Pramāṇa · Search · About · API

Devimahatmya or Saptashaticandi 8

Devīmāhātmya or Saptaśatīcaṇḍī 8

Language
Sanskrit

8.1

iti devyā argalāstotraṃ sampūrṇam
atha kīlakastotram
oṃ asya śrīkīlakamantrasya śiva ṛṣiḥ, anuṣṭup chandaḥ, śrīmahāsarasvatī devatā, śrījagadambāprītyarthaṃ saptaśatīpāṭhāṅgatvena jape
viniyogaḥ
oṃ namaścaṇḍikāyai
mārkaṇḍeya uvāca
oṃ viśuddhajñānadehāya trivedīdivyacakṣuṣe
śreyaḥprāptinimittāya namaḥ somārddhadhāriṇe

8.2

sarvametad vijānīyānmantrāṇāmapi kīlakam
so'pi kṣemamavāpnoti satataṃ jāpyatatparaḥ

8.3

sidhyantyuccāṭanādīni vastūni sakalānyapi
etena stuvatāṃ devī stotramātreṇa sidhyati

8.4

na mantraṃ nauṣadhaṃ tatra na kiṃścidapi vidyate
vinā jāpyena sidhyeta sarvamuccāṭanādikam

8.5

samagrāṇyapi sidhyanti lokaśaṅkāsamāṃ haraḥ
kṛtvā nimantrayāmāsa sarvamevamidaṃ śubham

8.6

stotraṃ vai caṇḍikāyāstu tacca guhyaṃ cakāra saḥ
samāptirna ca puṇyasya tāṃ yathāvanniyantraṇām

8.7

so'pi kṣemamavāpnoti sarvameva na saṃśayaḥ
kṛṣṇāyāṃ vā caturdaśyāmaṣṭamyāṃ vā samāhitaḥ

8.8

dadāti pratigṛhṇāti nānyathaiṣā prasīdati
itthaṃrūpeṇa kīlena mahādevena kīlitam

8.9

yo niṣkīlāṃ vidhāyaināṃ nityaṃ japati saṃskuṭam
sa siddhaḥ sa gaṇaḥ so'pi gandharvo jāyate naraḥ

8.10

na caivāpyaṭatastasya bhayaṃ kvāpīha jāyate
nāpamṛtyuvaśaṃ yāti mṛto mokṣamavāpnuyāt

8.11

jñātvā prārabhya kurvīta na kurvāṇo vinaśyati
tato jñātvaiva sampannamidaṃ prārabhyate budhaiḥ

8.12

saubhāgyādi ca yatkiñcid dṛśyate lalanājane
satsarvaṃ tatprasādena tena jāpyamidaṃ śubham

8.13

śanaistu japyamāner'smin stotre sampattiruccakaiḥ
bhavatyeva samagrāpi tataḥ prārabhyameva tat

8.14

aiśvaryaṃ yatprasādena saubhāgyārogyasampadaḥ
śatruhāniḥ paro modaḥ stūyate sā na kiṃ janaiḥ || oṃ

Linked texts (7)