[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmavaivartapurana](https://indike.org/pramana/in.purana.brahmavaivarta) › 3.55 # Brahmavaivartapurana 3.55: adhyāyaḥ 57 Brahmavaivartapurāṇa 3.55 - **Language:** Sanskrit ### adhyāyaḥ 57 ### [3.55.1](https://indike.org/pramana/in.purana.brahmavaivarta.3.55.1) atha saptapañcāśattamo'dhyāyaḥ nārāyaṇa uvāca devānāṃ stavanaṃ śrutvā tyaktavā ca rodanaṃ satī . uvāca suprasannā tāṃsteṣāṃ stotreṇa nārada .. 1 .. ### [3.55.2](https://indike.org/pramana/in.purana.brahmavaivarta.3.55.2) mahālakṣmīruvāca tyajāmi dehaṃ na krodhānna vairāgyoṇa sāṃpratam . idaṃ hṛdi samālocya devāstacchūyatāmiti .. 2 .. ### [3.55.3](https://indike.org/pramana/in.purana.brahmavaivarta.3.55.3) yasminsadīśe mahati sarvasāmyo ca nirguṇe . sarvātmani sadānande samatā tṛṇaśailayoḥ .. 3 .. ### [3.55.4](https://indike.org/pramana/in.purana.brahmavaivarta.3.55.4) bhrūbhaṅgalīlayā lakṣmīrlakṣaṃ sraṣṭumalaṃ ca yaḥ . bhṛtye striyāṃ yatsamatā kiṃ kārya tasca sevayā .. 4 .. ### [3.55.5](https://indike.org/pramana/in.purana.brahmavaivarta.3.55.5) tatpatnīnāṃ pradhānā'haṃ nīrastā dvāriṇā'dhunā . tadbhṛtyabhṛtyabhṛtyena paripūrṇena nepsitā .. 5 .. ### [3.55.6](https://indike.org/pramana/in.purana.brahmavaivarta.3.55.6) tyakṣyāmi jīvanamahamasaubhāgyā ca svāmini . vahnau ca kāmanāṃ kṛtvā yathā bhadraṃ bhavetpurā .. 6 .. ### [3.55.7](https://indike.org/pramana/in.purana.brahmavaivarta.3.55.7) yā strī bharturasaubhāgyā sā'saubhāgyā ca sarvataḥ . śayane'bhojane tasyā na sukhaṃ jīvanaṃ vṛthā .. 7 .. ### [3.55.8](https://indike.org/pramana/in.purana.brahmavaivarta.3.55.8) yasyā nāsti priyaprema tasyā janma nirarthakam . tartki putre dhane rupe saṃpattau yauvane'thavā .. 8 .. ### [3.55.9](https://indike.org/pramana/in.purana.brahmavaivarta.3.55.9) yadbhaktirnāsti kānte ca sarvapriyatame pare . sā'śucirdharmahīnā ca sarvakarmavivarjitā .. 9 .. ### [3.55.10](https://indike.org/pramana/in.purana.brahmavaivarta.3.55.10) patirbandhurgatirbhartā daivataṃ gurureva ca . sarvakmācca paraḥ svāmī na guruḥ svāminaḥ paraḥ .. 10 .. ### [3.55.11](https://indike.org/pramana/in.purana.brahmavaivarta.3.55.11) pitāmātā suto bhrātā kliṣṭo dātumidaṃ dhanam . sarvasvadātā svāmī ca mūḍhānaṃ yoṣitāṃ surāḥ .. 11 .. ### [3.55.12](https://indike.org/pramana/in.purana.brahmavaivarta.3.55.12) kācideva hi jānāti mahāsādhvī ca svāminam . atisadvaṃśajātā ca suśīlā kulapālikā .. 12 .. ### [3.55.13](https://indike.org/pramana/in.purana.brahmavaivarta.3.55.13) āsadvaṃśaprasūtā yā duḥśīlā dharmavarjitā . mukhaduṣṭā yoniduṣṭā patiṃ nindati kopataḥ .. 13 .. ### [3.55.14](https://indike.org/pramana/in.purana.brahmavaivarta.3.55.14) yā strī sarvaparaṃ dveṣṭi patiṃ viṣṇusamaṃ gurum . kumbhīpāke pacati sā yāvadindrāścaturdaśa .. 14 .. ### [3.55.15](https://indike.org/pramana/in.purana.brahmavaivarta.3.55.15) vrataṃ cānaśanaṃ dānaṃ satyaṃ puṣyaṃ tapaściram . patibhaktivihīnāyā bhasmībhūtaṃ nirarthakam .. 15 .. ### [3.55.16](https://indike.org/pramana/in.purana.brahmavaivarta.3.55.16) ataḥ riṃcinna vakṣyāmi niṣṭhuraṃ patimīśvaram . bhṛtyāparādhairdevasya prāṇāṃstayakṣyāmi niścitam .. 16 .. ### [3.55.17](https://indike.org/pramana/in.purana.brahmavaivarta.3.55.17) patidoṣe mahāsādhvī patiṃ na niṣṭhuraṃ vadet . yadi soḍhumaśaktā ca prāṇāṃstyajati dharmataḥ .. 17 .. ### [3.55.18](https://indike.org/pramana/in.purana.brahmavaivarta.3.55.18) patisevā vrataṃ strīṇāṃ patisevā paraṃ tapaḥ . patisevā paro dharmaḥ patisevā surārcanam .. 18 .. ### [3.55.19](https://indike.org/pramana/in.purana.brahmavaivarta.3.55.19) patisevā paraṃ satyaṃ dānataurthānukīrtanam . sarvadevamayaḥ svāmī sarvadevamayaḥ śuciḥ .. 19 .. ### [3.55.20](https://indike.org/pramana/in.purana.brahmavaivarta.3.55.20) sarvapuṇyasvarupaśca patirupī janārdanaḥ . yā satībharturucchiṣṭaṃ bhuṅktai pādodakaṃ sadā .. 20 .. ### [3.55.21](https://indike.org/pramana/in.purana.brahmavaivarta.3.55.21) tasyā darśamupasparśa nityaṃ vāñchanti devatāḥ . tataḥ sarvāṇi tīryāni punanti pāpino hyaghāt .. 21 .. ### [3.55.22](https://indike.org/pramana/in.purana.brahmavaivarta.3.55.22) ityuktvā ca mahāsādhvī ruroda ca suhurmuhuḥ . uvāca brahmā bhītaśca bhaktinamrātmakaṃdharaḥ .. 22 .. ### [3.55.23](https://indike.org/pramana/in.purana.brahmavaivarta.3.55.23) brahmovāca bhaviṣyati na bhadraṃ ca jayasya vijayasya ca . tvayā na śaptau tau mūḍhau priyāparādhabhautayā .. 23 .. ### [3.55.24](https://indike.org/pramana/in.purana.brahmavaivarta.3.55.24) sāparādhaṃ ca dharmiṣṭhaḥ kṣamayā na śapedyadī . sarvanāśo bhavettasya niścitaṃ mā ciraṃ sati .. 24 .. ### [3.55.25](https://indike.org/pramana/in.purana.brahmavaivarta.3.55.25) yadi śaptuṃ na śaktaśca na dṇḍaṃ kartumīśvaraḥ . sāparādhe ca puruṣe dharmo daṇḍaṃ karoti ca .. 25 .. ### [3.55.26](https://indike.org/pramana/in.purana.brahmavaivarta.3.55.26) sarvaṃ kṣamasva he mārtagaccha priyāntikam . māṃ ca tvatsvāminobhaktaṃ niyojya kṛṣṭikarmaṇi .. 26 .. ### [3.55.27](https://indike.org/pramana/in.purana.brahmavaivarta.3.55.27) ityuktvā tāṃ puraskṛtvā sārdha devairmunīndrakaiḥ . śīghraṃ jagāma vaikuṇṭhaṃ vaikuṇṭhaṃ stotumīśvaraḥ .. 27 .. ### [3.55.28](https://indike.org/pramana/in.purana.brahmavaivarta.3.55.28) tatra gatvā jagatrāyaṃ tuṣṭāva kamalāsanaḥ . caturvaktraiścaturvaktraścaturvedavidāṃ gurum .. 28 .. ### [3.55.29](https://indike.org/pramana/in.purana.brahmavaivarta.3.55.29) brahmaṇaḥ ktavanaṃ śrutvā dṛṣaṭvā lakṣmīṃ puraḥ sarām . rudatīṃ namravadanāmuvāca kamalāpatiḥ .. 29 .. ### [3.55.30](https://indike.org/pramana/in.purana.brahmavaivarta.3.55.30) śrībhagavānuvāca sarvaṃ jānāmi sarvajñaḥ sarvātmā sarvapālakaḥ . sarvaśāstā ca sarvādikāraṇaṃ kamalodbhava .. 30 .. ### [3.55.31](https://indike.org/pramana/in.purana.brahmavaivarta.3.55.31) bhakte kalatre bandhau ca sarvatra samatā mama . viśeṣato'timadbhaktaḥ kalatrātpara eva ca .. 31 .. ### [3.55.32](https://indike.org/pramana/in.purana.brahmavaivarta.3.55.32) madbhaktau tava putau ca dvārapālau durantakau . kṣama māmaparāthaṃ ca tayośca bhaktipūrṇayoḥ .. 32 .. ### [3.55.33](https://indike.org/pramana/in.purana.brahmavaivarta.3.55.33) madbhaktipūrṇo balavāndaityaibhyo na bibheti ca . rakṣito mama cakreṇa bhaktimādhvīkadurmadaḥ .. 33 .. ### [3.55.34](https://indike.org/pramana/in.purana.brahmavaivarta.3.55.34) ityuktvā jagatāṃ nāyo lakṣmīṃ kṛtvā svavakṣasi . samānīya dvāraṇakaṃ tamuvācedameva ca .. 34 .. ### [3.55.35](https://indike.org/pramana/in.purana.brahmavaivarta.3.55.35) mā bhairvatsa sukhaṃ tiṣṭha bhayaṃ ki te mayi sthite . madbhaktānāṃ ca kaḥ śāstā gaccha vatsā''tmanaḥ padam .. 35 .. ### [3.55.36](https://indike.org/pramana/in.purana.brahmavaivarta.3.55.36) ityuktavā bhagavāṃstatra virarāma mahāmune . yayurdevāśca svasthātaṃ praṇamya jagadīśvaram .. 36 .. ### [3.55.37](https://indike.org/pramana/in.purana.brahmavaivarta.3.55.37) nārāyaṇavacaḥ śrutvā dvārāpāla uvāca tam . pulakāñcitasarvāṅgo bhaktinamrātmakaṃdharaḥ .. 37 .. ### [3.55.38](https://indike.org/pramana/in.purana.brahmavaivarta.3.55.38) jaya uvāca nāhaṃ bibhemi devaṃśca lakṣmīṃ sunigaṇāṃstathā . tvadīyacaraṇāmbhojadhyānaikatānamānasaḥ .. 38 .. ### [3.55.39](https://indike.org/pramana/in.purana.brahmavaivarta.3.55.39) iti śrīblahmao mahāo śrīkṛṣṇajanmakhao nāradanāo uttao lakṣamī- vairāgyamocanaṃ nāma saptapañcāśattamo'dhyāyaḥ .. 57 .. ## Linked texts (3) - [Gadādharapaddhati](https://indike.org/pramana/in.niti.dharma.nibandha.mahanibandha.gadadharapaddhati.8.p8.2) — Gadādhara Rājaguru 1725, Sanskrit - [Kālasāra](https://indike.org/pramana/in.astro.muhurta.kala.kalasara.8.p31) — Nārāyaṇa Jyotirvit, Sanskrit - [Kālasāra](https://indike.org/pramana/in.niti.dharma.kala.kalasara.8.p31) — Gadādhara (Pāraskara commentator), Sanskrit --- Source: [https://indike.org/pramana/in.purana.brahmavaivarta.3.55](https://indike.org/pramana/in.purana.brahmavaivarta.3.55) · Pramāṇa