[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmavaivartapurana](https://indike.org/pramana/in.purana.brahmavaivarta) › 2.2 # Brahmavaivartapurana 2.2 Brahmavaivartapurāṇa 2.2 - **Language:** Sanskrit ### [2.2.1](https://indike.org/pramana/in.purana.brahmavaivarta.2.2.1) nārada uvāca .. ### [2.2.2](https://indike.org/pramana/in.purana.brahmavaivarta.2.2.2) samāsena śrutaṃ sarvaṃ devīnāṃ caritaṃ vibho .. ### [2.2.3](https://indike.org/pramana/in.purana.brahmavaivarta.2.2.3) vibodhanārthaṃ bodhasya vyāsato vaktumarhasi ..1.. ### [2.2.4](https://indike.org/pramana/in.purana.brahmavaivarta.2.2.4) sṛṣṭerādyā sṛṣṭividhau kathamāvirbabhūva ha .. ### [2.2.5](https://indike.org/pramana/in.purana.brahmavaivarta.2.2.5) kathaṃ vā pañcadhā bhūtā vada vedavidāṃ vara .. 2 .. ### [2.2.6](https://indike.org/pramana/in.purana.brahmavaivarta.2.2.6) bhūtā yā yāśca kalayā tayā triguṇayā bhave .. ### [2.2.7](https://indike.org/pramana/in.purana.brahmavaivarta.2.2.7) vyāsena tāsāṃ caritaṃ śrotumicchāmi sāmpratam .. 3 .. ### [2.2.8](https://indike.org/pramana/in.purana.brahmavaivarta.2.2.8) tāsāṃ janmānukathanaṃ dhyānaṃ pūjāvidhiṃ param .. ### [2.2.9](https://indike.org/pramana/in.purana.brahmavaivarta.2.2.9) stotraṃ kavacamaiśvaryyaṃ śauryaṃ varṇaya maṅgalam .. 4 .. ### [2.2.10](https://indike.org/pramana/in.purana.brahmavaivarta.2.2.10) śrīnārāyaṇa uvāca .. ### [2.2.11](https://indike.org/pramana/in.purana.brahmavaivarta.2.2.11) nityātmā ca nabho nityaṃ kālo nityo diśo yathā .. ### [2.2.12](https://indike.org/pramana/in.purana.brahmavaivarta.2.2.12) viśveṣāṃ gokulaṃ nityaṃ nityo goloka eva ca .. 5 .. ### [2.2.13](https://indike.org/pramana/in.purana.brahmavaivarta.2.2.13) tadekadeśo vaikuṇṭho lambabhāgaḥ sa nityakaḥ .. ### [2.2.14](https://indike.org/pramana/in.purana.brahmavaivarta.2.2.14) tathaiva prakṛtirnityā brahmalīnā sanātanī .. 6 .. ### [2.2.15](https://indike.org/pramana/in.purana.brahmavaivarta.2.2.15) yathā'gnau dāhikā candre padme śobhā prabhā ravau .. ### [2.2.16](https://indike.org/pramana/in.purana.brahmavaivarta.2.2.16) śaśvadyuktā na bhinnā sā tathā prakṛtirātmani .. 7 .. ### [2.2.17](https://indike.org/pramana/in.purana.brahmavaivarta.2.2.17) vinā svarṇaṃ svarṇakāraḥ kuṇḍalaṃ kartumakṣamaḥ .. ### [2.2.18](https://indike.org/pramana/in.purana.brahmavaivarta.2.2.18) vinā mṛdā kulālo hi ghaṭaṃ kartuṃ na hīśvaraḥ .. .. 8 .. ### [2.2.19](https://indike.org/pramana/in.purana.brahmavaivarta.2.2.19) nahi kṣamastathā brahmā sṛṣṭiṃ sraṣṭuṃ tayā vinā .. ### [2.2.20](https://indike.org/pramana/in.purana.brahmavaivarta.2.2.20) sarvaśaktisvarūpā sā tayā syācchaktimānsadā .. 9 .. ### [2.2.21](https://indike.org/pramana/in.purana.brahmavaivarta.2.2.21) aiśvaryyavacanaḥ śak ca tiḥ parākramavācakaḥ .. ### [2.2.22](https://indike.org/pramana/in.purana.brahmavaivarta.2.2.22) tatsvarūpā tayordātrī yā sā śaktiḥ prakīrtitā .. 2.2.10 .. ### [2.2.23](https://indike.org/pramana/in.purana.brahmavaivarta.2.2.23) samṛddhibuddhisampattiyaśasāṃ vacano bhagaḥ .. ### [2.2.24](https://indike.org/pramana/in.purana.brahmavaivarta.2.2.24) tena śaktirbhagavatī bhagarūpā ca sā sadā .. 11 .. ### [2.2.25](https://indike.org/pramana/in.purana.brahmavaivarta.2.2.25) tayā yuktaḥ sadā''tmā ca bhagavāṃstena kathyate .. ### [2.2.26](https://indike.org/pramana/in.purana.brahmavaivarta.2.2.26) sa ca svecchāmayaḥ kṛṣṇaḥ sākāraśca nirākṛtiḥ .. 12 .. ### [2.2.27](https://indike.org/pramana/in.purana.brahmavaivarta.2.2.27) tejorūpaṃ nirākāraṃ dhyāyante yoginaḥ sadā .. ### [2.2.28](https://indike.org/pramana/in.purana.brahmavaivarta.2.2.28) vadanti te paraṃ brahma paramātmānamīśvaram .. 13 .. ### [2.2.29](https://indike.org/pramana/in.purana.brahmavaivarta.2.2.29) adṛśyaṃ sarva draṣṭāraṃ sarvajñaṃ sarvakāraṇam .. ### [2.2.30](https://indike.org/pramana/in.purana.brahmavaivarta.2.2.30) sarvadaṃ sarvarūpāntamarūpaṃ sarvapoṣakam.. 14 .. ### [2.2.31](https://indike.org/pramana/in.purana.brahmavaivarta.2.2.31) vaiṣṇavāste na manyante tadbhaktāḥ sūkṣmadarśinaḥ.. ### [2.2.32](https://indike.org/pramana/in.purana.brahmavaivarta.2.2.32) vadanti kasya tejaste iti tejasvinaṃ vinā ..15.. ### [2.2.33](https://indike.org/pramana/in.purana.brahmavaivarta.2.2.33) tejomaṇḍalamadhyasthaṃ brahma tejasvinaṃ param.. ### [2.2.34](https://indike.org/pramana/in.purana.brahmavaivarta.2.2.34) svecchāmayaṃ sarvarūpaṃ sarvakāraṇakāraṇam..16.. ### [2.2.35](https://indike.org/pramana/in.purana.brahmavaivarta.2.2.35) atīvasundaraṃ rūpaṃ bibhrataṃ sumanoharam .. ### [2.2.36](https://indike.org/pramana/in.purana.brahmavaivarta.2.2.36) kiśoravayasaṃ śāntaṃ sarvakāntaṃ parātparam ..17.. ### [2.2.37](https://indike.org/pramana/in.purana.brahmavaivarta.2.2.37) navīnanīradābhāsaṃ rāsaikaśyāmasundaram .. ### [2.2.38](https://indike.org/pramana/in.purana.brahmavaivarta.2.2.38) śaranmadhyāhnapadmaughaśobhāmocakalocanam .. 18 .. ### [2.2.39](https://indike.org/pramana/in.purana.brahmavaivarta.2.2.39) muktāsāramahāsvacchadantapaṅktimanoharam .. ### [2.2.40](https://indike.org/pramana/in.purana.brahmavaivarta.2.2.40) mayūrapucchacūḍaṃ ca mālatīmālyamaṇḍitam ..19.. ### [2.2.41](https://indike.org/pramana/in.purana.brahmavaivarta.2.2.41) sunāsaṃ sasmitaṃ śaśvadbhaktānugrahakārakam .. ### [2.2.42](https://indike.org/pramana/in.purana.brahmavaivarta.2.2.42) jvaladagniviśuddhaikapītāṃśukasuśobhitam ..2.2.20.. ### [2.2.43](https://indike.org/pramana/in.purana.brahmavaivarta.2.2.43) dvibhujaṃ muralīhastaṃ ratnabhūṣaṇabhūṣitam .. ### [2.2.44](https://indike.org/pramana/in.purana.brahmavaivarta.2.2.44) sarvādhāraṃ ca sarveśaṃ sarvaśaktiyutaṃ vibhum .. 21 .. ### [2.2.45](https://indike.org/pramana/in.purana.brahmavaivarta.2.2.45) sarvaiśvaryyapradaṃ sarvaṃ svatantraṃ sarvamaṅgalam .. ### [2.2.46](https://indike.org/pramana/in.purana.brahmavaivarta.2.2.46) paripūrṇatamaṃ siddhaṃ siddhi daṃ siddhikāraṇam .. 22 .. ### [2.2.47](https://indike.org/pramana/in.purana.brahmavaivarta.2.2.47) dhyāyante vaiṣṇavāḥ śaśvadevaṃrūpaṃ sanātanam .. ### [2.2.48](https://indike.org/pramana/in.purana.brahmavaivarta.2.2.48) janmamṛtyujarāvyādhiśokabhītiharaṃ param .. 23 .. ### [2.2.49](https://indike.org/pramana/in.purana.brahmavaivarta.2.2.49) brahmaṇo vayasā yasya nimeṣa upacāryyate .. ### [2.2.50](https://indike.org/pramana/in.purana.brahmavaivarta.2.2.50) sa cātmā paramaṃ brahma kṛṣṇa ityabhidhīyate .. 24 .. ### [2.2.51](https://indike.org/pramana/in.purana.brahmavaivarta.2.2.51) kṛṣistadbhaktivacano naśca taddāsyakārakaḥ .. ### [2.2.52](https://indike.org/pramana/in.purana.brahmavaivarta.2.2.52) bhaktidāsyapradātā yaḥ sa kṛṣṇaḥ parikīrtitaḥ .. 25 .. ### [2.2.53](https://indike.org/pramana/in.purana.brahmavaivarta.2.2.53) kṛṣiśca sarvavacano nakāro bījavācakaḥ .. ### [2.2.54](https://indike.org/pramana/in.purana.brahmavaivarta.2.2.54) sarvabījaṃ paraṃ brahma kṛṣṇa ityabhidhīyate .. 26 .. ### [2.2.55](https://indike.org/pramana/in.purana.brahmavaivarta.2.2.55) asaṃkhyabrahmaṇā pāte kāle'tīte'pi nārada .. ### [2.2.56](https://indike.org/pramana/in.purana.brahmavaivarta.2.2.56) yadguṇānāṃ nāsti nāśastatsamāno guṇena ca .. 27 .. ### [2.2.57](https://indike.org/pramana/in.purana.brahmavaivarta.2.2.57) sa kṛṣṇaḥ sarvasṛṣṭyādau sisṛkṣustveka eva ca .. ### [2.2.58](https://indike.org/pramana/in.purana.brahmavaivarta.2.2.58) sṛṣṭyunmukhastadaṃśena kālena preritaḥ prabhuḥ .. 28 .. ### [2.2.59](https://indike.org/pramana/in.purana.brahmavaivarta.2.2.59) svecchāmayaḥ svecchayā ca dvidhārūpo babhūva ha .. ### [2.2.60](https://indike.org/pramana/in.purana.brahmavaivarta.2.2.60) strīrūpā vāmabhāgāṃśāddakṣiṇāṃśaḥ pumānsmṛtaḥ .. 29 .. ### [2.2.61](https://indike.org/pramana/in.purana.brahmavaivarta.2.2.61) tāṃ dadarśa mahākāmī kāmādhāraḥ sanātanaḥ .. ### [2.2.62](https://indike.org/pramana/in.purana.brahmavaivarta.2.2.62) atīva kamanīyāṃ ca cārucampakasannibhām .. 2.2.30 .. ### [2.2.63](https://indike.org/pramana/in.purana.brahmavaivarta.2.2.63) pūrṇendubimbasadṛśanitamvayugalāṃ parām .. ### [2.2.64](https://indike.org/pramana/in.purana.brahmavaivarta.2.2.64) sucārukadalīstambhasadṛśaśroṇisundarīm .. 31 .. ### [2.2.65](https://indike.org/pramana/in.purana.brahmavaivarta.2.2.65) śrīyuktaśrīphalākārastanayugmamanoramām .. ### [2.2.66](https://indike.org/pramana/in.purana.brahmavaivarta.2.2.66) puṣṭyā yuktāṃ sulalitāṃ madhyakṣīṇāṃ manoharām .. 32 .. ### [2.2.67](https://indike.org/pramana/in.purana.brahmavaivarta.2.2.67) atīva sundarīṃ śāntāṃ sasmitāṃ vakralocanām .. ### [2.2.68](https://indike.org/pramana/in.purana.brahmavaivarta.2.2.68) vahniśuddhāṃśukādhānāṃ ratnabhūṣaṇabhūṣitām .. 33 .. ### [2.2.69](https://indike.org/pramana/in.purana.brahmavaivarta.2.2.69) śaśvaccakṣuścakorābhyāṃ pibantīṃ santataṃ mudā .. ### [2.2.70](https://indike.org/pramana/in.purana.brahmavaivarta.2.2.70) kṛṣṇasya sundaramukhaṃ candrakoṭivinindakam .. 34 .. ### [2.2.71](https://indike.org/pramana/in.purana.brahmavaivarta.2.2.71) kastūrībindubhiḥ sārddhamadhaścandanabindunā .. ### [2.2.72](https://indike.org/pramana/in.purana.brahmavaivarta.2.2.72) samaṃ sindūrabinduṃ ca bhālamadhye ca bibhratīm .. 35 .. ### [2.2.73](https://indike.org/pramana/in.purana.brahmavaivarta.2.2.73) suvakrakabarībhāraṃ mālatīmālyabhūṣitam .. ### [2.2.74](https://indike.org/pramana/in.purana.brahmavaivarta.2.2.74) ratnendrasārahāraṃ ca dadhatīṃ kāntakāmukīm .. 36 .. ### [2.2.75](https://indike.org/pramana/in.purana.brahmavaivarta.2.2.75) koṭicandraprabhājuṣṭapuṣṭaśobhāsamanvitām .. ### [2.2.76](https://indike.org/pramana/in.purana.brahmavaivarta.2.2.76) gamane rājahaṃsīṃ tāṃ dṛṣṭyā khañjanagañjanīm .. 37 .. ### [2.2.77](https://indike.org/pramana/in.purana.brahmavaivarta.2.2.77) atimātraṃ tayā sārddhaṃ rāseśo rāsamaṇḍale .. ### [2.2.78](https://indike.org/pramana/in.purana.brahmavaivarta.2.2.78) rāsollāseṣu rahasi rāsakrīḍāṃ cakāra ha..38.. ### [2.2.79](https://indike.org/pramana/in.purana.brahmavaivarta.2.2.79) nānāprakāraśṛṃgāraṃ śṛṅgāro mūrttimāniva.. ### [2.2.80](https://indike.org/pramana/in.purana.brahmavaivarta.2.2.80) cakāra sukhasambhogaṃ yāvadvai brahmaṇo vayaḥ ..39.. ### [2.2.81](https://indike.org/pramana/in.purana.brahmavaivarta.2.2.81) tataḥ sa ca pariśrāntastasyā yonau jagatpitā .. ### [2.2.82](https://indike.org/pramana/in.purana.brahmavaivarta.2.2.82) cakāra vīryyādhānaṃ ca nityānandaḥ śubhakṣaṇe .. 2.2.40 .. ### [2.2.83](https://indike.org/pramana/in.purana.brahmavaivarta.2.2.83) gātrato yoṣitastasyāḥ suratānte ca suvrata .. ### [2.2.84](https://indike.org/pramana/in.purana.brahmavaivarta.2.2.84) nissasāra śramajalaṃ śrāntāyāstejasā hareḥ .. 41 .. ### [2.2.85](https://indike.org/pramana/in.purana.brahmavaivarta.2.2.85) mahāsuratakhinnāyā niśvāsaśca babhūva ha .. ### [2.2.86](https://indike.org/pramana/in.purana.brahmavaivarta.2.2.86) tadādhāraśramajalaṃ tatsarvaṃ viśvagolakam .. 42 .. ### [2.2.87](https://indike.org/pramana/in.purana.brahmavaivarta.2.2.87) sa ca niḥśvāsavāyuśca sarvādhāro babhūva ha .. ### [2.2.88](https://indike.org/pramana/in.purana.brahmavaivarta.2.2.88) niśśvāsavāyuḥ sarveṣāṃ jīvināṃ ca bhaveṣu ca .. 43 .. ### [2.2.89](https://indike.org/pramana/in.purana.brahmavaivarta.2.2.89) babhūva mūrttimadvāyorvāmāṅgātprāṇavallabhā .. ### [2.2.90](https://indike.org/pramana/in.purana.brahmavaivarta.2.2.90) tatpatnī sā ca tatputrāḥ prāṇāḥ pañca ca jīvinām .. 44 .. ### [2.2.91](https://indike.org/pramana/in.purana.brahmavaivarta.2.2.91) prāṇo'pānaḥ samānaścaivodāno vyāna eva ca .. ### [2.2.92](https://indike.org/pramana/in.purana.brahmavaivarta.2.2.92) babhūvureva tatputrā adhaḥprāṇāśca pañca ca .. 45 .. ### [2.2.93](https://indike.org/pramana/in.purana.brahmavaivarta.2.2.93) gharmatoyādhidevaśca babhūva varuṇo mahān .. ### [2.2.94](https://indike.org/pramana/in.purana.brahmavaivarta.2.2.94) tadvāmāṅgācca tatpatnī varuṇānī babhūva sā .. 46 .. ### [2.2.95](https://indike.org/pramana/in.purana.brahmavaivarta.2.2.95) atha sā kṛṣṇaśaktiśca kṛṣṇādgarbhaṃ dadhāra ha .. ### [2.2.96](https://indike.org/pramana/in.purana.brahmavaivarta.2.2.96) śatamanvantaraṃ yāvajjvalanto(tī?) brahmatejasā .. 47 .. ### [2.2.97](https://indike.org/pramana/in.purana.brahmavaivarta.2.2.97) kṛṣṇaprāṇādhidevī sā kṛṣṇaprāṇādhikapriyā .. ### [2.2.98](https://indike.org/pramana/in.purana.brahmavaivarta.2.2.98) kṛṣṇasya saṅginī śaśvatkṛṣṇavakṣasthalasthitā .. 48 .. ### [2.2.99](https://indike.org/pramana/in.purana.brahmavaivarta.2.2.99) śatamanvantarātīte kāle paramasundarī .. ### [2.2.100](https://indike.org/pramana/in.purana.brahmavaivarta.2.2.100) suṣāvāṇḍaṃ suvarṇābhaṃ viśvādhārālayaṃ param .. 49 .. ### [2.2.101](https://indike.org/pramana/in.purana.brahmavaivarta.2.2.101) dṛṣṭvā cāṇḍaṃ hi sā devī hṛdayena vidūyatā .. ### [2.2.102](https://indike.org/pramana/in.purana.brahmavaivarta.2.2.102) utsasarja ca kopena tadaṇḍaṃ golake jale .. 2.2.50 .. ### [2.2.103](https://indike.org/pramana/in.purana.brahmavaivarta.2.2.103) dṛṣṭvā kṛṣṇaśca tattyāgaṃ hāhākāraṃ cakāra da... ### [2.2.104](https://indike.org/pramana/in.purana.brahmavaivarta.2.2.104) śaśāpa devīṃ deveśastatkṣaṇaṃ ca yathocitam .. 51 .. ### [2.2.105](https://indike.org/pramana/in.purana.brahmavaivarta.2.2.105) yato'patyaṃ tvayā tyaktaṃ kopaśīle suniṣṭhure .. ### [2.2.106](https://indike.org/pramana/in.purana.brahmavaivarta.2.2.106) bhava tvamanapatyā'pi cādyaprabhṛti niścitam .. 52 .. ### [2.2.107](https://indike.org/pramana/in.purana.brahmavaivarta.2.2.107) yā yāstvadaṃśarūpāśca bhaviṣyanti surastriyaḥ .. ### [2.2.108](https://indike.org/pramana/in.purana.brahmavaivarta.2.2.108) anapatyāśca tāḥ sarvāstvatsamā nityayauvanāḥ .. 53 .. ### [2.2.109](https://indike.org/pramana/in.purana.brahmavaivarta.2.2.109) etasminnantare devī jihvāgrātsahasā tataḥ .. ### [2.2.110](https://indike.org/pramana/in.purana.brahmavaivarta.2.2.110) āvirbabhūva kanyaikā śuklavarṇā manoharā .. 54 .. ### [2.2.111](https://indike.org/pramana/in.purana.brahmavaivarta.2.2.111) pītavastraparīdhānā vīṇāpustakadhāriṇī .. ### [2.2.112](https://indike.org/pramana/in.purana.brahmavaivarta.2.2.112) ratnabhūṣaṇabhūṣāḍhyā sarvaśāstrādhidevatā .. 55 .. ### [2.2.113](https://indike.org/pramana/in.purana.brahmavaivarta.2.2.113) atha kālāntare sā ca dvidhārūpā babhūva ha .. ### [2.2.114](https://indike.org/pramana/in.purana.brahmavaivarta.2.2.114) vāmārddhāṅgā ca kamalā dakṣiṇārddhā ca rādhikā .. 56 .. ### [2.2.115](https://indike.org/pramana/in.purana.brahmavaivarta.2.2.115) etasminnantare kṛṣṇo dvidhārūpo babhūva ha .. ### [2.2.116](https://indike.org/pramana/in.purana.brahmavaivarta.2.2.116) dakṣiṇārddhassyāddvibhujo vāmārddhaśca caturbhujaḥ .. 57 .. ### [2.2.117](https://indike.org/pramana/in.purana.brahmavaivarta.2.2.117) uvāca vāṇīṃ śrīkṛṣṇastvamasya bhava kāminī.. ### [2.2.118](https://indike.org/pramana/in.purana.brahmavaivarta.2.2.118) atraiva māninī rādhā naiva bhadraṃ bhaviṣyati .. 58 .. ### [2.2.119](https://indike.org/pramana/in.purana.brahmavaivarta.2.2.119) evaṃ lakṣmīṃ saṃpradau tuṣṭo nārāyaṇāya vai .. ### [2.2.120](https://indike.org/pramana/in.purana.brahmavaivarta.2.2.120) saṃjagāma ca vaikuṇṭhaṃ tābhyāṃ sārddhaṃ jagatpatiḥ .. 59 .. ### [2.2.121](https://indike.org/pramana/in.purana.brahmavaivarta.2.2.121) anapatye ca te dve ca yato rādhāṃśasambhave.. ### [2.2.122](https://indike.org/pramana/in.purana.brahmavaivarta.2.2.122) nārāyaṇāṅgādabhavanpārṣadāśca caturbhujāḥ .. 2.2.60 .. ### [2.2.123](https://indike.org/pramana/in.purana.brahmavaivarta.2.2.123) tejasā vayasā rūpaguṇābhyāṃ ca samā hareḥ .. ### [2.2.124](https://indike.org/pramana/in.purana.brahmavaivarta.2.2.124) babhūvuḥ kamalāṅgācca dāsīkoṭyaśca tatsamāḥ .. 61 .. ### [2.2.125](https://indike.org/pramana/in.purana.brahmavaivarta.2.2.125) atha golokanāthasya lomāvivarato mune .. ### [2.2.126](https://indike.org/pramana/in.purana.brahmavaivarta.2.2.126) āsannasaṃkhyagopāśca vayasā tejasā samāḥ .. 62 .. ### [2.2.127](https://indike.org/pramana/in.purana.brahmavaivarta.2.2.127) rūpeṇa suguṇenaiva veṣādvā vikrameṇa ca .. ### [2.2.128](https://indike.org/pramana/in.purana.brahmavaivarta.2.2.128) prāṇatulyāḥ priyāḥ sarve babhūvuḥ pārṣadā vibhoḥ .. 63 .. ### [2.2.129](https://indike.org/pramana/in.purana.brahmavaivarta.2.2.129) rādhāṅgalomakūpebhyo babhūvurgopakanyakāḥ .. ### [2.2.130](https://indike.org/pramana/in.purana.brahmavaivarta.2.2.130) rādhātulyāśca sarvāstā nānyatulyāḥ priyaṃvadāḥ .. 64 .. ### [2.2.131](https://indike.org/pramana/in.purana.brahmavaivarta.2.2.131) ratnabhūṣaṇabhūṣāḍhyāḥ śaśvatsusthirayauvanāḥ .. ### [2.2.132](https://indike.org/pramana/in.purana.brahmavaivarta.2.2.132) anapatyāśca tāḥ sarvāḥ puṃsaḥ śāpena santatam .. 65 .. ### [2.2.133](https://indike.org/pramana/in.purana.brahmavaivarta.2.2.133) etasminnantare vipra sahasā kṛṣṇadehataḥ .. ### [2.2.134](https://indike.org/pramana/in.purana.brahmavaivarta.2.2.134) āvirbabhūva sā durgā viṣṇumāyā sanātanī .. 66 .. ### [2.2.135](https://indike.org/pramana/in.purana.brahmavaivarta.2.2.135) devī nārāyaṇīśānā sarvaśaktisvarūpiṇī .. ### [2.2.136](https://indike.org/pramana/in.purana.brahmavaivarta.2.2.136) buddhyadhiṣṭhātṛdevī sā kṛṣṇasya paramātmanaḥ ..67.. ### [2.2.137](https://indike.org/pramana/in.purana.brahmavaivarta.2.2.137) devīnāṃ bījarūpā ca mūlaprakṛtirīśvarī.. ### [2.2.138](https://indike.org/pramana/in.purana.brahmavaivarta.2.2.138) paripūrṇatamā tejaḥsvarūpā triguṇātmikā .. 68 .. ### [2.2.139](https://indike.org/pramana/in.purana.brahmavaivarta.2.2.139) taptakāñcanavarṇābhā sūryyakoṭisamaprabhā .. ### [2.2.140](https://indike.org/pramana/in.purana.brahmavaivarta.2.2.140) īṣaddhāsaprasannāsyā sahasrabhujasaṃyutā .. 69 .. ### [2.2.141](https://indike.org/pramana/in.purana.brahmavaivarta.2.2.141) nānāśastrāstranikaraṃ bibhratī sā trilocanā .. ### [2.2.142](https://indike.org/pramana/in.purana.brahmavaivarta.2.2.142) vahniśuddhāṃśukādhānā ratnabhūṣaṇabhūṣitā .. 2.2.70 .. ### [2.2.143](https://indike.org/pramana/in.purana.brahmavaivarta.2.2.143) yasyāścāṃśāṃśakalayā babhūvuḥ sarvayoṣitaḥ .. ### [2.2.144](https://indike.org/pramana/in.purana.brahmavaivarta.2.2.144) sarvaviśvasthitā lokā mohitā māyayā yayā .. 71 .. ### [2.2.145](https://indike.org/pramana/in.purana.brahmavaivarta.2.2.145) sarvaiśvaryyapradātrī ca kāmināṃ gṛhamedhinām .. ### [2.2.146](https://indike.org/pramana/in.purana.brahmavaivarta.2.2.146) kṛṣṇabhakti pradātrī ca vaiṣṇavānāṃ ca vaiṣṇavī .. 72 .. ### [2.2.147](https://indike.org/pramana/in.purana.brahmavaivarta.2.2.147) mumukṣūṇāṃ mokṣadātrī sukhināṃ sukhadāyinī.. ### [2.2.148](https://indike.org/pramana/in.purana.brahmavaivarta.2.2.148) svargeṣu svargalakṣmīḥ sā gṛhalakṣmīrgṛheṣvasau.. ...73.. ### [2.2.149](https://indike.org/pramana/in.purana.brahmavaivarta.2.2.149) tapasviṣu tapasyā ca śrīrūpā sā nṛpeṣu ca .. ### [2.2.150](https://indike.org/pramana/in.purana.brahmavaivarta.2.2.150) yā cāgnau dāhikārūpā prabhārūpā ca bhāskare .. 74 .. ### [2.2.151](https://indike.org/pramana/in.purana.brahmavaivarta.2.2.151) śobhāsvarūpā candre ca padmeṣu ca suśobhanā .. ### [2.2.152](https://indike.org/pramana/in.purana.brahmavaivarta.2.2.152) sarvaśaktisvarūpā yā śrīkṛṣṇe paramātmani .. 75 .. ### [2.2.153](https://indike.org/pramana/in.purana.brahmavaivarta.2.2.153) yayā ca śaktimānātmā yayā vai śaktimajjagat .. ### [2.2.154](https://indike.org/pramana/in.purana.brahmavaivarta.2.2.154) yayā vinā jagatsarvaṃ jīvanmṛtamiva sthitam .. 76 .. ### [2.2.155](https://indike.org/pramana/in.purana.brahmavaivarta.2.2.155) yā ca saṃsāravṛkṣasya bījarūpā sanātanī .. ### [2.2.156](https://indike.org/pramana/in.purana.brahmavaivarta.2.2.156) sthitirūpā buddhirūpā phalarūpā ca nārada .. 77 .. ### [2.2.157](https://indike.org/pramana/in.purana.brahmavaivarta.2.2.157) kṣutpipāsā dayā śraddhā nidrā tandrā kṣamā dhṛtiḥ .. ### [2.2.158](https://indike.org/pramana/in.purana.brahmavaivarta.2.2.158) śāntirlajjātuṣṭipuṣṭibhrāntikāntyādirūpiṇī .. 78 .. ### [2.2.159](https://indike.org/pramana/in.purana.brahmavaivarta.2.2.159) sā ca saṃstūya sarveśaṃ tatpuraḥ samupasthitā .. ### [2.2.160](https://indike.org/pramana/in.purana.brahmavaivarta.2.2.160) ratnasiṃhāsanaṃ tasyai pradadau rādhikeśvaraḥ .. 79 .. ### [2.2.161](https://indike.org/pramana/in.purana.brahmavaivarta.2.2.161) etasminnantare tatra sastrīkaśca caturmukhaḥ .. ### [2.2.162](https://indike.org/pramana/in.purana.brahmavaivarta.2.2.162) padmanābho nābhipadmānnissasāra pumānmune .. 2.2.80 .. ### [2.2.163](https://indike.org/pramana/in.purana.brahmavaivarta.2.2.163) kamaṇḍaludharaḥ śrīmāṃstapasvī jñānināṃ varaḥ .. ### [2.2.164](https://indike.org/pramana/in.purana.brahmavaivarta.2.2.164) caturmukhastaṃ tuṣṭāva prajvalanbrahmatejasā .. 81 .. ### [2.2.165](https://indike.org/pramana/in.purana.brahmavaivarta.2.2.165) sudatī sundarī śreṣṭhā śatacandrasamaprabhā .. ### [2.2.166](https://indike.org/pramana/in.purana.brahmavaivarta.2.2.166) vahniśuddhāṃśukādhānā ratnabhūṣaṇabhūṣitā .. 82 .. ### [2.2.167](https://indike.org/pramana/in.purana.brahmavaivarta.2.2.167) ratnasiṃhāsane ramye stutā vai sarvakāraṇam .. ### [2.2.168](https://indike.org/pramana/in.purana.brahmavaivarta.2.2.168) uvāsa svāminā sārddha kṛṣṇasya purato mudā .. 83 .. ### [2.2.169](https://indike.org/pramana/in.purana.brahmavaivarta.2.2.169) etasminnantare kṛṣṇo dvidhārūpo babhūva saḥ .. ### [2.2.170](https://indike.org/pramana/in.purana.brahmavaivarta.2.2.170) vāmārddhāṃgo mahādevo dakṣiṇo gopikāpatiḥ .. 84 .. ### [2.2.171](https://indike.org/pramana/in.purana.brahmavaivarta.2.2.171) śuddhasphaṭikasaṅkāśaḥ śatakoṭiraviprabhaḥ .. ### [2.2.172](https://indike.org/pramana/in.purana.brahmavaivarta.2.2.172) triśūlapaṭṭiśadharo vyāghracarmadharo haraḥ .. 85 .. ### [2.2.173](https://indike.org/pramana/in.purana.brahmavaivarta.2.2.173) taptakāñcanavarṇābha jaṭābhāradharaḥ paraḥ .. ### [2.2.174](https://indike.org/pramana/in.purana.brahmavaivarta.2.2.174) bhasmabhūṣaṇagātraśca sasmitaścandraśekharaḥ .. 86 .. ### [2.2.175](https://indike.org/pramana/in.purana.brahmavaivarta.2.2.175) digambaro nīlakaṇṭhaḥ sarpa bhūṣaṇabhūṣitaḥ .. ### [2.2.176](https://indike.org/pramana/in.purana.brahmavaivarta.2.2.176) bibhraddakṣiṇahastena ratnamālāṃ susaṃskṛtām .. 87 .. ### [2.2.177](https://indike.org/pramana/in.purana.brahmavaivarta.2.2.177) prajapanpañcavaktreṇa brahmajyotiḥ sanātanam .. ### [2.2.178](https://indike.org/pramana/in.purana.brahmavaivarta.2.2.178) satyasvarūpaṃ śrīkṛṣṇaṃ paramātmānamīśvaram .. 88 .. ### [2.2.179](https://indike.org/pramana/in.purana.brahmavaivarta.2.2.179) kāraṇaṃ kāraṇānāṃ ca sarvamaṅgalamaṅgalam .. ### [2.2.180](https://indike.org/pramana/in.purana.brahmavaivarta.2.2.180) janmamṛtyujarāvyādhiśokabhītiharaṃ param .. 89 .. ### [2.2.181](https://indike.org/pramana/in.purana.brahmavaivarta.2.2.181) saṃstūya mṛtyormṛtyuṃ taṃ jāto mṛtyuñjayābhidhaḥ .. ### [2.2.182](https://indike.org/pramana/in.purana.brahmavaivarta.2.2.182) ratnasiṃhāsane ramye samuvāsa hareḥ puraḥ .. 2.2.90 .. ### [2.2.183](https://indike.org/pramana/in.purana.brahmavaivarta.2.2.183) iti śrībra0mahāpu0 dvi0 prakṛ0 nārāyaṇanāradasaṃvāde devadevyutpattirnāma dvitīyo'dhyāyaḥ .. 2 .. ## Linked texts (2) - [Devībhāgavatapurāṇa](https://indike.org/pramana/in.purana.upa.sakta.devibhagavata.9.2.3) — Sanskrit - [Nāradapurāṇa](https://indike.org/pramana/in.purana.narada.1.83.15) — Vyāsa, Sanskrit --- Source: [https://indike.org/pramana/in.purana.brahmavaivarta.2.2](https://indike.org/pramana/in.purana.brahmavaivarta.2.2) · Pramāṇa