[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmavaivartapurana](https://indike.org/pramana/in.purana.brahmavaivarta) › 2.55 # Brahmavaivartapurana 2.55: adhyāyaḥ 55 Brahmavaivartapurāṇa 2.55 - **Language:** Sanskrit ## Contents - [2.55.37](https://indike.org/pramana/in.purana.brahmavaivarta.2.55.37) — 3 parts ### adhyāyaḥ 55 ### [2.55.37.1](https://indike.org/pramana/in.purana.brahmavaivarta.2.55.37.1) śrīpārvatyuvāca .. śrīkṛṣṇasya sthite mantre cānyeṣāmīśvarasya vaḥ .. kathaṃ jagrāha rādhāyā mantraṃ vai vaiṣṇavo nṛpaḥ .. 1 .. kiṃ vidhānaṃ ca kiṃ dhyānaṃ kiṃ stotraṃ kavacaṃ ca kim .. kaṃ mantraṃ ca dadau rājñe tāṃ pūjāpaddhatiṃ vada .. .. 2 .. śrīmaheśvara uvāca .. he vipra kaṃ bhajāmīti praśnaṃ kurvati rājani .. śīghraṃ prāpnomi golokaṃ kasyārādhanato mune .. 3 .. ityuktavantaṃ rājendramuvāca brāhmaṇottamaḥ .. tatsevayā ca tallokaṃ prāpsyase bahujanmataḥ .. 4 .. tatprāṇādhiṣṭhātṛdevīṃ bhaja rādhāṃ parātparām .. kṛpāmayīprasādena śīghraṃ prāpnoti tatpadam .. 5 .. ityuktvā rādhikāmantraṃ dadau tasmai ṣaḍakṣaram .. oṃ rādheti caturthyantaṃ vahnijāyāntameva ca .. 6 .. prāṇāyāmaṃ bhūtaśuddhiṃ mantranyāsaṃ tathaiva ca .. karāṃganyāsamevaṃ ca dhyānaṃ sarvasudurlabham .. 7 .. stotraṃ ca kavacaṃ taṃ ca śikṣayāmāsa bhaktitaḥ .. rājā tena krameṇaiva jajāpa paramaṃ manum .. 8 .. dhyānaṃ ca sāmavedoktaṃ maṃgalānāṃ ca maṃgalam .. kṛṣṇastāṃ pūjayāmāsa purā dhyānena yena ca .. 9 .. śvetacampakavarṇābhāṃ koṭicandrasamaprabhām .. śaratpārvaṇacandrāsyāṃ śaratpaṅkajalocanām .. suśroṇīṃ sunitambāṃ ca pakvabimbādharāṃ varām..2.55.10.. muktāpaṃktipratinidhidantapaṃktimanoharām.. īṣaddhāsyaprasannāsyāṃ bhaktānugrahakārikām .. vahniśuddhāṃśukādhānāṃ ratnamālāvibhūṣitām .. 11 .. ratnakeyūravalayāṃ ratnamañjīrarañjitām .. ratnakuṇḍalayugmena vicitreṇa virājitām .. sūryyaprabhāpratikṛtigaṇḍasthalavirājitām .. 12 .. amūlyaratnakhacitagraiveyakavibhūṣitām .. sadratnasārakhacitakirīṭamukuṭojjvalām .. ### [2.55.37.2](https://indike.org/pramana/in.purana.brahmavaivarta.2.55.37.2) ratnāṃgulīyasaṃyuktāṃ ratnapāśakaśobhitām .. 13.. bibhratīṃ kabarībhāraṃ mālatīmālyaśobhitām.. rūpādhiṣṭhātṛdevīṃ ca mattavāraṇagāminīm .. 14 .. gopībhiḥ supriyābhiśca sevitāṃ śvetacāmaraiḥ .. kastūrībindubhiḥ sārddhamadhaścandanabindunā .. 15 .. sindūrabindunā cārusīmantādhaḥsthalojjvalām .. nityaṃ supūjitāṃ bhaktyā kṛṣṇena paramātmanā .. 16 .. kṛṣṇasaubhāgyasaṃyuktāṃ kṛṣṇaprāṇādhikāṃ varām.. kṛṣṇaprāṇādhidevīṃ ca nirguṇāṃ ca parātparām..17.. mahāviṣṇuvidhātrīṃ ca pradātrīṃ sarvasampadām .. kṛṣṇabhaktipradāṃ śāntāṃ mūlaprakṛtimīśvarīm .. 18 .. vaiṣṇavīṃ viṣṇumāyāṃ ca kṛṣṇapremamayīṃ śubhām .. rāsamaṇḍalamadhyasthāṃ ratnasiṃhāsanasthitām .. rāse rāseśvarayutāṃ rādhāṃ rāseśvarīṃ bhaje .. 19 .. dhyātvā puṣpaṃ mūrdhni dattvā punardhyāyejjagatprabhum .. dadyātpuṣpaṃ punardhyātvā copacārāṇi ṣoḍaśa .. 2.55.20 .. āsanaṃ vasanaṃ pādyamarghyaṃ gandhānulepanam .. dhūpaṃ dīpaṃ supuṣpaṃ ca snānīyaṃ ratnabhūṣaṇam .. 21 .. nānāprakāranaivedyaṃ tāmbūlaṃ vāsitaṃ jalam .. madhuparkaṃ ratnatalpamupacārāṇi ṣoḍaśa .. 22 .. pratyekaṃ vedamantreṇa dattaṃ bhaktyā ca bhūbhṛtā .. mantrāṃśca śrūyatāṃ durge vedoktānsarvasammatān .. 23 .. ratnasāravikāraṃ ca nirmitaṃ viśvakarmaṇā .. varaṃ siṃhāsanaṃ ramyaṃ rādhe pūjāsu gṛhyatām ..24 .. amūlyaratnakhacitamamūlyaṃ sūkṣmameva ca .. vahniśuddhaṃ nirmalaṃ ca vasanaṃ devi gṛhya tām..25.. sadratnasārapā?sthaṃ sarvatīrthodakaṃ śubham .. pādaprakṣālanārthaṃ ca rādhe pādyaṃ ca gṛhyatām ..26.. dakṣiṇāvarttaśaṅkhasthaṃ sadūrvāpuṣpacandanam .. ### [2.55.37.3](https://indike.org/pramana/in.purana.brahmavaivarta.2.55.37.3) pūtaṃ yuktaṃ tīrthatoyai rādhe'rghyaṃ pratigṛhyatām .. .. 27 .. pārthivadravyasaṃbhūtamatīva surabhīkṛtam .. maṅgalārhaṃ pavitraṃ ca rādhe gandhaṃ gṛhāṇa me .. 28 .. śrīkhaṇḍacūrṇaṃ susnigdhaṃ kastūrīkuṃkumānvitam .. sugandhayuktaṃ deveśi gṛhyatāmanulepanam .. 29 .. vṛkṣa niryāsasaṃyuktaṃ pārthivadravyasaṃyutam .. agnikhaṇḍaśikhājātaṃ dhūpaṃ devi gṛhāṇa me .. 2.55.30 .. andhakāre bhayaharamamūlyamaṇiśobhitam .. ratnapradīpaṃ śobhāḍhayaṃ gṛhāṇa parameśvari.31.. pārijātaprasūnaṃ ca gandhacandanacarcitam .. atīva śobhanaṃ ramyaṃ gṛhyatāṃ parameśvari ..32.. sugandhāmalakīcūrṇaṃ susnigdhaṃ sumanoharam .. viṣṇutailasamāyuktaṃ snānīyaṃ devi gṛhyatām..33.. amūlyaratnakhacitaṃ keyūravalayādikam.. śaśvatsu śobhanaṃ rādhe gṛhyatāṃ bhūṣaṇaṃ mama..34.. kāladeśodbhavaṃ pakvaphalaṃ vai laḍḍukādikam.. paramānnaṃ ca miṣṭānnaṃ naivedyaṃ devi gṛhyatām..35.. tāmbūlaṃ ca varaṃ ramyaṃ karpūrādisuvāsitam .. sarvabhogādhikaṃ svādu tāmbūlaṃ devi gṛhyatām .. 36 .. aśanaṃ ratnapātrasthaṃ susvādu sumanoharam .. mayā niveditaṃ bhaktyā gṛhyatāṃ parameśvari..37. ### [2.55.63](https://indike.org/pramana/in.purana.brahmavaivarta.2.55.63) ratnendrasārakhacitaṃ vahniśuddhāṃśukānvitam .. puṣpacandanacarcāḍhyaṃ paryyaṃkaṃ devi gṛhyatām 38 .. evaṃ saṃpūjya devīṃ tāṃ dadyātpuṣpāñjalitrayam .. yatnena pūjayeddevīṃ nāyikāśca vrate vratī .. 39 .. prāgādikramayogena dakṣiṇāvartataḥ priye .. bhaktyā pañcopacāreṇa supriyāḥ paricārikāḥ .. 2.55.40 .. mālāvatīṃ pūrvakoṇe vahnikoṇe ca mādhavīm .. dakṣiṇe ratnamālāṃ ca suśīlāṃ nairṛte satīm .. 41 .. paścime vai śaśikalāṃ pārijātāṃ ca mārute .. padmāvatīmuttare cāthaiśānyāṃ sundarīṃ tathā .. 42 .. yūthikāmālatīpadmamālā dadyād vrate vratī .. parihāraṃ ca kurute sāmavedoktameva ca .. 43 .. tvaṃ devī jagatāṃ mātā viṣṇumāyā sanātanī .. kṛṣṇaprāṇādhidevī ca kṛṣṇaprāṇādhikā śubhā .. 44 .. kṛṣṇapremamayī śaktiḥ kṛṣṇe saubhāgyarūpiṇī .. kṛṣṇabhaktiprade rādhe namaste maṅgalaprade .. 45 .. adya me saphalaṃ janma jīvanaṃ sārthakaṃ mama .. pūjitā'si mayā sā ca yā śrīkṛṣṇena pūjitā .. 46 .. kṛṣṇavakṣasi yā rādhā sarvasaubhāgyasaṃyutā .. rāse rāseśvarīrūpā vṛndā vṛndāvane vane .. 47 .. kṛṣṇapriyā ca goloke tulasīkānane tu yā .. campāvatī kṛṣṇasaṃge krīḍā campakakānane .. 48 .. candrāvalī candravane śataśṛṃge satīti ca.. virajā darpahantrī ca virajātaṭakānane..49.. padmāvatī padmavane kṛṣṇā kṛṣṇasarovare.. bhadrā kuñjakuṭīre ca kāmyā vai kamyake vane..2.55.50.. vaikuṇṭhe ca mahālakṣmīrvāṇī nārāyaṇorasi.. kṣīrode sindhukanyā ca martye lakṣmīrharipriyā..51.. sarvasvarge svargalakṣmīrdevaduḥkhavināśinī.. sanātanī viṣṇumāyā durgā śaṅkaravakṣasi..52.. sāvitrī vedamātā ca kalayā brahmavakṣasi .. kalayā dharmapatnī tvaṃ naranārāyaṇaprabhoḥ .. 53 .. kalayā tulasī tvaṃ ca gaṅgā bhuvanapāvanī .. lomakūpodbhavā gopyaḥ kalāṃśā rohiṇī ratiḥ .. 54 .. kalā kalāṃśarūpā ca śatarūpā śacī ditiḥ .. aditirdevamātā ca tvatkalāṃśā haripriyā ..95.. devyaśca munipatnyaśca tvatkalākalayā śubhe .. kṛṣṇabhaktiṃ kṛṣṇadāsyaṃ dehi me kṛṣṇapūjite .. 56 .. evaṃ kṛtvā parīhāraṃ stutvā ca kavacaṃ paṭhet .. purā kṛtaṃ stotrametadbhaktidāsyapradaṃ śubham ..57.. evaṃ nityaṃ pūjayedyo viṣṇutulyaḥ sa bhārate .. jīvanmuktaśca pūtaśca golokaṃ yāti niścitam .. 58 .. kārttikīpūrṇimāyāṃ ca rādhāṃ yaḥ pūjayecchive .. evaṃ krameṇa pratyabdaṃ rājasūyaphalaṃ labhet .. 59 .. paramaiśvaryyayuktaḥ syādiha loke sa puṇyavān .. sarvapāpādvinirmukto yātyante viṣṇumandiram .. 2.55.60 .. ādāvevaṃ krameṇaiva rāse vṛndāvane vane .. stutā sā pūjitā rādhā śrīkṛṣṇena purā satī ..61.. saṃpūjitā dvitīye ca dhātrā tvevaṃ krameṇa ca .. tvadvareṇa ca saṃprāpya vidhātā vedamātaram .. 62 .. nārāyaṇo mahālakṣmīṃ prāpa saṃpūjya bhāratīm .. gaṃgāṃ ca tulasīṃ caiva parāṃ bhuvanapāvanīm .. ..63. ### [2.55.63\_1](https://indike.org/pramana/in.purana.brahmavaivarta.2.55.63_1) viṣṇuḥ kṣīrodaśāyī ca prāpa sindhusutāṃ tathā .. ### [2.55.63\_2](https://indike.org/pramana/in.purana.brahmavaivarta.2.55.63_2) mṛtāyāṃ dakṣakanyāyāṃ mayā kṛṣṇājñayā purā .. 64 .. ### [2.55.63\_3](https://indike.org/pramana/in.purana.brahmavaivarta.2.55.63_3) tvameva durgā samprāptā pūjitā puṣkare ca sā .. ### [2.55.63\_4](https://indike.org/pramana/in.purana.brahmavaivarta.2.55.63_4) aditiṃ kaśyapaḥ prāpa candraḥ saṃprāpa rohiṇīm .. 65 .. ### [2.55.63\_5](https://indike.org/pramana/in.purana.brahmavaivarta.2.55.63_5) kāmo ratiṃ ca saṃprāpa dharmo mūrtiṃ pativratām. devāśca munayaścaiva yāṃ saṃpūjya prativratām .. 66 .. ### [2.55.63\_6](https://indike.org/pramana/in.purana.brahmavaivarta.2.55.63_6) saṃprāpuryadvareṇaiva dharmakāmārthamokṣakam .. ### [2.55.63\_7](https://indike.org/pramana/in.purana.brahmavaivarta.2.55.63_7) evaṃ pūjāvidhānaṃ ca kathitaṃ ca stavaṃ śṛṇu .. 67 .. ### [2.55.63\_8](https://indike.org/pramana/in.purana.brahmavaivarta.2.55.63_8) śrīmaheśvara uvāca .. ### [2.55.63\_9](https://indike.org/pramana/in.purana.brahmavaivarta.2.55.63_9) ekadā māninī rādhā babhūvāgocarā prabhoḥ .. ### [2.55.63\_10](https://indike.org/pramana/in.purana.brahmavaivarta.2.55.63_10) saṃsaktasya tulasyāṃ ca gopyāṃ ca tulasīvane..68.. ### [2.55.63\_11](https://indike.org/pramana/in.purana.brahmavaivarta.2.55.63_11) sā saṃhṛtya svamūrttīśca kalāḥ sarvāśca līlayā .. ### [2.55.63\_12](https://indike.org/pramana/in.purana.brahmavaivarta.2.55.63_12) sarve babhūvurdevāśca brahmaviṣṇuśivādayaḥ .. 69 .. ### [2.55.63\_13](https://indike.org/pramana/in.purana.brahmavaivarta.2.55.63_13) bhraṣṭaiśvaryyāśca niśśrīkā bhāryyāhīnā hyupadrutāḥ .. ### [2.55.63\_14](https://indike.org/pramana/in.purana.brahmavaivarta.2.55.63_14) te ca sarve samālocya śrīkṛṣṇaṃ śaraṇaṃ yayuḥ .. 2.55.70 .. ### [2.55.63\_15](https://indike.org/pramana/in.purana.brahmavaivarta.2.55.63_15) teṣāṃ stotreṇa santuṣṭaḥ snātvā saṃpūjya tāṃ śuciḥ .. ### [2.55.63\_16](https://indike.org/pramana/in.purana.brahmavaivarta.2.55.63_16) tuṣṭāva paramātmā sa sarveṣāṃ rādhikāṃ satīm .. 71 .. ### [2.55.63\_17](https://indike.org/pramana/in.purana.brahmavaivarta.2.55.63_17) śrīkṛṣṇa uvāca .. ### [2.55.63\_18](https://indike.org/pramana/in.purana.brahmavaivarta.2.55.63_18) evameva priyo'haṃ te pramodaścaiva te mayi .. ### [2.55.63\_19](https://indike.org/pramana/in.purana.brahmavaivarta.2.55.63_19) suvyaktamadya kāpaṭyavacanaṃ te varānane ..72.. ### [2.55.63\_20](https://indike.org/pramana/in.purana.brahmavaivarta.2.55.63_20) he kṛṣṇa tvaṃ mama prāṇā jīvātmeti ca santatam .. ### [2.55.63\_21](https://indike.org/pramana/in.purana.brahmavaivarta.2.55.63_21) yadbrūhi nityaṃ premṇā tvaṃ sāmprataṃ tadgataṃ drutam .. .. 73 .. ### [2.55.63\_22](https://indike.org/pramana/in.purana.brahmavaivarta.2.55.63_22) tasmātsarvamalīkaṃ te vacanaṃ jagadambike .. ### [2.55.63\_23](https://indike.org/pramana/in.purana.brahmavaivarta.2.55.63_23) kṣuradhāraṃ ca hṛdayaṃ strījātīnāṃ ca sarvataḥ .. 74 .. ### [2.55.63\_24](https://indike.org/pramana/in.purana.brahmavaivarta.2.55.63_24) asmākaṃ vacanaṃ satyaṃ yadbravīmi ca tacchrutam .. ### [2.55.63\_25](https://indike.org/pramana/in.purana.brahmavaivarta.2.55.63_25) pañcaprāṇādhidevī tvaṃ rādhā prāṇādhiketi me .. 75 .. ### [2.55.63\_26](https://indike.org/pramana/in.purana.brahmavaivarta.2.55.63_26) śakto na rakṣituṃ tvāṃ ca yānti prāṇāstvayā vinā .. ### [2.55.63\_27](https://indike.org/pramana/in.purana.brahmavaivarta.2.55.63_27) vinā'dhiṣṭhātṛdevīṃ ca ko vā kutra ca jīvati ..93... ### [2.55.63\_28](https://indike.org/pramana/in.purana.brahmavaivarta.2.55.63_28) mahāviṣṇośca mātā tvaṃ mūlaprakṛtirīśvarī .. ### [2.55.63\_29](https://indike.org/pramana/in.purana.brahmavaivarta.2.55.63_29) saguṇā tvaṃ ca kalayā nirguṇā svayameva tu ..77.. ### [2.55.63\_30](https://indike.org/pramana/in.purana.brahmavaivarta.2.55.63_30) jyotīrūpā nirākārā bhaktānugrahavigrahā .. ### [2.55.63\_31](https://indike.org/pramana/in.purana.brahmavaivarta.2.55.63_31) bhaktānāṃ rucivaicitryānnānāmūrttīśca bibhratī .. 78 .. ### [2.55.63\_32](https://indike.org/pramana/in.purana.brahmavaivarta.2.55.63_32) mahālakṣmīśca vaikuṇṭhe bhāratī ca satāṃ prasūḥ .. ### [2.55.63\_33](https://indike.org/pramana/in.purana.brahmavaivarta.2.55.63_33) puṇyakṣetre bhārate ca satī tvaṃ pārvatī tathā .. 79 .. ### [2.55.63\_34](https://indike.org/pramana/in.purana.brahmavaivarta.2.55.63_34) tulasī puṇyarūpā ca gaṃgā bhuvanapāvanī .. ### [2.55.63\_35](https://indike.org/pramana/in.purana.brahmavaivarta.2.55.63_35) brahmaloke ca sāvitrī kalayā tvaṃ vasundharā ..2.55.80.. ### [2.55.63\_36](https://indike.org/pramana/in.purana.brahmavaivarta.2.55.63_36) goloke rādhikā tvaṃ ca sarvagopālakeśvarī .. ### [2.55.63\_37](https://indike.org/pramana/in.purana.brahmavaivarta.2.55.63_37) tvayā vinā'haṃ nirjīvo hyaśaktaḥ sarva karmmasu .. 81 .. ### [2.55.63\_38](https://indike.org/pramana/in.purana.brahmavaivarta.2.55.63_38) śivaḥ śaktastvayā śaktyā śavākārastvayā vinā .. ### [2.55.63\_39](https://indike.org/pramana/in.purana.brahmavaivarta.2.55.63_39) vedakartā svayaṃ brahmā vedamātrā tvayā saha .. 82 .. ### [2.55.63\_40](https://indike.org/pramana/in.purana.brahmavaivarta.2.55.63_40) nārāyaṇastvayā lakṣmyā jagatpātā jagatpatiḥ .. ### [2.55.63\_41](https://indike.org/pramana/in.purana.brahmavaivarta.2.55.63_41) phalaṃ dadāti yajñaśca tvayā dakṣiṇayā saha ..83.. ### [2.55.63\_42](https://indike.org/pramana/in.purana.brahmavaivarta.2.55.63_42) bibhartti sṛṣṭiṃ śeṣaśca tvāṃ kṛtvā mastake bhuvam .. ### [2.55.63\_43](https://indike.org/pramana/in.purana.brahmavaivarta.2.55.63_43) bibhartti gaṅgārūpāṃ tvāṃ mūrdhni gaṃgādharaḥ śivaḥ ..84.. ### [2.55.63\_44](https://indike.org/pramana/in.purana.brahmavaivarta.2.55.63_44) śaktimacca jagatsarvaṃ śavarūpaṃ tvayā vinā .. ### [2.55.63\_45](https://indike.org/pramana/in.purana.brahmavaivarta.2.55.63_45) vaktā sarvastvayā vāṇyā sūto mūkastvayā vinā ..89.. ### [2.55.63\_46](https://indike.org/pramana/in.purana.brahmavaivarta.2.55.63_46) yathā mṛdā ghaṭaṃ karttuṃ kulālaḥ śaktimānsadā .. ### [2.55.63\_47](https://indike.org/pramana/in.purana.brahmavaivarta.2.55.63_47) sṛṣṭiṃ sraṣṭuṃ tathā'haṃ ca prakṛtyā ca tvayā saha ..86.. ### [2.55.63\_48](https://indike.org/pramana/in.purana.brahmavaivarta.2.55.63_48) tvayā vinā jaḍaścāhaṃ sarvatra ca na śaktimān .. ### [2.55.63\_49](https://indike.org/pramana/in.purana.brahmavaivarta.2.55.63_49) sarvaśaktisvarūpā tvaṃ tvamāgaccha mamāntikam .. 87 .. ### [2.55.63\_50](https://indike.org/pramana/in.purana.brahmavaivarta.2.55.63_50) vahnau tvaṃ dāhikāśaktirnāgniśśaktastvayā vinā .. ### [2.55.63\_51](https://indike.org/pramana/in.purana.brahmavaivarta.2.55.63_51) śobhāsvarūpā candre tvaṃ tvāṃ vinā na sa sundaraḥ .. 88 .. ### [2.55.63\_52](https://indike.org/pramana/in.purana.brahmavaivarta.2.55.63_52) prabhārūpā hi sūryye tvaṃ tvāṃ vinā na sa bhānumān .. ### [2.55.63\_53](https://indike.org/pramana/in.purana.brahmavaivarta.2.55.63_53) na kāmaḥ kāminībandhustvayā ratyā vinā priye ..89.. ### [2.55.63\_54](https://indike.org/pramana/in.purana.brahmavaivarta.2.55.63_54) ityevaṃ stavanaṃ kṛtvā tāṃ saṃprāpa jagatprabhuḥ .. ### [2.55.63\_55](https://indike.org/pramana/in.purana.brahmavaivarta.2.55.63_55) devā babhūvuḥ saśrīkāḥ sabhāryyāḥ śaktisaṃyutāḥ .. 2.55.90 .. ### [2.55.63\_56](https://indike.org/pramana/in.purana.brahmavaivarta.2.55.63_56) sastrīkaṃ ca jagatsarvaṃ samabhūcchailakanyake .. ### [2.55.63\_57](https://indike.org/pramana/in.purana.brahmavaivarta.2.55.63_57) gopīpūrṇaśca goloko hyabhavattatprasādataḥ .. 91 .. ### [2.55.63\_58](https://indike.org/pramana/in.purana.brahmavaivarta.2.55.63_58) rājā jagāma golokamiti stutvā haripriyām .. ### [2.55.63\_59](https://indike.org/pramana/in.purana.brahmavaivarta.2.55.63_59) śrīkṛṣṇena kṛtaṃ stotraṃ rādhāyā yaḥ paṭhennaraḥ .. 92 .. ### [2.55.63\_60](https://indike.org/pramana/in.purana.brahmavaivarta.2.55.63_60) kṛṣṇabhaktiṃ ca taddāsyaṃ saṃ prāpnoti na saṃśayaḥ .. ### [2.55.63\_61](https://indike.org/pramana/in.purana.brahmavaivarta.2.55.63_61) strīvicchede yaḥ śṛṇoti māsamekamidaṃ śuciḥ .. 93 .. ### [2.55.63\_62](https://indike.org/pramana/in.purana.brahmavaivarta.2.55.63_62) acirāllabhate bhāryyāṃ suśīlāṃ sundarīṃ satīm .. ### [2.55.63\_63](https://indike.org/pramana/in.purana.brahmavaivarta.2.55.63_63) bhāryāhīno bhāgyahīno varṣamekaṃ śṛṇoti yaḥ.. 94 .. ### [2.55.63\_64](https://indike.org/pramana/in.purana.brahmavaivarta.2.55.63_64) acirāllabhate bhāryyāṃ suśīlāṃ sundarīṃ satīm .. ### [2.55.63\_65](https://indike.org/pramana/in.purana.brahmavaivarta.2.55.63_65) purā mayā ca tvaṃ prāptā stotreṇānena pārvati .. 95 .. ### [2.55.63\_66](https://indike.org/pramana/in.purana.brahmavaivarta.2.55.63_66) mṛtāyāṃ dakṣakanyāyāmājñayā paramātmanaḥ .. ### [2.55.63\_67](https://indike.org/pramana/in.purana.brahmavaivarta.2.55.63_67) stotreṇānena saṃprāptā sāvitrī brahmaṇā purā .. 96 .. ### [2.55.63\_68](https://indike.org/pramana/in.purana.brahmavaivarta.2.55.63_68) purā durvāsasaḥ śāpānniśśrīke devatāgaṇe .. ### [2.55.63\_69](https://indike.org/pramana/in.purana.brahmavaivarta.2.55.63_69) stotreṇānena devaistaiḥ saṃprāptā śrīḥ sudurlabhā .. 97 .. ### [2.55.63\_70](https://indike.org/pramana/in.purana.brahmavaivarta.2.55.63_70) śṛṇoti varṣamekaṃ ca putrārthī labhate sutam .. ### [2.55.63\_71](https://indike.org/pramana/in.purana.brahmavaivarta.2.55.63_71) mahāvyādhī rogamukto bhavetstotraprasādataḥ .. 98 .. ### [2.55.63\_72](https://indike.org/pramana/in.purana.brahmavaivarta.2.55.63_72) kārttikīpūrṇimāyāṃ tu tāṃ saṃpūjya paṭhettu yaḥ .. ### [2.55.63\_73](https://indike.org/pramana/in.purana.brahmavaivarta.2.55.63_73) acalāṃ śriyamāpnoti rājasūyaphalaṃ labhet .. 99 .. ### [2.55.63\_74](https://indike.org/pramana/in.purana.brahmavaivarta.2.55.63_74) nārī śṛṇoti cetstotraṃ svāmisaubhāgyasaṃyutā .. ### [2.55.63\_75](https://indike.org/pramana/in.purana.brahmavaivarta.2.55.63_75) bhaktyā śṛṇoti yaḥ stotraṃ bandhanānmucyate dhruvam.. .. 2.55.100 .. ### [2.55.63\_76](https://indike.org/pramana/in.purana.brahmavaivarta.2.55.63_76) nityaṃ paṭhati yo bhaktyā rādhāṃ saṃpūjya bhaktitaḥ .. ### [2.55.63\_77](https://indike.org/pramana/in.purana.brahmavaivarta.2.55.63_77) sa prayāti ca golokaṃ nirmukto bhavabandhanāt .. 101 .. ### [2.55.63\_78](https://indike.org/pramana/in.purana.brahmavaivarta.2.55.63_78) iti śrī brahmavaivartte mahāpurāṇe dvitīye prakṛtikhaṇḍe nāradanārāyaṇasaṃvādāntargataharagaurīsaṃvāde śrīrādhikopākhyāne rādhāpūjāstotrādikathanaṃnāma pañcapañcāśattamo'dhyāyaḥ .. 55 .. --- Source: [https://indike.org/pramana/in.purana.brahmavaivarta.2.55](https://indike.org/pramana/in.purana.brahmavaivarta.2.55) · Pramāṇa