Devimahatmya or Saptashaticandi 17
Devīmāhātmya or Saptaśatīcaṇḍī 17
- Language
- Sanskrit
Contents
17.1
caturtho'dhyāyaḥ
dhyānam—
oṃ kālābhrābhāṃ kaṭākṣairarikulabhayadāṃ maulibaddhendurekhāṃ
śaṅkhaṃ cakraṃ kṛpāṇaṃ triśikhamapi karairudvahantīṃ trinetrām
siṃhaskandhādhirūḍhāṃ tribhuvanamakhilaṃ tejasā pūrayantīṃ
dhyāyed durgāṃ jayākhyāṃ tridaśaparivṛtāṃ sevitāṃ siddhikāmaiḥ
'oṃ' ṛṣiruvāca
17.2
śakrādayaḥ suragaṇā nihate'tivīrye
tasmin durātmani surāribale ca devyā
tāṃ tuṣṭuvuḥ praṇatinamraśirodharāṃkhā
vāgbhiḥ praharṣapulakodgamacārudehāḥ
17.2.p1
devā ūcuḥ
17.3
devyā yayā tatamidaṃ jagadātmaśaktyā
niḥśeṣadevagaṇaśaktisamūhamūrtyā
tāmambikākhiladevamaharṣipūjyāṃ
bhaktyā natāḥ sma vidadhātu śubhāni sā naḥ
17.4
yasyāḥ prabhāvamatulaṃ bhagavānananto
brahmā haraśca na hi vaktumalaṃ balaṃ ca
sā caṇḍikā khilajagatparipālanāya
nāśāya cāśubhabhayasya matiṃ karotu
17.5
yā śrīḥ svayaṃ sukṛtināṃ bhavaneṣvalakṣmīḥ
pāpātmanāṃ kṛtadhiyāṃ hṛdayeṣu buddhiḥ
śraddhā satāṃ kulajanaprabhavasya lajjā
tāṃ tvāṃ natāḥ sma paripālaya devi viśvam
17.6
kiṃ varṇayāma tava rūpamacintyametat
kiṃ cātivīryamasurakṣayakāri bhūri
kiṃ cāhaveṣu caritānya tavādbhutāni
sarveṣu devyasuradevagaṇādikeṣu
17.7
hetuḥ samastajagatāṃ triguṇāpi doṣaiḥ
na jñāyase hariharādibhirapyapārā
sarvāśrayākhilamidaṃ jagadaṃśabhūtamavyākṛtā hi paramā prakṛtistvamādyā
17.8
yasyāḥ samastasuratā samudīraṇena
tṛptiṃ prayāti sakaleṣu makheṣu devi
svāhāsi vai pitṛgaṇāsya ca tṛptiheturuccāryase tvamata eva janaiḥ svadhā ca
17.9
yā muktihetuvicintyamahāvratā tvamabhyasyase suniyatendriyatattvasāraiḥ
mokṣārthibhirmunibhirastasamastadoṣairvidyāsi sā bhagavatī paramā hi devi
17.10
śabdātmikā suvimalargyajuṣāṃ nidhānamudgītharamyapadapāṭhavatāṃ ca sāmnām
devī trayī bhagavatī bhavabhāvanāya
vārtā ca sarvajagatāṃ paramārtihantrī
17.11
medhāsi devi viditākhilaśāstrasārā
durgāsi durgabhavasāgaranaurasaṅgā
śrīḥ kaiṭabhārihṛdayaikakṛtādhivāsā
gaurī tvameva śaśimaulikṛtapratiṣṭhā
17.12
īṣatsahāsamamalaṃ paripūrṇācandrabimbānukāri kanakottamakāntikāntam
atyadbhutaṃ prahṛtamāttaruṣā tathāpi
vaktraṃ vilokya sahasā mahiṣāsureṇa
17.13
dṛṣṭvā tu devi kupitaṃ bhrukuṭīkarālamudyacchaśāṅkasadṛśacchavi yanna sadyaḥ
prāṇān mumoca mahiṣastadatīva citraṃ
kaijīṃvyate hi kupitāntakadarśanena
17.14
devi prasīda paramā bhavato bhavāya
sadyo vināśayasi kopavatī kulāni
vijñātametadadhunaiva yadastametanītaṃ balaṃ suvipulaṃ mahiṣāsurasya
17.15
te sammatā janapadeṣu dhanāni teṣāṃ
teṣāṃ yaśāṃsi na ca sīdati dharmavargaḥ
dhanyāsta eva nibhṛtātmajabhṛtyadārā
yeṣāṃ sadābhyudayadā bhavatī prasannā
17.16
dharmyāṇi devi sakalāni sadaiva karmāṇayatyādṛtaḥ pratidinaṃ sukṛtī karoti
svargaṃ prayāti ca tato bhavatīprasādāllokatraye'pi phaladā nanu devi tena
17.17
durge smṛtā harasi bhītimaśeṣajantoḥ
svasthaiḥ smṛtā matimatīva śubhāṃ dadāsi
dāridryaduḥkhabhayahāriṇi kā tvadanyā
sarvopakārakaraṇāya sadārdracittā
17.18
ebhihaṃtaijaṃgadupaiti sukhaṃ tathaite
kurvantu nāma narakāya cirāya pāpam
saṃgrāmamṛtyumadhigamya divaṃ prayāntu
matveti nūnamahitān vinihaṃsi devi
17.19
dṛṣṭvaiva kiṃ na bhavatī prakaroti bhasma
sarvāsurānariṣu yatprahiṇoṣi śastram
lokān prayāntu ripavo'pi hi śastrapūtā
itthaṃ matirbhavati teṣvapi te'tisādhvī
17.20
khaḍgaprabhānikaravisphuraṇaustathograiḥ
śūlāgrakāntinivahena dṛśo'surāṇām
yannāgatā vilayasaṃśumadindukharāḍayogyānanaṃ tava vilokayatāṃ tadetat
17.21
durvṛttavṛttaśamanaṃ tava devi śīlaṃ
rūpaṃ tathaitadavicintyamatulyamanyaiḥ
vīryaṃ ca hantṛ hṛtadevaparākramāṇāṃ
vairiṣvapi prakaṭitaiva dayā tvayettham
17.22
kenopamā bhavatu te'sya parākramasya
rūpaṃ ca śatrubhayakāryatihāri kutra
citte kṛpā samaraniṣṭhuratā ca dṛṣṭā
tvayyeva devi varade bhuvanatraye'pi
17.23
trailokyametadakhilaṃ ripunāśanena
trātaṃ tvayā samaramūrdhani te'pi hatvā
nītā divaṃ ripugaṇā bhayamapyapāstam
asmākamunmadasurāribhavaṃ namaste
17.24
śūlena pāhi no devi pāhi khaḍgena cāmbike
ghaṇṭāsvanena naḥ pāhi cāpajyāniḥsvanena ca
17.25
prācyāṃ rakṣa pratīcyāṃ ca caṇḍike rakṣa dakṣiṇe
bhrāmaṇenātmaśūlasya uttarasyāṃ tatheśvari
17.26
saumyāni yāni rūpāṇi trailokye vicaranti te
yāni cātyarthaghorāṇi tai rakṣāsmāṃstathā bhuvam
17.27
khaḍgaśūlagadādīni yāni cāstrāṇi te'mbike
karapallavasaṅgīni tairasmān rakṣa sarvataḥ
17.28
ṛṣiruvāca
17.29
evaṃ stutā surairdivyaiḥ kusumairnandanodbhavaiḥ
arcitā jagatāṃ dhātrī tathā gandhānulepanaiḥ
17.30
bhaktyā samastaistridaśairdivyairdhūpaistu dhūpitā
prāha prasādasumukhī samastān praṇatān surān
17.31
devyuvāca
17.32
briyatāṃ tridaśāḥ sarve yadasmatto'bhivācchitam
17.33
devā ūcuḥ
17.34
bhagavatyā kṛtaṃ sarvaṃ na kiṃcidavaśiṣyate
17.35
yadayaṃ nihataḥ śatrurasmākaṃ mahiṣāsuraḥ
yadi cāpi varo deyastvayāsmākaṃ maheśvari
17.36
saṃsmṛtā saṃsmṛtā tvaṃ no hiṃsethāḥ paramāpadaḥ
yaśca martyaḥ stavairebhistvāṃ stoṣyatyamalānane
17.37
tasya vittarddhivibhavairdhanadārādisampadām
vṛddhaye'smatprasannā tvaṃ bhavethāḥ sarvadāmbike
17.38
ṛṣiruvāca
17.39
iti prasāditā devairjagato'rthe tathātmanaḥ
tathetyuktvā bhadrakālī babhūvāntarhitā nṛpa
17.40
ityetatkathitaṃ bhūpa sambhūtā sā yathā purā
devī devaśarīrebhyo jagattrayahitaiṣiṇī
17.41
punaśca gaurīdehātsā samudbhūtā yathābhavat
vadhāya duṣṭadaityānāṃ tathā śumbhaniśumbhayoḥ
17.42
rakṣaṇāya ca lokānāṃ devānāmupakāriṇī
tacchṛṇuṣva mayā''khyātaṃ yathāvatkathayāmi te || hrīṃ oṃ
17.42.p1
iti śrīmārkaṇḍeyapurāṇe sāvarṇike manvantare devīmāhātmye śakrādistutirnāma caturtho'dhyāyaḥ || 4
Linked texts (5)
- Durgārcanasṛti — Sanskrit
- Devīmāhātmya — Sanskrit
- Durgāstotra or saptaśatī — Sanskrit
- Durgārahasya — Sanskrit
- Durgāpāṭha — Vyāsa, Sanskrit