Brahmavaivartapurana 3.64: adhyāyaḥ 66

Brahmavaivartapurāṇa 3.64

Language: Sanskrit

adhyāyaḥ 66

3.64.1

atha ṣaṭuṣaṣṭitamo'dhyāyaḥ
nārāyaṇa uvāca
atha rāseśvarīyukto rāse rāseśvaraḥ svayam .
sa ca reme tayā sārdhaṃmatīva ramaṇotsukaḥ .. 1 ..

3.64.2

sukhasaṃbhogamātreṇa yayau nidrāṃ ca rādhikā .
dṛṣṭvā svapnaṃ samutvāya dīnovāca priyaṃ dine .. 2 ..

3.64.3

rādhikovāca
aho svāminnihā''gaccha tvāṃ karomi svavakṣasi .
pariṇāme vidhātā me na jāne kiṃ kariṣyati .. 3 ..

3.64.4

ityuktvā kā mahābhāgā priyaṃ kṛtvā svavakṣasi .
duḥsvapnaṃ kathāyāmāsa hṛdayena vidūyatā .. 4 ..

3.64.5

rādhikovāca
ratnasiṃhāsane'haṃ ca ratnacchatraṃ ca bibhratī .
tadātapatraṃ jagrāha ruṣaṭo vipraśca me prabho .. 5 ..

3.64.6

sāgare kajjalākāre mahāghore ca dustare .
gabhīre prerayāmāsa māmeva durbalāṃ sa ca .. 6 ..

3.64.7

tatra srotasi śokārtā bhramāmi ca muhurmuhuḥ .
mahormīṇāṃ ca vegena vyākulā nakrasaṃkule .. 7 ..

3.64.8

trāhi trāhīti he nātha tvāṃ vadāmi punaḥ punaḥ .
tvāṃ na dṛṣṭvā mahābhītā karomi prārthanāṃ suram .. 8 ..

3.64.9

kṛṣṇa tatra nimajjantī paśyāmi candramaṇa़ḍalam .
nipatantaṃ ca gaganācchatakhaṇḍaṃ ca bhūtale .. 9 ..

3.64.10

kṣaṇāntare ca paśyāmi gaganātsūryaṃmaṇḍalam .
babhūva ca catuḥkhaṇḍaṃ nipatya dharaṇītale .. 10 ..

3.64.11

ekakāle ca gagane maṇḍalaṃ candrasūryayoḥ .
atīva kajjalākāraṃ sarvaṃ grastaṃ ca rāhuṇā .. 11 ..

3.64.12

kṣaṇāntare ca paśyāmi brahmaṇo dīptimāniti .
satkroḍasthaṃ sudhākumbhaṃ babhañja ca ruṣeti ca .. 12 ..

3.64.13

kṣaṇāntare ca paśyāmi mahāruṣṭaṃ ca brāhmaṇam .
gṛhītvā ca vrajantaṃ ca cakṣuṣoḥ puruṣaṃ mama .. 13 ..

3.64.14

krīḍākamaladaṇḍaṃ ca hastāddhvastaṃ mama prabho .
sahasā khaṇḍaśaṇḍaṃ ca babhūva saha hetunā .. 14 ..

3.64.15

hastādṣvastaśca sahasā sadratnasāradarpaṇaḥ .
nirmalaḥ kajjalākāraḥ khaṇḍakaṇḍo babhūva ha .. 15 ..

3.64.16

hāro me ratnamārāṇāṃ chinno bhūtvā ca vakṣasaḥ .
atīva marinaṃ padmaṃ papāta dharaṇītale .. 16 ..

3.64.17

saudhaputtalikāḥ sarvā nṛtyanti ca hasanti ca .
āsphoṭayanti gāyanti rudanti ya kṣaṇaṃ kṣaṇam .. 17 ..

3.64.18

kṛṣṇavarṇaṃ bṛhaccakraṃ khe bhramantaṃ muhurmuhuḥ .
nipatantaṃ cotpatantaṃ paśyāmi ca bhayaṃkaram .. 18 ..

3.64.19

prāṇādhidevaḥ puruṣo niḥsṛtyāmyantarānmama .
rādhe vidāyaṃ dehīti tato yāmītyuvāca ha .. 19 ..

3.64.20

kṛṣṇavarṇā ca pratimā māmāśliṣyati cumbati .
kṛṣṇavastraparīdhānā ceti paśyāmi sāṃpratam .. 20 ..

3.64.21

itīdaṃ viparītaṃ ca dṛṣṭāvā ca prāṇāvallabha .
nṛtyanti takṣiṇāṅgāni prāṇā āndolayanti me .. 21 ..

3.64.22

rudanti śokātkarṣanti samudvignaṃ ca mānasam .
kimidaṃ kimidaṃ nātha vada vedavidāṃ vara .. 22 ..

3.64.23

ityuktvā rādhikā devī śuṣkakaṇṭhoṣṭhatālukā .
papāta tatpadāmbhoje bhītā sa śokaviṅvalā .. 23 ..

3.64.24

śrutvā svapnaṃ jagannātho devīṃ kṛtvā svavakṣami .
ādhyātmikena yogena vodhayāmāsa tatkṣaṇam .. 24 ..

3.64.25

ttayāca śokaṃ sa devī jñānaṃ saṃprāpya nirmalam .
śāntaṃ ca bhagavaṃtaṃ ca kṛtvā kāntaṃ svavakṣasi .. 25 ..

3.64.26

itio śrībrahmao mahāo śrīkṛṣṇajānmakhao uttao nāradanāo rādhāśokā-
panodane ṣaṭṣaṣṭitamo'dhyāyaḥ .. 66 ..

Linked texts (1)

Kṛṣṇajanmakhaṇḍa — Sanskrit