Ekadashikhanda 1
Ekādaśīkhaṇḍa 1
- Language
- Sanskrit
1.1
śrīgaṇeśāya namaḥ || sūta uvāca || atha dvādaśamāseṣu ekādaśyo bhavanti yāḥ || adhike māsi cāpyanye ye ca
dve bhavataḥ śubhe
1.2
evaṃ ṣaḍviṃśasaṃkhyākā ekādaśyo bhavaṃti hi || tāsāṃ nāmānyahaṃ vakṣmi śṛṇudhvaṃ susamāhitāḥ
1.3
utpannā mokṣadā cāpi saphalā putradā tathā || ṣaṭtilākhyā jayākhyā ca vijayā''malakīti ca
1.4
pāpamocanikākhyā ca kāmadā ca varūthinī || mohinī cāparākhyā ca nirjalā yoginī tathā
1.5
viṣṇordevasya śayanī pavitrā putradā tvajā || parivartinīṃdirākhyā tathā pāśāṃkuśā ramā
1.6
devotthānīti ca proktāścaturviṃśatināmabhiḥ || dve cāpyadhikamāsasya padminī parameti ca
1.7
anvarthāni ca nāmāni sarvāsāṃ viddhi niścitam
taddhi sarvaṃ kathābhistu sphuṭatāṃ yāsyati dhruvam
1.8
vratamudyāpanaṃ cāsāṃ yadi kartuṃ na śaknuyāt || tadā
saṃkīrttanānnāmnāṃ sadyastatphalamāpnuyāt
Linked texts (1)
- Ṣaḍviṃśatyekādaśīmāhātmya — Sanskrit