[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmavaivartapurana](https://indike.org/pramana/in.purana.brahmavaivarta) › 3.6 # Brahmavaivartapurana 3.6 Brahmavaivartapurāṇa 3.6 - **Language:** Sanskrit ### [3.6.1](https://indike.org/pramana/in.purana.brahmavaivarta.3.6.1) .. nārada uvāca .. .. ### [3.6.2](https://indike.org/pramana/in.purana.brahmavaivarta.3.6.2) janmāṣṭamīvrataṃ brūhi vratānāṃ vratamuttamam .. ### [3.6.3](https://indike.org/pramana/in.purana.brahmavaivarta.3.6.3) phalaṃ jayaṃtīyogasya sāmānyenaiva sāṃpratam .. 1 .. ### [3.6.4](https://indike.org/pramana/in.purana.brahmavaivarta.3.6.4) ko vā doṣo'pyakaraṇe bhojano vā mahāmune .. ### [3.6.5](https://indike.org/pramana/in.purana.brahmavaivarta.3.6.5) upavāsaphalaṃ kiṃ vā jayaṃtyāṃ ca susaṃmatam .. 2 .. ### [3.6.6](https://indike.org/pramana/in.purana.brahmavaivarta.3.6.6) vrataṃ pūjāvidhānaṃ ca saṃyamasya ca sāṃpratam .. ### [3.6.7](https://indike.org/pramana/in.purana.brahmavaivarta.3.6.7) upavāsapāraṇayoḥ suvicārya vada prabho .. 3 .. ### [3.6.8](https://indike.org/pramana/in.purana.brahmavaivarta.3.6.8) .. nārāyaṇa uvāca .. .. ### [3.6.9](https://indike.org/pramana/in.purana.brahmavaivarta.3.6.9) kṛtvā haviṣyaṃ saptamyāṃ saṃyataḥ pāraṇe tathā .. ### [3.6.10](https://indike.org/pramana/in.purana.brahmavaivarta.3.6.10) aruṇodayavelāyāṃ samutthāya pare'hani .. 4 .. ### [3.6.11](https://indike.org/pramana/in.purana.brahmavaivarta.3.6.11) prātaḥkṛtya saṃvidhāya snātvā saṃkalpamācaret .. ### [3.6.12](https://indike.org/pramana/in.purana.brahmavaivarta.3.6.12) vratopavāsayorbrahmañchrīkṛṣṇaprītihetukam .. 5 .. ### [3.6.13](https://indike.org/pramana/in.purana.brahmavaivarta.3.6.13) manvādidivase prāpte yatphalaṃ snānapūjanaiḥ .. ### [3.6.14](https://indike.org/pramana/in.purana.brahmavaivarta.3.6.14) phalaṃ bhādrapade'ṣṭamyāṃ bhavetkoṭiguṇaṃ dvija .. 6 .. ### [3.6.15](https://indike.org/pramana/in.purana.brahmavaivarta.3.6.15) tasyāṃ tithau vārimātraṃ pitṝṇāṃ yaḥ prayacchati .. ### [3.6.16](https://indike.org/pramana/in.purana.brahmavaivarta.3.6.16) gayāśrāddhaṃ kṛtaṃ tena śatābdaṃ nātra saṃśayaḥ .. 7 .. ### [3.6.17](https://indike.org/pramana/in.purana.brahmavaivarta.3.6.17) snātvā nityakriyāṃ kṛtvā nirmāya sūtikāgṛham .. ### [3.6.18](https://indike.org/pramana/in.purana.brahmavaivarta.3.6.18) lohakhaṃḍavahnijālairyuktaṃ rakṣakasaṃghakaiḥ.. .. 8 .. ### [3.6.19](https://indike.org/pramana/in.purana.brahmavaivarta.3.6.19) tatra dravyaṃ bahuvidhaṃ nābhicchedanakartanam .. ### [3.6.20](https://indike.org/pramana/in.purana.brahmavaivarta.3.6.20) dhātrīsvarūpāṃ nārīṃ ca yatnataḥ sthāpayedbudhaḥ .. 9 .. ### [3.6.21](https://indike.org/pramana/in.purana.brahmavaivarta.3.6.21) pūjādravyāṇi cārūṇi sopacārāṇi ṣoḍaśa .. ### [3.6.22](https://indike.org/pramana/in.purana.brahmavaivarta.3.6.22) phalānyaṣṭau ca miṣṭāni dravyāṇyeva hi nārada .. 4.8.10 .. ### [3.6.23](https://indike.org/pramana/in.purana.brahmavaivarta.3.6.23) jātīphalaṃ ca kaṃkolaṃ dāḍimaṃ śrīphalaṃ tathā .. ### [3.6.24](https://indike.org/pramana/in.purana.brahmavaivarta.3.6.24) nārikeraṃ ca jaṃbīraṃ kūṣmāṃḍaṃ ca suvāsasam .. 11 .. ### [3.6.25](https://indike.org/pramana/in.purana.brahmavaivarta.3.6.25) āsanaṃ vasanaṃ pādyaṃ madhuparkaṃ tathaiva ca .. ### [3.6.26](https://indike.org/pramana/in.purana.brahmavaivarta.3.6.26) arghyamācanīyaṃ ca snānīyaṃ śayanaṃ tathā ..12 .. ### [3.6.27](https://indike.org/pramana/in.purana.brahmavaivarta.3.6.27) gaṃdhaṃ puṣpaṃ ca naivedyaṃ tāṃbūlamanulepanam .. ### [3.6.28](https://indike.org/pramana/in.purana.brahmavaivarta.3.6.28) dhūpadīpau bhūṣaṇaṃ vai copacārāṃśca ṣoḍaśa .. 13 .. ### [3.6.29](https://indike.org/pramana/in.purana.brahmavaivarta.3.6.29) pādaprakṣālanaṃ kṛtvā dhṛtvā dhaute ca vāsasī .. ### [3.6.30](https://indike.org/pramana/in.purana.brahmavaivarta.3.6.30) ācamya cāsane sthitvā svastivācanapūrvakam .. 14 .. ### [3.6.31](https://indike.org/pramana/in.purana.brahmavaivarta.3.6.31) ghaṭasyāropaṇaṃ kṛtvā saṃpūjya paṃca devatāḥ .. ### [3.6.32](https://indike.org/pramana/in.purana.brahmavaivarta.3.6.32) ghaṭe hyāvāhanaṃ kṛtvā śrīkṛṣṇaṃ parameśvaram .. 15 .. ### [3.6.33](https://indike.org/pramana/in.purana.brahmavaivarta.3.6.33) vasudevaṃ devakīṃ ca yaśodāṃ naṃdameva ca .. ### [3.6.34](https://indike.org/pramana/in.purana.brahmavaivarta.3.6.34) rohiṇīṃ baladevaṃ ca ṣaṣṭhīdevīṃ vasuṃdharām .. 16 .. ### [3.6.35](https://indike.org/pramana/in.purana.brahmavaivarta.3.6.35) rohiṇīṃ brāhmaṇīṃ caiva aṣṭamīṃ sthānadevatām .. ### [3.6.36](https://indike.org/pramana/in.purana.brahmavaivarta.3.6.36) aśvatthāmnā saha baliṃ hanumaṃtaṃ vibhīṣaṇam .. 17 .. ### [3.6.37](https://indike.org/pramana/in.purana.brahmavaivarta.3.6.37) kṛpaṃ paraśurāmaṃ ca vedavyāsaṃ mṛkaṃḍakam .. ### [3.6.38](https://indike.org/pramana/in.purana.brahmavaivarta.3.6.38) sarvasyāvāhanaṃ kṛtvā dhyānaṃ kuryāddharestadā .. 16 .. ### [3.6.39](https://indike.org/pramana/in.purana.brahmavaivarta.3.6.39) puṣpakaṃ mastake nyasya punardhyāyedvicakṣaṇaḥ .. ### [3.6.40](https://indike.org/pramana/in.purana.brahmavaivarta.3.6.40) dhyānaṃ ca sāmavedoktaṃ śṛṇu vakṣyāmi nārada .. 19 .. ### [3.6.41](https://indike.org/pramana/in.purana.brahmavaivarta.3.6.41) brahmaṇā kathitaṃ pūrvaṃ kumārāya mahātmane .. 4.8.20 .. ### [3.6.42](https://indike.org/pramana/in.purana.brahmavaivarta.3.6.42) bālaṃ nīlāṃbujābhamatiśayaruciraṃ smeravaktrāṃbujaṃ taṃ brahmeśānaṃtadharmaiḥ katikatidivasaiḥ stūyamānaṃ paraṃ yat .. ### [3.6.43](https://indike.org/pramana/in.purana.brahmavaivarta.3.6.43) dhyānāsādhyamṛṣīndrairmunigaṇamanujaiḥ siddhasaṃghairasādhyaṃ yogīṃdrāṇāmaciṃtyamatiśayamatulaṃ sākṣirūpaṃ bhaje'ham .. 21 .. ### [3.6.44](https://indike.org/pramana/in.purana.brahmavaivarta.3.6.44) dhyātvā puṣpaṃ ca dattvā ca tatsarvaṃ ca nivedayet .. ### [3.6.45](https://indike.org/pramana/in.purana.brahmavaivarta.3.6.45) evaṃ vratī vrataṃ kuryācchṛṇu maṃtrakramaṃ mune .. 22 .. ### [3.6.46](https://indike.org/pramana/in.purana.brahmavaivarta.3.6.46) āsanaṃ sarvaśobhāḍhyaṃ sadratnamaṇinirmitam.. ### [3.6.47](https://indike.org/pramana/in.purana.brahmavaivarta.3.6.47) vicitraṃ ca vicitreṇa gṛhyatāṃ śobhanaṃ hare .. 23 .. ### [3.6.48](https://indike.org/pramana/in.purana.brahmavaivarta.3.6.48) vasanaṃ vahniśaucaṃ ca nirmitaṃ viśvakarmaṇā .. ### [3.6.49](https://indike.org/pramana/in.purana.brahmavaivarta.3.6.49) prataptasvarṇakhacitaṃ citritaṃ gṛhyatāṃ hare .. 24 .. ### [3.6.50](https://indike.org/pramana/in.purana.brahmavaivarta.3.6.50) pādaprakṣālanārthaṃ ca svarṇapātrasthitaṃ jalam .. ### [3.6.51](https://indike.org/pramana/in.purana.brahmavaivarta.3.6.51) pavitraṃ nirmalaṃ cāru pādyaṃ ca gṛhyatāṃ hare .. 25 .. ### [3.6.52](https://indike.org/pramana/in.purana.brahmavaivarta.3.6.52) madhusarpirdadhikṣīraṃ śarkarāsaṃyutaṃ param .. ### [3.6.53](https://indike.org/pramana/in.purana.brahmavaivarta.3.6.53) svarṇapātrasthitaṃ deyaṃ snānārthaṃ gṛhyatāṃ hare .. 26 .. ### [3.6.54](https://indike.org/pramana/in.purana.brahmavaivarta.3.6.54) dūrvākṣataṃ śuklapuṣpaṃ svacchatoyasamanvitam .. ### [3.6.55](https://indike.org/pramana/in.purana.brahmavaivarta.3.6.55) caṃdanāgurukastūrīsahitaṃ gṛhyatāṃ hare .. 27 .. ### [3.6.56](https://indike.org/pramana/in.purana.brahmavaivarta.3.6.56) susvādu svacchatoyaṃ ca vāsitaṃ gaṃdhavastunā .. ### [3.6.57](https://indike.org/pramana/in.purana.brahmavaivarta.3.6.57) śuddhamācamanīyaṃ ca gṛhyatāṃ parameśvara .. 28 .. ### [3.6.58](https://indike.org/pramana/in.purana.brahmavaivarta.3.6.58) gaṃdhadravyasamāyuktaṃ viṣṇo tailaṃ suvāsitam .. ### [3.6.59](https://indike.org/pramana/in.purana.brahmavaivarta.3.6.59) āmalakyā dravaṃ caiva snānīyaṃ gṛhyatāṃ hare .. 29 .. ### [3.6.60](https://indike.org/pramana/in.purana.brahmavaivarta.3.6.60) sadratnamaṇisāreṇa racitāṃ sumanoharām .. ### [3.6.61](https://indike.org/pramana/in.purana.brahmavaivarta.3.6.61) chāditāṃ sūkṣmavastreṇa śayyāṃ ca gṛhyatāṃ hare .. 4.8.30 .. ### [3.6.62](https://indike.org/pramana/in.purana.brahmavaivarta.3.6.62) cūrṇaṃ ca vṛkṣabhedānāṃ mūlānāṃ dravasaṃyutam .. ### [3.6.63](https://indike.org/pramana/in.purana.brahmavaivarta.3.6.63) kastūrīdravasaṃyuktaṃ gandhaṃ ca gṛhyatāṃ hare .. 31 .. ### [3.6.64](https://indike.org/pramana/in.purana.brahmavaivarta.3.6.64) puṣpaṃ sugaṃdhiyuktaṃ ca saṃyuktaṃ kuṃkumena ca .. ### [3.6.65](https://indike.org/pramana/in.purana.brahmavaivarta.3.6.65) supriyaṃ sarvadevānāṃ sāṃprataṃ gṛhyatāṃ hare .. 32 .. ### [3.6.66](https://indike.org/pramana/in.purana.brahmavaivarta.3.6.66) gṛhyatāṃ svastikoktaṃ ca miṣṭadravyasamanvitam .. ### [3.6.67](https://indike.org/pramana/in.purana.brahmavaivarta.3.6.67) supakvaphalasaṃyuktaṃ naivedyaṃ gṛhyatāṃ hare .. 33 .. ### [3.6.68](https://indike.org/pramana/in.purana.brahmavaivarta.3.6.68) laḍḍukaṃ modakaṃ caiva sarpiḥ kṣīraṃ guḍaṃ madhu .. ### [3.6.69](https://indike.org/pramana/in.purana.brahmavaivarta.3.6.69) navoddhṛtaṃ dadhi takraṃ naivedyaṃ gṛhyatāṃ hare .. 34 .. ### [3.6.70](https://indike.org/pramana/in.purana.brahmavaivarta.3.6.70) śītalaṃ śarkarāyuktaṃ kṣīrasvādusupakvakam .. ### [3.6.71](https://indike.org/pramana/in.purana.brahmavaivarta.3.6.71) tāṃbūlaṃ bhogasāraṃ ca karpūrādisamanvitam .. 35 .. ### [3.6.72](https://indike.org/pramana/in.purana.brahmavaivarta.3.6.72) bhaktyā niveditamidaṃ gṛhyatāṃ parameśvara .. ### [3.6.73](https://indike.org/pramana/in.purana.brahmavaivarta.3.6.73) candanāguru kastūrīkuṃkumadravasaṃyutam .. 36 .. ### [3.6.74](https://indike.org/pramana/in.purana.brahmavaivarta.3.6.74) abīracūrṇaṃ ruciraṃ gṛhyatāṃ parameśvara .. ### [3.6.75](https://indike.org/pramana/in.purana.brahmavaivarta.3.6.75) tarubhedarasotkarṣo gaṃdhayukto'gninā saha .. 37 .. ### [3.6.76](https://indike.org/pramana/in.purana.brahmavaivarta.3.6.76) supriyaḥ sarvadevānāṃ dhūpo'yaṃ gṛhyatāṃ hare .. ### [3.6.77](https://indike.org/pramana/in.purana.brahmavaivarta.3.6.77) ghorāṃdhakāranāśaikahetureva śubhāvahaḥ .. 38 .. ### [3.6.78](https://indike.org/pramana/in.purana.brahmavaivarta.3.6.78) supradīpo dīptikaro dīpo'yaṃ gṛhyatāṃ hare .. ### [3.6.79](https://indike.org/pramana/in.purana.brahmavaivarta.3.6.79) pavitraṃ nirmalaṃ toyaṃ karpūrādisamāyutam .. 39 .. ### [3.6.80](https://indike.org/pramana/in.purana.brahmavaivarta.3.6.80) jīvanaṃ sarvabījānāṃ pānārthaṃ gṛhyatāṃ hare .. ### [3.6.81](https://indike.org/pramana/in.purana.brahmavaivarta.3.6.81) nānāpuṣpasamāyuktaṃ grathitaṃ sūkṣmataṃtunā .. 4.8.40 .. ### [3.6.82](https://indike.org/pramana/in.purana.brahmavaivarta.3.6.82) śarīrabhūṣaṇavaraṃ mālyaṃ ca pratigṛhyatām .. ### [3.6.83](https://indike.org/pramana/in.purana.brahmavaivarta.3.6.83) dattvā deyāni dravyāṇi pūjopayogitāni ca .. 41 .. ### [3.6.84](https://indike.org/pramana/in.purana.brahmavaivarta.3.6.84) vratasthānasthitaṃ dravyaṃ haraye deyameva ca .. ### [3.6.85](https://indike.org/pramana/in.purana.brahmavaivarta.3.6.85) phalāni tarubījāni svādūni suṃdarāṇi ca .. 42 .. ### [3.6.86](https://indike.org/pramana/in.purana.brahmavaivarta.3.6.86) vaṃśavṛddhikarāṇyeva gṛhyatāṃ parameśvara .. ### [3.6.87](https://indike.org/pramana/in.purana.brahmavaivarta.3.6.87) āvāhitāṃśca devāṃśca pratyekaṃ pūjayedvratī .. 43 .. ### [3.6.88](https://indike.org/pramana/in.purana.brahmavaivarta.3.6.88) tānpūjya bhaktibhāvena dadyātpuṣpāṃjalitrayam .. ### [3.6.89](https://indike.org/pramana/in.purana.brahmavaivarta.3.6.89) sunaṃdanaṃdakumudāngopāngopīśca rādhikām .. 44 .. ### [3.6.90](https://indike.org/pramana/in.purana.brahmavaivarta.3.6.90) gaṇeśaṃ kārttikeyaṃ ca brahmāṇaṃ ca śivaṃ śivām .. ### [3.6.91](https://indike.org/pramana/in.purana.brahmavaivarta.3.6.91) lakṣmīṃ sarasvatīṃ caiva dikpālāṃśca grahāṃstathā .. 45 .. ### [3.6.92](https://indike.org/pramana/in.purana.brahmavaivarta.3.6.92) śeṣaṃ sudarśanaṃ caiva pārṣadapravarāṃstathā.. ### [3.6.93](https://indike.org/pramana/in.purana.brahmavaivarta.3.6.93) sampūjya sarvadevāṃśca praṇamya daṃḍavadbhuvi .. ### [3.6.94](https://indike.org/pramana/in.purana.brahmavaivarta.3.6.94) brāhmaṇebhyaśca naivedyaṃ dattvā dadyācca dakṣiṇām .. 46 .. ### [3.6.95](https://indike.org/pramana/in.purana.brahmavaivarta.3.6.95) kathāṃ ca janmādhyāyoktāṃ śṛṇuyādbhakti bhāvataḥ .. ### [3.6.96](https://indike.org/pramana/in.purana.brahmavaivarta.3.6.96) tadā kuśāsane sthitvā kuryājjāgaraṇaṃ vratī .. 47 .. ### [3.6.97](https://indike.org/pramana/in.purana.brahmavaivarta.3.6.97) prabhāte cāhnikaṃ kṛtvā saṃpūjya śrīhariṃ mudā .. ### [3.6.98](https://indike.org/pramana/in.purana.brahmavaivarta.3.6.98) brāhmaṇānbhojayitvā ca kārayeddharikīrtanam .. 48 .. ### [3.6.99](https://indike.org/pramana/in.purana.brahmavaivarta.3.6.99) .. nārada uvāca .. .. ### [3.6.100](https://indike.org/pramana/in.purana.brahmavaivarta.3.6.100) vratakālavyavasthāṃ ca vedoktāṃ sarvasaṃmatām .. ### [3.6.101](https://indike.org/pramana/in.purana.brahmavaivarta.3.6.101) vedārthaṃ ca samālocya saṃhitāṃ ca purātanīm ..49.. ### [3.6.102](https://indike.org/pramana/in.purana.brahmavaivarta.3.6.102) upavāse jāgaraṇe vrate kiṃ vā phalaṃ mune .. ### [3.6.103](https://indike.org/pramana/in.purana.brahmavaivarta.3.6.103) kiṃ vā pāpaṃ tatra bhuktvā vada vedavidāṃ vara ..4.8.50 .. ### [3.6.104](https://indike.org/pramana/in.purana.brahmavaivarta.3.6.104) .. śrīnārāyaṇa uvāca .. .. ### [3.6.105](https://indike.org/pramana/in.purana.brahmavaivarta.3.6.105) aṣṭamī karkṣasaṃyuktā rātryarthe yadi dṛśyate .. ### [3.6.106](https://indike.org/pramana/in.purana.brahmavaivarta.3.6.106) sa eva mukhyakālaśca tatra jātaḥ svayaṃ hariḥ .. 51 .. ### [3.6.107](https://indike.org/pramana/in.purana.brahmavaivarta.3.6.107) jayaṃ puṇyaṃ ca kurute jayaṃtī tena saṃsmṛtā .. ### [3.6.108](https://indike.org/pramana/in.purana.brahmavaivarta.3.6.108) tatropoṣya vrataṃ kṛtvā kuryājjāgaraṇaṃ budhaḥ .. 52 .. ### [3.6.109](https://indike.org/pramana/in.purana.brahmavaivarta.3.6.109) sarvāpavādaḥ kālo'yaṃ pradhānaḥ sarvasaṃmataḥ .. ### [3.6.110](https://indike.org/pramana/in.purana.brahmavaivarta.3.6.110) iti vedavidāṃ vāṇī cetyuktā vedhasā purā .. 53 .. ### [3.6.111](https://indike.org/pramana/in.purana.brahmavaivarta.3.6.111) tatra jāgaraṇaṃ kṛtvā yaścopoṣya vrataṃ caret .. ### [3.6.112](https://indike.org/pramana/in.purana.brahmavaivarta.3.6.112) koṭijanmārjitātpāpānmucyate nātra saṃśayaḥ .. 54 .. ### [3.6.113](https://indike.org/pramana/in.purana.brahmavaivarta.3.6.113) varjanīyā prayatnena saptamīsahitāṣṭamī .. ### [3.6.114](https://indike.org/pramana/in.purana.brahmavaivarta.3.6.114) sā sarkṣāpi na kartavyā saptamīsahitāṣṭamī .. ### [3.6.115](https://indike.org/pramana/in.purana.brahmavaivarta.3.6.115) aviddhāyāṃ kaṛkṣāyāṃ jāto devakinaṃdanaḥ .. 55 .. ### [3.6.116](https://indike.org/pramana/in.purana.brahmavaivarta.3.6.116) vedavedāṃgaguptetiviśiṣṭaṃ maṃgalakṣaṇe .. ### [3.6.117](https://indike.org/pramana/in.purana.brahmavaivarta.3.6.117) vyatīte rohiṇīṛkṣe vratī kuryācca pāraṇām .. 56 .. ### [3.6.118](https://indike.org/pramana/in.purana.brahmavaivarta.3.6.118) tithyaṃte ca hariṃ smṛtvā kṛtvā devārcanaṃ vratī. .. ### [3.6.119](https://indike.org/pramana/in.purana.brahmavaivarta.3.6.119) pāraṇaṃ pāvanaṃ puṃsāṃ sarvapāpapraṇāśanam .. 57 .. ### [3.6.120](https://indike.org/pramana/in.purana.brahmavaivarta.3.6.120) upavāsāṃgabhūtaṃ ca phaladaṃ siddhikāraṇam .. ### [3.6.121](https://indike.org/pramana/in.purana.brahmavaivarta.3.6.121) sarveṣvevopavāseṣu divā pāraṇamiṣyate .. 58 .. ### [3.6.122](https://indike.org/pramana/in.purana.brahmavaivarta.3.6.122) anyathā phalahāniḥ syātkṛte dhāraṇapāraṇe.. ### [3.6.123](https://indike.org/pramana/in.purana.brahmavaivarta.3.6.123) na rātrau pāraṇaṃ kuryādṛte vai rohiṇīvratāt ..59.. ### [3.6.124](https://indike.org/pramana/in.purana.brahmavaivarta.3.6.124) niśāyāṃ pāraṇaṃ kuryādvarjayitvā mahāniśām .. ### [3.6.125](https://indike.org/pramana/in.purana.brahmavaivarta.3.6.125) pūrvāhṇe pāraṇaṃ śastaṃ kṛtvā viprasurārcanam .. 4.8.60 .. ### [3.6.126](https://indike.org/pramana/in.purana.brahmavaivarta.3.6.126) sarveṣāṃ saṃmataṃ kuryādṛte vai rohiṇī vratam .. ### [3.6.127](https://indike.org/pramana/in.purana.brahmavaivarta.3.6.127) budhasomasamāyuktā jayaṃtī yadi labhyate ..61.. ### [3.6.128](https://indike.org/pramana/in.purana.brahmavaivarta.3.6.128) na kuryādgarbhavāsaṃ ca tatra kṛtvā vrataṃ vratī .. ### [3.6.129](https://indike.org/pramana/in.purana.brahmavaivarta.3.6.129) udaye cāṣṭamī kiṃcinnavamī sakalā yadi .. 62 .. ### [3.6.130](https://indike.org/pramana/in.purana.brahmavaivarta.3.6.130) bhavedbudheṃdusaṃyuktā prājāpatyarkṣasaṃyutā .. ### [3.6.131](https://indike.org/pramana/in.purana.brahmavaivarta.3.6.131) apivarṣaśatenāpi labhyate vā na labhyate .. 63 .. ### [3.6.132](https://indike.org/pramana/in.purana.brahmavaivarta.3.6.132) vrataṃ tatra vratī kuryātpuṃsāṃ koṭiṃ samuddharet .. ### [3.6.133](https://indike.org/pramana/in.purana.brahmavaivarta.3.6.133) nṛṇāṃ vinā vratenāpi bhaktānāṃ hīnasaṃpadām .. 64 .. ### [3.6.134](https://indike.org/pramana/in.purana.brahmavaivarta.3.6.134) kṛtenaivopavāsena prīto bhavati mādhavaḥ .. ### [3.6.135](https://indike.org/pramana/in.purana.brahmavaivarta.3.6.135) bhaktyā nānopacāreṇa rātrau jāgaraṇena ca .. 65 .. ### [3.6.136](https://indike.org/pramana/in.purana.brahmavaivarta.3.6.136) phalaṃ dadāti daityārirjayantīvratasaṃbhavam .. ### [3.6.137](https://indike.org/pramana/in.purana.brahmavaivarta.3.6.137) vittaśāṭhyamakurvāṇaḥ samyakphalamavāpnuyāt ..66.. ### [3.6.138](https://indike.org/pramana/in.purana.brahmavaivarta.3.6.138) kurvāṇo vittaśāṭhyaṃ ca labhate sadṛśaṃ phalam .. ### [3.6.139](https://indike.org/pramana/in.purana.brahmavaivarta.3.6.139) aṣṭamyāmatha rohiṇyāṃ na kuryātpāraṇaṃ budhaḥ .. 67 .. ### [3.6.140](https://indike.org/pramana/in.purana.brahmavaivarta.3.6.140) hanyātpurākṛtaṃ puṇyaṃ copavāsārjitaṃ phalam .. ### [3.6.141](https://indike.org/pramana/in.purana.brahmavaivarta.3.6.141) tithiraṣṭaguṇaṃ haṃti nakṣatraṃ ca caturguṇam .. 68 .. ### [3.6.142](https://indike.org/pramana/in.purana.brahmavaivarta.3.6.142) tasmātprayatnataḥ kuryāttithibhāṃte ca pāraṇam .. ### [3.6.143](https://indike.org/pramana/in.purana.brahmavaivarta.3.6.143) mahāniśāyāṃ prāptāyāṃ tithibhāṃtaṃ yadā bhavet .. 69 .. ### [3.6.144](https://indike.org/pramana/in.purana.brahmavaivarta.3.6.144) tṛtīye'hni muniśreṣṭha pāraṇaṃ kurute budhaḥ .. ### [3.6.145](https://indike.org/pramana/in.purana.brahmavaivarta.3.6.145) ṣaṇmuhūrte vyatīte tu rātrāveva mahāniśā .. 4.8.70 .. ### [3.6.146](https://indike.org/pramana/in.purana.brahmavaivarta.3.6.146) labhate brahmahatyāṃ ca tatra bhuktvā ca nārada .. ### [3.6.147](https://indike.org/pramana/in.purana.brahmavaivarta.3.6.147) gomāṃsaviṇmūtrasamaṃ tāṃbūlaṃ ca phalaṃ jalam .. 71 .. ### [3.6.148](https://indike.org/pramana/in.purana.brahmavaivarta.3.6.148) puṃsāmabhakṣyaṃ śuddhānāmodanasya ca kā kathā .. ### [3.6.149](https://indike.org/pramana/in.purana.brahmavaivarta.3.6.149) triyāmāṃ rajanī prāhustyaktvādya ca catuṣṭayam .. 72 .. ### [3.6.150](https://indike.org/pramana/in.purana.brahmavaivarta.3.6.150) nāḍīnāṃ tadubhe sandhye divasādyaṃtasaṃjñite .. ### [3.6.151](https://indike.org/pramana/in.purana.brahmavaivarta.3.6.151) janmāṣṭamyāṃ ca śuddhāyāṃ kṛtvā jāgaraṇaṃ vratam .. 75 .. ### [3.6.152](https://indike.org/pramana/in.purana.brahmavaivarta.3.6.152) śatajanmakṛtātpāpānmucyate nātra saṃśayaḥ .. ### [3.6.153](https://indike.org/pramana/in.purana.brahmavaivarta.3.6.153) janmāṣṭamyāṃ ca śuddhāyāmupoṣya kevalaṃ naraḥ .. 74 .. ### [3.6.154](https://indike.org/pramana/in.purana.brahmavaivarta.3.6.154) aśvamedhaphalaṃ tasya vrataṃ jāgaraṇaṃ vinā .. ### [3.6.155](https://indike.org/pramana/in.purana.brahmavaivarta.3.6.155) yadbālye yacca kaumāre yauvane yacca vārdhake .. 75 .. ### [3.6.156](https://indike.org/pramana/in.purana.brahmavaivarta.3.6.156) saptajanmakṛtātpāpānmucyate nātra saṃśayaḥ .. ### [3.6.157](https://indike.org/pramana/in.purana.brahmavaivarta.3.6.157) śrīkṛṣṇajanmadivase yaśca bhuktaṃ narādhamaḥ .. 76 .. ### [3.6.158](https://indike.org/pramana/in.purana.brahmavaivarta.3.6.158) sa bhavenmātṛgāmī ca brahmahatyāśataṃ labhet .. ### [3.6.159](https://indike.org/pramana/in.purana.brahmavaivarta.3.6.159) koṭijanmārjitaṃ puṇyaṃ tasya naśyati niścitam .. 77 .. ### [3.6.160](https://indike.org/pramana/in.purana.brahmavaivarta.3.6.160) anarhaścāśuciḥ śaśvaddaive pitrye ca karmaṇi .. ### [3.6.161](https://indike.org/pramana/in.purana.brahmavaivarta.3.6.161) ante vasetkālasūtre yāvaccaṃdradivākarau .. 78 .. ### [3.6.162](https://indike.org/pramana/in.purana.brahmavaivarta.3.6.162) kṛmibhiḥ śūlatulyaiśca tīkṣṇadaṃṣṭraiśca bhakṣitaḥ .. ### [3.6.163](https://indike.org/pramana/in.purana.brahmavaivarta.3.6.163) pāpī tataḥ samutthāya bhārate janma cellabhet .. 79 .. ### [3.6.164](https://indike.org/pramana/in.purana.brahmavaivarta.3.6.164) ṣaṣṭivarṣasahasrāṇi viṣṭhāyāṃ ca kṛmirbhavet .. ### [3.6.165](https://indike.org/pramana/in.purana.brahmavaivarta.3.6.165) gṛdhrakoṭisahasrāṇi śatajanmāni sūkaraḥ .. 4.8.80 .. ### [3.6.166](https://indike.org/pramana/in.purana.brahmavaivarta.3.6.166) śvāpadaḥ śatajanmāni sṛgālaḥ sapta janma ca .. ### [3.6.167](https://indike.org/pramana/in.purana.brahmavaivarta.3.6.167) saptajanmasu sarpaśca kākaśca saptajanmasu .. 81 .. ### [3.6.168](https://indike.org/pramana/in.purana.brahmavaivarta.3.6.168) tato bhavennaro mūko galatkuṣṭhī sadāturaḥ .. ### [3.6.169](https://indike.org/pramana/in.purana.brahmavaivarta.3.6.169) tato bhavetpaśughnaśca vyālagrāhī tato bhavet .. 82 .. ### [3.6.170](https://indike.org/pramana/in.purana.brahmavaivarta.3.6.170) tadaṃte ca bhaveddasyurdharmahīnaśca gṛdhrakaḥ .. ### [3.6.171](https://indike.org/pramana/in.purana.brahmavaivarta.3.6.171) tato bhevatsa rajakastailakārastato bhavet .. 83 .. ### [3.6.172](https://indike.org/pramana/in.purana.brahmavaivarta.3.6.172) tato bhaveddevalako brāhmaṇaśca sadā'śuciḥ .. ### [3.6.173](https://indike.org/pramana/in.purana.brahmavaivarta.3.6.173) upavāsāsamarthaścedekaṃ vipraṃ ca bhojayet .. 84 .. ### [3.6.174](https://indike.org/pramana/in.purana.brahmavaivarta.3.6.174) tāvaddhanāni vā dadyādyadbhuktaṃ dviguṇaṃ bhavet .. ### [3.6.175](https://indike.org/pramana/in.purana.brahmavaivarta.3.6.175) sahasrasaṃmitāṃ devīṃ japedvā prāṇasaṃyamān .. .. 85 .. ### [3.6.176](https://indike.org/pramana/in.purana.brahmavaivarta.3.6.176) kuryāddvādaśasaṃkhyākānyathārthaṃ tadvrate naraḥ .. ### [3.6.177](https://indike.org/pramana/in.purana.brahmavaivarta.3.6.177) ityevaṃ kathitaṃ vatsa śrutaṃ yaddharmavaktrataḥ .. ### [3.6.178](https://indike.org/pramana/in.purana.brahmavaivarta.3.6.178) vratopavāsapūjānāṃ vidhānamakṛte ca yat .. 86 .. ### [3.6.179](https://indike.org/pramana/in.purana.brahmavaivarta.3.6.179) iti śrībrahmavaivarte mahāpurāṇe nārāyaṇanāradasaṃvāde śrīkṛṣṇajanmakhaṇḍe kṛṣṇajanmāṣṭamīvratapūjopavāsanirūpaṇaṃ nāmā ṣṭamo'dhyāyaḥ .. 8 .. ## Linked texts (4) - [Smṛtitattva](https://indike.org/pramana/in.niti.dharma.nibandha.mahanibandha.smrtitattva.1.p1.52) — Raghunandana Bhaṭṭācārya 1520, Sanskrit - [Gadādharapaddhati](https://indike.org/pramana/in.niti.dharma.nibandha.mahanibandha.gadadharapaddhati.4.p54) — Gadādhara Rājaguru 1725, Sanskrit - [Kālasāra](https://indike.org/pramana/in.astro.muhurta.kala.kalasara.5.p77) — Nārāyaṇa Jyotirvit, Sanskrit - [Kālasāra](https://indike.org/pramana/in.niti.dharma.kala.kalasara.5.p77) — Gadādhara (Pāraskara commentator), Sanskrit --- Source: [https://indike.org/pramana/in.purana.brahmavaivarta.3.6](https://indike.org/pramana/in.purana.brahmavaivarta.3.6) · Pramāṇa