Pramāṇa · Search · About · API

Brahmavaivartapurana 3.7

Brahmavaivartapurāṇa 3.7

Language
Sanskrit

3.7.1

nārada uvāca ..

3.7.2

saṃsthāpya gokule kṛṣṇaṃ yaśodāmaṃdiraṃ vasuḥ ..

3.7.3

jagāma svagṛhaṃ nandaḥ kiṃ cakāra mahāṃ prabhuḥ .. 1 ..

3.7.4

kiñcakāra haristatra kativarṣasthitiḥ prabhoḥ ..

3.7.5

bālakrīḍanakaṃ tasya varṇaya kramaśo mune .. 2 ..

3.7.6

purā kṛtā yā pratijñā goloke rādhayā saha ..

3.7.7

tatkṛtaṃ kena vidhinā pratijñāpālanaṃ hareḥ .. 3 ..

3.7.8

kīdṛgvṛndāvanaṃ nāma maṇḍalaṃ kiṃvidhaṃ vada ..

3.7.9

rāsakrīḍāṃ jalakrīḍāṃ saṃvyasya varṇaya prabho .. 4 ..

3.7.10

nandastapaḥ kiñcakāra yaśodā cātha rohiṇī ..

3.7.11

hareḥ pūrvaṃ ca halinaḥ kutra janma babhūva ha .. .. 5 ..

3.7.12

pīyūṣakhaṃḍamākhyānamapūrvaṃ śrīhareḥ smṛtam ..

3.7.13

viśeṣataḥ kavimukhānnavyaṃ nūnaṃ pade pade .. 6 ..

3.7.14

svarāsamaṇḍalakrīḍāṃ varṇaya svayameva ca ..

3.7.15

parokṣavarṇanātkāvyaṃ praśastaṃ navyavarṇanam ..7..

3.7.16

śrīkṛṣṇāṃśo bhavānsākṣādyogīṃdrāṇāṃ gurorguruḥ ..

3.7.17

yo yasyāṃśaḥ sa ca janastasyaiva sukhataḥ sukhī .. 8 ..

3.7.18

tvayaiva varṇitau pādau vilīnau tu yuvāṃ hareḥ ..

3.7.19

sākṣādgolokanāthāṃśastvameva tatsamo mahān .. 9 ..

3.7.20

.. nārāyaṇa uvāca .. ..

3.7.21

brahmeśaśeṣavighneśāḥ kūrmo dharmo'hameva ca ..

3.7.22

naraśca kārttikeyaśca śrīkṛṣṇāṃśā vayaṃ nava ..4.9.10..

3.7.23

aho golokanāthasya mahimā kena varṇyate ..

3.7.24

yaṃ svayaṃ no vijānīmo na vedāḥ kiṃ vipaścitaḥ .. 11 ..

3.7.25

sūkaro vāmanaḥ kalkirbauddhaḥ kapilamīnakau ..

3.7.26

ete cāṃśāḥ kalāścānye saṃtyeva katidhā mune .. 12 ..

3.7.27

kūrmo nṛsiṃho rāmaśca śvetadvīpavirāḍvibhuḥ ..

3.7.28

paripūrṇatamaḥ kṛṣṇo vaikuṇṭhe gokule svayam .. .. 13 ..

3.7.29

vaikuṇṭhe kamalākāṃto rūpabhedāccaturbhujaḥ ..

3.7.30

goloke gokule rādhākāṃto'yaṃ dvibhujaḥ svayam .. 14 ..

3.7.31

asyaiva tejo nityaṃ ca citte kurvaṃti yoginaḥ ..

3.7.32

bhaktāḥ pādāmbujaṃ tejaḥ kutastejasvinaṃ vinā .. 15 ..

3.7.33

śṛṇu vipra varṇayāmi yaśodānandayostapaḥ ..

3.7.34

rohiṇyāśca yato hetordadṛśuste harermukham .. 16 ..

3.7.35

vasūnāṃ pravaro nando nāmnā droṇastapodhanaḥ ..

3.7.36

tasya patnī dharā sādhvī yaśodā sā tapasvinī ..17..

3.7.37

rohiṇī sarpamātā ca kadrūśca sarpakāriṇī ..

3.7.38

eteṣāṃ janmacaritaṃ nibodha kathayāmi te.. 18 ..

3.7.39

ekadā ca dharā droṇau parvate gandhamādane ..

3.7.40

puṇyade bhārate varṣe gautamāśramasannidhau .. 19 ..

3.7.41

cakratuśca tapastatra varṣāṇāmayutaṃ mune ..

3.7.42

śrīkṛṣṇadarśanārthaṃ ca nirjane suprabhātaṭe .. 4.9.20 ..

3.7.43

na dadarśa hariṃ droṇo dharā caiva tapasvinī ..

3.7.44

kṛtvāgnikuṃḍaṃ vairāgyātpraveṣṭuṃ samupasthitau..21..

3.7.45

tau martukāmau dṛṣṭvā ca vāgbabhūvāśarīriṇī ..

3.7.46

drakṣyathaḥ śrīhariṃ pṛthvyāṃ gokule putrarūpiṇam .. 22 ..

3.7.47

janmāṃtare vasuśreṣṭha durdarśaṃ yogināṃ vibhum..

3.7.48

dhyānāsādhyaṃ ca viduṣāṃ brahmādīnāṃ ca vaṃditam .. 23 ..

3.7.49

śrutvaivaṃ taddharādroṇau jagmatuḥ svālayaṃ sukhāt ..

3.7.50

labdhvā tu bhārate janma dṛṣṭaṃ tābhyāṃ harermukham .. 24 ..

3.7.51

yaśodānaṃdayorevaṃ kathitaṃ caritaṃ tava ..

3.7.52

sugopyaṃ tridaśānāṃ ca rohiṇīcaritaṃ śṛṇu .. 25 ..

3.7.53

ekadā devamātā ca puṣpotsavadine satī ..

3.7.54

vijñāpanaṃ caradvārā cakāra kaśyapaṃ mune .. 26 ..

3.7.55

susnātā suṃdarī devī ratnālaṃkāra bhūṣitā ..

3.7.56

cakāra veṣaṃ vividhaṃ dadarśa darpaṇe mukham .. 27 ..

3.7.57

kastūrībiṃdunā sārddhaṃ siṃdūrabiṃdusaṃyutam ..

3.7.58

ratnakuṃḍalaśobhāḍhyaṃ patrābharaṇabhūṣitam .. 28 ..

3.7.59

gajamauktikasaṃyuktaṃ nāsāgraṃ sumanoharam ..

3.7.60

śaratpārvaṇacaṃdrāsyaṃ śaratpaṃkajalocanam .. 29 ..

3.7.61

vakrabhrūbhaṃginā yuktaṃ vicitrakajjalojjvalam ..

3.7.62

pakvadāḍimabījābhadaṃtapaṃktivirājitam .. 4.9.30 ..

3.7.63

pakvabiṃbādharauṣṭhaṃ ca sasmitaṃ suṃdaraṃ sadā ..

3.7.64

atīva kamanīyaṃ ca munīṃdracittamohanam .. 31 ..

3.7.65

evaṃbhūtaṃ mukhaṃ dṛṣṭvā suṃdarī svagṛhe sthitā ..

3.7.66

paśyaṃtī patimārgaṃ ca kāmabāṇaprapīḍitā .. 32 ..

3.7.67

śuśrāva vārtāmaditiḥ kaśyapaṃ kadrusaṃyutam ..

3.7.68

ratnasārasamāraṃbhe tasyā vakṣasthale sthitam .. 33 ..

3.7.69

śrutvā cukopa sādhvī sā hatāśā ratikātarā ..

3.7.70

na śaśāpa patiṃ premṇā śaśāpa sarpamātaram .. 34 ..

3.7.71

na devālayayogyā sā dharmiṣṭhā dharmanāśinī ..

3.7.72

dūraṃ gacchatu svarlokādātmayoniṃ ca mānavīm .. 35 ..

3.7.73

śrutvaivaṃ sā caradvārā śaśāpa devamātaram ..

3.7.74

sā caivaṃ mānavīṃ yoniṃ yātu martye jarāyutām .. 36 ..

3.7.75

kaśyapo bodhayāmāsa kadruṃ ca sarpamātaram ..

3.7.76

kāle yāsyasi martyaṃ ca mayā saha śucismite .. 37 ..

3.7.77

tyaja bhītiṃ labha sukhaṃ drakṣyasi śrīharermukham..

3.7.78

evamuktvā kaśyapaśca jagāma cāditergṛham ..38..

3.7.79

vāṃchāṃ pūrṇāṃ ca tasyāśca cakāra bhagavānvibhuḥ ..

3.7.80

ṛtau tatra maheṃdraśca babhūva ca surarṣabhaḥ ..39..

3.7.81

aditirdevakī caiva sarpamātā ca rohiṇī ..

3.7.82

kaśyapo vasudevaśca śrīkṛṣṇajanako mahān .. 4.9.40 ..

3.7.83

rahasyaṃ gopanīyaṃ ca sarvaṃ nigaditaṃ mune ..

3.7.84

adhunā baladevasya janmākhyānaṃ mune śṛṇu .. 41 ..

3.7.85

anaṃtasyāprameyasya sahasraśirasaḥ prabhoḥ ..

3.7.86

rohiṇī vasudevasya bhāryāratnaṃ ca preyasī .. 42 ..

3.7.87

jagāma gokulaṃ sādhvī vasudevājñayā mune ..

3.7.88

saṃkarṣaṇasya rakṣārthaṃ kaṃsabhītā palāyitā .. 43 ..

3.7.89

devakyāḥ saptamaṃ garbhaṃ māyā kṛṣṇājñayā tadā ..

3.7.90

rohiṇyā jaṭhare tatra sthāpayāmāsa gokule .. 44 ..

3.7.91

saṃsthāpya ca tadā garbhaṃ kailāsaṃ sā jagāma ha ..

3.7.92

dināṃtare katipaye rohiṇī naṃdamaṃdire .. 45 ..

3.7.93

suṣāva putraṃ kṛṣṇāṃśaṃ taptaraupyābhamīśvaram ..

3.7.94

īṣaddhāsyaṃ prasannāsyaṃ jvalaṃtaṃ brahmatejasā .. 46 ..

3.7.95

tasyaiva janmamātreṇa devā mumudire tadā ..

3.7.96

svarge duṃdubhayo nedurānakā murajādayaḥ .. 47 ..

3.7.97

jayaśabdaṃ śaṃkhaśabdaṃ cakrurdevā mudānvitāḥ ..

3.7.98

naṃdo hṛṣṭo brāhmaṇebhyo dhanaṃ bahuvidhaṃ dadau .. 48 ..

3.7.99

ciccheda nāḍīṃ dhātrī ca snāpayāmāsa bālakam ..

3.7.100

jayaśabdaṃ jagurgopyaḥ sarvābha raṇabhūṣitāḥ .. 49 ..

3.7.101

paraputrotsavaṃ naṃdaścakāra paramādarāt ..

3.7.102

tadā yaśodā gopībhyo brāhmaṇebhyo dadau mudā .. 4.9.50 ..

3.7.103

dhanāni nānāvastūni tailaṃ siṃdūrameva ca ..

3.7.104

ityevaṃ kathitaṃ vatsa yaśodānaṃdayostapaḥ .. 51 ..

3.7.105

janmākhyānaṃ ca halino rohiṇīcaritaṃ tathā ..

3.7.106

adhunā te vāṃchanīyaṃ naṃdaputrotsavaṃ śṛṇu .. 52 ..

3.7.107

sukhadaṃ mokṣadaṃ sāraṃ janmamṛtyujarāpaham ..

3.7.108

maṃgalaṃ kṛṣṇacaritaṃ vaiṣṇavānāṃ ca jīvanam .. 53 ..

3.7.109

sarvāśubhavināśaṃ ca bhaktidāsyapradaṃ hareḥ ..

3.7.110

śrīkṛṣṇaṃ vasudevaśca saṃsthāpya naṃdamaṃdire .. 54 ..

3.7.111

gṛhītvā bālikāṃ hṛṣṭo jagāma nijamaṃdiram ..

3.7.112

kathitaṃ caritaṃ tasyāḥ śrutaṃ saṃmukhato mune .. 55 ..

3.7.113

adhunā gokule kṛṣṇacaritaṃ śṛṇu maṃgalam ..

3.7.114

vasudeve gṛhaṃ yāte yaśodā naṃda eva ca .. 56 ..

3.7.115

maṃgale sūtikāgāre jayāgāre jayānvite ..

3.7.116

dadarśa putraṃ bhūmisthaṃ navīnanīradaprabham ..57..

3.7.117

atīva suṃdaraṃ nagnaṃ paśyaṃtaṃ gṛhaśekharam ..

3.7.118

śaratpārvaṇacaṃdrāsyaṃ nīleṃdīvaralocanam .. 58 ..

3.7.119

rudaṃtaṃ ca hasaṃtaṃ c veṇusaṃsaktavigraham ..

3.7.120

hastadvayaṃ suvinyastaṃ premavaṃtaṃ padāṃbujam .. 59 ..

3.7.121

dṛṣṭvā naṃdaḥ striyā sārddhaṃ hariṃ hṛṣṭo babhūva ha ..

3.7.122

dhātrī taṃ snāpayāmāsa śītatoyena bālakam .. 4.9.60 ..

3.7.123

ciccheda nāḍīṃ bālasya harṣādgopyo jayaṃ daduḥ ..

3.7.124

ājagmurgopikāḥ sarvā bṛhacchroṇyaścalatkucāḥ .. 61 ..

3.7.125

bālikāśca vayasyaśca viprapatnyāśca sūtikām ..

3.7.126

āśiṣaṃ yuyujuḥ sarvā dadṛśurbālakaṃ mudā .. 62 ..

3.7.127

kroḍe cakruḥ praśaṃsaṃtya ūṣustatra ca kāścana ..

3.7.128

naṃdaḥ sacailaḥ snātaśca dhṛtvā dhaute ca vāsasī .. 63 ..

3.7.129

pāraṃparyavidhiṃ tatra cakāra hṛṣṭamānasaḥ ..

3.7.130

brāhmaṇānbhojayāmāsa kārayāmāsa maṃgalam .. 64 ..

3.7.131

vādyāni vādayāmāsa baṃdibhyaśca dadau dhanam ..

3.7.132

tato naṃdaśca sānaṃdaṃ brāhmaṇebhyo dadau dhanam .. 65 ..

3.7.133

sadratnāni pravālāni hīrakāṇi ca sādaram ..

3.7.134

tilānāṃ parvatānsapta suvarṇaśatakaṃ mune .. 66 ..

3.7.135

raupyaṃ dhānyācalaṃ vastraṃ gosahasraṃ manoharam ..

3.7.136

dadhi dugdhaṃ śarkarāṃ ca navanītaṃ ghṛtaṃ madhu .. 67 ..

3.7.137

miṣṭānnaṃ sallaḍḍukaughaṃ svādūni modakāni ca ..

3.7.138

bhūmiṃ ca sarvasasyāḍhyāṃ vāyuvegāṃsturaṃgamān .. 68 ..

3.7.139

tāṃbūlāni ca tailāni dattvā hṛṣṭo babhūva ha ..

3.7.140

rakṣituṃ sūtikāgāraṃ yojayāmāsa brāhmaṇān .. 69 ..

3.7.141

tatra maṃtrajñamanujānsthavirāngopikāgaṇān ..

3.7.142

vedāṃśca pāṭhayāmāsa harernāmaikamaṃgalam .. 4.9.70 ..

3.7.143

bhaktyā ca brāhmaṇadvārā pūjayāmāsa devatāḥ ..

3.7.144

gopālikāśca vṛddhāśca ratnālaṃkārabhūṣitāḥ .. 71 ..

3.7.145

sasmitā śīghragāminya ājagmurnaṃdamaṃdiram ..

3.7.146

nānāvidhāśca gaṇakā jyotiḥśāstraviśāradāḥ.. 72 ..

3.7.147

vāksiddhāḥ pustakakarā ājagmurnaṃdamaṃdiram ..

3.7.148

sasmitā viprapatnyaśca vayasyāḥ sthavirā varāḥ .. 73 ..

3.7.149

bālikā bālakayutā ājagmurnaṃdamaṃdiram ..

3.7.150

tebhyo'pi pradadau ratnaṃ dhanāni vividhāni ca.. 74 ..

3.7.151

varavastrāṇi raupyāṇi gosahasrāṇi sādaram ..

3.7.152

naṃdastebhyo namaskṛtya cakāra vinayaṃ mudā .. 75 ..

3.7.153

āśiṣaṃ yuyujuḥ sarve dadṛśurbālakaṃ param ..

3.7.154

evaṃ saṃbhṛtasaṃbhāro babhūva vrajapuṃgavaḥ ..76..

3.7.155

gaṇakaiḥ kārayāmāsa yadbhaviṣyaṃ śubhāśubham ..

3.7.156

evaṃ vavardha bālaśca śuklapakṣe yathā śaśī .. 77 ..

3.7.157

naṃdālaye halī caiva bhukta mātuḥ payodharam ..

3.7.158

tadā ca rohiṇī hṛṣṭā tatra putrotsave mudā ..78..

3.7.159

tailasiṃdūratāṃbūlaṃ dhanaṃ tābhyo dadau mune ..

3.7.160

dattvāśiṣaśca śirasi tāśca te svālayaṃ yayuḥ .. 79 ..

3.7.161

yaśodārohiṇīnaṃdāstasthurgehe mudānvitāḥ .. 4.9.80 ..

3.7.162

iti śrībrahmavaivarte mahāpurāṇe śrīkṛ ṣṇajanmakhaṃḍe nārāyaṇanāradasaṃvāde naṃdaputrotsavo nāma navamo'dhyāyaḥ .. 9 ..

Linked texts (3)