Devimahatmya or Saptashaticandi 38

Devīmāhātmya or Saptaśatīcaṇḍī 38

Language: Sanskrit

38.1

sāṃ sīṃ sūṃ saptaśatī devyā mantrasiddhiṃ kuruṣva me
idaṃ tu kuñjikāstotraṃ mantrajāgartihetave
abhaktenaiva dātavyaṃ gopitaṃ rakṣa pārvati
yastu kuñjikayā devi hīnāṃ saptaśatīṃ paṭhet
na tasya jāyate siddhiraṇye rodanaṃ yathā
atha durgāpadupaddhārastotram
namaste śaraṇye śive sānukampe namaste jagadvyāpike viśvarūpe
namaste jagadvandyapādāravinde namaste jagattāriṇī trāhi durge

38.2

namaste jagaccintyamānasvarūpe namaste mahāyoginī jñānarūpe
namaste namaste sadānandarūpe namaste

38.3

anāthasya dīnasya tṛṣāturasya bhayārtasya bhītasya baddhasya jantoḥ
tvamekā gatirdevi nistārakartrī namaste

38.4

araṇye raṇe dāruṇe śatrumadhye anale sāgare prāntare rājagehe
tvamekā gatirdevi nistāranaukā namaste

38.5

apāre mahādustare'tyantaghore vipatsāgare majjatāṃ dehabhājām
tvamekā gatirdevi nistāraheturnamaste0

38.6

namaścaṇḍike caṇḍadurddaṇḍalīlā samutkhaṇḍitākhaṇḍitāśeṣaśatro | tvamekā gatirdevi nistārabījaṃ namaste0

38.7

tvamevāghamāvādhṛtāsatyavādini jātājitā krodhanāt krodhaniṣṭhā | iḍāpiṅgalā tvaṃ suṣumṇā ca nāḍī namaste0

38.8

namo devi durge śive bhīmanāde sarasvatyarundhatyamoghasvarūpe
vibhūtiḥ śacī kālarātriḥ satī tvaṃ namaste0

38.9

śaraṇyāmasi surāṇāṃ siddhavidyādharāṇāṃ munimanupaśūnāṃ
dasyubhistrāsitānām | nṛpatigṛhagatānāṃ vyādhibhiḥ pīḍitānāṃ
tvamasi śaraṇamekā devi durge prasīda

38.10

idaṃ stotraṃ mayā proktamāpaduddhārahetukam
trisandhyamekasandhyaṃ vā paṭhanād ghorasaṃkaṭāt

38.11

mucyate nātra sandeho bhuvi svarge rasātale
sarvaṃ vā ślokamekaṃ vā yaḥ paṭhed bhaktimān sadā

38.12

sa sarvaṃ duṣkṛtaṃ tyaktvā prāpnoti paramaṃ padam
paṭhanādasya deveśi kiṃ na sidhyati bhūtale

38.13

stavarājamimaṃ devi saṃkṣepāt kathitaṃ mayā

Devimahatmya or Saptashaticandi 38

Linked texts (11)