Pramāṇa · Search · About · API

Brahmavaivartapurana 3.124: adhyāyaḥ 126

Brahmavaivartapurāṇa 3.124

Language
Sanskrit

adhyāyaḥ 126

3.124.1

atha ṣaḍviṃśatyadhikaśatatamo'dhyāyaḥ
nārāyaṇa uvāca
gaṇeśapūjanaṃ kṛtvā mādhavo yādavaiḥ saha .
devairmunibhiranyaiśca devībhiḥ saha nārada .. 1 ..

3.124.2

aṃśena devo devībhī rukmiṇyādyābhireva ca .
prayayau dvārakāṃ ramyāṃ tasthau siddhāśrame svayam .. 2 ..

3.124.3

kṛtvā suprītisaṃbhāṣāṃ sārdhagolokavāsibhiḥ .
gopaiḥ suhṛdbhirnandena mātrā gopyā yaśodayā .. 3 ..

3.124.4

uvāca mātaraṃ tātaṃ sunītaṃ ca cathocitam .
gopāṃśca gokulasthāṃśca bandhuvargāśca sāṃpratam .. 4 ..

3.124.5

śrībhagavānuvāca
gaccha nandavrajaṃ nanda he tāta prāṇavallbha .
mātaryaśode tvamapi paramārthe yaśasvini .. 5 ..

3.124.6

bhuktvā kālāvaśeṣaṃ ca gaccha golokamuttamam .
sālokyamuktiṃ dāsyāmi sārtha gokulavāsibhiḥ .. 6 ..

3.124.7

ityuktvā bhagavānkṛṣṇaḥ pitroranumatena ca .
jagāma rādhikāsthānaṃ nandaśca gokulaṃ tathā .. 7 ..

3.124.8

dadarśa rādhā rucirāṃ muktāhārāṃ ca sasmitām .
yathā dvādaśavarṣīyāṃ śaśvatsusthirayauvanām .. 8 ..

3.124.9

ratnoccairāsanasthā ca gopītriśatakoṭibhiḥ .
āvṛtā vetrahastābhiḥ sasmitābhiśca sāṃpratam .. 9 ..

3.124.10

dṛṣṭvā ca dūrato rādhā śrīkṛṣṇaṃ prāṇavallabham .
śiśuveṣaṃ suveṣaṃ ca sundareśaṃ ca sasmitam .. 10 ..

3.124.11

navīṃnajaladaśyāmaṃ pīṃtakauśeyavāsasam .
candanokṣitasarvāṅgaṃ ratnabhūṣaṇabhūṣitam .. 11 ..

3.124.12

mayūrapicchacūḍaṃ ca mālatīmālyaśobhitam .
īṣaddhāsyaprasannāsyaṃ bhaktānuprahavigraham .. 12 ..

3.124.13

krīḍākamalamamlānaṃ dhṛtavantaṃ manoharam .
muralīhastavinyastaṃ supraśastaṃ ca darpaṇam .. 13 ..

3.124.14

javena ca samutthāya gopībhiḥ saha sādaram .
praṇamya parayā bhaktyā tuṣṭāva parameśvaram .. 14 ..

3.124.15

rādhikovāca
adya me saphalaṃ janmajīvitaṃ ca sujīvitam .
yaddṛṣṭvā mukhacandraṃ te susnigdhaṃ locanaṃ manaḥ .. 15 ..

3.124.16

pañca prāṇāśca snigdhāśca paramātmā ca supriyaḥ .
ubhayorharṣabījaṃ ca durlabhaṃ bandhudarśanam .. 16 ..

3.124.17

śokārṇave nimagnā'haṃ pradagdhā virahānalaiḥ .
tvaddṛṣṭyā'mṛtavṛṣṭyā ca susiktā'dya suśītalā .. 17 ..

3.124.18

śivā śivapradā'haṃ ca śivabījā tvayā saha .
śi (śa) va svarūpā niśceṣṭā'pyadṛśyā ca tvayā vinā .. 18 ..

3.124.19

tvayi tiṣṭhati dehe ca dehī śrīmāñchuciḥ svayam .
sarvaśaktisvarūpā ca śivarūpā gate tvayi .. 19 ..

3.124.20

strīpuṃso viṃraho nāthasāmānyaśca sudāruṇaḥ .
yāntyeva śaktibhiḥ prāṇā vicchedātparamātmanaḥ .. 20 ..

3.124.21

ityuktvā rādhikā vevī paramātmānamīśvaram .
svāsane vāsayāsāsa kṛtvā pādārcanaṃ mudā .. 21 ..

3.124.22

ratnasiṃhāsane śrīmānuvāsa rādhayā saha .
gopībhiḥ saptabhiḥ śaśvatsevitaḥ śvetacāmaraiḥ .. 22 ..

3.124.23

candanā sā dadau gātre sugandhi candanaṃ hareḥ .
sasmitā ratnamālā sā ratnamālāṃ gale dadau .. 23 ..

3.124.24

padmaiḥ padmārcite pādapadme padmāvatī satī .
ardhyā dadau sā sajalaṃ dūrvā puṣpaṃ ca candanam .. 24 ..

3.124.25

mālato mālatīmālyaṃ cūḍāyāṃ ca harerdadau .
campāpuṣpasya puṭakaṃ dadau campāvatī satī .. 25 ..

3.124.26

pārijātā ca haraye pārijātaṃ dadau mudā .
sakarpūraṃ ca tāmbūlaṃ vāsitaṃ śītalaṃ jalam .. 26 ..

3.124.27

dadau kadambamālā sā kadambamālikāṃ śubhām .
krīḍākamalamamlānamamūlyaṃ rtanadarpaṇam .. 27 ..

3.124.28

dadau haste harereva kamalā sā sukomalā .
varuṇena purā dattaṃ vastrayugmaṃ ca sundaram .. 28 ..

3.124.29

sākṣādgorocanābhaṃ ca sundarī haraye dadau .
madhupātraṃ madhustasmai madhuraṃ madhupūrṇakam .. 29 ..

3.124.30

sudhāpūrgaṃ sudhāpātraṃ dadau bhaktyā sudhāmukhī .
cakāra puṣpaśayyāṃ ca gopī candanacarcitām .. 30 ..

3.124.31

amlānamālatīpuṣpamālājālavibhūṣitām .
ratnendrasāranirmāṇamandire sumanohare .. 31 ..

3.124.32

maṇīndramuktāmāṇikyahīrahāravibhūṣite .
kastūrīkuṅkumāktena vāyunā surabhīkṛte .. 32 ..

3.124.33

ratnapradīpaśatakairjvaladbhiśca sudīpite .
dhūpite satataṃ dhūpairnānāvastusamanvitaiḥ .. 33 ..

3.124.34

kṛtvā śayyāṃ ratikarīṃ yayurgopyaśca sasmitāḥ .
dṛṣṭvā rahasi talpaṃ ca suramyaṃ sumanoharam .. 34 ..

3.124.35

mādhavo rāghayā sārdha viveśa ratimandiram .
nānāprakārahāsyaṃ ca parihāsaṃ smarocitam .. 35 ..

3.124.36

dvayorbabhūva talpe ca madanāturayostathā .
mālyaṃ dadau ca kṛṣṇāya tāmbūlaṃ ca suvāsitam .. 36 ..

3.124.37

kastūrīkuṅkumāktaṃ ca candanaṃ śyāmavakṣasi .
cārucampakapuṣpaṃ ca cūḍāyāṃ pradadau satī .. 37 ..

3.124.38

sahasradalasasaṃktakrīḍāpadmaṃ kare dadau .
prakṣipya muralīṃ hastātpradadau ratnadarpaṇam .. 38 ..

3.124.39

pārijātasya kusumamamlānaṃ purato dadau .
uvāca madhuraṃ rādhā rahasye madhuraṃ vacaḥ
sasmitā sasmitaṃ śāntaṃ kāntaṃ kāntā manoharam .. 39 ..

3.124.40

rādhikovāca
niṣphalaṃ maṅgalapraśtaṃ maṅgale maṅgalālaye .
sarvamaṅgalabīje ca māṅgalye maṅgalaprade .. 40 ..

3.124.41

tathā'pi kuśalapraśne sāṃprataṃ samayocitam .
laukiko vyavahāro'pi vedebhyo balavāṃstathā .. 41 ..

3.124.42

kuśalaṃ rukmiṇīkānta satyabhāmeśa sāṃpratam .
mahandreṇa samaṃ yuddhaṃ līlayā ca yadājñayā .. 42 ..

3.124.43

pārijātataruṃ svargādutpāṭya cāmarāvatīm .
gatvā vijitya devāṃśca tasyai dasamiti śrutam .. 43 ..

3.124.44

puṇyakaṃ ca kṛtaṃ tena pārijātena suvratam .
tvāmeva sādhyaṃ kāntaṃ ca saṃpūrṇe dakṣiṇāṃ dadau .. 44 ..

3.124.45

brahmeśaśeṣāsādhyastvaṃ tayā sādhyaḥ kṛtaḥ katham .
sarvabhyaḥ kāminībhyaśca satyabhāmāṃ bibheṣi ca .. 45 ..

3.124.46

rukmiṇyāṃ premasaubhāgyamatiriktaṃ ca gauravam .
bhayaṃ mālyaṃ ca dhanyāyāṃ satyāyāṃ satataṃ śrutam .. 46 ..

3.124.47

satyaṃ jāmbavatīkānta vada māṃ ca suniścitam .
tāsu sarvāsu kāntāsu kasyāste prema cādhikam .. 47 ..

3.124.48

śṛṅgāre sarvabhāve vā tāsu kā rasikā parā .
tvayi snigdhā vidagdhā kā tāmu dhanyā'tisuvratā .. 48 ..

3.124.49

sā strī bhāvānuraktā yā bhāryāṃ pāti patiśca saḥ .
premātiriktaṃ strīpuṃsostrailokyeṣu sudurlabham .. 49 ..

3.124.50

rasikā strī vijānāti satī guṇavatī patim .
guṇajñaṃ rasikaṃ śūraṃ suśīlaṃ suratau sadā .. 50 ..

3.124.51

dūrāddhāvati padmārtha madhulobhānmadhruvrataḥ .
bhekastanna hi jānāti tanmūrdhni pādamutsṛjet .. 51 ..

3.124.52

yantrī jānāti saṃgītarasaṃ yantraṃ ca naiva ca .
dugdhāsvādaṃ vidagdhaśca na darvī naiva bhājanam .. 52 ..

3.124.53

paripakvaphalāsvādaṃ jānanti bhoginaḥ sukham .
ekatrāvasthitāḥ śaśvannakiṃcitphalino yathā .. 53 ..

3.124.54

suśīlajalāsvādaṃ vijānanti tṛṣālvaḥ .
na ca vāpī na ghaṭaścaikatrāvasthito yathā .. 54 ..

3.124.55

bhokino hi vijānanti śālisvādurasaṃ param .
ekatrāvasthitaṃ cetu na kṣetraṃ bhājanaṃ yathā .. 55 ..

3.124.56

bubudhe candanāghraṇaṃ candanārthī ca bhogavit .
na gardabho bhāravāhī na tasya pātrikā yathā .. 56 ..

3.124.57

yaṃ na yānanti vedāśca brahmeśānādayastathā .
yogino munayaḥ siddhāstaṃ kiṃ jānanti yoṣitaḥ .. 57 ..

3.124.58

saubhāgyaṃ gauravaṃ prema durlabhaṃ nityanūtam .
yauṣitāṃ ca paraṃ naiva cūrṇībhūtaṃ kṣaṇena ca .. 58 ..

3.124.59

atyucchrito nipatanaṃ prāpnotyeva dhruvaṃ prabho .
ārādvipattibījaṃ ca vaiṣṇavānāṃ vihiṃsanam .. 59 ..

3.124.60

śrīdāmā ca mayā śaptastvadbhakto bhaktavatsalaḥ .
etādṛśī vipattirme putraśrīdāmaśāpataḥ .. 60 ..

3.124.61

īśvaraḥ kasya vā bandhuḥ priyo vā vipriyastathā .
satataṃ bhaktisādhyaśca yo bhaktaśca tadīśvaraḥ .. 61 ..

3.124.62

vedāśca vaidikāḥ santaḥ purāṇāni vadanti ca .
rādhāyā mādhavaḥ sādhyo bhagavāniti niṣphalam .. 62 ..

3.124.63

jitvā ca sagaṇaṃ śaṃbhuṃ bāṇasya bhujakṛntanam .
kṛtvā ca rukmiṇīpautraḥ samānītaḥ sabhāryakaḥ .. 63 ..

3.124.64

aho tvayi samāyāte rukmiṇī kimuvāca ha .
prema sthitaṃ samānaṃ te kiṃ vivṛddhaṃ ca gauravam .. 64 ..

3.124.65

kurupāṇḍavayuddhena kuravo nihatāstvayā .
pāṇḍavārthe tathā bhūpāḥ kva sāmyaṃ paramātmanaḥ .. 65 ..

3.124.66

sākṣānmahendrajātasya kaunteyasyārjunasya ca .
rājamaṇḍalamdhyastho bhavāneva hi sārathiḥ .. 66 ..

3.124.67

tena bhaktena śuddhena bhīṣmeṇa ca mahātmanā .
lajjitena kimuktaṃ te mahatīṣu mabhāsu ca .. 67 ..

3.124.68

devairapi kathaṃ dṛṣṭo brahmeśaśesaṃṣajñakaiḥ .
bhaktasihairbhṛttaiḥ sarvairna coktaṃ kiṃcideva saḥ .. 68 ..

3.124.69

yaścānirvacanīyaśca vedeṣu ca caturṣu ca .
purāṇeṣvitihāseṣu prakṛteḥ para īśvaraḥ .. 69 ..

3.124.70

nirguṇaca nīrīhaśca nirliptaḥ sarvakarmaṇām .
karmaṇāṃ sākṣirūpaśca bhaktānugrahavigrahaḥ .. 70 ..

3.124.71

paraṃ brahma paraṃ jyotiḥ parameśaḥ parātparaḥ .
paramātmā ca sarveṣāṃ sūto nararathasthitaḥ .. 71 ..

3.124.72

tvayā kubjā ca saṃbhuktā vṛddhā kṣatriyakāminī .
aputriṇī cādhikāṅgī yūnā'spṛśyā ca ..

3.124.73

praktanāt .. 72 ..

3.124.74

tvayā ca nihataḥ kaṃso mātulaḥ kena hetunā .
āyāsyatīti kṛtvā ca gattaṃ na punarāgatam .. 73 ..

3.124.75

nihatya yādavānsarvānvibhajya dvārakāṃ purīm .
tvāṃ nibadhya samānetumīśvarī vāritā janaiḥ .. 74 ..

3.124.76

ityuktvā rādhikā devī bhṛśamuccai ruroda sā .
mūrcchāṃ saṃprāpa sahasā niniḥśvāsā babhūva ha .. 75 ..

3.124.77

gopyo gavākṣajālasthāḥ śuśruvurdadṛśustathā .
dṛṣṭvā tamāyayuḥ sarvā ūcū rādhā mṛteti ca .. 76 ..

3.124.78

uccaistā ruruduḥ sarvāḥ kroḍe kṛtvā ca rādhikām .
ūcustā rakṣarakṣeti hare narahare prabho .. 77 ..

3.124.79

gopya ūcuḥ
kiṃ kṛtaṃ kiṃ kṛtaṃ kṛṣṇa tvayā rādhā mṛtā ca naḥ .
rādhāṃ jīvaya bhadraṃ te yāsyāmaḥ kānanaṃ vayam .. 78 ..

3.124.80

anyathā strīvadhaṃ tubhyaṃ dāsyāmaḥ sarvayoṣitaḥ .
gopīnāṃ vacanaṃ śrutvā rādhikāyāśca mādhavaḥ .. 79 ..

3.124.81

uvāca jīvayāmāsa mudhādṛṣṭyā ca nārada .
uttasthau rādhikā devī rudatī māninī satī .. 80 ..

3.124.82

gopyastāṃ bodhayāmāsuḥkroḍe kṛtvā punaḥ punaḥ .. 81 ..

3.124.83

śrīkṛṣṇa uvāca
śrṛṇu rādhe pravakṣyāmi jñānamādhyātmikaṃ param .
yacchrutvā hāliko mūrkhaḥ sadyo bhavati paṇḍitaḥ .. 82 ..

3.124.84

jātyā'haṃ cagatāṃ svāmī kiṃ rukmiṇyādiyoṣitām .
kāryakāraṇarūpo'haṃ vyakto rādhe pṛthak pṛthak .. 83 ..

3.124.85

ekātmā'haṃ ca viśveṣāṃ jātyā jyotirmayaḥ svayam .
sarvaprāṇiṣu vyaktyā cāpyābrahmāditṛṇādiṣu .. 84 ..

3.124.86

ekasmiṃśca bhuktavati na tuṣṭo'nyo janastathā .
mayyātmani gate'pyeko mṛto'pyanyaḥ sujīvati .. 85 ..

3.124.87

jātyā'haṃ kṛṣṇarūpaśca paripūrṇatamaḥ svayam .
goloke gokule puṇye kṣetre vṛndāvane vane .. 86 ..

3.124.88

dvibhujo gopaveṣaśca svayaṃ rādhāpatiḥ śiśuḥ .
gopālairgopikābhiśca sahitaḥ kāmadhenubhiḥ .. 87 ..

3.124.89

caturbhujo'haṃ vaikuṇṭhe dvidhārūpaḥ sanātanaḥ .
lakṣmīsarasvatīkāntaḥ satataṃ śāntavigrahaḥ .. 88 ..

3.124.90

yanmānasī sindhukanyā martyalakṣmīpatirbhuvi .
śvetadvīpe ca śrīrīde tatrāpi ca caturbhujaḥ .. 89 ..

3.124.91

ahaṃ nārāyaṇarṣiśca naro dharmaḥ sanātanaḥ .
dharmavaktā ca dharmiṣṭho dharmavartmapravartakaḥ .. 90 ..

3.124.92

śāntirlakṣmīsvarūpā ca dharmiṣṭhā ca pativratā .
atra tasyāḥ patirahaṃ puṇyakṣetre ca bhārate .. 91 ..

3.124.93

siddheśaḥ siddhidaḥ sākṣātkapilo'haṃ satīpatiḥ .
nānārūpadharo'haṃ ca vyaktibhedena sundari .. 92 ..

3.124.94

ahaṃ caturbhujaḥ śaśvaddvārvatyāṃ rukmiṇīvatiḥ .
ahaṃ kṣīrodaśāyī ca satyabhāmāgṛhe śubhe .. 93 ..

3.124.95

anyāsāṃ mandire'haṃ ca kāyavyūhātpṛthakpṛthak .
ahaṃ nārāyaṇarṣiśca phālgunasyāsya sārathiḥ .. 94 ..

3.124.96

sa nararṣirdharmaputro madaṃśo balavānbhuvi .
tapasā''rādhitastena sārathye'haṃ ca puṣkare .. 95 ..

3.124.97

yathā tvaṃ rādhikā devī goleke gokule tathā .
vaikuṇṭhe ca mahālakṣmīrbhavatī ca sarasvatī .. 96 ..

3.124.98

bhavatī martyalakṣmīśca kṣīrodaśāyinaḥ priyā .
dharmaputravadhūstvaṃ ca śāntirlakṣmīsvarūpiṇī .. 97 ..

3.124.99

kapilasya priyā kāntābhārate bhavatī satī .
tvaṃ sītā mithilāyāṃ ca tvacchāyā draupadī satī .. 98 ..

3.124.100

dvāravatyāṃ mahālkṣmīrbhavatī rukmiṇī satī .
pañcānāṃ pāṇḍavānāṃ ca bhavatī kalayā priyā .. 99 ..

3.124.101

rāvaṇena hṛtā tvaṃ ca svaṃ ca rāmasya kāminī .
nānārūpā yathā tvaṃ ca cchāyayā kalayā satī .. 100 ..

3.124.102

nānārūpastathā'haṃ ca śvāṃśena kalayā tathā .
paripūrṇatamo'haṃ ca paramātmā parātparaḥ .. 101 ..

3.124.103

iti te kathitaṃ sarvamādhyātmikamidaṃ sati .
rādhe karvāparādhaṃ me kṣamasva parameśvarī .. 102 ..

3.124.104

śrīkṛṣṇavacanaṃ śrutvā parituṣṭā ca rādhikā .
parituṣṭāśca gopyaśca praṇemuḥ parameśvaram .. 103 ..

3.124.105

iti śrībrahmao mahāo śrīkṛṣṇajanmakhao uttao nāradanāo
ṣaḍviṃśatyadhikaśatatamodhyāyaḥ .. 126 ..

Linked texts (1)