Pramāṇa · Search · About · API

Brahmavaivartapurana 3.52: adhyāyaḥ 054

Brahmavaivartapurāṇa 3.52

Language
Sanskrit

adhyāyaḥ 054

3.52.1

nārada uvāca ..

3.52.2

ataḥ paraṃ kiṃ rahasyaṃ babhūva munisattama ..

3.52.3

kathaṃ jagāma bhagavānmathurāṃ nandamandirāt .. 1 ..

3.52.4

nando dadhāra prāṇāṃśca vicchedena hareḥ katham ..

3.52.5

gopāṅganā yaśodā vā kṛṣṇaikatānamānasāḥ ..2..

3.52.6

cakṣurnimeṣavicchedādyā rādhā na hi jīvati ..

3.52.7

kathaṃ dadhāra sā devī prāṇānprāṇeśvaraṃ vinā .. 3 ..

3.52.8

yeye tatsaṅgino gopāḥ śayanāsanabhogataḥ ..

3.52.9

kathaṃ visasmaruste ca tādṛśaṃ bāṃdhavaṃ vraje ..4 ..

3.52.10

śrīkṛṣṇo mathurāṃ gatvā kiṃ kiṃ karma cakāra saḥ ..

3.52.11

svargārohaṇaparyantaṃ tadbhavānvaktumarhati .. 5 ..

3.52.12

śrīnārāyaṇa uvāca ..

3.52.13

kaṃsaścakāra yajñaṃ ca samāhūto dhanurmakham ..

3.52.14

jagāma tatra bhagavāṃstena rājñā nimantritaḥ .. 6 ..

3.52.15

rājā prasthāpayāmāsa cākrūraṃ bhagavatpriyam ..

3.52.16

akrūraḥ prerito rājñā gatvā ca nandamandiram.. 7 ..

3.52.17

śrīkṛṣṇaṃ ca gṛhītvā sa sagaṇaṃ mathurāṃ gataḥ ..

3.52.18

kṛṣṇaḥ śrīmathurāṃ gatvā jaghāna nṛpatiṃ mune .. 8 ..

3.52.19

jaghāna rajakaṃ caiva cāṇūraṃ muṣṭikaṃ gajam ..

3.52.20

cakāra pitroruddhāraṃ bāndhavānāṃ ca bāndhavaḥ .. 9 ..

3.52.21

kubjayā saha śṛṅgāraṃ kṛtvā ca kautukena ca ..

3.52.22

taṃ ca prasthāpayāmāsa golokaṃ gopikāpatiḥ .. 4.54.10 ..

3.52.23

cakāra kṛpayā viṣṇurmālākārasya mokṣaṇam ..

3.52.24

kṛpayā coddhavadvārā bodhayāmāsa gopikāḥ .. 11 ..

3.52.25

tadopanīto bhagavānavantīnagaraṃ yayau ..

3.52.26

cakāra vidyāgrahaṇaṃ muneḥ sāṃdīpanerguroḥ .. 12 ..

3.52.27

tato jitvā jarāsandhaṃ nihatya yavaneśvaram ..

3.52.28

ugrasenaṃ ca nṛpatiṃ cakāra vidhipūrvakam .. 13 ..

3.52.29

gatvā samudranikaṭaṃ nirmāya dvārakāṃ purīm ..

3.52.30

jahāra rukmiṇīṃ devīṃ jitvā nṛpatisaṃghakam ..14 ..

3.52.31

kāliṃdīṃ lakṣmaṇāṃ śaibyāṃ satyāṃ jāṃbavatīṃ satīm ..

3.52.32

mitraviṃdāṃ nāgnajitīṃ samudvāhaṃ cakāra saḥ .. 15 ..

3.52.33

nihatya narakaṃ bhūpaṃ raṇena dāruṇena ca ..

3.52.34

patnīṣoḍaśasāhasraṃ vihāraṃ ca cakāra saḥ .. 16 ..

3.52.35

jahāra pārijātaṃ ca jitvā śakraṃ ca līlayā ..

3.52.36

ciccheda bāṇahastāṃśca jitvā ca candraśekharam .. 17 ..

3.52.37

pautrasya mokṣaṇaṃ kṛtvā punarāgatya dvārakām ..

3.52.38

ātmānaṃ darśayāmāsa lokāṃśca pratimandiram ..18 ..

3.52.39

yoge ca vasudevasya tīrthayātrāprasaṃgataḥ ..

3.52.40

prāṇādhiṣṭhātṛdevīṃ ca dadarśa tatra rādhikām .. 19 ..

3.52.41

pūrṇe ca śatavarṣe ca sudāmnaḥ śāpamokṣaṇe ..

3.52.42

punaryayau tayā sārddhaṃ puṇyaṃ vṛndāvanaṃ vanam .. 4.54.20 ..

3.52.43

punaścaturdaśābdaṃ ca tayā sārdhaṃ jagatpatiḥ ..

3.52.44

cakāra rāsaṃ rāse ca puṇyakṣetre ca bhārate .. 21 ..

3.52.45

pūrṇamekādaśābdaṃ ca nivṛtya nandamaṃdire ..

3.52.46

mathurāyāṃ dvārakāyāṃ pūrṇamabdaśataṃ vibhuḥ .. 22 ..

3.52.47

cakāra bhāraharaṇaṃ pṛthivyāṃ pṛthuvikramaḥ..

3.52.48

paṃcaviṃśativarṣe ca śatavarṣādhikaṃ mune .. 23 ..

3.52.49

tiṣṭhañjagāma golokaṃ pṛthivyāṃ ca purātanaḥ ..

3.52.50

yaśodāyai ca nandāya vṛṣabhānāya dhīmate .. 24 ..

3.52.51

rādhāmātre kalāvatyai dadau sāmīpyamokṣaṇam ..

3.52.52

kṛṣṇena sārddhaṃ gopī ca rādhikā ca kutūhalāt .. 25 ..

3.52.53

nibadhya dharmasetuṃ ca vedoktaṃ ca yuge yuge ..

3.52.54

ityevaṃ kathitaṃ sarvaṃ samāsena mahāmune ..26..

3.52.55

śrīkṛṣṇacaritaṃ ramyaṃ caturvargaphalapradam ..

3.52.56

brahmādistambaparyantaṃ sarvaṃ naśvarameva ca ..27..

3.52.57

bhaja taṃ paramānandaṃ sānandaṃ nandanandanam ..

3.52.58

svecchāmayaṃ paraṃ brahma paramātmānamīśvaram..28..

3.52.59

paramavyayamavyaktaṃ bhaktānugrahavigraham ..

3.52.60

satya nityaṃ svataṃtraṃ ca sarveśaṃ prakṛteḥ param .. 29 ..

3.52.61

nirguṇaṃ ca nirīhaṃ ca nirākāraṃ nirañjanam .. 4.54.30 ..

3.52.62

iti śrībrahmaivavarte mahāpurāṇe śrīkṛṣṇajanmakhaṇḍe nārāyaṇanāradasaṃvāde śrīkṛṣṇarādhikāsaṃvādo nāma catuṣpañcāśattamo'dhyāyaḥ .. 54 .. ..

3.52.63

śrīkṛṣṇārpaṇamastu ..

3.52.64

.. pūrvārddhaṃ samāptam .. ..

3.52.65

.. śubhaṃ bhavatu ..

3.52.66

idaṃ pustakaṃ mumbayyāṃ śrīkṛṣṇadāsātmajena kṣemarājena svakīye śrīveṅkaṭeśvara ( sṭīm ) mudraṇayantrālaye'ṅkayitvā prakāśitam .

3.52.67

saṃvat 1988, śakābdāḥ 1853

Linked texts (2)