[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmanda Purana](https://indike.org/pramana/in.purana.brahmanda) › 3.7 # Brahmanda Purana 3.7 Brahmāṇḍapurāṇa 3.7 - **Language:** Sanskrit ## Contents - [3.7.79](https://indike.org/pramana/in.purana.brahmanda.3.7.79) — 1 part ### [3.7.1](https://indike.org/pramana/in.purana.brahmanda.3.7.1) indra uvāca bhagavansarvamākhyātaṃ hiṃsādyasya tu lakṣaṇam / steyasya lakṣaṇaṃ kiṃ vā tanme vistarato vada // ### [3.7.2](https://indike.org/pramana/in.purana.brahmanda.3.7.2) bṛhaspatiruvāca pāpānāmadhikaṃ pāpaṃ hananaṃ jīvajātinām / etasmādadhikaṃ pāpaṃ viśvaste śaraṇaṃ gate // ### [3.7.3](https://indike.org/pramana/in.purana.brahmanda.3.7.3) viśvasya hatvā pāpiṣṭhaṃ śūdraṃ vāpyantyajātijam / brahmahatyādhikaṃ pāpaṃ tasmānnāstyasya niṣkṛtiḥ // ### [3.7.4](https://indike.org/pramana/in.purana.brahmanda.3.7.4) brahmajñasya daridrasya kṛcchrārjitadhanasya ca / bahuputrakalatrasya tena jīvitumicchataḥ / taddravyasteyadoṣasya prāyaścittaṃ na vidyate // ### [3.7.5](https://indike.org/pramana/in.purana.brahmanda.3.7.5) viśvastadravyaharaṇaṃ tasyāpyadhikamucyate / viśvaste vāpyaviśvaste na daridradhanaṃ haret // ### [3.7.6](https://indike.org/pramana/in.purana.brahmanda.3.7.6) tato devadvijātīnāṃ hemaratnāpahārakam / yo hanyādavicāreṇa so 'śvamedhaphalaṃ labhet // ### [3.7.7](https://indike.org/pramana/in.purana.brahmanda.3.7.7) gurudevadvijasuhṛtputrasvātmasukheṣu ca / steyādadhaḥkrameṇaiva daśottaraguṇaṃ tvagham // ### [3.7.8](https://indike.org/pramana/in.purana.brahmanda.3.7.8) antyajātpādajādvaiśyātkṣatriyādbrāhmaṇādapi / daśottaraguṇaiḥ pāpairlipyate dhanahārakaḥ // ### [3.7.9](https://indike.org/pramana/in.purana.brahmanda.3.7.9) atraivodāharantīmamitihāsaṃ purātanam / rahasyātirahasyaṃ ca sarvapāpapraṇāśanam // ### [3.7.10](https://indike.org/pramana/in.purana.brahmanda.3.7.10) purā kāñcīpure jāto vajrākhyo nāma corakaḥ / tasminpuravare ramye sarvaiśvaryasamanvitāḥ / sarve nīrogiṇo dāntāḥ sukhino dayayāñcitāḥ // ### [3.7.11](https://indike.org/pramana/in.purana.brahmanda.3.7.11) sarvaiśvaryasamṛddhe 'sminnagare sa tu taskaraḥ / stokāstokakrameṇaiva bahudravyamapāharat // ### [3.7.12](https://indike.org/pramana/in.purana.brahmanda.3.7.12) tadaraṇye 'vaṭaṃ kṛtvā sthāpayāmāsa lobhataḥ / tadgopanaṃ niśārdhāyāṃ tasmindūraṃ gate sati // ### [3.7.13](https://indike.org/pramana/in.purana.brahmanda.3.7.13) kirātaḥ kaścidāgatya taṃ dṛṣṭvā tu daśāṃśataḥ / jahārāviditastena kāṣṭhabhāraṃ vahanyayau // ### [3.7.14](https://indike.org/pramana/in.purana.brahmanda.3.7.14) so 'pi tacchilayācchādya mṛdbhirāpūryayatnataḥ / punaśca tatpuraṃ prāyādvajro 'pi dhanatṛṣmayā // ### [3.7.15](https://indike.org/pramana/in.purana.brahmanda.3.7.15) evaṃ bahudhanaṃ tdṛtvā niścikṣepa mahītale / kirāto 'pi gṛhaṃ prāpya babhāṣe muditaḥ priyām // ### [3.7.16](https://indike.org/pramana/in.purana.brahmanda.3.7.16) mayā kāṣṭhaṃ samāhartuṃ gacchatā pathi nirjane / labdhaṃ dhanamidaṃ bhīru samādhatsva dhanārthini // ### [3.7.17](https://indike.org/pramana/in.purana.brahmanda.3.7.17) tacchrutvā tatsamādāya nidhāyābhyantare tataḥ / cintayantī tato vākyamidaṃ svapatimabravīt // ### [3.7.18](https://indike.org/pramana/in.purana.brahmanda.3.7.18) nityaṃ saṃcarate vipro māmakānāṃ gṛheṣu yaḥ / māṃ vilokyaivamacirādbahubhāgyavatī bhavet // ### [3.7.19](https://indike.org/pramana/in.purana.brahmanda.3.7.19) cāturvarṇyāsu narīṣu stheyaṃ cedrājavallabhā / kiṃ tu bhille kirāte ca śailūṣe cāntyajātije / lakṣmīrna tiṣṭhati ciraṃ śāpādvalmīkajanmanaḥ // ### [3.7.20](https://indike.org/pramana/in.purana.brahmanda.3.7.20) tathāpi bahubhāgyānāṃ puṇyānāmapi pātriṇe / dṛṣṭapūrvaṃ tu tadvākyaṃ na kadācidvṛthā bhavet // ### [3.7.21](https://indike.org/pramana/in.purana.brahmanda.3.7.21) atha vātmaprayāsena kṛcchrādyallabhyate dhanam / tadeva tiṣṭhati cirādanyadgacchati kālataḥ // ### [3.7.22](https://indike.org/pramana/in.purana.brahmanda.3.7.22) svayamāgatavittaṃ tu dharmārthairviniyojayet / kuruṣvaitena tasmāttvaṃ vāpīkūpādikāñchubhān // ### [3.7.23](https://indike.org/pramana/in.purana.brahmanda.3.7.23) iti tadvacanaṃ śrutvā bhāvibhāgyaprabodhitam / bahūdakasamaṃ deśaṃ tatra tatra vyalokayat // ### [3.7.24](https://indike.org/pramana/in.purana.brahmanda.3.7.24) nirmame 'tha mahendrasya digbhāge vimalodakam / subahudravyasaṃ sādhyaṃ taṭākaṃ cākṣayodakam // ### [3.7.25](https://indike.org/pramana/in.purana.brahmanda.3.7.25) datteṣu karmakāribhyo nikhileṣu dhaneṣu ca / asaṃbūrṇaṃ tu tatkarma dṛṣṭvā cintākulo 'bhavat // ### [3.7.26](https://indike.org/pramana/in.purana.brahmanda.3.7.26) taṃ cora vajranāmānamajñāto 'nucarāmyaham / tenaiva bahudhā kṣiptaṃ dhanaṃ bhūri mahītale // ### [3.7.27](https://indike.org/pramana/in.purana.brahmanda.3.7.27) stokaṃstokaṃ hariṣyāmi tatratatra dhanaṃ bahu / iti niścitya manasā tenājñātastamanvagāt // ### [3.7.28](https://indike.org/pramana/in.purana.brahmanda.3.7.28) tathaivātdṛtya taddravyaṃ tena setumapūrayat / madhye jalāvṛtastena prāsādaścāpi śārṅgiṇaḥ // ### [3.7.29](https://indike.org/pramana/in.purana.brahmanda.3.7.29) tattaṭākamabhūddivyamaśoṣitajalaṃ mahat / setumadhye cakārāsau śaṅkarāyatanaṃ mahat // ### [3.7.30](https://indike.org/pramana/in.purana.brahmanda.3.7.30) kānanaṃ ca kṣayaṃ nītaṃ bahusattvasamākulam / tenāgryāṇi mahārhāṇi kṣetrāṇyapi cakāra saḥ // ### [3.7.31](https://indike.org/pramana/in.purana.brahmanda.3.7.31) devatābhyo dvijebhyaśca padattāni vibhajya vai / brāhmaṇāṃśca samāmantrya devavrātamukhānbahūn // ### [3.7.32](https://indike.org/pramana/in.purana.brahmanda.3.7.32) saṃtoṣya hemavastrādyairidaṃ vacanamabravīt / kva cāhaṃ vīradattākhyaḥ kirātaḥ kāṣṭhavikrayī // ### [3.7.33](https://indike.org/pramana/in.purana.brahmanda.3.7.33) kva vā mahāsetubandhaḥ kva devālayakalpanā / kva vā kṣetrāṇi kḷptāni brāhmaṇāyatanāni ca // ### [3.7.34](https://indike.org/pramana/in.purana.brahmanda.3.7.34) kṛpayaiva kṛtaṃ sarvaṃ bhavatāṃ bhūsurottamāḥ / pratigṛhya tathaivaitaddevavrātamukhā dvijāḥ // ### [3.7.35](https://indike.org/pramana/in.purana.brahmanda.3.7.35) dvijavarmeti nāmāsmai tasyai śīlavatīti ca / cakruḥ saṃtuṣṭamanaso mahātmāno mahaujasaḥ // ### [3.7.36](https://indike.org/pramana/in.purana.brahmanda.3.7.36) teṣāṃ saṃrakṣaṇārthāya bandhumiḥ sahito vaśī / tatraiva vasatiṃ cakre mudito bhāryayā saha // ### [3.7.37](https://indike.org/pramana/in.purana.brahmanda.3.7.37) purohitābhidhānena devarātapurantviti / nāma cakre purasyāsya toṣa yannakhilāndvijān // ### [3.7.38](https://indike.org/pramana/in.purana.brahmanda.3.7.38) tataḥ kālavaśaṃ prāpto dvijavarmā mṛtastadā / yamasya brahmaṇo viṣṇordūtā rudrasya cāgatāḥ // ### [3.7.39](https://indike.org/pramana/in.purana.brahmanda.3.7.39) anyo 'nyamabhavatteṣāṃ yuddhaṃ devāsuropamam / atrāntare samāgatya nārado munirabravīt // ### [3.7.40](https://indike.org/pramana/in.purana.brahmanda.3.7.40) mā kurvantu mitho yuddhaṃ śṛṇvantu vacanaṃ mama / ayaṃ kirātaścairyeṇa setubandhaṃ purākarot // ### [3.7.41](https://indike.org/pramana/in.purana.brahmanda.3.7.41) vāyubhūtascaredeko yāvaddravyavato mṛtiḥ / sa bahubhyo hareddravyaṃ teṣāṃ yāvattathā mṛtiḥ // ### [3.7.42](https://indike.org/pramana/in.purana.brahmanda.3.7.42) gateṣvakhiladūteṣu śrutvā nāradabhāṣitam / cacāra dvādaśābdaṃ tu vāyubhūtoṃ'tarikṣagaḥ // ### [3.7.43](https://indike.org/pramana/in.purana.brahmanda.3.7.43) bhāryāṃ tasyāha sa munistava doṣo na kiñcana / tvayā kṛtena puṇyena brahmalokamito vraja // ### [3.7.44](https://indike.org/pramana/in.purana.brahmanda.3.7.44) vāyubhūtaṃ patiṃ dṛṣṭvā necchati brahmamandiram / nirvedaṃ paramāpannā munimevamabhāṣata // ### [3.7.45](https://indike.org/pramana/in.purana.brahmanda.3.7.45) vinā patimahaṃ tena na gaccheyaṃ pitāmaham / hahaivāste patiryāvatsvadehaṃ labhate tathā // ### [3.7.46](https://indike.org/pramana/in.purana.brahmanda.3.7.46) tatastu yā gatistasya tāmevānucarāmyaham / parihāro 'thavā kiṃ tu mayā kāryastu tena vā // ### [3.7.47](https://indike.org/pramana/in.purana.brahmanda.3.7.47) iti tasyā vacaḥ śrutvā prītaḥ prāha tapodhanaḥ / bhogātmakaṃ śarīraṃ tu karma kāryakaraṃ tava // ### [3.7.48](https://indike.org/pramana/in.purana.brahmanda.3.7.48) mama prabhāvādbhavitā parihāraṃ vadāmi te / nirāhāro mahātīrthesnātvā nityaṃ hi sāṃbikam // ### [3.7.49](https://indike.org/pramana/in.purana.brahmanda.3.7.49) pūjayitvā śivaṃ bhaktyā kandamūlaphalāśanaḥ / dhyātvā hṛdi maheśānaṃ śatarudramanuṃ japet // ### [3.7.50](https://indike.org/pramana/in.purana.brahmanda.3.7.50) brahmahā mucyate pāpairaṣṭottarasahasrataḥ / pāpairanyaiśca sakalairmucyate nātra saṃśayaḥ // ### [3.7.51](https://indike.org/pramana/in.purana.brahmanda.3.7.51) ityādiśya dadau tasyai rudrādhyāyaṃ tapodhanaḥ / anugṛhyeti tāṃ nārīṃ tatraivāntarddhimāgamat // ### [3.7.52](https://indike.org/pramana/in.purana.brahmanda.3.7.52) bhartuḥ priyārthe saṃkalpya jajāpa paramaṃ japam / vimuktasteyadoṣeṇa svaśarīramavāpa saḥ // ### [3.7.53](https://indike.org/pramana/in.purana.brahmanda.3.7.53) tato vajrābhidhaścauraḥ kāladharmamupāgataḥ / anye taddravyavanto 'pi kāladharmamupāgatāḥ // ### [3.7.54](https://indike.org/pramana/in.purana.brahmanda.3.7.54) yamastu tānsamāhūya vākyaṃ caitaduvāca ha // ### [3.7.55](https://indike.org/pramana/in.purana.brahmanda.3.7.55) bhavadbhistu kṛtaṃ pāpaṃ daivātsukṛtamapyuta / kimicchatha phalaṃ bhoktuṃ duṣkṛtasya śubhasya vā // ### [3.7.56](https://indike.org/pramana/in.purana.brahmanda.3.7.56) iti tasya vacaḥ śrutvā procurvajrādikāstataḥ / sukṛtasya phalaṃ tvādau paścātpāpasya bhujyate // ### [3.7.57](https://indike.org/pramana/in.purana.brahmanda.3.7.57) punarāha yamo yūyaṃ putramitra kalatrakaiḥ / etasyaiva balātsarve tridivaṃ gacchata drutam // ### [3.7.58](https://indike.org/pramana/in.purana.brahmanda.3.7.58) te 'dhiruhya vimānāgryaṃ dvijavarmāṇamāśritāḥ / yathocitaphalopetāstridivaṃ jagmurañjasā // ### [3.7.59](https://indike.org/pramana/in.purana.brahmanda.3.7.59) dvijavarmākhilāṃllokānatītya pramadāsakhaḥ / gāṇapatyamanuprāpya kailāse 'dyāpi modate // ### [3.7.60](https://indike.org/pramana/in.purana.brahmanda.3.7.60) indra uvāca tāratamyavibhāgaṃ ca kathaya tvaṃ mahāmate / setubandhādikānāṃ ca puṇyānāṃ puṇyavardhanam // ### [3.7.61](https://indike.org/pramana/in.purana.brahmanda.3.7.61) bṛhaspatiruvāca puṇyasyārddhaphalaṃ prāpya dvijavarmā mahāyaśāḥ / vajraḥ prāpya tadardhaṃ tu tadardhena yutāḥ pare // ### [3.7.62](https://indike.org/pramana/in.purana.brahmanda.3.7.62) manovākkāyaceṣṭābhiścaturdhākriyate kṛtiḥ / vinaśyettena tenaiva kṛtaistatparihārakaiḥ // ### [3.7.63](https://indike.org/pramana/in.purana.brahmanda.3.7.63) indra uvāca āsavasya tu kiṃ rūpaṃ ko doṣaḥ kaścavā guṇaḥ / annaṃ doṣakaraṃ kiṃ tu tanme vistarato vada // ### [3.7.64](https://indike.org/pramana/in.purana.brahmanda.3.7.64) bṛhaspatiruvāca paiṣṭikaṃ tālajaṃ kairaṃ mādhūkaṃ guḍasaṃbhavam / kramānnyūnataraṃ pāpaṃ tadarddhārddhārddhatastathā // ### [3.7.65](https://indike.org/pramana/in.purana.brahmanda.3.7.65) kṣatriyāditrivarṇānāmāsavaṃ peyamucyate / strīṇāmapi tṛtīyādi peyaṃ syādbrāhmaṇīṃ vinā // ### [3.7.66](https://indike.org/pramana/in.purana.brahmanda.3.7.66) patihīnā ca kanyā ca tyajedṛtumatī tathā / abhartṛsannidhau nārī madyaṃ pibati lolupā // ### [3.7.67](https://indike.org/pramana/in.purana.brahmanda.3.7.67) unmādinīti sākhyātā tāṃ tyajedantyajāmiva // ### [3.7.68](https://indike.org/pramana/in.purana.brahmanda.3.7.68) daśāṣṭaṣaṭcatasrastu dvijātīnāmayaṃ bhavet / strīṇāṃ madyaṃ tadarddhaṃ syātpādaṃ syādbhartṛsaṅgame // ### [3.7.69](https://indike.org/pramana/in.purana.brahmanda.3.7.69) madyaṃ pītvā dvijo mohātkṛcchracāndrāyamaṃ caret / japeccāyutagāyatrīṃ jātavedasameva vā // ### [3.7.70](https://indike.org/pramana/in.purana.brahmanda.3.7.70) ambikā hṛdayaṃ vāpi japecchuddho bhavennaraḥ / kṣatriyo 'pi trivarṇānāṃ dvijādardhor'dhataḥ kramāt // ### [3.7.71](https://indike.org/pramana/in.purana.brahmanda.3.7.71) strīṇāmardhārdhakḷptiḥ syātkārayedvā dvijairapi / antarjale sahasraṃ vā japecchuddhimavāpnuyāt // ### [3.7.72](https://indike.org/pramana/in.purana.brahmanda.3.7.72) lakṣmīḥ sarasvatī gaurī caṇḍikā tripurāṃbikā / bhairavo bhairavī kālī mahāśāstrī ca mātaraḥ // ### [3.7.73](https://indike.org/pramana/in.purana.brahmanda.3.7.73) anyāśca śaktayastāsāṃ pūjane madhu śasyate / brāhmaṇastu vinā tena yajedvedāṅgapāragaḥ // ### [3.7.74](https://indike.org/pramana/in.purana.brahmanda.3.7.74) tanniveditamaśnantastadananyāstadātmakāḥ / tāsāṃ pravāhā gacchanti nirlepāste parāṃ gatim // ### [3.7.75](https://indike.org/pramana/in.purana.brahmanda.3.7.75) kṛtasyākhilapāpasya jñānato 'jñānato 'pi vā / prāyaścittamidaṃ proktaṃ parāśakteḥ padasmṛtiḥ // ### [3.7.76](https://indike.org/pramana/in.purana.brahmanda.3.7.76) anabhyarcya parāṃ śaktiṃ pibenmadyaṃ tu yo 'dhamaḥ / raurave narake 'bdaṃ tu nivasedbrindusaṃkhyayā // ### [3.7.77](https://indike.org/pramana/in.purana.brahmanda.3.7.77) bhogecchayā tu yo madyaṃ pibetsa mānuṣādhamaḥ / prāyaścitaṃ na caivāsya śilāgnipatanādṛte // ### [3.7.78](https://indike.org/pramana/in.purana.brahmanda.3.7.78) dvijo mohānna tu pibetsnehādvā kāmato 'pi vā / anugrahācca mahatāmanutāpācca karmaṇaḥ // ### [3.7.79](https://indike.org/pramana/in.purana.brahmanda.3.7.79) arcanācca parāśakteryamaiśca niyamairapi / cāndrāyaṇena kṛcchreṇa dinasaṃkhyākṛtena ca / śuddhyecca brāhmaṇo doṣāddviguṇādbuddhipūrvataḥ // ### [3.7.79.p1](https://indike.org/pramana/in.purana.brahmanda.3.7.79.p1) iti brahmāṇḍamahāpurāṇe uttarabhāge hayagrīvāgastyasaṃvāde lalitopākhyāne steyapānakathanaṃ nāma saptamo 'dhyāyaḥ ## Discussed in (1) - [Purāṇic Encyclopaedia: A Comprehensive Dictionary with Special Reference to the Epic and Purāṇic Literature](https://indike.org/pramana/ins.reference.mani-1975.c8.2743) — Mani 1964, English --- Source: [https://indike.org/pramana/in.purana.brahmanda.3.7](https://indike.org/pramana/in.purana.brahmanda.3.7) · Pramāṇa