Devimahatmya or Saptashaticandi 29: atha ṛgvedoktaṃ devīsūktam
Devīmāhātmya or Saptaśatīcaṇḍī 29
- Language
- Sanskrit
atha ṛgvedoktaṃ devīsūktam
29.1
dhyānam
oṃ siṃhasthā śaśiśekharā marakataprakhyaiścaturbhirbhujaiḥ
śaṅkhaṃ cakradhanuḥśarāṃśca dadhatī netraistribhiḥ śobhitā
āmuktāṅgadahārakaṅkaṇaraṇatkāñcīraṇannūpurā
durgā durgatihāriṇī bhavatu no ratnollasatkuṇḍalā
devīsūktam
oṃ ahaṃrudrebhirvasubhiścarāmyahamādityairuta viśvadevaiḥ
ahaṃ mitrāvaruṇobhā bibharmyahamindrāgnī ahamaśvinobhā
29.2
ahaṃ somamāhanasaṃ bibharmyahaṃ tvaṣṭāramuta pūṣaṇaṃ bhagam
ahaṃ dadhāmi draviṇaṃ haviṣmate suprāvye yajamānāya sunvate
29.3
ahaṃ rāṣṭrī saṃgamanī vasūnāṃ cikituṣī prathamā yajñiyānām
tāṃ mā devā vyadadhuḥ purutrā bhūristhātrāṃ bhūryāveśayantīm
29.4
yathā so'nnamatti yo vipaśyati yaḥ prāṇiti ya īṃ śṛṇotyuktam
amantavo māṃ upakṣiyanti śrudhi śruta śraddhivaṃ te vadāmi
29.5
ahameva svayamidaṃ vadāmi juṣṭaṃ devebhiruta mānuṣebhiḥ
yaṃ kāmaye taṃ tamugraṃ kṛṇomi taṃ brahmāṇaṃ tamṛṣiṃ taṃ sumedhām
29.6
ahaṃ rudrāya dhanurā tanomi brahmadviṣe śarave hantavā u
ahaṃ janāya samadaṃ kṛṇomyahaṃ dyāvāpṛthivī ā viveśa
29.7
ahaṃ suve pitaramasya mūrdhanmama yonirapsvantaḥ samudre
tato vi tiṣṭhe bhuvanānu viśvotāmūṃ dyāṃ varṣmopaspṛśāmi
29.8
ahameva vāta iva pra vāmyārabhamāṇā bhuvanāni viśvā
paro divā para enā pṛthivyaitāvatī mahinā saṃbabhūva