Pramāṇa · Search · About · API

Dashamaskandha 8

Daśamaskandha 8

Language
Sanskrit

Contents

8.1

1padmāvarūḍhaḥ sapadīśayo rathātpradhānapuṃsoścaraṇaṃ svalabdhaye

8.15

ayaṃ vijayadhvaje nāsti
dhiyā dhṛtaṃ yogibhirapyahaṃ dhruvaṃ namasya ābhyāṃ ca sakhīn vanaukasaḥ

8.16

apyaṅghrimūle patitasya me vibhuḥ śirasyadhāsyannijahastapaṅkajam
dattābhayaṃ kālabhujaṅgaraṃhasā prodvejitānāṃ śaraṇaiṣiṇāṃ nṛṇām

8.17

samarhaṇaṃ yatra nidhāya kauśikastathā baliśvāpa jagattrayendratām
yadvā vihāre brajayoṣitāṃ śramaṃ sparśena saugandhikagandhapānudat

8.18

na mayyupeṣyatyaribuddhimacyutaḥ kaṃsasya dūtaḥ prahito'pi viśvadṛk
yo'ntarbahiścetasa etadīhitaṃ kṣetrajña īkṣatyamalena cakṣuṣā

8.19

apyaṅghrimūle 'vahitaṃ kṛtāñjaliṃ māmīkṣitā sāsmitamārdrayā dṛśā
sapadyapadhvastasamastakanmaṣo voḍhā mudaṃ vītaviśaṅka ūrjitām

8.20

suhṛttamaṃ jñātimananyadaivataṃ dorbhyāṃ bṛhadbhyāṃ parirapsyate 'tha mām
ātmā hi tīrthīkriyate tadaiva me bandhaśca karmātmaka ucchrasityataḥ

8.19-2

api kim aṅghrimūle avahitaṃ praṇamya saṃyatantaṃ māṃ kṛpāsmṛtenārdrayā dṛśā īkṣitā īkṣiṣyate sapadi tatkṣaṇādeva ūrjitāṃ mudaṃ
voḍhā prāpsyāmi tadaiva vītaviśaṅkaśca madantaḥkaraṇaṃ prabhurjānātismeti niśceṣyāmītyarthaḥ

8.20-2

parirapsyate āliṅgiti tatra hetuḥ suhṛttamaṃ na kevalaṃ sauhārdātiśaya eva kintu jñātiṃ jñātitve'pi satyananyadaivatam aikāntikaṃdāsyavantaṃ tataśca tena me ātmā ayaṃ dehaḥ tīrthīkṛtyeta tīrthaṃ
kariṣyate dehaḥ pūto bhūtvā'nyeṣāmapi pāvano bhaviṣyatītyarthaḥ
atastatparirambhādeva hetorbandhaśca ucchvasiti udrathayito bhaviṣyatītyarthaḥ

8.21

labdhāṅgasaṅgaṃ praṇataṃ kṛtāñjaliṃ māṃ vakṣyate 'krūra ! tatetyuruśravāḥ
tadā vayaṃ janmabhṛto mahīyasā naivādṛto yo dhigamuṣya janma tat

8.22

na tasya kaściddayitaḥ suhṛttamo na cāpriyo dveṣya upekṣya eva vā
tathāpi bhaktān bhajate yathā tathā suradrumo yadvadupāśrito 'rthadaḥ

8.23

kiṃcāgrajo mā'vanataṃ yadūttamaḥ smayan pariṣvajya gṛhītamañjalau
gṛhaṃ praveśyāptasamastasatkṛtaṃ samprakṣyate kaṃsakṛtaṃ svabandhuṣu

8.24

śrīśuka uvāca
iti sañcintayan kṛṣṇaṃ śvaphalkatanayo 'dhvani
rathena gokulaṃ prāptaḥ sūryaścāstāgiriṃ nṛpa !

8.25

padāni tasyākhilalokapālakirīṭajuṣṭāmalapādareṇoḥ
dadarśa goṣṭhe kṣitikautukāni vilakṣitānyabjayavāṅkuśādyaiḥ

8.26

taddarśanāhlādavivṛddhasambhramaḥ premṇodhvaṃromāśrukalākulekṣaṇaḥ
rathādavaskandya sa teṣvaceṣṭata prabhoramūnyaṅghrirajāṃsyaho iti

8.27

dehaṃ bhṛtāmiyānartho hitvā dambhaṃ bhiyaṃ śucam
saṃdeśāyo harerliṅgadarśanaśravaṇādibhiḥ

8.28

dadarśa kṛṣṇaṃ rāmañca vraje godohanaṃ gatau
pītanīlāmbaradharau śaradamburuhekṣaṇau

8.29

kiśorau śyāmalaśvetau śrīniketau bṛhadbhujau
sumukhau sundaravarau bāladviradavikramau

8.30

dhvajavajrāṅkuśāmbhojaiścihnitairaṅghribhirvrajam
śobhayantau mahātmānāva nukampasmitekṣaṇau

8.31

udārarucirakrīḍau sragviṇau vanamālinau
puṇyagandhānuliptāṅgau snātau virajavāsasau

8.32

pradhānapuruṣāvādyau jagaddhetū jagatpatī
avatīrṇau jagadarthe svāṃśena balakeśavau

8.33

diśo vitimirā rājan ! kurvāṇau prabhayā svayā
yathā mārakataḥ śailo raupyaśca kanakācitau

8.34

rathāttūrṇamavaplutya so'krūraḥ snehavihvalaḥ
papāta caraṇopānte daṇḍavadrāmakṛṣṇayoḥ

8.35

bhagavaddarśanāhlādavāṣpaparyākulekṣaṇaḥ
pulakācitāṅga autkaṇṭhyātsvākhyāne nāśaknṛpa !

8.36

bhagavānstamabhipretya rathāṅgāṅkitapāṇinā
parirebhe'bhyupākṛṣya prītaḥ praṇatavatsalaḥ

8.37

saṅkarṣaṇaśca praṇatamupaguhya mahāmanāḥ
gṛhītvā pāṇinā pāṇī anayatsānujo gṛham

8.38

pṛṣṭvā svāgataṃ tasmai nivedya ca varāsanam
prakṣālya vidhivatpādau madhuparkārhaṇamāharat

8.39

nivedya gāṃ cātithaye saṃvāhya śrāntamāhṛtaḥ
annaṃ bahuguṇaṃ medhyaṃ śraddhayopāharadvibhuḥ

8.40

tasmai bhuktavate prītyā rāmaḥ paramadharmavit
mukhavāsairgandhamālyaiḥ parāṃ prītiṃ vyadhātpunaḥ

8.41

1papraccha satkṛtaṃ nandaḥ kathaṃ stha niranugrahe
kaṃse jīvati dāśārha ! saunapālā ivāvayaḥ

8.42

yo 'vadhītsvasvasustokān krośantyā asutupkhalaḥ
kinnu svittvatprajānāṃ vaḥ kuśalaṃ vimṛśāmahe

8.43

itthaṃ sūnṛtayā vācā nandena susabhājitaḥ
akrūraḥ paripṛṣṭena jahāvadhvapariśramam

8.43.p1

iti śrīmadbhāgavate mahāpurāṇe daśamaskandhe pūrvārdhe akrūrāgamanaṃ nāma aṣṭatriṃśo'dhyāyaḥ

8.43.p2

iti śrīmadbhāgavate daśamaskandhe pūrvārdhe aṣṭatriṃśo'dhyāyaḥ || 38

Linked texts (11)