Devimahatmya or Saptashaticandi 28
Devīmāhātmya or Saptaśatīcaṇḍī 28
- Language
- Sanskrit
Contents
- 28.3 — 1 part
28.1
uvāca 6, ardhaślokāḥ 11, ślokāḥ 12, evaṃ 29,
evamādiḥ 700 || samastā uvācamantrāḥ 57,
ardhaślokāḥ 42, ślokāḥ 535,
avadānāni 66
dignyāsaḥ
oṃ aiṃ prācyai namaḥ| oṃ aiṃ āgneyyai namaḥ| oṃ hrīṃ dakṣiṇāyai namaḥ| oṃ hrīṃ nairṛtyai namaḥ| oṃ klīṃ pratīcyai namaḥ| oṃ klīṃ vāyavyai namaḥ| oṃ cāmuṇḍāyai udīcyai namaḥ| oṃ cāmuṇḍāyai aiśānyai namaḥ| oṃ aiṃ hrīṃ klīṃ cāmuṇḍāyai vicce ūrdhvāyai namaḥ| oṃ aiṃ hrīṃ klīṃ cāmuṇḍāyai vicce bhūmyai namaḥ
dhyānam
khaḍgaṃ cakragadeṣucāpaparighāñchūlaṃ bhuśuṇḍīṃ śiraḥ
śaṅkhaṃ saṃdadhatīṃ karaistrinayanāṃ sarvāṅgabhūṣāvṛtām
nīlāśmadyutimāsyapādadaśakāṃ seve mahākālikāṃ
yāmastautsvapite harau kamalajo hantuṃ madhukaiṭabham
28.2
akṣamālāparaśuṃ gadeṣukuliśaṃ padmaṃ dhanuḥ kuṇḍikām
daṇḍaṃ śaktimasiṃ ca carma jalajaṃ ghaṇṭāṃ surābhājanam
śūlaṃ pāśasudarśane ca dadhatīṃ hastaiḥ prasannānanām
seve sairibhamardinīmiha mahālakṣmīṃ sarojasthitām
28.3
ghaṇṭāśūlahalāni śaṅkhamusale cakraṃ dhanuḥ sāyakaṃ
hastābjairdadhatīṃ ghanāntavilasacchītāṃśutulyaprabhām
gaurīdehasamudbhavāṃ trijagatāmādhārabhūtāṃ mahāpūrvamatra sarasvatīmanubhaje śumbhādidaityārdinīm
28.3.p1
oṃ māṃ māle mahāmāye sarvaśaktisvarūpiṇi
caturvargastvayi nyastastasmānme siddhidā bhava
oṃ avighnaṃ kuru māle tvaṃ gṛhṇāmi dakṣiṇe kare
japakāle ca siddhirthaṃ prasīda mama siddhaye
oṃ akṣamālādhipataye susiddhiṃ dehi dehi sarvamantrārthasādhini sādhaya sādhaya
sarvasiddhiṃ parikalpaya parikalpaya me svāhā
guhyātiguhyagoptrī tvaṃ gṛhāṇāsmatkṛtaṃ japam
siddhirbhavatu me devi tvatprasādānmaheśvari
karanyāsaḥ
oṃ hrīṃ aṃguṣṭhābhyāṃ namaḥ| oṃ caṃ tarjanībhyāṃ namaḥ| oṃ ḍiṃ madhyamābhyāṃ namaḥ
namaḥ| oṃ kāṃ anāmikābhyāṃ namaḥ| oṃ yaiṃ kaniṣṭhikābhyāṃ namaḥ| oṃ hrīṃ
caṇḍikāyai karatalakarapṛṣṭhābhyāṃ namaḥ
hṛdayādinyāsaḥ
oṃ khaḍginī śūlinī ghorā gadinī cakriṇī tathā
śaṅkhinī cāpinī bāṇabhuśuṇḍīparighāyudhā|| hṛdayāya namaḥ
oṃ śūlena pāhi no devi pāhi khaḍgena cāmbike
ghaṇṭāsvanena naḥ pāhi cāpajyāniḥsvanena ca|| śirase svāhā
oṃ prācyāṃ rakṣa pratīcyāṃ ca caṇḍike rakṣa dakṣiṇe
bhrāmaṇena tvamaśūlasya uttarasyāṃ tatheśvari|| śikhāyai vaṣaṭ
oṃ saumyāni yāni rūpāṇi trailokye vicaranti te
yāni cātyarthaghorāṇi taiū rakṣāsmāṃstathā bhuvam|| kavacāya hum
oṃ khaḍgaśūlagadādīni yāni cāstrāṇi te'mbike
karapallavasaṅgīni tairasmān rakṣa sarvataḥ|| netratrayāya vauṣaṭ
oṃ sarvasvarūpe sarveśe sarvaśaktisamanvite
bhayebhyastrāhi no devi durge devi namo'stu te|| astrāya phaṭ
dhyānam
oṃ vidyuddāmasamaprabhāṃ mṛgapatiskandhasthitāṃ bhīṣaṇāṃ
kanyābhiḥ karavālakheṭavilasaddhastābhirāsevitās
hastaiścakragadāsikheṭaviśikhāṃścāpaṃ guṇaṃ tarjanīṃ
bibhrāṇāmanalātmikāṃ śaśidharāṃ durgāṃ trinetrāṃ bhaje
Linked texts (1)
- Durgāstotra or saptaśatī — Sanskrit