Pramāṇa · Search · About · API

Dashamaskandha 25

Daśamaskandha 25

Language
Sanskrit

Contents

25.1

śrīśuka uvāca
sa gatvā hāstinapuraṃ pauravendrayaśo'ṅkitam
dadarśa tatrāmbikeyaṃ sabhīṣmaṃ viduraṃ pṛthām

25.2

sahaputrañca vāhlīkaṃ bhāradvājaṃ sagautamam
karṇaṃ suyodhanaṃ drauṇiṃ pāṇḍavān suhṛdo'parān

25.3

yathāvadupasaṅgamya bandhubhirgāndinīsutaḥ
sampṛṣṭastaiḥ suhṛdvārttāṃ svayaṃ cāpṛcchadavyayam

25.4

uvāsa katicinmāsān rājño vṛttavivitsayā
duṣprajasyālpasārasya khalacchandānuvartinaḥ

25.5

teja ojo balaṃ vīryaṃ praśrayādīṃśca sadguṇān
prajānurāgaṃ pārtheṣu na sahadbhiścikīrṣitam

25.6

kṛtaṃ ca dhārtarāṣṭrai rgadadānādyapaborderpeśalam
ācakhyau sarvamevāsmai pṛthā vidura eva ca

25.7

pṛthā tu bhrātaraṃ prāptamakrūramupasṛtya tam
uvāca janmanilayaṃ smarantyaśrukalekṣaṇā

25.8

api smaranti naḥ saumya ! pitarau bhrātaraśca me
bhaginyo bhrātṛputrāśca jāmayaḥ sakhya eva ca

25.9

āste'tho bhagavān kṛṣṇaḥ śaraṇyo bhaktavatsalaḥ
paitṛṣvastreyān smarati rāmaścāmburuhekṣaṇaḥ

25.10

sapatnamadhye śocantīṃ vṛkāṇāṃ hariṇīmiva
sāntvayiṣyati māṃ vākyaiḥ pitṛhīnāṃśca bālakān

25.11

kṛṣṇa ! kṛṣṇa ! mahāyogin ! viśvātman viśvabhāvana !
prapannāṃ pāhi govinda ! śiśubhiścāvasīdatīm

25.12

nānyattava padāmbhojād paśyāmi śaraṇaṃ nṛṇām
bibhyatāṃ mṛtyusaṃsārādīśvarasyāpavargikāt

25.13

namaḥ kṛṣṇāya śuddhāya brahmaṇe paramātmane
yogeśvarāya yogāya tvāmahaṃ śaraṇaṃ gatā

25.14

śrīśuka uvāca
ityanusmṛtya svajanaṃ kṛṣṇaṃ ca jagadīśvaram
prārudadduḥkhitā rājan ! bhavatāṃ prapitāmahī

25.15

samaduḥkhasukho'krūro viduraśca mahāyaśāḥ
sāntvayāmāsatuḥ kuntīṃ tatputrotpattihetubhiḥ

25.16

yāsyantāvānamabhyetya viṣamaṃ putralālasam
avadatsūhṛdāṃ madhye bandhubhiḥ sauhṛdoditam

25.17

akrūra uvāca
bho bho vaicitravīrya ! tvaṃ kurūṇāṃ kīrtivarddhana !
bhrātaryuparate pāṇḍāvadhunāsanamāsthitaḥ

25.18

dharmeṇa pālayannurvī prajāḥ śīlena rañjayan
vartamānaḥ samaḥ sveṣu śreyaḥ kīrtiṃmavāpsyasi

25.19

anyathā tvācaram̐lloke garhito yāsyase tamaḥ
tasmātsamatve vartasva pāṇḍaveṣvātmajeṣu ca

25.20

naiha cātyantasamvāsaḥ karhicitkenacitsaha
rājan ! svenāpi dehena kimu jāyātmajādibhiḥ

25.21

ekaḥ prasūyate jantureka eva pralīyate
eko'nubhuṅkte sukṛtameka eva ca duṣkṛtam

25.22

adharmopacitaṃ vittaṃ harantyanye'lpamedhasaḥ
sambhojanīyāpadeśairjailānīva jalaukasaḥ

25.23

puṣṇāti yānadharmeṇa svabuddhyā tamapaṇḍitam
te'kṛtārthaṃ prahiṇvanti prāṇā rāyaḥ sutādayaḥ

25.24

svayaṃ kilbiṣamādāya taistyakto nārthakovidaḥ
asiddhārtho viśatyandhaṃ svadharmavimukhastamaḥ

25.25

tasmāllokamimaṃ rājan ! svapnamāyāmanoratham
vīkṣyāyamyātmanātmānaṃ samaḥ śānto bhava prabho !

25.26

dhṛtarāṣṭra uvāca
yathā vadati kalyāṇīṃ vācaṃ dānapate ! bhavān
tathā'nayā na tṛpyāmi martyaḥ prāpya yathā 'mṛtam

25.27

tathā'pi sūnṛtā saumya ! hṛdi na sthīyate cale
putrānurāgaviṣame vidyutsaudāmanī yathā

25.28

īśvarasya vidhiṃ ko'nu vidhunotyanyathā pumān
bhūmerbhārāvatārāya yo 'vatīrṇo yadoḥ kule

25.26-2

yo duvimarśapathayā nijamāyayedaṃ sṛṣṭvā guṇān vibhajate tadanupraviṣṭaḥ
tasmai namo duravabodhavihāratantrasaṃsāracakragataye parameśvarāya

25.30

śrīśuka uvāca
ityābhipretya nṛpaterabhiprāyaṃ sa yādavaḥ
suhṛdbhiḥ samanujñātaḥ punaryadupuramagāt

25.31

śaśaṃsa rāmakṛṣṇabhyāṃ dhṛtarāṣṭraviceṣṭitam
pāṇḍavān prati kauravya ! yadarthaṃ preṣitaḥ svayam

25.31.p1

iti śrīmadbhāgavate mahāpurāṇe aṣṭādaśasāhasryāṃ pāramahaṃsyāṃ saṃhitāyāṃ vaiyāsikyāṃ daśamaskandhe pūrvārdhe ekonapañcāśattamo'dhyāyaḥ

Linked texts (6)