sarvajñā sarvaśaktiśca sarvajñānapradā tathā / sarvajñānamayī devī sarvavyādhivināśinī // ### [3.44.38\_2](https://indike.org/pramana/in.purana.brahmanda.3.44.38_2) sarvādhārasvarūpā ca sarvapāpaharā tathā / sarvānandamayī devī sarvarakṣāsvarūpiṇī / vijñeyā daśamī caiva sarvepsitaphalapradā // ### [3.44.39\_2](https://indike.org/pramana/in.purana.brahmanda.3.44.39_2) cakreśīṃ nyasya cakraṃ ca samarpya vyāpya varṣmaṇi / prāgvāmādyāśca vinyasya pakṣiṇyādyāstataḥ sudhīḥ // ### [3.44.140](https://indike.org/pramana/in.purana.brahmanda.3.44.140) dakṣe tu cibuke kaṇṭhe stane nābhau ca pārśvayoḥ / vāmā vinodinī vidyā vaśitā kāmikī matā // ### [3.44.41\_2](https://indike.org/pramana/in.purana.brahmanda.3.44.41_2) kāmeśvarī parā jñeyā mohinī vimalā tathā / aruṇā jayinī paścāttathā sarveśvarī matā / kaulinīti samuktāni tāsāṃ nāmāni sūribhiḥ // ### [3.44.42\_2](https://indike.org/pramana/in.purana.brahmanda.3.44.42_2) cakreśvarīṃ nyaseccakraṃ samarpya vyāpya varṣmaṇi / hṛdi trikoṇaṃ saṃbhāvya dikṣu prāgāditaḥ kramāt // ### [3.44.43\_2](https://indike.org/pramana/in.purana.brahmanda.3.44.43_2) tadbahirvinnyaseddhīmānāyudhānāṃ catuṣṭayam / nyasedagnyādikoṇeṣu madhye pīṭhacatuṣṭayam // ### [3.44.44\_2](https://indike.org/pramana/in.purana.brahmanda.3.44.44_2) madhyavṛttaṃnyasitvā ca nityāṣoḍaśakaṃ nyaset / kāmeśvarī tathā nityā nityā ca bhagamālinī // ### [3.44.45\_2](https://indike.org/pramana/in.purana.brahmanda.3.44.45_2) nityaklinnā tathā nityā nityā bheruṇḍinī matā / vahnivāsinikā nityā mahāvajreśvarī tathā // ### [3.44.46\_2](https://indike.org/pramana/in.purana.brahmanda.3.44.46_2) nityā ca dūtī nityā ca tvaritā tu tataḥ param / kulasundarikā nityā kulyā nityā tataḥ param // ### [3.44.47\_2](https://indike.org/pramana/in.purana.brahmanda.3.44.47_2) nityā nīlapatākā ca nityā tu vijayā parā / tatastu maṅgalā caiva nityapūrvā pracakṣyate // ### [3.44.48\_2](https://indike.org/pramana/in.purana.brahmanda.3.44.48_2) prabhāmālinikā nityā citrā nityā tathaiva ca / etāstrikoṇāntareṇa pādato hṛdi vinyaset // ### [3.44.49\_2](https://indike.org/pramana/in.purana.brahmanda.3.44.49_2) nityā pramodinī caiva nityā tripurasundarī / tanmadhye vinyaseddevīmakhaṇḍajagadātmikām // ### [3.44.150](https://indike.org/pramana/in.purana.brahmanda.3.44.150) cakreśvarīṃ hṛdi nyasya kṛtvā cakraṃ samuddhṛtam / pradarśya mudrāṃ yonyākhyāṃ sarvānandamanuṃ japet // ### [3.44.151](https://indike.org/pramana/in.purana.brahmanda.3.44.151) ityātmanastu cakrasya cakradevī bhaviṣyati // ### [3.44.151.p1](https://indike.org/pramana/in.purana.brahmanda.3.44.151.p1) iti śrībrahmāṇḍamahāpurāṇe uttarabhāge hayagrīvāgastyasaṃvāde lalitopākhyāne catuścatvāriṃśo 'dhyāyaḥ ### [3.44.151.p2](https://indike.org/pramana/in.purana.brahmanda.3.44.151.p2) samāptaṃ lalitopākhyānam / śrīmatpratāpagaḍhapattanamadhyavarttiśrīrāmapūrvakagaḍhābhidhavāsinedam / saṃśodhitaṃ nikhilamānyapurāṇakaṃ yad brahmāṇḍasaṃjñamiha tadviduṣāṃ mude 'stu raghunāthenedaṃ yat kvacidastī hāpyasaṃśuddham / saṃśodhitamapi dayayā tatkṣantavyaṃ hyaśeṣeṇa oṃ namo bhagavate vāsudevāya / rāmāya namaḥ ### [3.44.151.p3](https://indike.org/pramana/in.purana.brahmanda.3.44.151.p3) samāptamidaṃ brahmāṇḍamahāpurāṇam / ## Linked texts (10) - [Acintyaviśvasādākhyatantra](https://indike.org/pramana/in.sampradaya.saiva.agama.siva.acintyavisvasadakhyatantra.5.523) — Sanskrit - [Prapañcasāratantra](https://indike.org/pramana/in.sampradaya.general.prapancasara.3.46) — Śaṅkara, Sanskrit - [Tantracintāmaṇi](https://indike.org/pramana/in.sampradaya.saiva.trika.krama.tantracintamani.27.846) — Sanskrit - [Yoginīhṛdaya](https://indike.org/pramana/in.sampradaya.saiva.agama.srividya.yoginihrdaya.3.16) — Sanskrit - [Tattvacintāmaṇi](https://indike.org/pramana/in.sampradaya.general.sakta.tattvacintamani.3.5.1096) — Sanskrit - [Nigamasāranirṇaya](https://indike.org/pramana/in.sampradaya.general.sakta.nigamasaranirnaya.3.331) — Sanskrit - [Ānandeśvarapaddhati](https://indike.org/pramana/in.sampradaya.general.sakta.anandesvarapaddhati.410) — Sanskrit - [Nāradapurāṇa](https://indike.org/pramana/in.purana.narada.1.84.36) — Vyāsa, Sanskrit - [Kulavṛtti](https://indike.org/pramana/in.sampradaya.general.sakta.kulavrtti.2.920) — Sanskrit - [Nityāṣoḍaśikārṇava](https://indike.org/pramana/in.sampradaya.saiva.agama.srividya.nityasodasikarnava.9.14) — Sanskrit --- Source: [https://indike.org/pramana/in.purana.brahmanda.3.44](https://indike.org/pramana/in.purana.brahmanda.3.44) · Pramāṇa