Pramāṇa · Search · About · API

Dashamaskandha 5

Daśamaskandha 5

Language
Sanskrit

Contents

5.1

saptatriṃśo'dhyāyaḥ
śrīśuka uvāca
keśī tu kaṃsaprahitaḥ khurairmahīṃ mahāhayo nirjarayanmanojavaḥ
saṭāvadhūtābhravimānasaṃkulaṃ kurvannabho heṣitabhīṣitākhilaḥ

5.0

"viśālanetro vikaṭāsyakoṭaro bṛhadgalo nīlamahāmbudopamaḥ
durāśayaḥ kaṃsahitaṃ cikīrṣurbrajaṃ sa nandasya jagāma kampayan" 1

5.2

taṃ trāsayantaṃ bhagavān svagokulaṃ taddheṣitairvālavighūrṇitāmbudam
ātmānamājau mṛgayantamagraṇīrupāvhayatsa vyanadanmṛgendravat

5.3

sa taṃ niśāmyābhimukho mukhena khaṃ pibannivābhyadravadatyamarṣaṇaḥ
jaghāna padbhyāmaśvindalocanaṃ durāsadaścaṇḍajavo duratyayaḥ

5.4

tadvañcayitvā tamadhokṣajo ruṣā pragṛhya dobhryāṃ parividhya pādayoḥ
sāvajñamutsṛjya dhanuḥśatāntare yathoragaṃ tārkṣyasuto vyavasthitaḥ

5.5

sa labdhasaṃjñaḥ punarutthito ruṣā vyādāya keśī tarasāpataddharim
so'pyasya vaktre bhujamuttaraṃ smayan praveśayāmāsa yathoragaṃ bile

5.6

dantā nipeturbhagavadbhujaspṛśaste keśinastaptamayaspṛśo yathā
bāhuśca taddehagato mahātmano yathāmayaḥ saṃvavṛdhe upekṣitaḥ

5.7

samedhamānena sa kṛṣṇabāhunā niruddhavāyuścaraṇāṃśca vikṣipan
prasvinnagātraḥ parivṛttalocanaḥ papāta leṇḍaṃ visṛjan kṣitau vyasuḥ

5.8

taddehṛtaḥ karkaṭikāphalopamādvyaporapākaṣya bhujaṃ mahābhujaḥ
1avismito 'yatnahatārirutsayaiḥ prasūnavarṣairdiviṣadbhirīḍitaḥ

5.6-2

keśino dantā nipetuḥ yathā taptamayastaptaṃ lohapiṇḍaṃ spṛśanto nipatanti tadvat keśino dehe praviṣṭo mahātmano bhagavato bhujastu vavṛdhe
prathāṃbabhūva yathopekṣito'cikitsitaḥ āmayo jalodaro varddhate
tadvat

5.7-2

sa keśī samyagedhamānena kṛṣṇasya bāhunā niruddhaḥ vāyuḥ
śvāso yasya sa caraṇānvikṣipaṃstatastataścālayaṃñchrāntastatprayuktaṃ svedayuktaṃ śarīraṃ yasya paribhramamāṇe locane yasya sa vigataprāṇo
leṇḍaṃ purīṣaṃ visṛjan bhūmyāṃ papāta

5.8-2

karkaṭikāphalaṃ hi pakvaṃ sadyantaṃ vidīrṇaṃ bhavati tadvadvidīrṇāttasya keśino dehādbhyasorlaṃtaprāṇānmāhābhujo bhagavānbhujamākṛṣṭavānavismito garvvarahito'yatnena hato'riyaina saḥ prasūnavarṣāṇi
varṣadbhirūtsamaidaivairīḍitaḥ stūyamānaḥ babhūveti śeṣaḥ

5.9

devarṣirupasaṃgamya bhāgavatapravaro nṛpa !
kṛṣṇā makliṣṭakarmāṇaṃ rahasyetadabhāṣata

5.10

kṛṣṇā kṛṣṇa prameyatman ! yogeśa jagadīśvara !
vāsudevākhilāvāsa sātvatāṃ pravara prabho !

5.11

tvamātmā sarvabhūtānāmeko jyotirivaidhasām
gūḍho guhāśayaḥ sākṣī mahāpuruṣa īśvaraḥ

5.12

ātmanātmāśrayaḥ pūrvaṃ māyayā sasṛje guṇān
tairidaṃ satyasaṃkalpaḥ sṛjasyatsyavasīśvaraḥ

5.13

sa tvaṃ bhūdharabhūtānāṃ daityapramatharakṣasām
avatīrṇo vināśāya setūnāṃ rakṣaṇāya ca

5.14

diṣṭyā te nihato daityo līlayā'yaṃ hayākṛtiḥ
yasya heṣitasaṃtrastāstyajantyanimiṣā divam

5.15

cāṇūraṃ muṣṭikaṃ caiva mallānanyāṃśca hastinam
kaṃsaṃ ca nihataṃ drakṣye paraśvo 'hani te vibho !

5.16

tasyānuśaṅkhayavanamurāṇāṃ narakasya ca
pārijātāpaharaṇamindrasya ca parājayam

5.17

udvāhaṃ vīraka nyānāṃ vīryaśulkādilakṣaṇam
nṛgasya mokṣaṇaṃ pāpāddvārakāyāṃ jagatpate !

5.18

syamantakasya ca maṇerādānaṃ saha bhāryayā
mṛtaputrapradānañca brāhmaṇasya svadhāmataḥ

5.19

pauṇḍrakasya vadhaṃ paścātkāśipuryāśca dīpanam
dantavaktrasya nidhanaṃ caidyasya ca mahākratau

5.20

yāni cānyāni vīryāṇi dvārakāmāvasan bhavān
karttā drakṣyāmyahaṃ tāni geyāni kavibhirbhuvi

5.21

atha te kālarūpasya kṣapayiṣṇoramuṣya vai
akṣauhiṇīnāṃ nidhanaṃ drakṣyāmyarjunasāratheḥ

5.22

viśuddhavijñānaghanaṃ svasaṃsthayā samāptasarvārthamamoghavāñchitam
svatejasā nityanivṛttamāyāguṇapravāhaṃ bhagavantamamīmahi

5.23

tvāmīśvaraṃ svāśrayamātmamāyayā vinirmitāśeṣaviśeṣakalpanam
krīḍārthamadyāttamanuṣyavigrahaṃ nato'smi dhuryaṃ yaduvṛṣṇiśātvatām

5.24

śrīśuka uvāca
evaṃ yadupatiṃ kṛṣṇaṃ bhāgavatapravaro muniḥ
praṇipatyābhyanujñāto yayau taddarśanāvatsavaḥ

5.25

bhagavānapi govindo hatvā keśinamāhave
paśūnapālayatpālaiḥ prītairvrajasukhāvahaḥ

5.26

ekadā te paśūnpālāścārayanto 'drisānuṣu
cakrurniṃlāyanakrīḍāñcorapālāpadeśataḥ

5.27

tatrāsangaticiccorāḥ pālāica katicinnṛpa !
meṣāyitāśca tatraike vijahrurakuto bhayāḥ

5.28

mayaputro mahāmāyo vyomo gopālaveṣadhṛk
meṣāyitānapovāha prāyaścorāyito bahūn

5.26-2

giridaryāṃ viniccipya nītaṃ nītaṃ mahā'suraḥ
śilayā pidadhe dvāraṃ catuḥpañcāvaśeṣitāḥ

5.30

tasya tatkarma vijñāya kṛṣṇaḥ śaraṇadaḥ satām
gopānnayantaṃ jagrāha vṛkaṃ haririvaujasā

5.31

sa nijaṃ rūpamāsthāya girīndrasadṛśaṃ balī
icchanvimoktumātmānaṃ nāśaknodgrahaṇāturaḥ

5.32

taṃ nigṛhyācyuto dorbhyāṃ pātayitvā mahītale
paśyatāṃ divi devānāṃ paśumāramamārayat

5.33

guhāpidhānaṃ nirbhidya gopānniḥsārya kṛcchrataḥ
stūyamānaḥ surairgopaiḥ praviveśa svagokulam

5.33.p1

iti śrīmadbhāgavate mahāpurāṇe daśamaskandhe pūrvārdhe vyomāsuravadho nāma saptatriṃśo'dhyāyaḥ

Linked texts (4)