Pramāṇa · Search · About · API

Dashamaskandha 14

Daśamaskandha 14

Language
Sanskrit

Contents

14.1

śrīśuka uvāca
atha vrajan rājapathena mādhavaḥ striyaṃ gṛhītāṅgavilepabhājanām
vilokya kubjāṃ yuvatīṃ varānanāṃ papraccha yāntīṃ prahasan rasapradaḥ

14.2

kāṃ tvaṃ varorvvetaduhānulepanaṃ kasyāṅgane vā kathayasva sādhu naḥ
dehyāvayorāṅkavilepamuttamaṃ śreyastataste na cirādbhaviṣyati

14.3

sairandhrayuvāca
dāsyasmyahaṃ sundara ! kaṃsasammatā trivakranāmā hyanulepakarmaṇi
madbhāvitaṃ bhojapateratipriyaṃ vinā yuvāṃ ko'nyatamastadarhati

14.4

rūpapeśanamādhuryyahasitālāpavīkṣitaiḥ
dharṣitātmā dadau sāndramubhayoranulepanam

14.1-2

tatastāvaṅgarāgeṇa svavarṇetaraśobhinā

14.5

1suvarṇetareti vija0 pāṭhaḥ
samprāptaparabhāgena śuśubhāte 'nurañjitau

14.6

prasanno bhagavān kubjāṃ trivakrāṃ rucirānanām
ṛjvīṃ kartuṃ manaścakre darśayan darśane phalam

14.7

padbhyāmakramya prapade dvyaṅgulyuttānapāṇinā
pragṛhya cubuke 'dhyātmamudanīnamadacyutaḥ

14.8

sā tadarjusamānāṅgī bṛhacchroṇipayodharā
mukundasparśanātsadyo babhūva pramadottamā

14.9

tato rūpaguṇaudāryasampannā prāha keśavam
uttarīyāntamākṛṣya smayantī jātahṛcchayā

14.10

ehi vīra ! gṛhaṃ yāmo na tvāṃ tyaktumihotsahe
tvayonmathitacittāyāḥ prasīda puruṣarṣabha !

14.11

evaṃ striyā yācyamānaḥ kṛṣṇo rāmasya paśyataḥ
mukhaṃ vīkṣyānugopānāṃ prahasaṃstāmuvāca ha

14.12

eṣyāmi te gṛhaṃ subhruḥ ! puṃsāmadhivikarśanam
sādhitārtho'gṛhāṇāṃ naḥ pānthānāṃ tvaṃ parāyaṇam

14.13

visṛjya mādhvyā vāṇyā tāṃ brajanmārge vaṇikpathaiḥ
nānopāyanatāmbūlasraggandhaiḥ sāgrajo 'rcitaḥ

14.14

taddarśanasmarakṣobhādātmānaṃ nāvidan striyaḥ1
visrastavāsaḥkavaravalayālekhyamūrtayaḥ

14.15

tataḥ paurān pṛcchamāno dhanuṣaḥ sthānamacyutaḥ
tasmin praviṣṭo dadṛśe dhanūraindramivādbhutam

14.15.p1

puruṣairbahubhirguptamarcitaṃ paramar
śrīmadbhāgavatam

14.15.p2

[ dvicatvāriṃśa ]

14.17

kareṇa vāmena salīlamuddhṛtaṃ sajyaṃ ca kṛtvā nimiṣeṇa paśyatām
nṛṇāṃ vikṛṣya prababhañja madhyato yathaikṣudaṇḍaṃ madakaryurukramaḥ

14.18

dhanuṣo bhajyamānasya śabdaḥ khaṃ rodasī diśaḥ
pūrayāmāsa yaṃ śrutvā kaṃsastrāsamupāgamat

14.19

tadrakṣiṇaḥ sānucarāḥ kupitā ātatāyinaḥ
grahītukāmā āvavrurgṛhyatāṃ badhyatāmiti

14.20

atha tān durabhiprāyān vilokya balakeśavau
kruddhau dhanvana ādāya śakale tāṃśca jaghnatuḥ

14.21

balaṃ ca kaṃsaprahitaṃ hatvā śālāmukhāttataḥ
niṣkramya ceraturhṛṣṭau nirīkṣya purasampadaḥ

14.22

tayostadadbhutaṃ vīryaṃ niśāmya puravāsinaḥ
tejaḥ prāgalbhyaṃ rūpaṃ ca menire tridivaukasau

14.23

tayorvicaratoḥ svairamādityo'stamupeyivān
kṛṣṇarāmau vṛtau gopaiḥ purācchakaṭamīyatuḥ

14.24

gopyo mukundavigame virahāturā yā āśāsatāśiṣa ṛtā madhupairyabhūvan
sampaśyatāṃ puruṣabhūṣaṇagātralakṣmīṃ hitvāetarāmbhujatamvakame'yanaṃ śrīḥ

14.25

avaniktāṅghriyugalau bhuktvā kṣīropasecanam
uṣitustāṃ sukhaṃ rātriṃ jñātvā kaṃsacikīrṣitam

14.26

kaṃsastu dhanuṣo bhaṅgaṃ rakṣiṇāṃ svabalasya ca
vadhaṃ niśamya govindarāmavikrīḍitaṃ param

14.27

dīrghaprajāgaro bhīto durnimittāni durmatiḥ
bahūnyacaṣṭobhayathā mṛtyordautyakarāṇi ca

14.28

adarśanaṃ svaśirasaḥ pratirūpe ca satyapi
asatyapi dvitīye ca dvairūpyaṃ jyotiṣāṃ tathā

14.29

chidrapratītiśchāyāyāṃ prāṇaghoṣānupaśrutiḥ
svarṇāpratītirvṛkṣeṣu svapadānāṃmadarśanam

14.30

svapne pretapariśvaṅgaḥ kharayānaṃ viṣādanam
yāyānnaladamālyekastailābhyakto digambaraḥ

14.31

anyāni cetthambhūtāni svapnajāgaritāni ca
paśyanmaraṇasaṃtrasto nidrāṃ lebhe na cintayā

14.32

vyuṣṭāyāṃ niśi kauravya ! sūrye cādmyaḥ samutthite
kārayāmāsa vai kaṃso malla krīḍāmahotsavam

14.33

ānarcuḥ puruṣā raṅgaṃ tūryabheryaśca jaghnire
mañcāścālaṃkṛtāḥ sragbhiḥ patākācailatoraṇaiḥ

14.34

teṣu paurā jānapadā brahmakṣatrapurogamāḥ
yathopajoṣaṃ viviśū rājānaśca kṛtāsanāḥ

14.35

kaṃsaḥ parivṛto'mātyai rājamañca upāviśat
maṇḍaleśvaramadhyastho hṛdayena vidūyatā

14.36

vādyamāneṣu tūryeṣu mallatālottareṣu ca
mallāḥ svalaṅkṛtā dṛptāḥ sopādhyāyāḥ samāsanna

14.37

cāṇūro muṣṭikaḥ kūṭaḥ śalastośala eva ca
ta āsedurupasthānaṃ valguvādyapraharṣitāḥ

14.38

nandagopādayo gopā bhojarājasamāhṛtāḥ
niveditopāyanāstai ekasmin mañca āviśan

14.38.p1

iti śrīmadbhāgavate mahāpurāṇe daśamaskandhe pūrvārdhe mallaraṅgopavarṇanaṃ nāma dvicatvāriṃśo'dhyāyaḥ

14.38.p2

iti śrīmadbhāgavate daśamaskandhe pūrvārdhe dvicatvāriṃśo'dhyāyaḥ || 42

Linked texts (8)