Pramāṇa · Search · About · API

Devimahatmya or Saptashaticandi 21

Devīmāhātmya or Saptaśatīcaṇḍī 21

Language
Sanskrit

Contents

21.1

uvāca 2, ślokāḥ 25, evam 27,
evamāditaḥ 439
aṣṭamo'dhyāyaḥ:
dhyānam
oṃ aruṇāṃ karuṇātaraṅgitākṣīṃ dhṛtapāśāṅkuśabāṇacāpahastām
aṇimādibhirāvṛtāṃ mayūkhairahamityeva vibhāvaye bhavānīm
oṃ ṛṣiruvāca

21.2

caṇḍe ca nihate daitye muṇḍe ca vinipātite
bahuleṣu ca sainyeṣu kṣayiteṣvasureśvaraḥ

21.3

tataḥ kopaparādhīnacetāḥ śumbhaḥ pratāpavān
udyogaṃ sarvasainyānāṃ daityānāmādideśa ha

21.4

adya sarvabalairdaityāḥ ṣaḍaśītirudāyudhāḥ
kambūnāṃ caturaśīrtirniryāntu svabalairvṛtāḥ

21.5

koṭivīryāṇi pañcāśadasurāṇāṃ kulāni vai
śataṃ kulāni dhaumrāṇāṃ nirgacchantu mamājñayā

21.6

kālakā dauhṛdā mauryāḥ kālakeyāstathāsurāḥ
yuddhāya sajjā niryāntu ājñayā tvaritā mama

21.7

ityājñāpyāsurapatiḥ śumbho bhairavaśāsanaḥ
nirjagāma mahāsainyasahasrairbahubhirvṛtaḥ

21.8

śrāyāntaṃ caṇḍikā dṛṣṭvā tatsainyamatibhīṣaṇam
jyāsvanaiḥ pūrayāmāsa dharaṇīgaganāntaram

21.9

tataḥ siṃho mahānādamatīva kṛtavān nṛpa
ghaṇṭāsvanena tannādamambikā copabṛṃhayat

21.10

dhanurjyāsiṃhaghaṇṭānāṃ nādāpūritadiṅmukhā
ninādairbhīṣaṇaiḥ kālī jigye vistāritānanā

21.11

taṃ ninādamupaśrutya daityasainyaiścaturdiśam
devī siṃhastathā kālī saroṣaiḥ parivāritāḥ

21.12

etasminnantare bhūpa vināśāya suradviṣām
bhavābhasarasiṃhānāmativīryabalānvitāḥ

21.13

brahmeśaguhaviṣṇūnāṃ tathendrasya ca śaktayaḥ
śarīrebhyo viniṣkramya tadrūpaiścaṇḍikāṃ yayuḥ

21.14

yasya devasya yadrūpaṃ yathābhūṣaṇavāhanam
tadvadeva hi tacchaktirasurān yoddhumāyayau

21.15

haṃsayuktavimānāgre sākṣasūtrakamarāḍaluḥ
prāyātā brahmaṇaḥ śaktirbrahmāṇīti sābhidhīyate

21.16

maheśvarī vṛṣārūḍhā triśūlavaradhāriṇī
mahāhivalayā prāptā candrarekhāvibhūṣaṇā

21.17

kaumārī śaktihastā ca mayūravaravāhanā
yoddhumabhyāyayā daityānambikā guharūpiṇī

21.18

tathaiva vaiṣṇavī śaktirgaruḍopari saṃsthitā
śaṅkhacakragadāśārṅgakhaḍgahastābhyupāyayau

21.19

yajñavārāhamatulaṃ rūpaṃ yā bibhrato hareḥ
śaktiḥ sāpyāyayau tatra vārāhīṃ bibhratī tanum

21.20

nārasiṃhī nṛsiṃhasya bibhratī sadṛśaṃ vapuḥ
prāmā tatra saṭākṣepakṣiptanakṣatrasaṃhatiḥ

21.21

vajrahastā tathaivaindrī gajarājopari sthitā
prāmā sahasranayanā yathā śakrastathaiva sā

21.22

tataḥ parivṛtastābhirīśāno devaśaktibhiḥ
hanyantāmasurāḥ śīghraṃ mama prītyā''ha caṇḍikām

21.23

tato devīśarīrāttu viniṣkrāntātibhīṣaṇā
caṇḍikāśaktiratyugrā śivāśataninādinī

21.24

sā cāha dhūmrajaṭilamīśānamaparājitā
dūta tvaṃ gaccha bhagavan pārśvaṃ śumbhaniśumbhayoḥ

21.25

brūhi śumbhaṃ niśumbhaṃ ca dānavāvatigarvitau
ye cānye dānavāstatra yuddhāya samupasthitāḥ

21.26

trailokyamindro labhatāṃ devāḥ santu havirbhujaḥ
yūyaṃ prayāta pātālaṃ yadi jīvitumicchatha

21.27

balāvalepādatha cedbhavanto yuddhakāṅkṣiṇaḥ
tadāgacchata tṛpyantu macchivāḥ piśitena vaḥ

21.28

yato niyukto dautyena tayā devyā śivaḥ svayam
śivadūtīti loke'smiṃstataḥ sā khyātimāgatā

21.29

te'pi śrutvā vaco devyāḥ sarvākhyātaṃ mahāsurāḥ
amarṣāpūritā jagmuryatra kātyāyanī sthitā

21.30

tataḥ prathamevāgre śaraśaktyṛṣṭivṛṣṭibhiḥ
vavarṣuruddhatāmarṣāstāṃ devīmamarārayaḥ

21.31

sā ca tān prahitān bāṇāncchūlaśaktiparaśvadhān
ciccheda līlayā''dhmātadhanurmuktairmaheṣubhiḥ

21.32

tasyāgratastathā kālo śūlapātavidāritān
khaṭvāṅgapothitāṃścārīn kurvatī vyacarattadā

21.33

kamarāḍalujalākṣepahatavīryān hataujasaḥ
brahmāṇī cākarocchatrūn yena yena sma dhāvati

21.34

māheśvarī triśūlena tathā cakreṇa vaiṣṇavī
daityāñchaghāna kaumārī tathā śaktyātikopanā

21.35

aindrīkuliśapātena śataśo daityadānavāḥ
peturvidāritāḥ pṛthvyāṃ rudhiraughapravarṣiṇaḥ

21.36

turuḍaprahāravidhvastā daṃṣṭrāgradattavakṣasaḥ
vārāhīmūrtyā nyapataṃścakreṇa ca vidāritāḥ

21.37

nakhairvidāritāṃścānyān bhakṣayantī mahāsurān
nārasiṃhī cacārājau nādāpūritadigmbarā

21.38

carāḍāṭṭahāsairasurāḥ śivadūtyabhidūṣitāḥ
petuḥ pṛthivyāṃ patitāṃstāṃścakhādātha sā tadā

21.39

iti mātṛgaṇāḥ kruddhaṃ mardayantaṃ mahāsurān
dṛṣṭvābhyupāyairvividhairneśurdevārisainikāḥ

21.40

palāyanaparān dṛṣṭvā daityān mātṛgaṇārditān
yoddhumabhyāyayau kruddho raktabījo mahāsuraḥ

21.41

raktabinduryadā bhūmau patatyasya śarīrataḥ
samutpatati sedinyāṃ tatpramāṇāstadāsuraḥ

21.42

yuyudhe sa gadāpāṇirindraśaktyā mahāsuraḥ
tataścaindrī svavajrerā raktabījamatāḍayat

21.43

kuliśenāhatasyāśu bahu susrāva śoṇitam
samuttasyustato yodhāstadrūpāstatparākramāḥ

21.44

yāvantaḥ patitāstasya śarīrādraktabindavaḥ
tāvantaḥ puruṣā jātāstadvīryabalavikramāḥ

21.45

te cāpi yuyudhustatra puruṣā raktasambhavāḥ
samaṃ mātṛbhiratyugraśastrapātātibhīṣaṇām

21.46

punaśca vajrapātena kṣatamasya śiro yadā
vavāha raktaṃ puruṣāstato jātāḥ sahasraśaḥ

21.47

vaiṣṇavī samare cainaṃ cakreṇābhijaghāna ha
gadayā tāḍayāmāsa aindrī tamasureśvaram

21.48

vaiṣṇavīcakrabhinnasya rudhirasrāvasambhavaiḥ
sahasraśo jagadvyāptaṃ tatpramāṇairmahāsuraiḥ

21.49

śaktyā jaghāna kaumārī vārāhī ca tathāsinā
māheśvarī triśūlena raktabījaṃ mahāsuram

21.50

sa cāpi gadayā daityaḥ sarvā evāhanat pṛthak
mātṛḥ kopasamāviṣṭo raktabījo mahāsuraḥ

21.51

tasyāhatasya bahudhā śaktiśūlādibhirbhuvi
papāta yo vai raktaughastenāsañchataśo'surāḥ

21.52

taiścāsurāsṛksambhūtairasuraiḥ sakalaṃ jagat
vyāptamāsīttato devā bhayamājagmuruttamam

21.53

tān viṣaṇṇān surān dṛṣṭvā caṇḍikā prāha satvarā
uvāca kālīṃ cāmuṇḍe vistīrṇaṃ vadanaṃ kuru

21.54

macchastrapātasambhūtān raktabindūn mahāsurān
raktabindoḥ pratīccha tvaṃ vaktreṇānena veginā

21.55

bhakṣayantī cara raṇe tadutpannānmahāsurān
evameṣa tvayaṃ daityaḥ kṣīṇarakto bhaviṣyati

21.56

bhakṣyamāṇāstvayā cogrā na cotpatsyanti cāpare
ityuktvā tāṃ tato devī śūlenābhijaghāna tam

21.57

mukhena kālī jagṛhe raktabījasya śoṇitam
tato'sāvājaghānātha gadayā tatra caṇḍikām

21.58

na cāsyā vedanāṃ cakre gadāpāto'lpikāmapi
tasyāhatasya dehāttu bahu susrāva śoṇitam

21.59

yatastatastadvaktreṇa cāmuṇḍā sampratīcchati
mukhe samudgatā ye'syā raktapātānmahāsurāḥ

21.60

tāṃścakhādātha cāmuṇḍā papau tasya ca śoṇitam
devī śūlena vajreṇa bāṇairasibhirṛṣṭibhiḥ

21.61

yathāna raktabījaṃ taṃ cāmuṇḍāpītaśoṇitas
sa papāta mahīpṛṣṭhe śastrasaṃghasamāhataḥ

21.62

nīraktaśca mahīpāla raktabījo mahāsuraḥ
tataste harṣamatulamavāpustridaśā nṛpa

21.63

teṣāṃ mātṛgaṇo jāto nanartāsṛgmadoddhataḥ ||oṃ

21.63.p1

iti śrīmārkaṇḍeyapurāṇe sāvarṇike manvantare devīmāhātmye raktabījavadho nāmāṣṭamo'dhyāyaḥ || 8

Linked texts (11)