Pramāṇa · Search · About · API

Devimahatmya or Saptashaticandi 35

Devīmāhātmya or Saptaśatīcaṇḍī 35

Language
Sanskrit

35.1

śrīdurgārpaṇamastu
udyaccandanakuṅkumāruṇāpayodhārābhirāplāvitā
nānānarghyamaṇiprabālaghaṭitāṃ dattāṃ gṛhāṇāmbike
prāmṛṣṭāṃ surasundarībhirabhito hastāmbujairbhaktito
mātaḥ sundari bhaktakalpalatike śrīpādukāmādarāt

35.2

devendrādibhirarcitaṃ suragaṇairādāya siṃhāsanaṃ
cañcatkāñcanasaṃcayābhiracitaṃ cāruprabhābhāsvaram
etaccampakaketakīparimalaṃ tailaṃ mahānirmalaṃ
gandhodvartanamādareṇa taruṇīdattaṃ gṛhāṇāmbike

35.3

paścādevi gṛhāṇa śambhugṛhiṇi śrīsundari prāyaśo
gandhadravyasamūhanirbharataraṃ dhātrīphalaṃ nirmalam
tatkeśān pariśodhya kaṅkatikayā mandākinosrotasi
snātvā projjvalagandhakaṃ bhavatu he śrīsundari tvanmude

35.4

surādhipatikāminīkarasarojanālīdhṛtāṃ
sacandanasakuṅkumāgurubhareṇa vibhrājitām
mahāparimalojjvalāṃ sarasaśuddhakastūrikāṃ
gṛhāṇa varadāyini tripurasundari śrīprade

35.5

gandharvāmarakinnarapriyatamāsantānahastāmbujaprastārairdhiyamāṇāmuttamataraṃ kāśmīrajāpiñjaram
mātarbhāsvarabhānumaṇḍalasatkāntipradānojjvalaṃ
caitannirmalamātanotu vasanaṃ śrīsundari tvanmudam

35.6

svarṇākalpitakuṇḍale śrutiyuge hastāmbuje mudrikā
madhye sārasanā nistambaphalake mañjīramaṅghridvaye
hāro vakṣasi kaṅkaṇau kvaṇāraṇatkārau karadvandvake
vinyastaṃ mukuṭaṃ śirasyanudinaṃ dattonmadaṃ stūyatām

35.7

grīvāyāṃ dhṛtakāntikāntapaṭalaṃ graiveyakaṃ sundaraṃ
sindūraṃ vilasallalāṭaphalake saundaryamudrādharam
rājatkajjalamujjvalotpaladalaśrīmocane locane
taddivyauṣadhinirmitaṃ racayatu śrīśāmbhavi śrīprade

35.8

amandataramandaronmathitadugdhasindhū druvaṃ
niśākarakaropamaṃ tripurasundari śrīprade
gṛhāṇā mukhamīkṣituṃ mukurabimbamāvidrumairvinirmitamaghacchide ratikarāmbujasthāyinam

35.9

kastūrīdravacandanāgurusudhādhārābhirāplāvitaṃ
campakapāṭalādisurabhidravyaiḥ sugandhīkṛtam
devīstrīgaṇamastakasthitamahāratnādikumbhabhṛjairambhaḥ śāmbhavi saṃbhrameṇa vimalaṃ dattaṃ gṛhāṇāmbike

35.10

kalhārotpalanāgakesarasarojākhyāvalīmālatīmallīkairavaketakādikusumai raktāśvamārādibhiḥ
puṣpairmālayabhareṇa vai surabhiṇā nānārasasrotasā
tāmrāmbhojanivāsinīṃ bhagavatīṃ śrīcarciḍakāṃ pūjaye

35.11

māṃsīguggulacandanāgururajaḥkarpūraśaileyajairmadhvīkaiḥ saha kuṅkumaiḥ suracitaiḥ sarvairabhimiśritaiḥ
saurabhyasthitimandire maṇimaye pātre bhavet prītaye
dhūpo'yaṃ surakāminīviracitaḥ śrīcaṇḍike tvanmude

35.12

ghṛtadravaparisphuradruciraratnaṣaṭcānvito
mahātimiranāśanaḥ suranitambinīnirmitaḥ
suvarṇām̐caṣakasthitaḥ saghanasāravartyānvitastava tripurasundari sphurati devi dīpo mude

35.13

jātīsaurabhanirbharaṃ rucikaraṃ śālyodanaṃ nirmalaṃ
yuktaṃ hiṅgumarīcajīrasurabhidravyānvitairvyañjanaiḥ
pakvānnena sapāyasena madhunā dadhyājyasaṃmiśritaṃ
naivedyaṃ surakāminīviracitaṃ śrīcaṇḍike tvanmude

35.14

lavaṅgakalikojjvalaṃ bahulanāgavallīdalaṃ
sajātiphalakomalaṃ saghanasārapūgīphalam
sudhāmadhurimākulaṃ rucirararatnapātrasthitaṃ
gṛhāṇa mukhapaṅkaje sphuritamamba tāmbūlakam

35.15

śaratprabhavacandramaḥsphuritacandrikāsundaraṃ
galatsurataraṅgiṇīlilitamauktikāḍambaram
gṛhārāā navakāñcanaprabhavadarāḍakharāḍojjvalaṃ
mahātripurasundari prakaṭamātapatraṃ mahat

35.16

mātastvanmudamātanotu subhagastrībhiḥ sadāndolitaṃ
śubhraṃ cāmaramindukundasadṛśaṃ prasvedaduḥkhāpaham
sadyo'gastyavasiṣṭhanāradaśukavyāsādivālmīkibhiḥ
svecitte kriyamāṇa eva kurutāṃ śarmāṇi vedadhvaniḥ

35.17

svargāṅgaṇe veṇumṛdaṅgaśaṅkhabherīninādairupagīyamānā
kolāhalairākalitā tavāstu vidyādharī nṛtyakalā sukhāya

35.18

devi bhaktirasabhāvitavṛtte
prīyatāṃ yadi kuto'pi labhyate
tatra laulyamapi satphalamekaṃ
janmakoṭibhirapīha na labhyam

35.19

etaiḥ ṣoḍaśabhiḥ padyairupacāropakalpitaiḥ
yaḥ parāṃ devatāṃ stauti sa teṣāṃ phalamāpnuyāt

Linked texts (4)