Pramāṇa · Search · About · API

Brahmavaivartapurana 3.93: adhyāyaḥ 95

Brahmavaivartapurāṇa 3.93

Language
Sanskrit

adhyāyaḥ 95

3.93.1

atha pañcanavatitamo'dhyāyaḥ
nārāyaṇa uvāca
uddhavasya vacaḥ śrutvā cetanaṃ prāpya rādhikā .
sā covāca samutthāya ratnasiṃhāsane vare .. 1 ..

3.93.2

uvāca madhuraṃ devī hṛdayena vidūyatā .
gopībhiḥ saptabhirbhakatyā sevitā śvetacāmaraiḥ .. 2 ..

3.93.3

rādhikovāca
mathurāṃ gacchavatsa tvaṃ māṃca (na) vismara saṃvadā .
ato'pyadharmo nāstyeva bhavato bhavasāgare .. 3 ..

3.93.4

madīyaṃ vacanaṃ sarvaṃ gatvā kathaya sāṃpratam .
śrīkṛṣṇaṃ paramānandaṃ śīghramānaya matprabhum .. 4 ..

3.93.5

yoṣijjanmani yoṣitsu saṃprāpya tādṛśaṃ patim .
bhedo babhūva kasyā vā madanyā kā'pi duḥkhinī .. 5 ..

3.93.6

kiṃ dadāsi prabodhaṃ me nāsti me bodhanocitam .
niṣphalo dehināṃ deho vinā''tmānaṃ sahoddhava .. 6 ..

3.93.7

saṃprītyā saha saubhāgyaṃ gauravaṃ nityanūtanam .
atīva durlabhaṃ prema rahasyaṃ navasaṃgamam .. 7 ..

3.93.8

smarāmi manasā śaśvannānyo manasi vartate .
rātrau nidrāṃ parityajya smaraṇaṃ śokavardhanam .. 8 ..

3.93.9

māmuddhara dhruvaṃ vatsa nimagnāṃ śokasāgare .
jīvābhavapradānena tīrthe snānaphalaṃ nṛṇām .. 9 ..

3.93.10

prabodhituṃ na śaknomi durnivāraṃ ca mānasam .
cintaye caraṇāmbhojaṃ kṛṣṇasya paramātmanaḥ .. 10 ..

3.93.11

tadguṇaṃ mahimānaṃ ca prītiṃ ca premasāgaram .
smāraṃ smāraṃ ca saubhāgyaṃ mano me na sthiraṃ calam .. 11 ..

3.93.12

jagatāṃ yuvatīnāṃ ca kāsāṃ vā duḥkhamīdṛśam .
śrīkṛṣṇabhedaduḥkha ca kā vā jānāti māṃ vinā .. 12 ..

3.93.13

kiṃ cijjānāti sītā sā'pyahaṃ ca vidhibodhitam .
matparā duḥkhinī nāsti kāminīṣu jagattraye .. 13 ..

3.93.14

kāvāyāti pratītiṃ me śrutvā ca mānasīṃ vyathām .
kāsāṃ vā matsamaṃ duḥkhaṃ yuvatīnāṃ sutoddhava .. 14 ..

3.93.15

rādhikāsadṛśī strīṣu na bhūtā na bhaviṣyati .
duḥkhinī virahātaptā sukhasaubhāgyavarcitā .. 15 ..

3.93.16

saṃprāpya kalpavṛkṣaṃ ca patiṃ ca jagatāṃ patim .
vañcitā'haṃ vidhātrā ca nirdayena ca pāpinā .. 16 ..

3.93.17

jīvanaṃ saphala janma susnigdhaṃ cakṣuṣī manaḥ .
tatpādapadmavaktrendurūpaveṣapradarśanāt .. 17 ..

3.93.18

yannāmaśrutimātreṇa pañca prāṇāḥ praharṣitāḥ .
smṛtimātrātpraphullyanta ātmā susnigdha eva ca .. 18 ..

3.93.19

yaśca pasparśa suratau yaśastribhuvanaṣvapi .
kathā vā saṃpadā vatsa vismarāmi tamīśvaram .. 19 ..

3.93.20

trailokyavijayaṃ rūpaṃ guṇameva bibharti yaḥ .
na nirmito yo vidhinā tenaiva nirmito vidhiḥ .. 20 ..

3.93.21

taṃ vidheśca vidhātāraṃ dātāraṃ sarvasaṃpadām .
kalpavṛkṣātparaṃ śāntaṃ lakṣmīkāntaṃ manoharam .. 21 ..

3.93.22

sarveśaṃ sarvabījaṃ ca paramātmānamīśvaram .
kayā vā saṃpadā tāta vismarāmi cataṃ patim .. 22 ..

3.93.23

yasya nirmañchanārhaśca na candro na ca manmathaḥ .
naivāśvinīkumāraśca guṇasābhyaṃ na diśvataḥ .. 23 ..

3.93.24

dhyāyante yatpadāmbhojaṃ brahmeśaśeṣasaṃjñakāḥ .
kayā vā saṃpadā tāta vismarāmi ca taṃ prabhum .. 24 ..

3.93.25

svapne paśyanti ye rūpamatulaṃ ca manoharam .
te'pi sarvaṃ parityajya dhyāyānte tamarniśam .. 25 ..

3.93.26

guṇena śailaḥ salilaṃ śuṣkakāṣṭhaṃ dravediti .
mṛtavṛkṣo mukulitaḥ stambhitaśca samīraṇaḥ .. 26 ..

3.93.27

sūryaśca jaladhiścaiva sthagito bhaktibhāvataḥ .
kayā vā saṃpadā putra vismarāmi cataṃ priyam .. 27 ..

3.93.28

yadbhayādvāti vāto'yaṃ sūryastapati yadbhayāt .
varṣatīndro dahatyagnirmṛtyuścarati jantuṣu .. 28 ..

3.93.29

yadbhayātphalino vṛkṣāḥ puṣpitāḥ samaye'pi ca .
samudrāḥ svātmaviṣaye grahāśca munayaḥ surāḥ .. 29 ..

3.93.30

kālasya kālaḥ saṃhartuḥ saṃhartā sraṣṭurīśvaraḥ .
svādhīnaśca svatantraśca svayamevā''tmasaṃjñakaḥ .. 30 ..

3.93.31

kayā vā saṃpadā bhakta vismarāmi ca taṃ prabhum .
prabodho nāsti tadbhede yena māṃ bodhayedbudhaḥ .. 31 ..

3.93.32

māṃ ca bodhayituṃ śaktā na sāvitrī sarasvatī .
na vedā na ca vedāṅgāḥ ke vā santaśca ke surāḥ .. 32 ..

3.93.33

sahasravaktro'nantaśca vedānāṃ janako vidhiḥ .
na śaṃbhunaṃ gaṇeśāśca yogīndrāṇāṃ gurorguruḥ .. 33 ..

3.93.34

sthitergatiścintanīyā mārgaśūnye kuto gatiḥ .
kālasādhyaṃ ca sarva ca sukhaṃ duḥkhaṃ śubhāśubham .. 34 ..

3.93.35

durnivāraḥ sa kālaśca kālasādhyaṃ jagatsu ca .
uttiṣṭha mathurāṃ gaccha sukhaṃ vatsa manoharam .. 35 ..

3.93.36

vrajavākaṃ parityajya bhavāṃśca gamanotsukaḥ .
suciraṃ kṛṣṇavicchedo duḥkhāya na sukhāya ca .. 36 ..

3.93.37

paśya candramukhaṃ tasya janmamṛtyujarāpaham .
rādhikāvacanaṃ śrutvā ruroda bhṛśamuddhavaḥ
rudatīṃ rādhikāṃ dṛṣṭvā bandhuvicchedakātarām .. 37 ..

3.93.38

itio śrībrahmao mahāo śrīkṛṣṇajanmakhao uttao nāradanāo rādhoddhavasaṃo
pañcanavatitamo'dhyāyaḥ .. 95 ..

Linked texts (1)