Brahmavaivartapurana 3.118: adhyāyaḥ 120

Brahmavaivartapurāṇa 3.118

Language: Sanskrit

adhyāyaḥ 120

3.118.1

viṃśatyadhikaśatatamo'dhyāyaḥ
nārāyaṇa uvāca
atha kṛṣṇaśca bhagavānuddhaveta balena ca .
dūtaṃ praśthāpayāmāsa vidhāya mantraṇaṃ śubham .. 1 ..

3.118.2

śivo gaṇapatiryatra durgāṃ durgatināśinī .
kārtikeyo bhadrakālī cogracaṇḍā ca koṭarī .. 2 ..

3.118.3

āgatya natvā dūtaśca gaṇeśaṃ ca śivaṃ śivām .
mānavāṃścāpi pūcyāṃśca samuvāca yathocitam .. 3 ..

3.118.4

dūta uvāca
bāṇamāhvayate kṛṣṇaḥ saṃgrāmārtha maheśvara .
kiṃ vā'niruddhamūṣāṃ ca gṛhītvā śaraṇaṃ vraja .. 4 ..

3.118.5

raṇe nimantrito yo hi na yāti bhayakātaraḥ .
paratra narakaṃ yāti saptabhiḥ pitṛbhiḥ saha .. 5 ..

3.118.6

dūtasya vacanaṃ śrutvā sabhāmadhye yathocitam .
uvāca pārvatī devī svayaṃ śaṃkarasaṃnidhau .. 6 ..

3.118.7

pārvatyuvāca
gaccha bāṇa mahābhāga gṛhītvā tava kanyakām .
sarvasvaṃ yautakaṃ dattvā śrīkṛṣṇaṃ śaraṇaṃ vraja .. 7 ..

3.118.8

sarveṣāmīśvaraṃ bījaṃ dātāraṃ sarvasaṃpadam .
varaṃ varepyaṃ śaraṇaṃ kṛpāluṃ bhaktavatsalam .. 8 ..

3.118.9

pārvatīvacanaṃ śrutvā tamūcuste sureśvarāḥ .
praśasaṃsuḥsabhāmadhye dhanyadhanyeti sarvadā .. 9 ..

3.118.10

kopāviṣṭaśca bāṇo'yamuttasthau sahasā'suraḥ .
sāṃnāhiko dhanuṣpāṇiḥ praṇamya śaṃkaraṃ yayau .. 10 ..

3.118.11

sarvairniṣidhyamānaśca kampito raktalocanaḥ .
sāṃnāhikaśca daityānāṃ trikoṭyā ca mahābalaḥ .. 11 ..

3.118.12

kumbhāṇḍaḥ kūpakarṇaśca nikumbhaḥ kumbha eva ca .
senāpatīśvaraścaite yayuḥ sāṃnāhikāstathā .. 12 ..

3.118.13

unmattabhairavaścaiva saṃhārabhairavastathā .
asitāṅgo bhairavaśca rurubhairava eva ca .. 13 ..

3.118.14

mahābhairavasaṃjñaśca kālabhairava eva ca .
pracaṇḍabhairavaścaiva krodhabhairava eva ca .. 14 ..

3.118.15

prayayuḥ śaktibhiḥ sārdha sarve sāṃnāhikāśca te .
kālāggirudro bhagavānrudraiḥ sāṃnāhiko yayau .. 15 ..

3.118.16

ugracaṇḍā pracaṇḍā ca caṇḍikā caṇḍināyikā .
caṇḍeśvarī ca cāmuṇḍā caṇḍī caṇḍakapālikā .. 16 ..

3.118.17

aṣṭau ca nāyikāḥ sarvāḥ prayayuḥ kharparāvintāḥ .
koṭarī ratnayānasthā śoṇitagrāmadevatā .. 17 ..

3.118.18

prayayau sā praphullāsyā khaḍgakharparadhāriṇī .
indrāṇī vaiṣṇavī śāntā brahmāṇī brahmavādinī .. 18 ..

3.118.19

kaumārī nārasiṃhī ca vārāhī vikaṭākṛtiḥ .
māheśvarī mahāmāyā bhairavī bhīmarūpiṇī .. 19 ..

3.118.20

aṣṭau ca śaktayaḥ sarvā rathasthāḥ prayayurmudā .
ratnendrasārayānasthā prayayau bhadrakālikā .. 20 ..

3.118.21

raktavarṇā trinayanā jihvālalanabhīṣaṇā .
śūlaśaktigadāhastā khaḍgakharparadhāriṇī .. 21 ..

3.118.22

prayayau śūlahastaśca vṛṣabhastho maheśvaraḥ .
skandaśca śikhiyānasthaḥ śastrapāṇirdhanurdharaḥ .. 22 ..

3.118.23

evaṃ ca prayayuḥ sarve gaṇeśaṃ pārvatīṃ vinā .
ebhiryuktaṃ mahādevaṃ dṛṣṭvā ca bhadrakālikām .. 23 ..

3.118.24

pracakre cakrapāṇiśca saṃbhāṣāṃ ca yathocitām .
bāṇaḥ śaṅkadhvaniṃ kṛtvā praṇamya pārvatīśvaram .. 24 ..

3.118.25

dhanurdathāra saguṇaṃ divyāstreṇa niyojitam .
bāṇaṃ samudyataṃ dṛṣṭvā sātyakiḥ paravīrahā .. 25 ..

3.118.26

niṣidhyamānastaiḥ sarvaiḥ saṃnāhī prayayau mudā .
bāṇaścikṣepa divyāstramañjanaṃ nāma nārada .. 26 ..

3.118.27

avyarthaṃ grīṣmamadhyāhanamārtaṇḍābhaṃ sutīkṣṇakam .
dṛṣṭāvā'straṃ sātyakiḥ sākṣātkiṃcinnamro babhūva saḥ .. 27 ..

3.118.28

kiṃ vā na dagdhaḥ prayayau nabhomadhyaṃ sudāruṇam .
vahniṃ cikṣepa bāṇaśca sātyakirvāruṇena ca .. 28 ..

3.118.29

prajvalantaṃ tālamānaṃ nirvāṇaṃ ca cakāra saḥ .
ciccheda vāruṇaṃ ghoraṃ prajaṇḍaṃ bhīmamulbaṇam .. 29 ..

3.118.30

ciccheda sātyakiścaiva pārjanyenāvalīlayā .
cikṣepa pavanaṃ bāṇaḥ pracaṇḍaṃ bhīmamulbaṇam .. 30 ..

3.118.31

ciccheda sātyakiścaiva parvatāśtreṇa līlayā .
nārāyaṇastraṃ cikṣepa bāṇaśca raṇamūrdhani .. 31 ..

3.118.32

sātyakirdaṇḍavadbhūmau papātārjunaśikṣayā .
māheśvaraṃ pracikṣepa bāṇaḥ śastravidāṃ varaḥ .. 32 ..

3.118.33

sātyakirvaiṣṇavāstreṇa pravicchedāvalīlayā .
brahmāstraṃ cāpi cikṣepa bāṇaśca raṇamūrdhani .. 33 ..

3.118.34

kṣaṇaṃ cakāra nirvāṇaṃ brahmāstreṇa ca sātyakiḥ .
nāgāstraṃ cāpi cikṣepa bāṇo raṇaviśāradaḥ .. 34 ..

3.118.35

sātyakirgāruḍenaiva saṃjahāra kṣaṇena ca .
jagrāha śūlamavyarthaṃ śaṃkarasya sudāruṇam .. 35 ..

3.118.36

tuṣṭāva sātyakirdurgā gale mālyaṃ babhūva ha .
jagrāha dhanuṣā bāṇo bāṇaṃ pāśupataṃ tathā .. 36 ..

3.118.37

bāṇaṃ sabāṇaṃ jṛmbhaṃ ca sātyakiśca cakāra ha .
bāṇaṃ taṃ jṛmbhitaṃ dṛṣṭvā kārtikeyo mahābalaḥ .. 37 ..

3.118.38

ardhacandraṃ ca cikṣepa kāmaściccheda līlayā .
gadāṃ cakṣepa ca skandaḥ prātaḥ sūryasamaprabhām .. 38 ..

3.118.39

vaiṣṇavāstreṇa kāmaśca nirvāṇaṃ ca cakāra saḥ .
nārāyaṇastraṃ skandaśca prākṣipacca tvarānvitaḥ .. 39 ..

3.118.40

papāta daṇḍavadbhūmau pradyumnaḥ kṛṣṇaśikṣayā .
skandaḥ śaktiṃ ca cikṣepa pralayagnisamaprabhām .. 40 ..

3.118.41

kāmo nārāyaṇāstreṇa nirvāṇaṃ ca cakāra tām .
brahmāstraṃ ca pracikṣepa kārtiko raṇamūrdhani .. 41 ..

3.118.42

brahmāstreṇāpi kāmaśca nirvāṇaṃ ca cakāra saḥ .
jagrāha kārtikaṃ kopāddivyaṃ pāśupataṃ tadā .. 42 ..

3.118.43

nidrāstreṇāpi madano nidritaṃ ca cakāra tam .
kārtikaṃ nidritaṃ dṛṣṭvā bāṇaṃ ca jṛmbhitaṃ tathā .. 43 ..

3.118.44

kopātkāmaṃ ca sarathaṃ jagrāha bhadrakālikā .
kroḍe kṛtvā ca bāṇaṃ ca skandaṃ ca jagatāṃ prasūḥ .. 44 ..

3.118.45

raṇasthalācca prayayau yatraiva pārvatī satī .
kārtikaṃ bodhayāmāsa bāṇaṃ susthaṃ cakāra sā .. 45 ..

3.118.46

sahasāsarathaḥ kāmo nāsārandhreṇa vartmanā .
bahirbabhūva saṃtrastaḥ prayayau ca raṇasthalam .. 46 ..

3.118.47

dṛṣṭkā kāmaṃ ca sarathaṃ jahasuryādavāstadā .
sarve śaivāśca tatrasthāḥ śuṣkakaṇṭhā bhayakulāḥ .. 47 ..

3.118.48

atha bāṇaḥ punaḥ kruddho rathamāruhya kopataḥ .
kārtikeyaśca bhagavānyuddhāya punarāgataḥ .. 48 ..

3.118.49

bāṇaḥ pañca śarāṃścaiva cikṣepa raṇamūrdhani .
ardhacandreṇa ciccheda baladevo mahābalaḥ .. 49 ..

3.118.50

rathaṃ babhañja bāṇasya lāṅgalena ca lāṅgalī .
jaghana sūtamaśvāṃśca musalenāvalīlayā .. 50 ..

3.118.51

kurvantamudyamaṃ chettuṃ halinaṃ ca mahābalaḥ .
kālāgnirudro bhagavānvārayāmāsa līlayā .. 51 ..

3.118.52

rathaṃ kālāgnirudrasya babhañja lāṅgalī ruṣā .
halena sūtamaśvāśca jadhāna raṇamūrdhani .. 52 ..

3.118.53

kālāgnirudraḥ kopena cikṣepa javaramulvaṇam .
babhūvuryādavāḥ sarve jvarākrāntā hariṃ vinā .. 53 ..

3.118.54

taṃ dṛṣṭvā bhagavānkṛṣṇaḥ sasarja vaiṣṇavaṃ jvaram .
taṃ cikṣepa jvaraṃ hantuṃ māheśaṃ raṇamūrdhani .. 54 ..

3.118.55

babhūva jvarayoryuddhaṃ muhūrtamatidāruṇam .
vaiṣṇavajvaraniṣkānto raṇamīrdhni papāta saḥ ..

3.118.56

paraṃ babhūva niśceṣṭastuṣṭāva mādhavaṃ punaḥ .. 55 ..

3.118.57

jvara uvāca
praṇānrakṣa jagannātha bhaktānugrahavigraha .
tvamātmā puruṣaḥ purṇaḥ sarvatra samatā tava .. 56 ..

3.118.58

jvarasya vacanaṃ śrutvā saṃjahāra svakaṃ jvaram .
māheśvaro jvaro bhīto raṇādeva hi niryayau .. 57 ..

3.118.59

bāṇaśca punarāgatya bāṇānāṃ ca sahasrakam .
cikṣepa mantrapūtaṃ ca pralayāgniśikhopamam .. 58 ..

3.118.60

phālgunaḥ śarajālena vārayāmāsa līlayā .
cikṣepa śaktiṃ bāṇaśca grīṣmasūryasamaprabhām .. 59 ..

3.118.61

ciccheda līlayā tāṃ ca savyasācī mahābalaḥ .
sa jagrāha pāśupataṃ śatasūryasamaprabham .. 60 ..

3.118.62

atyarthamatighoraṃ ca viśvasaṃhārakārakam .taddṛṣṭā cakrapāṇiśca cakraṃ cikṣepa dāruṇam .. 61 ..

3.118.63

hastānāṃ ca sahasraṃ ca sapāśupatamulbaṇam .
ciccheda raṇamadhye ca papātācalasiṃhavat .. 62 ..

3.118.64

śastraṃ pāśupataṃ caiva yayau paśupateḥ karam .
avyartha dāruṇaṃ loke pralayāgniśikhopamam .. 63 ..

3.118.65

bāṇaraktasamūhena babhūva ca mahānadaḥ .
bāṇaḥ papāta niśceṣṭī vyathito hatacetanaḥ .. 64 ..

3.118.66

tatrā''jagāma bhagavānmahadevo jagadguruḥ .
rurodā''gatya mohena bāṇaṃ kṛtvā svavakṣasi .. 65 ..

3.118.67

śivāśrupatanenaiva saṃbabhūva sarovaram .
cetanaṃ kārayāmāsa karumāsāgaraḥ prabhuḥ .. 66 ..

3.118.68

bāṇāṃ gṛhītvā prayayau yatra devo janārdanaḥ .
cakre padmārcite pādapadme bāṇasamarpaṇam .. 67 ..

3.118.69

tuṣṭāva jagatāṃ nāthaṃ bhakteśaṃ candraśekhalaḥ .
balinā ca stataṃ yena vedoktena ca tena ca .. 68 ..

3.118.70

harirmṛtyuṃjayaṃ jñānaṃ dadau bāṇāya dhīmate .
karapadmaṃ dadau gātre taṃ cakārājarāmaram .. 69 ..

3.118.71

bāṇaḥ stotreṇa tuṣṭāva bhaktyā balikṛtena ca .
varāṃ kanyāṃ samānīya ratnabhūṣaṇabhūṣitām .. 70 ..

3.118.72

bradadau haraye bhaktyā tatraiva devasaṃsadi .
gajendrāṇāṃ pañcalakṣmaśvānāṃ taccaturguṇam .. 71 ..

3.118.73

dāsīnāṃ ca sahasraṃ ca ratnabhūṣaṇabhūṣitam .
sahasraṃ kāmadhenūnāṃ vatsayuktaṃ ca sarvadam .. 72 ..

3.118.74

māṇikyānāṃ ca muktānāṃ ratnānāṃ śatalakṣakam .
maṇīndrāṇāṃ hīrakāṇāṃ śatalakṣaṃ manoharam .. 73 ..

3.118.75

jalabhājanapātrāṇi suvarṇanirmitāni ca .
mahasrāṇi dadau tasmai bhaktinamrātmakaṃdharaḥ .. 74 ..

3.118.76

varāṇi sūkṣmavastrāṇi vahniśuddhāṃśukāni ca .
dadau bāṇaśca marvāṇi svabhaktyā śaṃkarājñayā .. 75 ..

3.118.77

tāmbūlānāṃ madhanāṃ ca pūrṇapātrāṇi nārada .
sahasrāṇi dadau bhaktyā varāṇi vividhāni ca .. 76 ..

3.118.78

kanyāṃ samarpayāmāsa pādapadme harerapi .
rurodoccaiḥ svabhaktyā ca parihāraṃ cakāra saḥ .. 77 ..

3.118.79

kṛṣṇastasmai varaṃ dattvā vedoktaṃ ca śubhāśiṣm .
śaṃkarānumatenaiva prayayau dvārakāṃ purīm .. 78 ..

3.118.80

gatvā kanyāṃ navoḍhāṃ tāṃ bāṇasyāpi mahātmanaḥ .
rukmiṇyai pradadau śīghraṃ devakyai ca hariḥ svayam .. 79 ..

3.118.81

mahotsavaṃ maṅgalaṃ ca kārayāmāsa yatnataḥ .
brāhmaṇānbhojayāmāsa brāhmaṇebhyo dhanaṃ dadau .. 80 ..

3.118.82

iti śrībrahmao mahāo śrīkṛṣṇajanmakhao uttao nāradanāo bāṇayuddhaṃ nāma
viṃśatyadhikaśatatamo'dhyāyaḥ .. 120 ..