Brahmavaivartapurana 3.80: adhyāyaḥ 82

Brahmavaivartapurāṇa 3.80

Language: Sanskrit

adhyāyaḥ 82

3.80.1

atha dvyaśītitamo'dhyāyaḥ
nanda uvāca
śrutaṃ sarvaṃ mahābhāga duḥsvapnaṃ kathaya prabho .
uvāca taṃ vai bhagavāñchrūyatāmiti tadvacaḥ .. 1 ..

3.80.2

śrībhagavānuvāca
svapne hasati yo harṣādvivāhaṃ yadi paśyati .
nartanaṃ gītamiṣṭaṃ ca vipattistasya niścitam .. 2 ..

3.80.3

dantā yasya vibīḍyante vicarantaṃ ca paśyati .
dhanahānirbhavettasya pīḍā cāpi śarīrajā .. 3 ..

3.80.4

amyaṅgitastu tailena yo gaccheddakṣiṇāṃ diśam .
kharoṣṭramahiṣārūḍho mṛtyustasya na saṃśayaḥ .. 4 ..

3.80.5

svapane karṇe japāpuṣpamaśokaṃ karavīrakam .
vipattistasya tailaṃ ca lavaṇaṃ yadi paśyati .. 5 ..

3.80.6

nagnāṃ kṛṣṇāṃ chinnanāsāṃ śūdrasya vidhavāṃ tathā .
kapardakaṃ tālaphalaṃ dṛṣṭvā śokamavāpnuyāt .. 6 ..

3.80.7

svapne ruṣṭaṃ brāhmaṇaṃ ca brāhmaṇīṃ kopasaṃyutām .
vipattiśca bhavettasya lakṣmīryāti gṛhāddhruvam .. 7 ..

3.80.8

vanapuṣpaṃ raktapuṣpaṃ palāśaṃ ca supuṣpitam .
kārpāsaṃ śuklavastraṃ ca dṛṣṭvā duḥkhamavāpnuyāt .. 8 ..

3.80.9

gāyantīṃ ca hasantīṃ ca kṛṣṇāmbaradharāṃ striyam .
dṛṣṭvā kṛṣṇāṃ ca vidhavāṃ naro mṛtyumavāpnuyāt .. 9 ..

3.80.10

devatā yatra nṛtyanti gāyanti ca hasanti ca .
āsphoṭayanti dhāvanti tasya deho mariṣyati .. 10 ..

3.80.11

vāntaṃ mūtraṃ purīṣaṃ ca vaidyaṃ raupyaṃ suvarṇakam .
pratyakṣamathavā svapne jīvitaṃ daśamāvadhi .. 11 ..

3.80.12

kṛṣṇāmbaradharāṃ nārīṃ kṛṣṇamālyānulepanām .
upagūhati yaḥ svapne tasya mṛtyurbhaviṣyati .. 12 ..

3.80.13

mṛtavatsaṃ ca muṇḍaṃ ca mṛgasya ca narasya ca .
yaḥ prāptotyasthimālāṃ ca vipattistasya niścitam .. 13 ..

3.80.14

rathaṃ kharoṣṭrasaṃyuktamekākī yo'dhirohayet .
tatrastho'pi ca jāgarti mṛtyureva na saṃśayaḥ .. 14 ..

3.80.15

amyaṅgistu haviṣā kṣīreṇa madhunā'pi ca .
takreṇāpi guḍenaiva pīḍā tasya viniścitam .. 15 ..

3.80.16

raktāmbaradharāṃ nārīṃ raktamālyānuleparām .
upagūhati yaḥ svapne tasya vyādhirviniścitam .. 16 ..

3.80.17

patitānnakhareśāṃśca nirvāṇāṅgārameva ca .
bhasmabūrṇāṃ citāṃ dṛṣṭvā labhate mṛtyumeva ca .. 17 ..

3.80.18

śmaśānaṃ śuṣkakāṣṭhaṃ ca tṛṇāni lohameva ca .
śamīṃ ca kiṃ citkṛṣṇāśvaṃ dṛṣṭvā duḥkhaṃ labheddhruvam .. 18 ..

3.80.19

pādukāṃ phalakaṃ raktaṃ puṣpamālyaṃ bhayānakam .
māṣaṃ masūraṃ mudgaṃ vā dṛṣṭvā sadyo vraṇaṃ labhet .. 19 ..

3.80.20

kaṭakaṃ saraṭhaṃ kākaṃ bhallūkaṃ vānaraṃ gavam .
pūyaṃ gātramalaṃ svapne kevalaṃ vyādhikāraṇam .. 20 ..

3.80.21

bhagnabhāṇḍaṃ kṣataṃ śūdraṃ galatkuṣṭhaṃ ca rogiṇam .
raktāmbaraṃ ca jaṭilaṃ sūkaraṃ mahiṣaṃ kharam .. 21 ..

3.80.22

andhakāraṃ mahāghoraṃ mṛtajīvaṃ bhayaṃkaram .
dṛṣṭvā svapne yoniliṅga vipattiṃ labhatedhruvam .. 22 ..

3.80.23

kuveṣarupaṃ malecchaṃ ca yamadūtaṃ bhayaṃkaram .
pāśahastaṃ pāśaśastraṃ dṛṣṭvā mṛtyuṃ labhennaraḥ .. 23 ..

3.80.24

brahmaṇo brāhmaṇī bālā bālako vā sutaḥ sutā .
vilāpaṃ kurute kopāddṛṣṭvā duḥkhamavāpnuyāt .. 24 ..

3.80.25

kṛṣṇaṃ puṣpaṃ ca tanmālyaṃ sasyaṃ śastrāstradhāriṇam .
mlecchāṃ ca vikṛtākāraṃ dṛṣṭvā mṛtyuṃlabheddhruvam .. 25 ..

3.80.26

tyaktaprāṇaṃ mṛtaṃ dṛṣṭvā mṛtyuṃ ca labhate dhruvam .
matsyādi dhārayedyo hi tadbhrāturmaraṇaṃ dhruvam .. 26 ..

3.80.27

vādyaṃ ca nartanaṃ gītaṃ gāyanaṃ raktavāsasam .
mṛdaṅgavādyamānaṃ taṃ dṛṣṭvā duḥkhaṃ labheddhruvam .. 27 ..

3.80.28

chinnaṃ vā'pi kabandhaṃ vā vikṛtaṃ muktakeśinam .
kṣipaṃ nṛtyaṃ ca kurvantaṃ dṛṣṭvā mṛtyuṃ labhennaraḥ .. 28 ..

3.80.29

mṛto vā'pi mṛtā vā'pi kṛṣṇā mlecchā bhayānakā .
upagūhati yaṃ svapne tasya mṛtyurviniścitam .. 29 ..

3.80.30

yeṣāṃ dantāśca bhagnāśca keśāścāpi patanti hi .
dhanahānirbhavettasya pīḍā vā taccharīrajā .. 30 ..

3.80.31

upadravanti yaṃ svapne śrṛṅgiṇo daṃṣṭriṇo'pi vā .
bālakā mānavāścaiva tasya rājakulādbhayam .. 31 ..

3.80.32

chinnavṛṅaṃ patantaṃ ca śilāvṛṣṭiṃ tuṣaṃkṣuram .
raktāṅgāraṃ bhasmavṛṣṭiṃ dṛṣṭvā duḥkhamāvāpnuyāt .. 32 ..

3.80.33

gṛhaṃ patantaṃ śailaṃ vā dhūmaketuṃ bhayānakam .
bhagnaskandhaṃ tarorvā'pi dṛṣṭvā duḥkhamavāpnuyāt .. 33 ..

3.80.34

rathagehaśailavṛkṣagohastituragāmbarāt .
bhūmau patati yaḥ svapne vipattistasya niścitam .. 34 ..

3.80.35

uccaiḥ patanti garteṣu bhasmāṅgārayuteṣu ca .
kṣārakuṇḍeṣu cūrṇeṣu mṛtyusteṣāṃ na saṃśayaḥ .. 35 ..

3.80.36

balādgṛhṇāti duṣṭaścacchatraṃ ca yasya mastakāt .
piturnāśo bhavettasya gurorvā'pi nṛpasya vā .. 36 ..

3.80.37

surabhiryasya gehācca yāti trastā savatmikā .
prayāti pāpinastasya lakṣmīrapi vasuṃdharā .. 37 ..

3.80.38

pāśena kṛtvā badvaṃ ca yaṃ gṛhītvā prayānti ca .
yamadūtāśca ye mlecchāstasya mṛtyurviniścitam .. 38 ..

3.80.39

gaṇako brāhmaṇo vā'pi brāhmaṇī vā gurustathā .
pariruṣṭaḥ śapati yaṃ vipattistasya niścitam .. 39 ..

3.80.40

virodhinaśya kākāśca kukkuṭā bhallukāstathā .
patantyāgatya yadgātre tasya mṛtyurna saṃśayaḥ .. 40 ..

3.80.41

mahiṣā bhallukā uṣṭrā sūkarā gardabhāstathā .
ruṣṭā dhāvanti yaṃ svapne sa rogī niścitaṃ bhavet .. 41 ..

3.80.42

raktacandanakāṣṭhāni ghṛtāktāni juhoti yaḥ .
gāyatryāśca mahasreṇa tena śāntirvidhīyate .. 42 ..

3.80.43

sahasradhā capedyo hi bhaktyainaṃ madhusūdanam .
niṣpāṇo hi bhavetso'pi duḥsvapnaḥ susvapno bhavet .. 43 ..

3.80.44

acyutaṃ keśavaṃ viṣṇuṃ hariṃ satyaṃ janārdanam .
haṃsaṃ nārāyaṇaṃ caiva hyetannāmāṣṭakaṃ śubham .. 44 ..

3.80.45

śuciḥ pūrvamukhaḥ prājño daśakṛtvaśca yo japet .
niṣpāpo'pi bhavetso'pi duḥsvapnaḥ śubhavānbhavet .. 45 ..

3.80.46

viṣṇuṃ nārāyaṇaṃ kṛṣṇaṃ mādhavaṃ madhumūdanam .
hariṃ narahariṃ rāmaṃ govindaṃ dadhivāmanam .. 46 ..

3.80.47

bhaktyā cemāni nāmāni daśa bhadrāṇiyo japet .
śatakṛtyo bhaktiyukto japtvā nīrogatāṃ vrajet .. 47 ..

3.80.48

lakṣadhā hi japedyo hi bandhanānmucyate dhruvam .
japtvā ca daśalakṣaṃ ca mahāvandhyā prasūyate .. 48 ..

3.80.49

haviṣyāśī yataḥ śuddho daridro dhanavānbhavet .
śatalakṣaṃ ca japtvā ca jīvanmukto bhavennaraḥ .. 49 ..

3.80.50

oṃ namaḥ śivaṃ durgāṃ gaṇapatiṃ kārtikeyaṃ dineśvanam .
dharmaṃ gaṅgāṃ ca tulasīṃ rādhāṃ lakṣmīṃ sarasvatīm .. 50 ..

3.80.51

nāmānyetāni bhadrāṇi jale snātvā ca yo japet .
vāñchitaṃ ca labhetso'pi duḥsvapnaḥ śubhavānbhavet .. 51 ..

3.80.52

oṃ hrīṃ klīṃ pūrvadūrgatināśinyai mahāmāyāyai svāhā .
kalpavṛkṣo hi lokānāṃ santraḥ saptadaśākṣaraḥ .. 52 ..

3.80.53

śuciśca daśadhā japtvā duḥsvapnaḥ sukhavānbhavet .
śatalakṣajapenaiva mantrasiddhirbhavennṛṇām .. 53 ..

3.80.54

siddhamantrastu labhate sarvasiddhiṃ ca vāñchitam .
oṃ namo mṛtyuṃjayāyeti svāhāntaṃ lakṣadhā japet .. 54 ..

3.80.55

dṛṣṭvā ca maraṇaṃ svapne śatāyuśca bhavennaraḥ .
pūrvottaramukho bhūtvā svapnaṃ prājñe prakāśayet .. 55 ..

3.80.56

kāśyape durgate nīce devabrāhmaṇanindake .
mūrkhe caivānabhijñe ca na ca svapnaṃ prakāśayet .. 56 ..

3.80.57

aśvatthe gaṇake vipre pitṛdevāsaneṣu ca .
ārye ca vaiṣṇave mitre divā svapnaṃ prakāśayet .. 57 ..

3.80.58

iti te puṇyamākhyātaṃ kathitaṃ pāpanāśanam .
dhanyaṃ yaśasyamāyuṣyaṃ kiṃ bhūyaḥ śrotumicchasi .. 58 ..

3.80.59

iti śrībrahmao mahāo śrīkṛṣṇajanmakhao uttao nāradanāo bhagavannandasaṃo
dvyaśītitamo'dhyāyaḥ .. 82 ..

Linked texts (2)

Svapnacintāmaṇi — Jagaddēva, Sanskrit
Śabdakalpadruma — Rājā Sir Rādhākānta Deb, Sanskrit