Pramāṇa · Search · About · API

Brahmavaivartapurana 3.86: adhyāyaḥ 88

Brahmavaivartapurāṇa 3.86

Language
Sanskrit

adhyāyaḥ 88

3.86.1

athāṣṭāśītitamo'dhyāyaḥ
śrīkṛṣṇā uvāca
cetanaṃ kuru he tāta he tāta cetanaṃ kuru .
jalabudbudavatsarvaṃ saṃsāraṃ sacarācaram .. 1 ..

3.86.2

tyāja mohaṃ mahābhāga māyāṃ stauhi paratparāmā .
brahmasvarūpāṃ paramāṃ sarvamohanikṛntanīm .. 2 ..

3.86.3

muktipradāṃ mahābhāgāṃ viṣṇumāyāṃ sanātanīm .
tripurasya vadhe ghore mahāyuddhe bhayākule .. 3 ..

3.86.4

yena stotreṇa saṃbhuśca tayā daityaṃ jaghāna saḥ .
stotrarājaṃ pradāsyāmi sarvamohanikṛntanam ..

3.86.5

sarvavāñchāpradaṃ nanda śrūyatāmatra saṃsadi .. 4 ..

3.86.6

nanda uvāca
sarvavighnavināśāya duḥkhapraśamanāya ca .
vibhūtaye ca yaśase nṛṇāṃ vāñchitasiddhaye .. 5 ..

3.86.7

stotramekaṃ mahādevyā jaganmāturjagatprabho .
paraṃ durgatināśinyā gopanīyaṃ sudurlabham .. 6 ..

3.86.8

dehi marhya vinītāya bhaktāya bhaktavatsala .
vedānāṃ janakastvaṃ ca nirguṇāśca parātparaḥ .. 7 ..

3.86.9

śrībhagavānuvāca
śruṇu vakṣyāmi daiśyendra stotraṃ yatparamādbhutam .
sarvavighnavināśārthaṃ mohapāśanikṛntanam .. 8 ..

3.86.10

raṇatrastena vibhunā śaṃkareṇa purā kṛtam .
nārāyaṇopadeśena preritena ca brahmaṇā .. 9 ..

3.86.11

śatrugrastaṃ śivaṃ dṛṣṭvā sa brahmāṇamuvāca ha .
uvāca śaṃkaraṃ brahmā rathasthaṃ patitaṃ raṇe .. 10 ..

3.86.12

surasaṃkaṭaśāntyarthaṃ durgā durgatināśinīm .
mūlaprakṛtimādyāṃ tāṃ stau(stu) hi brahmasvarūpiṇīm .. 11 ..

3.86.13

hariṇā prerito'haṃ ca tvāṃ vadāmi sureśvara .
vinā śaktisahāyena ko vā kaṃ jetumīśvaraḥ .. 12 ..

3.86.14

brahmaṇaśca vacaḥ śrutvā durgāṃ sasmāra śaṃkaraḥ .
puṭāñjaliparo bhūtvā bhaktinamratmakaṃdharaḥ .. 13 ..

3.86.15

snātaḥpādau ca prakṣālya dhṛtvā dhaute vāsasī .
ācāntaḥ kuśahastaśca śucirviṣṇuṃ ca saṃsmaran .. 14 ..

3.86.16

mahādeva uvāca
rakṣa rakṣa mahādevi durge durgatināśini .
māṃ bhaktamanuraktaṃ ca śatrugraste kṛpāmayi .. 15 ..

3.86.17

viṣṇumāye mahābhāge nārāyaṇi sanātani .
brahmasvarūpe parame nityānandasvarūpiṇi .. 16 ..

3.86.18

tvaṃ ca brahmādidevānāmambike jagadambike .
tvaṃ saṃhāre ca guṇato nirākāre ca nirguṇāt .. 17 ..

3.86.19

māyayā puruṣastvaṃ ca māyayā prakṛtiḥ svayam .
tayoḥ paraṃ brahma paraṃ tvaṃ bibharṣi sanātani .. 18 ..

3.86.20

vedānāṃ jananī tvaṃ ca sāvitrī ca parātparā .
vaikuṇṭhe ca mahālakṣmīḥ sarvamaṃpatsvarūpiṇī .. 19 ..

3.86.21

martyalakṣmīśca kṣīrode kāminī śeṣaśāyinaḥ .
svargeṣu svargalakṣmīstvaṃ rājalakṣmīśca bhūtale .. 20 ..

3.86.22

nāgādilakṣmīḥ pātāle gṛheṣu gṛhadevatā .
sarvasasyasvarūpā tvaṃ sarvaiśvaryavidhāyinī .. 21 ..

3.86.23

rāgādhiṣṭhātṛdevī tvaṃ brahmaṇaśca sarasvatī .
prāṇānāmadhidepī tvaṃ kṛṣṇasya paramātmanaḥ .. 22 ..

3.86.24

goloke ca svayaṃ rādhā śrīkṛṣṇasyaiva vakṣasi .
golokādhiṣṭhitā devī dṛndā dṛndāvane vane .. 23 ..

3.86.25

śrīrāsamaṇḍale ramyā vṛndāvanavinodinī .
śataśṛṅgādhidevī tvaṃ nāmnā citrāvalīti ca .. 24 ..

3.86.26

dakṣakanyā kutrakalpe kutrakalpe ca śailajā .
devamātā'ditistvaṃ ca sarvādhārā vasuṃdharā .. 25 ..

3.86.27

tvameva gaṅgā tulasī tvaṃ ca svāhā satī .
tvadaṃśāṃśāṃśakalayā sarvadevādiyoṣitaḥ .. 26 ..

3.86.28

strīrūpaṃ cātipuṃrūpaṃ devi tvaṃ ca napuṃsakam .
vṛkṣāṇāṃ vṛṅarūpā tvaṃ sṛṣṭā cāṅkurarūpiṇī .. 27 ..

3.86.29

vahnau ca dāhikā śaktirjale śaityasvarūpiṇī .
sūrye tejaḥ svarūpā ca prabhārūpā ca saṃtatam .. 28 ..

3.86.30

gandharūpā ca bhūmau ca ākāśe śabdarūpiṇī .
śobhāsvarūpā candre ca padmasaṃghe ca niścitam .. 29 ..

3.86.31

sṛṣṭau sṛṣṭisvarūpā ca pālane paripālikā .
mahāmārī ca saṃhāre jale ca jalarūpiṇī .. 30 ..

3.86.32

kṣuttavaṃ dayā tvaṃ nidrā tvaṃ tṛṣṇā tvaṃ buddhirūpiṇī .
tuṣṭistvaṃ cāpi puṣṭistvaṃ śraddhāstvaṃ ca kṣamā svayam .. 31 ..

3.86.33

śāntistvaṃ ca svayaṃ bhrāntiḥ kāntistavaṃ kīrtireva ca .
lajjā tvaṃ ca tathā māyā bhukti- ..

3.86.34

suktisvarūpiṇī .. 32 ..

3.86.35

sarvaśaktisvarūpā tvaṃ sarvasaṃbatpradāyinī .
vede'nirvacanīyā tvaṃ tvāṃ na jānāti kaścana .. 33 ..

3.86.36

sahasra vaktrastvāṃ stotuṃ na ca śaktaḥ sureśvari .
vedā na śaktāḥ ko vidvānna ca śaktā sarasvatī .. 34 ..

3.86.37

svayaṃ vidhātā śakto na na ca viṣṇuḥ manātanaḥ .
kiṃ staumi pañcavaktraistu raṇatrasto maheśvari .. 35 ..

3.86.38

kṛpāṃ kuru mahāmāye mama śatrukṣayaṃ kuru .
ityuktvā ca sakaruṇaṃ rathasthe patite raṇe .. 36 ..

3.86.39

āvirbabhūva sā durgā sūryakoṭisamaprabhā .
nārāyaṇena kṛpayā preritā paramātmanā .. 37 ..

3.86.40

śivasya purataḥ śīghraṃ śivāya ca jayāya ca .
ityuvāca mahādevī māyāśaktyā'suraṃ jahi .. 38 ..

3.86.41

durgovāca
varaṃ vṛṇīṣva bhadraṃ te yatte manasi vāñchitam .
bhavānvaraḥ surāṇāṃ ca jayaṃ tubhyaṃ dadāmyaham .. 39 ..

3.86.42

mahādeva uvāca
kṣayo bhavatu daityasya iti me varamīśvarī .
dehīti vāñchitaṃ durge paramādye malātani .. 40 ..

3.86.43

bhagavatyuvāca
hariṃ smara mahābhāgā jaya daityaṃ jagadguruḥ .
svayaṃ vidhātā bhagavāṃstvameva jyotirīśvaraḥ .. 41 ..

3.86.44

etasminnantare viṣṇurvṛṣarūpo babhūva ha .
dadhāra kalayā mūrdhnā śūlapāṇe rathaṃ vibhuḥ .. 42 ..

3.86.45

ūrdhvacakramathograṃ ca prakṛtiṃ ca cakāra saḥ .
śastraṃ dadau mantrapūtamuddadhāra tato ratham .. 43 ..

3.86.46

śivaḥ śastraṃ gṛhītvā ca dhyātvā viṣṇuṃ maheśvarīm .
jaghāna tripuraṃ śīghraṃ sa papāta mahītale .. 44 ..

3.86.47

tuṣṭuvuḥ śaṃkaraṃ devāścakuśca puṣpavarṣaṇam .
durgā tasmai dadau śūraṃ pinākaṃ viṣṇureva ca .. 45 ..

3.86.48

brahmā śubhāśiṣaṃ caiva munayaścāpi harṣitāḥ .
nanṛturdevatāḥ sarvā jagurgandharvakinnarāḥ .. 46 ..

3.86.49

etasminnantare tāta stavarājamanuttamam .
vighnavighnakaraṃ śīghraṃ śatrusaṃhārakāraṇam .. 47 ..

3.86.50

paramaiśvaryajanakaṃ sukhadaṃ paramaṃ śubham .
nirvāṇamokṣadaṃ caiva haribhaktipradaṃ dhruvam .. 48 ..

3.86.51

golokavāsadaṃ caiva sarvasiddhipradaṃ varam .
stotrarājaprapaṭhanātprasannā pārvatī sadā .. 49 ..

3.86.52

lobhamohakāmakrodhakarmamūlanikṛntanam .
balabuddhikaraṃ caiva janmamṛtyuvināśanam .. 50 ..

3.86.53

dhanaputrapriyābhūmisarvasaṃpatpradaṃ nṛṇām .
śokaduḥkhaharaṃ caiva sarvāmiddhipradaṃ varam .. 51 ..

3.86.54

stotrarājaprapaṭhanānmahāvandhyā prasūyate .
vandhanānmucyate duḥkhī bhayānmucyeta niścitam .. 52 ..

3.86.55

rogādvimucyate rogī daridraśca dhanī bhaven .
dāvāgnimadhye na mṛto magnaḥ poto mahārṇave .. 53 ..

3.86.56

dasyugrasto nipugrasto hiṃsrajantusamanvitaḥ .
stotreṇānena vaiśyendra kalyāṇaṃ labhate naraḥ .. 54 ..

3.86.57

taijasānāṃ yathā ratnamāśramāṇāṃ dvijo yathā .
nadīnāṃ ca yathā gaṅgā mantrāṇāṃ praṇavo yathā .. 55 ..

3.86.58

tulasī sarvapatrāṇāṃ dharāṇāṃ ca vasuṃdharā .
puṣpāṇāṃ pārijātaṃ ca kāṣṭhānāṃ candanaṃ yathā .. 56 ..

3.86.59

viṣṇupūjā ca tapasāṃ vrateṣvekādaśī yathā .
jñānināṃ ca yathā śaṃbhuḥ siddhānāṃ ca gaṇeśvaraḥ .. 57 ..

3.86.60

devānāṃ ca yathā viṣṇurvedāḥ śāstreṣu tantrataḥ .
devīnāṃ ca yathā durgā śāntānāṃ kamalā yathā .. 58 ..

3.86.61

sarasvatī ca viduṣāṃ rādhikā sundarīṣu ca .
tathā stotreṣvidaṃ stotraṃ nātaḥ parataraṃ vraja .. 59 ..

3.86.62

purā dattaṃ brahmaṇe ca puṣkare sūryaparvaṇi .
daityagrastāya bhītāya sarvadurgaharaṃ param .. 60 ..

3.86.63

śivāya śatrugrastāya dadau brahmā madājñayā .
śivaśca sanakādibhyaḥ purā durvāsase dadau .. 61 ..

3.86.64

sanatkumāro bhagavānkṛpayā gautamāya ca .
pulahāya pulastyāya dadau cāṅgirase mudā .. 62 ..

3.86.65

tathā yandrāya sūryāya sūryaścāpi yamāya ca .
yamāśca citraguptāya kṛpayā ca purā dadau .. 63 ..

3.86.66

nityaṃ paṭhiṣyasi stotraṃ golokagamanāya vai .
sākṣātpaśyasi bho tāta tāmeva pārvatīmiha .. 64 ..

3.86.67

yasmai kasmai na dātavyaṃ pāpine gopanaṃ kuru .
nārāyaṇasya bhaktāya śāntāya viduṣe tathā .. 65 ..

3.86.68

sarvajñāya ca viprāya dātavyaṃ ca prayatnataḥ .
viprāya vṛṣavāhāya vṛṣalīvataye tathā .. 66 ..

3.86.69

śūdrāṇāṃ sūpakārāya śūdrakṣāddhānnabhojine .
kanyāvikraciṇe caiva brāhmaṇāya viśeṣataḥ .. 67 ..

3.86.70

sarvasiddhiṃ ca labhate siddhastotre bhavedyadi .
daśāyutajapenaiva siddhastotro bhavennaraḥ .. 68 ..

3.86.71

agnistamabhaṃ jalastambhaṃ mṛtstambhaṃ manasastathā .
aśvamedhasahasrācca pṛthivyāśca pradakṣiṇāt .. 69 ..

3.86.72

snānācca sarvatīrthānāṃ stotrametacca puṇyadam .
dattaṃ tubhyaṃ mayā tāta mama prāṇasamaṃ vraja .. 70 ..

3.86.73

stavanaṃ kuru pārvatyāścedānīṃ mama saṃsadi .
śrīkṛṣṇasya vacaḥ śrutvā nandastuṣṭāva pārvatīm .. 71 ..

3.86.74

stotreṇānena viprendra sarvasaṃpatpradāyinīm .
varaṃ tasmai dadau durgā golokavāsamīpsitam .. 72 ..

3.86.75

durlabhaṃ paramaṃ jñānaṃ vede yanna śrutaṃ mune .
rājendratvaṃ gokule ca kṛṣṇabhaktiṃ sudurlabhām .. 73 ..

3.86.76

taddāsvaṃ cāvi parato mahattvaṃ siddhameva ca .
varaṃ dattvā yayau durgā saṃbhāṣya śaṃbhunā saha .. 74 ..

3.86.77

jagmurdevāśca munayaḥ stutvā ca nandanandanam .
uvāca nandaṃ śrīkṛṣṇo vraja nanda vrajānvitaḥ ..

3.86.78

prahaṣṭastyaktamohaśca bodhena durlabhena ca .. 75 ..

3.86.79

iti śrībrahmao mahāo śrīkṛṣmajanmakhao uttao nāradanāo bhagavannandasaṃo
aṣṭāśītitamo'dhyāyaḥ .. 88 ..