[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmandapurana](https://indike.org/pramana/in.purana.brahmanda) › 3.5 # Brahmandapurana 3.5 Brahmāṇḍapurāṇa 3.5 - **Language:** Sanskrit ## Contents - [3.5.39](https://indike.org/pramana/in.purana.brahmanda.3.5.39) — 1 part ### [3.5.1](https://indike.org/pramana/in.purana.brahmanda.3.5.1) śrīgaṇeśāya namaḥ / atha śrīlalitopākhyānaṃ prārabhyate / caturbhuje candrakalāvataṃse kuconnate kuṅkumarāgaśoṇe / puṇḍrekṣupāśāṅkuśapuṣpabāṇahaste namaste jagadekamātaḥ // ### [3.5.2](https://indike.org/pramana/in.purana.brahmanda.3.5.2) astu naḥ śreyase nityaṃ vastu vāmāṅgasundaram / yatastṛtīyo viduṣāṃ tṛtīyastu paraṃ mahaḥ // ### [3.5.3](https://indike.org/pramana/in.purana.brahmanda.3.5.3) agastyo nāma devarṣirvedavedāṅgapāragaḥ / sarvasiddhāntasārajño brahmānandarasātmakaḥ // ### [3.5.4](https://indike.org/pramana/in.purana.brahmanda.3.5.4) cacārādbhutahetūni tīrthānyāyatanāni ca / śailāraṇyāpagāmukhyānsarvāñjanapadānapi // ### [3.5.5](https://indike.org/pramana/in.purana.brahmanda.3.5.5) teṣu teṣvakhilāñjantūnajñānatimirāvṛtān / śiśnodaraparāndṛṣṭvā cintayāmāsa tānprati // ### [3.5.6](https://indike.org/pramana/in.purana.brahmanda.3.5.6) tasya cintayamānasya carato vasudhāmimām / prāptamāsīnmahāpuṇyaṃ kāñcīnagaramuttamam // ### [3.5.7](https://indike.org/pramana/in.purana.brahmanda.3.5.7) tatra vāraṇaśailenadramekāmranilayaṃ śivam / kāmākṣīṃ karidoṣadhnīmapūjayadathātmavān // ### [3.5.8](https://indike.org/pramana/in.purana.brahmanda.3.5.8) lokahetordayārdrasya dhīmataścintano muhuḥ / cirakālena tapasā toṣito 'bhūjjanārdanaḥ // ### [3.5.9](https://indike.org/pramana/in.purana.brahmanda.3.5.9) hayagrīvāṃ tanuṃ kṛtvā sākṣāccinmātravigrahām / śaṅkhacakrākṣavalayapustakojjvalabāhukām // ### [3.5.10](https://indike.org/pramana/in.purana.brahmanda.3.5.10) pūrayitrīṃ jagatkṛtsnaṃ prabhayā dehajātayā / prādurbabhūva purato muneramitatejasā // ### [3.5.11](https://indike.org/pramana/in.purana.brahmanda.3.5.11) taṃ dṛṣṭvānandabharitaḥ praṇamya ca muhurmuhuḥ / vinayāvanato bhūtvā santuṣṭāva jagatpatim // ### [3.5.12](https://indike.org/pramana/in.purana.brahmanda.3.5.12) athovāca jagannāthastuṣṭo 'smi tapasā tava / varaṃ varaya bhadraṃ te bhavitā bhūsurottamaḥ // ### [3.5.13](https://indike.org/pramana/in.purana.brahmanda.3.5.13) iti pṛṣṭo bhagavatā provāca munisattamaḥ / yadi tuṣṭo 'si bhagavannime pāmarajantavaḥ // ### [3.5.14](https://indike.org/pramana/in.purana.brahmanda.3.5.14) kenopāyena muktāḥ syuretanme vaktumarhasi / iti pṛṣṭo dvijenātha devadevo janārdanaḥ // ### [3.5.15](https://indike.org/pramana/in.purana.brahmanda.3.5.15) eṣa eva purā praśnaḥ śivena carito mama / ayameva kṛtaḥ praśno brahmaṇā tu tataḥ param // ### [3.5.16](https://indike.org/pramana/in.purana.brahmanda.3.5.16) kṛto durvāsasā paścādbhavatā tu tataḥ param // ### [3.5.17](https://indike.org/pramana/in.purana.brahmanda.3.5.17) bhavadbhiḥ sarvabhūtānāṃ gurubhūtairmahātmabhiḥ / mamopadeśo lokeṣu prathito 'stu varo mama // ### [3.5.18](https://indike.org/pramana/in.purana.brahmanda.3.5.18) ahamādirhi bhūtānāmādikartā svayaṃ prabhuḥ / sṛṣṭisthitilayānāṃ tu sarveṣāmapi kārakaḥ // ### [3.5.19](https://indike.org/pramana/in.purana.brahmanda.3.5.19) trimūrtistriguṇātīto guṇahīno guṇāśrayaḥ // ### [3.5.20](https://indike.org/pramana/in.purana.brahmanda.3.5.20) icchāvihāro bhūtātmā pradhānapuruṣātmakaḥ / evaṃ bhūtasya me brahmaṃstrijagadrūpadhāriṇaḥ // ### [3.5.21](https://indike.org/pramana/in.purana.brahmanda.3.5.21) dvidhākṛtamabhūdrūpaṃ pradhāna puruṣātmakam / mama pradhānaṃ yadrūpaṃ sarvalokaguṇātmakam // ### [3.5.22](https://indike.org/pramana/in.purana.brahmanda.3.5.22) aparaṃ yadguṇātītaṃ parātparataraṃ mahat / evameva tayorjñātvā mucyate te ubhe kimu // ### [3.5.23](https://indike.org/pramana/in.purana.brahmanda.3.5.23) tapobhiścirakālotthairyamaiśca niyamairapi / tyāgairduṣkarmanāśānte muktirāśveva labhyate // ### [3.5.24](https://indike.org/pramana/in.purana.brahmanda.3.5.24) yadrūpaṃ yadguṇayutaṃ tadguṇyaikyena labhyate / anyatsarvajagadrūpaṃ karmabhogaparākramam // ### [3.5.25](https://indike.org/pramana/in.purana.brahmanda.3.5.25) karmabhirlabhyate tacca tattyāgenāpi labhyate / dustarastu tayostyāgaḥ sakalairapi tāpasa // ### [3.5.26](https://indike.org/pramana/in.purana.brahmanda.3.5.26) anapāyaṃ ca sugamaṃ sadasatkarmagocaram // ### [3.5.27](https://indike.org/pramana/in.purana.brahmanda.3.5.27) ātmasthena guṇenaiva satā cāpyasatāpivā / ātmaikyenaiva yajjñānaṃ sarvasiddhigradāyakam // ### [3.5.28](https://indike.org/pramana/in.purana.brahmanda.3.5.28) varṇatrayavihīnānāṃ pāpiṣṭhānāṃ nṛṇāmapi / yadrūpadhyānamātreṇa duṣkṛtaṃ sukṛtāyate // ### [3.5.29](https://indike.org/pramana/in.purana.brahmanda.3.5.29) yer'cayanti parāṃ śaktiṃ vidhināvidhināpi vā / na te saṃsāriṇo nūnaṃ muktā eva na saṃśayaḥ // ### [3.5.30](https://indike.org/pramana/in.purana.brahmanda.3.5.30) śivo vā yāṃ samārādhya dhyānayogabalena ca / īśvaraḥ sarvasiddhānāmarddhanārīśvaro 'bhavat // ### [3.5.31](https://indike.org/pramana/in.purana.brahmanda.3.5.31) anye 'bjapramukhā devāḥ siddhāstaddhyānavaibhavāt / tasmādaśeṣalokānāṃ tripurārādhanaṃ vinā // ### [3.5.32](https://indike.org/pramana/in.purana.brahmanda.3.5.32) na sto bhogāpavargauṃ tu yaugapadyena kutracit / tanmanāstadgataprāṇastadyājī tadgatehakaḥ // ### [3.5.33](https://indike.org/pramana/in.purana.brahmanda.3.5.33) tādātmyenaiva karmāṇi kurvanmuktimavāpsyasi / etadrahasyamākhyātaṃ sarveṣāṃ hitakāmyayā // ### [3.5.34](https://indike.org/pramana/in.purana.brahmanda.3.5.34) santuṣṭenaiva tapasā bhavato munisattama / devāśca munayaḥ siddhā mānuṣāśca tathāpare / tvanmukhāṃbhojato 'vāpyasiddhiṃ yāntu parātparām // ### [3.5.35](https://indike.org/pramana/in.purana.brahmanda.3.5.35) iti tasya vacaḥ śrutvā hayagrīvasya śārṅgiṇaḥ / praṇipatya punarvākyamuvāca madhusūdanam // ### [3.5.36](https://indike.org/pramana/in.purana.brahmanda.3.5.36) bhagavankīdṛśaṃ rūpaṃ bhavatā yatpuroditam / kiṃvihāraṃ kiṃprabhāvametanme vaktumarhasi // ### [3.5.37](https://indike.org/pramana/in.purana.brahmanda.3.5.37) hayagrīva uvāca eṣoṃ'śabhūto devarṣe hayagrīvo mamāparaḥ / śrotumicchasiyadyattvaṃ tatsarvaṃ vaktumarhati // ### [3.5.38](https://indike.org/pramana/in.purana.brahmanda.3.5.38) ityādiśya jagannātho hayagrīvaṃ tapodhanam / purataḥ kumbhajātasya munerantaradhāddhariḥ // ### [3.5.39](https://indike.org/pramana/in.purana.brahmanda.3.5.39) tatastu vismayāviṣṭo hṛṣṭaromā tapodhanaḥ / hayagrīveṇa muninā svāśramaṃ pratyapadyata // ### [3.5.39.p1](https://indike.org/pramana/in.purana.brahmanda.3.5.39.p1) iti śrībrahmāṇḍe mahāpurāṇe uttarabhāge hayagrīvāgastyasaṃvāde lalitopākhyāne agastyayātrājanārdanāvirbhāvo nāma pañcamo 'dhyāyaḥ ## Linked texts (1) - [Devībhāgavatapurāṇa](https://indike.org/pramana/in.purana.upa.sakta.devibhagavata.12.9.13) — Sanskrit --- Source: [https://indike.org/pramana/in.purana.brahmanda.3.5](https://indike.org/pramana/in.purana.brahmanda.3.5) · Pramāṇa