Brahmavaivartapurana 3.79: adhyāyaḥ 71
Brahmavaivartapurāṇa 3.79
- Language
- Sanskrit
adhyāyaḥ 71
3.79.1
athaikāśītitamo'dhyāyaḥ
3.79.2
śrīkṛṣṇa uvāya
etasminnantare śukraḥ suraśreṇīṃ dadarśa saḥ .
ākāśamārgādāyāntīṃ raṇaśastrāstradhāriṇīm .. 1 ..
3.79.3
patākānāṃ trikoṭiśca śatakoṭirmahārathāḥ .
śatakoṭirgajendrāṇāṃ rathānāṃ taccaturguṇam .. 2 ..
3.79.4
aśvānāṃ tatchataguṇaṃ samūhaṃ ca sudāruṇam .
padātīnāṃ samūhaṃ ca turaṅgebhyaśca ṣaḍguṇam .. 3 ..
3.79.5
duṃdūbhīvādyabhāṇḍānāṃ pañcalakṣaṃ tathaiva ca .
paṭahānāṃ trilakṣaṃ ca ḍiṇḍimānāṃ dvilakṣakam .. 4 ..
3.79.6
airāvate mahendraṃ ca śvetāśve dharmameva ca .
kuberaṃ varuṇaṃ vahniṃ rathasthaṃ pavanaṃ tathā .. 5 ..
3.79.7
mahiṣasthaṃ yamaṃ caiva syandanasthaṃ divākaram .
īśānaṃ ca vṛṣendrasthamanantaṃ nāgavāham .. 6 ..
3.79.8
ādityāṃśca vasūnrudrānsiddhagandharvākinnarān .
jīvanmuktamunīnāṃ ca samīhaṃ sūryavarcasam .. 7 ..
3.79.9
tāndṛṣṭvā nirbhayaḥ śukraḥ samāśvāsya niśākaram .
surāṇāṃ dviguṇaṃ sainyamājuhāva vrajeśvara .. 8 ..
3.79.10
ratnamālānadītīre hutāśanapriyāśrame .
tatra tasthau daityasainyaṃ puṇyakṣīrodadhestaṭe .. 9 ..
3.79.11
etasminnantare śukraḥ samīpe sarasastaṭe .
puṇyāśrame'kṣayavaṭe surasainyātsamāgatam .. 10 ..
3.79.12
dadarśa vṛṣabhasthaṃ ca śaṃkaraṃ sarvaṃśaṃkaram .
triśūlapaṭṭīśadharaṃ vyāghracarmāmbaraṃ varam .. 11 ..
3.79.13
tejaḥsvarūpaṃ paramaṃ bhaktānugrahavigraham .
sardasaṃpatpradātāraṃ sarvajñaṃ sarvakāraṇam .. 12 ..
3.79.14
sarveśvaraṃ sarvapūjyaṃ sarvahūpaṃ sanātanam .
śaraṇāgatadīnārtaṃ paritrāṇaparāyaṇam .. 13 ..
3.79.15
sasmitaṃ paramātmānaṃ jvalantaṃ brahmatejasā .
saṃtrastaḥ sahasotthāya praṇanāma padāmbuje .. 14 ..
3.79.16
dadau śubhāśiṣaṃ tasmai suprasannaḥ parātparaḥ .
ratnasiṃhāsane taṃ ca vāsayāmāsa sādaram .. 15 ..
3.79.17
atha tatrāntare vipraṃ puratastaṃ dadarśa saḥ .
śāntaṃ svayaṃ vidhātāraṃ ratnasyandanamundaram .. 16 ..
3.79.18
vahniśuddhāṃśukādhānaṃ ratnamālāvibhūṣitam .
prasannaṃ susmitaṃ śuddhaṃ jagatāmīśvaraṃ param .. 17 ..
3.79.19
karmaṇāṃ phaladātāraṃ taporūpaṃ tapaśvinām .
vedānāṃ janakaṃ vedaprasūṃ kāntaṃ manoharam .. 18 ..
3.79.20
puṭāñjalistadā trastaḥ praṇanāma sureśvaram .
ratnasiṃhāsane ramye vāsayāmāsa bhaktitaḥ .. 19 ..
3.79.21
pūjāṃ cakāra bhaktyā ca tayoścaraṇapaṅkaje .
nocitaṃ kuśalapraśnaṃ tayoḥ kalyāṇameva ca .. 20 ..
3.79.22
vidhātā jagatāṃ nanda śakācāryaṃ purasthitam .
sunītiṃ kathayāmāsa yatnataḥ śaṃmusaṃmataḥ .. 21 ..
3.79.23
śrṛṇu śukra pravakṣyāmi turnītiṃ śaśinaḥ suta .
lajjākāraṃ trijagatāṃ karma vedabahiṣkṛtam .. 22 ..
3.79.24
snātvā gṛhonmukhīṃ tārāṃ gurupatnīṃ pativratām .
gṛhītvā śaraṇāpannastvayi pāpaśca saṃpratam .. 23 ..
3.79.25
prastutaṃ devasainyaṃ ca paśya vatsa raṇodyatam .
ahaṃ śaṃbhustvatsamīpaṃ tadarthaṃ ca samāgatau .. 24 ..
3.79.26
śaṃbhuruvāca
candramānaya he vipra yadyātmaśivamicchasi .
saṃhariṣye sirastasya triśūrena ca pāpinaḥ .. 25 ..
3.79.27
anyathā saṃhariṣyāmi sarvadaityānkṣaṇena ca .
mayi ruṣṭe rakṣitā ko daityānāṃ ca bhaveddvija .. 26 ..
3.79.28
sadyaḥ pāśupatenaiva vāyvastreṇa ca rsāṃpratam .
surāṇāṃ ripuvargaṃ ca hariṣyāmi ca līlayā .. 27 ..
3.79.29
durvāsaso madaṃśasya gurustasyāṅgirā suniḥ .
parasparācca saṃbandhādguruputro gururmama .. 28 ..
3.79.30
bṛhaspatiśca tejasvī taṃ bhasmīkartumīśvaraḥ .
na cakāra kṛpāluścetpriyaśiṣyeṇa hetunā .. 29 ..
3.79.31
utathyapatnīṃ dṛṣṭvā sa purā reme svakāmataḥ .
tatpateḥ śāpato'syaiva paragrastā priyā satī .. 30 ..
3.79.32
patnīṃ madguruputrasya dehi tārrāṃ manoharām .
madvairiṇaṃ ca candraṃ ca bhrādṛbhāryāpahāriṇam .. 31 ..
3.79.33
śaraṇāgatadīnārtaṃ na hi rakṣedyadīśvaraḥ .
pacyate niraye tāvadyāvadindāścatudarśa .. 32 ..
3.79.34
atra nāsti vicāro me pāpiṣṭhe śaraṇāgate .
pāpī yaṃ śaraṇaṃ yāti sa pāpī ca na saṃśayaḥ .. 33 ..
3.79.35
dehi taṃ vipraśārdūla pāpinaṃ mātṛgāminam .
bahiṣkṛtya svāśramācca tārāsādhvīsamanvitam .. 34 ..
3.79.36
śukra uvāca
surāṇāmasurāṇāṃ ca sarveṣāṃ jagatāmapi .
tvameva śāstā bhagavānko vā śāsti sure'sure .. 35 ..
3.79.37
kṛtvā surāṇāṃ sāhāyyaṃ kathaṃ daityānhaniṣyasi .
saṃhartuḥ sarvajagatāṃ daityaudhe kiṃ ca pauruṣam .. 36 ..
3.79.38
tvaṃ jayotiḥ paramaṃ brahma saguṇo nirguṇaḥ svayam .
guṇabhedānmūrtibhedo brahmaviṣṇuśivātmakaḥ .. 37 ..
3.79.39
balidvāre gadāpāṇiḥ svayameva bhavānprabho .
svayaṃ pradattā śakrāya tasmai śrīrapi līlayā .. 38 ..
3.79.40
kṣamasva bhagañchaṃbho hara krodhaṃ ca saṃhara .
kiṃ pauruṣaṃ ca bhavato brahmaṇasyāpi hiṃsayā .. 39 ..
3.79.41
ahaṃ jīvañcharīreṇa na dāsyāmi niśākaram .
śaraṇāgatadīnārtaṃ lajjirvaṃ pāpasaṃyutam .. 40 ..
3.79.42
ahaṃ ca tvatpadāmbhoje śaraṇaṃ yāmi śaṃkara .
yathocitaṃ kuru vibho jagatsarvaṃ tathaiva ca .. 41 ..
3.79.43
śukrasya vacanaṃ śrutvā prasanno bhagavāñchivaḥ .
ityuvāca niśānāthaṃ samānaya śubhaṃ bhavet .. 42 ..
3.79.44
etasminnantare brahmā bodhayitvā kaviṃ vibhuḥ .
samānīya niśānāthaṃ tārakāsahitaṃ vraja .. 43 ..
3.79.45
śaṃbhośca caraṇāmbhoje cakāra ca samarpaṇam .
śaṃbhustaṃ prītiyuktaśca vāsayāmāsa vakṣasi .. 44 ..
3.79.46
dattavā tasmai pādareṇuṃ niṣpāpaṃ ca cakāra saḥ .
dattavā tanmastake hastaṃ kṛpālurabhayaṃ dadau .. 45 ..
3.79.47
kṣīrode snāpayitvā ca prāyaścittena śaṃkaraḥ .
cakāra candraṃ niṣpāpaṃ brahmaṇā sahitaḥ śucim .. 46 ..
3.79.48
yogena candraṃ yogīndro dvikhaṇḍaṃ taṃ cakāra saḥ .
rarakṣārdhaṃ lalāṭe ca so'pyardhaṃ brahmaṇaḥ puraḥ .. 47 ..
3.79.49
ata eva mahādevo babhūva candraśekharaḥ .
mṛgāṅko lajjitastatra kalaṅkīṃ devasaṃsadi .. 48 ..
3.79.50
lajjayā ca svayogena dehatyāgaṃ cakāra saḥ .
taccharīraṃ ca kṣīrode brahmaṇā ca samarpitam .. 49 ..
3.79.51
rurodātriśca kṛbayā śucā kṣīrodadhestaṭe .
atreścakṣurjalaṃ tasya papāta ca jale vraja .. 50 ..
3.79.52
tasmādbabhūva candraśca niṣpāpo devasaṃsadi .
brahmā ca bhagavāñchaṃbhurabhiṣekaṃ cakāra tam ..
3.79.53
uvāca taṃ mahādevo nirbhayaṃ devasaṃsadi .. 51 ..
3.79.54
mahādeva uvāca
svasthānaṃ gaccha putra tvaṃ kuruṣva viṣayaṃ mudā .
paścāttasyāśca śāpenayakṣmagrastobhaviṣyasi .. 52 ..
3.79.55
vyarthaṃ pativratāśāpaṃ kartumīśaścako bhuvi .
madāśiṣā yakṣmaṇaśca pratīkāro bhaviṣyati .. 53 ..
3.79.56
yasmādbhādracaturthyāṃ tu gurupatnīkṣatiḥ kṛtā .
tasmāttasmindine vatsa pāpadṛśyo yuge yuge .. 54 ..
3.79.57
nābhuktaṃ kṣīyate karma kalpakoṭiśatairapi .
avaśyameva bhoktavyaṃ kṛtaṃ karma śubhāśubham .. 55 ..
3.79.58
dehatyāgena he vatsa karmabhogo na naśyati .
prāyaścittānna saṃdeho ṅyastameva bhaviṣyati .. 56 ..
3.79.59
tārābaharaṇāvatsa kalaṅkaścandramaṇḍale .
mṛgākṛtirvilagnaśca bhaviṣyati yuge yuge .. 57 ..
3.79.60
śṛṇu vākyamihā''gaccha tārake ca pativrate .
satyaṃ brūhi kasya garbhaṃtyaktvā śuddhābhava priye .. 58 ..
3.79.61
akāmato balātsādhvī na strī jāreṇa duṣyati .
kāmato narakaṃ yāti yāvaccandradivākarau .. 59 ..
3.79.62
uvāca tārā brahmāṇaṃ garbhaṃ candrasya sasmitam .
jahasurdevatāḥ sarvāḥ śaṃbhuśca munisaṃghakāḥ .. 60 ..
3.79.63
dadau tārāṃ ca gurave lajjitāya vrajeśvara .
bṛhaspatiryayau gehaṃ gṛhītvā ca pativratām .. 61 ..
3.79.64
tayā prasūtaṃ putraṃ ca sundaraṃ kanakaprabham .
gṛhītvāprayayau candaunamaskṛtya vidhiṃ śivām .. 62 ..
3.79.65
yayurdevāśca munayaḥ śaṃbhuśca kamalodbhavaḥ .
prayayau svagṛhaṃ śukrau daityayuktau mudā'nvitaḥ .. 63 ..
3.79.66
etatte kathitaṃ nanda hyākhyānaṃ puṇyadaṃ śubham .
etacchru tvā tu niṣpāpo niṣkalaṅkī naro bhavet .. 64 ..
3.79.67
dhanyaṃ yaśasyamāyuṣyaṃ sarvasaṃpatkaraṃ param .
śokāpanodanaṃ harṣakaraṃ marvatra maṅgalam .. 65 ..
3.79.68
tyaja śokaṃ sadā nanda gṛhaṃ vraja vrajeśvara .
brūhi sarvaṃ yaśodāṃ ca matprasūṃ gopikāgaṇam .. 66 ..
3.79.69
bodhayiṣyasi sarvāṃ tāṃ strījātiṃ śokasaṃyutām .
sadīyajñānadattena harṣayuktaḥ sadā bhava .. 67 ..
3.79.70
iti śrībrahmao mahāo śrīkṛṣṇajanmakhao uttao nāradanāo tārāharaṇaṃ
nāmaikāśītitamo'dhyāyaḥ .. 81 ..