Pramāṇa · Search · About · API

Devimahatmya or Saptashaticandi 14

Devīmāhātmya or Saptaśatīcaṇḍī 14

Language
Sanskrit

14.1

'oṃ hrīṃ' ṛṣiruvāca

14.2

devāsuramabhūyuddhaṃ pūrṇamabdaśataṃ purā
mahiṣe'surāṇāmadhipe devānāṃ ca purandare

14.3

tatrāsurairmahāvīryairdevasainyaṃ parājitam
jitvā ca sakalān devānindro'bhūnmahiṣāsuraḥ

14.4

tataḥ parājitā devāḥ padmayoniṃ prajāpatim
puraskṛtya gatāstatra yatreśagaruḍadhvajau

14.5

yathāvṛttaṃ tayostadvanmahiṣāsuraceṣṭitam
tridaśāḥ kathayāmāsurdevābhibhavavistaram

14.6

247 oṃ pañcanayanāyai namaḥ
248 oṃ pañcarāgasamaprabhāyai namaḥ
249 oṃ pañcapretāsanāsīnāyai namaḥ
250 oṃ pañcabrahmasvarūpiṇyai namaḥ
251 oṃ cinmayyai namaḥ
252 oṃ paramānandāyai namaḥ
253 oṃ vijñānaghanarūpiṇyai namaḥ
254 oṃ dhyānadhyātṛdhyeyarūpāyai namaḥ
255 oṃ dharmādharmavivarjitāyai namaḥ
256 oṃ viśvarūpāyai namaḥ
257 oṃ jāgariṇyai namaḥ
258 oṃ svapantyai namaḥ
259 oṃ taijasātmikāyai namaḥ
260 oṃ suptāyai namaḥ
261 oṃ prājñātmikāyai namaḥ
262 oṃ turyāyai namaḥ
263 oṃ sarvāvasthāvivarjitāyai namaḥ
264 oṃ sṛṣṭikartryai namaḥ
265 oṃ brahmarūpāyai namaḥ
266 oṃ goptryai namaḥ
267 oṃ govindarūpiṇyai namaḥ
268 oṃ saṃhāriṇyai namaḥ
269 oṃ rudrarūpāyai namaḥ
224 oṃ mahāsiddhaye namaḥ
225 oṃ mahāyogīśvareśvaryai namaḥ
226 oṃ mahātantrāyai namaḥ
227 oṃ mahāmantrāyai namaḥ
228 oṃ mahāyantrāyai namaḥ
229 oṃ mahāsanāyai namaḥ
230 oṃ mahāyāgakramārādhyāyai namaḥ
231 oṃ mahābhairavapūjitāyai namaḥ
232 oṃ maheśvaramahākalpamahātāṇḍavasākṣiṇyai namaḥ
233 oṃ mahākāmeśamahiṣyai namaḥ
234 oṃ mahātripurasundaryai namaḥ
235 oṃ catuḥṣaṣṭyupacārāḍhyāyai namaḥ
236 oṃ catuḥṣaṣṭikalāmayyai namaḥ
237 oṃ mahācatuḥṣaṣṭikoṭṭiyoginīgaṇasevitāyai namaḥ
238 oṃ manuvidyāyai namaḥ
239 oṃ candravidyāyai namaḥ
240 oṃ candramaṇḍalamadhyagāyai namaḥ
241 oṃ cārurūpāyai namaḥ
242 oṃ cāruhāsāyai namaḥ
243 oṃ cārucandrakalādharāyai namaḥ
244 oṃ carācarajagannāthāyai namaḥ
245 oṃ cakrarājaniketanāyai namaḥ
246 oṃ pārvatyai namaḥ
sūryendrāgnyanilendūnāṃ yamasya varuṇasya ca
anyeṣāṃ cādhikārān sa svayamevādhitiṣṭhati

14.7

svargānnirākṛtāḥ sarve tena devagaṇā bhuvi
vicaranti yathā martyā mahiṣeṇa durātmanā

14.8

etadvaḥ kathitaṃ sarvamasurāriviceṣṭitam
śaraṇāṃ ca prapannāḥ smo vadhastasya vicintyatām

14.9

itthaṃ niśamya devānāṃ vacāṃsi madhusūdanaḥ
cakāra kopaṃ śambhuśca bhrakuṭīkuṭilānanau

14.10

tato'tikopapūrṇasya cakriṇo vadanāttataḥ
niścakrāma mahattejo brahmaṇaḥ śaṅkarasya ca

14.11

anyeṣāṃ caiva devānāṃ śakrādīnāṃ śarīrataḥ
nirgataṃ sumahattejastaccaikayaṃ samagacchata

14.12

atīva tejasaḥ kūṭaṃ jvalantamiva parvatam
dadṛśuste surāstatra jvālāvyāptadigantaram

14.13

atulaṃ tatra tattejaḥ sarvadevaśarīrajam
ekasthaṃ tadabhūnnārī vyāptalokatrayaṃ tviṣā

14.14

yadabhūcchāmbhavaṃ tejastenājāyata tanmukham
yāmyena cābhavan keśā bāhavo viṣṇutejasā

14.15

saumyena stanayoryugmaṃ madhyaṃ caindreṇa cābhavat
vāruṇena ca jaṅghorū nitambastejasā bhuvaḥ

14.16

brahmaṇastejasā pādau tadaṅgulyo'rkatejasā
vasūnāṃ ca karāṅgulyaḥ kaubereṇa ca nāsikā

14.17

tasyāstu dantāḥ sambhūtāḥ prājāpatyena tejasā
nayanatritayaṃ jajñe tathā pāvakatejasā

14.18

bhruvau ca sandhyayostejaḥ śravaṇāvanilasya ca
anyeṣāṃ caiva devānāṃ sambhavastejasāṃ śivā

14.19

tataḥ samastadevānāṃ tejorāśisamudbhavām
tāṃ vilokya mudaṃ prāpuramarā mahiṣārditāḥ

14.20

śūlaṃ śūlādviniṣkṛṣya dadau tasyai pinākadhṛk
cakraṃ ca dattavān kṛṣṇaḥ samutpāṭya svacakrataḥ

14.21

śaṅkhaṃ ca varuṇaḥ śaktiṃ dadau tasyai hutāśanaḥ
māruto dattavāṃścāpaṃ bāṇāpūrṇau tatheṣudhī

14.22

vajramindraḥ samutpāṭya kuliśādamarādhipaḥ
dadau tasyai sahasrākṣo ghaṇṭāmairāvatād gajāt

14.23

kāladaṇḍādyamo daṇḍaṃ pāśaṃ cāmbupatirdadau
prajāpatiścākṣamālāṃ dadau brahmā kamaṇḍalum

14.24

samastaromakūpeṣu nijaraśmīn divākaraḥ
kālaśca dattavān khaḍgaṃ tasyāścarma ca nirmalam

14.25

kṣīrodaścāmalaṃ hāramajare ca tathāmbare
cūḍāmaṇiṃ tathā divyaṃ kuṇḍale kaṭakāni ca

14.26

ardhacandraṃ tathā śubhraṃ keyūrān sarvabāhuṣu
nūpurau vimalau tadvad graiveyakamanuttamam

14.27

aṅgulīyakaratnāni samastāsvaṅgulīṣu ca
viśvakarmā dadau tasyai paraśuṃ cātinirmalam

14.28

astrāṇyanekarūpāṇi tathābhedyaṃ ca daṃśanam
amlānapaṅkajāṃ mālāṃ śirasyurasi cāparām

14.29

adadajjaladhistasyai paṅkajaṃ cātiśobhanam
himavān vāhanaṃ siṃhaṃ ratnāni vividhāni ca

14.30

dadāvaśūnyaṃ surayā pānapātraṃ dhanādhipaḥ
śeṣaśca sarvanāgeśo mahāmaṇivibhūṣitam

14.31

nāgahāraṃ dadau tasyai dhatte yaḥ pṛthivīmimām
anyairapi surairdevī bhūṣaṇairāyudhaistathā

14.32

sammānitā nanādoccaiḥ sāṭṭahāsaṃ muhurmuhuḥ
tasyā nādena ghoreṇa kṛtsnamāpūritaṃ nabhaḥ

14.33

amāyatātimahatā pratiśabdo mahānabhūt
cukṣubhuḥ sakalā lokāḥ samudrāśca cakampire

14.34

cacāla vasudhā celuḥ sakalāśca mahīdharāḥ
jayeti devāśca mudā tāmūcuḥ siṃhavāhinīm

14.35

tuṣṭuvurmunayaścaināṃ bhaktyānamrātmamūrtayaḥ
dṛṣṭvā samastaṃ saṃkṣubdhaṃ trailokyamamarārayaḥ

14.36

sannaddhākhilasainyāste samuttasthurudāyudhāḥ
āḥ kimetaditi krodhādābhāṣya mahiṣāsuraḥ

14.37

abhyadhāvata taṃ śabdamaśeṣairasurairvṛtaḥ
sa dadarśa tato devīṃ vyāptalokatrayāṃ tviṣā

14.38

pādākrāntyā natabhuvaṃ kirīṭollikhitāmbarām
kṣobhitāśeṣapātālāṃ dhanurjyāniḥsvanena tām

14.39

diśo bhujasahasreṇa samantād vyāpya saṃsthitām
tataḥ pravavṛte yuddhaṃ tayā devyā suradviṣām

14.40

śastrāstrairbahudhā muktairādīpitadigantaram
mahiṣāsurasenānīścikṣurākhyo mahāsuraḥ

14.41

yuyudhe cāmaraścānyaiścaturaṅgabalānvitaḥ
rathānāmayutaiḥ ṣaḍbhirudagrākhyo mahāsuraḥ

14.42

ayudhyatāyutānāṃ ca sahasreṇa mahāhanuḥ
pañcāśadbhiśca niyutairasilomā mahāsuraḥ

14.43

ayutānāṃ śataiḥ ṣaḍbhirbāṣkalo yuyudhe raṇe
gajavājisahasraughairanekaiḥ parivāritaḥ

14.44

vṛto rathānāṃ koṭyā ca yuddhe tasminnayudhyata
biḍālākhyo'yutānāṃ ca pañcāśadbhirathāyutaiḥ

14.45

yuyudhe saṃyuge tatra rathānāṃ parivāritaḥ
anye ca tatrāyutaśo rathanāgahayairvṛtāḥ

14.46

yuyudhuḥ saṃyuge devyā saha tatra mahāsurāḥ
koṭikoṭisahasraistu rathānāṃ dantināṃ tathā

14.47

hayānāṃ ca vṛto yuddhe tatrābhūnmahiṣāsuraḥ
tomarairbhindipālaiśca śaktibhirmusalaistathā

14.48

yuyudhuḥ saṃyuge devyā khaḍgaiḥ paraśupaṭṭiśaiḥ
kecicca cikṣipuḥ śaktīḥ kecitpāśāṃstathāpare

14.49

devīṃ khaḍgaprahāraistu te tāṃ hantuṃ pracakramuḥ
sāpi devī tatastāni śastrāṇyastrāṇi ciccheda

14.50

līlayaiva praciccheda nijaśastrāstravarṣiṇaḥ
anāyastānanā devī stūyamānā surarṣibhiḥ

14.51

mumocāsuradeheṣu śastrāṇyastrāṇi ceśvarī
so'pi kruddho dhutasaṭo devyā vāhanakesarī

14.52

cacārāsurasainyeṣu vaneṣviva hutāśanaḥ
niḥśvāsān mumuce yāṃśca yudhyamānā raṇe'mbikā

14.53

ta eva sadyaḥ sambhūtā gaṇāḥ śatasahasraśaḥ
yuyudhuste paraśubhirbhindipālāsipaṭṭiśaiḥ

14.54

nāśayanto'suragaṇān devīśaktyupabṛṃhitāḥ
avādayanta paṭahān gaṇāḥ śaṅkhāṃstathāpare

14.55

mṛdaṅgāṃśca tathaivānye tasmin yuddhamahotsave
tato devī triśūlena gadayā śaktiṛṣṭibhiḥ

14.56

khaḍgādibhiśca śataśo nijaghāna mahāsurān
pātayāmāsa caivānyān ghaṇṭāsvanavimohitān

14.57

asurān bhuvi pāśena baddhvā cānyānakarṣayat
kecid dvidhā kṛtāstīkṣṇaiḥ khaḍgapātaistathāpare

14.58

vipothitā nipātena gadayā bhuvi śerate
vemuśca kecidrudhiraṃ musalena bhṛśaṃ hatāḥ

14.59

kecinnipatitā bhūmau bhinnāḥ śūlena vakṣasi
nirantarāḥ śaraugheṇa kṛtāḥ kecidraṇājire

14.60

śyenānukāriṇaḥ prāṇān mumucustridaśārdanāḥ
keṣāṃcid bāhavaśchinnāśchinnagrīvāstathāpare

14.61

śirāṃsi peturanyeṣāmanye madhye vidāritāḥ
vicchinnajaṅghāstvapare petururvyāṃ mahāsurāḥ

14.62

ekabāhvakṣicaraṇāḥ keciddevyā dvidhā kṛtāḥ
chinno'pi cānye śirasi patitāḥ punarutthitāḥ

14.63

kabandhā yuyudhurdevyā gṛhītaparamāyudhāḥ
nanṛtuścāpare tatra yuddhe tūryalayāśritāḥ

14.64

kabandhāśchinnaśirasaḥ khaḍgaśaktyṛṣṭipāṇayaḥ
tiṣṭha tiṣṭheti bhāṣanto devīmanye mahāsurāḥ

14.65

pātitaiḥ rathanāgāśvairasuraiśca vasundharā
agamyā sā'bhavattatra yatrābhūtsa mahāraṇaḥ

14.66

śoṇitaughā mahānadyaḥ sadyastatra prasusruvuḥ
madhye cāsurasainyasya vāraṇāsuravājinām

14.67

kṣaṇena tanmahāsainyamasurāṇāṃ tathāmbikā
ninye kṣayaṃ yathā vahnistṛṇādārumahācayam

14.68

sa ca siṃho mahānādamutsṛjandhutakeśaraḥ
śarīrebhyo'marārīṇāmasūniva vicinvati

14.69

devyā gaṇaiśca taistatra kṛtaṃ yuddhaṃ mahāsuraiḥ
yathaiṣāṃ tuṣṭuvurdevāḥ puṣpavṛṣṭimuco divi || oṃ

Linked texts (12)