Devimahatmya or Saptashaticandi 32

Devīmāhātmya or Saptaśatīcaṇḍī 32

Language: Sanskrit

32.1

iti prādhānikaṃ rahasyaṃ samāptam
atha vaikṛtikaṃ rahasyam
ṛṣiruvāca
oṃ triguṇā tāmasī devī sāttvikī yā tridhoditā
sā sarvā caṇḍikā durgā bhadrā bhagavatīryate

32.2

yoganidrā hareruktā mahākālo tamoguṇā
madhukaiṭabhanāśārthaṃ yāṃ tuṣṭāvāmbujāsanaḥ

32.3

daśavaktrā daśabhujā daśapādāñjanaprabhā
viśālayā rājamānā triṃśallocanamālayā

32.4

sphuraddaśanadaṃṣṭrā sā bhīmarūpāpi bhūmipa
rūpasaubhāgyakāntīnāṃ sā pratiṣṭhā mahāśriyaḥ

32.5

khaḍgabāṇagadāśūlacakraśaṅkhabhuśuṇḍibhṛt
parighaṃ kārmukaṃ śīrṣaṃ niścayotadrudhiraṃ dadhau

32.6

eṣā sā vaiṣṇāvī māyā mahākālī duratyayā
ārādhitā vaśīkuryāt pūjākartuścarācaram

32.7

sarvadevaśarīrebhyo yā''virbhūtā tāmisraprabhā
triguṇā sā mahālakṣmīḥ sākṣānmahiṣamardinī

32.8

śvetānanā nīlabhujā suśvetastanamaṇḍalā
raktamadhyā raktapādā nīlajaṅghorunmadā

32.9

sucitrajaghanā citramālyāmbaravibhūṣaṇā
citrānulepanā kāntirūpasaubhāgyaśālinī

32.10

aṣṭādaśabhujā pūjyā sā sahasrabhujā satī
āyudhānyatra vakṣyante dakṣiṇādhaḥkarakramāt

32.11

akṣamālā ca kamalaṃ bāṇo'siḥ kuliśaṃ gadā
cakraṃ triśūlaṃ paraśuḥ śaṅkho ghaṇṭā ca pāśakaḥ

32.12

śaktirdaṇḍarāṅcarmaṃ cāpaṃ pānapātraṃ kamaṇḍaluḥ
alaṃkṛtabhujāmebhirāyudhaiḥ kamalāsanām

32.13

sarvadevamayīmīśāṃ mahālakṣmīmimāṃ nṛpa
pūjayet sarvalokānāṃ sa devānāṃ prabhurbhavet

32.14

gaurīdehāt samudbhūtā yā sattvaikaguṇāśrayā
sākṣāt sarasvatī proktā śumbhāsuranirbarhiṇī

32.15

dadhā cāṣṭabhujā bāṇāmusale śūlacakrabhṛt
śaṅkhaṃ gharāṭāṃ lāṅgalaṃ ca kārmukaṃ vasudhādhipa

32.16

eṣā sampūjitā bhaktyā sarvajñatvaṃ prayacchati
niśumbhamathinī devī śumbhāsuranirbarhiṇī

32.17

ityuktāni svarūpāṇi mūrtīnāṃ tava pārthiva
upāsanaṃ jaganmātuḥ pṛthagāsāṃ niśāmaya

32.18

mahālakṣmīryadā pūjyā mahākālī sarasvatī
dakṣiṇottarayoḥ pūjye pṛṣṭhato mithunatrayam

32.19

dakṣirajñiḥ svarayā madhye rudro gauryā ca dakṣiṇe
vāme lakṣmyā hṛṣīkeśaḥ purato devatātrayam

32.20

aṣṭādaśabhujā madhye vāme cāsyā daśānanā
dakṣiṇe'ṣṭabhujā lakṣmīrmahātīti samarcayet

32.21

aṣṭādaśabhujā caiṣā yadā pūjyā narādhipa
daśānanā cāṣṭabhujā dakṣiṇottarayostadā

32.22

kālamṛtyū ca sampūjyau sarvāriṣṭapraśāntaye
yadā cāṣṭabhujā pūjyā śumbhāsuranirbarhiṇī

32.23

navāsyāḥ śaktayaḥ pūjyāstadā rudravināyakau
namo devyai iti stotrairmahālakṣmīṃ samarcayet

32.24

avatāratrayārcāyāṃ stotramantrāstadāśrayāḥ
aṣṭādaśabhujā caiṣā pūjyā mahiṣamardinī

32.25

mahālakṣmīrmahākālī saiva proktā sarasvatī
īśvarī puṇyapāpānāṃ sarvalokamaheśvarī

32.26

mahiṣāntakarī yena pūjitā sa jagatprabhuḥ
pūjayejjagatāṃ dhātrīṃ cariḍakāṃ bhaktavatsalām

32.27

arghyādibhiralaṃkārairgandhapuṣpaistathārcitaiḥ
dhūpadīpaiśca naivedyairnānābhakṣyasamanvitaiḥ

32.28

rudhirāktena balinā māṃsena surayā nṛpa
balimāṃsādipūjeyaṃ vipravarjyā mayeritā

32.29

teṣāṃ kila surāmāṃsairnoktā pūjā nṛpa kacit
praṇāmācamanīyena candanena sugandhinā

32.30

sakarpūraiśca tāmbūlairbhaktibhāvasamanvitaiḥ
vāmabhāge'grato devyāśchinnaśīrṣaṃ mahāsuram

32.31

pūjayenmahiṣaṃ yena prāptaṃ sāyujyamīśayā
dakṣiṇe purataḥ siṃhaṃ samagraṃ dharmamīśvaram

32.32

vāhanaṃ pūjayeddevyā dhṛtaṃ yena carācaram
kuryācca stavanaṃ dhīmāṃstasyā ekāgramānasaḥ

32.33

tataḥ kṛtāñjalirbhūtvā stuvīta caritairimaiḥ
ekena vā madhyamena naikenetarayoriha

32.34

cāritārdhaṃ tu na japejjapacchidramavāpnuyāt
pradakṣiṇānamaskārān kṛtvā mūrdhni kṛtāñjaliḥ

32.35

kṣamāpayejjagaddhātrīṃ muhurmuhuratandritaḥ
pratiślokaṃ ca juhuyātpāyasaṃ tilasarpiṣā

32.36

juhuyātstotramantrairvā cariḍakāyai śubhaṃ haviḥ
bhūyo nāmapadairdevīṃ pūjayetsusamāhitaḥ

32.37

prayataḥ prāñjaliḥ prahvaḥ praṇamyāropya cātmani
suciraṃ bhāvayedīśāṃ caṇḍikāṃ tanmayo bhavet

32.38

evaṃ yaḥ pūjayeccaṇḍīṃ pratyaham parameśvarīm
bhuktvā bhogān yathākāmaṃdevīsāyujyamāpnuyāt

32.39

yo na pūjayate nityaṃ caṇḍikāṃ bhaktavatsalām
bhasmīkṛtyāsya purāyāni nirdehetparameśvarī

32.40

tasmātpūjaya bhūpāla sarvalokamaheśvarīm
yathoktena vidhānena caṇḍikāṃ sukhamāpsyasi

Devimahatmya or Saptashaticandi 32

Linked texts (9)