[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Brahmavaivartapurana](https://indike.org/pramana/in.purana.brahmavaivarta) › 3.78 # Brahmavaivartapurana 3.78: adhyāyaḥ 80 Brahmavaivartapurāṇa 3.78 - **Language:** Sanskrit ### adhyāyaḥ 80 ### [3.78.1](https://indike.org/pramana/in.purana.brahmavaivarta.3.78.1) athāśotitamo'dhyāyaḥ śrīkṛṣṇa uvāca purā tārā guroḥ patnī navayauvanasaṃyutā . ratnabhūṣaṇabhūṣāḍhyā varasūkṣmāmbarā satī .. 1 .. ### [3.78.2](https://indike.org/pramana/in.purana.brahmavaivarta.3.78.2) suśroṇī sasmitā ramya sundarī sumanoharā . atīva kabarīramyā mālatīmālyabhūṣitā .. 2 .. ### [3.78.3](https://indike.org/pramana/in.purana.brahmavaivarta.3.78.3) mindūrabindunā sākaṃ cārucaṃdanabindubhi. . kastūrībindunā'dhaśca bhālamadhyasthalojjvalā .. 3 .. ### [3.78.4](https://indike.org/pramana/in.purana.brahmavaivarta.3.78.4) ratnendrasāranirmāṇakvaṇanmañjīrarañjitā . suvakralocanā śyāmā sucārukajjalojjvalā .. 4 .. ### [3.78.5](https://indike.org/pramana/in.purana.brahmavaivarta.3.78.5) sucārusāramuktābhadantapaṅktimanoharā . ratnakuṇḍalayugmena cārugaṇḍasthalojjvalā .. 5 .. ### [3.78.6](https://indike.org/pramana/in.purana.brahmavaivarta.3.78.6) kāminīṣvatulā bālā gajendramandagāminī . sukomalā candramukhī kāmādhārā ca kāmukī .. 6 .. ### [3.78.7](https://indike.org/pramana/in.purana.brahmavaivarta.3.78.7) svargamandākinītīre snātā snigdhāmbarā varā . dhyāyantī gurupādaṃ sā svagṛhaṃ gamanonmukhī .. 7 .. ### [3.78.8](https://indike.org/pramana/in.purana.brahmavaivarta.3.78.8) dṛṣṭvā tasyāśca sarvāṅgamanaṅgabāṇapīḍitaḥ . bhādre caturthyāṃ candraśca jahāra cetanāṃ vraja .. 8 .. ### [3.78.9](https://indike.org/pramana/in.purana.brahmavaivarta.3.78.9) jñānaṃ kṣaṇena saṃprāpya rathastho ramiko balī . rathamārohayāmāsa kare dhṛtvā ca tārakam .. 9 .. ### [3.78.10](https://indike.org/pramana/in.purana.brahmavaivarta.3.78.10) kāmonmattaḥ kāminīṃ tāṃ samāśliṣya cucumba ca . śṛṅgāraṃ kartumudyuktaṃ tamuvāca gurupriyā .. 10 .. ### [3.78.11](https://indike.org/pramana/in.purana.brahmavaivarta.3.78.11) tārakovāca tyaja māṃ tyaja māṃ candra sureṣu kulapāṃsana . gurupatnīṃ brāhmaṇīṃ ca pātivratyaparāyaṇām .. 11 .. ### [3.78.12](https://indike.org/pramana/in.purana.brahmavaivarta.3.78.12) gurupatnīsaṃgamane brahmahatyāśataṃ bhavet . gurupatnī viprapatnī yadi sā ca pativratā .. 12 .. ### [3.78.13](https://indike.org/pramana/in.purana.brahmavaivarta.3.78.13) brahmahatyāsahasraṃ ca tasyāḥ saṃgamane labhet . putrastvaṃ tava mātā'haṃ dhairya kuru sureśvāra .. 13 .. ### [3.78.14](https://indike.org/pramana/in.purana.brahmavaivarta.3.78.14) dhiktvāṃ śrutvā suragururbhasmībhūtaṃ kariṣyati . putrādhikaśca śiṣyaśca priyo matsvāmino bhavān .. 14 .. ### [3.78.15](https://indike.org/pramana/in.purana.brahmavaivarta.3.78.15) svadharma rakṣa pāpiṣṭha māmevaṃ mātaraṃ tyaja . dāsyāmi strīvadhaṃ tumyaṃ yadimāṃ saṃgrahīṣyasi .. 15 .. ### [3.78.16](https://indike.org/pramana/in.purana.brahmavaivarta.3.78.16) vilaṅdhya tārāvacanaṃ tāṃ ca saṃbhoktumudyatam . śaśāpa tārā kopena niṣkāmā sā pativratā .. 16 .. ### [3.78.17](https://indike.org/pramana/in.purana.brahmavaivarta.3.78.17) rāhugrasto ghanagrastaḥ pāpadṛśyo bhavānbhava . kalaṅkī yakṣmaṇā grasto bhaviṣyasi na saṃśayaḥ .. 17 .. ### [3.78.18](https://indike.org/pramana/in.purana.brahmavaivarta.3.78.18) candraṃ śaptvā tadā tūrṇa kāmadevaṃ śaśāpa sā . tejasvinā kenacittvaṃ bhasmībhūto bhaviṣyasi .. 18 .. ### [3.78.19](https://indike.org/pramana/in.purana.brahmavaivarta.3.78.19) candrastārāṃ gṛhītvā ca kṛtvā'pi ramaṇaṃ vraja . kroḍenidhāya prayayau rudatīṃ tā śucā'nvitām .. 19 .. ### [3.78.20](https://indike.org/pramana/in.purana.brahmavaivarta.3.78.20) nirjane nirjane ramye śaile śaile manohare . saronadanadīnāṃ ca tīre tīre manohare .. 20 .. ### [3.78.21](https://indike.org/pramana/in.purana.brahmavaivarta.3.78.21) madhuvratapikokte ca puṣpodyāne supuṣpite . ramyāyāṃ puṣpaśathyāyāṃ sa reme rāmayā saha .. 21 .. ### [3.78.22](https://indike.org/pramana/in.purana.brahmavaivarta.3.78.22) cadanokṣitasarvāṅgo madhupānarataḥ suraḥ . sukhasaṃbhogasaṃsakto bubudhe na divāniśam .. 22 .. ### [3.78.23](https://indike.org/pramana/in.purana.brahmavaivarta.3.78.23) malaye malayāraṇye malayānilasaṃyute . syandane candanavane paścimodadhisaṃnidhau .. 23 .. ### [3.78.24](https://indike.org/pramana/in.purana.brahmavaivarta.3.78.24) trikūṭe vaṭamūle ca tatra candrasarovare . sucāruśatapatrāṇāṃ patre candanacarcite .. 24 .. ### [3.78.25](https://indike.org/pramana/in.purana.brahmavaivarta.3.78.25) sucārucampakodyāne campakānilapūjite . kṣīrodakāñcanībhūmau krauñcakāñcanaparvate .. 25 .. ### [3.78.26](https://indike.org/pramana/in.purana.brahmavaivarta.3.78.26) ratnaśaile maṇimaye maṇimandirasundare . māṇikyamuktāsāreṇa hīrahāreṇa śobhite .. 26 .. ### [3.78.27](https://indike.org/pramana/in.purana.brahmavaivarta.3.78.27) sucāruvastracitrāḍhye śvetacāmāradarpaṇaiḥ . bhūṣite ratnadīpaiśca devakrīḍe priyasthale .. 27 .. ### [3.78.28](https://indike.org/pramana/in.purana.brahmavaivarta.3.78.28) vāruṇīṃ madirāṃ pītvā varuṇānīsamanvitaḥ . baruṇo ramate yatra tatra reme tayā saha .. 28 .. ### [3.78.29](https://indike.org/pramana/in.purana.brahmavaivarta.3.78.29) pāvane pavanodyāne parijātānilena ca . sugandhimohite ratnamālātīre ca nirmale .. 29 .. ### [3.78.30](https://indike.org/pramana/in.purana.brahmavaivarta.3.78.30) ṛkṣaśaile kalpavṛkṣavane vahnipriyāśrame . papau ca kāmadhenūnāṃ kṣīraṃ kṣīrodadhestaṭe .. 30 .. ### [3.78.31](https://indike.org/pramana/in.purana.brahmavaivarta.3.78.31) vahniśuddhāṃśukayugaṃ vahnistasmai dadau mudā . varuṇo ratnamālāṃ ca natnacchatraṃ samīraṇaḥ .. 31 .. ### [3.78.32](https://indike.org/pramana/in.purana.brahmavaivarta.3.78.32) tatra dṛṣṭvā'suraguraṃ baligehātsamāgatam . praṇamya sarvamuktvā ca candrastaṃ śaraṇaṃ yayau .. 32 .. ### [3.78.33](https://indike.org/pramana/in.purana.brahmavaivarta.3.78.33) śukrastaṃ bodhayāmāsa vacanaṃ nītiyuktitaḥ . nirapekṣo suniśreṣṭho vedavedāṅgapāragaḥ .. 33 .. ### [3.78.34](https://indike.org/pramana/in.purana.brahmavaivarta.3.78.34) śukra uvāca śṛṇu vatsa pravakṣyāmi gurave dehi tārakām . śaṃbhośca suruputrāya pautrāya brahmaṇaśca vai .. 34 .. ### [3.78.35](https://indike.org/pramana/in.purana.brahmavaivarta.3.78.35) pūjitāya surārṇā ca deyā tasmai niśāpate . priyāya tatpriryāṃ dattavā śīghraṃ tvaṃ śaraṇaṃ vraja .. 35 .. ### [3.78.36](https://indike.org/pramana/in.purana.brahmavaivarta.3.78.36) gurupatnīṃ mātṛtulyāṃ tyaja sadvacanādvidho . kuru pāpakṣayaṃ pāpanivṛttistu mahāphalā .. 36 .. ### [3.78.37](https://indike.org/pramana/in.purana.brahmavaivarta.3.78.37) satīnāṃ gurupatnīrnāṃ grahaṇe ca balena ca . brahmahatyāsahasrārṇāṃ pātakaṃ labhate janaḥ .. 37 .. ### [3.78.38](https://indike.org/pramana/in.purana.brahmavaivarta.3.78.38) kumbhīpāke ca pacyante yāvadvai brahmaṇaḥ śatam . sāmyaṃ nārāyaṇasthāne tṛṇaparvatayoḥ sura .. 38 .. ### [3.78.39](https://indike.org/pramana/in.purana.brahmavaivarta.3.78.39) kastvaṃ vatsa hareḥ sthāne karmabhogo'sti brahmaṇaḥ . nārāyaṇāśrītāḥ sarve jīvinastrividhā bhave .. 39 .. ### [3.78.40](https://indike.org/pramana/in.purana.brahmavaivarta.3.78.40) iti śrībrahmao mahāo śrīkṛṣṇajanmakhao uttao nāradanāo bhagavannandasaṃo tārāharaṇe'śītitamo'dhyāyaḥ .. 80 .. ## Linked texts (1) - [Kṛṣṇajanmakhaṇḍa](https://indike.org/pramana/in.purana.krsnajanmakhanda.91.1) — Sanskrit --- Source: [https://indike.org/pramana/in.purana.brahmavaivarta.3.78](https://indike.org/pramana/in.purana.brahmavaivarta.3.78) · Pramāṇa