Brahmavaivartapurana 3.117: adhyāyaḥ 119

Brahmavaivartapurāṇa 3.117

Language: Sanskrit

adhyāyaḥ 119

3.117.1

athaikonaviṃśatyadhikaśatatamo'dhyāyaḥ
nārāyaṇa uvāca
pārvatīvacanaṃ śrutvā gameśaśca śivaḥ svayam .
kārtikeyaśca kālī ca tāṃ praśaṃsāṃ cakāra ha .. 1 ..

3.117.2

uvāca bhagavāñśaṃbhurjagatāṃ mātaraṃ parām .
jyotiḥ svarūpāṃ paramāṃ mūlaprakṛtimīśvarīm .. 2 ..

3.117.3

mahādeva uvāca
tvayā yadhaktaṃ deveśi sarva vedoktamīpsitam .
ayuktamupahāsyaṃ va samaraṃ paramātmanā .. 3 ..

3.117.4

bāṇo dadātu kanyāṃ dāṃ svarṇabhūṣaṇabhūṣitām .
sāmañjasyaṃ yaśasyaṃ ca śubhadaṃ sarvakarmasu .. 4 ..

3.117.5

na dadāti yadā bāṇo hiraṇyakaśipoḥ prajā .
yuddhe parāṅmukho bhīto bhagavatyayaśaskaraḥ .. 5 ..

3.117.6

bāṇo gacchatu saṃnāhī raṇaśāsraviśāradaḥ .
paścāccā ''gamanaṃ kurmo vayaṃ sāṃnāhikāḥ śive .. 6 ..

3.117.7

uvāca bāṇaṃ tāṃ dātuṃ sa ca na svīcakāra ha .
durgā taṃ bodhayāmāsa na bubodha ca sadvacaḥ .. 7 ..

3.117.8

etasminnantare tāṃ ca sabhāmeva mahoramām .
ājagāma mahādharmo baliśca vaiṣṇavāgraṇīḥ .. 8 ..

3.117.9

rathaṃ latnendranirmāṇaṃ samāruhya mahābalaḥ .
prataptaiḥ saptabhirdaityaiḥ sevitaḥ śvetacāmaraiḥ .. 9 ..

3.117.10

daityendrāṇāṃ saptalakṣairāvṛtaḥ paramāstravit .
avaruhya rathāttūrṇaṃ gaṇeśaṃ ca śivāṃ śivām .. 10 ..

3.117.11

praṇamya kārtikeyaṃ ca sa uvāsa ca saṃsadi .
uttasthurārāttaṃ dṛṣṭvā te sarve śaṃkaraṃ vinā .. 11 ..

3.117.12

tamuvāca mahādevaḥ saṃbhāṣya priyabhāṣaṇam .. 11 ..

3.117.13

mahādeva uvāca
bhagavaṃścaturastvaṃ ca pradātā sarvasaṃpadām .
ayaṃ hi paramo lābho vaiṣṇavānāṃ samāgamaḥ .. 12 ..

3.117.14

tīrthānyapi ca pūtāni vaiṣṇavasparśamātrataḥ .
sarveṣāmāśramāṇāṃ ca pūjito brāhmaṇaḥ śuciḥ .. 13 ..

3.117.15

tato'dhikaḥ pūjito'pi brāhmaṇo yadi vaiṣṇavaḥ .
na hi pūtaṃ ca paśyami vaiṣṇavabrāhmaṇātparam .. 14 ..

3.117.16

sa pūtaḥ pavanādeva sa pūtaśca hutāśānāt .
tīrthemyo'pi ca sarvebhyo bibheti ca tataḥ suraḥ .. 15 ..

3.117.17

na hi pāpāni taddehe vahnau śuṣkatṛṇādivat .. 16 ..

3.117.18

baliruvāca
kathaṃ stauṣi jagannātha bhṛtyamastavyamīśvaraḥ .
pradattaṃ parameśvarya tvayā nātha sudulrabham .. 17 ..

3.117.19

adhunā sthāpito daivātsarvādhaḥ sutale'pi ca .
indrāya dattamaiśvarya matto bhaktātsureśvara .. 18 ..

3.117.20

tvayā vāmanarūpeṇa sarvarūpo'si sarvataḥ .
bāṇaṃ bodhaya bhadraṃ ca mama prāṇātmajaṃ param .. 19 ..

3.117.21

ātmanā saha yuddhaṃ ca deveṣvapi vigarhitam .
ityuktvā ca śivaṃ natvā śirasā praṇanāma tam .. 20 ..

3.117.22

sāmavedoktastotreṇa tuṣṭāva parameśvaram .
pulakāñcitasarvāṅgaḥ sāśrunetro'tivihvalaḥ .. 21 ..

3.117.23

dhyāyamānaśca nityaṃ yo hṛtpadme sumanohare .
śukreṇa dattaṃ mantraṃ ca japtvā caikādaśākṣaram .. 22 ..

3.117.24

baliruvāca
adityāḥ prārthanenaiva māturdevyā vratena ca .
purā vāmanarūpeṇa tvayā'haṃ vañcitaḥ prabho .. 23 ..

3.117.25

saṃpadrūpā mahālakṣmīrdattā bhaktāya bhaktitaḥ .
śakrāya matto bhaktāya bhrātre puṇyavate dhruvam .. 24 ..

3.117.26

adhunā mama putro'yaṃ bāṇaḥ śaṃkarakiṃkaraḥ .
ārācca rakṣitaḥ so'pi tenaiva bhaktabandhunā .. 25 ..

3.117.27

paripuṣṭaśca pārvatyā yathā mātrā sutastathā .
gṛhītavāṃśca tatkanyāṃ balena yuvatīṃ satīm .. 26 ..

3.117.28

samudyataśca taṃ hantuṃ kārtikenāpi vāritaḥ .
āgato'si punarhantuṃ pautrasya damane kṣamaḥ .. 27 ..

3.117.29

sarvātmanaśca sarvatra samabhāvaḥ śrutau śrutaḥ .
karoṣi jagatāṃ nātha kathamevaṃ vyatikramaḥ .. 28 ..

3.117.30

tvayā ca nihato yo hi tasya ko rakṣitā bhuvi .
sudarśanasya tejo hi sūryakoṭinibhaṃ param .. 29 ..

3.117.31

keṣāṃ surāṇāmastreṇa tadeva ca nivāritam .
yathā sudarśanaṃ caivamastrāṇāṃ pravaraṃ varam .. 30 ..

3.117.32

tathā bhavāṃśca devānāṃ sarveṣāmīśvaraḥ paraḥ .
yathā bhavāṃstathā kṛṣṇo vidhātā vedhasāmapi .. 31 ..

3.117.33

viṣṇuḥ sattvaguṇādhāraḥ śivaḥ sattvāśrayastathā .
svayaṃ vidhātā rajasaḥ sṛṣṭikartā pitāmahaḥ .. 32 ..

3.117.34

kālāgnirudro bhagavānviśvacasaṃhārakārakaḥ .
tamasaścā''śrayaḥ so'pi rudrāṇāṃ pravaro mahān .. 33 ..

3.117.35

sa eva śaṃkarāṃśaścāpyanye rudrāśca tatkalāḥ .
bhavāṃśca nirguṇasteṣāṃ prakṛteśca parastathā .. 34 ..

3.117.36

sarveṣāṃ paramātmā vai praṇā viṣṇusvarūpiṇaḥ .
mānasaṃ ca svayaṃ brahmā svayaṃ jñānātmakaḥ śivaḥ .. 35 ..

3.117.37

pravarā sarvaśaktīnāṃ buddhiḥ prakṛtirīśvarī .
svātmanaḥ pratibibhbaste jīvaḥ sarveṣu dehiṣu .. 36 ..

3.117.38

jīvaḥ svakarmaṇāṃ bhogī svayaṃ sākṣī bhavāṃstathā .
sarve yānti tvayi gate naradeve yathā'nugāḥ .. 37 ..

3.117.39

sadyaḥ patati dehaśca śavo'spṛśyastvayā vinā .
buddhāḥ santo na jānanti vañcitāstava māyayā .. 38 ..

3.117.40

tvāṃ bhajantyeva ye santo māyāmetāṃ taranti te .
triguṇā prakṛtirdurgā vaiṣṇavī ca sanātanī .. 39 ..

3.117.41

parā nārāyaṇīśānī tava māyā duratyayā .
tvadaṃśāḥ prativiśveṣu brahmaviṣṇuśivātmakāḥ .. 40 ..

3.117.42

sarveṣāmapi viśveṣāmāśrayo yo mahānvirāṭ .
sa sete ca jale yogādviśveśo gokule yathā .. 41 ..

3.117.43

sa eva vāsurbhagavāṃstasya devo bhavānparaḥ .
vāsudeva iti khyātaḥ purāvidbhiḥ prakīrtitaḥ .. 42 ..

3.117.44

tvameva kalayā sūryastvameva kalayā śaśī .
kalayā ca hutāśaśca kalayā pavanaḥ svayam .. 43 ..

3.117.45

kalayā varuṇaścaiva kuberaśca yamastathā .
kalayā tvaṃ mahendraśca kalayā dharma eva ca .. 44 ..

3.117.46

tvameva kalayā śeṣa īśāno naiṛṃtistathā .
munayo manavaścaiva grahāśca phaladāyakaḥ .. 45 ..

3.117.47

kalākalāyāścāṃśena sarve jīvāścarācarāḥ .
tvaṃ brahma paramaṃ jyotirdhyāyante yoginaḥ sadā .. 46 ..

3.117.48

taṃ tcā''driyante bhaktāste dhyāyante ya tadantare .
navīnanīradaśyāmaṃ pītakauśeyavāsasam .. 47 ..

3.117.49

īṣaddhāsyaprasannāsyaṃ bhakteśaṃ bhaktavatsalam .
candanokṣitasarvāṅgaṃ dvibhujaṃ muralīdharam .. 48 ..

3.117.50

mayūrapicchacūḍaṃ ca mālatīmālyabhūṣitam .
amūlyaratnanirmāṇakeyūravalayāvintam .. 49 ..

3.117.51

maṇikuṇḍalayugmena gaṇḍasthalavirājitam .
ratnasārāṅgalīyaṃ ca kvaṇanmañjīrarañjitam .. 50 ..

3.117.52

koṭikandarpalīlābhaṃ śaratkamalalocanam .
śaratpūrṇaindunindāsyaṃ candrakoṭisamaprabham .. 51 ..

3.117.53

vīkṣitaṃ sasmitābhiśca gopīnāṃ koṭikoṭibhiḥ .
vayasyaiḥ pārṣadairgopaiḥ sevitaṃ śvetacāmaraiḥ .. 52 ..

3.117.54

gopabālakaveṣaṃ ca rādhāvakṣaḥ sthalasthitam .
dhyānāsādhyaṃ durārādhyaṃ brahmeśaśeṣavanditam .. 53 ..

3.117.55

sinddhendraiśca munīndraiśca yogīndraiḥ praṇataṃ stutam .
vedānirvacanīyaṃ ca paraṃ svecchāmayaṃ vibhum .. 54 ..

3.117.56

sthūlasthūlatamaṃ rūpaṃ sūkṣmātsūkṣmatamaṃ param .
satyaṃ nityaṃ praśastaṃ ca prakṛteḥ paramīśvaram .. 55 ..

3.117.57

nirliptaṃ ca nirīhaṃ ca bhagavantaṃ sanātanam .
evaṃ dhyātvā ca te pūtāḥ snigdhadūrvākṣatā jalam .. 56 ..

3.117.58

padmāpadmārcite pādapadme ca dātumutsukāḥ .
vedāḥstotumaśaktāstvāmaśaktā sā sarasvatī .. 57 ..

3.117.59

śeṣaḥ stotumaśaktaśca svayaṃbhūḥ śaṃbhurīśvaraḥ .
gaṇeśaśca dineśaśca mahendraścandra eva ca .. 58 ..

3.117.60

stotuṃ nālaṃ dhaneśaśca kimanye jaḍbuddhayaḥ .
guṇātītamanīhaṃ ca kiṃ staumi nirguṇaṃ param .. 59 ..

3.117.61

apaṇḍito'yamasuro na suraḥ kṣantumarhasi .
balestadvacanaṃ śrutvā tamuvāca jagatpatiḥ ..

3.117.62

paripūrṇatamaḥ śrīmānbhaktaṃ ca bhaktavatsalaḥ .. 60 ..

3.117.63

śrībhagavānuvāca
mā bhairvatsa gṛhaṃ gaccha sutalaṃ rakṣitaṃ mayā .
madvareṇa prasādena tvatputro'pyajarāmaraḥ .. 61 ..

3.117.64

darpahāniṃ kariṣyāmi tasya mūrkhasya darpiṇaḥ .
prahlādāya varo datto bhaktāya ca tapasvine .. 62 ..

3.117.65

mamāvadhyaśca tvadvaṃśaśceti prītena cetasā .
tava putrāya dāsyāmi jñānaṃ mṛtyuṃjayaṃ param .. 63 ..

3.117.66

tvayā kṛtimidaṃ stotraṃ sāmavedoktamīpsitam .
purā sanatkumārārāya pradattaṃ brahmaṇā tathā .. 64 ..

3.117.67

siddhāśrame puṇyatame praśaste sūryaparvaṇi .
gautamāya pradattaṃ ca gauryā mandākinītaṭe .. 65 ..

3.117.68

śaṃkareṇa ca śiṣyāya bhaktāya ca dayālunā .
brahmaṇe ca mayā dattaṃ śivāya virajātaṭe .. 66 ..

3.117.69

bhṛgave ca purā dattaṃ kumāreṇa ca dhīmatā .
tvaṃ ca dāsyasi bāṇāya bāṇaḥ stoṣyatyanena mām .. 67 ..

3.117.70

idaṃ stotraṃ mahāpuṇyamubadiśya gurormukhāt .
vṛtasya pūjitasyāpi vastrabhūṣaṇacandanaiḥ .. 68 ..

3.117.71

susnāto yaḥ paṭhennityaṃ pūjākāle ca bhaktitaḥ .
koṭijanmārjitātpāpānmucyate nātra saṃśayaḥ .. 69 ..

3.117.72

vipadāṃ khaṇḍanaṃ stotraṃ kāraṇaṃ sarvasaṃpadām .
vāraṇaṃ duḥkhaśokānāṃ bhavābdhidhoratāraṇam .. 70 ..

3.117.73

khaṇḍanaṃ garbhavāsānāṃ jarāmṛtyuharaṃ param .bandhanānāṃ ca rogāṇāṃ khaṇḍanaṃ bhaktamaṇḍanam .. 71 ..

3.117.74

sa snātaḥ sarvatīrtheṣu sarvayajñeṣu dīkṣitaḥ .
vratī vrateṣu sarveṣu tapasvī ca tapaḥsu ca .. 72 ..

3.117.75

sa stayaṃ sarvadānānāṃ phalaṃ ca labhate dhruvam .
lakṣadhā stotrapāṭhena stotrasiddhirbhavennṛṇām .. 73 ..

3.117.76

sarvasiddhiṃ ca labhate siddhistotro bhavedyadi .
ihaloke devatulyo'pyante yāti hareḥ padam .. 74 ..

3.117.77

iti śrībrahmao mahāo śrīkṛṣṇajanmakhao uttao nāradanāo bāṇayuddhe
balikṛtaśrīkṛṣṇamtotraṃ nāmaikonaviṃśatyadhikaśatatamo'dhyāyaḥ .. 119 ..