Pramāṇa · Search · About · API

Brahmavaivartapurana 3.88: adhyāyaḥ 90

Brahmavaivartapurāṇa 3.88

Language
Sanskrit

adhyāyaḥ 90

3.88.1

atha navatitamo'dhyāyaḥ
śrīkṛṣṇa uvāca
śṛṇu nanda pravakṣyami sānandaṃ mānasaṃ yathā .
kathāṃ ramyāṃ sumadhurāṃ purāṇeṣu pariṣkṛtām .. 1 ..

3.88.2

paripūrṇatamo dharmo dhārmikāśca kṛte yuge .
paripūrṇatamaṃ satyaṃ paripūrṇatamā dayā .. 2 ..

3.88.3

atīva prajvaladrūpā vedāścatvāra eva ca .
vedāṅgāścāpi pipidhāsāścetihāsāca saṃhitāḥ .. 3 ..

3.88.4

purāṇāni suramyāṇi pañcarātrāṇi pañca ca .
rucirāṇi subhadrāṇi dharmaśāstrāṇi yāni ca .. 4 ..

3.88.5

viprā vedavidaḥ sarve puṇyavantastapasvinaḥ .
nārāyaṇaṃ te dhyāyanti tanmantraṃ ca japanti ca .. 5 ..

3.88.6

brāhmaṇāḥkṣatriyā vaiśyāśyaturvarṇāśca vaiṣṇavāḥ .
śūdrā brāhmaṇabhṛtyāśca satyadharmaparāyaṇācha .. 6 ..

3.88.7

rājāno dhārmikāścaiva prajāpālanatatparāḥ .
gṛhṇāntyeva prajānāṃ ca ṣoḍaśāṃśakarāṣṛpāḥ .. 7 ..

3.88.8

karaśūnyāśca viprāśca pūjyāḥ svacchandagāminaḥ .
tataṃ sarvasasyāḍhyā ratnādhārā vasuṃdharā .. 8 ..

3.88.9

gurubhaktāśca śiṣyāśca pitṛbhaktāḥ sutāstathā .
yoṣitaḥ patibhaktāśca pativrataparāyaṇāḥ .. 9 ..

3.88.10

ṛtau saṃbhoginaḥ sarve na strīlubdhā na lammapaṭāḥ .
na bhayaṃ dasyucauryāṇāṃ na tatra pāradārikāḥ .. 10 ..

3.88.11

taravaḥ pūrṇaphalinaḥ pūrṇakṣīrāśca dhenavaḥ .
balavanto janāḥ sarve dīrghāḥ saundaryasaṃyutāḥ .. 11 ..

3.88.12

lakṣavarṣāyuṣaḥ kecitpuṇyavanto kṣyarogiṇaḥ .
yathā viprā viṣṇubhaktā strivarṇāṃ viṣṇusevinaḥ .. 12 ..

3.88.13

jalapūrṇā nadā nadyaḥ saṃtataṃ kaṃdarāstathā .
tīrthapūtāścaturvarṇāstapaḥ pūtā dvijātayaḥ .. 13 ..

3.88.14

manaḥpūtāśca nikhilāḥ khalahīnaṃ jagattrayam .
satkīrtiparibūrṇaṃ ca yaśasyaṃ maṅgalānvitam .. 14 ..

3.88.15

pitaraḥ sarvakāleṣu tithikāleṣu devatāḥ .
sarvakāleṣvatithayaḥ pūjitāśca gṛhe gṛhe .. 15 ..

3.88.16

trivarṇā viprabhaktāśca viprabhojatatparāḥ .
brāhmaṇasya mukhaṃ kṣetramanūṣaramakaṇṭakam .. 16 ..

3.88.17

nārāyaṇotkīrtanena harṣayuktāstadutsave .
na śatravo janānāṃ ca sarve sarvaṃhitaiṣiṇaḥ .. 17 ..

3.88.18

nā''tmapraśaṃsakāḥ kecitsarve paraguṇotsukāḥ .
na devānāṃ dvijānāṃ ca viduṣāṃ tatra nindakāḥ .. 18 ..

3.88.19

puruṣā yoṣitaścāpi na hi sūrkhāśca paṇḍitāḥ .
na duḥkhino janāḥsatye sarveṣāṃ ratnamandiram .. 19 ..

3.88.20

maṇimāṇikyaratnaugharatnasvarṇasamanvitam .
na bhikṣukā na rogārtāḥ śokahīnāścaharṣitāḥ .. 20 ..

3.88.21

na hi bhūṣaṇahīrāśca narā nāryaśca kecana .
na pāpino na dhūrtāśca na kṣudhārtā na kutsitāḥ .. 21 ..

3.88.22

jarāhīnāḥ prāṇinaśca śaśvadyauvanasaṃsthitāḥ .
ādhivyādhivihīnāśca nirvikārāśca dehinaḥ .. 22 ..

3.88.23

yadukto vai satyayuge dharmaḥ satyaṃ dayādikam .
pādahīnaśca tretāyāṃ satyārdha dvāpare'pi ca .. 23 ..

3.88.24

dharmai kapācca prathame kaleścātikṛśo'balaḥ .
duṣṭānāṃ dasyucauryāṇāmaṅkuraḥ prabhavedvraja .. 24 ..

3.88.25

adharmaniratāḥ kecidbhītāḥ saṃgopinastathā .
bhītā guptāśca puṃścalyau bhītāśca pāradārikāḥ .. 25 ..

3.88.26

dharmiṣṭhānāṃ bhayaṃ śaśvadadharmiṣṭhāśca kampitāḥ .
svalpadharmaratā bhūpāḥ svalpavedaratā dvijāḥ .. 26 ..

3.88.27

vratadharmaratāḥ kecitsarve svacchandagāminaḥ .
yāvattiṣṭhanti tīrthāni yāvattiṣṭhanti sādhavaḥ .. 27 ..

3.88.28

yāvattiṣṭhanti grāmāṇāṃ devāḥ śāstrāṇi pūjanam .
tāvatkiṃcittapaḥ satyaṃ svargadharmāśa eva ca .. 28 ..

3.88.29

kalerdoṣanidhestāta guṇa eko mahānapi.
mānasaṃ saṃbhavetpuṇyaṃ sukṛtaṃ na hi dṛṣkṛtam .. 29 ..

3.88.30

tīrthādike gate tāta naṣṭo dharmāśa eva ca .
kalārūpaśca dharmaśca yathā kuhvāṃ niśākaraḥ .. 30 ..

3.88.31

nanda uvāca
tīrthānyetāni sarvāṇi tiṣṭhantyeva kiyaddinam .
sādhavo grāmyadevāśca śāstrāṇyetāni vatsaka .. 31 ..

3.88.32

śrīkṛṣṇa uvāca
kalau daśasahasrāṇi haristiṣṭhati medinīm .
devānāṃ pratimā būjyā śāstrāṇi ca purāṇakam .. 32 ..

3.88.33

tadardhamapi tīrthāni gaṅgādīni suniścitam .
tadardha grāmadevāśca vedāśca viduṣāmapi .. 33 ..

3.88.34

adharmaḥ paribūrṇaśca tadante ca kalau pitaḥ .
ekavarṇā bhaviṣyanti varṇāścatvāra eva ca .. 34 ..

3.88.35

na mantrapūtodvāhaśca na hi satyaṃ na ya kṣamā .
strīsvīkārarato nityaṃ grāmyadharmapradhānataḥ .. 35 ..

3.88.36

na yajñasūtraṃ tilakaṃ brāhmaṇanāṃ ca nityaśaḥ .
saṃdhyāśāstravihīnāśca vipravaṃśāḥśrutā api .. 36 ..

3.88.37

sarvaiḥ sārdha ca sarveṣāṃ bhakṣaṇaṃ niyamacyutam .
abhakṣyabhakṣā lokāśca caturvarṇāśca lampaṭāḥ .. 37 ..

3.88.38

nārīṣu na satī kācitpuṃścalī ca gṛhe gṛhe .
karoti tarjanaṃ kāntaṃ bhṛtyatulyaṃ ca kampitam .. 38 ..

3.88.39

jārāya dattvā miṣṭānnaṃ tāmbūlaṃ vastracandanam .
na dadātyeva cā''hāraṃ svāmine duḥkhine pitaḥ .. 39 ..

3.88.40

putreṇa bhartsitastātaḥ śiṣyeṇa bhartsito guruḥ .
prajābhistāḍito bhūpo bhūpena pīḍitāḥ prajāḥ .. 40 ..

3.88.41

dasyucoreśca duṣṭaiśca śiṣṭāśca paripīḍitāḥ .
sasyahīnā ca vasudhā kṣīrahīnāśca dhanevaḥ .. 41 ..

3.88.42

svalpakṣīre ghṛtaṃ nāsti navanītaṃ ca nityaśaḥ .
satyahīnā janāḥ sarve nityaṃ mithyā vadanti ca .. 42 ..

3.88.43

śaucasaṃdhyāśāstrahīnā brāhmaṇā vṛṣavāhakāḥ .
sūpakārāśca śūdrāṇāṃ śūdrāṇāṃ śavadāhakāḥ .. 43 ..

3.88.44

śūdrastrīniratāḥ śaśvacchūdrā vipravadhūratāḥ .
khādanti yasya viprasya bhakṣyaṃ ca paripācakāḥ .. 44 ..

3.88.45

mātuḥ parāṃ tasya patnīṃ śūdrā gṛhṇanti lampaṭāḥ .
bhṛtyaśca hatvā rājānaṃ svayaṃ rājā bhaviṣyati .. 45 ..

3.88.46

nārī hatvā patiṃ kāmādbhajejjāraṃ ca kautukāt .
putraśca pitaraṃ hatvā svayaṃ bhūpo bhaviṣyati .. 46 ..

3.88.47

sarve svacchandaniratāḥ śiśnodaraparāyaṇāḥ .
vaṅkharā vyādhiyuktāśca kutsitāśca kucailakāḥ .. 47 ..

3.88.48

vikṣuṇṇamantraliptāśca mithyāmantrapracārakāḥ .
jātihīnāśca guravo vayohīnāśca nindakāḥ .. 48 ..

3.88.49

rājānaścāpi malecchāśca yavanā dharmanindakāḥ .
satkīrtimapi sādhūnāṃ kurvantyunmūlanaṃ mudā .. 49 ..

3.88.50

pitṛdevadvijātīnāmatithīnāṃ ca nityaśaḥ .
pūjā nāsti gurūṇāṃ ca pitrośca pūjanaṃ striyāḥ .. 50 ..

3.88.51

strībandhūnāṃ gauravaṃ ca strīṇāṃ ca satataṃ pitaḥ .
coraḥ satkulajātiśca brahmadevasvahārakaḥ .. 51 ..

3.88.52

mānaṃ vahanti lobhena yugadharmeṇa kautukāt .
devāyatanahīnaṃ ca jagatsarva bhayākulam .. 52 ..

3.88.53

arājakaṃ ca durnītaṃ saṃtataṃ kalidoṣataḥ .
bubhṛkṣitāḥ kucailāśca daridrā vyādhino narāḥ .. 53 ..

3.88.54

kapardakaghaṭādhyakṣo rājendro hi ghaṭeśvaraḥ .
vṛddhāṅguṣṭasamā lokā vṛkṣāḥśākasamāstathā .. 54 ..

3.88.55

tālānāṃ nārikelāṇāṃ panasānāṃ tathaiva ca .
phalāni sarṣapāṇyeva tatkṣudraṃ ca tataḥ param .. 55 ..

3.88.56

jalabhājanapātreṇa sasyena vāsasā tathā .
vihīnaṃ mandiraṃ sarvaṃ gṛhāṇāmapariṣkṛtam .. 56 ..

3.88.57

gandhakena parivṛtaṃ dīpahīnaṃ tameyutam .
hiṃsrajantubhayādbhītā janāḥ sarve ca pāpinaḥ .. 57 ..

3.88.58

sarve ca kalahāviṣṭā puṃścalyaḥ kalahapriyāḥ .
rūpavatyo na kāminyo narāścāpi na rūpiṇaḥ .. 58 ..

3.88.59

nadyo nadāḥ kaṃdarāśca taḍāgāśca sarovarāḥ .
jalapadmavihīnāśca jalahīnā dhanāstathā .. 59 ..

3.88.60

apatyahīnā nāryaśca kāmukyo jārasaṃyutāḥ .
aśvatthacchedinaḥ sarve vṛkṣahīnā vasuṃdharā .. 60 ..

3.88.61

phalahīnāśca taravaḥ śākhāḥ skandhavihīnakāḥ .
phalāni svāduhīnāni cānnāni ca jalāni ca .. 61 ..

3.88.62

mānavāḥ kaṭuvaktāro nirdayā dharmavarjitāḥ .
tadante dvādāśādityāḥ saṃhariṣyanti mānavān .. 62 ..

3.88.63

sarvāñjantuṃśca tāpena bahuvṛṣṭyā vrajeśvara .
avaśiṣṭā ca pṛthivī kathāmātrāvaśeṣitā .. 63 ..

3.88.64

kalau gate ca pṛthivī kṣetraṃ varṣāgate tathā .
punaḥ satyapravṛttiśca bhaviṣyati krameṇa vai .. 64 ..

3.88.65

ityevaṃ kathitaṃ sarvaṃ gaccha tāta vrajaṃ sukham .
ahaṃ dugdhamukho bālaḥputraste kathayāmi kim .. 65 ..

3.88.66

navanītaṃ ghṛtaṃ dugdhaṃ dadhi takraṃ pariṣkṛtam .
svastikaṃ śubhakarmārhaṃ miṣṭānnaṃ ca sudhopamam .. 66 ..

3.88.67

miṣṭadravyaṃ ca yatkiṃcitpitṛdevanimittakam .
bhuktaṃ balācca tatsarva bālānāṃ rodanaṃ balam .. 67 ..

3.88.68

tatkṣamasvāparādhaṃ me bāladoṣaḥ pade pade .
tvaṃ pitā tava putro'haṃ yaśodā jananī mama .. 68 ..

3.88.69

madīyaṃ parihāsaṃ ca yaśodāṃ rohiṇīṃ vada .
kumārāsyācchrutaṃ sarva so'hamityevamīpsitam .. 69 ..

3.88.70

kīrtayiṣyasi tatsarva sarva gokulavāsinam .
kālaḥ karoti sasairga bandhūnāṃ bandhubhiḥ saha .. 70 ..

3.88.71

kālaḥ karoti vicchedaṃ virodhaṃ prītimeva ca .
kālaḥ sṛṣṭiṃ ca kurute kālaśca paripālanam .. 71 ..

3.88.72

kālaḥ karoti sānandaṃ kālaḥ saṃharate prajāḥ .
sukhaṃ duḥkhaṃ bhayaṃ śokaṃ jarāṃ mṛtyuṃ ca janma ca .. 72 ..

3.88.73

sarvaṃ karmānurodhena kāla eva karoti ca .
sarvaṃ kālakṛtaṃ tāta vismayaṃ na vrajaṃ vraja .. 73 ..

3.88.74

kutastvaṃ gokule vaiśyo nando vaiśyādhipo nṛpaḥ .
vasudevasuto'cahaṃ ca mathurāyāmaho kutaḥ .. 74 ..

3.88.75

pitā me kaṃsabhītena tvadgṛhe ca samapritaḥ .
pitu paraḥ pitā tvaṃ ca mātā mātuḥ parā'pivā .. 75 ..

3.88.76

mayā dattena jñānena pārvatyā ca vrajeśvara .
tyaja mohaṃ mahābhāga gaccha tāta sukhaṃ gṛham .. 76 ..

3.88.77

nanda uvāca
smara vṛndāvanaṃ tāta ramyaṃ puṇyaṃ mahotsavam .
gokulaṃ gokulaṃ ramyaṃ sundaraṃ yamunātaṭam .. 77 ..

3.88.78

ramaṇīnāṃ suramyaṃ ca tvatpriyaṃ rāsamaṇḍalam .
gopālikā gopabālānyaśodāṃ rohiṇīṃ priyām .. 78 ..

3.88.79

prāṇādhikāṃ rādhikāṃ na kathaṃ smarasi putraka .
vāramekaṃ svalpadinaṃ gokulaṃ gaccha vatsaka .. 79 ..

3.88.80

ityevamuktavā nandaśca kroḍe kṛṣṇaṃ cakāra saḥ .
netrāśruṇā ca pūrṇena taṃ siṣeca śucā'nvitaḥ .. 80 ..

3.88.81

cucumba tadgaṇḍayugaṃ kṛtvā vakṣasi mohataḥ .
sānandaḥ paramānado bhagavāṃstamuvāca saḥ .. 81 ..

3.88.82

iti śrībrahmao mahāo śrīkṛṣṇajanmakhao uttao nāradanāo bhagavannandasaṃo
navatitamo'dhyāyaḥ .. 90 ..

Linked texts (1)