Pramāṇa · Search · About · API

Devimahatmya or Saptashaticandi 22

Devīmāhātmya or Saptaśatīcaṇḍī 22

Language
Sanskrit

Contents

22.1

uvāca 1, ardhaślokaḥ 1, ślokāḥ 61,
evam 63, evamāditaḥ 502
oṃ bandhūkakāñcananibhaṃ rucirākṣamālāṃ
pāśāṅkuśau ca varadāṃ nijabāhudaṇḍaiḥ
bibhrāṇaminduśakalābharaṇaṃ trinetramardhāmbikeśamaniśaṃ vapurāśrayāmi
'oṃ' rājovāca

22.2

vicitramidamākhyātaṃ bhagavan bhavatā mama
devyāścaritamāhātmyaṃ raktabījavadhāśritam

22.3

bhūyaścecchāmyahaṃ śrotuṃ raktabīje nipātite
cakāra śumbho yatkarma niśumbhaścātikopanaḥ

22.4

ṛṣiruvāca

22.5

cakāra kopamatulaṃ raktabīje nipātite
śumbhāsuro niśumbhaśca hateṣvanyeṣu cāhave

22.6

hanyamānaṃ mahāsainyaṃ vilokyāmarṣamudvahan
abhyadhāvanniśumbho'tha mukhyayā asurasenayā

22.7

tasyāgratastathā pṛṣṭhe pārśvayośca mahāsurāḥ
saṃdaṣṭauṣṭhapuṭāḥ kruddhā hantuṃ devīmupāyayuḥ

22.8

ājagāma mahāvīryaḥ śumbho'pi svabalairvṛtaḥ
nihantuṃ caṇḍikāṃ kopātkṛtvā yuddhaṃ tu mātṛbhiḥ

22.9

tato yuddhamatīvāsīd devyā śumbhaniśumbhayoḥ
śaravarṣamatīvograṃ meghayoriva varṣatoḥ

22.10

cicchedāstāñcharāṃstābhyāṃ caṇḍikā svaśarotkaraiḥ
tāḍayāmāsa cāṅgeṣu śastraughairasureśvarau

22.11

niśumbho niśitaṃ khaḍgaṃ carma cādāya suprabham
atāḍayanmūrdhni siṃhaṃ devyā vāhanamuttamam

22.12

tāḍite vāhane devī kṣurapreṇāsimuttamam
niśumbhasyāśu ciccheda carma cāpyaṣṭacandrakam

22.13

chinne carmaṇi khaḍge ca śaktiṃ cikṣepa so'suraḥ
tāmapyasya dvidhā cakre cakreṇābhimukhāgatām

22.14

kopādhyāto niśumbho'tha śūlaṃ jagrāha dānavaḥ
āyātaṃ muṣṭipātena devī taccāpyacūrṇayat

22.15

āvivyātha gadāṃ so'pi cikṣepa caṇḍikāṃ prati
sāpi devyā triśūlena bhinnā bhasmatvamāgatā

22.16

tataḥ paraśuhastaṃ tamāyāntaṃ daityapuṅgavam
āhatya devī bāṇaughairapātayata bhūtale

22.17

tasminnipatite bhūmau niśumbhe bhīmavikrame
bhrātaryatīva saṃkruddhaḥ prayayau hantumambikām

22.18

sa rathasthastathātyuccairgṛhītaparamāyudhaiḥ
bhujairaṣṭābhiratulairvyāpyāśeṣaṃ babhau nabhaḥ

22.19

tasyāyāntaṃ samālokya devī śaṅkhamavādayat
jyāsvanaṃ cāpi dhanuścakārātīva duḥsaham

22.20

pūrayāmāsa kakubho nijaghaṇṭāsvanena ca
samastadaityasainyānāṃ tejovadhavidhāyinā

22.21

tataḥ siṃho mahānādaṃ daityānājitebhamahāmadaiḥ
pūrayāmāsa gaganaṃ gāṃ tathaiva diśo daśa

22.22

tataḥ kālī samutpatya gaganaṃ kṣmāmatāḍayat
karābhyāṃ tanninādena prāsvanāste tirohitāḥ

22.23

aṭṭāṭṭahāsamaśivaṃ śivadūtī cakāra ha
taiḥ śabdairasurāstresuḥ śumbhaḥ kopaṃ paraṃ yayau

22.24

durātmaṃstiṣṭha tiṣṭheti vyājahārāmbikā yadā
tadā jayetyabhihitaṃ devairākāśasaṃsthitaiḥ

22.25

śumbhenāgatya yā śaktirmuktā jvālātibhīṣaṇā
āyāntī vahnikūṭābhā sā nirastā maholkayā

22.26

siṃhanādena śumbhasya vyāptaṃ lokatrayāntaram
nirghātaniḥsvano ghoro jitavānavanīpate

22.27

śumbhamuktāñcharāndevī śumbhastatprahitāñcharān
ciccheda svaśarairugraiḥ śataśo'tha sahasraśaḥ

22.28

tataḥ sā caṇḍikā kruddhā śūlenābhijaghāna tam
sa tadābhihato bhūmau mūrcchito nipapāta ha

22.29

tato niśumbhaḥ samprāpya cetanāmāttakārmukaḥ
rājadhāna śarairdevīṃ kālīṃ kesariṇāṃ tathā

22.30

punaśca kṛtvā bāhūnāmayutaṃ danujeśvaraḥ
cakrāyudhena ditijaśchādayāmāsa caṇḍikām

22.31

tato bhagavatī kruddhā durgā durgatināśinī
ciccheda tāni cakrāṇi svaśaraiḥ sāyakāṃśca tān

22.32

tato niśumbho vegena gadāmādāya caṇḍikām
abhyadhāvata vai hantuṃ daityasenāsamāvṛtaḥ

22.33

tasyāpatata evāśu gadāṃ ciccheda caṇḍikā
khaḍgena śitadhāreṇa sa ca śūlaṃ samādade

22.34

śūlahastaṃ samāyāntaṃ niśumbhamarārdanam
hṛdi vivyādha śūlena vegāviddhena caṇḍikā

22.35

bhinnasya tasya śūlena hṛdayānniḥsṛto'paraḥ
mahābalo mahāvīryastiṣṭheti puruṣo vadan

22.36

tasya niṣkrāmato devī prahasya svanavattaḥ
śiraściccheda khaḍgena tato'sāvapatadbhuvi

22.37

tataḥ siṃhaścakhādograṃ daṃṣṭrākṣuṇṇaśirodharān
asurāṃstāṃstathā kālī śivadūtī tathāparān

22.38

kaumārīśaktinirbhinnāḥ kecinneśurmahāsurāḥ
brahmāṇīmantrapūtena toyenānye nirākṛtāḥ

22.39

māheśvarītriśūlena bhinnāḥ petustathāpare
vārāhītuṇḍaghātena keciccūrṇīkṛtā bhuvi

22.40

kharāḍaṃ kharāḍaṃ ca cakreṇa vaiṣṇavyā dānavāḥ kṛtāḥ
vajreṇa caindrīhastāgravimuktena tathāpare

22.41

kecidvineśūrasurāḥ kecicca haṭā mahāhavāt
bhakṣitāścāpare kālīśivadūtīmṛgādhipaiḥ || oṃ

22.41.p1

iti śrīmārkaṇḍeyapurāṇe sāvarṇike manvantare devīmāhātmye niśumbhavadho nāma navamo'dhyāyaḥ || 9

Linked texts (12)