Brahmavaivartapurana 3.78: adhyāyaḥ 80

Brahmavaivartapurāṇa 3.78

Language: Sanskrit

adhyāyaḥ 80

3.78.1

athāśotitamo'dhyāyaḥ
śrīkṛṣṇa uvāca
purā tārā guroḥ patnī navayauvanasaṃyutā .
ratnabhūṣaṇabhūṣāḍhyā varasūkṣmāmbarā satī .. 1 ..

3.78.2

suśroṇī sasmitā ramya sundarī sumanoharā .
atīva kabarīramyā mālatīmālyabhūṣitā .. 2 ..

3.78.3

mindūrabindunā sākaṃ cārucaṃdanabindubhi. .
kastūrībindunā'dhaśca bhālamadhyasthalojjvalā .. 3 ..

3.78.4

ratnendrasāranirmāṇakvaṇanmañjīrarañjitā .
suvakralocanā śyāmā sucārukajjalojjvalā .. 4 ..

3.78.5

sucārusāramuktābhadantapaṅktimanoharā .
ratnakuṇḍalayugmena cārugaṇḍasthalojjvalā .. 5 ..

3.78.6

kāminīṣvatulā bālā gajendramandagāminī .
sukomalā candramukhī kāmādhārā ca kāmukī .. 6 ..

3.78.7

svargamandākinītīre snātā snigdhāmbarā varā .
dhyāyantī gurupādaṃ sā svagṛhaṃ gamanonmukhī .. 7 ..

3.78.8

dṛṣṭvā tasyāśca sarvāṅgamanaṅgabāṇapīḍitaḥ .
bhādre caturthyāṃ candraśca jahāra cetanāṃ vraja .. 8 ..

3.78.9

jñānaṃ kṣaṇena saṃprāpya rathastho ramiko balī .
rathamārohayāmāsa kare dhṛtvā ca tārakam .. 9 ..

3.78.10

kāmonmattaḥ kāminīṃ tāṃ samāśliṣya cucumba ca .
śṛṅgāraṃ kartumudyuktaṃ tamuvāca gurupriyā .. 10 ..

3.78.11

tārakovāca
tyaja māṃ tyaja māṃ candra sureṣu kulapāṃsana .
gurupatnīṃ brāhmaṇīṃ ca pātivratyaparāyaṇām .. 11 ..

3.78.12

gurupatnīsaṃgamane brahmahatyāśataṃ bhavet .
gurupatnī viprapatnī yadi sā ca pativratā .. 12 ..

3.78.13

brahmahatyāsahasraṃ ca tasyāḥ saṃgamane labhet .
putrastvaṃ tava mātā'haṃ dhairya kuru sureśvāra .. 13 ..

3.78.14

dhiktvāṃ śrutvā suragururbhasmībhūtaṃ kariṣyati .
putrādhikaśca śiṣyaśca priyo matsvāmino bhavān .. 14 ..

3.78.15

svadharma rakṣa pāpiṣṭha māmevaṃ mātaraṃ tyaja .
dāsyāmi strīvadhaṃ tumyaṃ yadimāṃ saṃgrahīṣyasi .. 15 ..

3.78.16

vilaṅdhya tārāvacanaṃ tāṃ ca saṃbhoktumudyatam .
śaśāpa tārā kopena niṣkāmā sā pativratā .. 16 ..

3.78.17

rāhugrasto ghanagrastaḥ pāpadṛśyo bhavānbhava .
kalaṅkī yakṣmaṇā grasto bhaviṣyasi na saṃśayaḥ .. 17 ..

3.78.18

candraṃ śaptvā tadā tūrṇa kāmadevaṃ śaśāpa sā .
tejasvinā kenacittvaṃ bhasmībhūto bhaviṣyasi .. 18 ..

3.78.19

candrastārāṃ gṛhītvā ca kṛtvā'pi ramaṇaṃ vraja .
kroḍenidhāya prayayau rudatīṃ tā śucā'nvitām .. 19 ..

3.78.20

nirjane nirjane ramye śaile śaile manohare .
saronadanadīnāṃ ca tīre tīre manohare .. 20 ..

3.78.21

madhuvratapikokte ca puṣpodyāne supuṣpite .
ramyāyāṃ puṣpaśathyāyāṃ sa reme rāmayā saha .. 21 ..

3.78.22

cadanokṣitasarvāṅgo madhupānarataḥ suraḥ .
sukhasaṃbhogasaṃsakto bubudhe na divāniśam .. 22 ..

3.78.23

malaye malayāraṇye malayānilasaṃyute .
syandane candanavane paścimodadhisaṃnidhau .. 23 ..

3.78.24

trikūṭe vaṭamūle ca tatra candrasarovare .
sucāruśatapatrāṇāṃ patre candanacarcite .. 24 ..

3.78.25

sucārucampakodyāne campakānilapūjite .
kṣīrodakāñcanībhūmau krauñcakāñcanaparvate .. 25 ..

3.78.26

ratnaśaile maṇimaye maṇimandirasundare .
māṇikyamuktāsāreṇa hīrahāreṇa śobhite .. 26 ..

3.78.27

sucāruvastracitrāḍhye śvetacāmāradarpaṇaiḥ .
bhūṣite ratnadīpaiśca devakrīḍe priyasthale .. 27 ..

3.78.28

vāruṇīṃ madirāṃ pītvā varuṇānīsamanvitaḥ .
baruṇo ramate yatra tatra reme tayā saha .. 28 ..

3.78.29

pāvane pavanodyāne parijātānilena ca .
sugandhimohite ratnamālātīre ca nirmale .. 29 ..

3.78.30

ṛkṣaśaile kalpavṛkṣavane vahnipriyāśrame .
papau ca kāmadhenūnāṃ kṣīraṃ kṣīrodadhestaṭe .. 30 ..

3.78.31

vahniśuddhāṃśukayugaṃ vahnistasmai dadau mudā .
varuṇo ratnamālāṃ ca natnacchatraṃ samīraṇaḥ .. 31 ..

3.78.32

tatra dṛṣṭvā'suraguraṃ baligehātsamāgatam .
praṇamya sarvamuktvā ca candrastaṃ śaraṇaṃ yayau .. 32 ..

3.78.33

śukrastaṃ bodhayāmāsa vacanaṃ nītiyuktitaḥ .
nirapekṣo suniśreṣṭho vedavedāṅgapāragaḥ .. 33 ..

3.78.34

śukra uvāca
śṛṇu vatsa pravakṣyāmi gurave dehi tārakām .
śaṃbhośca suruputrāya pautrāya brahmaṇaśca vai .. 34 ..

3.78.35

pūjitāya surārṇā ca deyā tasmai niśāpate .
priyāya tatpriryāṃ dattavā śīghraṃ tvaṃ śaraṇaṃ vraja .. 35 ..

3.78.36

gurupatnīṃ mātṛtulyāṃ tyaja sadvacanādvidho .
kuru pāpakṣayaṃ pāpanivṛttistu mahāphalā .. 36 ..

3.78.37

satīnāṃ gurupatnīrnāṃ grahaṇe ca balena ca .
brahmahatyāsahasrārṇāṃ pātakaṃ labhate janaḥ .. 37 ..

3.78.38

kumbhīpāke ca pacyante yāvadvai brahmaṇaḥ śatam .
sāmyaṃ nārāyaṇasthāne tṛṇaparvatayoḥ sura .. 38 ..

3.78.39

kastvaṃ vatsa hareḥ sthāne karmabhogo'sti brahmaṇaḥ .
nārāyaṇāśrītāḥ sarve jīvinastrividhā bhave .. 39 ..

3.78.40

iti śrībrahmao mahāo śrīkṛṣṇajanmakhao uttao nāradanāo
bhagavannandasaṃo tārāharaṇe'śītitamo'dhyāyaḥ .. 80 ..