Pramāṇa · Search · About · API

Devimahatmya or Saptashaticandi 31

Devīmāhātmya or Saptaśatīcaṇḍī 31

Language
Sanskrit

31.1

iti tantroktaṃ devīsūktaṃ samāptam
prathamaprādhānikaṃ rahasyam
oṃ asya śrīsaptaśatīrahasyatrayasya nārāyaṇa ṛṣiranuṣṭupchandaḥ
mahākālī mahālakṣmīmahāsarasvatyo devatāḥ, yathoktaphalāvāptyarthaṃ
jape viniyogaḥ
rājovāca
bhagavannavatārā me cariḍakāyāstvayoditāḥ
eteṣāṃ prakṛtiṃ brahman pradhānaṃ vaktumarhasi

31.2

ārādhyaṃ yanmayā devyāḥ svarūpaṃ yena ca dvija
vidhinā brūhi sakalaṃ yathāvatprātasya me

31.3

ṛṣiruvāca
idaṃ rahasyaṃ paramamanākhyeyaṃ pracakṣate
bhakto'sīti na me kiñcittavāvācyaṃ narādhipa

31.4

sarvasyādyā mahālakṣmīstriguṇā parameśvarī
lakṣyālakṣyasvarūpā sā vyāpya kṛtsnaṃ vyavasthitā

31.5

mātuliṅgaṃ gadāṃ kheṭaṃ pānapātraṃ ca bibhratī
nāgaṃ liṅgaṃ ca yoniṃ ca bibhratī nṛpa mūrdhani

31.6

taptakāñcanavarṇābhā taptakāñcanabhūṣaṇā
śūnyaṃ tadakhilaṃ svena pūrayāmāsa tejasā

31.7

śūnyaṃ tadakhilaṃ lokaṃ vilokya parameśvarī
babhāra paramaṃ rūpaṃ tamasā kevalena hi

31.8

sā bhiñjanasaṃkāśā daṃṣṭrāṅkitavarānanā
viśālalocanā nārī babhūva tanumadhyamā

31.9

khaḍgapātraśiraḥkheṭairalaṃkṛtacaturbhujā
kabandhahāraṃ śirasā bibhrāṇā hi siraḥsrajam

31.10

sā provāca mahālakṣmīṃ tāmasī pramadottamā
nāma karma ca me sādhvi dehi tubhyaṃ namo namaḥ

31.11

tāṃ provāca mahālakṣmīstāmasīṃ pramadottamām
dadāmi tava nāmāni yāni karmāṇi tāni te

31.12

mahāmāyā mahākālo mahāmārī kṣudhā tṛṣā
nidrā tṛṣṇā caikavīrā kālarātrirduratyayā

31.13

imāni tava nāmāni pratipādyāni karmabhiḥ
ebhiḥ karmāṇi te jñātvā yo'dhīte so'śnute sukham

31.14

tāmityuktvā mahālakṣmīḥ svarūpamaparaṃ nṛpa
sattvākhyenātiśuddhena guṇenenduprabhaṃ dadhau

31.15

akṣamālāṅkuśadharā vīṇāpustakadhāriṇī
sā babhūva varā nārī nāmānyasyai ca sā dadau

31.16

mahāvidyā mahāvāṇī bhāratī vāk sarasvatī
āryā brāhmī kāmadhenurvedagarbhā ca dhīśvarī

31.17

athovāca mahālakṣmīrmahākālīṃ sarasvatīm
yuvāṃ janayatāṃ devyau mithune svānurūpataḥ

31.18

ityuktatvā te mahālakṣmīḥ sasarja mithunaṃ svayam
hiraṇyagarbhau rucirau strīpuṃsau kamalāsanau

31.19

brahman vidhe viriñceti dhātarityāha taṃ naram
śrīḥ padme kamale lakṣmītyāha mātā ca tāstriyam

31.20

mahākālī bhāratī ca mithune sṛjataḥ saha
etayorapi rūpāṇi nāmāni ca vadāmi te

31.21

nīlakaṇṭhaṃ raktabāhuṃ śvetāṅgaṃ candraśekharam
janayāmāsa puruṣaṃ mahākālī sitāṃ striyam

31.22

sa rudraḥ śaṃkaraḥ sthāṇuḥ kapardī ca trilocanaḥ
trayī vidyā kāmadhenuḥ sā strī bhāṣākṣarā svarā

31.23

sarasvatī striyaṃ gaurīṃ kṛṣṇāṃ ca puruṣaṃ nṛpa
janayāmāsa nāmāni tayorapi vadāmi te

31.24

viṣṇuḥ kṛṣṇo hṛṣīkeśo vāsudevo janārdanaḥ
umā gaurī satī caṇḍī sundaro subhagā śivā

31.25

edaṃ yuvatayaḥ sadyaḥ puruṣatvaṃ prapedire
cakṣuṣmanto nu paśyanti netare'tadvido janāḥ

31.26

brahmaṇe pradadau patnīṃ mahālakṣmīrnṛpa trayīm
rudrāya gaurīṃ varadāṃ vāsudevāya ca śriyam

31.27

svarayā saha saṃbhūya viriñco'ṇḍamajījanat
bibheda bhagavān rudrastad gauryā saha vīryavān

31.28

aṇḍamadhye pradhānādi kāryajātamabhūnṛpa
mahābhūtātmakaṃ sarvaṃ jagatsthāvarajaṅgamam

31.29

pupoṣa pālayāmāsa tallakṣmyā saha keśavaḥ
saṃjahāra jagatsarvaṃ saha gauryā maheśvaraḥ

31.30

mahālakṣmīrmahārāja sarvasattvamayīśvarī
nirākārā ca sākārā saiva nānābhidhānabhṛt

31.31

nāmāntarairnirūpyaivā nāmnā nānyena kenacit |oṃ

Linked texts (10)